కవిమిత్రులు గుండు మధుసూదన్ గారికి నమస్సులు. చాల మంచి భావంతో అలరారుచున్నది మీ పూరణ. అభినందనలు. మీ పద్యం చదువగా రామకృష్ణ పరమహంస చెప్పిన కథ గుర్తుకు వచ్చినది.( సాధువు-తేలు-నదీస్నానం)
1 వ పూరణం విఘ్నముల దొలగించ నా విఘ్నపతికి మ్రొక్కుటెప్పుడు? జగదేక మూర్తి విష్ణు చేతి చక్రమ్ము నెవరికి చేటు యౌను? దొలుత మ్రొక్కంగ వలెనెల్ల దుర్జనులకు
గుళ్ళపల్లి తిరుమల కాంతికృష్ణ 2 పూపూరణము కామ క్రోధ వశమున చీకాకు జెంది సంఘ వ్యతిరేక గార్యాల సాగుచుండి మాట జెప్పిన యంతనే మనసు మార దొలుత మ్రొక్కంగ వలెనెల్ల దుర్జనులకు గుళ్ళపల్లి తిరుమల కాంతికృష్ణ
సుకవి మిత్రులు కామేశ్వర రావు గారికి నమస్సులు! మీ పూరణము బాగున్నది.
ప్రథమ పాదాంతాన... లేక...వ్యతిరేకార్థకము. ఇది నకారాంతము కాదు. దీనికి తదుపరి అచ్చువస్తే యడాగమం చేయాలి. ...లేక/నక్కసు...అనరాదు...లేక/యక్కసు...అనాలి. స్వస్తి.
మీ పూరణ బాగున్నది. అభినందనలు. కాని ఒక్క సందేహం. కావ్యరచనలో పాటించే క్రమం ఇది కదా! దైవస్తుతి,సుకవిస్తుతి, కుకవినింద... మీరు మొదటనే కుకవి నిందను ప్రస్తావించారు.
గురువుగారికి నమస్కారం. ముందు అంటే నా ఉద్దేశం దైవమును, సుకవులను కాదని కుకవులను ప్రస్తావించారని కాదు. కుకవులకు కూడా ఆదిలోనే నా జోలికి రావద్దని ఒక నమస్కారం పెట్టేసారని.
ధర్మ సంస్థాపనార్థాయ యుగే యుగే అన్నది భగవద్వాక్యం అది జరగాలంటే ధర్మగ్లాని జరగాలి దానిని జరిగేట్లు చేసేవారు దుర్జనులే మరి అవతారమూర్తిని ఆహ్వానించే వారికి తొలుత నమస్కరించటం మంచిదే కదా!
అయ్యా చేపూరి శ్రీరామారావు గారూ! గురువుగారు చెప్పినట్లు 1,2 పాదాల్లో యతి తప్పినది. మదాంద టైపింగ్ పొరపాటు కావచ్చు. ధన+మద+అంధ = ధనమదాంధ. మొదటి పాదంలో హల్ మైత్రి కుదిరినా అచ్ మైత్రి కుదరలేదు. (అ,ఆ,ఐ,ఔ) లు వేరు (ఉఊఒఓ) లు వేరు. కాబట్టి “దు” కి “ధ”కి యతి చెల్లదు. అలాగే 2 వపాదంలోని “లె” కిని “ల” కును యతి కుదరదు. ప్రస్తుత సామాజిక, రాజకీయ పరిస్థితులు మీరు చేప్పినట్లుగనే యున్నవి. పద్యం బాగున్నది. మీకభ్యంతరం లేనిచో మీభావము దెబ్బతినకుండగ చిన్ని మార్పులతో ఈ పద్యాన్ని పరిశీలించండి.
దుర్జనులె నాయకులగుచు దోచుచుండ లాలస సచివులె పరిపాలనము సేయ తప్పక జనులు భయపడి తలలు వంచి తొలుత మ్రొక్కంగవలెనెల్ల దుర్జనులకు
తెనుగు భాషాక్షేత్రమున హాలికులై పద్య సస్యశ్యామలము చేయు చదువరులు శ్రీ శ్యామలరావు గారికి నమస్సులు. చేపూరి వారి పద్యాన్ని మార్చకుండగ యతి కోసం మాత్రమే పదాల మార్పు చేసితిని. మీపూరణ కడు రమ్యముగానున్నది. చేయి తిరిగిన వారి చేత బడిన అందమునకు కొదవేముండును. ధన్యవాదములు.
