ఉ:"పెండ్లియె నాకు వ"ద్దనుచు పెంకెతనమ్మున జెప్ప ప్రేమ తో కండ్లకు గట్టి పెంచుకొనగా తమ కూతురు భూతవైద్యునిన్ "పెండ్లికి దారి జూపు"మన పీడలు బోవ వచించె నిట్టులన్ "పెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్” (కూతురు పెండ్లి వద్దంటోంది,మార్గం చెప్పమంటే భూతవైద్యుడు ప్రేతాన్ని పిలిచి దాని కిచ్చి పెళ్లి చేస్తే పీడలు పోయి పెళ్లి అవుతుందని చెప్పాడు.)
ఆటవెలది
రిప్లయితొలగించండిబక్కపలుచ వాని చిక్కఁబట్టుకునూర
పిలుచుకొంద్రు జనులు ప్రేతమనుచుఁ
గొలువునందుఁ జేరి గుణవంతునిగ వెల్గఁ
బెండ్లి సేయఁదగును ప్రేతమునకు
ఉత్పలమాల
కండ్లకు బక్కవానిగను గన్పడ ప్రేతమటంచు నెంచ నూ
రిండ్లకుఁ బల్లెలో నొకడె యిష్టము తోడను విద్యనేర్చియున్
వాండ్లకుఁ జూపుచున్ నిపుణి బంగరు కొల్వునుబొందినంతటన్
బెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్
రిప్లయితొలగించండికాంతిలేని కనులు కండలేని యొడలు
కాంచి నంత నామె గాము వోలె
నున్న నేమిర మనమూరుకుండుటయేల
పెండ్లి సేయఁదగును ప్రేతమునకు.
కండ్లవి భావహీనమయి కండలు లేని శరీరమందునన్
పండ్లను గాంచ గత్తులవి వర్ణన సేయ పిశాచమే, పదా
రేండ్లవి దాటెగాదె నికయేల విచారము సత్వర మ్ముగన్
పెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్.
(అందవికారముగా పిశాచిలా వున్నా వయసుదాటుచున్న ఆ ప్రేతానికీ పెండ్లిచేయాలిసిందే నని )
ఆ॥ ఒక్క గజము ధ్వంస మొనరించు చుండఁగ
రిప్లయితొలగించండినిచ్చ కచ్చి యెగయ పిచ్చి గాను
మదమడఁచఁగ నాడ మత్తకీశముఁ దెచ్చి
పెండ్లి సేయఁ దగును ప్రేతమునకు
ఉ॥ కండ్లను చూడఁ జాలకను గట్టిగ ధ్వంసముఁ జేయుచుండఁగన్
బండ్లను దోటలన్ దనదు బల్మినిఁ జూపుచు మత్త దంతియే
యిండ్లను శిక్షణన్ గనిన యేనగు నెన్నుచు నాడుదానిన్
బెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్
ప్రేతము దంతి మత్తకీశము ఏనుగు నిఘంటువు సహాయమండి
మదపుటేనుగులను ఇలాగే లొంగదీస్తారండి. ఈమధ్య కేరళ కర్నాటక బహుశః తమిళనాడు కూడ అనుకుంటాను, బోర్డర్ లో ఈప్రయోగము చేసారండి
ప్రేతము = ఏనుగు BN Reddy గారి నిఘంటువులో పీనుగునకు ముద్రా దోష మనుకుంటానండి.
తొలగించండిఏనుగు పర్యాయ పదములలో వారి నిఘంటువులోనే ప్రేతము లేదు కదా.
