బాగ్దాదున పుట్టి పెరిగి దుగ్దలతో తెలుగు నేర్చి దుష్టపు బుద్ధిన్ వాగ్దానము చెల్లించగ వాగ్దేవినిఁ గొలుచువాఁడు వ్యర్థుఁడు జగతిన్
* నాలాగా :)
శాస్త్రి గారూ,మీ పూరణ బాగున్నది. అభినందనలు.ఇంతకీ ఆ 'వాగ్దానం' ఏమిటి?
మా రంగారావు బావగారిచ్చిన chalenge తీర్చుటకు...వారికి ఒక శతకం అంకితమిస్తానని ఐదేళ్ళ క్రితం. ఆ శతకం పేరు: "రంగరాయ వాస్తవ శతకం" ప్రచురణలో లేదు. ఇదు కాపీలు మాత్రమే ఉన్నాయి secret గా
పీడీయెఫ్ గా ప్రచురించండి కినెగె లో రంగరాయ శతకాన్ని :)జిలేబి
కంది వారు ఉవాచ:👇 "దీని ప్రతిని నాకు ఇవ్వను" అని మీరనడం అన్యాయం.... 😥"
బాగ్డా దున కవి గ వెలుగు వాగ్దేవి ని గొలుచు వాడు ;;వ్యర్ఠు డు జగతి న్వాగ్దేవి ని బూజిం ప క వాగ్డా న ము మరచు వాడు పర హితుడగు నా !
రాజేశ్వర రావు గారూ,విరుపుతో మీ పూరణ బాగున్నది. అభినందనలు. "బాగ్దాదున తెలుగు కవియె" అంటే బాగుంటుందేమో? ఉద్యోగార్థం వెళ్ళిన తెలుగు కవి...
మైలవరపు వారి పూరణ శ్రీ భారత్యై నమః 🙏వసంతపంచమీ శుభాకాంక్షలు 💐💐ద్రాగ్దివ్యామలభావపూర్ణరసపద్యశ్రేణి నిర్మించి , తద్వాగ్దామంబు త్వదీయపాదముల చెంతన్ జేర్చ నాకిమ్ము స్వ....ర్వాగ్దానంబని గోర యుక్తము., స్వలాభాపేక్షతో గోరుచున్వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్ !!మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
వాగ్దానమ్ముల గుప్పుచుముగ్దలనే మాయజేసి మూర్ఖత్వముతోదిగ్దంతుల సమమైననువాగ్దేవినిఁ గొలుచువాఁడు వ్యర్థుఁడు జగతిన్
జనార్దన రావు గారూ,మీ పూరణ బాగున్నది. అభినందనలు.
( కళాహృదయుడు - నిష్కళాహృదయుడు )స్నిగ్ధంబైన మహాయశంబు గొని సు శ్రీమంతుడే యౌనులే వాగ్దేవిన్ గడుభక్తి గొల్చు నరుడే ;వ్యర్థుండుపో యిద్ధరన్ దుగ్ధల్లేక విరక్తుడై కళలకే దూరుండునై శారదా దుగ్ధంబుల్ గడుపార గ్రోలని జటా ధూర్తుండు నెక్కాలమున్ .
జంధ్యాల వారూ,విరుపుతో మీ పూరణ అద్భుతంగా ఉన్నది. అభినందనలు.
ధన్యవాదాలండీ!
శంకరాభరణము నేటి సమస్య వాగ్దేవినిఁ గొలుచువాఁడు వ్యర్థుఁడు జగతిన్ఇచ్చిన పాదము కందము నా పూరణము సీసములో అంచతత్తడిచెలియ, చదువుతొయ్యలి నుడువులననబోడి నుడుగులచెలిపూత్కారి,పావకి,పొత్తువు,భారతి, చదువులజవరాలు, శాబ్ది ,వాణి చదువల మాతగా జగతిలో తెలుసు కొనుము, సతము శుభము నొందు నెపుడు నెమ్మితో వాగ్దేవినిఁ గొలుచు వాఁడు, వ్యర్థుఁడు జగతిన్ శంకరు సుతుడైనగణపతిని తొలుత కొలువక పనులన్నిమొదలు బెట్టు వాడెప్పుడు, మోదకములు బెట్టి భక్తితో పూజించ యెట్టి విఘ్న ములును పనులలోన సతము కలుగబోవు
పూసపాటి వారూ,మీ పూరణ బాగున్నది. అభినందనలు.'పూజించ నెట్టి' అనండి.
