13, ఫిబ్రవరి 2017, సోమవారం

సమస్య - 2281 (భయపడఁగ వీరుఁడని...)

కవి మిత్రులారా!
ఈరోజు పూరించవలసిన సమస్య ఇది....

"భయపడఁగ వీరుఁడని జనుల్ ప్రస్తుతింత్రు" 
లేదా....
"భయపడినంత వీరుఁడని పల్కుచు మెచ్చిరి లోకులెల్లరున్"

43 కామెంట్‌లు:

  1. "స్వధర్మే నిధనం శ్రేయః పరధర్మో భయావహః"

    .....భగవద్గీత - 3.35



    మొరగ లేదు శునకమని మ్రోగి నట్టి
    గార్ధబమ్ము వోలె తనది గాని పనిని
    వృత్తి ధర్మమ్ము లెంచక నెత్తి కెత్త
    భయపడఁగ వీరుఁడని జనుల్ ప్రస్తుతింత్రు

    రిప్లయితొలగించండి


  2. కత్తి బట్టుచు నడివీధి కదన మాడ
    జనులు బెంబేలనుచు భీతి జావ గారి
    భయపడఁగ, వీరుఁడని జనుల్ ప్రస్తుతింత్రు
    నతని తమమేలు కోరియన తెలియగను

    జిలేబి

    రిప్లయితొలగించండి


  3. పయిదలి యాన గాను తన భాగ్యము వీడెను సెల్వమయ్యటన్,
    జయజయహే యటంచు తన జావళి మార్చి, సమాధిగాంచి,ని
    ర్భయపడినంత, వీరుఁడని పల్కుచు మెచ్చిరి లోకులెల్లరున్,
    భయదము వీడె పోరు గన బాధ్యత గాంచెను నల్లతంబియై:)

    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      మీ రెండు పూరణలు బాగున్నవి. అభినందనలు.
      మొదటి పూరణలు 'ప్రస్తుతింత్రు+అతని' అన్నపుడు నుగామమం రాదు. చివరిపాదం కొంత గందరగోళంగా ఉంది.
      రెండవ పూరణ విషయంలో శాస్త్రి గారితో ఏకీభవిస్తున్నాను.

      తొలగించండి
  4. డా.పిట్టా సత్యనారాయణ
    తెగబడియు ద్రుంచు వాడెపో ధీరుడనగ
    రణమునకు నుండు నీతి నిరస్త్రు నెదుర
    దగిన సందర్భమున తాను ధర్మమునకు
    భయపడగ వీరుడని జనుల్ ప్రస్తుతింత్రు

    క్షయమగు గీర్తియంచనక సామము జూపెను తాను కృష్ణుడై
    రయమున రాక్షసాధము పరాకుని దూషణలందె, వంద సం
    చయమునకందగా పగతు క్ష్మాతలి గూల్చెను మాటదప్పగా
    భయపడినంత వీరుడని పల్కుచు మెచ్చిరి లోకులెల్లరున్!

    రిప్లయితొలగించండి
    రిప్లయిలు
    1. డా. పిట్టా సత్యనారాయణ గారూ,
      మీ రెండు పూరణలు బాగున్నవి. అభినందనలు.

      తొలగించండి
    2. డా.పిట్టా నుండి,ఆర్యా,పురస్కార విశేషాలకై ప్రతీక్ష.మీకు మాహృదయ పూర్వక అభినందనలు

      తొలగించండి
  5. ప్రక్క దారుల త్రొక్కెడు బిక్కవాని
    సుతునిఁగాంచిన తండ్రియు క్షోభఁజెంది
    పలుకులకు,చేతలకు తాను కలతచెంది
    భయపడగ వీరుడని జనుల్ ప్రస్తుతింత్రు

    రిప్లయితొలగించండి
    రిప్లయిలు
    1. ప్రసాద రావు గారూ,
      మీ పద్యం బాగుంది. భావమే కొంత సందేహాస్పదంగా ఉంది. 'బిక్కవాని'...?

