19, ఏప్రిల్ 2019, శుక్రవారం

సమస్య - 2991 (భవుని ముఖమ్మునన్...)

కవిమిత్రులారా,
ఈరోజు పూరింపవలసిన సమస్య ఇది...
"భవుని ముఖమ్మునను వెలుఁగు వాణిఁ గొలువుమా"
(లేదా...)
"భవుని ముఖమ్మునన్ వెలుఁగు వాణికి వందన మాచరింపుమా"

80 వ్యాఖ్యలు:


  1. ప్రాతః కాలపు సరదా పూరణ:

    వివరములన్ని పట్టుబడి బింకము నిచ్చుచు నన్నపూర్ణకున్
    చవిగొని హస్తి శీర్షమును చక్కగ కూర్చుచు ప్రాణమీయగా
    నవనవ లాడు పుత్రునకు నవ్వులు రాగనె బుజ్జగించెడిన్
    భవుని ముఖమ్మునన్ వెలుఁగు వాణికి వందన మాచరింపుమా

    వాణి = పలుకు

    ప్రత్యుత్తరంతొలగించు
  2. మైలవరపు వారి పూరణ

    కవికవితావనాంతరవికస్వరనవ్యసుమప్రకాశయై
    నవరుచిరార్థభావగుణనందితదివ్యముఖారవిందయై
    ప్రవిమలవేదవాఙ్మయశుభాకృతి భారతి నిత్యపద్మసం...
    భవుని ముఖమ్మునన్ వెలుఁగు వాణికి వందన మాచరింపుమా !.

    మైలవరపు మురళీకృష్ణ వెంకటగిరి

    ప్రత్యుత్తరంతొలగించు
    ప్రత్యుత్తరాలు
    1. మైలవరపు వారి పూరణ అత్యద్భుతంగా ఉన్నది. అభినందనలు.

      తొలగించు
    2. చిరుసవరణతో 🙏

      కవికవితావనాంతరవికస్వరనవ్యసుమప్రకాశయై
      నవరుచిరార్థభావగుణనందితదివ్యముఖారవిందయై
      ప్రవిమలవేదవాఙ్మయశుభాకృతి పల్కుల రాణి పద్మసం...
      భవుని ముఖమ్మునన్ వెలుఁగు వాణికి వందన మాచరింపుమా !.

      మైలవరపు మురళీకృష్ణ వెంకటగిరి

      తొలగించు
    3. ధవళశరీర ! పర్వతసుతానన నవ్య సరోజభాస్కరా !
      ప్రవిమల *విద్యలన్* *యశము* *భాగ్యము* నిమ్మని నేను కోరి సం...
      స్తవమును జేసినంతనె *తథాస్తు* *తథాస్తు* *తథాస్తు* నీకనన్
      భవుని ముఖమ్మునన్ వెలుఁగు వాణికి వందన మాచరింపుమా !.

      మైలవరపు మురళీకృష్ణ వెంకటగిరి

      తొలగించు


  3. శివుని,చలిమలకుమార్తెను,
    సువర్ణవర్ణుని, సిరిని వసుంధరను, జిలే
    బి! వృకోదరుని, భళి కమల
    భవుని ముఖమ్మునను వెలుఁగు వాణిఁ గొలువుమా!


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబి గారూ,
      మీ పూరణ బాగున్నది. అభినందనలు.
      చిన్న పద్యంలో మొత్తం దేవతల లిస్టే ఇచ్చారు!

      తొలగించు


  4. కవులను, శంకరాభరణ కందివరార్యుల బ్లాగువీరులన్
    కవచము గాను గాచి సభ గట్టిగ ముందుకు సాగ సర్వదా
    శివుని, జిలేబి! పార్వతిని, శ్రీకరుడిన్ సిరి,యా వసుంధరన్
    భవుని, ముఖమ్మునన్ వెలుఁగు వాణికి వందన మాచరింపుమా


    జిలేబి

    ప్రత్యుత్తరంతొలగించు
    ప్రత్యుత్తరాలు
    1. జిలేబి గారూ,
      మీ పూరణ బాగున్నది. అభినందనలు.
      మూడవ పాదంలో శివుని ప్రస్తావించారు. మరి నాలుగవ పాదంలోని భవుని' అనడం పునరుక్తి అవుతుందేమో?