వాగ్దండమదేల జగతి వాగ్దత్తముగాదె కవుల పదముల్ పదవుల్వాగ్దలమొప్పునె యిటులనవాగ్దేవిని గొలుచువాడు వ్యర్థుడుజగతిన్?దుగ్దలతోవాగ్ధనులనుదగ్దయశోధనులుఘనులు దయలేకనరే వాగ్దత్తగంధమరయకవాగ్దేవిని గొలుచువాడు వ్యర్థుడు జగతిన్వాగ్దత్తంబీకావ్యమువాగ్దానమొనర్చువాణివరలన్వ్రాయన్ వాగ్దేవివిభుండీయక*"వాగ్దేవినిఁ గొలుచువాఁడు వ్యర్థుఁడు జగతిన్"* వాగ్దేవిన్బూజింపగవాగ్దానముజేసిరేమొ వరకవిమిత్రుల్వాగ్దత్తులిటు వచింతురె*"వాగ్దేవినిఁ గొలుచువాఁడు వ్యర్థుఁడు జగతిన్"*
శంకర్ గారూ,మీ మూడు పూరణలు బాగున్నవి. అభినందనలు.సూచనలేమైనా ఉంటే వాట్సప్ సమూహంలో చూడండి.
కందంస్నిగ్ధ వినిర్మల చిత్తముదుగ్దను వీడుచు కవితల తోషించఁగ సందిగ్దపు భావపరంపరవాగ్దేవినిఁ గొలుచువాఁడు వ్యర్థుఁడు జగతిన్
సహదేవుడు గారూ,మీ పూరణ బాగున్నది. అభినందనలు.
వాగ్ధారామృతనామపానమున దివ్యానందమున్బొందిశ్రీవాగ్దేవిన్భజియించిగీర్తిధనమున్ వాల్లభ్యమున్ బొందనా*"వాగ్దేవిన్ గడు భక్తిఁ గొల్చు నరుఁడే ;వ్యర్థుండు పో యిద్ధరన్"*వాగ్దత్తంబువినావృషంబగు భజింపన్మేలగున్వాణినిన్దగ్దోద్విగ్నులు పూర్ణభావుకులు విద్వాంసుండ్రునౌ హంసలాదుగ్ధాపంబులవేరొనర్చ హితమున్దోపించివర్ణించు శ్రీ*"వాగ్దేవిన్ గడు భక్తిఁ గొల్చు నరుఁడే ;వ్యర్థుండు పో యిద్ధరన్"*వాగ్దేవీయభయంబుదీవెనవినా, బ్రహ్మార్థమున్బొందునేవాగ్దేవీగృపగ్రోలియాదికవిగావాల్మీకిగాబోయడేవాగ్దేవీదయ కాళిదాసు ఘనుడై వర్ధిల్లె వాగ్ధారలావాగ్దేవీశుభశోభనాంశలగుభావాకాశమున్జూడకే*"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్"*
శంకర్ గారూ,మీ మూడు పూరణలు బాగున్నవి. అభినందనలు.సూచన లేమైనా ఉంటే వాట్సప్ సమూహంలో చూడండి.
వాగ్ధేవియు నాశీశ్శులెముగ్ధులగావించుకవిత ముసరగజేయున్దుగ్ధమనోభావనచేవాగ్ధేవిని గొలుచువాడు వ్యర్థుడుజగతిన్
ఈశ్వరప్ప గారూ,మీ పూరణ బాగున్నది. అభినందనలు.'వాగ్దేవి శుభాశీస్సులె' అనండి.
దుగ్ధంబుల్ సకలకళాదోగ్ధాళికి చెన్నుమీర తుష్టినిగూర్చన్ వాగ్దేవీ వీక్షణ లెటువాగ్దేవిని గొల్చువాడు వ్యర్ధుడు జగతిన్ ?
రెండవ పాదములో దోగ్ధాళికి పుష్టినిచ్చి తుష్టిని గూర్చన్ గా చదువ ప్రార్ధన!
సీతాదేవి గారూ,మీ పూరణ బాగున్నది. అభినందనలు.
ధన్యవాదములు గురుదేవా,నమస్సులు!
