21-6-2025 (శనివారం)
కవిమిత్రులారా,
ఈరోజు పూరింపవలసిన సమస్య ఇది...
“తలలోఁ జేరినవి పెక్కు దంతావళముల్”
(లేదా...)
“తలలోఁ జేరి పరిభ్రమించెను మహాదంతావళమ్ముల్ వడిన్”
కలలో జూసిన గజములదలపును మరువక మునుపె , యుదయమున లేవన్అలవోకగ జేసిన కవితలలోఁ జేరినవి పెక్కు దంతావళముల్
మీ పూరణ బాగున్నది. అభినందనలు.
కందంతొలిపూజ గణపతికిడన్దలపుల మఱచియుఁ బనుల మొదలిడుచు సాగన్గలవరపాటున నా చింతలలోఁ జేరినవి పెక్కు దంతావళముల్!మత్తేభవిక్రీడితముతొలిపూజన్ గజ వక్త్రునెంచ మరువన్ దోషమ్మటంచున్ జనుల్బలుమారుల్ వచియించినన్ పనులనే ప్రారంభమున్ జేయఁగన్సలుపంగన్ గట! విఘ్నముల్ మదిని పశ్చాత్తాపముప్పొంగ జింతలలోఁ జేరి పరిభ్రమించెను మహాదంతావళమ్ముల్ వడిన్!
చెలిమరియె కోరె నని తానవలీలగ వ్రాసె నాత డాలయ చరితన్ బలువురు పొగడెడతని వ్రాతలలోఁ జేరినవి పెక్కు దంతావళముల్పలు ప్రాంతమ్ములలోని దేవలములన్ వర్ణింపగా నెంచి కోవెలలోనుండెడి సంప్రదాయములలో వింతల్ వినోదమ్ములన్ బలు రీతుల్ వివరించె నాతడు కృతిన్ బద్యాలలో వారి వ్రాతలలోఁ జేరి పరిభ్రమించెను మహాదంతావళమ్ముల్ వడిన్.
ఈ కామెంట్‌ను రచయిత తీసివేశారు.
కం॥ఇలలో బాధలు విడువకఁగలతలఁ బెట్టఁగఁ దలఁపుల గడబిడ వరలన్విలవిలలాడుచు నెంచితితలలోఁ జేరినవి పెక్కు దంతావళముల్మ॥ ఇలలో బాధల సంచయమ్ము ధృడమై యీరీతి సంక్లిష్టమైకలతల్ వీడక జీవితమ్ముచనఁగన్ గష్టంబు మిన్నంటి విహ్వలతన్ బొందఁగ యోచనా కడలి భావావేశ సంజాతమైతలలోఁ జేరి పరిభ్రమించెను మహాదంతావళమ్ముల్ వడిన్ తలపు ఆలోచనMetaphor అండి (తెలుగులో రూపకమనుకుంటాను)
తిలకించిన పర్వతములఁదలపించును సామజములు దట్టపుటడవిన్దలకోన దాపునన్ బుంతలలోఁ జేరినవి పెక్కు దంతావళముల్తలపించున్ వసుధాధరంబులను మాతంగమ్ములిచ్చోటనేపలుసందర్భములందుఁ గంటిమిగదా వార్తావిశేషంబులైతలకోనన్ నివసించుచున్నవి కదా తామున్న ప్రాంతాన పుంతలలోఁ జేరి పరిభ్రమించెను మహాదంతావళమ్ముల్ వడిన్
మీ పూరణలు ప్రశస్తంగా ఉన్నవి. అభినందనలు.
ధన్యవాదాలు గురూజీ 🙏
చెలువపు రచనలు జేసెడి విలసిత కవి శే ఖ రుండు వివిధ రకము లౌ పలువిధ ఛ o ద ము లౌ కవి తల లో చేరినవి పెక్కు దంతా వ ళ ముల్
కం:తిలకించగ తిరుమలలోగల గజమును,భాగవతపు గజము, చవితి గాధల గజ,మింద్రగజాదిగతలలోఁ జేరినవి పెక్కు దంతావళముల్”(తిరుమల లోని ఒక ఏనుగుని చూస్తే పై ఏనుగులు గుర్తొచ్చాయి.)
మ:తొలిదౌ నాది శతావధానమని గీతుల్ జెప్పగా నాశువుల్సులువౌ నంచు దలంచ వాణి దయతో సొంపైన సీసాలు,మాలలు,శార్దూలము లెన్నొ వచ్చినవి హేలన్ జూపుచున్ ఠీవి తోతలలోఁ జేరి పరిభ్రమించెను మహాదంతావళమ్ముల్ వడిన్”(శతావధానం కొత్తగా చేస్తున్నా కదా! ఆశువులని తేటగీతుల్లో చెపుదామని అవధాని గారు అనుకున్నారు కానీ అమ్మ దయతో మత్తేభాలతో సహా అన్ని ఛందస్సులలో పద్యాలు వచ్చాయి.దంతావళమ్ముల్ అంటే మత్తేభవృత్తాలు అనే అర్థం లో.)