      తొలగించు

    2. భవుడంటే బ్రహ్మ అన్న అర్థముందని ఆంధ్రభారతి‌ ఉవాచ :)


      జిలేబి

      తొలగించు
  5. అవనిని బ్రోచు జనని హం
    సవాహిని చదువుల పడతి శారద శ్రీ మే
    దావిని వాగ్భామ వనజ
    భవుని ముఖమ్మునను వెలుఁగు వాణిఁ గొలువుమా.

    ప్రత్యుత్తరంతొలగించు
    ప్రత్యుత్తరాలు
    1. విరించి గారూ,
      మీ పూరణ బాగున్నది. అభినందనలు.
      మూడవ పాదం గురువుతో ప్రారంభమయింది.

      తొలగించు

  6. అవదోహాస్థిత నమ్మా
    ధవునాత్మ భవుఁ కమలజుని, తామర చూలిన్
    కవులకు మేలగు శారద
    భవుని ముఖమ్మునను వెలుగు వాణి గొలువుమా!

    అవదోహము- సముద్రము

    ప్రత్యుత్తరంతొలగించు
  7. ( బమ్మెర గ్రామంలోని మహాకవి పోతన స్మారక చిహ్నం వద్దకు తమ్ముని తీసుకువచ్చిన అన్న అంటున్నాడు )
    నవవిధభక్తులన్ బొదిగి
    నందకుమారుని లీల దెల్పు భా
    గవతమునందు పాఠకుల
    కన్నుల కద్దెను పోతనార్యు ; డిం
    కెవనికి లేని భాగ్యమిది ;
    కేసనకున్ సతి లక్కమాంబకున్
    భవుని ముఖమ్మునన్ వెలుగు
    వాణికి వందన మాచరింపుమా !
    ( భవుడు - జన్మించినవాడు )

    ప్రత్యుత్తరంతొలగించు
    ప్రత్యుత్తరాలు
    1. జంధ్యాల వారూ,
      అద్భుతమైన పూరణ. మనోహరంగా ఉంది. అభినందనలు.

      తొలగించు
    2. కవుల కు విద్యార్థు ల కును
      సువిధ పు మార్గ మును జూపుసుందర మాతన్
      దివిజు ల వంద్యను పంకజ
      భవు ని ముఖ మ్మున ను వెలుగు వాణి గొలువు మా !

      తొలగించు
    3. రాజేశ్వర రావు గారూ,
      మీ పూరణ బాగున్నది. అభినందనలు.

      తొలగించు
    4. మనోహరమైన పూరణండీ,అభినందనలు!

      తొలగించు
  8. కవితాలంకృత కావ్యము
    చెవికింపగు గీతవాద్య శ్రేణులరీతిన్
    భువిని దనరారెడు కమల
    భవుని ముఖమ్మున వెలుగు వాణిగొలువుమా

    ప్రత్యుత్తరంతొలగించు
  9. రవికుల సోమునిన్,మహిత రమ్య గుణాఢ్యుని, రామచంద్రునిన్,
    అవిరళ శాంత శోభితు,నవారిత శౌర్య పరాక్రమోన్నతున్,
    ప్రవిమల భక్త రక్షణ శుభప్రతిపాద్యు,విశేష పూజ్య,వై
    భవుని,ముఖమ్మునన్ వెలుగు వాణికి వందన మాచరింపుమా!

