పోయిన ధనమ్ము దొరకును పోయిన సుఖ శాంతులన్ని పొందగ వచ్చున్ మాయని యశమ్ము మినహా పోయిన దేదియును దిరిగి పొందగ వశమే...
"Who steals my purse steals trash; 'tis something, nothing; 'Twas mine, 'tis his, and has been slave to thousands; But he that filches from me my good name Robs me of that which not enriches him, And makes me poor indeed."
కందగణమేల తప్పెన్, ఎందుకుతప్పెను యతిగతి, ఎప్పుడు లేదే, కందివిరచిత సమశ్యల్ అందరి మన్ననలు పొంది ఆహ్లాదమిడన్
పోయెనట బ్యాగు బస్సులో, పుస్త కములు పాసు బుక్కులున్న ఎడల భంగ పడక పొంద వచ్చు, పాన్ కార్డును పొంద వచ్చు మరల,ధనము నగలు యున్న తిరిగి రావు, ఐనను వలదు చింతలు, ఆంధ్ర రాష్ట్ర కవుల కావ్యపు సంపద గదుల లోన తూగుచున్న ఏ దొంగలు దోచ గలరు, ఇన్క ముల పైన చేయునా ఎప్పుడైన దాడులు అనిశా వారలు, ధరణి పైన కంది వారు చింతను మాని కవులు కొరకు బ్లాగులోసమస్యల నిమ్ము బాగు గాను
తిమ్మాజీ రావు గారూ, మీ పూరణ బాగున్నది. అభినందనలు. ***** విరించి గారూ, మీ రెండు పూరణలు బాగున్నవి. అభినందనలు. మూడవ పాదంలో గణదోషం. "ప్రాణములంచు గణించువానిలో..." అనండి.
పోయిన కాలమును మరియు
రిప్లయితొలగించండిపోయిన జీవులు, వయస్సు,పుడమిని యెపుడున్
పోయిన పరువము జూడగ
పోయిన దేదియును దిరిగి పొందగ వశమే?
శర్మ గారూ,
తొలగించండిమీ పూరణ బాగున్నది. అభినందనలు.
"పుడమిని నెపుడున్" అనండి.
ధ్యేయము భగవన్నుతియని
రిప్లయితొలగించండిసాయించెడు వారికెపుడు సత్వరమందున్
సాయము,తథ్యము,నమ్ముము!
పోయినదంతయును తిరిగి పొందగ వశమే!!!
బొగ్గరం ప్రసాద రావు
ప్రసాద రావు గారూ,
తొలగించండిమీ పూరణ బాగున్నది. అభినందనలు.
పోయిన ధనమ్ము దొరకును
రిప్లయితొలగించండిపోయిన సుఖ శాంతులన్ని పొందగ వచ్చున్
మాయని యశమ్ము మినహా
పోయిన దేదియును దిరిగి పొందగ వశమే...
"Who steals my purse steals trash; 'tis something, nothing;
'Twas mine, 'tis his, and has been slave to thousands;
But he that filches from me my good name
Robs me of that which not enriches him,
And makes me poor indeed."
...Shakespeare in Othello
శాస్త్రి గారూ,
తొలగించండిమీ పూరణ బాగున్నది. అభినందనలు.
పోయిన ప్రాణము గణముల
రిప్లయితొలగించండినాయకుడు తిరిగి బడసెను నగసుత వేడన్
కాయ వదనములు వేరై,
పోయినదేదియును దిరిగి పొందగ వశమే
పూసపాటి వారూ,
తొలగించండిమీ పూరణ బాగున్నది. అభినందనలు.
కందగణమేల తప్పెన్,
రిప్లయితొలగించండిఎందుకుతప్పెను యతిగతి, ఎప్పుడు లేదే,
కందివిరచిత సమశ్యల్
అందరి మన్ననలు పొంది ఆహ్లాదమిడన్
పోయెనట బ్యాగు బస్సులో, పుస్త కములు
పాసు బుక్కులున్న ఎడల భంగ పడక
పొంద వచ్చు, పాన్ కార్డును పొంద వచ్చు
మరల,ధనము నగలు యున్న తిరిగి రావు,
ఐనను వలదు చింతలు, ఆంధ్ర రాష్ట్ర
కవుల కావ్యపు సంపద గదుల లోన
తూగుచున్న ఏ దొంగలు దోచ గలరు,
ఇన్క ముల పైన చేయునా ఎప్పుడైన
దాడులు అనిశా వారలు, ధరణి పైన
కంది వారు చింతను మాని కవులు కొరకు
బ్లాగులోసమస్యల నిమ్ము బాగు గాను
ధన్యవాదాలు!
