మార్గ శిరమున రంగని మందిర మును భక్తుల oదరు జేరియు శక్తి కొలది మధుర గీతాలు పాడుట మతము గాగ రమణి ! పాపమ్ము గద పాశురములు జదువ ననుట దె ట్టు ల మంచి దౌ నవని యందు ?
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2876 సమస్య :: రమణీ! పాశురముల్ బఠించిన ధనుర్మాసంబునన్ బాపమౌ. *ఓ కన్యకామణీ! ఈ ధనుర్మాసంలో పాశురాలను చదివితే పాపం కలుగుతుంది* అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: ప్రతి సంవత్సరం హేమంత ఋతువులో వచ్చే మొదటి నెలను సౌరమానం ప్రకారం ధనుర్మాసమని, చాంద్రమానం ప్రకారం మార్గశిర మాసం అని పిలుస్తారు. ‘మృగశిర’ నక్షత్రంతో కూడిన పౌర్ణమి కారణంగా ఈ మాసానికి మార్గశిరమాసమని పేరు. మాసానాం మార్గశీర్షోఽహమ్ అని శ్రీకృష్ణ భగవానుడు చెప్పియున్నాడు. సూర్యుడు ధనూరాశి లోనికి మారడంతో ధనుర్మాసం మొదలౌతుంది. శ్రీవిల్లిపుత్తూరులో విష్ణుభక్తుడైన విష్ణుచిత్తుల వారికి జన్మించిన ఆండాళ్లు గోదాదేవి శ్రీ రంగనాథుని తన శ్రీవారుగా భావించి, తాను తరించి తన తోటి వారిని కూడా తరింపజేయాలని అందఱినీ స్వామి సేవకోసం పిలుస్తూ చిత్తశుద్ధితో తిరుప్పావై పాశురాలను పఠించి పుణ్యమును పొందింది. ఎవరైనాసరే చిత్తశుద్ధితో కాకుండా క్షుద్రబుద్ధితో పఠిస్తే పాపం వస్తుంది అని ఒక రమణి మఱియొక రమణితో చెప్పే సందర్భం.
డా.పిట్టా సత్యనారాయణ రమణీయంబుగ కైతలల్లు ఘనుడా!రాద్ధాంతమే యేల నా కమనీయంపు విముక్త ఛందములదౌ కావ్యమ్ము వ్రాసేవు నీ శ్రమయే రిక్తము భార్య పాదములపై శ్రావ్యమ్ముగా బాడు నీ "రమణీ పాశురముల్"బఠించిన ధనుర్మాసంబునన్ బాపమౌ
నెలసరి సమయమంటివి ,తెలుసు కొనుము
రిప్లయితొలగించండిరమణి, పాపమ్ము గద పాశురములఁ జదువ,
పంచమ దినాన స్నానము నాచ రింఛి
చదువ మని పల్కె ముదుసలి చాన తోడ
మీ పూరణ బాగున్నది. అభినందనలు.
తొలగించండిమూడవ పాదంలో యతి తప్పింది. "పంచమ దినమున సుస్నాతవై తదుపరి। చదువుమని" అనండి
రంగ నాధుని సేవించి పొంగి పోవు
రిప్లయితొలగించండిరమణి, పాపమ్ము గద పాశురములఁ జదువ
నియమ నిష్టలు పాటించ భయము లేని
పల్లె వారము మముగాచు నుల్ల మలర
అక్కయ్యా,
తొలగించండిమీ పూరణ బాగున్నది. అభినందనలు.
నమలుచు కొడుకును సతము కుమిలి కుమిలి
రిప్లయితొలగించండికరచుచును కోడలి నెపుడు కసిరి కసిరి
మమతను ముదమును మరచి మగని యెడల
రమణి! పాపమ్ము గద పాశురములఁ జదువ!
మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండిక్రమతన్ స్నానవిధిన్ శుభోదయమునన్ గావించి , యీ మార్గశీ...
ర్షమునందున్ హరినెంచి , భక్తి , ఘననిష్ఠన్ గొల్వగా నిత్యకృ...
త్యముగా భద్రముగల్గు నిశ్చయముగా , తద్భిన్నుడై మత్తుడై
రమణీ ! పాశురముల్ బఠించిన ధనుర్మాసమ్మునం బాపమౌ !
మైలవరపు మురళీకృష్ణ వెంకటగిరి
మైలవరపు వారి పూరణ ప్రశస్తంగా ఉన్నది. అభినందనలు.