మిత్రులందఱకు వసంత పంచమి పర్వదిన శుభాకాంక్షలు!"వాగ్దేవి జ్ఞాన మొసఁగును;వాగ్దేవి కవిత్వ తత్త్వ ప్రాభవ మొసఁగున్;వాగ్దేవి సర్వ! మెటులగువాగ్దేవినిఁ గొలుచువాఁడు వ్యర్థుఁడు జగతిన్?"
మధుసూదన్ గారూ,మీ పూరణ ప్రశస్తంగా ఉన్నది. అభినందనలు.
ధన్యవాదాలండీ శంకరయ్య గారూ!
దిగ్దంతియగు జిలేబీవాగ్దేవినిఁ గొలుచువాఁడు, వ్యర్థుఁడు జగతిన్దుగ్దను నొందును గొల్వకవాగ్దేవతను, వినుమా నివారణ గనుమా !జిలేబి
జిలేబి గారూ,మీ పూరణ బాగున్నది. అభినందనలు.'
వాగ్దేవి కృపను సృష్టియువాగ్దేవి కృపను స్థితి లయ వర్తిల్లును నావాగ్దేవి విభవమెరుగకవాగ్దేవినిఁ గొలుచువాఁడు వ్యర్థుఁడు జగతిన్
బాలకృష్ణ గారూ,మీ పూరణ బాగున్నది. అభినందనలు.
దిగ్దంతపు సములేయగువాగ్దేవినిగొలుచు వాడు, వ్యర్ధుడు జగతిన్ వాగ్దేవికరుణరహితుడువాగ్దేవియెయిచ్చుమనకు పరమపదంబున్
సుబ్బారావు గారూ,మీ పూరణ బాగున్నది. అభినందనలు.
వాగ్దానంబిదియే జిలేబి వినుమా వాగఱ్ఱ నాడించుచున్దిగ్దంతిన్ తలపించు రీతి పదముల్ ధీమంతుడై వేయునావాగ్దేవిన్ గడు భక్తిఁ గొల్చు నరుఁడే, వ్యర్థుండు పో యిద్ధరన్దుగ్దన్గాను సరస్వతిన్ తలవకన్ ధూర్తుండుగా బోవగా!జిలేబి
జిలేబి గారూ,మీ పూరణ బాగున్నది. అభినందనలు.
వాగ్దోష నరులకుం గ్రతుభుగ్దయ లేల కలుగును విపుల నెన్నఁడు సమ్యగ్దృష్టి వహించక యే వాగ్దేవినిఁ గొలుచువాఁడు వ్యర్థుఁడు జగతిన్ రుగ్దీనత్వము వొందు సంతతము నారోగ్యక్షయా తప్తుఁడైదృగ్దోషాత్త విచార మానసుఁడు సందేహమ్ము లే దేరికిం బ్రాగ్దిగ్ద్వేష కవిత్వ సంపదకు శాపధ్యేయ చిత్తుండునై వాగ్దేవిం గడు భక్తిఁ గొల్చు నరుఁడే వ్యర్థుండు పో యిద్ధరన్
కామేశ్వర రావు గారూ,మీ రెండు పూరణలు ఉత్తమంగా ఉన్నవి. అభినందనలు.
పూజ్యులు శంకరయ్య గారికి ధన్యవా దాభివందనములు.
వసంత పంచమి సందర్భంగా శారదా మాతకు మరియు మీకును నమస్సులు.వాగ్ధానంబుల కొరకున్వాగ్దేవిని గొలుచు వాడు వ్యర్థుడు జగతిన్స్నిగ్ధాoబర వీధిన ననువాగ్దేవి కరుణ నొసగెను వరములు నీయన్.
వెంకట నారాయణ రావు గారూ,మీ పూరణ బాగున్నది. అభినందనలు.
ఆటవిడుపు సరదా పూరణ: (జిలేబి గారికి అంకితం) దుగ్దల్ మీరగ రాజకీయ యువకుల్ దుర్భాగ్యులై పోరుచున్వాగ్దానమ్ములు నమ్మి నేతలవి భల్ వాచారులై వాగుచున్దగ్దగ్ మంచును ప్రింటుజేయ తెలుగున్ తప్పొప్పు ఫ్లెక్సీలనున్...దిగ్దంతిన్ భళివోలు శంకరులుహా! తిట్టుల్ను లంకించిరే:👇"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్!"
ప్రభాకర శాస్త్రి గారూ,మీ పూరణ బాగున్నది. అభినందనలు.