తొలగించండిగురువు గారూ నమస్కారములు అన్యధా తలచ వలదు. కొంత స్వాంతనకు మాత్రమే సుమా
రిప్లయితొలగించండినిన్న పూరించిన సమస్య ఒక్క సారి అవకాశమున్న వీక్షించమ్డి
పాములును చంపు నెయ్యవి,
దేముడు కరుణించు నెపుడు,దేవిని కొలువన్
ఏమిజరుగు మానవులకు
చీమల, గొల్చిననె,కలుగు శ్రీ భాగ్యమ్ముల్
పూసపాటి వారూ,
తొలగించండిక్రమాలంకారంలో మీ పూరణ బాగున్నది. అభినందనలు.
పోయెను బ్యాగ్ వాహనమున,
రిప్లయితొలగించండిపోయినది తిరిగి దొరకును పోలీసులకున్
సాయము కోరిన యెడలన్.
పోయినదేదియును దిరిగి పొందగ వశమే
పోలీసుల సాయముతో తిరిగి పోయిన వస్తువు పొందగ వచ్చు నాను ఊహతో
పూసపాటి వారూ,
తొలగించండిమీ తాజా పూరణ బాగున్నది. అభినందనలు.
రిప్లయితొలగించండిమాయా లోకము లోనన్
పోయిన దేదియును దిరిగి పొందగ వశమే
గాయము లాయెను జీవన
సాయం కాలపు సమయము సంకటపాటుల్ !
జిలేబి
రిప్లయితొలగించండిగాయము గాంచెనౌ మదియు కాలపు సాయము బోవగన్నిటన్
న్యాయము గాదు భారతి వయస్యులు తెక్కలిపాటు లోనవన్
పోయిన దేదియున్ దిరిగి పొందగ నెవ్వరికైన సాధ్యమే
చేయన యత్నమున్ గురువు చేర్చును లబ్ధిని సోవసీయముల్
జిలేబి
జిలేబీ గారూ,
తొలగించండిమీ రెండు పూరణలు బాగున్నవి. అభినందనలు.
డా.పిట్టా
రిప్లయితొలగించండినా ప్రశ్నా జ్ఞానము కొలది వ్రాస్తున్నాను.
సాయము గోరి వేదమున సాగిన విద్యన జోష్యమబ్బగా
పోయిన మీదు వస్తువది పొందుగ చేరునటన్న ఘోషరాన్
మీయది మీదియే యగును మిన్నిట క్రిందకు వంగినన్ జుమీ!
పోయిన దేదియున్ దిరిగి పొందగ నెవ్వరికైన సాధ్యమే!!
డా.పిట్టా
రిప్లయితొలగించండిఖాయము ఆశావాదము
శ్రేయము, చింతిల్ల ఫలమె చిక్కగ జతనం
బేయగు శోధన గనుమా
పోయినదేదియును తిరిగి పొందగ వశమే!!
డా.పిట్టా
రిప్లయితొలగించండిపోయెను అంతర్జాలము
మాయమయెన్ లెక్కలన్ని మరియొకపరి "కొ
క్కో"యన, కొల్లలు వెతకన్,
పోయిన దేదియును తిరిగి పొందగ వశమే!!
డా.పిట్టా
రిప్లయితొలగించండిఖాయము ద్రవ్యరాశి తన కాయము మార్చునుగాని లుప్తమౌ
టా?యది యున్నదెచ్చటనొ ఠావును దప్పిన చింత దుర్భరం
బేయది నీది కాదు యిది బీరమె నాదన గాంచ నొక్కచో
పోయిన దేదియున్ దిరిగి పొందగ నెవ్వరికైన సాధ్యమే!!