గురువులు శంకరయ్య గారికి, మాన్యులు మిస్సన్న గారికి మా తాతగారి స్నేహితులు శ్రీ పోచిరాజు సుబ్బారావు గారికి పండిత పెద్దలందరికి నమస్కారములు. ఇది నా జీవితంలో మొట్ట మొదటి పద్య ప్రయత్నము. మీ అందరి ఆశీస్సులు కోరుచూ……………….. అనంత శర్మ తోపెల్ల
అడ్డ దారిని జేరుచు నడుగులేయ పెద్ద మేడలు గట్టెడి పెను తపనను మనము నందున బూనుచు మసలు వాడు తొలుత మ్రొక్కంగవలెనెల్ల దుర్జనులకు
తోపెల్ల అనంత శర్మ గారూ, శంకరాభరణం బ్లాగు మీకు స్వాగతం పలుకుతున్నది. మొదటి ప్రయత్నమైనా నిర్దోషంగా పద్యాన్ని వ్రాసారు. సంతోషం. మీ పూరణ బాగున్నది. అభినందనలు.
కాని పనులను జేయుచు కలత బెడుచు
రిప్లయితొలగించండిహాని తలపెట్టి బాధింతు రవని పైన
మనుజ లోకాన దిరిగెడు దనుజు లనగ
తొలుత మ్రొక్కంగవలె నెల్ల దుర్జను లకు
అక్కయ్యా,
తొలగించండిమీ పూరణ బాగున్నది. అభినందనలు.
‘పెడుచు’ అనడం సాధువు కాదు. అక్కడ ‘కలత బెట్టి’ అనండి.
కాని పనులను జేయుచు కలత బెట్టి
తొలగించండిహాని తలపెట్టి బాధింతు రవని పైన
మనుజ లోకాన దిరిగెడు దనుజు లనగ
తొలుత మ్రొక్కంగవలె నెల్ల దుర్జను లకు
శుభోదయం !
రిప్లయితొలగించండిహృదయపు కుహురమున యున్న హృత్తు తెలిసి
తొలుత మ్రొక్కంగవలె, నెల్ల దుర్జనులకు
తొలగ వలె దూరము జిలేబి, తోడు గలడు
ఈశు డతడనాది పురుష, నీర జాక్షి !
సావేజిత
జిలేబి
మీ పూరణ బాగున్నది. అభినందనలు.
తొలగించండిమొదటిపాదంలో ‘హృదయము, హృత్తు’ అని పునరుక్తం. ‘కుహరమున+ఉన్న= కుహరమున నున్న’ అవుతుంది. యడాగమం రాదు. అలాగే ‘..గలడు+ఈశు’డని విసంధిగా వ్రాయరాదు. నా సవరణ....
‘హృదయకుహరము నందున్న యెఱుకఁ దెలిసి... గలడు|నీలగళుఁ డాదిపురుషుండు (శివపరంగా) నీరజాక్షి’ లేదా ‘నీలకాయుఁ డనంతుండు (విష్ణుపరంగా) నీరజాక్షి’ అనండి.
జాలి జూపుచు పీడిత జనుల పట్ల
రిప్లయితొలగించండిసాయ పడువాని మన్నించి సాగిలపడి
తొలుత మ్రొక్కంగవలె , నెల్ల దుర్జనులకు.
మోము వంచి కపటముతో మ్రొక్కనేల ?
మీ పూరణ బాగున్నది. అభినందనలు.
తొలగించండిసాధు బీదలకు తగిన సాయ మిచ్చి
రిప్లయితొలగించండిఅదుకొను ప్రజా ప్రతినిథుల నాద రించి
తొలుత మ్రొక్కంగవలె , నెల్ల దుర్జనులకు
ఓటు నివ్వగ జనులెల్ల యూగు టేల ?
మీ రెండవ పూరణ బాగున్నది. అభినందనలు.
