కం:కథల బహుమతుల్ గనగా ప్రథమమ్మున కంటె నచ్చె పంచమ మే, యె వ్విధి వారు నిర్ణయించిరొ! ప్రథమమ్మును మ్రింగెనొక్క పంచమమయ్యో! (మొదటి బహుమతి వచ్చిన కథని ఐదవస్థానం లో ఉన్న కథ మించి పోయింది.)
మ:వృధ యౌ కామము జెందితిన్,మదము తో వేధించితిన్ స్త్రీకి న చ్చు ధనమ్మే యని యామె నన్ చనటిగా జూడంగ మాత్సర్యమే విధియై వేగితి కొన్ని నాళ్లు సఖుడా!వేదాంతి నీ నాటికిన్ ప్రథమంబున్ గబళించెఁ బంచమము సంభ్రాంతిన్ గనన్ షష్ఠమే” (అరిషడ్వర్గం లో ప్రథమ మైన కామం పొందాడు.దాన్ని ధనమదం చెడగొట్టింది.ఆ భ్రాంతి లో తుదకు ఆరవ దైన మాత్సర్యమే మిగిలింది.ఇది గతం కానీ చివరికి వేదాంతి అయ్యాడు.)
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండికందం
తొలగించండిఅధికారము సేబట్టగ
నిధులుండియు శక్తిగలుగు నేతల కొప్పున్
విధివలనో? రాశి ఫలమొ?
ప్రథమమ్మును మ్రింగెనొక్క పంచమమయ్యో!
మత్తేభవిక్రీడితము
అధికారమ్మును బొందముగ్గరటనే యార్తాన పోరాడగన్
నిధులుండంగనె చాలునే గెలువగన్ నేతృత్వమున్ బొందగన్
విధియాడింపగ, వారి రాశి ఫలమో? విశ్వాత్ము సంకల్పమో?
ప్రథమంబున్ గబళించెఁ బంచమము సంభ్రాంతిన్ గనన్ షష్ఠమే!
మ.
రిప్లయితొలగించండికథలోఁ జెన్ను తలోదరిన్ కనులతో కామజ్వరాతప్తుడై
వ్యథలం బొందుచుఁ జూడ హృత్తత మహాహంకారముల్ కల్గి తా
విధిగా బూనెను మానభంగమును గావించంగ మాత్సర్యుడై
ప్రథమంబుం గబళించెఁ బంచమము సంభ్రాతిం గనన్ షష్ఠమే !
(అరిషడ్వర్గాలలో 1.కామం, 5.మదం/అహంకారం, 6.మాత్సర్యం)
కథయైననేమి వినగను
రిప్లయితొలగించండివ్యథయించుక కలిగెనాకు వచియించెడి యా
కథలో నట పరుగెత్తెడి
ప్రథమమ్మును మ్రింగెనొక్క పంచమమయ్యో.
(ప్రథమము మేషము మేక పంచమము సింహము)
కథకుండొక్కడు చేరవచ్చి గుడి ప్రాకారమ్ములో నక్తమున్
కథతా జెప్పె నిటుల్ కనన్ గళములో క్వాథమ్మదే చిందగా
ప్రథమంబున్ గబళించెఁ బంచమము, సంభ్రాంతిన్ గనన్ షష్ఠమే
వ్యథతో ఛాగిని మింగెనా యడవిలో పంచాస్య మంచేడ్చెనే.
*(ప్రథమం మేషం పంచమం సింహం షష్ఠమం కన్య)*
విధిగనె మామిడి చిగురుల
రిప్లయితొలగించండిప్రథమమ్మును మ్రింగెనొక్క పంచమమయ్యో !
వ్యధనొందకు మారీతిగ
మధుర మయిన కూతలనిక మనకొస గునుగా
పృథ చెంతనున్న చెలితో
రిప్లయితొలగించండిరథమున్ బయనించువేళ లక్షించినదౌ
కథనమ్మును తెల్పె నిటుల
ప్రథమమ్మును మ్రింగెనొక్క పంచమమయ్యో
పృథవాచించెను చెంతనున్నచెలితో వీక్షించితిన్ గాననన్
రథమందున్ బయనించు వేళ హరియే మ్రక్కించెనోమేకనే
కథనేతెల్పెద నాలకింపుమనుచున్ గ్రాల్గంటి వాక్రుచ్చెనే
ప్రథమంబున్ గబళించెఁ బంచమము సంభ్రాంతిన్ గనన్ షష్ఠమే
[జ్యోతిష రాశుల ననుసరించి...కుంతి కన్యగానుండగా]
సమస్య:
రిప్లయితొలగించండిప్రథమంబున్ గబళించెఁ బంచమము సంభ్రాంతిన్ గనన్ షష్ఠమే
మత్తేభము:
కథలందున్ విన సొంపు కూడునదియా కాదండ్రు లోకంబునన్
మథనంబున్ దొరికేనులే చెలియయే మాన్యంపు సావాసమై
ప్రథమంబున్ గబళించెఁ బంచమము సంభ్రాంతిన్ గనన్ షష్ఠమే
తిథి వారంబుల గాంచుచున్ మనువులన్ తీరౌన దాంపత్యమే
(ప్రథమ=మేష, పంచమము=సింహము, షష్ఠమేము= కన్య రాశులు)
కం:కథల బహుమతుల్ గనగా
రిప్లయితొలగించండిప్రథమమ్మున కంటె నచ్చె పంచమ మే, యె
వ్విధి వారు నిర్ణయించిరొ!
