గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2869 సమస్య :: పవనసుతుండు రాముని సభాస్థలిఁ దాఁ బరిహాస మాడెఁగా. *హనుమంతుడు శ్రీరాముని ఉద్దేశించి ఎగతాళిగా మాట్లాడినాడు* అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: తనను అవమానించిన యయాతిని శిక్షించమని విశ్వామిత్రుడు కోరగా శ్రీరాముడు యయాతిని వధిస్తానని ప్రతిజ్ఞ చేస్తాడు. తనను ఆశ్రయించిన యయాతికి అభయమిస్తాడు ఆంజనేయుడు. దీనితో శ్రీ రామాంజనేయ యుద్ధం మొదలౌతుంది. {రంగస్థలంలో వెనుక ఉంచేందుకు తగిన సీనరీ లేనందున సభాస్థలం కనిపించే బ్యానర్ ని ఏర్పాటుచేసి నాటకాన్ని మొదలుపెట్టినారు} ఆ నాటకంలో రామభక్తుడైన హనుమంతుడు “ *సీతమ్మ జాడ మీ చెవి వేయమైతిమా నాటితో రామాయణమ్ము సున్న* అనే పద్యం పాడుతూ శ్రీరాముని పరిహసిస్తూ ఉంటాడు. “ ఓ రామా! నేను గనుక లంకలో జానకీమాతను చూడకుండా ఉండి ఉంటే, నీవు ఇచ్చిన ఉంగరాన్ని ఆ తల్లికి ఇవ్వకుండా ఉండి ఉంటే, నీకు సీతమ్మ జాడను తెలియజేయకుండా ఉండి ఉంటే, మూర్ఛనందిన లక్ష్మణుని సంజీవనీ పర్వతం తెచ్చి నేను బ్రతికించకుండా ఉండిఉంటే, ఆ నాటితో నీవు సున్న నీ రామాయణం సున్న అని పవనసుతుడు శ్రీరాముని ఉద్దేశించి పరిహాసమాడే సందర్భం.
“అవనిజఁ జూడకున్న, జనకాత్మజ కుంగర మీయకున్న, నీ వె వినగ సీత జాడ వినిపించక యున్నను, దీను లక్ష్మణున్ భువి బ్రతికింపకున్న కథ పూజ్య” మనెన్ గద నాటకమ్ములో పవనసుతుండు, రాముని సభాస్థలిఁ దాఁ బరిహాస మాడెఁగా. కోట రాజశేఖర్ పడుగుపాడు నెల్లూరు. (9-12-2018)
రామ బంటు గ పేరొంది రాణ కెక్కె
రిప్లయితొలగించండిపవన తనయుండు ; రాముని బరి హసిం చె
రావణుoడని లోన పరా జితు నిగ
చేతు నం చని బీరపుచేష్ట తోడ
విరుపుతో మీ పూరణ బాగున్నది. అభినందనలు.
తొలగించండికడలి లంఘించి మనమున కాళ్ళ మ్రొక్కి
రిప్లయితొలగించండిపవనతనయుండు; రామునిఁ; బరిహసించె
రాక్షసాళిని కవ్వించి లంకలోన
కాల్చి వనముల గృహముల కయ్య మాడి
విరుపుతో మీ పూరణ బాగున్నది. అభినందనలు.
తొలగించండిసీతఁగనుగొనె నెవరట కోతులందు?
రిప్లయితొలగించండిహనుమ పూజించె నెవరిని నతుల భక్తి?
రావణుండేమిఁజేసెను రాముఁజూచి?
పవన తనయుండు--రాముని--పరిహసించె.
మీ క్రమాలంకార పూరణ బాగున్నది. అభినందనలు.
తొలగించండిబంటు రీతిని సేవించు భక్తు డతడు
రిప్లయితొలగించండిపవన తనయుండు రామునిఁ , బరిహ సించె
వాలి రావణు నలయించి బాధ బెట్టి
అమృత కలశము భేధించి తలలు నఱికె
మీ పూరణ బాగున్నది. అభినందనలు.
తొలగించండికాని చివరి పాదానికి అన్వయం ?
నమస్కారములు
రిప్లయితొలగించండిGPS వారూ " తమరు దయతో పంపిన "సరదా పూరణలు "
పుస్తకం ఈ రోజె అందినది. ధన్య వాదములు
మహదానందం శంకరార్పణం!
తొలగించండినమస్సులు!
