ప్రభాకర శాస్త్రి గారూ, బింబ ప్రతిబింబ భావంతో మీ పూరణ బాగున్నది. అభినందనలు. 'శ్రీరాము' అని డుప్రత్యయం లేకుండా ప్రయోగించారు. "శ్రీరాముడు సతిని విడిచె" అనండి.
పూసపాటి వారూ, క్రమాలంకారంలో మీ పూరణ బాగున్నది. అభినందనలు. 'ఆడెన్+ఏ' అని విసంధిగా వ్రాయరాదు. పద్యం మధ్య అచ్చులు రాకూడదు."పెండ్లాడెను తా। నే రమణీ..." అందామా?
గురువు గారికి నమస్కారములు. ఇవాళ క్రొత్త విషయము నేర్చుకున్నాను. పద్యం మధ్యలో అచ్చులు రాకూడదని. ధన్యవాదములు భవిష్యత్తు లో ఆ పొరబాట్లు దొర్లకుండా చూస్తాను . ప్రణామములు
డా. పిట్టా వారూ, మీ రెండు పూరణలు బాగున్నవి. అభినందనలు. తన-కుమారుండు; తనకు-మారుండు... మంచి చమత్కారం. రెండవ పూరణలో 'కదిలించన్+ఇల' అన్నపుడు యడాగమం రాదు."కదిలించంగను" అందామా? 'తద్వ్రాతలన్' అనడం దోషమే. "తద్గాథలన్" అందామా?
ఈ కామెంట్‌ను రచయిత తీసివేశారు.
రిప్లయితొలగించండిశ్రీరాము సీతను విడిచె
తొలగించండినారోపణ కాగ లేక నదియెట్లన్నన్
రారాజే శంకించెను:
"సారంగధరుండు వలచె సతి చిత్రాంగిన్"
* శిక్ష విధించిన వారిద్దరూ రాజులే. శిక్ష ననుభవించిన వారిద్దరూ నిర్దోషులే. ఉపమానం అంతటితో సరి...
ప్రభాకర శాస్త్రి గారూ,
తొలగించండిబింబ ప్రతిబింబ భావంతో మీ పూరణ బాగున్నది. అభినందనలు.
'శ్రీరాము' అని డుప్రత్యయం లేకుండా ప్రయోగించారు. "శ్రీరాముడు సతిని విడిచె" అనండి.
__/\__
తొలగించండికం।।
రిప్లయితొలగించండిఆరాజరాజుతమితో
సారంగముమీటికొనుచుసతిమతిదొలువన్
దోరపుమోహమ్మున నా
సారంగధరుండు వలచె సతి చిత్రాంగిన్
నారాయణ పాత్రుడు గారూ,
తొలగించండిపద్యం బాగున్నది. కాని సమస్య పరిష్కరింపబడినట్లు లేదు.
ఊరెంతఁబల్క చలింపడు
రిప్లయితొలగించండిసారంగధరుడు;వలచె సతి చిత్రాంగిన్
గోరంత జారని వానిన్
పారంగతు పితృపూజ్య భావగరిష్ఠున్
ప్రసాద రావు గారూ,
తొలగించండివిరుపుతో మీ పూరణ బాగున్నది. అభినందనలు.
మొదటిపాదంలో గణదోషం. "ఊరేమన్న జలింపడు" అందామా?
అలాగే కృతజ్ఞత లు
తొలగించండిఆ రాజరాజు తనయుని
రిప్లయితొలగించండిపేరేమిటి,వేంగిరాజు పెండిలి యాడెన్
ఏ రమణీతిలకంబున్,
సారంగధరుడు, వలచె సతి చిత్రాoగిన్.
పూసపాటి వారూ,
తొలగించండిక్రమాలంకారంలో మీ పూరణ బాగున్నది. అభినందనలు.
'ఆడెన్+ఏ' అని విసంధిగా వ్రాయరాదు. పద్యం మధ్య అచ్చులు రాకూడదు."పెండ్లాడెను తా। నే రమణీ..." అందామా?
