పుడమిని భర్త పాదములు పొందుగఁబట్టిన భార్య ధన్యయే! కడు తరితార్ధదాయిని!సుఖాంబుధిఁదేలెడు ధర్మపత్నియున్! నడవడియందు నేర్పరి!మనంబున నాథు సమర్చఁజేయు న ప్పడతి-పడంతినే కద వివాహముఁగావలె శాస్త్ర పద్ధతిన్!!
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2747 సమస్య :: పడఁతి పడంతినే కద వివాహము గావలె శాస్త్రపద్ధతిన్. స్త్రీ ని స్త్రీ యే వివాహం చేసుకోవాలి కదా. ఇది శాస్త్ర సమ్మతము అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: పెద్దలు పరమాత్మకు జీవాత్మకు ఉన్న సంబంధాలను గుఱించి తెలియజేసేటప్పుడు పరమాత్మను భర్తగా జీవాత్మను భార్యగా చెబుతారు. అందువలన భగవంతు డొక్కడే పురుషుడు మిగిలిన వారంతా స్త్రీలే. కాబట్టి లోకంలో జీవాత్మలుగా ఉన్న మగవారంతా స్త్రీలే కదా. అందువలన పురుష రూపంలో ఉన్న పడతి పడతినే వివాహం చేసుకోవాలి శాస్త్రపద్ధతిలో అని ఊహించి చెప్పే సందర్భం.
ఈ సంఘటన మహా భారతములోనిది. ప్రమీల ఒక దేశపు రాణి. పురష ద్వేషి. ఆవిడ రాజ్యములోని పరివారమంతయు స్త్రీలే. స్త్రీలకు వివాహము కాక బాధ పడుతున్న సమయములో తనకు వివాహము కాదు గదా అని ఒక చెలికత్తె ఆవేదన
నాదు రాజ్యమందున లేదు నరులకు సల, నాదు మాటయే వేదము, నాదు మాట తఱియ బారిన శిక్షలు తప్పవిచట, పడతు లారా తెలుసుకొని నడచుకొమ్ము, "పడఁతి పడఁతినే పెండ్లాడవలెను, విధిని మార్చి చూపెద ననుచు సామ్రాజ్ఞి తెల్పె , వింత గాదె నెచట నైన, సంతు భర్త సంగ మింపక నేరీతి సతికి కల్గు, నాదు బెండ్లి జరుగబోదు నరుని తోడ ననుచు వాపోయే చెలికత్తె నడలు బడుచు
కవి పండితులు శ్రీ కంది శంకరయ్య గారి సమస్య ====================== పడతి పడంతినే కద వివాహము గావలె శాస్త్ర పద్దతిన్ ====================== శాస్త్రము అనుమతించు పద్దతిన ఒక ఆడది మరొక ఆడదానినే కద వివాహమాడవలసినదని చెప్పుటలో పరస్పర విరుద్ద అర్థమే - సమస్య ======================== సమస్యా పూరణము - 211 ===================
స్వలింగ లేదా స్వజాతి సంపర్కం చట్టరీత్యా నేరం కాదని ఇదివరకే ప్రపంచం లోని 126 దేశాలు తమ ఆమోదమును తెలుపగ,సెక్షన్ 377 ప్రకారం అది నేరమని మొన్నటి వరకు ఘోషించిన భారతీయ కోర్టులు నేడు నేరం ఎంత మాత్రం కాదని ప్రకటించటమైనది.
స్వలింగ/స్వజాతి/హోమో సంపర్కులు తమ హక్కుల సాధనకై వీధికెక్కిన నేపధ్యం లో , కోర్టులు కూడా అనుమతించిన శాస్త్ర అనుమతుల దృష్ట్యా ఇక హోమోలకు సంబంధించి ఒక ఆడది మరొక ఆడదానిని వివాహమాడవచ్చును కదా యని భావము
ఈరోజు ఉదయం నుండి సాయంత్రం వరకు 'జడ కందములు - మన కందములు' పుస్తకాలను కవిమిత్రులకు పంపే పనిలో షాపూరు పోస్టాఫీసులోనే గడిచిపోయింది. ఇంకా నెలవు చేరలేదు. చేరినా అలసట వల్ల ఈనాటి పూరణలపై స్పందించలేను. ఈరోజుకు నన్ను మన్నించండి.