చిక్కి బ్రహ్మాస్త్రమునకు తా చేర కొలువు
రిప్లయితొలగించండిపవనతనయుండు, రామునిఁ బరిహసించె
కోతి మూకలతో వచ్చు నాతికొరకు
ననుచు ప్రల్లదనమ్మున నసుర విభుడు
మీ పూరణ అద్భుతంగా ఉంది. అభినందనలు.
తొలగించండిశాపమును బొంది ఖిన్నుడై సంచరించు
రిప్లయితొలగించండివాని జూపించి సఖునితో బలికె నొక్క
డనయ మున్మాదియై యుండు నతని గనుము
పవన! తనయుండురా, మునిఁ బరిహసించె.
విలక్షణమైన విరుపుతో మీ పూరణ అద్భుతంగా ఉన్నది. అభినందనలు.
తొలగించండిజయము నభయము నొసగు దాసాగ్రుడెవడు?
రిప్లయితొలగించండిశివుడు భజియించు నేఱేని చిత్తశుద్ధి?
రావణుడు నందికెటులగౌరవమొసంగె?
పవనతనయుండు:రాముని:పరిహసించె
మీ క్రమాలంకార పూరణ బాగున్నది. అభినందనలు.
తొలగించండిచూచి రమ్మని నీ వంప చూచి నీకు
రిప్లయితొలగించండిచెప్ప వలెగాని లంక గాల్చితిని నేను
కోతినే దూతగా జేసి కొంటి వనుచు
"పవనతనయుండు రామునిఁ బరిహసించె"
మీ పూరణ మనోరంజకంగా ప్రశస్తంగా ఉన్నది. అభినందనలు.
తొలగించండిఇవాళ నేమాని వారి అవధానానికి వస్తున్నారా?
మైలవరపు వారి పూరణ
రిప్లయితొలగించండిఅవనిజ దూరమయ్యెనని యంతగ నేడ్చితివయ్య ! నాకు సం...
భవమగునేని యట్టి పెనుబాధ భరింతునె యంచు నెంచ ., లో...
క వినుత ! రాదు నే నరుడ గాను ! మనోహరి గూడ లేదనన్
పవనసుతుండు రాముని సభాస్థలిఁ దాఁ బరిహాస మాడెఁగా !
మైలవరపు మురళీకృష్ణ వెంకటగిరి
ప్రశస్తమైన పూరణ. అభినందనలు.
తొలగించండి*కోతిచేష్ట*...
తొలగించండివివరము చెప్పుచుంటినిదె *వేయి తెఱంగుల రామనామమే*
*యవసరమయ్యె నాకనగ నయ్యది సత్యము* ., కాని *తోకయే*
యవసరమౌను *దూకునపుడంచు* వచించుచు ముద్దుపెట్టుచున్
పవనసుతుండు *రామునిసభాస్థలిఁ*., దాఁ బరిహాస మాడెఁగా !
మైలవరపు మురళీకృష్ణ వెంకటగిరి.
అవనిజ నెత్తి దెచ్చిన మ
రిప్లయితొలగించండిహాహననోగ్రుడు లంకలోపలన్
నవనవలొల్కు మేలిమి వ
నమ్మున నుంచెను ; మారుతిన్ సభా
భవనము నందు గాంచి దశ
వక్త్రుడు రావణు ; డాలకింపగా
పవనసుతుండు ; రాముని స
భాస్థలి దా బరిహాస మాడెగా !
విరుపుతో మీ పూరణ మనోజ్ఞంగా ఉన్నది. అభినందనలు.
తొలగించండిదిగులుపడుచున్న రాముని తీరుజూసి
రిప్లయితొలగించండిఫవన తనయుoడు రాముని పరిహసించె
జాన కమ్మను కనుగొని జాడదెలుప
లంకకేగెను హనుమయె లక్షణముగ
మీ పూరణ బాగున్నది. అభినందనలు.
తొలగించండిడా.పిట్టా సత్యనారాయణ
రిప్లయితొలగించండిసంస్కృతంబార్య భాషల సముదయమున
"భ్రాత్రు","పితృ" మూలాలను బరగ దిరిగి
"బ్రదరు","ఫాదరు" లయ్యి సంభ్రాంతమయ్యె
నే విధేయత లేకుండ నెదిగె నాంగ్ల
పవన తనయుండు రాముని బరిహసించె
మీ పూరణ వైవిధ్యంగా ఉన్నది. అభినందనలు.
తొలగించండిరెండవ పాదంలో గణదోషం. "భ్రాతృ పితృ మూలముల నెల్ల బరగ దిరిగి" అందామా?
అవనిజ జాడదెచ్చిన మహా త్ముడెవండు? జనావళేసభన్
రిప్లయితొలగించండిఅవనిధవుండ్రగమ్యమను?ఐదుగురాలిపురంధ్రి!వల్వలీ
జవనికినేలబేలమఖజన్యని గౌరవనాధుడక్కటా!