      తొలగించండి
  6. అనునయించెనుమానాన్నతననుజూచి
    భయపడగ.వీరుడనిజనుల్ బ్రస్తుతింత్రు
    సాహసంబునరిపులనుసంహరించ
    సాహసంబులుగలచోటజయములుండు

    రిప్లయితొలగించండి
  7. అతిరధుడు మహారధుడని యంది ఖ్యాతి
    వెన్నుపోటున నరి గూల్చ నెన్నుకొనుచు
    ధర్మయుద్ధము వీడి యధర్మ గతికి
    భయపడఁగ వీరుఁడని జనుల్ ప్రస్తుతింత్రు

    నిన్నటి సమస్యకు నా పూరణలు

    శవ జాగరమున కలగని
    యవగతమయె నాకటంచు ననెనొకడు ఋజన్
    భవ దురితమె కర్ణుని యా
    యువు చెల్లఁగ గెలిచెనట సుయోధనుఁ డనిలోన్

    రవి సుతుడు గూలె నెటు? పా
    ర్థివు డోడెన యుద్ధమందు ? రిపులకు బలియై
    శవమెవడయె ? కర్ణుని యా
    యువు చెల్లఁగ/ గెలిచెనట/ సుయోధనుఁ డనిలోన్

    రిప్లయితొలగించండి
    రిప్లయిలు
    1. భాగవతుల కృష్ణారావు గారూ,
      మీ మూడు పూరణలు బాగున్నవి. అభినందనలు.

      తొలగించండి
  8. భయపడినంతవీరుడనిపల్కుచుమెచ్చిరిలోకులెల్లరున్
    భయపడినంతభీరుడనిబల్కగనొప్పునుగాదెయిధ్ధరన్
    రయమునసాగుముందునకురాజసమొప్పగవీరుడెప్పుడున్
    జయమునుబల్కగాదగునుసాయుధవంతునకేగదాయికన్

    రిప్లయితొలగించండి
  9. వెఱపు లేకయె నిజమైన వీరుని వలె
    చెలగు రణమున నాతడు చిచ్చు వోలె
    యాతని పరాక్రమమునకు నరులు బెదరి
    భయపడఁగ వీరుఁడని జనుల్ ప్రస్తుతింత్రు

    రిప్లయితొలగించండి
    రిప్లయిలు
    1. గుఱ్ఱం జనార్దన రావు గారూ,
      మీ పూరణ బాగున్నది. అభినందనలు.
      '..వోలె నాతని...' అనండి.

      తొలగించండి
  10. జయములు సర్వకార్యముల చక్కగ నందుచు,శత్రువర్గమున్
    క్షయ మొనరించు శౌర్యమును, సర్వ జనావన శక్తి గల్గియున్
    వయసున బెద్దయౌ నతడు పండితులం గని నమ్ర దేహుడై
    భయపడినంత వీరుడని పల్కుచు మెచ్చిరి లోకు లెల్లరున్.
    విజయ దీప్తియు, సర్వత్ర విస్తరించు
    యశము, శౌర్యంబులును గల్గి, నిశలు బవలు
    సాధు జనులకు,గురులకు సతుల కవని
    భయపడఁగ వీరుఁడని జనుల్ ప్రస్తుతింత్రు.
    హ.వేం.స.నా.మూర్తి

    రిప్లయితొలగించండి
    రిప్లయిలు
    1. హరి వేంకట సత్యనారాయణ మూర్తి గారూ,
      మీ రెండు పూరణలు బాగున్నవి. అభినందనలు.

