16-12-2020 (బుధవారం)
కవిమిత్రులారా,
ఈరోజు పూరింపవలసిన సమస్య ఇది...
“తేలు గుట్టె బాధ తెలియదింత”
(లేదా…)
“కుడ్యముమీఁది తేలొకనిఁ గుట్టెను బాధ యెఱుంగఁ డింతయున్”
"శ్రీ రాముని దయ చేతను..." సరదా పూరణ:జాడ్యము లొందగా విరివి జాయయు పుత్రుల కాపురమ్మునన్కుడ్యము పైన గోచిగొని కూర్మిని వీడుచు సన్యసించుచున్జాడ్యము లన్నిటిన్ గెలిచి జందెము వీడెడి సాధుపుంగవున్ కుడ్యముమీఁది తేలొకనిఁ గుట్టెను బాధ యెఱుంగఁ డింతయున్...
సంసార బాధలతో పోల్చితే తేలు కుట్టిన బాధ ఎంత?మీ సరదా పూరణ బాగున్నది. అభినందనలు.
🙏
తేలు కుట్టిన బాధ సంగతి తెలీదుకాని ముందున్న బాధ మాత్రం పోయింది..(Neurotoxin వల్ల నాడ్యవిముక్తి)😉😉ఈడ్యవిశేషమున్ వెతుకనీతడు బోయెను యోగవిద్యలోనాడ్యవిముక్తుడౌట భువినందున బాధగలుంగ దానికైకుడ్యముమీద తేలుగని గ్రుచ్చగ కుట్టెను తృష్ణదీరగన్కుడ్యము మీద తేలొకని గుట్టెను బాధనెరుంగడింతయున్రోహిత్🙏🏻🙏🏻🙏🏻🙏🏻
మీ పూరణ బాగున్నది. అభినందనలు.
నవ్వుచాటువిషమునరకముఁజూపించుపువ్వులన్నికావుపూజకోఱకుమనసుబాధమనిషిమరువడుజన్మలోతేలుకుట్టెబాధతెలియదింత
ఈ కామెంట్‌ను రచయిత తీసివేశారు.
ఆటవిడుపు సరదా పూరణ: (జిలేబి గారికి అంకితం)కుడ్యము దూకుచున్ కడకు కూరిమి నొందుచు జంద్యమూనుచున్నడ్యపు గుంపులన్ విడిచి నందము నొంది యమేఠినందునన్కడ్యము కట్టి తొయ్యలిని కమ్మగ గెల్చెడి రిమ్మనందునన్ కుడ్యముమీఁది తేలొకనిఁ గుట్టెను బాధ యెఱుంగఁ డింతయున్...
మీ ఆటవిడుపు పూరణ బాగున్నది. అభినందనలు.
రామ రామ :)ఔర! మోహమందు నాభామ కెడ నన్నుతేలు గుట్టె బాధ తెలియదింతయైన నేమి వింత! హయ్యారె మధువునుగ్రోలి నట్టి మత్తు గ్రోల గ్రోల !జిలేబి
ప్రియసఖి ణిసిధాత్వర్థముకయ! కుడ్యముమీఁది తేలొకనిఁ గుట్టెను బాధ యెఱుంగఁ డింతయున్ చూడయో! యిదెకదా మహిమ పడతి చెంతయ్యో!నారదా!జిలేబి
మీ ఛందఃక్రీడా పూరణ బాగున్నది. అభినందనలు.
పాడ్యమినాడు చౌర్యమును పన్నుగ జేయగ బూనిచోరులేకుడ్యముదూకి గేహమున గుట్టుగ దూరగ నెంచియెక్కగాకుడ్యముమీద తేలొకని గుట్టెను బాధయెఱుంగ డింతయున్జాడ్యము చర్మజన్యమయి సాయము జేసెను చౌర్యమందునన్
చెప్పులోని రాయి చెవిలోని జోరీగకంటిలోని నలుసు కాలిముల్లుఇంటిలోని పోరు యింతింత కాదయాతేలుగుట్టె బాధ తెలియదింత😊😎
గుండావారి బాటలో 🙏🙏🙏ఈడ్యమె పాండునందనుల నీడ్చగకానల మాయద్యూతమున్మౌఢ్యము లావెయై మగువమానముద్రుంచగ సాహసించెనేజాడ్యము రాజ్యకాంక్షయయి జ్ఞాతులపంతము లాలకించకేకుడ్యముమీది తేలొకని గుట్టెను బాధయెఱుంగ డింతయున్
మీ రెండు పూరణలు ప్రశస్తంగా ఉన్నాయి. అభినందనలు. మధ్యలో చెప్పినది నవ్వుకోడానికి బాగుంది.