గురువు గారికి నమస్కారములు. ఇవాళ క్రొత్త విషయము నేర్చుకున్నాను. పద్యం మధ్యలో అచ్చులు రాకూడదని. ధన్యవాదములు భవిష్యత్తు లో ఆ పొరబాట్లు దొర్లకుండా చూస్తాను .
తొలగించండిప్రణామములు
రిప్లయితొలగించండిహీరా! యిదియ! సమస్యా !
"సారంగధరుండు వలచె సతి చిత్రాంగిన్"
ఔరా! సమస్య యేమిటి ?
పోరడు పోరిని వలచని పోకడ గలదే ?
జిలేబి
జిలేబీ గారూ,
తొలగించండిచారిత్రక నేపథ్యం కాకుండా సారంగధరుడనే పోరడు చిత్రాంగి అనే పోరిని వలచాడు. బాగుంది మీ పూరణ. అభినందనలు.
డా.పిట్టా
రిప్లయితొలగించండికోరన్ దాను సుతుడనను
బోరున్ చిత్రాంగి తనకు"మారుండ"నుచున్
మీరండాతడు నీతిన్
సారంగధరుండు వలచె సతి చిత్రాంగిన్?!!(అవ్వ! ఇదేం పోయే కాలమయ్యా మీకు?అని గ్రామీణ స్త్రీ ఆశ్చర్యం)
డా.పిట్టా
రిప్లయితొలగించండికదిలించన్ యిల గొప్పవైన విషపున్ గాధావళుల్ పేరుకౌ
మది రామాయణమైన గూల్చరెబుధుల్ మర్మంబులన్ గానరో
పదిలంగా తమ కీర్తి చంద్రికలవౌ బాగేమి తద్వ్రాతలన్
చదువంగా విపరీత ధోరణులవౌ సత్శీలతల్ మాయమౌ
అది;సారంగధరుండు దా వలచెనే?చి త్రాం గి న్,మనోజార్తుడై!!(ముమ్మాటికి అది అసంభవమన్న తీర్పుతో)
డా. పిట్టా వారూ,
తొలగించండిమీ రెండు పూరణలు బాగున్నవి. అభినందనలు.
తన-కుమారుండు; తనకు-మారుండు... మంచి చమత్కారం.
రెండవ పూరణలో 'కదిలించన్+ఇల' అన్నపుడు యడాగమం రాదు."కదిలించంగను" అందామా? 'తద్వ్రాతలన్' అనడం దోషమే. "తద్గాథలన్" అందామా?
డా.పిట్టా
తొలగించండిఆర్యా, గాథ ఇదివరకే వచ్చింది కాన తల్లేఖనాల్ అననీయండి.లేఖనం సంస్కృతమే కదా
కన్. చన్ లను తప్పించ సవరించు కున్నాను.కృతజ్ఞతలు.మీ మెప్పుకై ధన్యవాదాలు.
డా.పిట్టా
తొలగించండిఆర్యా, గాథ ఇదివరకే వచ్చింది కాన తల్లేఖనాల్ అననీయండి.లేఖనం సంస్కృతమే కదా
కన్. చన్ లను తప్పించ సవరించు కున్నాను.కృతజ్ఞతలు.మీ మెప్పుకై ధన్యవాదాలు.
ముదమొప్పన్ కనకాంగి చంద్రవదనన్ఁ బ్రోయాలి గాఢమ్ముగా
రిప్లయితొలగించండిఅదె సారంగధరుండు దా వలచెఁ, జిత్రాంగిన్ మనోజార్తుఁడై
ముదితల్ మెచ్చెడి రాజరాజనృపతీముఖ్యుండు పెండ్లాడెగా
సుదతీమోహమునందు వృద్ధులయినన్ చోద్యమ్ముగా చిక్కరే ||
సోమయాజులు గారూ,
తొలగించండివిరుపుతో మీ పూరణ బాగున్నది. అభినందనలు.