తొలగించండిసమస్య:
రిప్లయితొలగించండిరమణి పాపమ్ము గద పాశురముల జదువ
( కలహకంఠి అయిన భార్యతో భర్త )
అత్తమామల కసలీయ వాదరమ్ము ;
సాత్వికమ్మైన నామాట సరకుగొనవు ;
అరచి కరచెడి గంపగయ్యాళి వైన
రమణి ! పాపమ్ము గద ! పాశురముల జదువ .
మీ పూరణ బాగున్నది. అభినందనలు.
తొలగించండి'కొనవు + అరచి' అన్నపుడు సంధి నిత్యం కదా? మీరు విసంధిగా వ్రాసారు. "సరకు గొనక। యరచి..." అంటే ఎలా ఉంటుంది?
చాలా బాగుంటుందండీ ! ధన్యవాదాలు .
తొలగించండినోరుపూసినదనిబాధ పడుచు పూజ
రిప్లయితొలగించండిసల్ప కడు కష్టపడుతుండెపర్వదినము
నొప్పి అవుతుండతెరిచెనునోరు స్వల్ప
రమణి! పాపమ్ము గద పాశురములఁ జదువ!
అశోక్ కుమార్ గారూ,
తొలగించండిమీ ప్రయత్నం ప్రశంసనీయం. మొదటి, రెండవ పాదాలలో యతి తప్పింది. సవరించండి.
ఆకలి వలన అలమటించగ సుతుడును
రిప్లయితొలగించండిరోగమొచ్చిన పెనిమిటిరోదనతన
కర్మ అంటుఅరుచుచున్నకరుచుచున్న
రమణి! పాపమ్ము గద పాశురములఁ జదువ!
మీ పూరణ బాగున్నది. కొన్ని సవరణలతో మీ పద్యం....
తొలగించండిఆకలి వలన సుతుడేమొ యలమటించ
రోగి యైనట్టి పెనిమిటి రోదన తన
కర్మ యనుచు నరుచుచున్న కరుచుచున్న
రమణి! పాపమ్ము గద పాశురములఁ జదువ!
ధన్యవాదాలు
తొలగించండిమార్గ శిరమున రంగని మందిర మును
రిప్లయితొలగించండిభక్తుల oదరు జేరియు శక్తి కొలది
మధుర గీతాలు పాడుట మతము గాగ
రమణి ! పాపమ్ము గద పాశురములు జదువ
ననుట దె ట్టు ల మంచి దౌ నవని యందు ?
మీ పూరణ బాగున్నది. అభినందనలు.
తొలగించండి'..ననుట యెట్టుల...' అనండి.
కమనీయంబగుభక్తితత్పరతనాకాంతామణీస్తోత్రముల్
రిప్లయితొలగించండిరమణుల్నిశ్చలభక్తిపాడెదరు ప్రారబ్ధాంతమై,మార్గశీ
ర్షమహోరామలపుణ్యమాసమటదోషంబెట్లగున్ ?పృథ్వి యే
*"రమణీ పాశురముల్ బఠించిన ధనుర్మాసమ్మునం బాపమౌ"*
మధురభక్తిప్రధానమ్ము మాధవార్తి
రిప్లయితొలగించండిభక్తినేపీఠమొనరించివ్రాసిపాడె
*రమణి!పాపమ్ముగదపాశురములజదువ*
సంశయాక్రాంతులైభక్తిశ్రద్ధలేక
మీ రెండు పూరణలు బాగున్నవి. అభినందనలు.
తొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2876
సమస్య :: రమణీ! పాశురముల్ బఠించిన ధనుర్మాసంబునన్ బాపమౌ.
*ఓ కన్యకామణీ! ఈ ధనుర్మాసంలో పాశురాలను చదివితే పాపం కలుగుతుంది* అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: ప్రతి సంవత్సరం హేమంత ఋతువులో వచ్చే మొదటి నెలను సౌరమానం ప్రకారం ధనుర్మాసమని, చాంద్రమానం ప్రకారం మార్గశిర మాసం అని పిలుస్తారు. ‘మృగశిర’ నక్షత్రంతో కూడిన పౌర్ణమి కారణంగా ఈ మాసానికి మార్గశిరమాసమని పేరు. మాసానాం మార్గశీర్షోఽహమ్ అని శ్రీకృష్ణ భగవానుడు చెప్పియున్నాడు. సూర్యుడు ధనూరాశి లోనికి మారడంతో ధనుర్మాసం మొదలౌతుంది.
