20, నవంబర్ 2021, శనివారం

సమస్య - 3908

 21-11-2021 (ఆదివారం)
కవిమిత్రులారా,
ఈరోజు పూరింపవలసిన సమస్య ఇది...
“తగు నొకండె పృచ్ఛకుఁడు వధానమందు”
(లేదా...)
“పృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై”

27 కామెంట్‌లు:

  1. నూర్గురొక్కరనగనూకొట్టిగనగను
    ప్రతిభభాసిల్లగనుప్రాంగణమున
    భారతమ్మబిడ్డపాండిత్యగరిమను
    తగునొకండెపృచ్ఛకుడవధానమందు

    రిప్లయితొలగించండి
  2. సరస సల్లాప సాహిత్య సమర మందు
    ధార ధారణ గల్గు వధాన వరుడు
    తగు నొకండె : పృచ్చకుడు వధాన మందు
    ప్రజ్ఞ జూపింప సభికులు ప్రస్తుతింత్రు

    రిప్లయితొలగించండి

  3. అచ్చతెనుంగు నందుగల యద్భుత క్రీడ వధాన మందునన్
    చిచ్చర పిడ్గువంటి ఘన శిక్షకు డచ్చట పాటవమ్ము తో
    నిచ్చలు సూరియైన మహనీయ వధానిని యడ్డగించెడిన్
    బృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై

    రిప్లయితొలగించండి

  4. పండితాగ్రణులెందరొ పాల్గొనెడి వ
    ధానమందు పటిమతో వధాని నెల్ల
    వేళ నడ్డుకొనగల విజ్ఞుడైన
    తగు నొకండె పృచ్ఛకుఁడు వధానమందు.

    రిప్లయితొలగించండి
  5. జరుప నవధాన మంతర జాలమందు
    పృచ్ఛకులతోడ పనియేమి పెక్కుమంది
    చాలునవధాని యొక్కఁడు చాలునింక
    తగు నొకండె పృచ్ఛకుఁడు వధానమందు

    రిప్లయితొలగించండి
  6. వంద మంది కొకడు పందెమనగ నిల్చి
    ప్రశ్న లెన్నొ వేయ ప్రతిభ మీర
    థెనుగు భాష కీర్తి ధీటుగ నెరిగించ
    తగు నొకండె పృచ్ఛ కుడు వధానమందు!!

    రిప్లయితొలగించండి
  7. స్వచ్ఛతపాండితీపటిమసంగమమందునప్రశ్నలుగా
    ఇచ్ఛనుపండితాగ్రణులునేమరకెప్పుడుతాల్మితోగనన్
    తుచ్ఛముగానిరీతిసమతుష్టినిసాగినభావశీలతన్
    పృచ్ఛకుడొక్కడున్నపుడెపేర్మినిగాంచుశతావధానమై

    రిప్లయితొలగించండి
  8. ఉ:

    చిచ్చర పిడ్గు మాదిరిని చేష్టలుడుంగగ బ్రశ్న లేయుచున్
    నొచ్చు కొనంగ జేసి కడు నొప్పగు రీతి బిగింప గోరగన్
    మెచ్చిరి ప్రేక్షకుల్ మిగుల మేధను గల్గిన పండితుండుగా
    పృచ్ఛకుడొక్కడున్నపుడె పేర్మిని గాంచు శతావధానమై


    వై. చంద్రశేఖర్

    3 చ్చ- 1 చ్ఛ =ప్రాస పోసుగునో లేదో తెలుపగలరు.

    రిప్లయితొలగించండి
    రిప్లయిలు
    1. చ- చ్ఛ లకు ప్రాస పొసగని కారణంగా తే. గీ. గా ప్రయత్నము:

      తే. గీ.

      గొట్టు పదములు సంధించి గుబులు రేపి
      గోటి చుట్టూత రోకటి పోటు రీతి
      కట్టి వేయగ పద్యము గట్ట నీక
      తగు నొకండె పృచ్ఛకుడు వధానమందు

      వై. చంద్రశేఖర్

      తొలగించండి
    2. 2 వ ప్రయత్నము:

      తే. గీ.

      చిచ్చు పెట్టెడు పదములు చేష్టలుడుగ
      నొచ్చు కొనురీతి ప్రశ్నించి క్రుచ్చి గూర్చి
      వికల మందగ జేసెడు వేద విదుడు
      తగు నొకండె పృచ్ఛకుడు వధానమందు

      వై. చంద్రశేఖర్

      తొలగించండి
  9. తేటగీతి
    పండితులుగ సప్తర్షుల వంటిమేధఁ
    మెలకువలెఱుంగు వారల కలగలుపుగఁ
    బాటవము వెలయింప నప్రస్తుతమునఁ
    దగు నొకండె పృచ్ఛకుఁడు వధానమందు

    ఉత్పలమాల
    అచ్చటి ప్రేక్షకాళి ముదమార ప్రశంసలు గుప్పుచుండగన్
    ముచ్చట వారి వారివగు పూరణలందెడు పృచ్ఛకాళితో
    విచ్చగ పద్య సూనములు వేడుక మధ్యన కొంటె ప్రశ్నలన్
    పృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై!