      తొలగించండి
  11. అరి గణ హరి భూపాలుని హస్త పాద
    చిత్ర చలనమ్ము లెల్ల సూచి రణరంగ
    జైత్ర ఖడ్గలావణ్యము శత్రు సేన
    భయపడఁగ వీరుఁడని జనుల్ ప్రస్తుతింత్రు


    రయమున లాగి యా ధనువు లాఘవ మొప్పగ నెక్కుపెట్ట నే
    భయమును లేక రాఘవుడు వైష్ణవ తేజుఁడు జామదగ్నియే
    భయపడినంత వీరుఁడని పల్కుచు మెచ్చిరి లోకులెల్లరున్
    నయమున నేగె భార్గవుడు నమ్రత నంత మహేంద్రశైలమున్

    రిప్లయితొలగించండి
    రిప్లయిలు
    1. పోచిరాజు కామేశ్వర రావు గారికి,
      మీ రెండు పూరణలు ప్రశస్తంగా ఉన్నవి. అభినందనలు.
      'నయమునఁ జేరె... మహేంద్రశైలమున్' అంటే బాగుంటుందేమో?

      తొలగించండి
    2. లేదా 'నయమున నేగె... మహేంద్రశృంగికిన్' ?

      తొలగించండి
    3. పూజ్యులు శంకరయ్య గారికి వందనములు. మీ సవరణ తో నన్వయ లోపము తొలగినది. ధన్యవాదములు.

      “నయమున నేగె భార్గవుడు నమ్రత నంత మహేంద్ర శృంగికిన్” గా సవరణ చేయు చున్నాను.

      తొలగించండి
  12. ప్రణామములు గురువుగారు...

    బీరుడని యంద్రు పోరున బిక్కచచ్చి
    భయపడఁగ, వీరుఁడనిజనుల్ ప్రస్తుతింత్రు
    వెన్ను జూపని శౌర్యంపు వేడితోడ
    విజయలక్ష్మిని వరియించు విజయు గనుచు!!!

    రిప్లయితొలగించండి
    రిప్లయిలు
    1. శైలజ గారూ,
      బహుకాల దర్శనం... సంతోషం!
      మీ పూరణ బాగున్నది. అభినందనలు.

      తొలగించండి
  13. సైన్యమునఁ జేరి కరమగు శక్తితోడ
    పోరుఁ జల్పుచు నున్నట్టి పుత్రుఁ గాంచి
    తల్లిదండ్రులు బంధువుల్ తల్లడించి
    భయపడఁగ, వీరుఁడని జనుల్ ప్రస్తుతింత్రు

    రిప్లయితొలగించండి
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.
      నిన్న మీతోను, రామమోహన్ రావు గారితోను గడపడం సంతోషాన్నిచ్చింది. గుండు మధుసూదన్ గారు కూడా మీకు ధన్యవాదాలు తెలియజేయమన్నారు.

      తొలగించండి
  14. ……………………….......................
    గు రు మూ ర్తి ఆ చా రి
    ,,,,,,,,,,,,,,,,,,,,,,,,,,,

    ఎదుటి వాని గొ౦తుకను ఖ౦డి౦చు వాని

    వీరు డని య౦దురే ? కాదు , క్రూరు డ౦ద్రు

    ధర్మ సత్య మార్గములకు తా నొకి౦త

    భయపడగ , వీరు డని జనుల్ ప్రస్తుతి౦త్రు

    రిప్లయితొలగించండి
  15. నియమముతోననీకమున నిల్చిసతమ్ము మనీషఁ జూపుచున్
    రయమున సాగు యుద్ధమున రంజిలుచుండగ యుద్ధభూమిలో
    జయమును పొందపుత్రునికిసాధ్యమయంచు కృశించు తండ్రితా
    భయపడినంత, వీరుఁడని పల్కుచు మెచ్చిరి లోకులెల్లరున్

    రిప్లయితొలగించండి
    రిప్లయిలు
    1. అన్నపరెడ్డి వారూ,
      మీ రెండవ పూరణ బాగున్నది. అభినందనలు.
      అనీకము, మనీష వంటి పదప్రయోగం ప్రశంసనీయం.