ధన్యాస్మి గురుదేవా! నమస్సులు! 🙏🙏🙏
విడ్యమునోటియందునిడివేషముమంచిగఁజూపుచుండుగాకుడ్యముమీదిబల్లివలెగోముగచేతలమార్చుచున్వెసన్జాడ్యమురాజకీయమదిజారిననీతినినేర్చిరేతగన్కుడ్యముమీదితేలోకనిఁగుట్టెనుబాధయెఱుంగడింతయున్
భక్తి యందు మున్గె భగవంతు ధ్యానాన తన్మ యత్వమందు తనను మరచి బాహ్య స్పర్శ లేక పరవశంబున నుండ తేలు గుట్టె బాధ తెలియ డింత
పంట పండి యుండి వరదల పాలయ్యె కుండ నిండు కుండె కూలి వాని మనసు బాధ జూడ మరువక నుండెనే తేలు గుట్టె బాధ తెలియదింత
ఢిల్లీలో ప్రతిపక్షము వారి కామెంట్... ఆటవెలదిరాజధాని లోన రైతన్న లెల్లరుతగని చట్టమనుచు పొగులు చున్నస్పందనంబులేని జాడ్యాన ప్రభుతకుతేలు గుట్టె బాధ తెలియదింత!ఉత్పలమాలఈడ్యమె భారతావనిని నిందరురైతులు వీధికెక్కినన్మౌఢ్యము వీడి వారలను మన్నన జేసెడు మాటలేదనన్?జాడ్యము మేనుఁగప్పినదొ? స్పందన లేదొకొ? హస్తినాపురిన్కుడ్యముమీఁది తేలొకనిఁ గుట్టెను బాధ యెఱుంగఁ డింతయున్!
మీ రెండు పూరణలు బాగున్నవి. అభినందనలు.
ఇంటి నందు తిట్టు నిల్లాలు భర్తయున్ ఎదురు తిరుగ లేడు, నెంత ఘనము కంటి నుండి నీరు కానిపించగ నుండె తేలు గుట్టె బాధ తెలియదింత
కొమరుడేడ్చె నంచు కొనిదెచ్చె నాతడు కీలు బొమ్మ లెన్నొ వేలు పోసి యందు లోన యున్న యందాల మరబొమ్మ తేలు గుట్టె బాధ తెలియదింత
మీ పూరణ బాగున్నది. అభినందనలు."లోన నున్న..."
వీడ్యము నోట బెట్టుకుని వేదన చెందుచు వాడు కుష్టనేజాడ్యము గల్గినట్టి పరి చారకు వేగము బండుగంచు నాపాడ్యమి రోజు గేస్తు పనిపంచగ నూడ్చెడు పాళమందునన్కుడ్యముమీఁది తేలొకనిఁ గుట్టెను బాధ యెఱుంగఁ డింతయున్
రాజకీయాల్లో జరిగే అనూహ్య పరిణామాల పై ఈ నా ప్రయత్నము: ఉ: కుడ్యము పైని పిల్లి వలె గుంపును మార్చ నభీష్ట సిద్ధికైకడ్యము గట్టి వేచె నవకాశము కోసము రాజనీతిగన్మౌఢ్యము మీర దల్చె నట మంచికి పట్టము గట్ట, చోద్యమున్కుడ్యము మీది తేలొకని గుట్టెను, బాధ యెఱుంగ డింతయున్గుంపు= రాజకీయ పార్టీవై. చంద్రశేఖర్
ధన్యవాదములు
దొంగపనులుజేసి దొరకిపోయినవేళతప్పుజరిగెననుచు నొప్పుకొనకకోర్టుగుమ్మమందు కొలువుదీరినపుడుతేలు గుట్టె బాధ తెలియదింతమనసువిప్పతాను మాటరాకతలచెమగువచెంతచేర మధువెదిక్కుమాటబయటరాక మతిబోయినిలచినతేలు గుట్టు బాధ తెలియదింక
ముద్దు లొలుకు నాదు మూడవ మనుమనిగోర్కె దీర్చ మొన్న గొన్న చిన్నిబొమ్మ వృశ్చికమును ముట్టి జూడగనె యాతేలు గుట్టె , బాధ తెలియదింత
సమస్య :తేలు గుట్టె బాధ తెలియ దింత (శకునితో ధర్మరాజు పాచికలాట)హద్దు మీరి శకుని యాశ బెట్టుచునుండ ధర్మతనయు డొడ్డె దనను గూడ ;ద్యూతమనెడి యిట్టి దుష్టమౌ వ్యసనంపు దేలు గుట్టె ; బాధ తెలియ దింత .