*పవనసుతుండు;రామునిసభాస్థలి;దాబరిహాసమాడెగా*
మీ పూరణ బాగున్నది. అభినందనలు.
తొలగించండి"జనాళి యే సభన్" అనండి.
డా.పిట్టా సత్యనారాయణ
రిప్లయితొలగించండిసదమల స్నేహ బంధమున సాగెను రాము(NTR) విదేశ యాత్ర నా
యదనున కాం.గి(కాంగ్రెస్)పుత్రుడు రహస్యపు జేష్టల బీఠమెక్కి దా
బదనుగ ముఖ్యమంత్రిన బారెను భాస్కరు డాం.ప్ర(ఆంధ్రప్రదేశ్)నొక్కెడన్
పవన సుతుండు రాముని సభాస్థలి దా బరిహాసమాడెగా!(భాస్కరు॥నాదెళ్ళ భాస్కర రా్వు)
మీ పూరణ బాగున్నది. అభినందనలు.
తొలగించండిమూడవ పాదంలో గణదోషం. "ముఖ్యమంత్రి యన బారెను..." అనండి.
పనికి మాలిన పల్కుల బలుక నేల?
రిప్లయితొలగించండిస్వప్నముననైన నిదిజూడ సాధ్య పడునె?
యిష్ట దైవము నెట్టుల కష్ట పెట్టి
పవనతనయుండు రామునిఁ బరిహసించె?
అధిక్షేపాత్మకమైన పూరణ బాగున్నది. అభినందనలు.
తొలగించండిధన్యవాదాలు !
తొలగించండి"గరువపుమాటలేల? విను, కారులఁ గూసిదె? రావణాధమా!
రిప్లయితొలగించండిమరచి, సహస్రబాహు వభిమానవిఘాతమొనర్చు గాధ, నీ
వరయవె! రాఘవాభవశరాసనభంగ" మటంచు, మ్రొక్కుచుం
బవనసుతుండు రాముని సభాస్థలిఁ,... దాఁ బరిహాసమాడెగా!.
కంజర్ల రామాచార్య
కోరుట్ల.
విరుపుతో మీ పూరణ మనోహరంగా ఉన్నది. అభినందనలు.
తొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2869
సమస్య :: పవనసుతుండు రాముని సభాస్థలిఁ దాఁ బరిహాస మాడెఁగా.
*హనుమంతుడు శ్రీరాముని ఉద్దేశించి ఎగతాళిగా మాట్లాడినాడు* అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: తనను అవమానించిన యయాతిని శిక్షించమని విశ్వామిత్రుడు కోరగా శ్రీరాముడు యయాతిని వధిస్తానని ప్రతిజ్ఞ చేస్తాడు.
తనను ఆశ్రయించిన యయాతికి అభయమిస్తాడు ఆంజనేయుడు. దీనితో శ్రీ రామాంజనేయ యుద్ధం మొదలౌతుంది. {రంగస్థలంలో వెనుక ఉంచేందుకు తగిన సీనరీ లేనందున సభాస్థలం కనిపించే బ్యానర్ ని ఏర్పాటుచేసి నాటకాన్ని మొదలుపెట్టినారు} ఆ నాటకంలో రామభక్తుడైన హనుమంతుడు “ *సీతమ్మ జాడ మీ చెవి వేయమైతిమా నాటితో రామాయణమ్ము సున్న* అనే పద్యం పాడుతూ శ్రీరాముని పరిహసిస్తూ ఉంటాడు.
“ ఓ రామా! నేను గనుక లంకలో జానకీమాతను చూడకుండా ఉండి ఉంటే, నీవు ఇచ్చిన ఉంగరాన్ని ఆ తల్లికి ఇవ్వకుండా ఉండి ఉంటే, నీకు సీతమ్మ జాడను తెలియజేయకుండా ఉండి ఉంటే, మూర్ఛనందిన లక్ష్మణుని సంజీవనీ పర్వతం తెచ్చి నేను బ్రతికించకుండా ఉండిఉంటే, ఆ నాటితో నీవు సున్న నీ రామాయణం సున్న అని పవనసుతుడు శ్రీరాముని ఉద్దేశించి పరిహాసమాడే సందర్భం.
“అవనిజఁ జూడకున్న, జనకాత్మజ కుంగర మీయకున్న, నీ
వె వినగ సీత జాడ వినిపించక యున్నను, దీను లక్ష్మణున్
భువి బ్రతికింపకున్న కథ పూజ్య” మనెన్ గద నాటకమ్ములో
పవనసుతుండు, రాముని సభాస్థలిఁ దాఁ బరిహాస మాడెఁగా.
