శంకరార్యా ! చాల దినముల నుండి ఈ సమస్య నన్ను వేధించు చున్నది. పాద్యాద్యక్షరములు గురు లఘువులలొ నేదో యొకటే యుండ వలెనను నియమము సులక్షణ సారము లోని క్రింది పద్యమున చెప్పబడ లేదు !
ఆ నియమ మెచ్చట చెప్ప బడినది? అది కందమున కేనా ?ఇతరములకు వేనికైనా వర్తించునా?? "త్రిశర" అంటే అర్థమేమి ???
కందము త్రిశర గణంబుల నందము , గా భ జ స నలము - లట ,వడి మూటన్ బొందును, నలజల నాఱిట నొందుం, దుద గురువు ,జగణ - ముండదు బేసిన్!
ఈ కామెంట్‌ను రచయిత తీసివేశారు.
రిప్లయితొలగించండిరవి గారూ,
రిప్లయితొలగించండిఇంత స్పీడా? పూరణ చాలా బాగుంది. అభినందనలు. మిస్సన్న గారూ "హారతి"కి పిలుస్తూ పూరించారు. మిగతా కవి మిత్రులు దేనిని ఆశ్రయిస్తారో చూడాలి.
మిస్సన్న గారి పూరణ .......
రిప్లయితొలగించండిసతి తోడ సత్య దేవుని
వ్రతమును సంపూర్తి జేసి, వందన మనుచున్
నుతులను జేసియు, తుద హా-
రతికై సోదరిని వేగ రమ్మని పిలిచెన్!
గోలిహనుమచ్ఛాస్త్రి
రిప్లయితొలగించండిపతితో గూడియట రమా
పతివ్రతమును చేయుచున్న పద్మావతి తా
వెతికిమ్మని కప్పురహా
రతికై సొదరిని వేగ రమ్మని పిలిచెన్.
గోలిహనుమచ్ఛాస్త్రి గారూ,
రిప్లయితొలగించండిబాగుందండీ మీ పూరణ. మీరూ "హారతి"నే ఆశ్రయించారు. అభినందనలు.
అందరికీ వందనములు.
రిప్లయితొలగించండిఅందరి పూరణలూ
అలరించుచున్నవి.
01)
________________________________________
జత గూడిన సుదతి , గుడిన్
హితముగ పెండ్లాడివచ్చి - హేలన్ నిలిచెన్!
సతి పతులకు మంగళ హా
రతికై సోదరిని వేగ - రమ్మని పిలిచెన్ !
_________________________________________
ప్రతిదినము వరుస దప్పక
రిప్లయితొలగించండివ్రతములు జరిపించు వాడు వర్జ్యము రాగా
క్రతువు ముగించి చివరి హా
రతికై సోదరిని వేగ రమ్మని పిలిచెన్.
వసంత్ కిశోర్ గారూ,
రిప్లయితొలగించండిమీరూ "హారతి"నే ఆశ్రయించినా పూరణ వైవిధ్యంగా ఉండి అలరిస్తున్నది. అభినందనలు.
రవి గారూ.. హారతి.. బాగున్నది, ప్రాస ఒకసారి చూడగలరు.
రిప్లయితొలగించండిగోలి హనుమచ్ఛాస్త్రి.
హనుమచ్ఛాస్త్రి గారు, నెనర్లు. రెండు పద్యాలు ఒకేసారి ఆలోచిస్తూ చేసిన నిర్వాకం. సరిదిద్దుతాను.
రిప్లయితొలగించండిసతతము శివపూజాదులఁ
రిప్లయితొలగించండిమతినిడి శంకరుఁ గొలిచెడు పావన చరితుం
డతి వడిఁ బూజ సలిపి హా
రతికై సోదరిని వేగ రమ్మని పిలిచెన్.
అందరికీ వందనములు.
రిప్లయితొలగించండిఅందరి పూరణలూ
అలరించుచున్నవి.
02)
________________________________________
సుత కొక పతకము కొనుటకు
సతి, సోదరి ,తోడ బోయె - సంతకు ;నచటన్
సుత తప్పిపోవ ,సుత భా
రతికై సోదరిని వేగ - రమ్మని పిలిచెన్ !