చక్కని పూరణ. అభినందనలు.
మనోహరమైనపూరణ
గుణము తెలిసి మసలు గుణవంతు లెందరోతెలుసు కొందు రన్న తేలు విషము,విషము కున్న నసలు విఱుగుడు నెఱగంగతేలు గుట్టె బాధ తెలియదింతకొరుప్రోలు రాధాకృష్ణ రావు
పాడ్యమిరాత్రివేళ ధనవంతుని యిల్లిది యంచు నాశతోకుడ్యము నెక్కి దూకి నిశిఁ గొంపను దూరి ధనమ్ము దోచగానీడ్యచరిత్రచోరులు..., నదేసమయమ్మున నిర్వురందునన్కుడ్యము మీఁది తేలొకనిఁ గుట్టెను బాధ యెఱుంగఁ డింతయున్.కంజర్లరామాచార్య.
మైలవరపు వారి పూరణ జాడ్యవిహీనధీయుతుడు సర్వజగద్ధరిభావభావుకుం... డీడ్యతపోభిలాషి రమణేంద్రుడు దీక్ష వహించియుండగాకుడ్యమునానఁ దేలొకటి కుట్టెను.,భౌతికదృష్టి లేమిచేకుడ్యము మీద తేలొకని గుట్టెను బాధ యెఱుంగ డింతయున్!మైలవరపు మురళీకృష్ణ వెంకటగిరి
బోనసు సరదా పూరణ:దుర్లభ ప్రాసతో: మీడ్యము డోసునన్ గొనుచు మిక్కిలి ప్రీతిని స్కాచివిస్కినిన్ స్టేడ్యము నందునన్ జనుచు చెంతను రాగను పార్టివర్కరుల్ పోడ్యమునెక్కి స్పీచినట పోరున గొట్టగ గచ్చిబౌలినిన్ కుడ్యముమీఁది తేలొకనిఁ గుట్టెను బాధ యెఱుంగఁ డింతయున్...
పెండ్లి యయ్యె నాకు పెద్దలు చేయంగభార్య మవికి రాగ భర్త నైతిచీర నగలటంచు చెదపురుగు తొలంచతేలు కుట్టె బాధ తెలియదింత
వాల గోడ మీద బల్లి దాని నరసి వేగ వేగ వెన్క కేఁగి దానితోక నంటఁ జేరి తూర్ణమ్ము వాలమ్ముఁ దేలు గుట్టె బాధ తెలియ దింత పాడ్యమి నుండి డెందమునఁ బన్నుగ నిత్యము మృత్యులోక సమ్రాడ్యమ ధర్మరాజును గరమ్ము నుతించి చరించు చుండెనో జాడ్యము వచ్చి దేహమునఁ జచ్చెనొ నాడులు విస్మయమ్ముగాఁ గుడ్యము మీఁది తే లొకనిఁ గుట్టెను బాధ యెఱుంగఁ డింతయున్
ఆఢ్యుని కాఢ్య రోగము గుణాఢ్యుని కెవ్వడు లేడు వానికాజాడ్య మమేయ చింతనను, సద్గతికై జగదంబ సాధనన్ గడ్య మటంచు నెంచి నరకార్ణవముం గడగంగ జేయ నా*“కుడ్యముమీఁది తేలొకనిఁ గుట్టెను బాధ యెఱుంగఁ డింతయున్”*
తేలుగుట్టెబాధ తెలియదింతవరకుమత్తుమందునీయ మగతగలుగనేదియెటులయైన నీమత్తుమందులువాడకుండజేయవలయు సుమ్ము
నమ్ముకున్నవారు నట్టేట ముంచిరిమనసు పడెడు క్షోభ మరువలేనుబాధలన్నిట పెనుబాధ వంచన గాదెతేలు గుట్టె బాధ తెలియదింత
కుడ్యముమీదితేలొకనిగుట్టెనుబాధయెఱుంగడింతయున్కుడ్యముమీదయుండునదికుట్టెడుతేలునుగాదుగాగనన్కుడ్యముమీదితేలలదికూరిమితోడనుజేసెజక్కెరన్నీడ్యమెయట్లుజేయుటనునెవ్వరినైనను సంతసంబునన్
అందమున్న వనిత నందించ "చూపులుసంధిజేయుచుండ" సరసమందుతేలుగుట్ట బాధ తెలియదింత " మనిషికుందుచుండె కులుకులందుగాదు!