'నృపతీముఖ్యుండు' అనడం దోషం. పతి పుంలింగ శబ్దం. దీర్ఘం రాదు. అక్కడ "రాజరాజనెడు రాణ్ముఖ్యుండు..." అందామా?
ఆర్యా! సవరణకి ధన్యవాదములు.
తొలగించండి__/\__
తోరపు జననీ భావము
రిప్లయితొలగించండిచేరగ నత డామె కచట జేజే లనియెన్
నేరం డన్యము గద, యే
సారంగధరుండు వలచె సతి చిత్రాంగిన్?
మదిలో యుక్త మయుక్తముల్ దలప కేమాత్రంబు నిట్లాడె నా
మదమత్తుం డొక డా సభాస్థలిని బల్మా రంద రౌరా యనన్
ముదమారంగను సీత నాభరతుడే మోహించె నవ్వేళలో
అదె సారంగధరుండు దా వలచెఁ జిత్రాంగిన్ మనోజార్తుఁడై.
హ.వేం.స.నా.మూర్తి.
మూర్తి గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
మీరఁగ ద్వేష మసూయలు
రిప్లయితొలగించండివేరుగ కయ్యాలమారి విజయాదిత్యుం
డా రాజుకుఁ జెప్పెనిటుల్
"సారంగధరుండు వలచె సతి చిత్రాంగిన్"
సహదేవుడు గారూ,
తొలగించండిమీ పూరణ పశస్తంగా ఉంది. అభినందనలు.
గురుదేవులకు ధన్యవాదములు
తొలగించండితోపల్లె బాలసుబ్రహ్మణ్య శర్మ గారి పూరణ.....
రిప్లయితొలగించండిఆరయ చిత్రాంగదనే
సారంగ ధరుండు వలచె సతి చిత్రాంగిన్
రారాజు, వలచెనో యని
సారంగధరాశ్రయ కర చరణాల్ దున్మెన్
తోపెల్ల బాలసుబ్రహ్మణ్య శర్మ గారి పూరణ.....
తొలగించండిశర్మ గారూ,
తొలగించండిమీ పూరణ బాగున్నది. అభినందనలు.
డా.ఎన్.వి.ఎన్.చారి 9866610429
రిప్లయితొలగించండివైరాగ్య విరాజితుడా
సారంగధరుండు; వలచె సతి చిత్రాంగిన్
వీరుడు తన తండ్రి యనుచు ప్రేయసి యైనన్
వారించెను పినతల్లిని
కోరకు మారీతి యనుచు కోపము తోడన్
చారి గారూ,
తొలగించండిఐదు పాదాల కందం...?
సదయుండౌ నృపసూనుడున్ గొన ప్రశంసల్ , గాంచి రాట్పుత్ర కీ...
రిప్లయితొలగించండిర్తి , దయాహీనుడు దుష్టుడైన విజయాదిత్యుండు లోకంబునం
"దదె సారంగధరుండు దా వలచెఁ జిత్రాంగిన్ మనోజార్తుఁడై"
యిదిగో! "యంచు ప్రచారమున్ సలుప రాజేంద్రుండు జంపించి, తా
నిదె దేహమ్మును కొండపై విసర శాసించెన్ ! మహాదేవద..
త్త దయాలబ్ధుడునై జనించెను పునర్ధన్యాత్ముడై నేటికిన్
పదిలంబీగిరి రాణ్మహేంద్రవర ప్రాంతమ్మందు వీక్షింపరే !!
మైలవరపు వారూ,
తొలగించండిసారంగధర మిట్ట ప్రస్తావనతో మీ పూరణ అద్భుతంగా ఉంది. అభినందనలు.
కోరి ప్రచారము జేసిరి
రిప్లయితొలగించండి"సారంగధరుండు వలచె సతి చిత్రాంగిన్
నేరిచి" యని చంపించె వి
చారింపక రాణ్ణరేంద్ర జనపాలుడటన్ !!
