18-4-2026 (శనివారం)
కవిమిత్రులారా,
ఈరోజు పూరింపవలసిన సమస్య ఇది...
“అన్ననుఁ బతిగఁ గొని యతివ మురిసె”
(లేదా...)
“అన్నను భర్తగాఁ గొనియె నన్నులమిన్న గడున్ ముదంబునన్”
ఆటవెలదివెన్నుని కడకంపి విప్రవర్యుఁ దనదుమానసమ్ము దెలిపి మనువుఁ గోరిపంకజాక్షునంది వైదర్భి, యన్న కాదన్ననుఁ బతిగఁ గొని యతివ మురిసెఉత్పలమాలవెన్నుని భక్తితోఁ గొలిచి విప్రునినంపియు దెల్పగన్ మదిన్మన్నన తోడ కాన్కలిడి మానినినందగ వత్తునంచనెన్దిన్నఁగఁ దేరునన్ గొనఁగఁ దీరగ రుక్మిణి సాగె, యన్న కాదన్నను భర్తగాఁ గొనియె నన్నులమిన్న గడున్ ముదంబునన్!
పరిపరి విధములుగ భావించి చూడగ ,దండ్రి మాట వినక దప్ప దనుచు ,గడన రహితుడయ్యు కామనుడనుచు సాయన్ననుఁ బతిగఁ గొని యతివ మురిసె
శివుని ధనువు విరిచి సీతను వరియింప సభయు మె చ్చె నతని సాహసమును సీత ముదము నంది జీవి తే శుని గ రా మన్న ను పతిగగొని యతివ మురిసె
*(సుభద్ర తో అర్జునుడు పలికిన మాటలు గా...)*అధముడు శిశు పాలు డంచు దలచి తాను మురళి ధరుని బిలువ, ముదిత పిలుపు నాలకించి వచ్చె నహిరిపువైన మీ యన్ననుఁ బతిగఁ గొని యతివ మురిసె.అన్నయె నిర్ణయించిన దురాత్ముని కాదని పెండ్లి యాడగా వెన్నుని రమ్మటంచు నొక విప్రుని కృష్ణుని చెంత కంపి యా చెన్నుని పింఛధారి యదు శ్రేష్ఠడు దేవకి నందనుండు మీ యన్నను భర్తగాఁ గొనియె నన్నులమిన్న గడున్ ముదంబునన్.
శివ ధనుస్సు విరిచె శ్రీరామ చంద్రుడేపరవశాన జనులు ప్రస్తుతింపవరుని కంఠ సీమఁ వరమాల వైచి రామన్ననుఁ బతిగఁ గొని యతివ మురిసెకన్నుల ముందునిల్చి కరకంఠుని ధర్మము నెక్కుపెట్టగామిన్నుల ముట్టె కేకిసలు మేలగు రీతిని రామచంద్రుడేమన్నన లందినంత వరమాలను వైచినదై మహీజ రామన్నను భర్తగాఁ గొనియె నన్నులమిన్న గడున్ ముదంబునన్
ఆటవెలది
రిప్లయితొలగించండివెన్నుని కడకంపి విప్రవర్యుఁ దనదు
మానసమ్ము దెలిపి మనువుఁ గోరి
పంకజాక్షునంది వైదర్భి, యన్న కా
దన్ననుఁ బతిగఁ గొని యతివ మురిసె
ఉత్పలమాల
వెన్నుని భక్తితోఁ గొలిచి విప్రునినంపియు దెల్పగన్ మదిన్
మన్నన తోడ కాన్కలిడి మానినినందగ వత్తునంచనెన్
దిన్నఁగఁ దేరునన్ గొనఁగఁ దీరగ రుక్మిణి సాగె, యన్న కా
దన్నను భర్తగాఁ గొనియె నన్నులమిన్న గడున్ ముదంబునన్!
పరిపరి విధములుగ భావించి చూడగ ,
రిప్లయితొలగించండిదండ్రి మాట వినక దప్ప దనుచు ,
గడన రహితుడయ్యు కామనుడనుచు సా
యన్ననుఁ బతిగఁ గొని యతివ మురిసె
శివుని ధనువు విరిచి సీతను వరియింప
రిప్లయితొలగించండిసభయు మె చ్చె నతని సాహసమును
సీత ముదము నంది జీవి తే శుని గ రా
మన్న ను పతిగగొని యతివ మురిసె
రిప్లయితొలగించండి*(సుభద్ర తో అర్జునుడు పలికిన మాటలు గా...)*
అధముడు శిశు పాలు డంచు దలచి తాను
మురళి ధరుని బిలువ, ముదిత పిలుపు
నాలకించి వచ్చె నహిరిపువైన మీ
యన్ననుఁ బతిగఁ గొని యతివ మురిసె.
అన్నయె నిర్ణయించిన దురాత్ముని కాదని పెండ్లి యాడగా
వెన్నుని రమ్మటంచు నొక విప్రుని కృష్ణుని చెంత కంపి యా
చెన్నుని పింఛధారి యదు శ్రేష్ఠడు దేవకి నందనుండు మీ
యన్నను భర్తగాఁ గొనియె నన్నులమిన్న గడున్ ముదంబునన్.
శివ ధనుస్సు విరిచె శ్రీరామ చంద్రుడే
రిప్లయితొలగించండిపరవశాన జనులు ప్రస్తుతింప
వరుని కంఠ సీమఁ వరమాల వైచి రా
మన్ననుఁ బతిగఁ గొని యతివ మురిసె
కన్నుల ముందునిల్చి కరకంఠుని ధర్మము నెక్కుపెట్టగా
మిన్నుల ముట్టె కేకిసలు మేలగు రీతిని రామచంద్రుడే
మన్నన లందినంత వరమాలను వైచినదై మహీజ రా
మన్నను భర్తగాఁ గొనియె నన్నులమిన్న గడున్ ముదంబునన్