ఇల్లు శుభ్ర పరచ నెంచిపూనుకొనగతేలు గుట్టె బాధ తెలియ చింతమంత్రి వేత్తవచ్చి మంత్రమే వేయగానచ్చెరు వది కలిగె నాత్మ యందు
పేద బాధ పొందు వేదన లందునప్రేమ లేని బ్రతుకు సీమ యందుఊరు చేరలేని దారుల యందునతేలు గుట్టె - బాధ తెలియ దింత!
రిప్లయితొలగించండి"శ్రీ రాముని దయ చేతను..."
సరదా పూరణ:
జాడ్యము లొందగా విరివి జాయయు పుత్రుల కాపురమ్మునన్
కుడ్యము పైన గోచిగొని కూర్మిని వీడుచు సన్యసించుచున్
జాడ్యము లన్నిటిన్ గెలిచి జందెము వీడెడి సాధుపుంగవున్
కుడ్యముమీఁది తేలొకనిఁ గుట్టెను బాధ యెఱుంగఁ డింతయున్...
సంసార బాధలతో పోల్చితే తేలు కుట్టిన బాధ ఎంత?
తొలగించండిమీ సరదా పూరణ బాగున్నది. అభినందనలు.
🙏
తొలగించండితేలు కుట్టిన బాధ సంగతి తెలీదుకాని ముందున్న బాధ మాత్రం పోయింది..(Neurotoxin వల్ల నాడ్యవిముక్తి)😉😉
రిప్లయితొలగించండిఈడ్యవిశేషమున్ వెతుకనీతడు బోయెను యోగవిద్యలో
నాడ్యవిముక్తుడౌట భువినందున బాధగలుంగ దానికై
కుడ్యముమీద తేలుగని గ్రుచ్చగ కుట్టెను తృష్ణదీరగన్
కుడ్యము మీద తేలొకని గుట్టెను బాధనెరుంగడింతయున్
రోహిత్🙏🏻🙏🏻🙏🏻🙏🏻
మీ పూరణ బాగున్నది. అభినందనలు.
తొలగించండినవ్వుచాటువిషమునరకముఁజూపించు
రిప్లయితొలగించండిపువ్వులన్నికావుపూజకోఱకు
మనసుబాధమనిషిమరువడుజన్మలో
తేలుకుట్టెబాధతెలియదింత
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండి
తొలగించండిఆటవిడుపు సరదా పూరణ:
(జిలేబి గారికి అంకితం)
కుడ్యము దూకుచున్ కడకు కూరిమి నొందుచు జంద్యమూనుచున్
నడ్యపు గుంపులన్ విడిచి నందము నొంది యమేఠినందునన్
కడ్యము కట్టి తొయ్యలిని కమ్మగ గెల్చెడి రిమ్మనందునన్
కుడ్యముమీఁది తేలొకనిఁ గుట్టెను బాధ యెఱుంగఁ డింతయున్...
మీ ఆటవిడుపు పూరణ బాగున్నది. అభినందనలు.
తొలగించండి🙏
తొలగించండి
రిప్లయితొలగించండిరామ రామ :)
ఔర! మోహమందు నాభామ కెడ నన్ను
తేలు గుట్టె బాధ తెలియదింత
యైన నేమి వింత! హయ్యారె మధువును
గ్రోలి నట్టి మత్తు గ్రోల గ్రోల !
జిలేబి
మీ పూరణ బాగున్నది. అభినందనలు.
తొలగించండి
రిప్లయితొలగించండిప్రియసఖి ణిసిధాత్వర్థము
కయ! కుడ్యముమీఁది తేలొకనిఁ గుట్టెను బా
ధ యెఱుంగఁ డింతయున్ చూ
డయో! యిదెకదా మహిమ పడతి చెంతయ్యో!