బడికి బోవు చుండి , పంతులు గారిచే
రిప్లయితొలగించండివెర్రి పీనుగయని పిలువ బడెడు
వాడు , గోలసేయ వాసిగ బడితెతో
పెండ్లి సేయఁదగును ప్రేతమునకు
Nice
తొలగించండిపెద్దదైన తనయ ప్రేమించె నొక్కడిన్
రిప్లయితొలగించండిబ్రేత మనగ నొప్పు వెర్రివాని
కోరి వలచినట్టివరుని చేర పిలిచి
పెండ్లి సేయఁదగును ప్రేతమునకు
పెండ్లికి సిద్దమైన తన పెంపుడు కూతురు ప్రేముడించె నా
కండ్లకు ప్రేతమే పొదలె కాముని బోలెడు రూపుతోడ పె
క్కేండ్లుగ వేచిచూచెనట కేవల మాయమ కోర్కెతీరగా
పెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్
వయసు పైన బడిన వధువును గానక
రిప్లయితొలగించండిచిక్కిశల్యమయ్యెఁ జింత వడుచు
తల్లిదండ్రులపుఁడు దలచిరెట్టులనైన
బెండ్లి సేయఁదగును ప్రేతమునకు
వరుని రేఖ లరయ వసుధ నల్పాయుష్కుఁ
రిప్లయితొలగించండిడనిన వినక యుంటి వకట సుంత
పట్టు విడువ కున్నఁ బట్టి కిప్పట్టునఁ
బెండ్లి సేయఁ దగును బ్రేతమునకు
పెండ్లి కుమారుఁ గూర్చి వెస వేఁడఁగ నెల్లరు భక్తి వేల్పు పే
ర్దండ్ల దయా రసం బడరఁ గ్రన్ననఁ బ్రాణము తేరు బొందిఁ బూఁ
బోండ్ల తుటంపుఁ బేరఁటము మూరక మున్న గతించె నక్కటా
పెండ్లినిఁ జేయఁగాఁ దగును బ్రేతమునుం బ్రియమారఁ బిల్చియున్
పెండ్లముకోసమై యతఁడు వెంపరలాడెను చిక్కిశల్యమై
రిప్లయితొలగించండికండ్లకుఁ గాసె కాయలు కకావికలయ్యె మనంబు గానిపె
క్కేండ్లు గతించినన్ దనకదేలనొ పెండిలిగాదు, యెట్టులో
పెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్
బక్క పీనుగ నుచు బాలుని భావించి
రిప్లయితొలగించండిప్రేత మనుచు వాని పిలుచు చుండ
పెరిగి పెద్ద గయిన పిదప న వ్వానికి
పెండ్లి సేయ దగును ప్రేత మునకు
ప్రశ్నోత్తరి
రిప్లయితొలగించండిఆ.వె:మనుమరాల!నిన్ ప్రేమించు ఘను డెవండు?
తాత!నా ప్రియసఖుడు ప్రీతం కుమార్
కొడుక! ప్రీతమో,ప్రేతమో కూతు పెండ్లి
సేయఁదగును ప్రేతమునకు చెలిమి కలువ
(మనుమరాలు ప్రీతం ని ప్రేమించానని తాతతో అన్నది.ఆయన "అది ప్రేమించింది కదా!వాడు ప్రీతమో,ప్రేతమో వాడి కిచ్చి పారెయ్" అని కొడుక్కి సలహా ఇచ్చాడు.)
ఉ:"పెండ్లియె నాకు వ"ద్దనుచు పెంకెతనమ్మున జెప్ప ప్రేమ తో
రిప్లయితొలగించండికండ్లకు గట్టి పెంచుకొనగా తమ కూతురు భూతవైద్యునిన్
"పెండ్లికి దారి జూపు"మన పీడలు బోవ వచించె నిట్టులన్
"పెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్”
(కూతురు పెండ్లి వద్దంటోంది,మార్గం చెప్పమంటే భూతవైద్యుడు ప్రేతాన్ని పిలిచి దాని కిచ్చి పెళ్లి చేస్తే పీడలు పోయి పెళ్లి అవుతుందని చెప్పాడు.)
మనిషిఁజూడ మిగుల మందుని వోలెను
రిప్లయితొలగించండికండ లేమి బక్క కాయమైన
కామమతిశయింప గరుణన వానికి
పెండ్లి సేయఁదగును ప్రేతమునకు
పెండ్లికి వచ్చుభామినికి పెండ్లికి వీలగు వాడులేనిచో
రిప్లయితొలగించండిపెండ్లికిగల్గుదోషములు పెద్దగ నుండక మంచి జర్గ నౌ
పెండ్లినిఁ జేయఁగాఁ దగును ప్రేతమునున్ బ్రియమారఁ బిల్చియున్
నేండ్లును నేండ్లుగా మనువు నెప్పటి వోలెను సాగునేగదా
వయసు వచ్చినట్టి పాపకు వేగమే
రిప్లయితొలగించండిపెండ్లి చేయుదగును,.ప్రేతమునకు
తగినశాస్తిచేయ ధరణియందు పరుగు
తీయునదియు వడిగదేహినుండి