28-9-2025 (ఆదివారం)కవిమిత్రులారా,ఈరోజు పూరింపవలసిన సమస్య ఇది...“రాముఁడు లేఁడనెడి చర్చ ప్రాజ్ఞులకొప్పున్”(లేదా...)“రాముం డెక్కడ లేఁడు లేఁడనుచుఁ జర్చల్ సేయుటొప్పున్ బుధుల్”
కందంశ్రీమన్మంగళ రూపుడు! భామిని సీతమ్మకొప్పు భవ్యగుణుండౌధీమణి! రామునిమించెడురాముఁడు లేఁడనెడి చర్చ ప్రాజ్ఞులకొప్పున్శార్దూలవిక్రీడితముశ్రీమన్మంగళ దివ్యరూపమున రాజీవాక్షుడై శూరుడైభామన్ సీతను రాజులన్ గెలిచి యుద్వాహమ్మునన్ బొందియున్గామోద్రేకుని రావణున్ దునిమి రాగన్ రామునిన్మించెడున్రాముం డెక్కడ లేఁడు లేఁడనుచుఁ జర్చల్ సేయుటొప్పున్ బుధుల్
రాముని రాజ్యము నందున పామరుడయినను నిరతము భక్తిగ గొలువన్ తామసము జూపుటన యభిరాముఁడు లేఁడనెడి చర్చ ప్రాజ్ఞులకొప్పున్
దామోదరుడే కదరా భూమిని ధర్మము నిలుపగ పురుషోత్తముడైయీ మహి బుట్టెను సత్యమె రాముఁడు లేఁడనెడి చర్చ ప్రాజ్ఞులకొప్పున్?భూమిన్ ధర్మము నిల్పనెంచిగదరా భూభృత్తు డీ ధాత్రిపై రాముండై జనియించెనంచు తెలిపెన్ రామాయ ణమ్మందునన్ క్షేమంబిచ్చెడు వాడొకండె యతడే శ్రీరాముడే యైనచో రాముం డెక్కడ లేఁడు? లేఁడనుచుఁ జర్చల్ సేయుటొప్పున్ బుధుల్ ?
కం॥ ప్రేమ నొసఁగు దైవ మొకఁడె సామాన్యులిది తెలియకనె సాగుదురిలలోఁ దామస రూపులనుచు సుత్రాముఁడు లేఁడనెడి చర్చ ప్రాజ్ఞులకొప్పున్శా॥ ప్రేమంబుంచుచు లోక పాలనను సంప్రీతిన్ సదా గాంచెడిన్నామంబుల్ ధరయందనేకములు సంధానించినన్ మానవుల్సామాన్యంబుగ, దైవమొక్కఁడగు దాశార్హుండు నిక్కమ్ము సుత్రాముండెక్కడ లేఁడు లేఁడనుచుఁ జర్చల్ సేయుటొప్పున్ బుధుల్
రాముడననొప్పు భృగుపతిరాముండననొప్పు శౌరి; రఘువీరుడు శ్రీరాముని మించిన వాడౌ రాముఁడు లేఁడనెడి చర్చ ప్రాజ్ఞులకొప్పున్రాముండా భృగునందనుండు మరియున్ రాముండనన్ శౌరి శ్రీరాముండే తన తండ్రిమాట కొరకై రాజ్యంబునే వీడె శ్రీరాముండేగెనరణ్యసీమ మరియా రాముండకున్ సాటియౌరాముం డెక్కడ లేఁడు లేఁడనుచుఁ జర్చల్ సేయుటొప్పున్ బుధుల్
[శౌరి = బలరాముడు]
రాముండే శుభలేఖలందు, మొదటన్ వ్రాయంగ శ్రీరామయౌ,రాముండే మరి పల్కరింప, నసువుల్ రాలంగ రాముండెయౌ,రాముండే జన జీవనంబుగను సర్వంబయ్యె లోకంబునన్రాముం డెక్కడ లేఁడు లేఁడనుచుఁ జర్చల్ సేయుటొప్పున్ బుధుల్!!