నారదా!
జిలేబి
మీ ఛందఃక్రీడా పూరణ బాగున్నది. అభినందనలు.
తొలగించండిపాడ్యమినాడు చౌర్యమును పన్నుగ జేయగ బూనిచోరులే
రిప్లయితొలగించండికుడ్యముదూకి గేహమున గుట్టుగ దూరగ నెంచియెక్కగా
కుడ్యముమీద తేలొకని గుట్టెను బాధ
యెఱుంగ డింతయున్
జాడ్యము చర్మజన్యమయి సాయము జేసెను చౌర్యమందునన్
చెప్పులోని రాయి చెవిలోని జోరీగ
తొలగించండికంటిలోని నలుసు కాలిముల్లు
ఇంటిలోని పోరు యింతింత కాదయా
తేలుగుట్టె బాధ తెలియదింత
😊😎
గుండావారి బాటలో 🙏🙏🙏
తొలగించండిఈడ్యమె పాండునందనుల నీడ్చగ
కానల మాయద్యూతమున్
మౌఢ్యము లావెయై మగువమానము
ద్రుంచగ సాహసించెనే
జాడ్యము రాజ్యకాంక్షయయి జ్ఞాతుల
పంతము లాలకించకే
కుడ్యముమీది తేలొకని గుట్టెను బాధ
యెఱుంగ డింతయున్
మీ రెండు పూరణలు ప్రశస్తంగా ఉన్నాయి. అభినందనలు.
తొలగించండిమధ్యలో చెప్పినది నవ్వుకోడానికి బాగుంది.
ధన్యాస్మి గురుదేవా! నమస్సులు! 🙏🙏🙏
తొలగించండివిడ్యమునోటియందునిడివేషముమంచిగఁజూపుచుండుగా
రిప్లయితొలగించండికుడ్యముమీదిబల్లివలెగోముగచేతలమార్చుచున్వెసన్
జాడ్యమురాజకీయమదిజారిననీతినినేర్చిరేతగన్
కుడ్యముమీదితేలోకనిఁగుట్టెనుబాధయెఱుంగడింతయున్
మీ పూరణ బాగున్నది. అభినందనలు.
తొలగించండిభక్తి యందు మున్గె భగవంతు ధ్యానాన
రిప్లయితొలగించండితన్మ యత్వమందు తనను మరచి
బాహ్య స్పర్శ లేక పరవశంబున నుండ
తేలు గుట్టె బాధ తెలియ డింత
మీ పూరణ బాగున్నది. అభినందనలు.
తొలగించండిపంట పండి యుండి వరదల పాలయ్యె
రిప్లయితొలగించండికుండ నిండు కుండె కూలి వాని
మనసు బాధ జూడ మరువక నుండెనే
తేలు గుట్టె బాధ తెలియదింత
మీ పూరణ బాగున్నది. అభినందనలు.
తొలగించండిఢిల్లీలో ప్రతిపక్షము వారి కామెంట్...
రిప్లయితొలగించండిఆటవెలది
రాజధాని లోన రైతన్న లెల్లరు
తగని చట్టమనుచు పొగులు చున్న
స్పందనంబులేని జాడ్యాన ప్రభుతకు
తేలు గుట్టె బాధ తెలియదింత!
ఉత్పలమాల
ఈడ్యమె భారతావనిని నిందరురైతులు వీధికెక్కినన్
మౌఢ్యము వీడి వారలను మన్నన జేసెడు మాటలేదనన్?
జాడ్యము మేనుఁగప్పినదొ? స్పందన లేదొకొ? హస్తినాపురిన్
కుడ్యముమీఁది తేలొకనిఁ గుట్టెను బాధ యెఱుంగఁ డింతయున్!
మీ రెండు పూరణలు బాగున్నవి. అభినందనలు.
తొలగించండిఇంటి నందు తిట్టు నిల్లాలు భర్తయున్
రిప్లయితొలగించండిఎదురు తిరుగ లేడు, నెంత ఘనము
కంటి నుండి నీరు కానిపించగ నుండె
తేలు గుట్టె బాధ తెలియదింత
మీ పూరణ బాగున్నది. అభినందనలు.
