మ. దినరాడ్జృంభణ కాల సంవృత విపత్తీక్షాంశు తాపంబులో పని నే దైవముగాఁ దలంచితి ధనంబాశించి కష్టింప నా చిని చాపల్యము సేత మత్తులెసగన్ సేవింతు మద్యంబు నీ శనివారమ్మున, నా పతివ్యతయె వైషమ్యమ్ముఁ జూపుం గదా !
మ:పనిలో మున్ గెడు నైదు నాళ్లు,మరియున్ పాకమ్ము దాజేయు,నే పనిలో సాయము నన్ను గోరదు సదా పాటించు సాధ్వీత్వమే, తనకున్ నచ్చిన చిత్ర దర్శనము బొందన్ గోరు ,నే వద్దనన్ శనివారమ్మున నా పతివ్రతయె వైషమ్యమ్ముఁ జూపున్ గదా” (ఐదు రోజులు సాఫ్ట్ వేర్ పనిలో,ఇంటి పనిలో ఉన్న పతివ్రత వీకెండ్ లో సినిమా వద్దంటే మాత్రం ద్వేషం చూపిస్తుంది.)
పనిపిల్ల రాక యుండిన మనమ్ము వికలమ్ము గాఁగ మస్తక మెరియం బని భారమ్మున నలుకన్ శనివారము నాఁడు భార్య శత్రు వగుఁ గదా
శనివారమ్ముల భక్తి సంయుత మవిశ్రాంతోప వాసమ్ములం దనరారం గని చేయ దూషణము లత్యంతమ్ము ఘోరమ్ముగన్ వనితా రత్నము స్వీయ భర్తృ ముఖ సంపాతోగ్ర వద్దుర్వచో౽ శని వారమ్మున నా పతివ్రతయె వైషమ్యమ్ముఁ జూపున్గదా
15 కామెంట్లు:
మ.
దినరాడ్జృంభణ కాల సంవృత విపత్తీక్షాంశు తాపంబులో
పని నే దైవముగాఁ దలంచితి ధనంబాశించి కష్టింప నా
చిని చాపల్యము సేత మత్తులెసగన్ సేవింతు మద్యంబు నీ
శనివారమ్మున, నా పతివ్యతయె వైషమ్యమ్ముఁ జూపుం గదా !
పెనిమిటినే పరమాత్ముని
గను దలచుచు పాదపూజ ఘనముగ సేయన్
మునిభేషజమందుంచుచు
శనివారము నాఁడు భార్య శత్రువగుఁ గదా.
ఘనుడౌ వేంకటనాథ తుల్యుడనుచున్ గాంతుండనే జేరుచున్
వినయమ్మెంతయొ జూపుచున్ బతిని సేవింపన్ నిరాహారియై
మనువున్ సైతము పస్తులుంచి సతి సమ్మానింప తానెంచినన్
శనివారమ్మున నా పతివ్రతయె వైషమ్యమ్ముఁ జూపున్ గదా.
ఈ నెల శ్రావణ మగుటన
వనిత పతి ససి కయి శుక్రవారము నందున్
నొనరించె నోము , మగనికి
శనివారము నాఁడు భార్య శత్రువగుఁ గదా
దినకరతనయుని మహిమను
కొనియాడగనెవరి తరము కొంపలు ముంచున్
శని పిరివీకులువెట్టిన
శనివారము నాఁడు భార్య శత్రువగుఁ గదా
శనిసంప్రాప్తము కల్గజేయునుకదా సర్వాత్మకున్ గ్లేశముల్
శనితేజస్సున చెట్టుతొఱ్ఱఁ బ్రబలెన్ సాక్షాన్మహాదేవుడే
శనివెంటాడిన దాపురించు వెతలే సంసారమే ధ్వంసమౌ
శనివారమ్మున నా పతివ్రతయె వైషమ్యమ్ముఁ జూపున్ గదా
పనులందు విరామమెపుఁడు
గననోచక సతిని విడచి గడపిన కతనన్
కినుక వహించఁగ పతియెడ
శనివారము నాఁడు భార్య శత్రువగుఁ గదా
కం:శనివారపుటుపవాస
మ్మును వదలుచు బెండ్లి విందు ముచ్చట బడగా
నను మానిపించె నా సతి
శనివారము నాఁడు భార్య శత్రువగుఁ గదా”
(ఉపవాసాల పట్టింపు మగవాళ్ల కంటే ఆడవాళ్లకే ఎక్కువ.విందు భోజనం ఎంజాయ్ చేద్దా మనుకుంటుంటే ఆడవాళ్లు శనివారాన్ని గుర్తు చేస్తారు.)
కం॥ దినదినము మాంస భక్ష్యముఁ
దిను భర్తను సతియు మిగుల తృప్తి పరచినన్
వినయముగఁ బూజ సేసెడి
శనివారము నాఁడు భార్య శత్రువగుఁ గదా
మ॥ కనఁగన్ భర్తయె మాంస భక్షణము నాకాంక్షించఁగన్ సర్వదా!