తొలగించండి‘సాధు బీదలు’ అని సమాసం చేయరాదు. ‘సాధు దీనులకు...’ అనండి. ‘జనులెల్ల నూగుటేల’ అనండి.
చెడును చేేయకు, వినకుము, జూడకుమని
రిప్లయితొలగించండిజెప్పు నార్యోక్తి విలువల గొప్ప దెలియ
వెలచు కొనగను మనలోని మలినములను
తొలుత మ్రొక్కంగ వలె నెల్ల దుర్జనులకు!
వెలచు=శుద్ధిచేయు
మీ పూరణ బాగున్నది. అభినందనలు.
తొలగించండిడా .ఎన్.వి.ఎన్.చారి గారి పూరణ....
రిప్లయితొలగించండివిలువల వలువ లనువిప్పి కలత నింపు
తులువ లవలనే నష్టంబు కలుగు చుండు
వారు మారిన శుభములు కలుగు ననగ
తొలుత మ్రొక్కంగవలె నెల్ల దుర్జనులకు
మీ పూరణ బాగున్నది. అభినందనలు.
తొలగించండి‘వలననే’ అనడం సాధువు. అక్కడ ‘తులువల వలన’ అనండి.
అంజయ్య గౌడ్ గారి పూరణ...
రిప్లయితొలగించండికంచు మ్రోగిన యట్టుల కనక మిలను
మ్రోగబోదనె నానుడి మున్నె యుండె
మంచి వారలు ధరలోన మరుగు పడగ
తొలుత మ్రొక్కంగ వలె నెల్ల దుర్ఙనులకు
మీ పూరణ బాగున్నది. అభినందనలు.
తొలగించండి‘మ్రోగబోదను నానుడి’ అనండి.
డా సముద్రాల శ్రీనివాసాచార్య skno2036 కవితసంఖ్య8
రిప్లయితొలగించండికామ క్రోధ లోభములును కష్ట పెట్టు
మోహ మత్సర మదములు మోస గింపు
అట్టి యరిషడ్వర్గమ్ముల అంతరింప
తొలుత మ్రొక్కంగ వలెనెల్ల దుర్జనులకు
మీ పూరణ బాగున్నది. అభినందనలు.
తొలగించండి‘అరిషడ్వర్గమ్ముల’ అన్నచోట గణదోషం. ‘అట్టి శత్రు షడ్వర్గమ్ము నంతరింప’ అనండి. అలాగే పైన ‘మోసగించు’ అంటే అన్వయం కుదురుతుంది.
మిత్రులందఱకు నమస్సులు!
రిప్లయితొలగించండిదుర్జనత్వమ్ము నంతయుఁ దొలఁగఁ ద్రోచి,
సాధు గుణముల నెల్లను సత్వరమె ప్ర
తిగ్రహించి, మనీషిగ దీప్తినందఁ,
దొలుత మ్రొక్కంగ వలె నెల్ల దుర్జనులకు!
కవిమిత్రులు గుండు మధుసూదన్ గారికి నమస్సులు. చాల మంచి భావంతో అలరారుచున్నది మీ పూరణ. అభినందనలు. మీ పద్యం చదువగా రామకృష్ణ పరమహంస చెప్పిన కథ గుర్తుకు వచ్చినది.( సాధువు-తేలు-నదీస్నానం)
తొలగించండిమీ పూరణ బాగున్నది. అభినందనలు.
తొలగించండిసుకవి మిత్రులు తోపెల్ల బాలసుబ్రహ్మణ్య శర్మ గారికి నమస్సులు...ధన్యవాదములు!
తొలగించండివిద్వన్మిత్రులు శంకరయ్య గారికి నమస్సులు...ధన్యవాదములు!
డా సముద్రాల శ్లీనివాసాచార్య skno2036 కవిత సంఖ్య8
రిప్లయితొలగించండికామ క్రోథ లోబములును కష్ఠ పెట్టు
మోహ మాత్సర్య మదములు మోసగించు
నట్టి యరిషడ్గణమ్ముల నంతరింప
దొలుత మ్రొక్కంగ వలెనెల్ల దుర్జనులకు
సవరించిన పద్యము
మీ సవరణను నేను చూడకుండా సూచన లిచ్చాను. మీ సవరణ బాగుంది. అభినందనలు.