శ్రీవిల్లిపుత్తూరులో విష్ణుభక్తుడైన విష్ణుచిత్తుల వారికి జన్మించిన ఆండాళ్లు గోదాదేవి శ్రీ రంగనాథుని తన శ్రీవారుగా భావించి, తాను తరించి తన తోటి వారిని కూడా తరింపజేయాలని అందఱినీ స్వామి సేవకోసం పిలుస్తూ చిత్తశుద్ధితో తిరుప్పావై పాశురాలను పఠించి పుణ్యమును పొందింది. ఎవరైనాసరే చిత్తశుద్ధితో కాకుండా క్షుద్రబుద్ధితో పఠిస్తే పాపం వస్తుంది అని ఒక రమణి మఱియొక రమణితో చెప్పే సందర్భం.
సుమతిన్ బొందుచు,జిత్తశుద్ధి గలుగన్ శోభిల్లుచున్, కృష్ణుపై
మమతన్ పాశురముల్ పఠించిన ధనుర్మాసంబునన్ పుణ్యమౌ;
సుమతిన్ వీడుచు, చిత్తశుద్ధి తొలగన్ క్షుద్రార్థముల్ గోరుచున్
రమణీ! పాశురముల్ బఠించిన ధనుర్మాసంబునన్ బాపమౌ.
కోట రాజశేఖర్ పడుగుపాడు నెల్లూరు, (16-12-2018)
మీ పూరణ ప్రశస్తంగా ఉన్నది. అభినందనలు.
తొలగించండిశ్రీ గురుభ్యో నమః
తొలగించండిడా.పిట్టా సత్యనారాయణ
రిప్లయితొలగించండిముదిత!పతి పాదముల మ్రొక్కు ముడుపు వీడి
గడప నున్న యాచకునికి పిడికె డిడవు
గోపికవె నీవు వరునితో గొడవ బడుచు
రమణి!పాపమ్ము గద పాశురముల జదువ?!
డా.పిట్టా సత్యనారాయణ
రిప్లయితొలగించండిరమణీయంబుగ కైతలల్లు ఘనుడా!రాద్ధాంతమే యేల నా
కమనీయంపు విముక్త ఛందములదౌ కావ్యమ్ము వ్రాసేవు నీ
శ్రమయే రిక్తము భార్య పాదములపై శ్రావ్యమ్ముగా బాడు నీ
"రమణీ పాశురముల్"బఠించిన ధనుర్మాసంబునన్ బాపమౌ
మీ రెండు పూరణలు బాగున్నవి. అభినందనలు.
తొలగించండిఘనముగా పూజలు గణపతికి జరుపు
రిప్లయితొలగించండిభాద్రపదమునందు, పదిదినముల
పండుగ దసరా, శుభముగ కొలుతురు గ
దుర్గమ్మ తల్లిని తోయ జాక్షు
లెల్లరు, దీపావళి ని జరుపు దురుగ
నమవస దినమందు నస్తి మాలి
నికొలుతు రెల్లరు నియమ నిష్టల తోడ
కార్తిక మాసాన ఘనము గాను
యెవరు బల్కెను నీతోడ శివము కాదు
రమణి, పాపమ్ము గద పాశురములఁ జదువ
యనెడు మాట తప్పు,చదువు కొనగ వచ్చు
నమ్మ యని తెల్పె ముదుసలి కొమ్మ తోడ
మీ పూరణ బాగున్నది. అభినందనలు.
తొలగించండి'ఘనముగాను + ఎవరు, ..జదువ + అనెడు' అన్నపుడు యడాగమం రాదు.
నిన్నటి ఆకాశవాణివారి సమస్య తెలుపవలసినది
రిప్లయితొలగించండిఈవారం ఆకాశవాణి సమస్య...
తొలగించండి"చారును దూరముంచిననె సాగును జీవిత మద్భుతంబుగా"
ఎంతభక్తురాలవయిననిప్పుడిచట
రిప్లయితొలగించండిరమణి! పాపమ్ముగదపాశురములజదువ
నిండుమనమునుగలుగుచునియమముగను
జదువవలయుబాశురములుశ్రధ్ధతోడ
మీ పూరణ బాగున్నది. అభినందనలు.
తొలగించండివినుము, నీ పుత్రుడను నన్ను విస్మరించ
రిప్లయితొలగించండివలదు గోద; నీదారిన వాసముంటి
గోష్ఠమునకేగ కొనిపొమ్ము, కొడుకు నొదలి
రమణి, పాపమ్ము గద పాశురములఁ జదువ
మీ పూరణ బాగున్నది. అభినందనలు.
