కవి వర నామ బంధ తేటగీతి లో కవి వరులకు వినాయక చవితి శుభా కాంక్షలు
ఈ శంకరాభరణము బ్లాగు గణపతి అనుకొనిన, కవులు ఎల్లరు పత్రములు గా మారి నిత్యమూ కావ్య పూజ చేయు చున్నారని భావన తో వ్రాసిన ఈ పద్యము (పత్రములన్నియు ఈ బ్లాగులో పాల్గొను కవుల పేర్లు)
గురువర్యులు శ్రీ కంది శంకరయ్య గారి శంకరాభరణం నేటి అంశం :: నిషిద్ధాక్షరి. విషయము :: విఘ్నేశ్వర స్తుతి నిషిద్ధము :: వ అనే అక్షరం, వ తో కూడిన సంయుక్తాక్షరాలు లేకుండా పద్యం వ్రాయాలి. సందర్భం :: ఈరోజు వినాయక చవితి పండుగ. వినాయకస్వామి శివపార్వతుల పెద్దకుమారుడు. గణనాథుడు. సుముఖుడు. కపిలుడు. లంబోదరుడు. అందరూ శ్రీ వినాయక స్వామి వ్రతాన్ని చేస్తారు. 21 పత్రితో గణపతి పూజ చేసి ఓ సిద్ధిప్రదా! ఏ ఆటంకాలూ కలుగకుండా నాకు కార్యసిద్ధి అయ్యేటట్లు అనుగ్రహించవయ్యా. ఓ బుద్ధిప్రదా! నాకు మంచి బుద్ధిని కలిగించవయ్యా. నీ దగ్గఱనే ఉండి నీ వ్రతం చేస్త్తున్నానయ్యా. నీకు ప్రీతి కలిగే విధంగా మొట్టికాయలు వేసికొంటానయ్యా. నా చెవులు పట్టుకొని నేను గుంజిళ్లు తీస్తానయ్యా. నిన్నే కొలుస్తానయ్యా. సకల విద్యలను ప్రసాదించవయ్యా అని విఘ్నేశ్వరుని ప్రార్థించే సందర్భం.
తలతున్ సిద్థిని పొందగోరి గణనాథా! నిన్నె సిద్ధిప్రదా! పిలుతున్ బుద్ధిని పొందగోరి సుముఖా! ప్రీతిన్ సుబుద్ధిప్రదా! నిలుతున్ నీ కడ నోము నోతు గపిలా! నేర్పొప్ప లంబోదరా! కొలుతున్ దిందును మొట్టికాయల నిదే గుంజిళ్ల నే బెట్టెదన్. {ఈ వినాయక ప్రార్థనలో *వ* అనే అక్షరం లేదు అని గమనించవచ్చు.) కోట రాజశేఖర్ పడుగుపాడు నెల్లూరు. (13-9-2018)
కవి పండితులు శ్రీ కంది శంకరయ్య గారి సమస్య ========================= "వ"కారము కాని "వ" కార సంయుక్తం కాని రాని విధంగా గణేశ స్తుతి ========================= వినాయక చవితి శుభాకాంక్షలతో ========================= నిషిద్దాక్షరి- 4 ==========
ఏడాదికి ఒక సారెందుకు రెండు సార్లుగ రా ముందుకు మస్తుగ తినుచును తాగేందుకు చందాలకు తెర లేపేందుకు డీజె పాటగ అరచె కాకులు గల్లి పీకి పందిరి సోకులు గజానన నీకు మొక్కులు పోరల మార్చు వేడిరి పెక్కులు
====##$##====
తిలక్ స్ఫూర్తిని తుంగలో తొక్కి, జాతి సమైక్యతను మంట గలిపి , సంస్కృతిని చెరపట్టే విధంగా వినాయక చవితిని భయంక రముగా జరుపుకునే యువకులను కన్న ఆ వీరమాతలకు ముందుగా మన వందనాలు.
ISKON భక్తుల భజన ఊరేగింపులో జాలు వారే భక్తిరసాన్ని మా ఈ యువకుల గుండెల నిండా నింపగ రావయ్యా ఓ గణనాథ నీకిదె మా స్వాగతం.
వెంకట నారాయణ రావు గారూ, మీ పద్యం బాగున్నది. అభినందనలు. కాని మొదటి రెండు పాదాలు గురువుతో, తరువాతి రెండు పాదాలు లఘువుతో ప్రారంభించారు. అది కందపద్య నియమానికి విరుద్ధం కదా?
సందర్భము: బాల గణపతి తరుణ గణపతి భక్త గణపతి వీర గణపతి భద్ర గణపతి మొదలైన ప్రధానమైన గణపతి రూపాలు ముఫ్పై రెండు ఉన్నాయి సుమారు. వాటిల్లో ఇది *బాల గణపతి రూపము.*
(మా గురువర్యులు ప్రాతః స్మరణీయులు శ్రీ కపిలవాయి లింగమూర్తి గారి *కావ్య గణపతి-అష్టోత్తరం* అనే అపూర్వ సంకలన గ్రంథం ఆధారంగా ఈ పద్యాలు వ్రాయబడినవి. అందులో 108 ప్రసిద్ధ కవుల గణపతి స్తుతి పద్యా లున్నవి. పీఠికలో అనేక గణపతి మూర్తుల వివరా లన్నవి.)
వకారము రారాదు కనుక "కపిత్థ ఫలము" అని వాడబడింది. వెలగపండు.. అని వాడలేదు.
ఇది ఉత్సాహ వృత్తము... సాహచర్య పద్మ మిత్ర సప్తకంబు గురువు ను త్సాహ వృత్తమునకె చెల్లు జలజ దళ విలోచనా! అని సులక్షణ సారం. ఏడు సూర్య గణాల మీద ఒక గురువు. అయిదవ గణము మొదటి అక్షరము యతి. రెండవ అక్షరము ప్రాస.
ఒకే భావం రెండు పద్యాలలో రావటం ఇందులో విశేషం. ~~~~~~~~~~~~~~~~~~~~~~~ అరటి గెలయు చూత ఫలము నంద మొలుకుచుండగా... చెరుకు గడయు పనసపండు చేత నొప్పుచుండగా... మురిపె మొలుకు నాల్గు హస్త ములను గలిగి, తొండమం దరయ నొక కపిత్థ ఫలము దాల్తు గద! గణాధిపా!
సందర్భము: బ్రహ్మ వైవర్త పురాణంలో యిలా వున్నది. పార్వతి ఒక సర్వ శ్రేష్ఠుడైన పుత్రుని కోరింది. శివుడు పుణ్యక మనే గొప్ప వ్రత విధానాన్ని వివరించాడు. గోలోక వాసుడైన శ్రీ కృష్ణ పరమాత్ముని ధ్యానించి చేయాలని చెప్పాడు. సనత్కుమారుని పౌరోహిత్యంలో ఆ వ్రతం జరిగింది. చివరికి శ్రీ కృష్ణుని యనుగ్రహంతో పార్వతి శయ్యపై దివ్య తేజోవంతుడైన ఒక నవజాత శిశువు సాత్కాత్కరించాడు. అతడే గణేశుడు.. అందువల్ల శ్రీ కృష్ణునికి గణపతికీ ఎలాంటి భేదం లే దని ఈ పురాణంవల్ల తెలుస్తున్నది. (ఇది అతి సంగ్రహ గాథ. అవసరాన్ని బట్టి మరోసారి విపులీకరించబడును)
ఇది ఉత్సాహ వృత్తము... సాహచర్య పద్మ మిత్ర సప్తకంబు గురువు ను త్సాహ వృత్తమునకె చెల్లు జలజదళవిలోచనా! అని సులక్షణ సారం. ఏడు సూర్య గణాల మీద ఒక గురువు. అయిదవ గణము మొదటి అక్షరము యతి. రెండవ అక్షరము ప్రాస. ~~~~~~~~~~~~~~~~~~~~~~~ ప్రాకట మగు "పుణ్యకమును" భక్తి నాచరించి గో
లోక కృష్ణు దలచి ధ్యాన లోల యైన గౌరికిన్
జోక మీర పుట్టితి గద! శూర్ప కర్ణ! భేదమే
నీకు కృష్ణునకును లేదు నిజముగా గణాధిపా!
✒~డా.వెలుదండ సత్యనారాయణ 13.9.18 ----------------------------------------------------------- జోక= కాంతి
ఆట వెలది.. ఆధ్య పూజ జేసి యంజలి లిడుచుచు మ్రొక్కినాము నీకు మురిసి మేము, శూర్పకర్ణ నీకు భజనలు జేతుము గౌరిపుత్ర మాకు కరుణ జూపు ((ఏక దంత మమ్ము యేలుమయ్య..))
సందర్భము: గణపతి సార్వకాలిక సార్వ దేశిక సార్వభౌమిక మయిన సర్వమత దైవం. అతడు అనేక దేశాలలో అనేక నామాలతో రూపాలతో పిలువబడుతూ కొలువబడుతూ ఉన్నాడు. అందులో కొన్ని దేశాలలోని పేర్లు మాత్రం ఇక్కడ పేర్కొనబోతున్నాను. ఇవి శ్రీ కపిలవాయి లింగమూర్తి గారి "కావ్య గణపతి- అష్టోత్తరం" పుస్తకంనుంచి సేకరించ బడినవి. పైపేర్లలోని కొన్ని విశేషాలు... 'ఓరెనెస్' అనగా 'అరుణాస్యు' డని.. 'చోప్రక్' అనగా 'శూర్పకర్ణ' అని.. 'అహుర మజ్ద' అనగా 'అసురమర్ద' అని.. 'ఏక్పన్' అనగా 'ఏకదంతు' డని.. 'గణస్' అనగా 'గణేశు' డని..
ఉపాధ్యాయులు ఈ పద్యం కంఠస్థం చేస్తే గణపతి యేయే దేశాల్లో నేయే పేర్లతో పిలువబడతాడో విద్యార్థులకు చెప్పడం సులభ సాధ్య మవుతుం దని నా ఆశ. ~~~~~~~~~~~~~~~~~~~~~~~ అరయ "పార్సీ"లోన "నహురమజ్ద" యటంచు నా "టిబెట్టు"న "చోప్ర" కనగ జనులు "మంగోలియా"లోన మరి "ప్రాహ కెన్నె" గా "నీజిప్టు" భక్తాళి "యేక్ప" ననగ "కాంబోడియా"లోన కడగి "యిండో చైన" యందు "చతుర్ముఖు" డనగ ప్రజలు కనగ "బాలీ ప్రాంతము"న "త్రినేత్రు" డనంగ లెస్స "గ్రీకు"న "నోరెనె" స్సనంగ కడిగి "రోము"లో "గణ"సనగా "జపాను" నందు "కాంగ్ టెను"గా పిల్పు లందుకొనెడు బొజ్జ గణపయ్య నిరతంబు బ్రోచు గాక! ఒజ్జయై కైత లను నేర్పి యోము గాక!
✒~డా.వెలుదండ సత్యనారాయణ 13.9.18 -----------------------------------------------------------
కవి వర నామ బంధ తేటగీతి లో
రిప్లయితొలగించండికవి వరులకు వినాయక చవితి శుభా కాంక్షలు
ఈ శంకరాభరణము బ్లాగు గణపతి అనుకొనిన, కవులు ఎల్లరు పత్రములు గా మారి నిత్యమూ కావ్య పూజ చేయు చున్నారని భావన తో వ్రాసిన ఈ పద్యము (పత్రములన్నియు ఈ బ్లాగులో పాల్గొను కవుల పేర్లు)
(క)వుల శంకరా భరణము గణపతి యన,
(వి)ష్ణు క్రాంతమట విరించి ,వెలిదె శర్మ
(వ)ర శమీపత్రము, జిలేబి వలజ నొక మ
(రు)వక పత్రము, కామేశ్వరుండు ఘన తు
(ల)సి దళమ్ము,జిల్లేడు పల్లవము విజయ
(కు)మరుడు చిటితోటి,శుభ దాడిమి దళంబు
(వి)ట్టుబాబు,ములక దళం పిట్ట వారు ,
(నా)గ మల్లేశ్వ రుండయ్యె రేగుదళము,
(య)మ్ము వీయస్సు జాజి పత్రమ్ము కాగ ,
(క)ట్ట రంజితు కుమరుడు గరిక యయ్యె,
(చ)క్క రాలేమొ మారేడు ఛదనమాయె ,
(వి)ద్య చరణుడాయెను కర వీర దళము,
(తి)రు కవిత సిరి హర్ష మద్ది దళమాయె.
(శు)ద్ద గండలీ దళ మాయెగ సొలస వారు,
(భా)స్కరుండయ్యె వావిలి బర్హణమ్ము
(కాం)తి కృష్ణ మాచీ పట్టకముగ నమర
(క్ష)ణము కొకరు చేతురిచట కావ్య పూజ
(లు) ,ఘనులకు నేను నమసములు నిడు చుంటి
ప్రతి పాదము లోని మొదటి అక్షరములు కలిపి చదివిన
(కవి వరులకు వినాయక చవితి శుభాకాంక్షలు)
అన్న వాక్యము వచ్చును
బంధ కవి పూసపాటి కృష్ణ సూర్య కుమార్ గుంటూరు
బాగుంది... మరి 'కంది శంకరయ్య' ఎక్కడ?
తొలగించండిశంకరలు బ్లాగులో పద్యాలు వ్రాయరుగదా వారి బ్లాగే గణపతి వారు శంకరులు
తొలగించండి
తొలగించండికంది శంకరయ్య గారు సర్వవ్యాపి
పూసపాటి వారికి
నమో నమః
మరువకపత్రముగా జిలేబిని మరువక కలిపినందులకు :)
శుభాకాంక్షలతో
జిలేబి
తొలగించండిమరువకపత్ర జిలేబిన్
మరువక పరశుధర! పాహి మాం పిళ్లారీ!
గురువందనము కరివదన
అరుగున చేర్చితి కుడుముల నైవేద్యముగా !
శుభాకాంక్షలతో
జిలేబి
పూసపాటి వారూ! మీ ఆలోచన రచన అమోఘం... అభినందనలు.
తొలగించండికృష్ణ కుమార్ గారు ప్రణామపూర్వక ధన్యవాదములు.
తొలగించండిగురువు గారి స్మరణము లేని కవిత జీవనము (నీరు) లేని దళము వలె శుష్కించినది!
భళా!
తొలగించండి
రిప్లయితొలగించండిఏనుగు మొగమయ్య! గణప
తీ! నిను తలచెద గజాస్య! తెందేపముగా
జ్ఞానము నొసంగు శాంకరి,
యీనాటి చతుర్థి నీది హేరంబ ! నమో !
వినాయక చవితి శుభాకాంక్షలతో
🙏
తొలగించండిబ్రహ్మాండంగా ఉన్నది కందం...కానీ "జిలేబీ" లేదుగా :)
జిలేబీ గారూ,
తొలగించండిమీ స్తుతి పద్యం బాగుంది. అభినందనలు.
కాని ఏనుగు మొగమయ్య, గజాస్య... పునరుక్తి కదా?
జీపీయెస్ వారికి కంది వారికి
తొలగించండినమో నమః
గజాస్య పునరుక్తి అన్నారు కాబట్టి అక్కడ జిలేబిని ప్రతిష్టాపించేస్తే సరి :(
ఏనుగు మొగమయ్య! గణప
తీ! నిను తలచెద, జిలేబి తీయందనముల్
జ్ఞానము నొసంగు శాంకరి,
యీనాటి చతుర్థి నీది హేరంబ ! నమో !
జిలేబి
👏
తొలగించండి
రిప్లయితొలగించండిగణప తినికొలిచి నంత కలుగు శుభము
బంటు రీతిని పూజించి భక్తి మీర
కుడుము లుండ్రాళ్ళు నీకిడి కొలుతు మయ్య
తప్పు లెంచక కరుణించి తనరు మదిని
అక్కయ్యా,
తొలగించండిపద్యం బాగుంది. అభినందనలు.
మొదటి పాదంలో గణదోషం. "కొలిచినంతట" అనండి.
గణప తినికొలిచి నంతట కలుగు శుభము
తొలగించండిబంటు రీతిని పూజించి భక్తి మీర
కుడుము లుండ్రాళ్ళు నీకిడి కొలుతు మయ్య
తప్పు లెంచక కరుణించి తనరు మదిని
ఆదిగ పూజలు గైకొను
రిప్లయితొలగించండిమోదక ప్రియుడా! కొలిచెద మోదము తోడన్
భేదము జూపక భక్తుల
బాధలు తీర్చంగరార పశుపతి సుతుడా!
విరించి గారూ,
తొలగించండిమీ పద్యం మనోహరంగా ఉన్నది. అభినందనలు.
గౌరీపుత్ర! గణేశా!
రిప్లయితొలగించండిహేరంబా! యేకదంత! హితకర రూపా!
ధీరా! మూషికరథ! శుభ
కారక! లంబోదర! మముఁ గాపాడుమయా!
ప్రతి రోజు బ్లాగులో సమస్య వైవిధ్యముగా పూరించి మాకు మీ పద్యము చూపవలసినది గా ప్రార్ధన. ముందుగా వద్దు పేపరు లీక్ అవుతుంది. మధ్య లో పెట్టమని ప్రార్ధన
తొలగించండికవి మిత్రులందరికీ వినాయక చతుర్ధి శుభాకాంక్షలు!
రిప్లయితొలగించండిగకారరూపా! గజముఖ!
సకలాగమనుత! గణపతి! శంకర పుత్రా!
మకరాంకసమ! మనోజ్ఞా!
అకలంక! చతుర్ధి పూజ లందుకొనగదే!
సీతాదేవి గారూ,
తొలగించండిచక్కని పద్యం. అభినందనలు.
👏
తొలగించండిధన్యవాదములు గురుదేవా! నమస్సులు! 🙏🙏🙏
తొలగించండిమనలో మాట, పేపరు లీకయినది!😊😊😊
మీరు వాట్సప్ చూడరు కదా! మీ కెలా తెలిసింది?
తొలగించండి"Blood is thicker than whatsap"
తొలగించండి😊
తొలగించండివికీలీక్స్ :)
సుకరముగ ఫలములీయగ
తొలగించండిసకలాగమనుత! గణపతి! శంకర పుత్రా!
మకరాంకసమ! మనోజ్ఞా!
అకలంక! చతుర్ధి పూజ లందుకొనగదే!
కందములో మొదటి గణం జ గణం యైనదని సూచించిన అన్నయ్యకు ధన్యవాదాలతో సవరించిన పద్యం!🙏🙏🙏
శంకర సుతుడు,శాంకరి సంత సముగ
రిప్లయితొలగించండిసృష్టి చేసిన గణముల శ్రేష్ఠి ,యెలుక
నెక్కి తిరుగు గణపతికి మ్రొక్కి, నేను
పెట్టు చుంటిని నమసము గట్టి గాను
కృష్ణ సూర్య కుమార్ గారూ
తొలగించండిమీ పద్యం బాగున్నది. అభినందనలు
మైలవరపు వారి పూరణ
రిప్లయితొలగించండి🙏💐💐శంకరాభరణసమూహ సాహితీ మిత్రులందరికీ గణేశచతుర్థి శుభాకాంక్షలు 🙏🙏💐💐
ఇడుములను బాపి శుభములనిడుము , గొనుము
పత్రపూజను , ద్రుంచు తాపత్రయమ్ము ,
రమ్ము మము గన నీదె భారమ్ము సుమ్ము ,
మాకు ముదముల గూర్పుముమా కుమార !!
మైలవరపు మురళీకృష్ణ వెంకటగిరి
రిప్లయితొలగించండిపునరుక్తి లేక "వ" యు లే
క నినుపొగిడెద హరిహయుడ! గణపతి! పిళ్లా
రి! నమో! మూషకరథుడా!
పనిచెఱుపులదొర! గజాస్య ! పాహి జిలేబిన్!
జిలేబి
బాగుంది. కాని వకార ప్రయోగంతో నియమ భంగం జరిగింది.
తొలగించండిగు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,, ,,,,,,,,,,,,,,,,
ముం దల యేకదంతు డిక బూజితు డౌ నని డెంద మందు , మే
ముం దలపోయుచుంటిమి | ప్రభూ ! గణనాథ ! గజాస్య ! శాశ్వతా
నంద మయస్వరూప ! సుగుణప్రియ ! హేరుక ! అద్రిపుత్రికా
నందన ! వేగ మమ్ము కరుణం గను | శాంకరి ! ఆఖు వాహనా !
~~~~~~~~~~~~~~~~~~~~~~~~~~~~~~~~
గురుమూర్తి ఆచారి గారూ,
తొలగించండిమీ పద్యం బాగున్నది. అభినందనలు.
వేగ మమ్ము ?
తొలగించండిమోదకములకు మురిసెడి ముద్దులయ్య !
రిప్లయితొలగించండిసకలకళలకు మూలమౌ సన్నుతాంగ !
గరికపూజల నలరెడి కరుణనేత్ర !
పార్వతీశుల ప్రియపుత్ర ! ప్రణతులయ్య !
బాపూజీ గారూ,
తొలగించండిమీ పద్యం మనోహరంగా ఉన్నది. అభినందనలు.
ధన్యవాదాలండీ!
తొలగించండి
రిప్లయితొలగించండిగణనాథా!నిను బొగడ న
గణితమ్మగు నాలుకలకు కనగా జగతిన్
ఫణిభూషణ సుత! దేవా!
యణుమాత్రము సాధ్యమగునె యర్పణ జేయన్?
జనార్దన రావు గారూ,
తొలగించండిమీ పద్యం చక్కగా ఉన్నది. అభినందనలు.
రిప్లయితొలగించండిపునరుక్తియు, గడపక్కర
మును లేక పొగిడెదనయ !సుముఖుడా !పిళ్ళా
రి! నమో! మూషకరథుడా!
పనిచెఱుపులదొర! గజాస్య !పాహి జిలేబిన్!
గడము - ఆటంకము;
అక్కరము - అక్షరము
గడపక్కరము - ఆటంకపరచు అక్షరము - నిషిద్ధాక్షరి :)
జిలేబి
__/\__
తొలగించండిఈ కామెంట్‌ను రచయిత తీసివేశారు.
తొలగించండిగడము + అక్కరము = గడపుటక్కరము
తొలగించండి
తొలగించండిపోచిరాజు వారు
నమో నమః సవరణ సరియేనాండి ?
పునరుక్తి, గడపుటక్కర
మును లేక పొగిడెదనయ !సుముఖుడా !పిళ్ళా
రి! నమో! మూషకరథుడా!
పనిచెఱుపులదొర! గజాస్య !పాహి జిలేబిన్!
జిలేబి
బాగుందండి.
తొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండినేటి అంశం :: నిషిద్ధాక్షరి.
విషయము :: విఘ్నేశ్వర స్తుతి
నిషిద్ధము :: వ అనే అక్షరం, వ తో కూడిన సంయుక్తాక్షరాలు లేకుండా పద్యం వ్రాయాలి.
సందర్భం :: ఈరోజు వినాయక చవితి పండుగ.
వినాయకస్వామి శివపార్వతుల పెద్దకుమారుడు. గణనాథుడు. సుముఖుడు. కపిలుడు. లంబోదరుడు. అందరూ శ్రీ వినాయక స్వామి వ్రతాన్ని చేస్తారు. 21 పత్రితో గణపతి పూజ చేసి ఓ సిద్ధిప్రదా! ఏ ఆటంకాలూ కలుగకుండా నాకు కార్యసిద్ధి అయ్యేటట్లు అనుగ్రహించవయ్యా. ఓ బుద్ధిప్రదా! నాకు మంచి బుద్ధిని కలిగించవయ్యా. నీ దగ్గఱనే ఉండి నీ వ్రతం చేస్త్తున్నానయ్యా. నీకు ప్రీతి కలిగే విధంగా మొట్టికాయలు వేసికొంటానయ్యా. నా చెవులు పట్టుకొని నేను గుంజిళ్లు తీస్తానయ్యా. నిన్నే కొలుస్తానయ్యా. సకల విద్యలను ప్రసాదించవయ్యా అని విఘ్నేశ్వరుని ప్రార్థించే సందర్భం.
తలతున్ సిద్థిని పొందగోరి గణనాథా! నిన్నె సిద్ధిప్రదా!
పిలుతున్ బుద్ధిని పొందగోరి సుముఖా! ప్రీతిన్ సుబుద్ధిప్రదా!
నిలుతున్ నీ కడ నోము నోతు గపిలా! నేర్పొప్ప లంబోదరా!
కొలుతున్ దిందును మొట్టికాయల నిదే గుంజిళ్ల నే బెట్టెదన్.
{ఈ వినాయక ప్రార్థనలో *వ* అనే అక్షరం లేదు అని గమనించవచ్చు.)
కోట రాజశేఖర్ పడుగుపాడు నెల్లూరు. (13-9-2018)
కోట రాజశేఖర్ గారూ,
తొలగించండిమీ పద్యం మనోహరంగా ఉన్నది. అభినందనలు.
శ్రీ గురుభ్యో నమః
తొలగించండిగణనాథా!నిను బొగడ న
రిప్లయితొలగించండిగణితమ్మగు నాలుకలకు కనగా జగతిన్
ఫణిభూషణ సుత!తండ్రీ!
యణుమాత్రము సాధ్యమగునె యర్పణ జేయన్?
తొలి పూజలు జేయంగా
రిప్లయితొలగించండితొలగు ను గా నడ్డులన్ని తూ ర్ణమె సామీ
కొలుతుము నిను గౌరీ సుత !
పలు రీతుల పత్రము ల ను భాగ్య ము లిమ్మా !
రాజేశ్వర రావు గారూ,
తొలగించండిమీ పద్యం బాగున్నది. అభినందనలు.
శంభుతనయ! గణాధిప!సామజ ముఖ!
రిప్లయితొలగించండినిన్ను నిరతము భజియింతు నిష్ఠతోడ
కుడుము లుండ్రాళ్ళనిడి భక్తిఁ గొలుతు నయ్య
అడ్డముల తొలగించి నన్నాదుకొమ్ము
అన్నపరెడ్డి వారూ,
తొలగించండిమీ పద్యం బాగున్నది. అభినందనలు.
కవి పండితులు
రిప్లయితొలగించండిశ్రీ కంది శంకరయ్య గారి సమస్య
=========================
"వ"కారము కాని "వ" కార సంయుక్తం
కాని రాని విధంగా గణేశ స్తుతి
=========================
వినాయక చవితి శుభాకాంక్షలతో
=========================
నిషిద్దాక్షరి- 4
==========
ఏడాదికి ఒక సారెందుకు
రెండు సార్లుగ రా ముందుకు
మస్తుగ తినుచును తాగేందుకు
చందాలకు తెర లేపేందుకు
డీజె పాటగ అరచె కాకులు
గల్లి పీకి పందిరి సోకులు
గజానన నీకు మొక్కులు
పోరల మార్చు వేడిరి పెక్కులు
====##$##====
తిలక్ స్ఫూర్తిని తుంగలో తొక్కి, జాతి
సమైక్యతను మంట గలిపి , సంస్కృతిని
చెరపట్టే విధంగా వినాయక చవితిని భయంక
రముగా జరుపుకునే యువకులను కన్న ఆ
వీరమాతలకు ముందుగా మన వందనాలు.
ISKON భక్తుల భజన ఊరేగింపులో
జాలు వారే భక్తిరసాన్ని మా ఈ యువకుల
గుండెల నిండా నింపగ రావయ్యా ఓ గణనాథ
నీకిదె మా స్వాగతం.
( మాత్రా గణనము - అంత్య ప్రాస)
---- ఇట్టె రమేష్
( శుభోదయం)
__/\__
తొలగించండి'వేడిరి'లో వకారముంది.
క్షమించగలరు
తొలగించండికోరిరి పెక్కులు
తొలగించండిగు రు మూ ర్తి ఆ చారి
రిప్లయితొలగించండి,,,,,,,,,,,,,,,,,,,,,,,,,,, ,,,,,,,,,,,,,,
అరయ నిఖిల విద్యల కాది పురుషు డగుచు
నెలుక వాహన మెక్కి తా నెలమి మీర
నంచితముగ జగముల పాలించు నట్టి
శాంకరిని మదిలోన నే సన్నుతింతు
గురుమూర్తి గారూ,
తొలగించండిమీ పద్యం బాగున్నది. అభినందనలు.
గురువు గారికి నమస్సులు.వినాయక చవితి శుభాకాంక్షలు.
రిప్లయితొలగించండిమోదక హస్తా మోదము
మీదయ !కష్టము కలిగిన మీరే తొలగిం
చెదరుగ కిటుకుల్ తెలిసెన్
ముదమున పద్యము నిలుపుము ముల్లోకములన్.
వెంకట నారాయణ రావు గారూ,
తొలగించండిమీ పద్యం బాగున్నది. అభినందనలు.
కాని మొదటి రెండు పాదాలు గురువుతో, తరువాతి రెండు పాదాలు లఘువుతో ప్రారంభించారు. అది కందపద్య నియమానికి విరుద్ధం కదా?
గురువు గారు సవరించెదను.నమః పూర్వక ధన్య వాదములు.
తొలగించండిహరునికి గిరిజకు తనయుడు
రిప్లయితొలగించండికరిముఖుడగు గుజ్జురూప గణనాధునికిన్
నిరతముఁ బూజలు సేతును
కరుణను మొరలాలకించఁ గైమోడ్పులతో
సూర్యనారాయణ గారూ,
తొలగించండిమీ పద్యం బాగున్నది. అభినందనలు.
డా. పిట్టా సత్యనారాయణ
రిప్లయితొలగించండిరాకతొ కొండగట్టున పరాయిగ ప్రాణముదీయు విఘ్నమున్
రాకకు ముందెలక్షనని రాయితులాపగజేసి రాష్ట్రమున్
జోకగ నేలుదెట్లొ తమ దోషములెన్నకబోరు వర్గముల్
నీ కనుసన్నలం మెలగు నీమము నీగదె యో గణాధిపా!
డా.పిట్టా నుండి
రిప్లయితొలగించండిఆర్యా,ఈ క్రిందిసవరణలు స్వీకరించ మనవి
మొదటి పాదం చివర"ఘోరమున్"
మూడవ పాదం చివర "బోరు కూటముల్"
డా. పిట్టా వారూ,
తొలగించండిమీ పద్యం బాగున్నది. అభినందనలు.
'రాకతొ' అని తో ప్రత్యయాన్ని హ్రస్వంగా ప్రయోగించరాదు.
డా.పిట్టా నుండి,ఆర్యా,
తొలగించండి"రాకన..."సరిపోతుంది
త్రిణయనునిబ్రియనందన!
రిప్లయితొలగించండిగణనాయక!మాకురక్షగానుండుగదే
కనకాంబరాదిపూలను
ననుదినమున్గొలుతునిన్నునగజాతనయా!
సుబ్బారావు గారూ,
తొలగించండిమీ పద్యం బాగున్నది. అభినందనలు.
గురువు గారికి నమస్సులు.
రిప్లయితొలగించండిలంబోదర లకుమికరా
అంబాసుర దీపిత సుత నంతట మీ పై
సంభాషించెదరు జగతి
సంభాగ్యము సూక్తి ముక్తి సంధాయ కమున్
వెంకట నారాయణ రావు గారూ,
తొలగించండిమీ పద్యం బాగున్నది. అభినందనలు.
'సుత యంతట..' అనండి.
కం:
రిప్లయితొలగించండిఉడుగణపతిధరసుతునకు
నిడుముల దొలగంగజేయ నిపుడీ చవితిన్
బెడుదును బెల్లంబటుకులు
కుడుములునుండ్రాళ్ళతోడ కొబ్బరిపలుకుల్.
హనుమచ్ఛాస్త్రి గారూ,
తొలగించండిమీ పద్యం చక్కగా ఉన్నది. అభినందనలు.
రిప్లయితొలగించండిఏమండోయ్ కంది వారు
ఇంతకీ గడపక్కరము అనవచ్చా నిషిద్ధాక్షరిని చెప్పగలరు
జిలేబి
కుంభిముఖ!మూషిక శకట!
రిప్లయితొలగించండిశంభుసుత! సుర గణపతి! అజగరా భూషా!
స్తంభించగ నిక్కట్లను
గంభీర నినద! కరుణను గ్రక్కున రమ్మా!
సీతాదేవి గారూ,
తొలగించండిమీ పద్యం బాగున్నది. అభినందనలు.
అంతరాయమ్ముల నన్నింటి మరల మరల నాపు నిన్నేను గొలిచి కొలిచి
రిప్లయితొలగించండియాద్యంతములు లేని హృద్యంపు నీరూపు లలర నలర మదిఁ దలఁచి తలఁచి
యాగ మోక్తములైన యద్భుతాఖ్యలఁ దనియ తనియ నేరక యఱచి యఱచి
తొండ మేక రదము తోరపు బొజ్జయు చోద్యము చోద్యము సూచి చూచి
మూషిక రథముఁ గని కని మురిసి మురిసి
కుడుము లమర నమరఁ గాంచి కులికి కులికి
దినము దిన మేను నుతియింతుఁ దేఱ తేఱ
బొజ్జ గణపయ్య రక్షించు మూరి మూరి
వినాయక సన్నుతి:
తొలగించండిపర్వత రాజసు తాత్మజ
సర్వ ప్రత్యూహ హరణ సన్నుత దేవా
యుర్వీ జన నిత్యార్చిత
దుర్వార గణాధినేత తొలుతను గొలుతున్
ఆటంకపు గమి కడిదమ!
పాటవ జిత కార్తికేయ! వారణ వదనా!
ఘోటక మూషిక! నిర్జర
కోటి వినుత పాదపద్మ! కోటి ప్రణతుల్
కామేశ్వర రావు గారూ,
తొలగించండిమీ పద్యాలన్నీ సాలంకారాలై ఉత్తమోత్తమంగా ఉన్నవి. అభినందనలు. ప్రత్యేక ధన్యవాదాలు!
పూజ్యులు శంకరయ్య గారికి నమఃపూర్వక ధన్యవాదములు. ధన్యోస్మి.
తొలగించండిఎంతెంత పెద్ద దేవుడా
రిప్లయితొలగించండిగొంతెత్తి పలుకగ గంగ కొడుకా! యహ్హో
యింతింత మట్టి ముద్దన
సంతసము గ నొదిగితి కద సామజ వదనా
శ్రీకర్ గారూ,
తొలగించండిమీ ప్రయత్నం ప్రశసింపదగినది.
మొదటి పాదంలో గణదోషం. "పెద్ద దేవుడ" అంటే సరి. 'వదనా' అన్నపుడు నిషిద్ధ వకారం వచ్చింది.
డా.పిట్టా సత్యనారాయణ
రిప్లయితొలగించండిఆర్యా, ధన్యవాదాలు. మరొక ప్రార్థన, గజాననునికి అందజేయగలరు
ఆగెను "రైతు బంధు"నిధి యారడి పౌరుల లెక్క(ఓటర్ల జాబితా సవరణలు) మండలాల్
సాగెను,తప్పు దిద్దరిక చక్కబడన్ తమ పాసు పుస్తకాల్
ప్రోగయె తీరికెక్కడిదిపో! మలి యేటికినైన రాని యీ
యాగడమెల్ల మాన్పగదె యౌచితి నొప్పగ నో గణాధిపా!
డా. పిట్టా వారూ,
తొలగించండిమీ తాజా పద్యం సమకాలీనమై ప్రశస్తంగా ఉన్నది. అభినందనలు.
డా.పిట్టానుండి
తొలగించండిఆర్యా,ధన్యవాదాలు
రిప్లయితొలగించండికంది వారు
మీరు పంపించిన జడకందములు పుస్తకాలు అభినందనా పత్రము అందినది.
ధన్యవాదములతో
జిలేబి
ఇంత ఆలస్యంగా అందాయా? నేనెప్పుడో (30-7-2018 నాడు) పోస్ట్ చేసాను.
తొలగించండిదత్తపది :- *జాన ,బెత్త ,రతి ,మతి*
రిప్లయితొలగించండిశ్రీ విఘ్నేశ్వర స్తుతి
అన్యార్థంలో
స్వేచ్ఛా ఛదం
*నిషిద్ధాక్షరి :-*
అంశము - విఘ్నేశ్వర స్తుతి
నిషిద్ధము - 'వ'కారము (వకార సంయుక్తము కూడ)
ఛందస్సు - ఇష్టము.
*తే.గీ**
గౌరి తనయా గజాననా కరుణ జూపు
తప్పులెంచి బెత్తము తోడ దండనిడక
ఆది పూజతో హారతి నందుకొనుము
శ్రీమతి సమేత శీఘ్రమే సిరుల నిమ్ము
..........................✍చక్రి
చక్రపాణి గారూ,
తొలగించండిమీ పద్యం బాగున్నది. అభినందనలు.
"దండన నిడక' అన్నది సాధురూపం.
ఓంగణేశాయ!కపిలాయ!ఓంమహోద
రిప్లయితొలగించండిరాయ!సతతోత్థితాయ!మంత్రకుత!మేఖ
లాయ!జితమన్మదాయ!కళ్యాణగురు!స
మస్తభావగమ్యాయ!నమః!కపిత్థ
ఫలప్రియాయన!ప్రాకృత బంధనాయ!
ఈశ్వరప్ప గారూ,
తొలగించండిమీ పద్యం బాగున్నది.
'భావగమ్యాయ' అన్నపుడు నిషిద్ధ వకారం వచ్చింది. చివరి పాదంలో 'ఫలప్రియాయన'?
ఆటవెలది
రిప్లయితొలగించండిపసుపుఁ జేసి బొమ్మ ప్రాణాల తోనిల్ప
శూలి నైన నిలుపు బాలుడైన
గజముఖంపు సామి కష్టాల నదిలించ
మోదకమ్ములిడుదు నాదరించు
సహదేవుడు గారూ,
తొలగించండిమీ పద్యం బాగున్నది. అభినందనలు.
పుట్టుక పొట్టి రూపమున, బొజ్జయు భాండము బోలు, తుండమున్
రిప్లయితొలగించండిజిట్టి కనుల్, గజాస్యమది, సిద్ధియు బుద్ధియు నంకమందునన్,
దిట్టపు శూర్పకర్ణములు, తీర్చిన మూషికయాన మొప్పగన్,
నెట్టన నంబికాసుతును, నేనిదె మ్రొక్కెద మోదకప్రియున్.
కంజర్ల రామాచార్య.
రామాచార్య గారూ,
తొలగించండిఅద్భుతమైన పద్యాన్ని అందించారు. అభినందనలు.
కుడుములు తినెడి గణేశా
రిప్లయితొలగించండిగడప గడపను తిరుగుచునె గ్రహియించుమయా
గుడిలోన నుండ కెపుడును
బడుగుల ధనికుల ప్రగతికి పాటు పడుమయా
కృష్ణారావు గారూ,
తొలగించండిమీ పద్యం బాగున్నది. అభినందనలు.
చేత మోదకములు, చేరు, పరశులును
రిప్లయితొలగించండికరిలపనము, బానకడుపు, తుణ్డ
దరిని యెలుక, భుజగదట్టి, చిన్నికనులు
మదిని నీకు నా నమస్సులయ్య
సీతారామయ్యా,
తొలగించండిమీ పద్యం బాగున్నది. అభినందనలు.
రిప్లయితొలగించండిగో గ్రీన్ యేనుగు మోముసామి యనె "మైక్రోసాఫ్టు మృత్స్నంబు గ
మ్మా గ్రీన్హౌసు ప్రభావముల్నడచనమ్మా గాతి సంప్రశ్రయ
మ్మై గ్రామంగమిగా నుదాహృతిగ గొన్మాదానినే! లేదకో
యుగ్రంబై యిల నాశనంబగును సూ!యోచింపు భామామణీ!
జిలేబి
__/\__
తొలగించండిహేరుకుడా! పిళ్ళారీ
రిప్లయితొలగించండినేరములెంచక కరుణను నేరుపు నిడుమా
హేరంబా !పరశుధరుడ
గౌరీసుత! యెలుకరౌతు! కౌడీలిడెదన్!!!
అల్ప ప్రాణిని యానకమ్ముగ నాదరించిన శాంకరీ
రిప్లయితొలగించండినిల్పుమాయెద నిండు భక్తిని నిన్ను గొల్చెడి తోయమున్
పొల్పుగామరి బుద్ధినీయుమ పుష్టికాంతుడ గాయుచున్
కల్పనమ్ముల శక్తినీయుమ కాలమున్ తళుకారగన్!!!
శుభోదయం
రిప్లయితొలగించండిప్రియ మిత్రులందరికీ వినాయక చవితి శుభాకాంక్షలు
శంకరాభరణం నిషిద్ధాక్షరి. "వ"కారం
కం
తొలగించగ కష్టములను
కలతలు దీర్చు గణపయ్య కాచగ మమ్మున్
తొలి పూజలందు కొనుమా
పిలిచిన పలికిన కుడుములు పెట్టెద నయ్యా!!
కం
కోరిన కోర్కెలు తీర్చగ
గారెలు పులిహోర తీపి ఖర్జూరములన్
బూరెలు, కొబ్బరి పలుకుల
హేరంబుని గొల్తు నయ్య హే పర మేశా!!
కం
ఎల్లరు చేయగ పూజలు
మల్లెలు మొల్లలను నెర్ర మందారాలన్
తెల్లని జాజి కుసుమముల
చల్లగ మము గాచు చుండు శంకర పుత్రా!!
కం
ఎన్నెన్నో మండపముల
చెన్నుని చూడరె గణేషు స్థిరముగ నిలచెన్
గిన్నెలలో భక్ష్యములను
భిన్నరకాల ఫలములను బెట్టిరి గనరే!!
కం
గణనాధుని సన్నిధిలో
ప్రణతుల నొసగుచు కొలుతుము భజనల తోడన్
గణగణ గంటలు కొట్టి శ
రణు కోరుదము కరుణించు లంబోదరుడా!!
జై వినాయకా
హంసగీతి
13.9.18
సుగంధి వృత్తము:
రిప్లయితొలగించండి****)()(****
కన్నలార నోగణేశ! కాంచినంత దూరమౌ
కన్ను గాన కుండ జేయు గాఢమైన పాపముల్
సన్నుతింప లేను నిన్ను శాస్త్రవిద్య లేదయో!
చిన్నబుచ్చ బోకు మయ్య!శ్రీగణేశ నాథుడా!
............🌻శంకరాభరణం🌻...............
రిప్లయితొలగించండి................🤷🏻♂నిషిద్ధాక్షరి🤷♀....................
అంశము - *విఘ్నేశ్వర స్తుతి*
నిషిద్ధము - *'వ'కారము*
(వకార సంయుక్తము కూడ)
*ఛందస్సు - మీ ఇష్టము.*
సందర్భము: బాల గణపతి తరుణ గణపతి భక్త గణపతి వీర గణపతి భద్ర గణపతి మొదలైన ప్రధానమైన గణపతి రూపాలు ముఫ్పై రెండు ఉన్నాయి సుమారు. వాటిల్లో ఇది *బాల గణపతి రూపము.*
(మా గురువర్యులు ప్రాతః స్మరణీయులు శ్రీ కపిలవాయి లింగమూర్తి గారి
*కావ్య గణపతి-అష్టోత్తరం*
అనే అపూర్వ సంకలన గ్రంథం ఆధారంగా ఈ పద్యాలు వ్రాయబడినవి. అందులో 108 ప్రసిద్ధ కవుల గణపతి స్తుతి పద్యా లున్నవి. పీఠికలో అనేక గణపతి మూర్తుల వివరా లన్నవి.)
వకారము రారాదు కనుక "కపిత్థ ఫలము" అని వాడబడింది. వెలగపండు.. అని వాడలేదు.
ఇది ఉత్సాహ వృత్తము...
సాహచర్య పద్మ మిత్ర సప్తకంబు గురువు ను
త్సాహ వృత్తమునకె చెల్లు జలజ దళ విలోచనా!
అని సులక్షణ సారం.
ఏడు సూర్య గణాల మీద ఒక గురువు. అయిదవ గణము మొదటి అక్షరము యతి. రెండవ అక్షరము ప్రాస.
ఒకే భావం రెండు పద్యాలలో రావటం ఇందులో విశేషం.
~~~~~~~~~~~~~~~~~~~~~~~
అరటి గెలయు చూత ఫలము
నంద మొలుకుచుండగా...
చెరుకు గడయు పనసపండు
చేత నొప్పుచుండగా...
మురిపె మొలుకు నాల్గు హస్త
ములను గలిగి, తొండమం
దరయ నొక కపిత్థ ఫలము
దాల్తు గద! గణాధిపా!
అరటి పండు నామ్ర ఫలము
నమరు కుడి కరంబులన్...
చెరుకు గడయు పనస పండు
చేరు నెడమ చేతులన్...
పరగ తొండమున కపిత్థ
ఫలమొ కుడుమొ పట్టుచున్
తిరుగు నట్టి బాల గణప
తీ! ప్రభూ!గణాధిపా!
✒~డా.వెలుదండ సత్యనారాయణ
13.9.18
-----------------------------------------------------------
............🌻శంకరాభరణం🌻...............
రిప్లయితొలగించండి................🤷🏻♂నిషిద్ధాక్షరి🤷♀....................
అంశము - *విఘ్నేశ్వర స్తుతి*
నిషిద్ధము - *'వ'కారము*
(వకార సంయుక్తము కూడ)
*ఛందస్సు - మీ ఇష్టము.*
సందర్భము: బ్రహ్మ వైవర్త పురాణంలో యిలా వున్నది.
పార్వతి ఒక సర్వ శ్రేష్ఠుడైన పుత్రుని కోరింది. శివుడు పుణ్యక మనే గొప్ప వ్రత విధానాన్ని వివరించాడు. గోలోక వాసుడైన శ్రీ కృష్ణ పరమాత్ముని ధ్యానించి చేయాలని చెప్పాడు. సనత్కుమారుని పౌరోహిత్యంలో ఆ వ్రతం జరిగింది.
చివరికి శ్రీ కృష్ణుని యనుగ్రహంతో పార్వతి శయ్యపై దివ్య తేజోవంతుడైన ఒక నవజాత శిశువు సాత్కాత్కరించాడు. అతడే గణేశుడు..
అందువల్ల శ్రీ కృష్ణునికి గణపతికీ ఎలాంటి భేదం లే దని ఈ పురాణంవల్ల తెలుస్తున్నది.
(ఇది అతి సంగ్రహ గాథ. అవసరాన్ని బట్టి మరోసారి విపులీకరించబడును)
ఇది ఉత్సాహ వృత్తము...
సాహచర్య పద్మ మిత్ర సప్తకంబు గురువు ను
త్సాహ వృత్తమునకె చెల్లు జలజదళవిలోచనా!
అని సులక్షణ సారం.
ఏడు సూర్య గణాల మీద ఒక గురువు. అయిదవ గణము మొదటి అక్షరము యతి. రెండవ అక్షరము ప్రాస.
~~~~~~~~~~~~~~~~~~~~~~~
ప్రాకట మగు "పుణ్యకమును"
భక్తి నాచరించి గో
లోక కృష్ణు దలచి ధ్యాన
లోల యైన గౌరికిన్
జోక మీర పుట్టితి గద!
శూర్ప కర్ణ! భేదమే
నీకు కృష్ణునకును లేదు
నిజముగా గణాధిపా!
✒~డా.వెలుదండ సత్యనారాయణ
13.9.18
-----------------------------------------------------------
జోక= కాంతి
గురుదేవులు శ్తీకంది శంకరార్యులకు మరియునితర కవిమిత్రులకు శ్రీ విఘ్నేశ్వర చతుర్థి శుభాకాంక్షలు.
రిప్లయితొలగించండిశ్రీగణనాధి నాయకుని చింతన జేసెద మన్మనంబునం
దాగమ రీతి భక్తజననాంతర దీపితునేకదంతునిన్
కాగల కార్య సాధనకు కౌతుక ధీ బల శక్తియుక్తులన్
యోగము ధ్యాన సంపద నియుక్తము జేయుమటంచు కోరుచున్.
శంకర సుతనయుడు శంక లేక జనుల
రిప్లయితొలగించండిబ్రోచి రక్షణ నిడు పుడమి యందు
మూషి కంబు నెక్కి ముదమున భక్తుల
కాచు చుండు సతము కరిముఖుండు.
గణముల కధినేత గణపతియను పేర
ఖ్యాతి నందినాడు ఘనముగాను
నేకదంతుడితడు నిభరాజ లపనుడై
యాపదలను బాపి యభయ మొసగు.
భాద్రపదము నందు భ్రామరీతనయుడై
జన్మ మెత్తి నాడు జగతి యందు
నాపదలను బాపు ననునిత్య మీతడు
మ్రొక్కు జనుల కెల్ల ముదము కూర్చు.
ఆది పూజితుండు నంబికా ప్రియపుత్రు
డార్తి బాపి జనుల కభయ మొసగు
కోరికొలుచు నంత కొంగు బంగారమై
కామితార్థ మిచ్చి కరుణ చూపు.
ఆట వెలది..
రిప్లయితొలగించండిఆధ్య పూజ జేసి యంజలి లిడుచుచు
మ్రొక్కినాము నీకు మురిసి మేము,
శూర్పకర్ణ నీకు భజనలు జేతుము
గౌరిపుత్ర మాకు కరుణ జూపు
((ఏక దంత మమ్ము యేలుమయ్య..))
సురేశ్ కుమార్
ఈ కామెంట్‌ను రచయిత తీసివేశారు.
రిప్లయితొలగించండిసవరణతో
రిప్లయితొలగించండి............🌻శంకరాభరణం🌻...............
................🤷🏻♂నిషిద్ధాక్షరి🤷♀....................
అంశము - *విఘ్నేశ్వర స్తుతి*
నిషిద్ధము - *'వ'కారము*
(వకార సంయుక్తము కూడ)
*ఛందస్సు - మీ ఇష్టము.*
సందర్భము: గణపతి సార్వకాలిక సార్వ దేశిక సార్వభౌమిక మయిన సర్వమత దైవం. అతడు అనేక దేశాలలో అనేక నామాలతో రూపాలతో పిలువబడుతూ కొలువబడుతూ ఉన్నాడు. అందులో కొన్ని దేశాలలోని పేర్లు మాత్రం ఇక్కడ పేర్కొనబోతున్నాను.
ఇవి శ్రీ కపిలవాయి లింగమూర్తి గారి "కావ్య గణపతి- అష్టోత్తరం" పుస్తకంనుంచి సేకరించ బడినవి.
పైపేర్లలోని కొన్ని విశేషాలు... 'ఓరెనెస్' అనగా 'అరుణాస్యు' డని.. 'చోప్రక్' అనగా 'శూర్పకర్ణ' అని.. 'అహుర మజ్ద' అనగా 'అసురమర్ద' అని.. 'ఏక్పన్' అనగా 'ఏకదంతు' డని.. 'గణస్' అనగా 'గణేశు' డని..
ఉపాధ్యాయులు ఈ పద్యం కంఠస్థం చేస్తే గణపతి యేయే దేశాల్లో నేయే పేర్లతో పిలువబడతాడో విద్యార్థులకు చెప్పడం సులభ సాధ్య మవుతుం దని నా ఆశ.
~~~~~~~~~~~~~~~~~~~~~~~
అరయ "పార్సీ"లోన "నహురమజ్ద" యటంచు
నా "టిబెట్టు"న "చోప్ర" కనగ జనులు
"మంగోలియా"లోన మరి "ప్రాహ కెన్నె" గా
"నీజిప్టు" భక్తాళి "యేక్ప" ననగ
"కాంబోడియా"లోన కడగి "యిండో చైన"
యందు "చతుర్ముఖు" డనగ ప్రజలు
కనగ "బాలీ ప్రాంతము"న "త్రినేత్రు" డనంగ
లెస్స "గ్రీకు"న "నోరెనె" స్సనంగ
కడిగి "రోము"లో "గణ"సనగా "జపాను"
నందు "కాంగ్ టెను"గా పిల్పు లందుకొనెడు
బొజ్జ గణపయ్య నిరతంబు బ్రోచు గాక!
ఒజ్జయై కైత లను నేర్పి యోము గాక!
✒~డా.వెలుదండ సత్యనారాయణ
13.9.18
-----------------------------------------------------------
Copy Rat: 👇
రిప్లయితొలగించండిఅటుకులు కొబ్బరి పలుకులు
చిటి బెల్లము నానబ్రాలు చెరుకురసంబున్
నిటలాక్షునగ్ర సుతునకు
పటుతరముగ బోనమిచ్చి ప్రార్ధింతు మదిన్ :)
పై పద్య కర్త ఒరిజినలుగా ఎవరో తెలియదు...
కానీ "ట" కార ప్రాసతో కందానికి అందం తెస్తూ
మహ షోకుగా నున్నది. చిన్నప్పటి నా ఫేవరిట్టు.