తొలగించండివిఘ్నముల బాపు కొఱకునై విఘ్ననాధు
రిప్లయితొలగించండిదొలుత మ్రొక్కంగ వలె ,నెల్ల దుర్జనులకు
దగిన శిక్షను వేయగ దగును సుమ్ము
చెడ్డ పనులను భావిని జేయ కునికి
మీ పూరణ బాగున్నది. అభినందనలు.
తొలగించండిఉదయమున లేచి రామున కుల్లమందు
రిప్లయితొలగించండితొలుత మ్రొక్కంగవలె నెల్ల దుర్జనులకు
నెల్ల దుర్వర్తనములకు నెడము చేసి
నేడు రక్షించవే యని వేడుకొనుచు
మీ పూరణ బాగున్నది. అభినందనలు.
తొలగించండిథన్యవాదములు డా సముద్రాల శ్రీనివాసాచార్య
తొలగించండి1 వ పూరణం
రిప్లయితొలగించండివిఘ్నముల దొలగించ నా విఘ్నపతికి
మ్రొక్కుటెప్పుడు? జగదేక మూర్తి విష్ణు
చేతి చక్రమ్ము నెవరికి చేటు యౌను?
దొలుత మ్రొక్కంగ వలెనెల్ల దుర్జనులకు
గుళ్ళపల్లి తిరుమల కాంతికృష్ణ
2 పూపూరణము
కామ క్రోధ వశమున చీకాకు జెంది
సంఘ వ్యతిరేక గార్యాల సాగుచుండి
మాట జెప్పిన యంతనే మనసు మార
దొలుత మ్రొక్కంగ వలెనెల్ల దుర్జనులకు
గుళ్ళపల్లి తిరుమల కాంతికృష్ణ
మీ రెండు పూరణలు బాగున్నవి. అభినందనలు.
తొలగించండిమొదటి పూరణలో ‘చక్ర మెవ్వారికి జేటుదెచ్చు’ అనండి.
రెండవపూరణలో ‘వ్యతిరేక కార్యాల’ అనండి.
ప్రతి దినారంభమూ జన్మ ప్రదులకేను
రిప్లయితొలగించండితొలుత మ్రొక్కంగవలె, నెల్ల దుర్జనులకు
దూరముగనుండవలె, సజ్జనుల సమాగ
మంబు చేయవలె, నిదియె మంత్రముగను||
మీ పూరణ బాగున్నది. అభినందనలు.
తొలగించండి‘జన్మ ప్రదులకేను’...?
దైత్య సంతతి చిత్తంపు వృత్తు లందు
రిప్లయితొలగించండికలిసి యుండుట నిక్కంబు కలియుగాన
సజన దుర్జన భేదంబు సాగదింక
తొలుత మ్రొక్కంగ వలె నెల్ల దుర్జనులకు
మీ పూరణ బాగున్నది. అభినందనలు.
తొలగించండి‘సజన’ విషయంలో కాస్త సందేహం!
చిత్త వృత్తుల దనుజుల జీవ యాత్ర
తొలగించండికలిసి యుండుట నిక్కంబు కలియుగాన
సుజన దుర్జన భేదంబు చూపదగదు
తొలుత మ్రొక్కంగ వలె నెల్ల దుర్జనులకు
ధన్య వాదములు గురువుగారు, సవరించాను. మొదటి పాదంలో యతి దోషం కూడా చూసుకోలేదు. అది కూడా సవరించాను.
యతిదోషాన్ని నేను గమనించలేదు. సవరించినందుకు సంతోషం!
తొలగించండిఈ కామెంట్‌ను రచయిత తీసివేశారు.
రిప్లయితొలగించండిజన్మ నిచ్చినట్టి జనని జనకులకును
రిప్లయితొలగించండిచదువు నేర్పెడి గురునకు, సజ్జనులకు
తొలుత మ్రొక్కంగ వలె, నెల్ల దుర్జనులకు
కేలుమోడుచు నున్నచో నేమి ఫలము? !!!
మీ పూరణ బాగున్నది. అభినందనలు.