      తొలగించండి
  16. పాండవులు,కౌరవుల్ రాజ్యభాగమందు
    యుద్ధమన్నచొ?ధర్మజ యోధుడచట
    భయపడగ|”వీరుడని జనుల్ ప్రస్తు తింత్రు
    పంచపాండవ మధ్యుని బలముగాంచి|”
    2.దయగల గాంధితాత తనదక్షతవిల్లున తెల్లజాతనే
    భయమును మాన్పె|మాటలనుబాణములేయుచు మార్పు జేయగా?
    జయము వరించెనాడు మనజాతి పురోగతి యందుమోసమే
    భయపడినంత|వీరుడనిపల్కుచు మెచ్చిరి లోకు లెల్లరున్|


    రిప్లయితొలగించండి
    రిప్లయిలు
    1. కె. ఈశ్వరప్ప గారూ,
      మీ రెండు పూరణలు బాగున్నవి. అభినందనలు.
      టైపాట్లున్నవి.

      తొలగించండి
  17. కవిమిత్రులారా,
    నిన్న హైదరాబాదు వెళ్ళి ఈరోజు ఇల్లు చేరాను. అందువల్ల నిన్నటి పూరణలను సమీక్షించలేకపోయాను. మన్నించండి.
    నిన్న బషీర్‍బాగ్ ప్రెస్‍క్లబ్‍లో 'గురజాడ ఫౌండేషన్, అమెరికా' వారి 'గురజాడ జాతీయ విశిష్ట సాహిత్య పురస్కారం - 2017'ను అందుకున్నాను. ఎందరో కవిమిత్రులు కలిసారు.
    అన్నపరెడ్డి సత్యనారాయణ రెడ్డి గారు, వారి మిత్రులు రామమోహన్ రావు గారు ఆత్మీయంగా వచ్చి కలిసారు. శిష్ట్లా శర్మ గారు మాకు తాజ్‍మహల్ హోటల్లో విందు ఇచ్చారు. రాత్రి నేను, గుండు మధుసూదన్ రావు గారు రామమోహన్ గారి ఇంట్లోనే పడుకొని ఉదయం వారి ఆతిథ్యాన్ని అందుకొని బయలుదేరి వరంగల్ చేరుకున్నాను. అన్నపరెడ్డి వారికి, రామమోహన్ గారికి, శిష్ట్లా వారికి ధన్యవాదాలు.

    రిప్లయితొలగించండి
  18. నయమున మంచి మార్గమున నల్గురు మెచ్చిన తీరు గాక ని
    ర్దయగొని తోటి వారలను దాసులుగా గను వాని చర్యలన్
    రయమున మార్చు వాడొకడు రక్కసుఁడై బెదిరించ, దుష్టుడున్
    భయపడినంత, వీరుఁడని పల్కుచు మెచ్చిరి లోకులెల్లరున్.

    రిప్లయితొలగించండి
  19. శంకరయ్య గారికి నమస్కారం బిక్కచచ్చివ అనేది వాడుకలోని మాండలకమనే ఉద్దేశ్యంతో వ్రాశాను.మన్నింప ప్రార్ధన

    రిప్లయితొలగించండి
  20. నీతి లేని వానికిజాతి నిలుచునండ
    వింతయేమియిందు జనులు విలువ లిడువ
    పిచ్చి వానిచేతిలొ రాతి పిడిని చూచి
    భయపడఁగ వీరుఁడని జనుల్ ప్రస్తుతింత్రు

    రిప్లయితొలగించండి
  21. నయమున వ్రాయరా భడవ! నానుడి చెప్పెద నిట్టులన్గ నే:
    "భయపడినంత వీరుఁడని పల్కుచు మెచ్చిరి లోకులెల్లరున్"
    రయమున వ్రాసె బంగలున రచ్చను జేసెడి బాలుడిట్టులన్:
    "భయపడినంత భీరుఁడని పల్కుచు మెచ్చిరి లోకులెల్లరున్"

    వంగభూమి = బంగభూమి

    రిప్లయితొలగించండి