కందం
రిప్లయితొలగించండిశ్రీమన్మంగళ రూపుడు!
భామిని సీతమ్మకొప్పు భవ్యగుణుండౌ
ధీమణి! రామునిమించెడు
రాముఁడు లేఁడనెడి చర్చ ప్రాజ్ఞులకొప్పున్
శార్దూలవిక్రీడితము
శ్రీమన్మంగళ దివ్యరూపమున రాజీవాక్షుడై శూరుడై
భామన్ సీతను రాజులన్ గెలిచి యుద్వాహమ్మునన్ బొందియున్
గామోద్రేకుని రావణున్ దునిమి రాగన్ రామునిన్మించెడున్
రాముం డెక్కడ లేఁడు లేఁడనుచుఁ జర్చల్ సేయుటొప్పున్ బుధుల్
రాముని రాజ్యము నందున
రిప్లయితొలగించండిపామరుడయినను నిరతము భక్తిగ గొలువన్
తామసము జూపుటన యభి
రాముఁడు లేఁడనెడి చర్చ ప్రాజ్ఞులకొప్పున్
రిప్లయితొలగించండిదామోదరుడే కదరా
భూమిని ధర్మము నిలుపగ పురుషోత్తముడై
యీ మహి బుట్టెను సత్యమె
రాముఁడు లేఁడనెడి చర్చ ప్రాజ్ఞులకొప్పున్?
భూమిన్ ధర్మము నిల్పనెంచిగదరా భూభృత్తు డీ ధాత్రిపై
రాముండై జనియించెనంచు తెలిపెన్ రామాయ ణమ్మందునన్
క్షేమంబిచ్చెడు వాడొకండె యతడే శ్రీరాముడే యైనచో
రాముం డెక్కడ లేఁడు? లేఁడనుచుఁ జర్చల్ సేయుటొప్పున్ బుధుల్ ?
కం॥ ప్రేమ నొసఁగు దైవ మొకఁడె
రిప్లయితొలగించండిసామాన్యులిది తెలియకనె సాగుదురిలలోఁ
దామస రూపులనుచు సు
త్రాముఁడు లేఁడనెడి చర్చ ప్రాజ్ఞులకొప్పున్
శా॥ ప్రేమంబుంచుచు లోక పాలనను సంప్రీతిన్ సదా గాంచెడిన్
నామంబుల్ ధరయందనేకములు సంధానించినన్ మానవుల్
సామాన్యంబుగ, దైవమొక్కఁడగు దాశార్హుండు నిక్కమ్ము సు
త్రాముండెక్కడ లేఁడు లేఁడనుచుఁ జర్చల్ సేయుటొప్పున్ బుధుల్
రాముడననొప్పు భృగుపతి
రిప్లయితొలగించండిరాముండననొప్పు శౌరి; రఘువీరుడు శ్రీ
రాముని మించిన వాడౌ
రాముఁడు లేఁడనెడి చర్చ ప్రాజ్ఞులకొప్పున్
రాముండా భృగునందనుండు మరియున్ రాముండనన్ శౌరి శ్రీ
రాముండే తన తండ్రిమాట కొరకై రాజ్యంబునే వీడె శ్రీ
రాముండేగెనరణ్యసీమ మరియా రాముండకున్ సాటియౌ
రాముం డెక్కడ లేఁడు లేఁడనుచుఁ జర్చల్ సేయుటొప్పున్ బుధుల్
[శౌరి = బలరాముడు]
తొలగించండిరాముండే శుభలేఖలందు, మొదటన్ వ్రాయంగ శ్రీరామయౌ,
రిప్లయితొలగించండిరాముండే మరి పల్కరింప, నసువుల్ రాలంగ రాముండెయౌ,
రాముండే జన జీవనంబుగను సర్వంబయ్యె లోకంబునన్
రాముం డెక్కడ లేఁడు లేఁడనుచుఁ జర్చల్ సేయుటొప్పున్ బుధుల్!!