తొలగించండిక్రూర నేరాలననచగా ప్రభుత యెన్ని
రిప్లయితొలగించండిచట్టముల దెచ్చినను గాని వట్టివాయె
తొలుత మ్రొక్కంగవలె నెల్ల దుర్జనులను
మార్చుమనుచునందరమమ్మ,మారి యెదుట
మీ పూరణ బాగున్నది. అభినందనలు.
తొలగించండి‘దుర్జనులకు’ను మీరు ‘దుర్జనులను’ అని మార్పు చేశారు. సమస్యను మార్చకూడదు.
బడుగువారల సేవలో పరవశించి
రిప్లయితొలగించండిమంచిమార్గముఁజనువారి కంచితముగ
తొలుత మ్రొక్కం గవలె, నెల్ల దుర్జనులకు
సతముదూరముగానున్న జరుగు మేలు
మీ రెండవ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిపెక్కు చిక్కుల స్రుక్కుచు దిక్కు లేక
తొలగించండినక్కసు మనము నందునఁ బిక్కటిల్ల
రక్కసుడు రాజ్య మేలంగ నుక్కు దక్కి
తొలుత మ్రొక్కంగవలె నెల్ల దుర్జనులకు.
సుకవి మిత్రులు కామేశ్వర రావు గారికి నమస్సులు! మీ పూరణము బాగున్నది.
తొలగించండిప్రథమ పాదాంతాన... లేక...వ్యతిరేకార్థకము. ఇది నకారాంతము కాదు. దీనికి తదుపరి అచ్చువస్తే యడాగమం చేయాలి. ...లేక/నక్కసు...అనరాదు...లేక/యక్కసు...అనాలి. స్వస్తి.
మధుసూదన్ గారు నమస్సులు. సవరణకు ధన్యవాదములు. “దిక్కు లేకను + అక్కసు” అనుకొని వ్రాసాను.
తొలగించండిమీ పూరణ బాగున్నది. అభినందనలు.
తొలగించండికార్యమేదైన ప్రారంభ కాలమందు
రిప్లయితొలగించండివిఘ్నమన్నది లేకుండ విఘ్న రాజు
దొలుత మ్రొక్కంగ వలె;నెల్ల దుర్జనులకు
దూరముగనున్న జయము చేకూరు నిజము.
మీ పూరణ బాగున్నది. అభినందనలు.
తొలగించండి
రిప్లయితొలగించండిభార్య పిల్లల బాదియు బాధపెట్టు
కన్న వారిని కానక కలత పెట్టు
చేయ వలదిట్టి పనులని చేతులెత్తి
తొలుత మ్రొక్కంగవలె నెల్ల దుర్జ నులకు
🙏 చెన్నకేశవ, రాయచోటి 🙏
మీ పూరణ బాగున్నది. అభినందనలు.
తొలగించండిఊరి పెద్దలే పేదల నోర్వకుండ
రిప్లయితొలగించండికష్టముల గలిగించెడు దుష్టులైన
వారు పెట్టెడు బాధలు వలదటంచు
తొలుత మ్రొక్కంగ వలెనెల్ల దుర్జనులకు
మీ పూరణ బాగున్నది. అభినందనలు.
తొలగించండిరాహు కేతుల వేధకు రక్ష వలెను
రిప్లయితొలగించండిదురిత నరఘోషలన్నియు తొలగుటకును
శాంతి జేసెడి రీతిని సత్వరముగ
తొలుత మ్రొక్కంగ వలె నెల్ల దుర్జనులకు
మీ పూరణ బాగున్నది. అభినందనలు.
తొలగించండిమాతృ భూమిని రక్షించు మాన్యులైన
రిప్లయితొలగించండిభారతీయ సిపాయికే భరత జాతి
తొలుత మ్రొక్కంగ వలె , నెల్ల దుర్జనులకు
దూరమై చరిం చుటమేలు పౌరు లంత
పిదప కాలము ప్రాప్తించె పెను విపత్తు
పొంచి యుండెను జనులార కాంచు మికను
నోటు గై కొని వేసిన యోటు ఫలము
ప్రభువు లై వెలుగు చుండెడి పాపు లకును
తొలుత మ్రొక్కంగ వలె నెల్ల దుర్జనులకు
మీ రెండు పూరణలు బాగున్నవి. అభినందనలు.