తొలగించండి'ఒదిలి' అనరాదు. "కొడుకును విడి" అనండి.
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
కమనీయమ్మగు మాటలాడకను నో కామాక్షి! మీనాక్షి! నీ
మమకారమ్మును కోలుపోయి మదినిన్ మాత్సర్యమొప్పారగా
ధుముధామ్మంచును కోప తాపములతో ధూపమ్ము దీపమ్ముతో
రమణీ! పాశురముల్ బఠించిన ధనుర్మాసమ్మునం బాపమౌ!
మీ సరదా పూరణ బాగున్నది. అభినందనలు.
తొలగించండి'మాటలాడకయె' అనండి. ఆడక అన్నది కళ.
🙏
తొలగించండిశ్రీ రంగరంగనిచిత్తరంగవిదూషి గోదామతల్లికిగోకపసిడి
రిప్లయితొలగించండిఆళ్వారులాండాళులాలపించిన లీలలీలామనీషికిలాలిపాడి
వెలపోనికళరానివలువలుధరియించి బ్రహ్మవిద్యాధ్యాత్మవైభవమును
బాలలేలీలరసాలపాశురములమోక్షభిక్షుముముక్షుమోదమొసగు
ఇహపరాత్పరపూర్ణసాహిత్యనిధిని
హితవిహితమహితసుమతికిక్షురసము
నిచ్చిబలమిచ్చిరాయించెనీశుడవని
రమణి పాపమ్ముగద పాశురములజదువ
మీ పూరణ బాగున్నది. అభినందనలు.
తొలగించండిభోగ భాగ్యాలఁ గోరుచు బుడమి యందు
రిప్లయితొలగించండిమాధవుని మరచిన ధనుర్మాస మందు
రమణి! పాపమ్ముగద, పాశరములు జదువ
ముక్తి పథమంచు చెప్పిరే పూర్వజనులు.
మీ పూరణ బాగున్నది. అభినందనలు.
తొలగించండిక్రొవ్విడి వెంకట రాజారావు:
రిప్లయితొలగించండిగురువు గారికి నమస్కారములు. నిన్నటి పూరణతో బాటు నేటి పూరణ పంపుతున్నాను. దయతో పరిశీలించ గలరు.
15-12-2018:
మట్టగు గుణముల తోడను
పట్టుగ సంసారమెంచి పఱగుచు సతమున్
బిట్టు నసహ్యముతో ఛీ
కొట్టెడి పతి నిష్టపడరె కోమలులెల్లన్.
16-12-2018:
భక్తితత్పరతయె లేని బ్రాహ్మణుండు
సంప్రదాయము నెంచక సందడించి
స్పష్టమైన నుచ్ఛారణ సడల జేసి
రమణి! పాపమ్ము గద పాశురములు జదువ.
మీ రెండు పూరణలు బాగున్నవి. అభినందనలు.
తొలగించండిఅక్కట చరింతురు నరులు దక్కి జాలి
రిప్లయితొలగించండిమోయ లేక భారమును నారాయణ యని
ధావ కాంబర సంచయ ధర మహా ఖ
ర మణి, పాపమ్ము గద, పాశురములఁ జదువ
కమనీయమ్మగు రీతు లొప్పఁగను సత్కార్యాళి సంప్రీతినిన్
విమలాంతః కరణప్రభామహిమఁ దా వే సేయ నొప్పుం గదా
కుమ తీర్ష్యా దమ నైక చిత్తమున నాక్రోశించి నిత్యమ్మునున్
రమణీ పాశురముల్ పఠించిన ధనుర్మాసమ్మునం బాపమౌ
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిభ్రమరా చెప్పెద నొక్కమాట వినవే పాపమ్ములే తొల్గునే
రిప్లయితొలగించండిరమణీయమ్మగు శైలితో నుదయమే శ్రావ్యమ్ముగా నిత్యమున్
రమణీ! పాశురముల్ బఠించిన, ధనుర్మాసమ్మునం బాపమౌ
క్రమతన్ వీడి చరించినన్నిల యహంకారమ్మునే కల్గినన్.
రిప్లయితొలగించండిమార్గ శిరమున మాధవు మరచి మసల
రమణి !పాపము గద పాశురములు జదువ
సంతసించుచు నాహరి చింత దీర్చి
కోర్కె లెల్లయు దీర్చుతా కువలయమున