    ప్రత్యుత్తరంతొలగించు
  10. డా.పి సత్యనారాయణ
    శివునికి నర్ధాంగియె యుమ
    నవవిధి నిర్మాణమైన నాణ్యత గలుగన్
    ఎవరికి సాధ్యము వినగా?!
    భవుని ముఖమ్మునను వెలుగు వాణి గొలువుమా
    (అర్ధ నారీశ్వరుని నోటినుడి ఆడ,మగ వాణి అవిరళంగా ఉంటుంది,వినుటకు.ఆవాణిని కొలిచిన పుణ్యమబ్బునని;)

    ప్రత్యుత్తరంతొలగించు
  11. డా పిట్టా సత్యనారాయణ
    ఠవఠవలేక కాశినట ఠావును దప్పగ లేని వారలా
    రవమువినంగలేరు తల-రాసిన రాతకు గ్రుంగనేల? నీ
    భవమున(జీవనమున)రామ నామమును భద్రముగా వినిపించు నిక్కడే
    భవుని ముఖమ్మునన్ వెలుగు వాణి(voice) కి వందన మాచరింపుమా!

    ప్రత్యుత్తరంతొలగించు
    ప్రత్యుత్తరాలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.

      తొలగించు
    2. డా.పిట్టా సత్యనారాయణ
      ఆర్యా,ధన్యవాదాలు. నిన్న మీకై ప్రతీక్షించితిని.ఆ.సభ బాగుగా జరిగింది. ఇక ప్రబంధ విజేతలెవరోకాని Short list లో ని పేర్లైనా తెలిసినవా?

      తొలగించు
  12. భవబంధ విమోచని! స

    ర్వ విజయ దాయని! సురవర వందిత దేవీ!

    ధవళాంగిని! తోయజసం
    భవుని ముఖమ్మునను వెలుగు వాణి గొలువుమా

    ప్రత్యుత్తరంతొలగించు
  13. శివములు సతతము కమలో
    ద్భవుఁని ముఖమ్మునను వెలుఁగు, వాణిఁ గొలువుమా"
    ధవుడా, పొందు మన మనో
    జవసులు విద్దెలని బల్కె సతి పతితోడన్

    ప్రత్యుత్తరంతొలగించు
  14. కవుల మనమ్మున కొలువై
    భవముగ విద్యల నొసగుచు వారలకెపుడున్
    భువన విధాత కమల సం
    భవుని ముఖమ్మునను వెలుఁగు వాణిఁ గొలువుమా 🙏

    ప్రత్యుత్తరంతొలగించు
  15. భవుడన నర్ధము బ్రహ్మయ
    భవుని ముఖమ్ముననువెలుగువాణిగొలువుమా
    పవలునుఱేయియునాకను
    సవినయముగగొలుచునెడలసత్కవిజేయున్

    ప్రత్యుత్తరంతొలగించు
    ప్రత్యుత్తరాలు
    1. సుబ్బారావు గారూ,
      మీ పూరణ బాగున్నది. అభినందనలు.
      'భవుడు' అన్న పేరు బ్రహ్మకు కూడా ఉందా?

      తొలగించు
  16. సవరించిన పద్యము.....

    అవనిని బ్రోచు జనని హం
    సవాహిని చదువుల పడతి శారద శాబ్దిన్
    ధవళాంగిఁ భారతి, వనజ
    భవుని ముఖమ్మునను వెలుఁగు వాణిఁ గొలువుమా.

    ప్రత్యుత్తరంతొలగించు
  17. అవిరతమౌ జ్ఞానవిదుడు
    భవితకు నుపయుక్తమైన భాష్యంబులిడన్
    జవిగొని, వేదవిద్యాసం
    భవుని ముఖమ్మునను వెలుఁగు వాణిఁ గొలువుమా

    ప్రత్యుత్తరంతొలగించు
  18. సువిశాల చతుర్దశ భువ
    న విరచ నాత్మక సురాద్యు నలినజు వేదాం
    గ విదుని సిత చతురాస్య వి
    భవుని ముఖమ్మునను వెలుఁగు వాణిఁ గొలువుమా


    నవ కుము దాభ లోచన సనాతన భవ్య వికుంఠ లోక స
    న్నివసన భక్త పాప హర నిర్జర రక్షక నిష్ఠురోగ్ర దా
    నవ హర పద్మనాభ వర నాభి బిలోద్భవ దివ్య పద్మ సం
    భవుని ముఖమ్మునన్ వెలుఁగు వాణికి వందన మాచరింపుమా

    ప్రత్యుత్తరంతొలగించు
    ప్రత్యుత్తరాలు
    1. కామేశ్వర రావు గారూ,
      మీ రెండు పూరణలు ఉత్తమంగా ఉన్నవి. అభినందనలు.

      తొలగించు
    2. ఆర్యా!నిన్నటి నా సవరించిన పూరణ సరిజూడ ప్రార్ధన

      అరయన్ జీవుడు కర్మబద్ధుడగు మాయామోహ జాలంబుచే
      నరిషడ్వర్గ మొసంగ, శ్రీహరిని నిత్యంబీవు ప్రార్ధించుమా
      కరుణన్ గావగ జన్మమృత్యువుల చక్రంబందు భ్రామించకే
      పరమౌధామము జేరగా తుదకు సంభావించి సాన్నిధ్యమున్

      తొలగించు
    3. పూజ్యులు శంకరయ్య గారికి నమఃపూర్వక ధన్యవాదములు


      డా. సీతా దేవి గారు క్షమించండి యాలస్యముగా స్పందించుచున్నందులకు.
      సవరణ బాగున్నదండి.
      భ్రామించు పద మనుమానము. భ్రామించకే కు బదులు “బంధించకే” ను పరిశీలించండి.

      తొలగించు
    4. ధన్యవాదములండీ,సవరిస్తాను!నమస్సులు!

      తొలగించు
  19. కవితల వ్రాయుచు నిత్యము
    భువిపై వెలుగగ సతమ్ము, పూనిక తోడన్
    ప్రవిమల భక్తిని సరసిజ
    భవుని ముఖమ్మునను వెలుఁగు వాణిఁ గొలువుమా

    ప్రత్యుత్తరంతొలగించు
  20. అవిరళప్రేమదేవతకునార్షవిభాగపునగ్రదేవతా
    భవునిముఖమ్మునన్వెలుగువాణికివందనమాచరింపుమా
    పవలునురేయియున్దనరుభక్తినిబూజనుజేయుచోనిల
    న్గవనమునందుజేయునినుగాకలుదీరినమేటివానిగా

    ప్రత్యుత్తరంతొలగించు
  21. ఆటబిడుపు సరదా పూరణ:
    (జిలేబి గారికి అంకితం)

    అసెంబ్లీ ఎన్నికలు 2018:

    క్షవరము జేతు నీకనుచు కాచుకు కూర్చొని భాగ్యనగ్రికిన్
    కవనము తోడ కాష్ఠలిడి కంపము మీరగ మైకులందునన్
    భవుభవుమంచు బాబుకిట భగ్గున మండెడి రట్టులిచ్చు నా
    భవుని ముఖమ్మునన్ వెలుఁగు వాణికి వందన మాచరింపుమా

    భవుడు = చంద్ర శేఖరుడు
    వాణి = పలుకు

    ప్రత్యుత్తరంతొలగించు
  22. అవిరళమౌ కవిత్వమది యద్భుతరీతిని చెప్ప నెంచినన్
    ప్రవిమల దీక్ష పుస్తకములన్ పఠియించుచు నిచ్చతోడ, మా
    ధవుని స్మరించుచున్ మదిని తద్దయు భక్తి ఘటించి, పద్మసం
    భవుని ముఖమ్మునన్ వెలుఁగు వాణికి వందన మాచరింపుమా

    ప్రత్యుత్తరంతొలగించు


  23. అవునవునటంచును కమల
    భవుని ముఖమ్మునను వెలుఁగు వాణిఁ గొలువుమా
    జవరాలా పద్యంబులు
    జవాదులద్దుకొని నడచు చకచకయనుచున్


    జిలేబి

    ప్రత్యుత్తరంతొలగించు
  24. ఉవిదల భాగ్యమేయనగ నున్నతమార్గము జూపజాలితో
    ప్రవిమల భక్తిభావమున పార్వతి కోరికమేర ప్రీతితో
    సవివరమైన రీతిని ప్రశస్తపు నోములనెన్నొ చెప్పెడిన్
    భవుని ముఖమ్మునన్ వెలుగు వాణికి వందన మాచరింపుమా

    ప్రత్యుత్తరంతొలగించు
  25. నవయువకాళి చూడఁగఁ వి
    నాశన మార్గము సాగెఁ దమ్ముడా!
    పవనపు జోరులోనఁ బెను
    పాట్లనుఁ బొందగ, వీడు వేదపున్
    స్తవనములన్ బఠించెఁదన
    తండ్రిని మెచ్చగనంత,నత్తనూ
    భవుని ముఖమ్మునన్ వెలుఁగు
    వాణికి వందన మాచరింపుమా!

    ప్రత్యుత్తరంతొలగించు
    ప్రత్యుత్తరాలు
    1. రాకుమార గారూ,
      మీ పూరణ బాగున్నది. అభినందనలు.
      మూడవ పాదంలో గణదోషం. సవరించండి.

      తొలగించు
    2. స్తవన/ములన్ బ/ఠించె,ద/న తండ్రి/ని మెచ్చ/గ నంత/నత్తనూ
      గురువుగారు! పొరపాటేమిటో తెలియడం లేదు నాకు.తెలుప ప్రార్థన

      తొలగించు
  26. శ్రవణానందపు రాగము
    కవివరులందించు భావకల్పనలందే
    వివరణబంచెడి విజ్ఞత
    భవుని ముఖమ్మునను!వెలుగు!వాణిగొలువుమా

    ప్రత్యుత్తరంతొలగించు
  27. నా ప్రయత్నం :

    కందం
    సువిశాల భావవీధుల
    గవిత్వ ధార కురిపించు కౌముది నందున్
    భవితవ్యమరంగ వనజ
    భవుని ముఖమ్మునను వెలుఁగు వాణిఁ గొలువుమా

    చంపకమాల
    రవి శశి నేత్రపర్వముగ రాజిలు కన్నుల జాలిఁ జూపగన్
    బ్రవిమల వాక్కులన్ జెలఁగు భావపుటర్చన జేయునార్తిఁ బా
    టవమున చిత్తమా! తనరి డంబమెరుంగని రీతిఁ బద్మసం
    భవుని ముఖమ్మునన్ వెలుఁగు వాణికి వందన మాచరింపుమా!

    ప్రత్యుత్తరంతొలగించు
  28. అవిరళభక్తిభావసముదాహృతవిశ్రుతవర్ణనీయ, స
    త్కవనకళాప్రదాత్రి, కరకంజవిరాజితపుస్తకన్, ద్రయీ
    ప్రవిమలవాగ్విలాసిని, విపంచిసమంచితహస్త, నాభిసం
    భవుని ముఖమ్మునన్ వెలుగు వాణికి, వందనమాచరింపుమా!.

    కంజర్ల రామాచార్య.

    ప్రత్యుత్తరంతొలగించు
  29. కవిహృదయమ్ములో నిలిచి కావ్య పటుత్వము బెంచుమాతయే
    యవనిని బ్రోచునట్టి ధవళాంబరి, భారతి జ్ఞానదాయినిన్
    భవభయ హారియై సుజన బాధలు తుర్చెడు బాణ, పద్మసం
    భవుని ముఖమ్మునన్ వెలుఁగు వాణికిఁ వందన మాచరింపుమా.

    ప్రత్యుత్తరంతొలగించు
  30. శివుని కరమేన సతి,శ్రీ
    ధవుండు హౄదయమున దాల్చె ధరణిని లక్ష్మిన్
    శివమును గూర్చె డి తోయజ
    భవుని ముఖమ్మునను వెలుగు వాణి గొలువుమా


    కవితల నల్లగ నెంచిన
    కువలయ మందున విడువక కూరిమి తోడన్
    జవమున మరవక సరసిజ
    భవుని ముఖమ్ము నను వెలుగు వాణి గొలువుమా:

    ప్రత్యుత్తరంతొలగించు
  31. భువిపతి వక్షమ్మున వై
    భవముగ కొలువైన రమను,భవులోఁ సగమై
    నివసించు యుమను,నీరజ
    భవుని ముఖమ్మునను వెలుఁగు వాణిఁ గొలువుమా

    ప్రత్యుత్తరంతొలగించు
  32. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    భవుని ముఖమ్మునన్ వెలుఁగు వాణికి
    వందన మాచరింపుమా

    సందర్భము: అరేబియా సముద్ర తీరంలో ఇంద్రబోధి ఒక మహారాజు.. గొప్ప దానశీలుడు. బౌద్ధమతావలంబి. పిల్లలు లేరు. సర్వదానం చేయమన్నారు.చేశాడు. ఇంకా యాచకులు వచ్చేస్తూ వున్నారు.
    వారి నలా వుంచి ఆరాజు సముద్ర తీరానికి వెళ్లి పాతాళంలోని నాగరాజు కూతురైన చారుమతికి సంబంధించిన మంత్రజపం చేశాడు. ఆ దేవత ప్రత్యక్షమై తన కిరీటంలోని ఒక మణి నిచ్చింది. అది రోజూ ఎంతో బంగారాన్నిస్తూ వుండగా యాచకుల కోరికలన్నీ తీర్చి దేశాన్నీ సుభిక్షం చేశాడు. సంతానం కలుగలేదు.
    మంత్రులు దాన సరస్సు.. అనే ప్రాంతానికి వెళితే ఏదో పరిష్కారం దొరకవచ్చు నన్నారు. రాజు వెళ్ళాడు. విశాలమైన సరస్సు నడుమ అందమైన.. వికసించిన పద్మం. దాని మీద చిరునవ్వు చిందించే బాలుడు కనిపించారు.
    పసివాణ్ణి గుండెలకు హత్తుకొని రాజు "ఎవరి బిడ్డవయ్యా నీవు! నా నోముల పంటగా లభించినావు." అన్నా డంతే!
    వెంటనే ఉన్నట్టుండి ఆ పసివాడు మాట్లాడటం మొదలు పెట్టాడు. "నా తండ్రి సమంతభద్రుడు. నా తల్లి సమంతభద్రి. నేను పద్మ సంభవుణ్ణి." అన్నాడు.
    సమంతభద్రు డంటే బుద్ధుడు. బుద్ధుని అంశతో పుట్టిన ఆ పిల్లవాడు పద్మసంభవు డనే పేరుతోనే ప్రసిద్ధుడైనాడు. వజ్రవైరోచనీ మంత్రాన్ని సిద్ధింపజేసుకొన్నాడు. బౌద్ధ సంప్రదాయంలో అతని మించిన మంత్రవేత్త లే డంటారు.. ఆ పద్మ సంభవుని ముఖాన వెలిగే సరస్వతికి నమస్కరించు... అని..
    *తుల్కు* అంటే బౌద్ధ సంప్రదాయంలో పూర్వ పర జన్మలు తెలిసిన వాడు. దివ్య జ్ఞానం కలవాడు.
    ~~~~~~~~~~~~~~~~~~~~~~~
    ప్రవిమల దానశీలుడు నృ
    పాలుడు శ్రీలుడు "నింద్రబోధి"కిన్
    భవముఁ దరింపగా దొరికె
    బాలుడు "దానసరస్సు" పద్మమం
    దు వెలిగి.. తా నెవండొ యొక
    "తు"ల్కన బల్కిన యట్టి "పద్మ సం
    భవు"ని ముఖమ్మునన్ వెలుఁగు
    వాణికి వందన మాచరింపుమా!

    ✒~డా.వెలుదండ సత్యనారాయణ
    19.4.19
    -----------------------------------------------------------

    ప్రత్యుత్తరంతొలగించు