    రిప్లయితొలగించండి
  10. ప్రస్తుతంబవని విషయరాశితోడ
    మాటిమాటికి ప్రశ్నలధాటి చూపి
    చిత్తమలరగ సభనురంజింపజేయ
    తగు నొకండె పృచ్ఛకుఁడు వధానమందు

    రిప్లయితొలగించండి
  11. పట్నమున నవధానిని పదటము పడు
    నటులజేసి యధికముగ నరుసమొంద
    దగు నొకండె , పృచ్ఛకుఁడ వధానమందు
    దత్తపది కొరకాంగ్ల పదముల నొసగ

    రిప్లయితొలగించండి
  12. ఖచ్చితమై ప్రమాణ నుడికారపు వ్యాకరణోచితంబు లై
    అచ్చతెనుంగు పద్యముల నాంగ్లపదంబులె శోభ గూర్చగన్
    హెచ్చుగ  నిల్చు భాషపటిమెంతయొ ప్రశ్నను జేర్చి కూర్చగన్
    పృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై

    రిప్లయితొలగించండి
  13. ఈ కామెంట్‌ను రచయిత తీసివేశారు.

    రిప్లయితొలగించండి
  14. తేటగీతి:
    ఇతని సరిజోడి యనునట్లు నేడుగురును
    బుధులు యవధాని కెదురు సమూహమనగ
    వక్త చతురుడప్రస్తుత భాషణుండు
    “తగు నొకండె పృచ్ఛకుఁడు వధానమందు”
    -కటకం వేంకటరామశర్మ.

    రిప్లయితొలగించండి
  15. అడుగడుగడుగునవధాని తడుము కొనగ
    ధారణ చెరచు నేర్పరి, తార్కికుండు
    తగు నొకండె పృచ్ఛకుఁడు వధానమందు,
    నవరసములూరి,సభికులు నచ్చి మెచ్చ.

    రిప్లయితొలగించండి
  16. అచ్చపుతెల్గు పద్యముల నాశువుగా రచియించి యెల్లరున్
    మెచ్చ వధానిచెప్ప చలమేమియుఁ జూపక నేకధాటిగా
    నచ్చెరువందు రీతిజను లంతరజాల వధానమందునన్
    పృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై

    రిప్లయితొలగించండి
  17. మెచ్చగ ప్రేక్షకాళి విన,మేధను బెంచెడి ప్రశ్న లేసినన్
    అచ్చపు తెన్గు భాషనటు నారడి బెట్టుచు నాటలాడినన్
    హెచ్చిన పాటవమ్మునను హేలగ నుత్తర మిచ్చి గెల్చినన్
    ముచ్చట ఖేలన మ్మనగ,మూర్ఖముగాద?వధానియెట్లు,తా
    పృచ్ఛకు డొక్కడున్నపుడు పేర్మిని గాంచు శతావధానమై ?!!

    రిప్లయితొలగించండి
  18. ఉత్పలమాల:
    పుచ్ఛము దీర్ఘ మైననది ముచ్చటగా హరియౌనె కాకమే ?!
    కచ్ఛపమెంత గెంతినను గట్టును గుట్టను పోలగల్గునే?!
    తుచ్ఛపు బుద్ధిగాక, ఘనదోర్బల పండితు డైన నెట్లు తా
    “పృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై”?
    -కటకం వేంకటరామశర్మ.

    రిప్లయితొలగించండి
  19. నచ్చెడి రీతిలో నడుగు నవ్య ప్రహేళికలన్నతండుగా
    అచ్చెరు వొందుగా జనులె యాతని ప్రశ్నలధీటికిన్సదా
    మెచ్చవధానవిద్యలను మీరడుహద్దులునట్టిగట్టియౌ
    పృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై

    రిప్లయితొలగించండి
  20. అడుగ నెల్లరు దిట్టలె యడుగఁ బడినఁ
    గూడఁ బాండిత్య మందెంచ గొప్ప వారె
    పెంపు గల వారి యందు గణింపఁగ రయి
    తగు నొకండె పృచ్ఛకుఁడు వధానమందు


    ఇచ్ఛ చెలంగ డెందమున నింపుగ గెల్వ వధాని నత్తరిన్
    స్వేచ్ఛగ వేయఁ బ్రశ్న లట నింపుగ ముల్కుల చంద మొప్పఁగన్
    స్వచ్ఛపు టొక్క యంశమునఁ జక్కని వాఁ డొకఁ డన్న రీతినిం
    బృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై

    రిప్లయితొలగించండి
  21. అడుగడుంగున నడ్డంకు లిడువ గలుగు
    తగునొకండెపృచ్ఛకుడు వధానమందు
    తగిన ధారణ లేనీచో దరము కాదు
    చెప్ప యవధాన మేరికి నిప్పుడమిని

    రిప్లయితొలగించండి
  22. స్వచ్ఛత లేని వాక్యములు సారములేనిప దంబులిచ్చు నా
    పృచ్ఛకు డొక్కడున్నపుడె పేర్మిని గాంచుశ తావధానమై
    పృచ్ఛక వర్యులేగదిల బేర్మిని గల్గగ జేయువారలౌ
    యిచ్ఛను బూరణల్ నుడివి యింపుగ గెల్చువధాని యంతటన్

    రిప్లయితొలగించండి
  23. స్వచ్ఛపు ధారతోడుతను సాంద్ర పదమ్ముల మేళవింపుతో
    గుచ్ఛములన్ విరాళి మెయి గూర్చుచు ధారణలోన మించుచున్
    పృచ్ఛక వర్యులందరికి వేడుక నియ్య వధాని, వేద్యుడౌ
    పృచ్ఛకుఁ డొక్కఁ డున్నపుడె పేర్మినిఁ గాంచు శతావధానమై

    రిప్లయితొలగించండి
  24. వేరువేరు అంశము లను వేరువేరు
    కవులు నిర్వహించుచునుం డ ఘనముగా ను
    ప్రస్తుతముగానివిషయముల్ ప్రస్తుతించ
    తగునొకండె పృచ్ఛకుడు వధానమందు

    రిప్లయితొలగించండి