మైలవరపు వారూ,
తొలగించండిమీ రెండవ పూరణ బాగున్నది. అభినందనలు.
ధీరోదాత్తుడు హీరో
రిప్లయితొలగించండిచేరువగాగ సినిమాల సీమను లేమన్
మారుని మహిమకు లోబడి
సారంగధరుడు వలచె సతి చిత్రాంగిన్
అన్యభాషా ప్రయోగానికి క్షమార్పణలు!🙏🙏🙏🙏
తొలగించండిసీతాదేవి గారూ,
తొలగించండిమీ పూరణ బాగున్నది. అభినందనలు.
ఓ రంగుల చిత్రమ్మే
రిప్లయితొలగించండిపారంగను కవి లిఖించె ప్రాజ్ఞత లేకన్
చేరంగ మదనుడంతట
సారంగధరుండు వలచె సతి చిత్రాంగిన్
వీటూరి భాస్కరమ్మ
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
నేరము మోపిరసూయను
రిప్లయితొలగించండి"సార౦గ ధరుండు వలచె సతి చిత్రాంగిన్"
ఆ రాజుని యానతి పరి
హారము పాదముల నరకి రారణ్యమునన్
తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
"ఆ రాజు నానతిని పరి..." అనండి.
గురుదేవుల సూచన మేరకు సవరించిన పద్యము
తొలగించండినేరము మోపిరసూయను
"సార౦గ ధరుండు వలచె సతి చిత్రాంగిన్"
ఆ రాజునానతిని పరి
హారము పాదముల నరకి రారణ్యమునన్
మదికోరంగను పిన్నతల్లి అకటా మాతృత్వ మాధుర్యముల్
రిప్లయితొలగించండిమదివీడంగను పుత్రుకోరి పతినే మార్చంగ పల్కించె తా
నదె దాసీజనమెల్ల నొక్కటిగ విన్నాణమ్ముతో నిట్లనెన్
అదె సారంగధరుండు దా వలచె జిత్రాంగిన్ మనోజార్తుడై
వీటూరి భాస్కరమ్మ
భాస్కరమ్మ గారూ,
తొలగించండిబాగున్నది మీ పూరణ. అభినందనలు.
తీరుగ భృంగములుకురుల
రిప్లయితొలగించండిదీరగ చిత్రాంగి రాజుదేహము పైనన్
నోరగ నొరుగగ లలనా
సారంగధరుడు వలచె సతి చిత్రాంగిన్
కురులవిరులలో సారంగములతోకూడిన చిత్రాంగిని ధరించినరాజు ఆమెను వివాహ మాడెనన్నది నా భావన.అన్వయం కుదిరిందా
శ్రీరామ్ గారూ,
తొలగించండిచక్కని భావం. బాగుంది మీ పూరణ. అభినందనలు.
క్రూరుడు విజయాదిత్యుడు
రిప్లయితొలగించండివేరిమి తో గొండెములను వేయగ బ్రీతి
న్నారాజుకు దెల్పెనిటుల
సారంగధరుండు వలచె సతి చిత్రాంగిన్!!!
శైలజ గారూ,
తొలగించండిమీ పూరణ బాగున్నది. అభినందనలు.
పూరించగ నవధానికి
రిప్లయితొలగించండిసారసుడగు పృచ్ఛకుండు సరగున నిడెనీ
తీరు తికమక సమస్యను
" సారంగధరుండు వలచె సతి చిత్రాంగిన్"
శర్మ గారూ,
తొలగించండిక్లిష్టమైన సమస్య నిచ్చినప్పుడు ఇదొక తప్పించుకొని వెక్కిరించే విధానం. బాగుంది మీ పూరణ. అభినందనలు.
ఒౌరా యేమని యంటిరి
రిప్లయితొలగించండిసారంగధరుండు వలచె సతి చిత్రాంగిన్
సారంగధరుని జనకుడు
పేరిమి జిత్రాంగిసతిని బెండిలి యాడెన్
సుబ్బారావు గారూ,
తొలగించండిమీ పూరణ బాగున్నది. అభినందనలు.