వెదకి వేసారి యువకుడు వేచి యుండి
రిప్లయితొలగించండికడకు హైదరబాదున నడచి నడచి
సుందరమ్మగు గుణవతిఁ జూసి నంతఁ
బడఁతి; పడఁతినే పెండ్లాడవలెను విధిని
సార్! నాకు అరసున్నలు రావు గదా...క్షమించవలె...ఇంతకన్నా చేతగాదు 🙏
ఈ కామెంట్‌ను రచయిత తీసివేశారు.
తొలగించండిశ్రీ శాస్త్రి గారూ.. మీ పద్యం లో విధి బలీయమైనది.. నమోనమః 👏👏🙏
తొలగించండి...మైలవరపు మురళీకృష్ణ
తొలగించండితెలియ వర సున్నలు! జిలేబి తెలియవు పడ
తి, మగవారికి బతుకు బంతిని నటునిటు
వేసి నడిపింప గాను సూవె! పురుషుడిక
పడఁతి, పడఁతినే పెండ్లాడవలెను విధిని :)
జిలేబి
రిప్లయితొలగించండిగడగడ పలుకులవిడు జగణ జిలేబి
పడఁతి! పడఁతినే పెండ్లాడవలెను విధిని,
పురుషుడు వినుమ ! ప్రకృతి సంపూర్ణముగను
నపుడె మనుగడ సాగును నపుడె రమణి!
జిలేబి
"పడఁతి పడఁతినే పెండ్లాడవలెను విధిని"
రిప్లయితొలగించండిపలుకు టేల నటుల శాస్త్ర పద్ధతౌనె?
మనిషి జాడ భూతలముపై మరుగు గాదె?
పడఁతి పురుషుని పెండ్లాడవలెను విధిని
ఈ కామెంట్‌ను రచయిత తీసివేశారు.
రిప్లయితొలగించండిమైలవరపు వారి పూరణ
రిప్లయితొలగించండిఅమ్మాయి వివాహవిషయంలో.... భార్యతో... భర్త 👇అంటున్నాడు...
పడతికి ప్రాయమిద్దియె వివాహము జేయగ., నామె సిగ్గుతో
నడుగునె పెండ్లిఁ జేయుమని ? యమ్మకె చెప్పును కష్టసౌఖ్యముల్ !
విడిదిని నేను జూచెదను ! పెండ్లికి సిద్ధము జేయ గల్గెడిన్
పడఁతి పడంతినే కద ! వివాహము
గావలె శాస్త్రపద్ధతిన్ !!
మైలవరపు మురళీకృష్ణ వెంకటగిరి
పడుచువారిద్దరొక జంటపడుచులఁగని
తొలగించండిప్రేమఁబడఁగాంచి పెద్దలు వెంటబడిరి !
న్యాయమనఁ బెండ్లి ., ప్రతియొక నరుడు నరుడు
పడతి పడతినే పెండ్లాడవలయు విధిని !!
మైలవరపు మురళీకృష్ణ వెంకటగిరి
రిప్లయితొలగించండిసుడికొను కైపులన్నులవి! సూటిగ పల్కెదనే నితంబినీ!
గడగడ లాడి నిల్వగను, కప్పుర గంధి! జిలేబి!కేశినీ!
పడఁతి! , పడంతినే కద వివాహము గావలె శాస్త్రపద్ధతిన్
నడకువ తో కొమారులు వినమ్రముగా తలరాత గా సుమా!
జిలేబి
చీర కట్టున నిలబడి యోరకంట
రిప్లయితొలగించండిచూచుచున్నంత మాత్రాన సుందరి యని
కోరి పురుషుని పురుషుండు చేర దగునె?