________________________________________
గోలి హనుమచ్ఛాస్త్రి.
రిప్లయితొలగించండికతిపయ దినముల నుండియు
అతిగతి లేదనుచు మిగుల ఆతృతతో తా
వెతుకను బోవుచు సతి భా
రతికై, సోదరిని వేగ రమ్మని పిలిచెన్.
రవి గారూ రెండవసారి ఇచ్చిన హారతి బహుబాగా ఉన్నది. అభినందనలు.
రిప్లయితొలగించండిహారతి నిచ్చుచున్న కవి మిత్రులందరికి అభినందనలు.బారతిని వెదుకుతున్న వారికి కూడా....
గోలి హనుమచ్ఛాస్త్రి.
శంకరార్యా !
రిప్లయితొలగించండిచాల దినముల నుండి
ఈ సమస్య నన్ను వేధించు చున్నది.
పాద్యాద్యక్షరములు గురు లఘువులలొ
నేదో యొకటే యుండ వలెనను నియమము
సులక్షణ సారము లోని క్రింది పద్యమున చెప్పబడ లేదు !
ఆ నియమ మెచ్చట చెప్ప బడినది?
అది కందమున కేనా ?ఇతరములకు వేనికైనా వర్తించునా??
"త్రిశర" అంటే అర్థమేమి ???
కందము త్రిశర గణంబుల
నందము , గా భ జ స నలము - లట ,వడి మూటన్
బొందును, నలజల నాఱిట
నొందుం, దుద గురువు ,జగణ - ముండదు బేసిన్!
కందము త్రిశర గణంబుల, నందము గా భ జ స నలము లటవడి మూటన్
రిప్లయితొలగించండిబొందును నలజల నాఱిట, నొందుం దుద గురువు జగణ ముండదు బేసిన్.
అందును గందంబులు నా
నందంబులు భజసనలగాఖ్యలచే వా
నిం దగు నెఱుగం బ్రాసము
ముందుగ నిడి మూఁడు నైదు మూడున్నైదున్.
ఆదిమ వర్ణము వళి నిడు
పై దొరకినఁ గుఱుచయైన నట్టుల తత్త
త్పాదాదుల నిలుపందగు
గాదిలిగాఁ జెప్పఁ దలఁచు కందంబులన్.
నిడుదలగు పాదములకును
వడి నాలవగణము మొదల వలయు నిలుప న
క్కడలను గురువును మూఁడవ
యెడ నలజలలోన నొకటి నిడ బెడఁగడరున్.
*ఇందు పుర బాణనగముల
కందువ జగణంబు నిలుపఁగా గా దెపుడుం
గందములకు నార్యాదుల
చందం బధికంబు వానిఁ జనుఁ దెలియంగన్.
*ఇందు=1, పుర=3, బాణ=5, నగములు=7
కందము నర్థంబులతుద
నందినగురు వుడుపఁ బథ్య యగు నాఱవచోఁ
జెందిన జగణము లత్వముఁ
బొందిన నది యార్యయనఁగఁ బొసఁగుంగృతులన్.
క్రమమునఁ బథ్యార్యార్థము
లమరంగా వీడుపడిన నది గాథాభే
దముగాఁగం బరఁగు ప్రపం
చము తెనుఁగునఁ జెప్పరండ్రు చతురులు కృతులన్
వెంకటప్పయ్య గారికి
రిప్లయితొలగించండిమిక్కిలి ధన్యవాదములు !
అయ్యా ! నా వద్ద నున్న "సులక్షణ సారము"
అను పుస్తకములో పై మొదటి పద్య మొకటే గలదు !
అది సంగ్రహము కానోపు!
కంద పద్య లక్షణముల దెలుపు నిన్ని పద్యములు గలవా!!!
వీని మూల గ్రంధము ,రచయిత మొదలగు వివరములు
దయచేసి జెప్ప ప్రార్థన !