నీరజ నేత్రాబ్ధిజ ముఖి
రిప్లయితొలగించండినారామ విహారిణి విమలాదిత్య కులాం
భోరాశి శశి నిభుం డా
సారంగధరుండు వలచె సతి చిత్రాంగిన్
[సతి = పతివ్రత; చిత్రాంగి = చిత్రమైన శరీరము గలది, స్త్రీ ]
విదితం బిద్ధర వేగిరంపుఁ బనులన్వీడంగ మే లయ్యెడిం
గదలంగన్ నిజ సేన ఖడ్గమునకుం గళ్యాణ వైభోగమున్
హృది హర్షంబున వే తలంచి యిటు ధాత్రీశుండు దాఁ జేసెఁ ద
ప్పదె సారంగధరుండు దా వలచెఁ జిత్రాంగిన్ మనోజార్తుఁడై
కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
*శ్రీమతి జి సందిత బెంగుళూరు*
రిప్లయితొలగించండి*"అదె సారంగధరుండు దా వలచెఁ జిత్రాంగిన్ మనోజార్తుఁడై"*
*హృదినమ్మెన్ మనుజేంద్రుడీకథనుగర్హింపన్విమర్శింపగాన్*
*చదువన్ జాలినవారలెల్లచరితన్ ఛాయంచుచిత్రాంగినిన్ చిదిమేసెన్* *ఘనమౌమహేంద్రిపురవైశిష్ట్యంబునవ్వాహినిన్*
సందిత గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండి*శ్రీమతి జి సందిత బెంగుళూరు*
రిప్లయితొలగించండి😃😄😇🤣😍😜🤡👩🏻🌾🎋🌸
*దారుణము జరిగిపోయెను*
*నేరంబనినమ్మెనృపుడునిందన్ వినిత*
*ద్ఙోరంబెఱుంగుమియ్యది*
*"సారంగధరుండు వలచె సతి చిత్రాంగిన్"*
సందిత గారూ,
తొలగించండిమీ రెండవ పూరణ బాగున్నది. అభినందనలు.
ఆరోపించగ ననుజుడు
రిప్లయితొలగించండి“సారంగధరుండు వలచె సతి చిత్రాంగిన్”
మీఱిన కోపముతోఁ బతి
దూరుచు కరములును కాళ్ళు తునుమగ జేసెన్
సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
క్రొవ్విడి వెంకట రాజారావు:
రిప్లయితొలగించండినారీమణి కనకాంగిని
సారంగధరుడు వలచె; సతి చిత్రాంగిన్
ప్రేరితుడై నతని పితర
దారక్రియనాడి నలరె ధాత్రి ధృతికినై
రాజారావు గారూ,
తొలగించండిమీ పూరణ బాగున్నది. అభినందనలు.
కోరిక లడరగ మది మితి
రిప్లయితొలగించండిమీరిన సౌందర్యరాశి మీన నిభాక్షిన్
భూరిగ మణిమయ మరకత
సారంగధరుండు వలచె సతి చిత్రాంగిన్
సారంగముః చిత్రవర్ణములు కలది, బంగారము
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
9493846984 డా.బల్లూరి ఉమాదేవి
రిప్లయితొలగించండిహేరంబా వినుమిట యా
సారంగధరుండు;వలచె సతి చిత్రాంగిన్
నేరుపుతో నని జనులన
ఘోరంబైన యపవాదు కూడెను గనుమా !
సారంగ మెక్కి వచ్చెన
సారంగధరుండు వలచె సతిచిత్రాంగి
న్నారాజసుతుండనవిని
యారాజే దయను మాలి యవమానించెన్.
నేరము సేయకనె వగచె
రిప్లయితొలగించండిసారంగధరుండు; వలచె సతి చిత్రాంగిన్
రారాజు నరేంద్రుండిల,
నౌరా! పరుషంపు ఘటన నాపగ లేమా?!