చం:ఘన మగు నీ సమస్యలను గాంచుచు పూర్వపు నాయకుం బలెన్ మనమున కుందవ, ద్దిదియె మంగళ మౌ, మన పక్ష మింక దీ నిని గొని యీ ప్రభుత్వమును నింద యొనర్చుచు గెల్వ వచ్చు లే! మనకు సమస్యలుండిననె మంచిదగున్ గద సర్వవేళలన్” (పూర్వకాలపు నాయకుల లాగా దేశానికి సమస్య ఉంటే బాధ పడకు.మనకి ఎన్నికల గెలవా లంటే సమస్యలు ఉండాలి,వాటి పై అధికారపక్షం పై పోరాడాలి.కనుక సమస్యలు ఉండటమే మంచిది.)
కుంతీదేవి పంచపాండవులతో......
రిప్లయితొలగించండికందం
అనయము మురళీలోలుడు
కనికరమున తోడు నుండి కష్టము బాపెన్
మనమధ్యన చక్రి నిలువ
మనకుండిన మంచిదగు సమస్యలు సతమున్!
చంపకమాల
అనయము నీరజాక్షుడిల నారితి దీరిచె కష్టమందునన్
కనికరమున్ సదా కురువ కారణభూతుడు నందనందనుం
డన నిది సత్యమే, పిదప నాశ్రితవత్సలుడండనిల్వగన్
మనకు సమస్యలుండిననె మంచిదగున్ గద సర్వవేళలన్!
కనకముసుత్తిని దెబ్బల
రిప్లయితొలగించండివినగానాభరణమునయి వెలుగునుగాదే
పెనుముప్పునదారితెలి.యు
మనకుండిన మంచిదగుసమస్యలు సతమున్
వినుము పరులడిగినను కి
రిప్లయితొలగించండిమ్మనకుండిన మంచిదగు ; సమస్యలు సతమున్
మననేచుట బహు సహజమె
యనుకూలమయిన విధముగ నడ్డుకొనదగున్
రిప్లయితొలగించండిఅనిశమ్మాలోచించెడు
మనుజుండే చతురు డగును మహిలో గద యో
చనజేయుట కొరకైనను
మనకుండిన మంచిదగు సమస్యలు సతమున్.
ననుగోరగ లేవెందుకు
ఘనమగు సుఖములని యడుగు కంబు ధరునితో
వనిత పృథయె నిను తలువగ
మనకుండిన మంచిదగు సమస్యలు సతమున్”*
ఘనమగు సౌఖ్యమబ్బిన నకాయుని తల్వగ లేడు మానవుం
డనిశము సంకటమ్ములవి యంకిలి పెట్టిన పాళమందునన్
ననుగని ప్రోచు మంచు త్రిగుణాత్మకు సన్నిధి గోరు గావునన్
మనకు సమస్యలుండిననె మంచిదగున్ గద సర్వవేళలన్.
