ఏమీ విడ్డుర మింత వింత గొనె నే మేమో విధానంబులన్ మీ మా వల్వలు శోభలందనర మే ల్మేలంచు సత్సంస్కృతిన్ ప్రేమన్ జూపి ధరించువారమిట దీ పించంగ నౌత్సుక్యమున్ మే మేబట్టలఁ గట్టఁగా వలయునో మీరెవ్వరో చెప్పఁగన్?!
(ఏ సంకోచం లేకుండా తమ సినిమాలలో స్త్రీని నీచంగా చూపించు వారు బయట స్త్రీల వస్త్రధారణపై ఉపన్యాసాలనివ్వడాన్ని తప్పుబడుతున్న ఒక స్త్రీ ఆవేదన) కం॥ రాబడికై సినిమాల న్నా బురుకపుదుస్తులందు నవలలఁజూప న్నే బెదరులేని వీవున్ మా బట్టల తీరుఁజెప్ప మాన్యత యగునా?
మా బొందులు మా యిష్టము నీ బాధల నీవ కనుమ నీ కేలయ్యా యే బొందికి నేమి హితవొ మా బట్టల తీరుఁ జెప్ప మాన్యత యగునా
మా మేనుల్ గద మా యభీష్టములు సంబంధమ్ము నీ కేటికిన్ మే మూనన్ మెయిఁ బారదర్శకములం బెంపార నీ కేటికిన్ మే మున్నం దగ దేవతాంబరములం బెద్దన్న నీ కేటికిన్ మే మే బట్టలఁ గట్టఁగా వలయునో మీ రెవ్వరో చెప్పఁగన్
బాబేడ్చుట దెలియంగనె
రిప్లయితొలగించండిజేబున ధనమేమిలేక చింతన బడుచున్
చేబదులుతీసి కొంటిని
మా బట్టల తీరుఁ జెప్ప మాన్యత యగునా”
ఏమేమీ యిటు మాటలాడఁదగునా యేమంటిరేమంటిరో
రిప్లయితొలగించండినీమంబుల్ విడనాడి బట్టలు కడున్ నిస్సిగ్గుగా మేనిపై
భామల్ కట్టుట మేలుకాదనుచు సంభాషింతురే పూరుషుల్
మే మేబట్టలఁ గట్టఁగా వలయునో మీరెవ్వరో చెప్పఁగన్
ఏమీ విడ్డుర మింత వింత గొనె నే
రిప్లయితొలగించండిమేమో విధానంబులన్
మీ మా వల్వలు శోభలందనర మే
ల్మేలంచు సత్సంస్కృతిన్
ప్రేమన్ జూపి ధరించువారమిట దీ పించంగ నౌత్సుక్యమున్
మే మేబట్టలఁ గట్టఁగా వలయునో మీరెవ్వరో చెప్పఁగన్?!
రిప్లయితొలగించండిఆ బోగపు చాన తెలిపె
మా బట్టలు నిండుగున్న మా రాబడి కా
దే బొక్క, పెద్దలిట్టుల
మా బట్టల తీరుఁ జెప్ప మాన్యత యగునా?
మేమీ ఝర్జర వృత్తిలో బ్రతుకుచున్ మీతోషమున్ గోరుచున్
కామార్థుండ్రిల మెచ్చు దుస్తులవి మా కాయంబునే చూపగా
క్షేమంబయ్యది కాదటంచు నిటులన్ చీత్కార మేలంటినే
మే మేబట్టలఁ గట్టఁగా వలయునో మీరెవ్వరో చెప్పఁగన్.
పూబోడులకెన్నడయినఁ
రిప్లయితొలగించండిబ్రాబల్యత దక్కగలదు వలువల వలనన్
మాబోంట్లను చూచి పొదలి
మా బట్టల తీరుఁ జెప్ప మాన్యత యగునా
నీమంబెద్దియు లేని చోట నెలతల్ నిశ్చింతగానుండగా
కామోద్రేకము పెంచు దుస్తులని వక్కాణించుటే యుక్తమా
మే మేబట్టలఁ గట్టఁగా వలయునో మీరెవ్వరో చెప్పఁగన్
రామా!మాకిక రక్షణమ్ము నిడుమా రాద్ధాంతమున్ బాపుమా
(ఏ సంకోచం లేకుండా తమ సినిమాలలో స్త్రీని నీచంగా చూపించు వారు బయట స్త్రీల వస్త్రధారణపై ఉపన్యాసాలనివ్వడాన్ని తప్పుబడుతున్న ఒక స్త్రీ ఆవేదన)
రిప్లయితొలగించండికం॥
రాబడికై సినిమాల
న్నా బురుకపుదుస్తులందు నవలలఁజూప
న్నే బెదరులేని వీవున్
మా బట్టల తీరుఁజెప్ప మాన్యత యగునా?
(బురుక: అల్పము)
మాబాగు మాకుఁ దెలియును
రిప్లయితొలగించండిబాబూ తమరేల చింత బడెదరు మాకై
పూఁబోఁడులు కాదజ్ఞులు
మా బట్టల తీరుఁ జెప్ప మాన్యత యగునా
కం॥ రాబడి హెచ్చఁగ మనుజులు
రిప్లయితొలగించండిపైబడి ముదముగఁ జిరిగిన వలువలఁ దొడగం
గా బుద్ధిఁ గరపఁ బలికిరి
మాబట్టలతీరుఁ జెప్ప మాన్యత యగునా
శా॥ ఏమో నేఁడిటు తెల్ప తప్పనెదరే యిచ్ఛాగతిన్ సాగుచున్
భామల్ మొగ్గిరె చీరలన్ వదలి సంభావించుచున్ గ్రొత్తవే!
ప్రామాణ్యమ్ములు మార్పుచెందెననుచున్ వాచింతురే యిట్టులన్
మేమేబట్టలఁ గట్టగా వలయునో మీరెవ్వరో చెప్పఁగన్
ప్రామాణ్యము authenticity credibility
కందం
రిప్లయితొలగించండిప్రాబల్యము మాచేతికి
రాబడి మాచేతనైన రాదెందులకో?
గూబ పగులు, మగవారికి
మా బట్టల తీరుఁ జెప్ప మాన్యత యగునా?
శార్దూలవిక్రీడితము
భామల్ గట్ట నసభ్య వస్త్రములనే స్పందించి, శోభించరన్
సేమంబున్ దలపోసి పల్కు పలుకుల్ జీర్ణించుకోలేరనో!
మామేనంచను మాకునిష్టమనుచున్ మాట్లాడుచున్ వాగిరే,
“మే మేబట్టలఁ గట్టఁగా వలయునో మీరెవ్వరో చెప్పఁగన్”
మా బొందులు మా యిష్టము
రిప్లయితొలగించండినీ బాధల నీవ కనుమ నీ కేలయ్యా
యే బొందికి నేమి హితవొ
మా బట్టల తీరుఁ జెప్ప మాన్యత యగునా
మా మేనుల్ గద మా యభీష్టములు సంబంధమ్ము నీ కేటికిన్
మే మూనన్ మెయిఁ బారదర్శకములం బెంపార నీ కేటికిన్
మే మున్నం దగ దేవతాంబరములం బెద్దన్న నీ కేటికిన్
మే మే బట్టలఁ గట్టఁగా వలయునో మీ రెవ్వరో చెప్పఁగన్