తలయే ఘోరారణ్యము బలిసిన పేలే కరు లనఁ బర్వత సదృశమ్ము లయి చెలరేఁగు చుండఁగఁ దలలోఁ జేరినవి పెక్కు దంతావళముల్ ఇలలో వీని భరింపఁ గష్ట మని యెంతే నాత్మలం దల్చి చింతలలో మున్గిన మావటీండ్లు తమ సంతాపమ్ము వాపంగ వింతలలో వింతగ నుంచ నమ్ముటకు నుత్సాహమ్ము పెంపొంద సంతలలోఁ జేరి పరిభ్రమించెను మహాదంతావళమ్ముల్ వడిన్
కలలో గాంచితి జంగలమ్మున మహాకాయంపు మార్జాలమున్తలలో నాల్కగ మేకలున్ పులులతో తారాడగా గాంచితిన్పలుమారుల్ గహనాంతరమ్మున మహాపంచాస్యముల్ స్రుక్క గుంతలలోఁ జేరి పరిభ్రమించెను మహాదంతావళమ్ముల్ వడిన్
సమస్య:తలలోఁ" జేరి, పరిభ్రమించెను మహాదంతావళమ్ముల్ వడిన్. మత్తేభము:పలురీతిన్ సమరంబు సేసి పిలిచెన్, ప్రాణంబు గాపాడగన్ కలలో జూచిన రీతినే పిలువగా కాపాడ యెంచెన్ హరిన్ సలిలంబే యెరుపెక్క చక్రి మకరిన్ జంపన్, గనెన్ యూధముల్ తలలోఁ" జేరి, పరిభ్రమించెను మహాదంతావళమ్ముల్ వడిన్. (తల = చోటు, రంగము, ప్రదేశము, ముందుభాగము)
పలువిధములఛందములనుపలు రీతులుగాను మదిని వ్రాయగ నెంచన్నలవోకగచేరెనపుడె*"తలలోఁ జేరినవి పెక్కు దంతావళముల్”*కలికాలమ్మిదిగాంచుచుండగనిలన్ గాండ్రింపులున్ హెచ్చగాకలతల్ నిండెమనంబునన్ పెరిగె నాకర్ణమ్ములందున్ వినన్జలముల్ కన్నులయందుధారగనటన్ జారంగకాయంబుతా*“తలలోఁ జేరి పరిభ్రమించెను మహాదంతావళమ్ముల్ వడిన్”*
కలలో జూసిన గజముల
రిప్లయితొలగించండిదలపును మరువక మునుపె , యుదయమున లేవన్
అలవోకగ జేసిన కవి
తలలోఁ జేరినవి పెక్కు దంతావళముల్
మీ పూరణ బాగున్నది. అభినందనలు.
తొలగించండికందం
రిప్లయితొలగించండితొలిపూజ గణపతికిడన్
దలపుల మఱచియుఁ బనుల మొదలిడుచు సాగన్
గలవరపాటున నా చిం
తలలోఁ జేరినవి పెక్కు దంతావళముల్!
మత్తేభవిక్రీడితము
తొలిపూజన్ గజ వక్త్రునెంచ మరువన్ దోషమ్మటంచున్ జనుల్
బలుమారుల్ వచియించినన్ పనులనే ప్రారంభమున్ జేయఁగన్
సలుపంగన్ గట! విఘ్నముల్ మదిని పశ్చాత్తాపముప్పొంగ జిం
తలలోఁ జేరి పరిభ్రమించెను మహాదంతావళమ్ముల్ వడిన్!
రిప్లయితొలగించండిచెలిమరియె కోరె నని తా
నవలీలగ వ్రాసె నాత డాలయ చరితన్
బలువురు పొగడెడతని వ్రా
తలలోఁ జేరినవి పెక్కు దంతావళముల్
పలు ప్రాంతమ్ములలోని దేవలములన్ వర్ణింపగా నెంచి కో
వెలలోనుండెడి సంప్రదాయములలో వింతల్ వినోదమ్ములన్
బలు రీతుల్ వివరించె నాతడు కృతిన్ బద్యాలలో వారి వ్రా
తలలోఁ జేరి పరిభ్రమించెను మహాదంతావళమ్ముల్ వడిన్.
ఈ కామెంట్‌ను రచయిత తీసివేశారు.
రిప్లయితొలగించండికం॥ఇలలో బాధలు విడువకఁ
రిప్లయితొలగించండిగలతలఁ బెట్టఁగఁ దలఁపుల గడబిడ వరలన్
విలవిలలాడుచు నెంచితి
తలలోఁ జేరినవి పెక్కు దంతావళముల్
మ॥ ఇలలో బాధల సంచయమ్ము ధృడమై యీరీతి సంక్లిష్టమై
కలతల్ వీడక జీవితమ్ముచనఁగన్ గష్టంబు మిన్నంటి వి
హ్వలతన్ బొందఁగ యోచనా కడలి భావావేశ సంజాతమై
తలలోఁ జేరి పరిభ్రమించెను మహాదంతావళమ్ముల్ వడిన్
తలపు ఆలోచన
Metaphor అండి (తెలుగులో రూపకమనుకుంటాను)
తిలకించిన పర్వతములఁ
రిప్లయితొలగించండిదలపించును సామజములు దట్టపుటడవిన్
దలకోన దాపునన్ బుం
తలలోఁ జేరినవి పెక్కు దంతావళముల్
తలపించున్ వసుధాధరంబులను మాతంగమ్ములిచ్చోటనే
పలుసందర్భములందుఁ గంటిమిగదా వార్తావిశేషంబులై
తలకోనన్ నివసించుచున్నవి కదా తామున్న ప్రాంతాన పుం
తలలోఁ జేరి పరిభ్రమించెను మహాదంతావళమ్ముల్ వడిన్
మీ పూరణలు ప్రశస్తంగా ఉన్నవి. అభినందనలు.