డా.పిట్టా
రిప్లయితొలగించండిసాయము జేయువారలును చక్కని శీలము గల్గువారికిన్
"పోయిన వస్తువం"చెరుకబూనిన మానరు శోధనాళి నా
దేయను జాడ యుండవలె దేవునిదౌ కృప తోడ నొక్కచో
పోయిన దేదియున్ దిరిగి పొందగ నెవ్వరికైన సాధ్యమే!!
డా. పిట్టా వారూ,
తొలగించండిమీ పూరణలన్నీ బాగున్నవి. అభినందనలు.
మాయము చేయును కాలము
రిప్లయితొలగించండినాయువు, ప్రాయమును పూర్వ నాత్మ స్థితులన్
రేయిని, పగలును రయమున
బోయినదేదియును దిరిగి పొందగ వశమే
శ్రీరామ్ గారూ,
తొలగించండిమీ పూరణ బాగున్నది. అభినందనలు.
'పూర్వ+ఆత్మ' అన్నపుడు నుగాగమం ఎలా వచ్చింది? "ప్రాయము, వెనుకటి యాత్మస్థితులన్" అనండి.
న్యాయానువర్తనంబును
రిప్లయితొలగించండిధ్యేయము చేరంగ సతము దివురుట యుక్తం
బేయెడ తగ దలసత్వము
పోయిన దేదియును దిరిగి పొందగ వశమే?.
న్యాయము ధర్మవర్తనము నవ్యయశంబుల నందగోరు స
ద్ధ్యేయముతోడ మానవుడు దీప్తచరిత్రను గాంచగా వలెన్
శ్రేయము లందగోరవలె చెల్వ మశాశ్వత మెంచి చూడగా
పోయిన దేదియున్ దిరిగి పొందగ నెవ్వరికైన సాధ్యమే?
హ.వేం.స.నా. మూర్తి.
ధ్యేయము దృఢతర మైనను
రిప్లయితొలగించండిన్యాయంబును నమ్మి యున్న నవయత్నముతో
నేయెడ చరియించినచో
పోయిన దేదియును దిరిగి పొందగ వశమే.
న్యాయము ధర్మవర్తనము నవ్యయశంబుల నందగోరు స
ద్ధ్యేయముతోడ మానవుడు ధీయుతు డౌచు నిరంతరంబుగా
నేయెడ సంచరించినను నిమ్మహి సత్ఫల సిద్ధియౌ నికన్
పోయిన దేదియున్ దిరిగి పొందగ నెవ్వరికైన సాధ్యమే.
హ.వేం.స.నా.మూర్తి.
మూర్తి గారూ,
తొలగించండిమీ పూరణలు బాగున్నవి. అభినందనలు.
ప్రాయము నాపగ లేమిక
రిప్లయితొలగించండిసాయము జేసెడి మనసును జతగొన లేమే
కాయము నిలుపగ లేమిట
పోయిన దేదియును తిరిగి పొందగ వశమే!
శర్మ గారూ,
తొలగించండిమీ పూరణ బాగున్నది. అభినందనలు.
భార్యావియోగి తక్షణ స్పందన:
రిప్లయితొలగించండిఆయమ షట్కర్మలఁ దా
నాయికయై మమత పంచి నన్నిల వీడన్
తీయని స్మృతులవి తక్కన్
పోయిన దేదియును తిరిగి పొందగ వశమే?
సహదేవుడు గారూ,
రిప్లయితొలగించండిమీ పూరణ బాగున్నది. అభినందనలు.
కాయము, కాలము, ప్రాణము,
రిప్లయితొలగించండినాయువు, దానముగ నొసఁగినట్టి ధనమ్మున్
న్యాయము దప్పిన నడతయుఁ
బోయిన దేదియును దిరిగి పొందగ వశమే
తీయని మమతలపంచుచు
రిప్లయితొలగించండిహాయిగ మిము పెంచుచుండు నమృతమూర్తుల్
బాయకుడు తల్లిప్రేమను
పోయినదేదియును తిరిగి పొందగ వశమే
మాతృదినోత్సవం సందర్భంగా
వీటూరి భాస్కరమ్మ
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
రెండవ పాదం చివర గణదోషం. "పెంచుచుండు నమృతపు మూర్తుల్" అనండి. 'నమృత' అన్నపుడు 'న' లఘువే.