తొలగించండి
రిప్లయితొలగించండిసలిపి కావ్యంపు రచనను చక్కగాను
పలికె జోతలు కువిమర్శ కులకు ముందు
కావ్యకర్త వినమ్రుడై కారణమ్ము
తొలుత మ్రొక్కంగ వలె నెల్ల దుర్జనులకు.
మీ పూరణ బాగున్నది. అభినందనలు.
తొలగించండికాని ఒక్క సందేహం. కావ్యరచనలో పాటించే క్రమం ఇది కదా! దైవస్తుతి,సుకవిస్తుతి, కుకవినింద... మీరు మొదటనే కుకవి నిందను ప్రస్తావించారు.
గురువుగారికి నమస్కారం. ముందు అంటే నా ఉద్దేశం దైవమును, సుకవులను కాదని కుకవులను ప్రస్తావించారని కాదు. కుకవులకు కూడా ఆదిలోనే నా జోలికి రావద్దని ఒక నమస్కారం పెట్టేసారని.
తొలగించండిమిస్సన్న గారూ,
తొలగించండి__/\__
సమయమాసన్న మగుదాక సాగునెపుడు
రిప్లయితొలగించండిధరణి దుష్కృత్యముల జేయు దనుజ గతులు!
రావణాదుల మ్రొక్కెను దేవమునియె!
తొలుత మ్రొక్కంగ వలె నెల్ల దుర్జనులకు!
మీ పూరణ బాగున్నది. అభినందనలు.
తొలగించండి. కలతలెరుగని సన్మార్గ బలముయున్న?
రిప్లయితొలగించండితొలుత మ్రొక్కంగ వలె|”నెల్ల దుర్జనులకు
ఆశ,నత్యాశగా మార్చు |నళుకునందె
చావుతప్పదు వారి విశ్వాస ముడుగ”.
2.పరులకుపకార మొనరించు పద్ధతులకు
తొలుత మ్రొక్కంగ వలె|”నెల్లదుర్జనులకు
శిక్ష వేయక బ్రతికించ? కక్ష లందు
ధర్మ మన్నది మారు నధర్మమున్న|
మీ రెండు పూరణలు బాగున్నవి. అభినందనలు.
తొలగించండి‘బలము+ఉన్న’ అన్నపుడు యడాగమం రాదు. ‘బలమె యున్న’ అనండి.
దుర్జనుల్ హానికలిగింప ధర్మ మునకు ఉద్ధరింపగ మన మధ్య నుద్భ వించు కాంచి తరియింతు మా హరిన్ కన్నులార! తొలుతమ్రొక్కంగవలె నెల్ల దుర్జనులకు
రిప్లయితొలగించండిధర్మ సంస్థాపనార్థాయ యుగే యుగే అన్నది భగవద్వాక్యం అది జరగాలంటే ధర్మగ్లాని జరగాలి దానిని జరిగేట్లు చేసేవారు దుర్జనులే మరి అవతారమూర్తిని ఆహ్వానించే వారికి తొలుత నమస్కరించటం మంచిదే కదా!
రిప్లయితొలగించండిమీ పూరణ బాగున్నది. అభినందనలు.
తొలగించండిసమస్యాపూరణం
రిప్లయితొలగించండిదుర్జనులె నాయకులుగను ధనమదాందు
లెసచివులుగ రాజ్యపరిపాలనము సేయ
తప్పకజనులు భయపడి తలలు వంచి
తొలుత మ్రొక్కంగవలెనెల్ల దుర్జనులకు
మీ పూరణలో మొదటి రెండు పాదాలలో యతి తప్పింది. పద్యం నడక కూడ కుంటుపడింది. సవరించండి.
తొలగించండిదుర్డ-నులెనాయ-కులుగను ధనమ దాందు
తొలగించండితప్పా?
లక్షణమున కోపికతో
తొలగించండినక్షరములు పొదిగి వ్రాయు నట్టి కవితలన్
లక్షణమగు లయ నడగెడు
పక్షంబున నేమి చెప్పవచ్చును రామా!