తొలగించండిధన్యవాదాలు గురూజీ 🙏
తొలగించండిచెలువపు రచనలు జేసెడి
రిప్లయితొలగించండివిలసిత కవి శే ఖ రుండు వివిధ రకము లౌ
పలువిధ ఛ o ద ము లౌ కవి
తల లో చేరినవి పెక్కు దంతా వ ళ ముల్
కం:తిలకించగ తిరుమలలో
రిప్లయితొలగించండిగల గజమును,భాగవతపు గజము, చవితి గా
ధల గజ,మింద్రగజాదిగ
తలలోఁ జేరినవి పెక్కు దంతావళముల్”
(తిరుమల లోని ఒక ఏనుగుని చూస్తే పై ఏనుగులు గుర్తొచ్చాయి.)
మ:తొలిదౌ నాది శతావధానమని గీతుల్ జెప్పగా నాశువుల్
రిప్లయితొలగించండిసులువౌ నంచు దలంచ వాణి దయతో సొంపైన సీసాలు,మా
లలు,శార్దూలము లెన్నొ వచ్చినవి హేలన్ జూపుచున్ ఠీవి తో
తలలోఁ జేరి పరిభ్రమించెను మహాదంతావళమ్ముల్ వడిన్”
(శతావధానం కొత్తగా చేస్తున్నా కదా! ఆశువులని తేటగీతుల్లో చెపుదామని అవధాని గారు అనుకున్నారు కానీ అమ్మ దయతో మత్తేభాలతో సహా అన్ని ఛందస్సులలో పద్యాలు వచ్చాయి.దంతావళమ్ముల్ అంటే మత్తేభవృత్తాలు అనే అర్థం లో.)
తలయే ఘోరారణ్యము
రిప్లయితొలగించండిబలిసిన పేలే కరు లనఁ బర్వత సదృశ
మ్ము లయి చెలరేఁగు చుండఁగఁ
దలలోఁ జేరినవి పెక్కు దంతావళముల్
ఇలలో వీని భరింపఁ గష్ట మని యెంతే నాత్మలం దల్చి చిం
తలలో మున్గిన మావటీండ్లు తమ సంతాపమ్ము వాపంగ విం
తలలో వింతగ నుంచ నమ్ముటకు నుత్సాహమ్ము పెంపొంద సం
తలలోఁ జేరి పరిభ్రమించెను మహాదంతావళమ్ముల్ వడిన్
కలలో గాంచితి జంగలమ్మున మహాకాయంపు మార్జాలమున్
రిప్లయితొలగించండితలలో నాల్కగ మేకలున్ పులులతో తారాడగా గాంచితిన్
పలుమారుల్ గహనాంతరమ్మున మహాపంచాస్యముల్ స్రుక్క గుం
తలలోఁ జేరి పరిభ్రమించెను మహాదంతావళమ్ముల్ వడిన్
సమస్య:
రిప్లయితొలగించండితలలోఁ" జేరి, పరిభ్రమించెను మహాదంతావళమ్ముల్ వడిన్.
మత్తేభము:
పలురీతిన్ సమరంబు సేసి పిలిచెన్, ప్రాణంబు గాపాడగన్
కలలో జూచిన రీతినే పిలువగా కాపాడ యెంచెన్ హరిన్
సలిలంబే యెరుపెక్క చక్రి మకరిన్ జంపన్, గనెన్ యూధముల్
తలలోఁ" జేరి, పరిభ్రమించెను మహాదంతావళమ్ముల్ వడిన్.
(తల = చోటు, రంగము, ప్రదేశము, ముందుభాగము)
పలువిధములఛందములను
రిప్లయితొలగించండిపలు రీతులుగాను మదిని వ్రాయగ
నెంచన్
నలవోకగచేరెనపుడె
*"తలలోఁ జేరినవి పెక్కు దంతావళముల్”*
కలికాలమ్మిదిగాంచుచుండగనిలన్ గాండ్రింపులున్ హెచ్చగా
కలతల్ నిండెమనంబునన్ పెరిగె నాకర్ణమ్ములందున్ వినన్
జలముల్ కన్నులయందుధారగనటన్ జారంగకాయంబుతా
*“తలలోఁ జేరి పరిభ్రమించెను మహాదంతావళమ్ముల్ వడిన్”*
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండి