డా.పిట్టా సత్యనారాయణ లేవు తర్వులు లేశమైనను లిప్తలో మటుమాయమౌ కావు తెమ్మెర పిల్ల గాలులు గప్పె హింసలు నల్దిశల్ శ్రీ వికారి ప్రవేశ మారసి చింతలన్ మది గ్రుంగితో ఈ వసంత సమాగమమ్మున నేల బాడవు కోకిలా?
ఎర్తు డేలను జరుపుచుఁ ఁజెట్లు తుంచి భూమి యంతయు తాపముఁ బుట్టు నటుల నాశ మొనరించు మూర్ఖ మానవుల జూసి "ఈ వసంతమునన్ బాడవేల పికమ
ఎర్త్ డే/ధరిత్రి దినం అని ఒకవైపు జరుపుకుంటూ మరొక వైపు చెట్లన్నీ కొట్టివేసి, భూగోళం మీద ఉష్ణోగ్రతలు పెరిగేలా చేస్తున్న మనుషులు చూసి ఈ వసంత ఋతువునందు పాడవమ్మా చిలుకమ్మా!!
భావ మాధురి సన్నగిల్లగ,పాపులే మితి మీరగా, చేవ లేని నికృష్ట జీవిత చిత్రముల్ కనుపించగా, ఈ వికారపు చేష్తలన్ గని యీసడించుచు నుంటివా ఈ వసంత సమాగమమ్మున నేల పాడవు కోకిలా?
నా వయారము గాంచువాడవు నాదు ప్రాణమె నీవుగా నీవులేవనె బాధతోడను నిద్రలేమిని పొందితిన్ యావిభాకర కాంతిసోయగ మందునాదరి జేరుచున్ నీ వసంత సమాగమమ్మున నేల బాడవు కోయిలా!
ప్రాతః కాలపు సరదా పూరణ:
రిప్లయితొలగించండి"ఈ వసంత సమాగమమ్మున నేలఁ బాడవు కోకిలా"?
కావు కావు మటంచు కాకులు కమ్మ కమ్మగ కూయగా
పావురమ్ములు గూళ్ళు వీడుచు పాడుజేయగ నేలనున్
కేవలమ్మిట రాజ కీయులు కీర్తనమ్ములు చేయగా!
చక్కని పూరణతో శుభారంభం చేసారు. అభినందనలు.
తొలగించండి__/\__
తొలగించండితరువు లులేక చివురులు మరుగు బడగ
రిప్లయితొలగించండిగూడు చెదరిన తరుణాన మ్రోడు వారి
పాట పాడంగ గళమేమొ పలుక లేక
ఈవ సంతము నంబాడ వేల పికమ ?
అక్కయ్యా,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. "తరువులే లేక" అనండి.
మైలవరపు వారి పూరణ
రిప్లయితొలగించండిమావితోటకు పంచమస్వర మాధురుల్ రవళింపగా
నీవు వత్తువు ! నీదు పాటకు నేను తోడయి పాడెదన్ !
రావె రావె యటంచు బిల్చిన రానెరావిది చెల్లునే ?
ఈ వసంత సమాగమమ్మున నేలఁ బాడవు కోకిలా !?
మైలవరపు మురళీకృష్ణ వెంకటగిరి
మైలవరపు వారి పూరణ మనోహరంగా ఉన్నది. అభినందనలు.
తొలగించండిబావ లేడని బాధనుండగ భావజుండు సుమాస్త్రశ...
తొలగించండిస్త్రావళిన్ గురి జూచి కొట్టగ తాళలేక వియోగమం..
దేవొ యంటినటంచు కిన్కవహించితో ! మదిఁ గుందితో ?!
ఈ వసంతసమాగమమ్మున నేలఁ బాడవు కోకిలా !?
మైలవరపు మురళీకృష్ణ వెంకటగిరి
డా.పిట్టా సత్యనారాయణ
రిప్లయితొలగించండిఏమి హోరొ యెలక్షను లిరుగ బూసె
కాకి మూకల వలె నాయకాళి యరచె
దుమ్ముబోయ నెదురు పక్ష ధూళి యెగసె
నీ వసంతమునన్ బాడ వేల పికమ
డా.పిట్టా సత్యనారాయణ
రిప్లయితొలగించండిలేవు తర్వులు లేశమైనను లిప్తలో మటుమాయమౌ
కావు తెమ్మెర పిల్ల గాలులు గప్పె హింసలు నల్దిశల్
శ్రీ వికారి ప్రవేశ మారసి చింతలన్ మది గ్రుంగితో
ఈ వసంత సమాగమమ్మున నేల బాడవు కోకిలా?
డా. పిట్టా వారూ,
తొలగించండిమీ రెండు పూరణలు బాగున్నవి. అభినందనలు.
ఈ వసంత ము నన్ బాడ వేల పికమ ?
రిప్లయితొలగించండిమావి చిగురు ల రుచులెల్ల మా రె నేమొ
గాలి వానకు బెదరి యు కంఠ సీమ
రాగ మాధురు లం దీయ మూగ వ డెనొ
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
ఎర్తు డేలను జరుపుచుఁ ఁజెట్లు తుంచి
రిప్లయితొలగించండిభూమి యంతయు తాపముఁ బుట్టు నటుల
నాశ మొనరించు మూర్ఖ మానవుల జూసి
"ఈ వసంతమునన్ బాడవేల పికమ
ఎర్త్ డే/ధరిత్రి దినం అని ఒకవైపు జరుపుకుంటూ మరొక వైపు చెట్లన్నీ కొట్టివేసి, భూగోళం మీద ఉష్ణోగ్రతలు పెరిగేలా చేస్తున్న మనుషులు చూసి ఈ వసంత ఋతువునందు పాడవమ్మా చిలుకమ్మా!!
కృష్ణారెడ్డి గారూ,
తొలగించండిమీ పూరణ బాగున్నది. అభినందనలు.
మొదటి పాదంలో యతి తప్పింది. సవరించండి.
"ఎర్తు డేలను జరిపి చెట్లెల్ల ద్రుంచి" అనండి.
తొలగించండిఎ కి జె కి యతి కుదరదా అండీ?
తొలగించండిఆరు రుచుల పచ్చడిని నేనార గించి
రిప్లయితొలగించండిపిల్లగాలి ననుభవించ వెలికిరాగ
గున్నమామిడి చిగురును గుడిచి గూడ
ఈ వసంతమునన్ బాడవేల పికమ
సీతారామయ్య గారూ,
తొలగించండిమీ పూరణ బాగున్నది. అభినందనలు.
ఈ వసంతమునన్ బాడవేల పికమ?
రిప్లయితొలగించండిమావి చిగురింత రుచులేమి మారి నాయ?
పచ్చ విలుతుడు మనసులన్ బగలు నింపె?
నీవు మెచ్చు బండితు లిలనింక లేర?
యజ్ఞేశ్ గారూ,
తొలగించండిమీ పూరణ బాగున్నది. అభినందనలు.
చింత లేదింక వీడెను శిశిర ఋతువు
రిప్లయితొలగించండికొత్త చివురుల దొడిగెను కుజములన్ని
వింత శోభల జగమంత వెలుగుచుండ
ఈ వసంతమునన్ బాడవేల పికమ
సూర్య గారూ,
తొలగించండిమీ పూరణ బాగున్నది. అభినందనలు.
కవి :
రిప్లయితొలగించండిఈ వసంతసమాగమమ్మున నేల బాడవు కోకిలా ?
కోకిల :
మావికొమ్మల ద్రుంచివేసిరి మాకు నిల్లిక లేదుగా !
పావనంబగు చర్చి లోపల పచ్చినెత్తురు నింపిరే !
చేవ తగ్గెను ; చేటు వచ్చెను ; చెప్పుమేగతి పాడెదన్ ?
జంధ్యాల వారూ,
తొలగించండిమీ పూరణ మనోహరంగా ఉన్నది. అభినందనలు.
ధన్యవాదాలండీ !
తొలగించండిభావ మాధురి సన్నగిల్లగ,పాపులే మితి మీరగా,
రిప్లయితొలగించండిచేవ లేని నికృష్ట జీవిత చిత్రముల్ కనుపించగా,
ఈ వికారపు చేష్తలన్ గని యీసడించుచు నుంటివా
ఈ వసంత సమాగమమ్మున నేల పాడవు కోకిలా?
ప్రసాద రావు గారూ,
తొలగించండిమీ పూరణ బాగున్నది. అభినందనలు.
ధన్యవాదములు
తొలగించండిఈ కామెంట్‌ను రచయిత తీసివేశారు.
రిప్లయితొలగించండివిట్టుబాబు గారూ,
తొలగించండిమీ పూరణ బాగున్నది. అభినందనలు.
ఈవిధమ్ముగ నాదుగుండెను వేధబెట్టుచు నాథుడా
రిప్లయితొలగించండినీవెయేగగ దూరదేశము నేర్చుకుందుకు విద్యలన్
తావిలేనివి పూలగుత్తులు తాళలేనివి చంద్రికల్
చేవజూపుచు భావజుండిట జీరుచుండగ గుండెలన్
ఈవసంత సమాగమ్మున నేలబాడవు కోకిలా?
మీ పూరణ బాగున్నది. అభినందనలు.
తొలగించండినేర్చుకుందుకు... అనడం సాధువు కాదు. "నేర్వ నెంచియు" అనండి.
ధన్యవాదములు గురుదేవా,సవరించెదను!
తొలగించండితరిగి పోతున్న వనముల తలచి, వగచి
రిప్లయితొలగించండిమాయదారి జనుల గాంచి, మమత లేక
మౌని వోలె నుండ సహజమౌన మరిక
ఈ వసంతమునన్ బాడవేల పికమ
మీ పూరణ బాగున్నది. అభినందనలు.
తొలగించండిపోతున్న... అనడం వ్యావహారికం. పోయెడి అనండి.
ఈ వసంతమునన్ బాడవేల పికమ?
రిప్లయితొలగించండిభవన సముదాయముగ మారె వనములంచు
కలత చెందితివేమొ నీ గానమాగె
గొంతు సవరించి పాడుము కొత్త పాట
ముందు తరముల కొసగుచు ముందు చూపు
మీ పూరణ బాగున్నది. అభినందనలు.
తొలగించండి
రిప్లయితొలగించండిఆవకాయల కోరితెచ్చిరి బ్లాగువీరులు జోరుగా
నావనూనియ వేరుశెన్గల నానబెట్టగ చూచిరే
చేవగల్గిన ముద్దుగుమ్మవు చేరుచున్ దరి వ్యాఖ్యగా
నీ వసంత సమాగమమ్మున నేలఁ బాడవు కోకిలా!
Bridging the gap :)
జిలేబి
మీ పూరణ బాగున్నది. అభినందనలు.
తొలగించండిమొదటి పాదంలో యతి తప్పింది. సవరించండి.
నీవమృత గాన మొనరింప నిఖిల జగతి
రిప్లయితొలగించండితన్మయత్వము జెందునే తలిరు దిండి
వత్సరాంగన తోడుగా వచ్చినట్టి
యీ వసంతమునన్ బాడవేల పికమ.
మీ పూరణ బాగున్నది. అభినందనలు.
తొలగించండిఈవసంతమునన్బాడవేలపికమ!
రిప్లయితొలగించండిచూచిదొంగనుమొఱగవేశునకరాజ!
చదువవలసినసమయానజదువవరమ!
కాలచక్రముగాబోలుమారెనేమొ!
మీ పూరణ బాగున్నది. అభినందనలు.
తొలగించండితే: ఈ వసంతమునన్ బాడవేల పికమ?
రిప్లయితొలగించండిపావన మయిన ప్రకృతియు పతనమయ్యె
తెగులు మందులు గళమును తగుల బెట్టె
పాడలేనిక మనమందు పరవశించి
మీ పూరణ బాగున్నది. అభినందనలు.
తొలగించండిగండూరి లక్ష్మినారాయణ గారి పూరణ....
రిప్లయితొలగించండిఎన్నికల వేడి గనుగొని చిన్నవోయి
పడిన వడగళ్ళ వానకు బాధ జెంది
చింత జెందుచు నున్నావ చిట్టి పిట్ట
ఈ వసంతమునన్ బాడవేల పికమ
మీ పూరణ బాగున్నది. అభినందనలు.
తొలగించండిచల్లఁదనపు సాయాహ్నము చారుతరపు
రిప్లయితొలగించండిటంబుదమ్ములఁ గాంచి నృత్యమ్ము సేయ
లాలనలఁ గలాప కలాపి జాల మడరి
యీ వసంతమునం బాడవేల పికమ
మత్తకోకిల.
రావ మొప్పెను వేద మంత్ర విరాజితమ్మయి యియ్యెడన్
జీవరాశి హృదారవింద వశీకృతమ్ముగ విన్పడన్
భావ మేర్పడ లేద యిత్తరిఁ బాట వెక్కస మైనదో
యీవ సంత సమాగమమ్మున నేలఁ బాడవు కోకిలా
[ఈవ = నీవే; సంత = వేద పాఠము]
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమఃపూర్వక ధన్యవాదములు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిఈవసంతసమాగమమ్ముననేలబాడవుకోకిలా!
రిప్లయితొలగించండిచూచిదొంగనునేమికుర్కుర!చూసిచూడనియట్లుగా
మోయనంటివిభారివస్తువుమోయకుంటకుగాడిదా!
కారణంబునువేగజెప్పుముకప్పెకన్నులుబూర్తిగా
మీ పూరణ బాగున్నది. అభినందనలు.
తొలగించండిఆటవిడుపు పూరణ:
రిప్లయితొలగించండి(జిలేబి గారికి అంకితం)
వృద్ధ పిక శోకము:
"ఈ వసంత సమాగమమ్మున నేలఁ బాడవు కోకిలా"?
చేవ లేకిక నడ్డి నొవ్వగ చేతి కర్రను పట్టగా
ప్రేవులన్నియు మేత వద్దని బ్రేవు బ్రేవని కూయగా
కోవెలందున భామలొల్లుచు కూడగట్టుచు దూరగా!
ఈ వసంత సమాగమమ్మున నేలఁ బాడవు కోకిలా?
రిప్లయితొలగించండిఈవిధమ్మున తోటలన్ నశియింప జేయుచు నుండగా
తావలమ్ములు మృగ్య మాయెను ధాత్రిపైనను మానవా!
చేవ తగ్గె రసాయ నమ్ముల చేయలేనిక గానముల్
నా ప్రయత్నం :
రిప్లయితొలగించండితేటగీతి
పద్దు లందున దోషము పట్టి రనియ?
దిద్దుటందున దోషము తెలిసె ననియ?
భారతమ్మున ధర్మము భారమనియ?
యీ వసంతమునన్ బాడవేల? పికమ!
మత్తకోకిల
భావి భారత పౌరులెల్లరి భాగ్యమేమను శంకతో
నీవియమ్ముల గోల చూచుట నేహ్యమయ్యెన కోకిలా!
బ్రోవ వత్తురొ దోచ వత్తురొ పోల్చలేమను యార్తియా?
యీ వసంత సమాగమమ్మున నేలఁ బాడవు కోకిలా?
ఈవసంతమునన్ పాడవేలపికమ?
