ఉ:శూన్యము కాగ న్యాయములు,శోధన జేయక మంచి చెడ్డలన్ వన్యపు నీతి గల్గి తమ వారలె ముఖ్య మటంచు,సంతత మ్మన్యులె శత్రు వర్గ మను నట్టి కులమ్ముల కంతు లేని ప్రా ధాన్యము గల్గు తావును బదంపడి వీడుటె మేలు సూడఁగన్ (వందలు నీతి= ఆటవిక న్యాయం )
(3)ఉ:దైన్యత జెంది భిక్షుకుడు దారను గాంచి వచించె నిట్టులన్ "ధాన్యపు గింజకే కరవు దాల్చిన గ్రామము వీడి యెంచెదన్ ధాన్యము గల్గు తావును, బదంపడి వీడుటె మేలు సూడఁగన్ ధాన్యము లేని తావు నిట ధర్మము జేసెడు వార లుందురే (అడుక్కునే వాడి కైనా పంట పండే ప్రాంతం ఉండాలి.పంట కరువు ప్రాంతం లో వీడికి ధర్మ మెవరు చేస్తారు?)
32 కామెంట్లు:
మాన్యులతో సాంగత్యము
ధన్యతఁ జేకూర్చు గరిమ తద్దయు బెంచున్
హైన్యఁపు వర్తనులకు ప్రా
ధాన్యంబున్నట్టి తావుఁ దడయక విడుమా
కందం
ధన్యులు పరోపకారులు
నన్యుల సేమమ్ము నెంచ నాదరణీయుల్
దైన్యము బాపగ నక్రమ
ధాన్యంబున్నట్టి తావుఁ దడయక విడుమా!
ఉత్పలమాల
మాన్య పరోపకారుల ప్రమాణము దీనజనాది సేవతో
నన్యుల గాచు మానసము నభ్యుదయంబది సంఘమందు చై
తన్యము భావనన్ నిలిపి ధారుణి నక్రమ నిల్వలంచనన్
ధాన్యము గల్గు తావును బదంపడి వీడుటె మేలు సూడఁగన్!
మాన్యుల సత్ప్రవర్తనుల మార్గము వెంబడి సాగిపొమ్మురా
ధన్యతనొందు జీవనము తద్దయు పెంచును నీ యశమ్ము సా
మాన్యులు హీనవర్తనుల మార్గము భద్రముకాదు వారి ప్రా
ధాన్యము గల్గు తావును బదంపడి వీడుటె మేలు సూడఁగన్
ధన్యుడ వైతివి గదరా
అన్యుల కొరతలను దీర్చు యారాధ్యుడవై
విన్యాసంబునకే ప్రా
ధాన్యంబున్నట్టి తావుఁ దడయక విడుమా”
అన్యుల మాటలు కావివి
మాన్యులు వచియించినట్టి మాటలివియె హే
కన్యా! శత్రువు నకు ప్రా
ధాన్యంబున్నట్టి తావుఁ దడయక విడుమా.ౌ
సైన్యము లోన మేటివని సంగర మందు పరాక్రమమ్మునే
యన్యులు గాంచి భీతిలెదరంచును చెప్పిననేమి మిత్రుడా
మాన్యులు చెప్పుమాటలను మన్నన సేయుము స్పర్తికించు ప్రా
ధాన్యము గల్గు తావును బదంపడి వీడుటె మేలు సూడఁగన్.
దైన్యము హైన్యము తొలగగ
ధన్యత నిండును బ్రతుకున ధారాళముగా
శూన్య మనస్కులకే ప్రా
ధాన్యంబున్నట్టి తావుఁ దడయక విడుమా
దైన్య వినాశనంబు కడు ధన్యత గూర్చును మానవాళికిన్
వన్యమృగంబులై మెలగు వారికి సుంతయు దూరమేగుమా
హైన్యము వీడనాడుటయె హాయినొసంగును హీనులన్నఁ బ్రా
ధాన్యము గల్గు తావును బదంపడి వీడుటె మేలు సూడఁగన్
కం:శూన్యమ్మే యీ జగ మని
మాన్యుడ నీ కెరుక యయ్యె! మదిలో హరిభ
క్త్యన్యము విడు, మాస్తికి బ్రా
ధాన్యంబున్నట్టి తావుఁ దడయక విడుమా”
ఉ:శూన్యము కాగ న్యాయములు,శోధన జేయక మంచి చెడ్డలన్
వన్యపు నీతి గల్గి తమ వారలె ముఖ్య మటంచు,సంతత
మ్మన్యులె శత్రు వర్గ మను నట్టి కులమ్ముల కంతు లేని ప్రా
ధాన్యము గల్గు తావును బదంపడి వీడుటె మేలు సూడఁగన్
(వందలు నీతి= ఆటవిక న్యాయం )
(ఒక చీకటి వ్యాపారి వద్ద పనిచేసే వారికి సూచన అండి)
కం॥ అన్యుల బాధల నెంచక
ధన్యత సంపదఁ బడయుచుఁ దనరఁగ నంచున్
మాన్యుఁడు హెచ్చుగ దాచిన
ధాన్యంబున్నట్టి తావుఁ దడయక విడుమా!