కోట రాజశేఖర్ పడుగుపాడు నెల్లూరు. (9-12-2018)
అద్భుతమైన పూరణ. అభినందనలు.
తొలగించండిశ్రీ గురుభ్యో నమః
తొలగించండిమానవాధము డనుచునా దానవుండు
రిప్లయితొలగించండిపలుక గుణధాముడనుచు ప్రస్తుతించె
పవన తనయుండు రామునిఁ, బరిహసించె
రాగలదు నీ మరణమని రావణుడను.
మీ పూరణ బాగున్నది. అభినందనలు.
తొలగించండిరెండవ పాదంలో గణదోషం. "పలుకగ గుణధాము డనుచు/ పలుక గుణధాము డనుచును" అనండి. పద్యం చివర "రావణుఁ గని" అనండి.
"ఏల రామ! నీకిప్పడీ బేల తనము?
రిప్లయితొలగించండితెలిసి యుండియు నీకింత కలత యేల?
యవనిజ గొనితెత్తు మ"నుచు ననునయించి
పవనతనయుండు రామునిఁ బరిహసించె !
మీ పూరణ బాగున్నది. అభినందనలు.
తొలగించండిధన్యవాదాలు !
తొలగించండిరామ చంద్రునితో కపి రణము జేసె
రిప్లయితొలగించండిపవనతనయుండు రామునిఁ బరిహసించె
ననుచు గ్రామ్యము లో కథనములు పెక్కు
గాన లేమయో వాల్మీకి కథనమందు
మీ పూరణ బాగున్నది. అభినందనలు.
తొలగించండిఅవనిధవుండు,శిష్యుడు,మహా నృపు,డాతనిసూతిలక్ష్మణుం డవనివరుండగున్ సమవయ స్కుల యాజివివాహమన్న నా
రిప్లయితొలగించండి*"పవనసుతుండు రాముని సభాస్థలిఁ దాఁ బరిహాస మాడెఁగా"*
భవనకులాంగనాకురులువస్త్రములూడ్చెడుజూదజోధుడౌ
మీ పూరణ భావం బోధపడకున్నది. 'సమవయస్కుల నాజి...' అని ఉందాలి. 'అంగనా కురులు' దుష్టసమాసం. 'జూద జోధుడౌ'...?
తొలగించండిరామకథ నెరుగని బాలుడాతడేను
రిప్లయితొలగించండిఆంగ్ల భాషయే నౌన్నత్యమైనదనుచు
వ్రాసె నాంగ్లమున నతడు రాముగూర్చి
*"పవనతనయుండు రామునిఁ బరిహసించె"*
మీ పూరణ బాగున్నది. అభినందనలు.
తొలగించండిశశిరేఖను అభిమన్యుకెందుకీయాలి?అంతాపోగొట్టుకొని అడవి పాలైరి.దుర్యోధనుడు మానధనుడు,రాజు ,ఆతని కొడుకే చక్రవర్తి యౌతాడు ,వియ్యానికైనా కయ్యానికైనా సమవుజ్జీలంటారని బలరాముడు సభాముఖంగా ,నిర్మొహమాటంగాచెప్పగా భీముడపహాస్యంతో ఔనౌను కులకాంత కురులు,బట్టలూడ్పించడంలో,మాయాద్యూతంలో తనకుతానే సాటనిపించుకున్న మానధనుడని పొగిడాడని అధిక్షేపాత్మక వ్యాజస్తుతి
రిప్లయితొలగించండిమీరు ఈ నేపథ్యాన్ని మీ పూరణకు ముందో వెనుకో పెట్టి ఉంటే బాగుండేది. ఇప్పుడు మీ పద్యభావం అవగాహనకు వచ్చింది.
తొలగించండి
రిప్లయితొలగించండిసేతువును గట్ట గల్గెడి చేవలేదు
లంక జేరగ శక్తి యే వంకలేదు
యిటకు సీతను దెత్తువదెటుల ననుచు
పవనతనయుండు రామునిఁ బరిహసించె
మీ పూరణ బాగున్నది. అభినందనలు.
తొలగించండి'లేదు + ఇటకు' అన్నపుడు యడాగమం రాదు. "వంక లేక యిటకు" అనవచ్చు.
నమ్మినటువంటిబంటుసీతమ్మ!మీకు
రిప్లయితొలగించండిపవనతనయుండు,రామునిబరిహసించె
యుధ్ధరంగాననడగింతునుక్కునీది
రమ్మువేవేగనిటువైపురామ!యనుచు
మీ పూరణ బాగున్నది. అభినందనలు.
తొలగించండిఇంతకూ ఈ మాట లెవ రెవరితో అంటున్నారు?
విరుపుతో మీ పూరణ బాగున్నది. అభినందనలు.
రిప్లయితొలగించండిఆతత గదా సమరమున నాదర గురు
రిప్లయితొలగించండిపుంగవుం డని మ్రొక్కుచుఁ బూజ సేయ
బావ వరుస వాఁ డని బలభద్రునిఁ దమిఁ
బవనతనయుండు రామునిఁ బరిహసించె
వివరము లేలఁ జెప్ప నిట వీనుల చేటు వినంగ లేము మే
ము వదరు లెల్ల దుష్టుఁ డయి మూర్ఖపుఁ గర్మలు సేయు చుండు రే
పవలును మందలించుముర పాడిగ నిప్పుడు నీకు నక్కటా
పవన! సుతుండురా ముని సభాస్థలిఁ దాఁ బరిహాస మాడెఁగా
ఈ కామెంట్‌ను రచయిత తీసివేశారు.
రిప్లయితొలగించండిఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
కవులు మథించి రామకథ కమ్మగ నిట్టుల వ్రాయరోయనన్:👇
"పవనసుతుండు రావణు సభాస్థలిఁ దాఁ బరిహాస మాడెఁగా"
చెవిటి విలేఖకుండొకడు చేతులు నొవ్వగ వ్రాసెనిట్టులన్:👇
"పవనసుతుండు రాముని సభాస్థలిఁ దాఁ బరిహాస మాడెఁగా"
పవనసుతుండునాబరగిబావనభక్తినిరామనామము
రిప్లయితొలగించండిన్నవిరళధారతోడనునవామృతధారలుచిల్కుచుండగా
బవనసుతుండురామునిసభాస్ధలిబరిహాసమాడెగా
గవనముజేయగానిటులగానిదీచెప్పుటనాయమేయిటన్
వానరుల్నరుల్నరవరుల్వర దశాన
రిప్లయితొలగించండిను నని నెదిరించరనిన *పవన సుతుండు, రామునిపరిహసించె* దురాత్మ !యాజి
వాలినర్జునారినిగెల్చె వాగకనెను
అభయమిచ్చిన విడుతునాఆంజనేయ
రిప్లయితొలగించండిఆయయాతిని జంపకయనగ వినుచు
పవనతనయుండు రామునిపరిహసించె
రామబాణము నాపైకిరాదటంచు
రామజపమున్నగాపాడు రామరామ (యనెను)
జవమున లంక జేరి యట జానకిఁ గాంచి, వనమ్ము ద్రుంచి దా
రిప్లయితొలగించండినవుడగు రావణాసురుని నాశమునొందెద వంచు చెప్పుచున్
నవనిని బ్రోచువాడని మహాత్ముడటంచు నుతించె గాదె యా
పవన సుతుండు రాముని సభాస్థలిఁ, దాఁ పరిహాసమాడెగా.
అవనిని నాప్రభున్ దశరథాత్మజునిన్ కదనమ్ములోన దా
రిప్లయితొలగించండినవులెదిరించ శక్యమగునా దశవక్త్రుడ పట్టుకొమ్మికన్
సవినయభక్తి రామపదసారసయుగ్మమటంచు మెచ్చుచున్
పవనసుతుండు రాముని, సభాస్థలిఁ దాఁ బరిహాస మాడెఁగా
క్రొవ్విడి వెంకట రాజారావు:
రిప్లయితొలగించండిగొప్పలు విని రావణునివి కొఱలి కేరె
పవనతనయుడు! రాముని పరిహసించె
నహము గల్గగ నంధుడై నాజి లోన
నాడు మూర్ఖ లంకేశుడు మూఢు డగుచు
చ. ప్రవిమల భక్తి పట్టుబడ పద్మజునస్త్రముతాకి లంకలో
రిప్లయితొలగించండిపవనసుతుండు, రాముని సభాస్థలిఁ దాఁ బరిహాస మాడెఁగా
బవరము చేయునా నరుడు బల్లిదులైన పలాశి సేనపై
భువిపయినంచు రావణుడు మోఱకు లంచును దెప్పి కోతులన్
దాశరథినట గాంచుచు తాను మొక్కె
రిప్లయితొలగించండిపవనతనయుండు, రామునిఁ బరిహసించె
నసుర తనయుండు రుషతోడ నాగ్రహించి
తోడ రణమొనరించె తా దురము నందు