వినదగు సత్యము నుడువగ
రిప్లయితొలగించండిమనకుండిన మంచిదగు సమస్యలు సతమున్
ఘనమగు పరిష్కృతంబులు
మనవై నడిపించునుగద మనలను ప్రగతిన్
తనకెదురౌ సమస్యలను దాటెను సాహసి రామచంద్రుడే
ఘనమగు రీతి వారధిని కట్టుట సాధ్యము చేసి చూపెగా
మనకు సమస్యలుండిననె మంచిదగున్ గద సర్వవేళలన్
మనిషిని శక్తిమంతునిగ మార్చుట కయ్యవి పట్టుగొమ్మలౌ
కనకపు కంఠాభరణముఁ
రిప్లయితొలగించండిగొనలేదని కోపగించ కోమలి , యపుడా
పెనిమిటి మారాడక కి
మ్మనకుండిన మంచిదగు సమస్యలు సతమున్
అనువగు రీతిగ ధనములు
రిప్లయితొలగించండిమన కుండిన మంచి దగు : సమస్యలు సతమున్
మనుజుల కు వ చ్చు కానీ
మునుకొని పో ద్రో ల వలయు బుద్ధి కుశ ల తన్
మనుజుల జీవితమందున
రిప్లయితొలగించండిదినదినము సమస్యలుండు స్థిరచిత్తముతో
మనుగడ సాగించినచో
మనకుండిన మంచిదగు సమస్యలు సతమున్
మనసున శాంతిలేనపుడు మానవులా భగవానుఁ గొల్చుచున్
రిప్లయితొలగించండివినయవిధేయతల్గలిగి ప్రేముడిఁ మెల్గుదురట్లు గానిచో
ననయము దైవమున్ మరచి యారడి జేసెదరా కతంబునన్
మనకు సమస్యలుండిననె మంచిదగున్ గద సర్వవేళలన్
కం:ఘనముగ కవనము నేర్వగ
రిప్లయితొలగించండిమనగా నవధానులుగను మంచి చదువ దే
మనగ సమస్యాపూరణ
మనకుండిన మంచిదగు సమస్యలు సతమున్”
చం:ఘన మగు నీ సమస్యలను గాంచుచు పూర్వపు నాయకుం బలెన్
రిప్లయితొలగించండిమనమున కుందవ, ద్దిదియె మంగళ మౌ, మన పక్ష మింక దీ
నిని గొని యీ ప్రభుత్వమును నింద యొనర్చుచు గెల్వ వచ్చు లే!
మనకు సమస్యలుండిననె మంచిదగున్ గద సర్వవేళలన్”
(పూర్వకాలపు నాయకుల లాగా దేశానికి సమస్య ఉంటే బాధ పడకు.మనకి ఎన్నికల గెలవా లంటే సమస్యలు ఉండాలి,వాటి పై అధికారపక్షం పై పోరాడాలి.కనుక సమస్యలు ఉండటమే మంచిది.)
కం॥ మనమున ధైర్యము విజ్ఞతఁ
రిప్లయితొలగించండిగనఁగ నిలఁ బరిష్కరించఁ గలుగఁగఁ దరమై
చనుచును జటిలము కానిని
మనకుండిన మంచిదగు సమస్యలు సతమున్
చం॥ అనువుగ ధైర్యసాహసము లచ్చెరు వొందెడి రీతిఁ బొందఁగన్
మనుజులు విజ్ఞతాదులను మక్కువ మీరఁగఁ గాంచు శక్తియున్
గనఁ బరిహారమున్ మహినిఁ గన్గొనఁ గల్గు సమస్య లిచ్చునే!
మనకు సమస్యలుండిననె మంచిదగున్ గద సర్వవేళలన్
సమస్యలు మరీ జటిలము కానివి ఉంటే మంచిదండి. Otherwise complacency would set in and the progress would be curtailed.
మన కెదల విచారింపఁగఁ
రిప్లయితొలగించండిబని యుండునె రుక్మిణి కయి బలిమినిఁ దీర్చున్
దనుజారి వాసుదేవుఁడు
మన కుండిన మంచిదగు సమస్యలు సతమున్
[కుండిన=కుండిన పురము]
మనుజులు గాక యిప్పగిది మ్రానులు వొందునె ధాత్రిఁ గష్టముల్
వనరిన లాభ ముండునె విపన్నిచయమ్ములు మిక్కుటమ్ములై
యొనర నతిక్రమింప ధృతి నుద్భవ మందు నుపాయముల్ వెసన్
మనకు సమస్యలుండిననె మంచిదగున్ గద సర్వవేళలన్
వినయము సౌశీల్యంబులు
రిప్లయితొలగించండిమనకుండిన మంచిదగు, సమస్యలు సతమున్
బనికట్టుకువచ్చునుగద
ధనహీనునకే పృధివిని దండిగ సుమ్మీ
వినయము సాధుశీలతలు వెంబడియబ్బునుసత్వరంబుగా
రిప్లయితొలగించండినెనదగు కష్టముల్గలుగనెవ్వరికైనను నిజ్జగంబులో
ననయము మంచి వేడుచును నాశ్రయ మొందుదురాజగత్పతిన్
మనకు సమస్యలుండిననె మంచిదగున్ గద సర్వవేళలన్