తొలగించండికొమరుడేడ్చె నంచు కొనిదెచ్చె నాతడు
రిప్లయితొలగించండికీలు బొమ్మ లెన్నొ వేలు పోసి
యందు లోన యున్న యందాల మరబొమ్మ
తేలు గుట్టె బాధ తెలియదింత
మీ పూరణ బాగున్నది. అభినందనలు.
తొలగించండి"లోన నున్న..."
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండివీడ్యము నోట బెట్టుకుని వేదన చెందుచు వాడు కుష్టనే
రిప్లయితొలగించండిజాడ్యము గల్గినట్టి పరి చారకు వేగము బండుగంచు నా
పాడ్యమి రోజు గేస్తు పనిపంచగ నూడ్చెడు పాళమందునన్
కుడ్యముమీఁది తేలొకనిఁ గుట్టెను బాధ యెఱుంగఁ డింతయున్
మీ పూరణ బాగున్నది. అభినందనలు.
తొలగించండిరాజకీయాల్లో జరిగే అనూహ్య పరిణామాల పై ఈ నా ప్రయత్నము:
రిప్లయితొలగించండిఉ:
కుడ్యము పైని పిల్లి వలె గుంపును మార్చ నభీష్ట సిద్ధికై
కడ్యము గట్టి వేచె నవకాశము కోసము రాజనీతిగన్
మౌఢ్యము మీర దల్చె నట మంచికి పట్టము గట్ట, చోద్యమున్
కుడ్యము మీది తేలొకని గుట్టెను, బాధ యెఱుంగ డింతయున్
గుంపు= రాజకీయ పార్టీ
వై. చంద్రశేఖర్
మీ పూరణ బాగున్నది. అభినందనలు.
తొలగించండిధన్యవాదములు
తొలగించండిదొంగపనులుజేసి దొరకిపోయినవేళ
రిప్లయితొలగించండితప్పుజరిగెననుచు నొప్పుకొనక
కోర్టుగుమ్మమందు కొలువుదీరినపుడు
తేలు గుట్టె బాధ తెలియదింత
మనసువిప్పతాను మాటరాకతలచె
మగువచెంతచేర మధువెదిక్కు
మాటబయటరాక మతిబోయినిలచిన
తేలు గుట్టు బాధ తెలియదింక
మీ రెండు పూరణలు బాగున్నవి. అభినందనలు.
తొలగించండిముద్దు లొలుకు నాదు మూడవ మనుమని
రిప్లయితొలగించండిగోర్కె దీర్చ మొన్న గొన్న చిన్ని
బొమ్మ వృశ్చికమును ముట్టి జూడగనె యా
తేలు గుట్టె , బాధ తెలియదింత
మీ పూరణ బాగున్నది. అభినందనలు.
తొలగించండిసమస్య :
రిప్లయితొలగించండితేలు గుట్టె బాధ తెలియ దింత
(శకునితో ధర్మరాజు పాచికలాట)
హద్దు మీరి శకుని యాశ బెట్టుచునుండ
ధర్మతనయు డొడ్డె దనను గూడ ;
ద్యూతమనెడి యిట్టి దుష్టమౌ వ్యసనంపు
దేలు గుట్టె ; బాధ తెలియ దింత .
చక్కని పూరణ. అభినందనలు.
తొలగించండిమనోహరమైనపూరణ
తొలగించండిగుణము తెలిసి మసలు గుణవంతు లెందరో
రిప్లయితొలగించండితెలుసు కొందు రన్న తేలు విషము,
విషము కున్న నసలు విఱుగుడు నెఱగంగ
తేలు గుట్టె బాధ తెలియదింత
కొరుప్రోలు రాధాకృష్ణ రావు
ఈ కామెంట్‌ను రచయిత తీసివేశారు.
రిప్లయితొలగించండిపాడ్యమిరాత్రివేళ ధనవంతుని యిల్లిది యంచు నాశతో
తొలగించండికుడ్యము నెక్కి దూకి నిశిఁ గొంపను దూరి ధనమ్ము దోచగా
నీడ్యచరిత్రచోరులు..., నదేసమయమ్మున నిర్వురందునన్
కుడ్యము మీఁది తేలొకనిఁ గుట్టెను బాధ యెఱుంగఁ డింతయున్.
కంజర్లరామాచార్య.
మైలవరపు వారి పూరణ
రిప్లయితొలగించండిజాడ్యవిహీనధీయుతుడు సర్వజగద్ధరిభావభావుకుం...