హరి గారూ,
రిప్లయితొలగించండిమీ పూరణ బాగుంది. అభినందనలు.
రవి గారూ,
హనుమచ్ఛాస్త్రి గారి సూచన మేరకు పద్యాన్ని సవరించారు. సంతోషం!
వసంత్ కిశోర్ గారూ,
"సుత భారతి ..." బాగుంది పూరణ. అభినందనలు.
త్రి అంటే మూడు, శరమంటే ఒకటి. మూడూ, ఒకటి వెరసి నాలుగు. కందం త్రిశర (చతుర్మాత్రా)గణాలతో శోభిస్తుంది.
హనుమచ్ఛాస్త్రి గారూ,
వసంత్ కిశోర్ గారికి భారతిని సుత అయితే, మీకు సతి అయింది. బాగుంది.
రతి అగ్నిహోత్రి నాయిక
రిప్లయితొలగించండిఅతులిత సౌందర్య రాశి, అభిమానంబే
మితిమీర చిత్రముఁ గనగ
రతికై, సోదరిని వేగ రమ్మని పిలిచెన్.
గతిలేక పొలము పనులకు
రిప్లయితొలగించండిజత తన చెల్లెలిని గూడి చనె పొలతుక ! స
మ్మతి మధ్యాహ్నపు వేళ , వి
రతికై సోదరిని వేగ రమ్మని పిలిచెన్.
(విరతి = విశ్రాంతి , విరామము )
సు తపో భూమికి "అభ్యు
రిప్లయితొలగించండిన్నతికై" రమ్మనుచు పిలిచె "నారీ ! మాతా
పితరుకై" రమ్మని "భా
రతికై" సోదరిని వేగ రమ్మని పిలిచెన్. !!
ప్రవాస భారతీయులను తలిదండ్రులకు వార్ధక్యంలో తోడూ, నీడా అందిస్తూ ఆనందం కలిగించటానికి, తాము కూడా అభ్యున్నతి పొందగలిగేందుకుగా, మాతృదేశ ప్రగతికి తోడ్పడవలసినదిగానూ ఆహ్వానం పలుకుతున్నాం
జిగురు సత్యనారాయణ గారూ,
రిప్లయితొలగించండిమీరు "రతి అగ్నిహోత్రి"ని ఆశ్రయించడం బాగుంది. నాకూ ఆవిడ గుర్తుంది. మరోచరిత్ర హిందీ వర్షన్ హీరోయిన్ కదా! మంచి పూరణ. అభినందనలు.
డా. విష్ణునందన్ గారూ,
అక్కాచెల్లెళ్ళకు "లంచ్ బ్రేక్" ఇచ్చిన మీ ప్రతిభకు వందనాలు. ఇంతటి ఉత్తమ పూరణ నిచ్చిన మీకు ధన్యవాదాలు.
సనత్ శ్రీపతి గారూ,
మీ పూరణ బాగుంది. అభినందనలు.
టేకుమళ్ళ వెంకటప్పయ్య గారూ,
రిప్లయితొలగించండిధన్యవాదాలు.
"ప్రతి" యని - పూరించవచ్చునా అండీ
రిప్లయితొలగించండిఊకదంపుడు గారూ,
రిప్లయితొలగించండిఅలా పూరించే అవకాశం ఉంది.
1960 విశాఖపట్నం:
రిప్లయితొలగించండిఅతివల కింపుగ నుండెడి
సతీసుమతి గాధ వినుచు సత్వరముంగన్
పతితో గూడి "వివిధ భా
రతి" కై సోదరిని వేగ రమ్మని పిలిచెన్
శాస్త్రి గారూ,
రిప్లయితొలగించండిమీ పూరణ బాగున్నది. అభినందనలు.
అతిగా ప్రేమను చూపుచు
రిప్లయితొలగించండివ్రతమున పచ్చలు కొనుటకు భార్యకు తనకున్
స్వతహా తూకము చేయుచు
రతికై సోదరిని వేగ రమ్మని పిలిచెన్
రతి = గురిగింజ (పచ్చలతూనికయందొక యెత్తు)