10-12-2025 (బుధవారం) కవిమిత్రులారా, ఈరోజు పూరింపవలసిన సమస్య ఇది... “కాయలు గాచినవి పండ్లు గావెన్నటికిన్” (లేదా...) “కాయలు పెక్కు గాచినవి గాని ఫలంబులు గా వవెన్నడున్”
తోయలి తో పతి చెప్పెను మాయయొ మంత్రమ్మొ కాదు మహిధర్మమిదే జాయరొ వినుమా కొబ్బరి కాయలు గాచినవి పండ్లు గావెన్నటికిన్.
సాయము జేసినట్లుగను జ్యాంసుల భావన కోసమై కదా దాయల కట్టి వ్యర్థమగు దారణి ఖాండవ మివ్వనేమి యా ప్యాయత తోడ కాదనుచు వప్రుడు నా ధృత రాష్ట్రుడిట్ల నెన్ కాయలు పెక్కు గాచినవి గాని ఫలంబులు గా వవెన్నడున్.
నాయకు డామనోహరుడు నల్లని వాని తలంపులందునన్ నాయిక రాధ వేచెనట నందకిశోరుని రాక కోసమై పాయక వేచిచూచి మరి వాచిన కన్నుల యుగ్మమందునన్ గాయలు పెక్కు గాచినవి గాని ఫలంబులు గా వవెన్నడున్
పాయక రేబవళ్లు తమ ప్రాణము సైతము లెక్కసేయకన్ చేయు కృషీవలుండు తనసేద్యము పంటలు చేతికందగన్ హేయముగా దళారులతి హీనముగా ధర నిర్ణయింతురే కాయలు పెక్కు గాచినవి గాని ఫలంబులు గా వవెన్నడున్
పాయ కుదర పోషణమే న్యాయం బని యెంచి తివిరి యవనిఁ దిరుగఁగా నా యెండకు నఱకాలులు కాయలు గాచినవి పండ్లు గావెన్నటికిన్
వేయి విధమ్ములం గలఁత వెట్టఁగ డెందమునుం దలంపులే రేయి పవళ్లు గాచికొన రిత్తఁగ సుంతయు నిద్ర రాక నా తోయజ నేత్ర రాక కయి తోయము లింకఁగ నేత్ర యుగ్మముల్ కాయలు పెక్కు గాచినవి గాని ఫలంబులు గా వవెన్నఁడున్
ఉ:"నాయన! నారికేళములు నాలుగు కాసెను చెట్టు పైన నీ కాయలు పండు టెప్పు?" డనగా నొక బాలుడు తండ్రి యిట్లనెన్ "నాయన!నారికేళము తినన్ దగు మెత్తగ మార దయ్య! యీ కాయలు పెక్కు గాచినవి గాని ఫలంబులు గా వవెన్నడున్” (చెట్టుకి కొబ్బరి కాయలు కాసాయి కదా! అవి పళ్లెప్పుడౌతాయి? అంటే కొబ్బరి కాయలు పళ్లు గా మార వని తండ్రి అన్నాడు. )
ఉ.
రిప్లయితొలగించండిపాయక తాతతో వెడలి పల్లియ తోటకు జేరి మన్మడో
గాయకు భంగి పాటలను గానము సేయుచు చూచె నారికే
ళాయత వృక్షమున్, హృదయమందున భావము తోచెనిట్టులీ
కాయలు పెక్కు గాచినవి కాని ఫలంబులు గావవెన్నడున్ !
చాయమగని తాపమునకు
రిప్లయితొలగించండిపేయము త్రాగని కతమున పెక్కువ రీతిన్
కాయము నపూర్తిగ చెమట
“కాయలు గాచినవి పండ్లు గావెన్నటికిన్”
కందం
రిప్లయితొలగించండిశ్రేయమన స్వేచ్ఛ నొందియు
ధ్యేయపు దారిద్ర్య రహిత దేశముగనఁగా
నాయమ భారతి కన్నుల
కాయలు గాచినవి పండ్లు గావెన్నటికిన్!
ఉత్పలమాల
శ్రేయమనంగ స్వేచ్ఛఁగొనె చిందగ రక్తము దేశభక్తులున్
ధ్యేయమనంగ పేదరికమెక్కడ లేదను దేశమెంచగా
నాయమ భారతాంబ కల కాకృతు లేర్పడ చూచి కన్నులన్
కాయలు పెక్కు గాచినవి గాని ఫలంబులు గా వవెన్నడున్
నాయకులెన్నిక లందున
రిప్లయితొలగించండిచేయును వాగ్దానములను జిక్కగ పదవుల్
శ్రేయమునకువేచి కనులు
కాయలు గాచినవి పండ్లు గావెన్నటికిన్
తోయలి తో పతి చెప్పెను
రిప్లయితొలగించండిమాయయొ మంత్రమ్మొ కాదు మహిధర్మమిదే
జాయరొ వినుమా కొబ్బరి
కాయలు గాచినవి పండ్లు గావెన్నటికిన్.
