కవిమిత్రులారా,
ఈరోజు పూరించవలసిన సమస్య ఇది...
రామచంద్రుండు శయనించె రంభతోడ.
14, మే 2016, శనివారం
పద్యరచన - 1222
కవిమిత్రులారా,
“పిలువకురా యలుగకురా...”
ఇది పద్యప్రారంభం. దీనిని కొనసాగిస్తూ మీకు నచ్చిన అంశంపై పద్యాన్ని వ్రాయండి.
13, మే 2016, శుక్రవారం
సమస్య - 2032 (తొలుత మ్రొక్కంగ...)
కవిమిత్రులారా,
ఈరోజు పూరించవలసిన సమస్య ఇది...
తొలుత మ్రొక్కంగవలె నెల్ల దుర్జనులకు.
12, మే 2016, గురువారం
ఖండకావ్యము - 22
శివశివా!
రచన : మిస్సన్న
సీ. గంగమ్మ తలపైన గంతులేయుచు నుండ
కలత లేదా నీలకంఠ నీకు?
పార్వతి సగమేను పంచుకొన్నను గాని
వెలితి లేదా నీకు విశ్వనాథ?
పాములు మేనిపై ప్రాకుచున్నను నీకు
వెలపరమ్మే లేద వేదవేద్య?
చితిబూది పూసుక చిందు లేసెడి నీకు
చింతలే లేవేమి చిచ్చుకంటి?
తే.గీ. మంచు కొండ గూడు! మంచినీరు విషమ్ము!
భూత ప్రేత తతులు భూరి జనము!
చేత భిక్ష పాత్ర ! చిరునగ వెట్లౌను
శివము లిచ్చు టెట్లు శివశివయన?
ఆ.వె. నెత్తిపైన గొప్ప నీటి యూటను బెట్టి
మంచు కొండలందు మసలు చుండి
నీటి ధారలందు నిత్యము నానినన్
జలుబు లేద నీకు చకిత మౌను!
ఆ.వె. కార్తిక ప్రభాత కాలమందున మాకు
స్నాన మాచరింప జంకు చలికి
మంచు కొండ పైన మసలుదు వీవెట్లు ?
చలిని గెల్చు నట్టి సులువు చెప్పు.
ఆ.వె. రెండు కనుల మాకు రేయంత కలలౌను
పగటి కలల గల్గు పరవశమ్ము
మూడు కన్నులున్న ముక్కంటివే నీవు!
కలలు రావె చిచ్చుకంటి నీకు?
ఆ.వె. ఎండ వేడి మాకు, నిచ్చు వేడిని నిప్పు
కోప తాపములను గొప్ప వేడి
చిచ్చుకంటి వీవు చితిభూమి ప్రియమేమి
వేడి లేద నీకు విశ్వమూర్తి!
ఆ.వె. శివ శివా యనంగ శివముల నిత్తువే
యిట్టి పాటు లేల నిందు ధారి!
శంకరా! యెరుంగ శక్యమే ధాత్రి నీ
తత్త్వ మెవరి కైన తలచు కొలది.
సమస్య - 2031 (కింకరుఁడే రాజయి...)
కవిమిత్రులారా,
ఈరోజు పూరించవలసిన సమస్య ఇది....
కింకరుఁడే రాజయి ఘనకీర్తినిఁ బొందెన్.
ఈ సమస్యను సూచించిన కందుల వరప్రసాద్ గారికి ధన్యవాదాలు.
11, మే 2016, బుధవారం
ఖండకావ్యము - 21
నవవిధ భక్తి నివేదనము
రచన : శిష్ట్లా. వి. ఎల్. ఎన్. శర్మ
సీ. శ్రవణంబు నందుచు చరణాబ్జములఁ గొల్తు
కీర్తనామృతధార గేయ మిత్తు
స్మరణ జేయుదు నీదు మహిమావిశేషంబు
పాదసేవనమందు ప్రాపు గొందు
అర్చనంబును జేతు నహరహమ్ము మదిలో
వందనంబులు జేతు వాసుదేవ!
దాస్యమ్ము జేయుదు దగ నీకు ధరలోన
సఖ్యమ్ముఁ బాటింతు ప్రాఖ్య! వినుమ!
తే. పరగనాత్మ నివేదన పథము నెరిగి
నిన్ను జేర గోరెద నాపన్నహస్త
అన్ని జీవులం దలరారు నాత్మవీవు
నన్ను దరిజేర్చి నిలుపు నీ కన్నులందు!
చ. నవవిధ భక్తి మార్గముల నమ్మి నుతించెదనో మహాత్మ! నా
భవము ప్రదీప్తమౌనటుల భావ ప్రభావ విభా పథంబులన్
తవపద చింతనాద్భుత విధానము జేగొని లోకపాల! మా
ధవ! నిను మానసమ్ముననె ధ్యానము జేసెద నూర్జితమ్ముగన్!
సమస్య - 2030 (కోతిని పెండ్లాడి...)
కవిమిత్రులారా,
ఈరోజు పూరించవలసిన సమస్య ఇది....
కోతిని పెండ్లాడి నాతి కొమరునిఁ బడసెన్.
10, మే 2016, మంగళవారం
సమస్య - 2029 (మాట నిలుకడ లేకున్న...)
కవిమిత్రులారా,
ఈరోజు పూరించవలసిన సమస్య ఇది....
మాట నిలుకడ లేకున్న మాన్యుఁ డగును.
దీనికి సబ్‌స్క్రయిబ్ చేయి:
పోస్ట్‌లు (Atom)