పడఁతి! పడఁతినే పెండ్లాడవలెను విధిని
సమస్య :-
రిప్లయితొలగించండి"పడఁతి పడఁతినే పెండ్లాడవలెను విధిని"
*తే.గీ**
తనను ప్రేమించి తక్కిడి తనము జూపె
ననుచు పోలీసులకు జెప్పె, మనువు గూర్చి
పడఁతి; పడఁతినే పెండ్లాడవలెను విధిని
దప్పదనిరి పోలీసులు ధర్మమనుచు
...................✍చక్రి
"పడఁతి పడంతినే కద వివాహము గావలె శాస్త్రపద్ధతిన్"
రిప్లయితొలగించండినుడువకు నివ్విధంబుగను నోటికి వచ్చిన వ్యర్థ వాక్కులన్
పుడమిన నంతరించెదరు భూస్పృశులందరు ! గాన మేదినన్
పడఁతులు పూరుషాళిని వివాహము జేకొన శాస్త్రపద్ధతౌ!
🌱🌱 ఆకుల శాంతి భూషణ్🌱🌱
🌷 వనపర్తి🌷
పుడమిని భర్త పాదములు పొందుగఁబట్టిన భార్య ధన్యయే!
రిప్లయితొలగించండికడు తరితార్ధదాయిని!సుఖాంబుధిఁదేలెడు ధర్మపత్నియున్!
నడవడియందు నేర్పరి!మనంబున నాథు సమర్చఁజేయు న
ప్పడతి-పడంతినే కద వివాహముఁగావలె శాస్త్ర పద్ధతిన్!!
ప్రేమ ఫలియించు మార్గము న్ వె దు కు చుండ
రిప్లయితొలగించండితోచ వేష ము ధరి యించి తోయజా క్షి
చెంత కు వెడలె నువిద గ నంత నపుడు
పడతి పడతి నే పెండ్లాడ వలెను విధి ని
ఇంపు నిడు నెవరు మగని కీవసుదను ?
రిప్లయితొలగించండిపురుషు డెవరి చేకొన వలె బొట్టియ గన?
ఎవరి నమ్మి పనులను చేయవలయు భువి?
పడఁతి, పడఁతినే పెండ్లాడవలెను, విధిని
డా.ఎన్.వి.ఎన్.చారి
రిప్లయితొలగించండిచిత్రముగవివాహవిధులు చేరుచుండు
పాపడనుబోలు "పడ"లను వరుడొసంగ
వాటి నన్నియు గైకొని ప్రణతి జేసి
పడతి "పడ" తినే పెండ్లాడ వలెను విధిని
పూరుషునకన్ని వేళల ముదము గూర్చు
రిప్లయితొలగించండివిధము నడుచుకొనెడు రీతి విధియె తాను
సృష్టి జేసిన యపురూప శిల్ప మేను
పడతి, పడఁతినే పెండ్లాడవలెను విధిని
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2747
సమస్య :: పడఁతి పడంతినే కద వివాహము గావలె శాస్త్రపద్ధతిన్.
స్త్రీ ని స్త్రీ యే వివాహం చేసుకోవాలి కదా. ఇది శాస్త్ర సమ్మతము అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: పెద్దలు పరమాత్మకు జీవాత్మకు ఉన్న సంబంధాలను గుఱించి తెలియజేసేటప్పుడు పరమాత్మను భర్తగా జీవాత్మను భార్యగా చెబుతారు. అందువలన భగవంతు డొక్కడే పురుషుడు మిగిలిన వారంతా స్త్రీలే. కాబట్టి లోకంలో జీవాత్మలుగా ఉన్న మగవారంతా స్త్రీలే కదా. అందువలన పురుష రూపంలో ఉన్న పడతి పడతినే వివాహం చేసుకోవాలి శాస్త్రపద్ధతిలో అని ఊహించి చెప్పే సందర్భం.
నుడువగ దేవు డొక్కడె మనోహరుడున్ పురుషుండు భర్తయున్,
గడమ గలట్టి దంతయును గాంచగ స్త్రీ యని పెద్దలందు రీ
పుడమిని; గాన చిత్రముగ పూరుష రూపములోన నున్న యీ
‘’పడఁతి పడంతినే కద వివాహము గావలె శాస్త్రపద్ధతిన్.’’
కోట రాజశేఖర్ పడుగుపాడు నెల్లూరు. (30-7-2018)
పిడికెడు బూతినే పులుమి వేదము నేర్చిన విప్రవర్యుడే
రిప్లయితొలగించండియడుగిడి మత్స్యయంత్రమునె యబ్బుర పర్చుచు గొట్టినంతనే
బిడియము తోడ గాంచినది వింతగ విస్మయ మందుచున్ సభన్
బడతి, పడంతినే కద వివాహము గావలె శాస్త్ర పద్ధతిన్
గడసరి బ్రాహ్మణోత్తముడె కవ్వడి యంచునెఱుంగకుండినన్
ఈ సంఘటన మహా భారతములోనిది. ప్రమీల ఒక దేశపు రాణి. పురష ద్వేషి. ఆవిడ రాజ్యములోని పరివారమంతయు స్త్రీలే. స్త్రీలకు వివాహము కాక బాధ పడుతున్న సమయములో తనకు వివాహము కాదు గదా అని ఒక చెలికత్తె ఆవేదన
రిప్లయితొలగించండినాదు రాజ్యమందున లేదు నరులకు సల,
నాదు మాటయే వేదము, నాదు మాట
తఱియ బారిన శిక్షలు తప్పవిచట,
పడతు లారా తెలుసుకొని నడచుకొమ్ము,
"పడఁతి పడఁతినే పెండ్లాడవలెను, విధిని
మార్చి చూపెద ననుచు సామ్రాజ్ఞి తెల్పె ,
వింత గాదె నెచట నైన, సంతు భర్త
సంగ మింపక నేరీతి సతికి కల్గు,
నాదు బెండ్లి జరుగబోదు నరుని తోడ
ననుచు వాపోయే చెలికత్తె నడలు బడుచు
(మహిళా రాజ్యాధినేత్రి ప్రమీల సభలో అంటున్నది )
రిప్లయితొలగించండిమనసులేనట్టి మగవారు మగువలకును
చెప్పరానంత యవమతి జేసినారు ;
పురుషరహితత్వ మనుదీక్ష బూనినాను ;
పడతి పడతినే పెండ్లాడవలెను విధిని .
క్రొవ్విడి వెంకట రాజారావు:
రిప్లయితొలగించండిరాణియై నొప్పిన ప్రమీల రాజ్య మందు
పురుషులే లేని చిత్రమౌ పుడమి మీద
పడతి పడతినే పెండ్లాడ వలయు విధిని
ననియెడి షరతు వింటిని నాడె నేను
శ్రీ బాపూజీ గారికి నమస్కారము. నేను పద్యాన్ని పోష్టు చెసిన తరువాత పైని మీ పద్యాన్ని చూసాను. మీ పద్యాన్ని నేననుసరించలేదు. దయతో గమనించ గలరు.
తొలగించండిపురుషరూపముపరమాత్మ పుడమియందు
రిప్లయితొలగించండితనరెజీవాత్మయింతిగదనకుదాను
పతియుసతులుగవారలుబరగుకతన
పడతిపడతినేపెండ్లాడవలెనువిధిని
డా.పిట్టా సత్య నారాయణ
రిప్లయితొలగించండిగై వివాహాలు ప్రబలిన ఘడియలందు
పబతి పడతినే పెండ్లాడ వలెను విధిని
ఆడ ,మగ,యని తేల్చగ నౌ ప్రమాద
మనకు గట్టడి వేయగ ముందు ముందు
డా పిట్టా సత్యనారాయణ
రిప్లయితొలగించండిపడ నజ జల్జ రేఫలను పద్యము సాగునె భా గణ భగ్నమున్నచో
"పడతి పడంతి నేకద వివాహ ముగావలె శాస్త్ర పద్ధతిన్
బడ బడ బడ్డ పాత్రలకు ప్రాసయునున్ యతులుండ నోపునే?
జడ--జడ గల్వ నేమగునొ చాలగ జూడమె నవ్య కైతలన్
(నవ్య కవితలో లేని సారూప్యతను ఉటంకిస్తూ...)
డా}.పిట్టా నుండి}
రిప్లయితొలగించండిఆర్యా ,మొదటి పాదం సవరణ
.........పద్యము సాగదు'భా' విహీనతన్. గా చదువ ప్రార్థన.
(శాస్త్ర పద్ధతి అవసరమని భావము)
ఈ కామెంట్‌ను రచయిత తీసివేశారు.
రిప్లయితొలగించండిగోత్రశాంతికొఱకు తూలకుండనగును
రిప్లయితొలగించండిపడతి పడతినే; పెండ్లాడవలెను విధిని
పురుషుని జగతిపై సృష్టిపొసగునటుల
అతివయెగద మూలాధారమన్నిటికిని
రిప్లయితొలగించండిఇంగిత మిసుమంతయె లేక యెఱుక లేక
కరుణ లేకున్న వేధించు కనగ భువిని
పడఁతి పడఁతినే ; పెండ్లాడవలెను విధిని
ప్రాజ్ఞు రాలైన మేలైన పడతి నిలను.
****}{}{****
(వదినాడు పడుచుల మధ్య సఖ్యత కుదరాలంటే
విజ్ఞతతో వ్యవహరించి పెళ్ళాడ వలెనని భావము)
కవి పండితులు
రిప్లయితొలగించండిశ్రీ కంది శంకరయ్య గారి సమస్య
======================
పడతి పడంతినే కద వివాహము
గావలె శాస్త్ర పద్దతిన్
======================
శాస్త్రము అనుమతించు పద్దతిన
ఒక ఆడది మరొక ఆడదానినే కద
వివాహమాడవలసినదని చెప్పుటలో
పరస్పర విరుద్ద అర్థమే - సమస్య
========================
సమస్యా పూరణము - 211
===================
శృంగారము మానసికమని
అంగీకారమున ఆనందమని
చట్టనేరముగ చూపరాదని
కోర్టులదిగొ ఎలుగెత్తెనని
వీధులంబడగ హోమోలు
హక్కుల పునరుధ్ధరణోద్దతిన్
పడతి పడంతినే కద
వివాహము గావలె శాస్త్రపద్దతిన్
====##$##====
స్వలింగ లేదా స్వజాతి సంపర్కం
చట్టరీత్యా నేరం కాదని ఇదివరకే ప్రపంచం
లోని 126 దేశాలు తమ ఆమోదమును
తెలుపగ,సెక్షన్ 377 ప్రకారం అది నేరమని
మొన్నటి వరకు ఘోషించిన భారతీయ
కోర్టులు నేడు నేరం ఎంత మాత్రం కాదని
ప్రకటించటమైనది.
స్వలింగ/స్వజాతి/హోమో సంపర్కులు
తమ హక్కుల సాధనకై వీధికెక్కిన నేపధ్యం
లో , కోర్టులు కూడా అనుమతించిన శాస్త్ర
అనుమతుల దృష్ట్యా ఇక హోమోలకు
సంబంధించి ఒక ఆడది మరొక ఆడదానిని
వివాహమాడవచ్చును కదా యని భావము
( మాత్రా గణనము - అంత్య ప్రాస )
---- ఇట్టె రమేష్
(శుభోదయం)
తొలగించండిగడుసు రమేశుడీతడు! సుఖమ్ముగ సందియమేది లేక తా
ను డబడబా జిలేబులట నోచు కొనంగ జిలేబులే యటం
చు డమరుకమ్ము మీటెనుగ, సూటిగ చెప్పుచు దేశ మందు పో!
పడతి పడంతినే కద వివాహము గావలె శాస్త్రపద్దతిన్ !
జిలేబి
ధన్యవాదములు - కృతజ్ఞతలు
తొలగించండి...............🌻శంకరాభరణం🌻...............
రిప్లయితొలగించండి..................🤷🏻♂సమస్య🤷♀....................
పడఁతి పడఁతినే పెండ్లాడవలెను విధిని
సందర్భము: సులభము
==============================
ఆడపిల్లలు నాటక మాడ.. పొడవు
పిల్ల యేమొ రాముడు; పొట్టి పిల్ల సీత;
శివ ధనువు విరుగఁ బలికెఁ జెలువ యొకతె
"పడఁతి పడఁతినే పెండ్లాడవలెను విధిని"
✒~ డా. వెలుదండ సత్య నారాయణ
30-7-18
"""""""""""""""""""""""""""""""""""""""""""""""""""""
ఇంటిపనులను జేయుచు వంటలొండి
రిప్లయితొలగించండిశుబ్ర బరచెడి సుదతియే శోభ నొసగు
పడతి!"పడతినే పెండ్లాడవలెను
మంచిననుకూలవతిగాన?మాధవుండు"!
చూపు లందు నైర్మల్యము దోపు చుండఁ
రిప్లయితొలగించండిజేత లందు నైపుణ్యము సేరి యుండ
మాట లందుఁ గన్పించఁగఁ దేట పడతి
పడఁతి, పడఁతినే పెండ్లాడ వలెను విధిని
అడర గృహస్థ ధర్మము నరాధికుఁ డింపుగఁ బెండ్లి యాడి యె
య్యెడలను మోక్ష మందుటకు నెంచిన వాఁ డిఁక నిశ్చయమ్ముగన్
జడతను గాంచ కెన్నఁడును సద్గుణ శాంత వివేక శీల యౌ,
పడఁతి! , పడంతినే కద వివాహము గావలె శాస్త్ర పద్ధతిన్
భర్త మాటయె దాటని పత్ని పత్ని
రిప్లయితొలగించండియత్త మామల సేవించి యలుపెఱుగని
పడఁతి పడఁతి ;నే పెండ్లాడవలెను విధిని
యట్టి పడతినే దాంపత్య మనుభవింప
****)()(****
నే = నేను
(పరుషాక్షరం "పెం" సరళమయి "బెం" కావాలేమో)
నా భర్తను చెల్లి వలలో వేసుకుంటున్నదమ్మ.. దానికి త్వరగా పెళ్లి చేయమ్మ( ఆడదే ఆడదాన్ని మోసం చేస్తుంది కదా..అని వాపోయే సందర్భము)
రిప్లయితొలగించండిఇడుములు తెచ్చె చెల్లి కట!యీయననే వలలోనవేసి తా
ముడులను వేయవమ్మ మరి ముంచక ముందర కాపురమ్మునే
కడు వెఱఁపించు బంధమిది కంటకమాయెను,*మోసగించెహా*
*పడఁతి పడంతినే కద!* వివాహము గావలె శాస్త్రపద్ధతిన్
తిరుక్కోవళ్ళూరు శ్రీహర్ష
ఆటవిడుపు సరదా పూరణ:
రిప్లయితొలగించండి(మాయకు మమతకు సంధిజేయగా)
పడతి యొకంట వేచెను తపమ్మును జేయుచు వంగభూమిలో...
పడతి యొకంట వేచెను తపమ్మును జేయుచు నుత్తరమ్ములో...
కడకు నరేంద్ర మోడికి చికాకును బెట్టుచు గద్దె దించుచో...
పడఁతి పడంతినే కద వివాహము గావలె శాస్త్రపద్ధతిన్
వంగభూమి = West Bengal
ఉత్తరము = Uttar Pradesh
వివాహము = coalition
తొలగించండిఆ.బ కందము :)
పడతులెటు జూడ పడతులు!
గడగడ లాడించిరిగద గంధవతుల్ వం
గడపు రమణులు జిలేబులు!
పడతి పడంతులె సరి సరి పరిణయమునకున్ :)
జిలేబి
పురుషునకు పూర్వపుణ్య మపూర్వ మైన
రిప్లయితొలగించండిపడఁతి; పడఁతినే పెండ్లాడవలెను, విధిని
కాదన, గలుగు నరునకు కరము బ్రతుకు
నరకమే గాన, కుములుచు నలుగు టగును
నిన్నటి సమస్యకు నా పూరణ
కాంతలు సీతయు , ద్రౌపది
కాంతలు కైకయును, సత్య, కాంత యహల్యన్ ,
కాంత లయస్కాంతములే !
కాంతయె మూలమ్ము గాదె కలహమ్ములకున్
పడతులరాజ్యమందుగలభామినులందరునాడువారినే
రిప్లయితొలగించండికడుగొనిపెండ్లిజేసికొనుకట్టడియుండుటకారణంబుచే
పడతిపడంతినేకదవివాహముగావలెశాస్ర్రపధ్ధతి
న్నడకువగల్గియుండునెడనాయువుబెర్గునుదప్పకుండగన్
విడివడి సర్వ బంధముల వేల్పును చేరగ సన్యసించెడిన్
రిప్లయితొలగించండినడవడి తప్పు కాదు, భువి నందున మానవ వంశవృద్ధికిన్
ముడిపడి ధర్మ బద్ధముగ ముచ్చటఁ దీర్చును ముక్తి మార్గమున్
"బడఁతి; పడంతినే కద వివాహము గావలె శాస్త్రపద్ధతిన్"
కడిది విచిత్ర మెన్న నిది కాదుర పద్ధతి మూర్ఖ యేల నీ
రిప్లయితొలగించండికడగుట లోకరీతి కొడికమ్మగు బాటను సాగిపోక సం
గడిని వివాహ మాడుదువె కానిది పూరుషు డీ జగత్తులో
బడఁతి పడంతినే కద వివాహము గావలె శాస్త్రపద్ధతిన్.
ఈరోజు ఉదయం నుండి సాయంత్రం వరకు 'జడ కందములు - మన కందములు' పుస్తకాలను కవిమిత్రులకు పంపే పనిలో షాపూరు పోస్టాఫీసులోనే గడిచిపోయింది. ఇంకా నెలవు చేరలేదు. చేరినా అలసట వల్ల ఈనాటి పూరణలపై స్పందించలేను. ఈరోజుకు నన్ను మన్నించండి.
రిప్లయితొలగించండిఆరువిధములుగానుతానవని యందు
రిప్లయితొలగించండిశ్రమయనక పనులు చేయు సంతతమ్ము
తనకు మారుగా సృష్టించె ధాత యొపుడొ
పడతి పడతినే పెండ్లాడ వలెను విధిగ.
2.ఆకలైనవేళలయందు నమ్మ యౌను
నాగ్రహమ్మొదవంగతా నాది శక్తి
యౌను,వంశవృద్ధి జరుగ నవసరమ్ము
పడతి,పడతినే పెండ్లాడ వలెను విధిగ
కామ వాంఛల కొరకంచు కాదు పెండ్లి
రిప్లయితొలగించండిభావి తరపు భద్రతకై వివాహమైన
పడతి పడఁతినే పెండ్లాడ వలెను విధిని
యనుటె తప్పౌను మాన్యుడా యవని యందు.
తాను కార్యాచరణమందు దాసి గాను
రిప్లయితొలగించండిమర్మ ములనెఱగించుచు మంత్రిగాను
రాగ మొలికించి మురిపింప రతిగ మారు
పడతి, పడఁతినే పెండ్లాడ వలెను విధిని
పడతి! పడతి నే పెండ్లాడ వలెను విధిని
రిప్లయితొలగించండిపురుషుడు, జగతి పడతితో పూర్ణుడగును ,
మగని సోదరి తొలుత దా మగడటంచు
వరుడు గట్టెను తాళియు వహ్ని సాక్షి
డా.పిట్టా సత్య నారాయణ
రిప్లయితొలగించండిగై వివాహాలు ప్రబలిన ఘడియలందు
పబతి పడతినే పెండ్లాడ వలెను విధిని
ఆడ ,మగ,యని తేల్చగ నౌ ప్రమాద
మనకు గట్టడి వేయగ ముందు ముందు
చంపకమాల
రిప్లయితొలగించండివిడువడు సృష్టిజేయుటను విశ్వసృజుండుగ జీవజాలమున్
తడబడుటన్నదే గనడు ధాతగ రాతను దీర్చి దిద్దుటన్
కడుముదమంది భారతిని గైకొనె తా సృజియించ వెల్గ నా
పడఁతి, పడంతినే కద వివాహము గావలె శాస్త్రపద్ధతిన్
ఈ కామెంట్‌ను రచయిత తీసివేశారు.
రిప్లయితొలగించండికడకిక పూరుషుండినిట కౌగిలి నింపుగ చేర్చగావలెన్
రిప్లయితొలగించండిపడఁతి;...పడంతినే కద వివాహము గావలె శాస్త్రపద్ధతిన్
తడబడకుండ పూరుషుడు తబ్బిబు జేయక నోరుమూయుచున్
కుడువగ చారు ముద్దలను కుంపటి రాజిడి తెల్లవారగా