ఉ॥ అన్యుల మోసగించుచు మహామహుఁడై తనరంగ నెంచుచున్
దైన్యత హెచ్చ లోటుఁగన దాచెద వస్తువు లన్ని పిమ్మటన్
ధన్యులఁ జేయు సంపదలఁ దాల్చనె యమ్మగ నంచుఁ గూర్చినన్
ధాన్యము గల్గు తావును బదంబడి వీడుటె మేలు సూడఁగన్
(3)ఉ:దైన్యత జెంది భిక్షుకుడు దారను గాంచి వచించె నిట్టులన్
"ధాన్యపు గింజకే కరవు దాల్చిన గ్రామము వీడి యెంచెదన్
ధాన్యము గల్గు తావును, బదంపడి వీడుటె మేలు సూడఁగన్
ధాన్యము లేని తావు నిట ధర్మము జేసెడు వార లుందురే
(అడుక్కునే వాడి కైనా పంట పండే ప్రాంతం ఉండాలి.పంట కరువు ప్రాంతం లో వీడికి ధర్మ మెవరు చేస్తారు?)
అన్యుల బాధల నెంచక
సన్యాసుల వలెను మెలగు చవటుల చో టున్
దైన్య మని యెంచి యా ప్రా
ధాన్య o బు న్నట్టి తావు దడ యక విడుమా
అన్యాధీన మసహ్యము
మాన్యము లవి యెన్ని యున్న మాత్సర్యక్రూ
రాన్య జనాధీనంబగు
ధాన్యం బున్నట్టి తావుఁ దడయక విడుమా
మాన్యుల కెన్న శూన్యములె మానవ కోటికి నమ్మ వస్తువుల్
వన్యము లిచ్చు లాభములు పన్నుగ నాత్మఁ దలంపు టొప్పు ప
ణ్యాన్యము ధాన్య విక్రయ విహార నిమిత్తము లెక్క కెక్కువౌ
ధాన్యము గల్గు తావును బదంపడి వీడుటె మేలు సూడఁగన్
అన్యమతస్థులవారిని
మాన్యులుగాఁదలచి మదిని మన్నన లీయన్
సన్యా సి తపపుప్రా
ధాన్యంబున్నట్టి తావుఁ దడయక విడుమా”
అన్యమతాలవారలిలఁనాదరమొప్పగ జీవనంబునున్
మాన్యత నొందగామసలి మాపులు రేపులు గడ్పుచుండగా
నన్యులు క్రూరభావమున నాపదలొయ్యనఁజేయఁబూను ప్రా
ధాన్యము గల్గు తావును బదంపడి వీడుటె మేలు సూడఁగన్”
గురువులు శ్రీ శంకరయ్య గారు గౌరవ సలహాదారుగా రాష్ట్ర ప్రభుత్వముచే నియమింపబడినందులకు శుభాకాంక్షలు
ఇది తెలంగాణ ప్రభుత్వ నియామకం కాదు... విశ్వసాహితీ కళా వేదిక వారు నన్ను తమ తెలంగాణ రాష్ట్ర విభాగానికి గౌరవ సలహా దారుగా నియమించారు.
మీ పూరణ ప్రశస్తంగా ఉన్నది. అభినందనలు.
'ఇల నాదరమొప్ప' అన్నచోట అరసున్న రాదు.
మీ పూరణ బాగున్నది. అభినందనలు.
మూడవ పాదంలో గణభంగం. సవరించండి.
మీ రెండు పూరణలు అద్భుతంగా ఉన్నవి. అభినందనలు.
మీ పూరణ బాగున్నది. అభినందనలు.
మీ పూరణ అద్భుతంగా ఉన్నది. అభినందనలు.
మీ రెండు పూరణలు ప్రశస్తంగా ఉన్నవి. అభినందనలు.
మీ పూరణ ప్రశస్తంగా ఉన్నది. అభినందనలు.
మీ పూరణ బాగున్నది. అభినందనలు.
మీ పూరణలు ప్రశస్తంగా ఉన్నవి. అభినందనలు.
మీ పూరణ బాగున్నది. అభినందనలు.
మీ పూరణ ప్రశస్తంగా ఉన్నది. అభినందనలు.
మీ పూరణ బాగున్నది. అభినందనలు.
*
అన్యులధాన్యముదోచుచు
దైన్యమునటియించువారిదరికేగకుసా
మాన్యమనుజుడా యక్రమ
*"ధాన్యంబున్నట్టి తావుఁ దడయక విడుమా”*
అన్యులుమంచిచెప్పిననునాదరమొప్పుచు స్వీకరించకన్
దైన్యతచూపుచున్ పరుల ద్రవ్యము కోరెడుకూళులున్నచో
మాన్యులు మానసమ్ముననుమానుగ యోచనచేసిదుష్ట ప్రా
*“ధాన్యము గల్గు తావును బదంపడి వీడుటె మేలు సూడఁగన్”*
https://youtu.be/P3mlctD0RrQ?si=-QeshFpaUqU4p4cL
ధన్యవాదాలు గురూజీ 🙏
పిన్నక నాగేశ్వరరావు.
హైదరాబాద్.
దైన్యుల గోడును వినకయె
ధాన్యముఁ స్వార్ధమ్ము తోడ ధనమార్జించన్
మాన్యుం డధికము దాచిన
ధాన్యంబున్నట్టి తావుఁ దడయక విడుమా!
రెండవ పూరణ :--
మాన్యులు పాల్గొను సభలో
నన్యులకున్ చోటులేదటంచు తెలియగా
దైన్యమున వెడలె, నప్రా
ధాన్యంబున్నట్టి తావుఁ దడయక విడుమా!
కామెంట్ను పోస్ట్ చేయండి