మాయలమారి లోకమున మత్తును కొందరక్కటా
రిప్లయితొలగించండితీయగ మాటలాడుచును తేనెల పూసిన కత్తులై సదా
హేయముగా జనావళిని వింతయు ముంచగ వారికుట్రలో
పొయినదేదియున్ తిరిగి పొందగ నెవ్వరికైన సాధ్యమే
వీటూరి భాస్కరమ్మ
భాస్కరమ్మ గారూ,
తొలగించండిమీ పూరణ బాగున్నది. అభినందనలు.
మొదటి పాదంలో గణదోషం. "మత్తున నుండియు కొంద రక్కటా" అందామా?
బోయని వేట గాగ నటు మోక్షము బొందెను బావురమ్ము ,ఎడన్
రిప్లయితొలగించండిబాయఁగ జంట బావురము భాష్ప పు ధారలు గుర్య జేయ రా
మాయణ దివ్యవాణి ఘన మంత్రపు వాణి గ బొంది నాడనన్
బోయి న దేదియున్ దిరిగి పొందగ నెవ్వరి కైన సాధ్యమే !
కొరుప్రోలు రాధాకృష్ణారావు
రాధాకృష్ణారావు గారూ,
తొలగించండిమీ పూరణ బాగున్నది. అభినందనలు.
'...బావురమ్ము+ఎడన్' అని విసంధిగా వ్రాశారెందుకు? '..బావుర మ్మెడన్' అంటే సరి!
క్రొవ్విడి వెంకట రాజారావు:
రిప్లయితొలగించండిహాయిగ తిరుగాడుటలో
కాయము నలవడ పరచెడి కట్టడ నుండన్
పీయువు తోడను బ్రదుకున
పోయిన దేదియును దిరిగి పొందగ వశమే?
రాజారావు గారూ,
తొలగించండిమీ పూరణ బాగున్నది. అభినందనలు.
కాయము నార్జనమ్ము కలకాలము నిల్వవు భూతలమ్మునన్
రిప్లయితొలగించండిపోయిన దేదియున్ దిరిగి పొందగ నెవ్వరికైన సాధ్యమే
మాయను జిక్కి వర్తిలు యమానుష వ్యక్తులు తారసిల్లగన్
పోయిన పత్రపున్ నకలు పొందెడు మార్గము చూడ మేలగున్
భూయానమునందుఁ దొలగి
రిప్లయితొలగించండిపోయిన దేదియును దిరిగి పొందగ వశమే?
మాయామయమౌ జగమున
ఖాయము గాచేతిలోనఁ గలదే మనదౌ
సత్యనారాయణ రెడ్డి గారూ,
తొలగించండిమీ రెండు పూరణలు బాగున్నవి. అభినందనలు.
'నకలు' అన్యదేశ్యం కదా! అక్కడ "పత్రపున్ ప్రతిని పొందెడు..." అనండి.
గురువర్యులకు నమస్సులు. సవరణకు ధన్యవాదములు.
తొలగించండిగురువర్యులకు నమస్సులు. సవరణకు ధన్యవాదములు.
తొలగించండిమాయా మయ మీ విశ్వము
రిప్లయితొలగించండిప్రాయమ్ములు బుద్బుదంపు ప్రాయములు సుమీ
కాయమ్ము లనిత్యమ్ములు
వోయిన దేదియును దిరిగి పొందగ వశమే
తోయపు వారి కీయ పరితోషము వొందగఁ బుస్తకమ్ములుం
బాయక దృష్టి విత్త సముపార్జనపై సతి నుంచ నొక్కెడన్
మాయపు మాట లెల్ల విని మన్నన నిచ్చిన విత్త రాశులుం
బోయిన దేదియుం దిరిగి పొందగ నెవ్వరికైన సాధ్యమే
కామేశ్వర రావు గారూ,
తొలగించండిఅనిత్యములతో మొదటి పూరణ, 'పుస్తకం వనితా విత్తం...' శ్లోకాన్ని గుర్తుకు తెచ్చిన రెండవ పూరణ ఉత్తమంగా ఉన్నవి. అభినందనలు.
పోయెడి కాలమున్, గడచి
రిప్లయితొలగించండిపోయెడి జీవన యాత్రలో నిటన్
మాయని యాత్మ బంధములు, మానసమందనుభూతి రాగముల్
తీయని గుర్తులై మిగిలి
తీరును చెంతననంత గీతమై,
పోయిన దేదియున్ దిరిగి
పొందగ నెవ్వరికైన సాధ్యమే!