డీడ్యతపోభిలాషి రమణేంద్రుడు దీక్ష వహించియుండగా
కుడ్యమునానఁ దేలొకటి కుట్టెను.,భౌతికదృష్టి లేమిచే
కుడ్యము మీద తేలొకని గుట్టెను బాధ యెఱుంగ డింతయున్!
మైలవరపు మురళీకృష్ణ వెంకటగిరి
రిప్లయితొలగించండిబోనసు సరదా పూరణ:
దుర్లభ ప్రాసతో:
మీడ్యము డోసునన్ గొనుచు మిక్కిలి ప్రీతిని స్కాచివిస్కినిన్
స్టేడ్యము నందునన్ జనుచు చెంతను రాగను పార్టివర్కరుల్
పోడ్యమునెక్కి స్పీచినట పోరున గొట్టగ గచ్చిబౌలినిన్
కుడ్యముమీఁది తేలొకనిఁ గుట్టెను బాధ యెఱుంగఁ డింతయున్...
పెండ్లి యయ్యె నాకు పెద్దలు చేయంగ
రిప్లయితొలగించండిభార్య మవికి రాగ భర్త నైతి
చీర నగలటంచు చెదపురుగు తొలంచ
తేలు కుట్టె బాధ తెలియదింత
వాల గోడ మీద బల్లి దాని నరసి
రిప్లయితొలగించండివేగ వేగ వెన్క కేఁగి దాని
తోక నంటఁ జేరి తూర్ణమ్ము వాలమ్ముఁ
దేలు గుట్టె బాధ తెలియ దింత
పాడ్యమి నుండి డెందమునఁ బన్నుగ నిత్యము మృత్యులోక స
మ్రాడ్యమ ధర్మరాజును గరమ్ము నుతించి చరించు చుండెనో
జాడ్యము వచ్చి దేహమునఁ జచ్చెనొ నాడులు విస్మయమ్ముగాఁ
గుడ్యము మీఁది తే లొకనిఁ గుట్టెను బాధ యెఱుంగఁ డింతయున్
ఆఢ్యుని కాఢ్య రోగము గుణాఢ్యుని కెవ్వడు లేడు వానికా
రిప్లయితొలగించండిజాడ్య మమేయ చింతనను, సద్గతికై జగదంబ సాధనన్
గడ్య మటంచు నెంచి నరకార్ణవముం గడగంగ జేయ నా
*“కుడ్యముమీఁది తేలొకనిఁ గుట్టెను బాధ యెఱుంగఁ డింతయున్”*
తేలుగుట్టెబాధ తెలియదింతవరకు
రిప్లయితొలగించండిమత్తుమందునీయ మగతగలుగ
నేదియెటులయైన నీమత్తుమందులు
వాడకుండజేయవలయు సుమ్ము
నమ్ముకున్నవారు నట్టేట ముంచిరి
రిప్లయితొలగించండిమనసు పడెడు క్షోభ మరువలేను
బాధలన్నిట పెనుబాధ వంచన గాదె
తేలు గుట్టె బాధ తెలియదింత
ఈ కామెంట్‌ను రచయిత తీసివేశారు.
రిప్లయితొలగించండికుడ్యముమీదితేలొకనిగుట్టెనుబాధయెఱుంగడింతయున్
రిప్లయితొలగించండికుడ్యముమీదయుండునదికుట్టెడుతేలునుగాదుగాగనన్
కుడ్యముమీదితేలలదికూరిమితోడనుజేసెజక్కెరన్
నీడ్యమెయట్లుజేయుటనునెవ్వరినైనను సంతసంబునన్
అందమున్న వనిత నందించ "చూపులు
రిప్లయితొలగించండిసంధిజేయుచుండ" సరసమందు
తేలుగుట్ట బాధ తెలియదింత " మనిషి
కుందుచుండె కులుకులందుగాదు!
ఇల్లు శుభ్ర పరచ నెంచిపూనుకొనగ
రిప్లయితొలగించండితేలు గుట్టె బాధ తెలియ చింత
మంత్రి వేత్తవచ్చి మంత్రమే వేయగా
నచ్చెరు వది కలిగె నాత్మ యందు
పేద బాధ పొందు వేదన లందున
రిప్లయితొలగించండిప్రేమ లేని బ్రతుకు సీమ యందు
ఊరు చేరలేని దారుల యందున
తేలు గుట్టె - బాధ తెలియ దింత!