అయ్యా చేపూరి శ్రీరామారావు గారూ! గురువుగారు చెప్పినట్లు 1,2 పాదాల్లో యతి తప్పినది. మదాంద టైపింగ్ పొరపాటు కావచ్చు. ధన+మద+అంధ = ధనమదాంధ. మొదటి పాదంలో హల్ మైత్రి కుదిరినా అచ్ మైత్రి కుదరలేదు. (అ,ఆ,ఐ,ఔ) లు వేరు (ఉఊఒఓ) లు వేరు. కాబట్టి “దు” కి “ధ”కి యతి చెల్లదు. అలాగే 2 వపాదంలోని “లె” కిని “ల” కును యతి కుదరదు.
తొలగించండిప్రస్తుత సామాజిక, రాజకీయ పరిస్థితులు మీరు చేప్పినట్లుగనే యున్నవి. పద్యం బాగున్నది. మీకభ్యంతరం లేనిచో మీభావము దెబ్బతినకుండగ చిన్ని మార్పులతో ఈ పద్యాన్ని పరిశీలించండి.
దుర్జనులె నాయకులగుచు దోచుచుండ
లాలస సచివులె పరిపాలనము సేయ
తప్పక జనులు భయపడి తలలు వంచి
తొలుత మ్రొక్కంగవలెనెల్ల దుర్జనులకు
తోపెల్లవారూ, మీ సవరణ పద్యంతో పాటు నాది కూడా ఒక సారి పరికించండీ.
తొలగించండిదుర్జనావళి నేతలై తోచుచుండ
ధనమదాంధులు సచివులై తగిలియుండ
చేయునది లేక పౌరులు చేతులెత్తి
తొలుత మ్రొక్కంగవలెనెల్ల దుర్జనులకు
ఊరకనే సరదాగా వ్రాసినదే కాని ఎవరిపద్యాన్నీ తప్పుపట్టేందుకు కాదు సుమా.
తెనుగు భాషాక్షేత్రమున హాలికులై పద్య సస్యశ్యామలము చేయు చదువరులు శ్రీ శ్యామలరావు గారికి నమస్సులు. చేపూరి వారి పద్యాన్ని మార్చకుండగ యతి కోసం మాత్రమే పదాల మార్పు చేసితిని. మీపూరణ కడు రమ్యముగానున్నది. చేయి తిరిగిన వారి చేత బడిన అందమునకు కొదవేముండును. ధన్యవాదములు.
తొలగించండితోపెల్ల వారూ,
తొలగించండిశ్యామలీయం గారూ,
ధన్యవాదాలు.
చెరుప జూచెదరట మంచి చేయువారి
రిప్లయితొలగించండినెల్ల వేళల దుష్టులు కల్లలాడి ;
సజ్జనుల వెంట బడకున్న చాలు ననుచు
తొలుత మ్రొక్కంగవలె నెల్ల దుర్జనులకు.
మీ పూరణ బాగున్నది. అభినందనలు.
తొలగించండి
రిప్లయితొలగించండితొలుత మ్రొక్కంగ వలె :నెల్ల దుర్జనులకు
దూరముంచుమని హరిని,దుష్టపీడ
లనిశము దరి చేరగ నీక హర్ష మొసగు
మంచు వేకువసమయమ లందు లేచి.
2.తొలుత మ్రొక్కంగ వలయునెల్ల దుర్జనులకు
హాని తలపెట్టక ప్రజకు హర్షమొదవు
నట్లు సకల కార్యంబులు ననవ రతము
జరుగు నట్లొన రించగ జయము కలుగు.
మీ రెండు పూరణలు బాగున్నవి. అభినందనలు.
తొలగించండి‘వలె’ను ‘వలయు’ ననడం వల్ల గణదోషం.
🌺🙏 🌺
రిప్లయితొలగించండిఅంబటి భానుప్రకాశ్,
గద్వాల.
తే**
కవులు పండిత వర్యుల కాల మేది,
నిలుచు చుండిరి మతిహీను నీతి దప్పి,
గతియు లేకను కవులిల ఘనత మరచి,
దొలుత మ్రొక్కంగ వలెనెల్ల దుర్జనులకు!
🙏 ✅🙏 🌺🌻🌺🙏 ✅🙏
మీ పూరణ బాగున్నది. అభినందనలు.
తొలగించండిపనులు సమకూరగ ఖరము పాదమైన
రిప్లయితొలగించండిపట్ట వలయు ననెడి మాట పచ్చి నిజము!