శర్మ గారూ,
తొలగించండిమీ పూరణ బాగున్నది. అభినందనలు.
చల్లుచు మరిచా మన్నించండి
రిప్లయితొలగించండివీటూరి భాస్కరమ్మ
బోయని వేట గాగ నటు మోక్షము బొందెను బావురమ్మెడన్
రిప్లయితొలగించండిబాయఁగ జంట బావురము భాష్ప పు ధారలు గుర్య జేయ రా
మాయణ దివ్యవాణి ఘన మంత్రపు వాణి గ బొంది నాడనన్
బోయి న దేదియున్ దిరిగి పొందగ నెవ్వరి కైన సాధ్యమే !
కొరుప్రోలు రాధాకృష్ణారావు
రాధాకృష్ణారావు గారూ,
తొలగించండిమీ పూరణ బాగున్నది. అభినందనలు.
మాయామయ జగమున వా
రిప్లయితొలగించండిపోయిన దేదియును,తిరిగి పొందగవశమే
పోయినదిక పోల్లనుకొని
హాయిగ నిదురించు నతడు యన్నిట సుఖుడౌ
మాయామేయజగత్తిది
తొలగించండిప్రాయము కాలము యశమును ప్రాణము మరియున్
కాయములనుయైదింటిని
పోయిన దేదియును దిరిగి పొందగ వశమే?
పోయిననేమి సంపదలు పొందిన బొందగ వచ్చునేమొ యీ
మాయజగత్తునందు గన మానము మాటయు కీర్తిచంద్రికల్
ప్రాయము కాలమున్ మరియు ప్రాణములన్నవాటిలో
పోయిన దేదియున్ దిరిగి పొందగ నెవ్వరికైన సాధ్యమే.
తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
*****
విరించి గారూ,
మీ రెండు పూరణలు బాగున్నవి. అభినందనలు.
మూడవ పాదంలో గణదోషం. "ప్రాణములంచు గణించువానిలో..." అనండి.
పోయిన ప్రాణము పరువులు
రిప్లయితొలగించండిపోయిన మన ధనము రూపు పుత్తడిమరియున్
పోయిన వన్నియు రావిక
పోయిన దేదియును దిరిగి పొందగ వశమే
సుబ్బారావు గారూ,
తొలగించండిమీ పూరణ బాగున్నది. అభినందనలు.
పోయెను జూదమ్ముకు- పడి
రిప్లయితొలగించండిపోయెను పెన్నూబిలోన- పోయెను సొత్తుల్
పోయెను మానము- తనకట
పోయిన దేదియును దిరిగి బొందగ వశమే
రిప్లయితొలగించండికాయమె యైనను మరియును
ప్రాయము గాయములె యైన వసుధను జూడన్
నాయువె యైనను ఘనముగ
పోయిన దేదియును దిరిగి పొందగ వశమే?
*శ్రీమతి జి సందిత బెంగుళూరు*
రిప్లయితొలగించండిపోయెన్ వత్సరశతములు
పోయెన్ రాజరికరాజ్యభోగములెల్లన్
ఖాయముకాలగతిఁకలిసి
పోయిన దేదియును తిరిగి పొందగ వశమే?.
*శ్రీమతి జి సందిత బెంగుళూరు*
🌹🙏🌹
రిప్లయితొలగించండిపిన్నక నాగేశ్వరరావు.
పోయిన మానము,మాటయు
ప్రాయము,గడిచిన సమయము,
బాల్యము, యశమున్
కాయమును వీడు ప్రాణము
పోయిన దేదియును దిరిగి పొందగ
వశమే ?
****************************
పోయిన స్వర్ణమున్ దిరిగి పొందగ వచ్చును పోలిసొల్లగా
రిప్లయితొలగించండిపోయిన రాజ్యమున్ దిరిగి పొందగ వచ్చును సోనియమ్మరో
పోయిన కీర్తినిన్ మినహ పోకిరి మాటల శాస్త్రివర్యుడా!
పోయిన దేదియున్ దిరిగి పొందగ నెవ్వరికైన సాధ్యమే...