ప్రథమమ్మును మ్రింగెనొక్క పంచమమయ్యో!
(మొదటి బహుమతి వచ్చిన కథని ఐదవస్థానం లో ఉన్న కథ మించి పోయింది.)
మ:వృధ యౌ కామము జెందితిన్,మదము తో వేధించితిన్ స్త్రీకి న
రిప్లయితొలగించండిచ్చు ధనమ్మే యని యామె నన్ చనటిగా జూడంగ మాత్సర్యమే
విధియై వేగితి కొన్ని నాళ్లు సఖుడా!వేదాంతి నీ నాటికిన్
ప్రథమంబున్ గబళించెఁ బంచమము సంభ్రాంతిన్ గనన్ షష్ఠమే”
(అరిషడ్వర్గం లో ప్రథమ మైన కామం పొందాడు.దాన్ని ధనమదం చెడగొట్టింది.ఆ భ్రాంతి లో తుదకు ఆరవ దైన మాత్సర్యమే మిగిలింది.ఇది గతం కానీ చివరికి వేదాంతి అయ్యాడు.)
ప్రథమమ్మననది కామము
రిప్లయితొలగించండివ్యథలకునదె హేతువౌను పరికింపంగన్
ప్రథిత గుణాఢ్యుండాతని
ప్రథమమ్మును మ్రింగెనొక్క పంచమమయ్యో
ఈ కామెంట్‌ను రచయిత తీసివేశారు.
రిప్లయితొలగించండికథితం బయ్యెను వసుధా
రిప్లయితొలగించండిపథంబు వ్యాపింప నిట్లు బాలుర చేతం
బృథివీరుహ జనిత ఫల
ప్రథమమ్మును మ్రింగె నొక్క పంచమ మయ్యో
[పంచమము = కోయిల]
వృధసాకుండు వృకమ్ము ఛాగి హరియున్ భేలమ్ము సింహంబు సా
తిథు లారణ్య విహార కేళి నతి సందీప్తాంగ సంచారులై
పృథివీ భృద్వన కందరాదులఁ దమిన్ వీక్షించు చుండంగ నా
ప్రథమంబున్గబళించెఁ బంచమము సంభ్రాంతిన్ గనన్షష్ఠమే
ప్రథ మము వచ్చితి ననుచును
రిప్లయితొలగించండిముదమున నుప్పొంగు చుండ మోసము జేతన్
వ్యథ ను గూర్ప గ నయ్యె డ
ప్రథ మ మ్మును మ్రింగె నొక్క పంచ మ మ య్యో!
మ॥ వ్యథలన్ బొందఁగ నేలనో భువిని సంప్రాప్తించు భాగ్యమ్ములున్
రిప్లయితొలగించండిగథలన్ బోలుచు మార్పుచెందవొకొ లౌక్యంబెంచి వర్తించవో
ప్రథమంబెప్పుడు శాశ్వతమ్మగునొకో భావించగన్ రాదయా!
ప్రథమంబున్ గబళించెఁ బంచమము సంభ్రాంతిన్ గనన్ షష్టమే!
కం॥ పృథివిని శాశ్వత ముండున
రథి సారథియైన పగిది రజ్జువు పామౌ
కథితమిది చూచు చుండఁగ
ప్రథమమ్మును మ్రింగె నొక్క పంచమయ్యో
భారతీయ కుబేరుల జాబితా ఇలాగే మారుతుందండి. ధీరుభాయి అనిల్ ముఖేష్ కు ఒకేరంగా పంచారు. ఈరోజు ఎంతవ్యత్యాసమో. గౌతమ్ అదానీ ఇద్దర్నీ మ్రింగేశాడు. వైకుంఠపాళిలో అంతాతారుమారు.
3)మ: వృధ గా నగ్రకులస్తు నంచు కడు గర్వించంగ నీ యెన్నికన్
రిప్లయితొలగించండివ్యధయే దక్కగ నాకు బంచమునకే యాధిక్య మబ్బెన్ గదా!
ప్రథమంబున్ గబళించెఁ బంచమము సంభ్రాంతిన్ గనన్ షష్ఠమే”
విధి యై మత్సర మొందితిన్
నను సదా వేధించె నా గాధయే.
(అగ్రవర్ణం అనే మదం తో ఎన్నికలో పాల్గొన్నాడు.కానీ పంచముడు గెలిచాడు.ఇక మత్సరమే మిగిలింది.)
వ్యథలందున్ బడవైచునట్టి యరిషడ్వర్గంబులీ క్షోణిపై
రిప్లయితొలగించండిప్రథితున్ సైతముపేక్ష సేయకఁ నవధ్వంసమ్ము గావించెడిన్
పృథివిన్ జానకిఁ గోరి రావణుఁడు తా విధ్వంసముం బొందగన్
ప్రథమంబున్ గబళించెఁ బంచమము సంభ్రాంతిన్ గనన్ షష్ఠమే
రిప్లయితొలగించండిపిన్నక నాగేశ్వరరావు.
హైదరాబాద్.
ప్రథమమగు రాశి మేషము
ప్రథమం బాహారమునకు వనమున కేగన్
వ్యథ చెందితి దృశ్యముఁ గని
ప్రథమమ్మును మ్రింగెనొక్క పంచమమయ్యో!
పృథుతరు నీడను మేతను
రిప్లయితొలగించండికుథమును మేయుచు తిరుగుచు కూడుచు జతతో
పథమున నుండగ గనుచా
ప్రథమమ్మును మ్రింగెనొక్క పంచమమయ్యో