కంస వారసులేలు లోకమున తొట్ట
తొలుత మ్రొక్కంగ వలె నెల్ల దుర్జనులకు!
మీ పూరణ బాగున్నది. అభినందనలు.
తొలగించండిక్రూర నేరాలననచగా ప్రభుత యెన్ని
రిప్లయితొలగించండిచట్టముల దెచ్చినను గాని వట్టివాయె
తొలుత మ్రొక్కంగవలె నెల్ల దుర్జనులకు
మీరలే మమ్ము కరుణించి మారు డనుచు
మీ పూరణ బాగున్నది. అభినందనలు.
తొలగించండి‘అణచగా’ను ‘అనచగా’ అన్నారు టైపాటు వల్ల.
పొలుపుగ యపకారికి నుపకారము తగ
రిప్లయితొలగించండిచెలువమున పగతునిమితృచేయవలెను
తొలుత మ్రొక్కంగవలె నెల్ల దుర్జనులకు
మెలుగు దురు మంచిగ ముదము మీర ఇలను
కలుములు తొలగి సుఖపడుదురు జనములు
మీ పూరణ బాగున్నది. అభినందనలు.
తొలగించండి‘పొలుపుగ నపకారికి...’ అనండి. అలాగే ‘మిత్రుఁ జేయవలెను’ అనండి.
పొలుపుగ నపకారికి నుపకారము తగ
తొలగించండిచేలువమున పగతుని మిత్రు జేయవలెను
తొలుత మ్రొక్కంగవలె నెల్ల దుర్జనులకు
మెలుగు దురు మంచిగ ముదము మీర ఇలను
కలుములు తొలగి సుఖపడుదురు జనములు
ఎన్ని సినిమాల యందున నెన్ని మార్లు
రిప్లయితొలగించండిచూప లేదె యిట్టి స్థితిని సున్నితముగ
చూడ గబ్బరసింగును “షోలె” యందు
గ్రామ ప్రజలసమర్థ విరాగు లగుచు
తొలుత మ్రొక్కంగవలెనెల్ల దుర్జనులకు
మీ పూరణ బాగున్నది. అభినందనలు.
తొలగించండిగురువులు శంకరయ్య గారికి, మాన్యులు మిస్సన్న గారికి మా తాతగారి స్నేహితులు శ్రీ పోచిరాజు సుబ్బారావు గారికి పండిత పెద్దలందరికి నమస్కారములు. ఇది నా జీవితంలో మొట్ట మొదటి పద్య ప్రయత్నము. మీ అందరి ఆశీస్సులు కోరుచూ……………….. అనంత శర్మ తోపెల్ల
రిప్లయితొలగించండిఅడ్డ దారిని జేరుచు నడుగులేయ
పెద్ద మేడలు గట్టెడి పెను తపనను
మనము నందున బూనుచు మసలు వాడు
తొలుత మ్రొక్కంగవలెనెల్ల దుర్జనులకు
తోపెల్ల అనంత శర్మ గారూ,
తొలగించండిశంకరాభరణం బ్లాగు మీకు స్వాగతం పలుకుతున్నది.
మొదటి ప్రయత్నమైనా నిర్దోషంగా పద్యాన్ని వ్రాసారు. సంతోషం.
మీ పూరణ బాగున్నది. అభినందనలు.
భేష్ అనంతశర్మా! తొలి అడుగు మురిపించింది.
తొలగించండిభేష్ అనంతశర్మా! తొలి అడుగు మురిపించింది.
తొలగించండికలత లెన్నింటినో సైచి కలలు పండ...
రిప్లయితొలగించండినలిగి కాంగ్రెసు టిక్కెట్టు గెలుచు కొనగ...
ప్రజల వోట్లను నర్థించు పర్యటమున...
తొలుత మ్రొక్కంగవలె నెల్ల దుర్జనులకు
రిప్లయితొలగించండిOct 2nd Gandhiji amar rahe !
పిరియపు శుభదినము జాతిపిత కనుబడి
న దినమిదియె జిలేబి మనసున నుతుల
తొలుత మ్రొక్కంగవలె, నెల్ల దుర్జనులకు
ఖలులకును పాఠమును నేర్ప కదులవలెను!
జిలేబి