తనరెన్ భార్యయు భర్త యిచ్ఛనటు సంధానించుచున్ నెమ్మితో
మనమున్ మిక్కిలి భక్తి భావమెగియన్ మాంసమ్మునే తాకకన్
శనివారమ్మున నా పతివ్రతయె వైషమ్యమ్ముఁ జూపున్ గదా
(కొందరు ప్రతిరోజు మాంసాహారం తిన్నా ఒక్క శనివారం తినరండి. పురుషులలో కొంతమంది శనివారం కూడ తింటారు)
మా బెంగుళూరులో నేను
శనివారమ్మున వాహనమ్ము నడుపన్ సాధ్యమ్ము కాదిచ్చటన్
అంటుంటానండి.
మ:పనిలో మున్ గెడు నైదు నాళ్లు,మరియున్ పాకమ్ము దాజేయు,నే
పనిలో సాయము నన్ను గోరదు సదా పాటించు సాధ్వీత్వమే,
తనకున్ నచ్చిన చిత్ర దర్శనము బొందన్ గోరు ,నే వద్దనన్
శనివారమ్మున నా పతివ్రతయె వైషమ్యమ్ముఁ జూపున్ గదా”
(ఐదు రోజులు సాఫ్ట్ వేర్ పనిలో,ఇంటి పనిలో ఉన్న పతివ్రత వీకెండ్ లో సినిమా వద్దంటే మాత్రం ద్వేషం చూపిస్తుంది.)
ఘనమౌరీతి వివాహమాడి బుధ సంఘంబుల్ దెగన్ మెచ్చగన్
మనువాడంగ విహారయాత్రలకునై మాల్దీవులన్ జేరగా
అనుకోకుండ బహిష్టు కాగ సతియే వ్యాఘాతమ్మునన్ భర్తపై
శనివారమ్మున నా పతివ్రతయె వైషమ్యమ్ముఁ జూపున్ గదా.
మునుకొని దేవీ పూజను
ఘనముగ సల్పంగ బూని గమనించక తా
పెనిమిటి ని ర్ల క్షి o చ గ
శనివారము నాదు భార్య శత్రు వగు గదా!
వినదే స్వాస్థ్యత జిక్కుదాక పతికిన్ వీలైన పథ్యంబులన్
దినవారంబుల నీయదే యుదకమున్, తిండిన్ దనాశించకే !
శనివారమ్మున, నా పతివ్రతయె, వైషమ్యమ్ముఁ జూపున్ గదా!
కనరే దారయు జేయు నీ విధిని మాంగల్యంబునే నిల్పగా !!
పనులందున్ తలమున్కలై సతిని నిర్వర్ణింపకన్ భర్త తా
ననిశంబున్ ధనమార్జనమ్మె గుఱిగాఁనల్లాడ రోసించి యా
వనితారత్నము బూని కిన్క పతిపై వారించి సల్లాపముల్
శనివారమ్మున నా పతివ్రతయె వైషమ్యమ్ముఁ జూపున్ గదా
కందం
తనుకోరిన వరమీయక
వెనుజూపిన వారమామె వినదే నన్నున్
మనమున నశాంతి రేపగ
శని, వారము నాఁడు భార్య శత్రువగుఁ గదా!
మత్తేభవిక్రీడితము
తను గోరన్ వరమీయకున్నను విబేధమ్మెంచు వారమ్మహో
యనురాగమ్మది చూపకుండ సతియేయల్లాడగన్ జేయునే
ననువీడంగను చూడకే చెలగు నన్యాయంబుగన్ బట్టుచున్
శని, వారమ్మున నా పతివ్రతయె వైషమ్యమ్ముఁ జూపున్ గదా!
పనిపిల్ల రాక యుండిన
మనమ్ము వికలమ్ము గాఁగ మస్తక మెరియం
బని భారమ్మున నలుకన్
శనివారము నాఁడు భార్య శత్రు వగుఁ గదా
శనివారమ్ముల భక్తి సంయుత మవిశ్రాంతోప వాసమ్ములం
దనరారం గని చేయ దూషణము లత్యంతమ్ము ఘోరమ్ముగన్
వనితా రత్నము స్వీయ భర్తృ ముఖ సంపాతోగ్ర వద్దుర్వచో౽
శని వారమ్మున నా పతివ్రతయె వైషమ్యమ్ముఁ జూపున్గదా
[అశని వారము = అశని సమూహము]
పిన్నక నాగేశ్వరరావు.
హైదరాబాద్.
జనులుపవాసము నుందురు
శనివారమునాడు; భార్య శత్రువగుఁ గదా
పెనిమిటితో తగవాడుచు
కొనగోటను పోవు పనికి గొడ్డలి తేగా/తెచ్చున్.
కామెంట్ను పోస్ట్ చేయండి