సాయము జేసినట్లుగను జ్యాంసుల భావన కోసమై కదా
దాయల కట్టి వ్యర్థమగు దారణి ఖాండవ మివ్వనేమి యా
ప్యాయత తోడ కాదనుచు వప్రుడు నా ధృత రాష్ట్రుడిట్ల నెన్
కాయలు పెక్కు గాచినవి గాని ఫలంబులు గా వవెన్నడున్.
నాయిక రాధిక వేచెన్
రిప్లయితొలగించండిబ్రాయపు వాడరుగుదెంచు వైళంబనుచున్
మాయావిరాక కన్నులు
కాయలు గాచినవి పండ్లు గావెన్నటికిన్
నాయకు డామనోహరుడు నల్లని వాని తలంపులందునన్
నాయిక రాధ వేచెనట నందకిశోరుని రాక కోసమై
పాయక వేచిచూచి మరి వాచిన కన్నుల యుగ్మమందునన్
గాయలు పెక్కు గాచినవి గాని ఫలంబులు గా వవెన్నడున్
Artificial ripening అండి
రిప్లయితొలగించండికం॥ మాయ రసాయనములు కన
గాయలఁ బండ్లుగను శీఘ్ర గతిని యొనర్చుచున్
సాయము నొందరె చెట్టుకు
కాయలు గాచినవి పండ్లు గావెన్నటికిన్
ఉ॥ మాయ రసాయనమ్ములటు మక్కువ మీరఁగఁ జేయుచుండఁగన్
గాయల మీదఁ జల్లఁగను గమ్మని పండ్లుగ వెంట వెంటనే
సాయము నొందుచున్ జనులు చక్కగ నన్నియు త్రుంచ చెట్టుపైఁ
గాయలు పెక్కు గాచినవి గాని ఫలంబులు గా వవెన్నడున్
(ఇంట్లో రసాయనాల సాయంతో పండ్లు కాగలవు చెట్టుపై కావండి)
పాయక రేబవళ్లు తమ ప్రాణము సైతము లెక్కసేయకన్
రిప్లయితొలగించండిచేయు కృషీవలుండు తనసేద్యము పంటలు చేతికందగన్
హేయముగా దళారులతి హీనముగా ధర నిర్ణయింతురే
కాయలు పెక్కు గాచినవి గాని ఫలంబులు గా వవెన్నడున్
వేయి విధo బుల వేడుచు
రిప్లయితొలగించండిపాయని భక్తిగ గొలుచుచు పరవశు డ గుచు న్
మూయక తెరచిన కన్నులు
కాయలు గాచినవి పండ్లు గా లే దె న్న టికిన్
పాయ కుదర పోషణమే
రిప్లయితొలగించండిన్యాయం బని యెంచి తివిరి యవనిఁ దిరుగఁగా
నా యెండకు నఱకాలులు
కాయలు గాచినవి పండ్లు గావెన్నటికిన్
వేయి విధమ్ములం గలఁత వెట్టఁగ డెందమునుం దలంపులే
రేయి పవళ్లు గాచికొన రిత్తఁగ సుంతయు నిద్ర రాక నా
తోయజ నేత్ర రాక కయి తోయము లింకఁగ నేత్ర యుగ్మముల్
కాయలు పెక్కు గాచినవి గాని ఫలంబులు గా వవెన్నఁడున్
కం:హాయిగ దినుమని చెట్లకు
రిప్లయితొలగించండికాయలు గాచినవి, పండ్లు గావెన్నటికిన్
దీయనగు జామ కాయల
హాయిగ భక్షించి మురియు నంత దృఢముగన్.
(చెట్లకి చక్కగా జామ కాయలు కాసాయి కానీ ఇతని పళ్లు ఎన్నటికీ దృఢంగా కావు.ఇతని దంతాలు పాడైనాయి.)
ఉ:"నాయన! నారికేళములు నాలుగు కాసెను చెట్టు పైన నీ
రిప్లయితొలగించండికాయలు పండు టెప్పు?" డనగా నొక బాలుడు తండ్రి యిట్లనెన్
"నాయన!నారికేళము తినన్ దగు మెత్తగ మార దయ్య! యీ
కాయలు పెక్కు గాచినవి గాని ఫలంబులు గా వవెన్నడున్”
(చెట్టుకి కొబ్బరి కాయలు కాసాయి కదా! అవి పళ్లెప్పుడౌతాయి? అంటే కొబ్బరి కాయలు పళ్లు గా మార వని తండ్రి అన్నాడు. )
రిప్లయితొలగించండిపిన్నక నాగేశ్వరరావు.
హైదరాబాద్.
సాయపడుననుచు పెరటిని
ధ్యేయముతో కూర మొక్కలెన్నియొ వేయన్
కోయుటకై వెడలగ వం
కాయలు గాచినవి పండ్లు గావెన్నటికిన్.