రిప్లయితొలగించండిఎండవేడిమి మెండుగ నిండుకొనగ!
మావి చిగురులు తినలేని మార్పురాగ!
నీడ తోడున్న జాడలు పాడుబడగ!
చెట్లు,చెరువులు,చిగురులు చెంతలేక!
మిత్రులందఱకు నమస్సులు!
రిప్లయితొలగించండిమావి మ్రాఁకులు పూల తోఁటలు మానవాప్యయమౌట, నీ
జీవికల్ మఱి వాస మివ్విధి జీర్ణమాయెనటంచు, మా
యీవి కోల్పడు చేఁతలం గని హేయ మెంచితె? యిప్డు నీ
వీ వసంత సమాగమమ్మున నేలఁ బాడవు కోకిలా?
ఆ విళంబియె వీడిపోవగ నార్తితో భువి నేలగా
రిప్లయితొలగించండియీ వికారియె మోదమందుచు నేగుదెంచగ యామనిన్
బూవనమ్ములు భూరుహమ్ములు భూరిసంతస మందెనే
యీ వసంత సమాగమమ్మున నేలబాడవు కోకిలా!
నీవు గొంతుక విప్పి పాడగ నిర్వచింతురె మాధురిన్?
రిప్లయితొలగించండి"కావు కావు" యటంచు కూయునె కాకిమూతి బిగించగన్?
ఠేవతో "బెకబేక" యంచును ఠీవి బేకము జూపునే?
యీ వసంత సమాగమమ్మున నేలఁ బాడవు కోకిలా?.
కంజర్ల రామాచార్య
వనస్థలిపురము.
ఈ వసంత సమాగమ్మున నేలబాడవు కోకిలా?
రిప్లయితొలగించండిదేవుడిచ్చిన గూడులన్నియు ద్రెంచివేయగ మానవుల్
తావుగోల్పడి త్రాసలోబడి తాళలేకయె వేడిమిన్
చావుదప్పగ చాలచప్పగ సాగగా పులుజీవన
మ్మేవిధమ్ముగ బాడమందువు యేవగించక పాపమున్ ?
మూడవపాదములో
తొలగించండితాళలేకయె తాపమున్ గా గ్రహించ ప్రార్ధన!
మావి చిగురులు రుచిలేక మంట పుట్ట
రిప్లయితొలగించండిగొంతు విడకున్న నూరకె కూరుచుండ
దలచితివ ? యీ వికారిని తగదు సుమ్మ
ఈ వసంతమునన్ బాడవేల పికమ
ఈవసంతసమాగమమ్మున నేల బాడవు కోయిలా?
రిప్లయితొలగించండిపావనమ్మగు భూతధాత్రిని పాడుజేయహరిత్తునే
తీవెలందున పారువిద్యుతు దీసె పక్షుల ప్రాణముల్
మావికొమ్మల మందు జల్లగ మత్తకోకిల పాడునే?!!!
మావి తోటల కొమ్మలన్నియు మంచిగా చిగురించగా
తావిమోపరి చల్లగాలుల తాయిలమ్ముల నీయగన్
శ్రీవికారియె మానవాళికి శ్రీలు గూర్పగ తీయగా
నీవసంత సమాగమమ్మున నేల బాడవు కోయిలా!!!
నా వయారము గాంచువాడవు నాదు ప్రాణమె నీవుగా
రిప్లయితొలగించండినీవులేవనె బాధతోడను నిద్రలేమిని పొందితిన్
యావిభాకర కాంతిసోయగ మందునాదరి జేరుచున్
నీ వసంత సమాగమమ్మున నేల బాడవు కోయిలా!
మావి చిగురును తినుచును మట్టసముగ
రిప్లయితొలగించండియీవసంతమునవ్ బాడ వేల పికమ
నెరుకపరచంగ రావమ్మ నింపు మీర
నెదురు జూచుచు నున్నాము నెవరు తోడ