20, అక్టోబర్ 2025, సోమవారం

సమస్య - 5280

21-10-2025 (మంగళవారం)
కవిమిత్రులారా,
ఈరోజు పూరింపవలసిన సమస్య ఇది...
“లాకేత్వము దాకు కొమ్ములను దాత యిడున్”
(లేదా...)
“లాకేత్వమ్మును దాకు కొమ్ము నిడు హేలన్ దాత యెల్లప్పుడున్”

3 కామెంట్‌లు:

  1. కందం
    శ్రీకృష్ణునకిడె దానము
    నాకర్ణుడు చావఁబోవు నాఖరుఘడియన్
    జేకుఱఁగ కొరత లేదన
    లాకేత్వము దాకు కొమ్ములను దాత యిడున్

    శార్దూలవిక్రీడితము
    ఆ కర్ణుండనిఁ గూలెడున్ ఘడియ, నందాశించి దానంబునే
    శ్రీకృష్ణుండడుగన్ ముదంబునిడె నిశ్చింతన్ విశేషంబుగన్!
    జేకూరంగను లేదనన్ గొరతనే జిహ్వన్ విలాసంబుగన్
    లాకేత్వమ్మును దాకు కొమ్ము నిడు హేలన్ దాత యెల్లప్పుడున్!

    రిప్లయితొలగించండి

  2. నీకిట్లు చెప్పినది కన
    పోకిరి వాడేను బంక ముచ్చని యనరే
    లాకేత్వము ద కు కొమ్మన
    లాకేత్వము దాకు కొమ్ములను దాత యిడున్?


    నీ కీ మాటను చెప్పుచుంటి వినుమా నెయ్యమ్ము వే నీవటం
    చే కాలంబున గాని యాశ్రితుడు దేహీ యంచు తా నడ్గ గా
    నాకాశమ్మది క్రుంగ నేమి విను మీయన్ లేననే మాటకున్
    లాకేత్వమ్మును దాకు కొమ్ము నిడు హేలన్ దాత యెల్లప్పుడున్.

    రిప్లయితొలగించండి
  3. నాకే నన్నియు నిడుమన
    నోకర పుట్టించు నటుల నుండుట జేతన్
    కాకును దెలుపుట గొరకై
    లాకేత్వము దాకు కొమ్ములను దాత యిడున్

    రిప్లయితొలగించండి