🙏
వాగ్ధారనంద నెంచుచువాగ్దేవినిఁ గొలుచువాఁడు, వ్యర్థుఁడు జగతిన్"* ముగ్ధలవంచన జేయుచు దగ్ధంబొనరింపనెంచు త్రాష్టుండెపుడున్.వాగ్దానములను చేయుచువాగ్దేవి నితోడు బెట్టి వసుమతి యందున్వాగ్దానముభంగపరచివాగ్దేవిని గొలుచు వాడు వ్యర్థుడు జగతిన్.
ఉమాదేవి గారూ,మీ రెండు పూరణలు బాగున్నవి. అభినందనలు. "వాగ్ధార నంద నెంచును" అనండి.
గురుదేవులకు మరియు కవిమిత్రులకందరకూ వసంతపంచమి పర్వదిన శుభాకాంక్షలు .శార్దూలవిక్రీడితముదుగ్దమ్ముల్ మదిఁ దల్లి తండ్రి గొనుచున్ తోషమ్ము సంతందెడున్ముగ్ధత్వమ్మున పట్టణంబు బనుపన్ మోదాన విద్యార్జనాస్నిగ్ధత్వమ్మున నిష్టవీడి చదువున్ నిర్లక్ష్యమే జేయుచున్వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్
స్నిగ్ధమగు రూపము కలిగిదగ్ధము చేయునవివేక తమస్సునున్ ఆ ముగ్ధ అనుభక్తి లేకయె వాగ్ధేవిని గొలుచువాడు వ్యర్ధుడు జగతిన్అఙాన, అవివేక చీకటిని దగ్ధం చేసే దైవం అన్న భక్తి లేకుండా యాంత్రికంగా సరస్వతీ దేవిని కొలిచేవాడు వేస్ట్ ఫెలో
నిన్న చేసిన గణ దోషం ఇక్కడ కూడా జరిగింది రెండవ పాదంలో నాలుగవ గణం జగణం అయింది.
కృష్ణారెడ్డి గారూ,మీ పూరణ బాగున్నది. అభినందనలు.రెండవ పాదాన్ని "దగ్ధము చేయు నవివేక తమమున బడి యా..." అనండి.
ధన్యోస్మి.
ముగ్ధను గనుగొని మదిలో దగ్ధమగుచు ననవరతము, తరుణిన్ గొన సందిగ్ధ మగు కోర్కె కొరకై వాగ్దేవినిఁ గొలుచువాఁడు వ్యర్థుఁడు జగతిన్
అన్నపరెడ్డి వారూ,మీ పూరణ బాగున్నది. అభినందనలు.
వాగ్దుగ్ధంబిడె నుగ్గుపాలనగ భావాకాశరంగస్థలిన్వాగ్దానంబిడెప్రాణకోటికిని భవ్యాభ్యున్నతీభాగ్యమున్దోగ్ధాధ్యాత్మిక ధూంక్ష్ణశంఖువగువిధ్యుక్తోక్తినర్చింప,నే*"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్"*
దగ్దంబౌ జడచేతనాస్ఫురణ మేథాశక్తి సచ్ఛక్తియైవాగ్దేవీగృప జ్ఞానప్రాణతను సత్త్వార్థక్రియాశక్తులున్దుగ్దన్ ద్రెంచ విచక్షణాక్షి యవధూతుండాతడౌ,భిన్నమై*"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్"*
శంకర్ గారూ,మీ రెండు పూరణలు ప్రశస్తంగా ఉన్నవి. అభినందనలు.
దుగ్ధంబిచ్చుచు తల్లి నేర్ప కరమౌతోషమ్ముతో విద్య సందిగ్ధమ్ముల్ జనియించవెప్డు మదిలో గీర్దేవి నెయ్యమ్ముతో వాగ్దానమ్ముల చేయుచున్ సతతమున్ పైకమ్ముకై, ధూర్తుడైవాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్
అన్నపరెడ్డి వారూ,మీ పూరణ ప్రశస్తంగా ఉన్నది. అభినందనలు.
వాగ్దేవికిష్టుడౌగద"వాగ్దేవినిఁ గొలుచువాఁడు, వ్యర్థుఁడు జగతిన్"వాగ్దేవికి దూరమయినవాగ్దానము దీర్చలేక వగచునుసుమ్మీ!!
గంగాప్రసాద్ గారూ,మీ పూరణ బాగున్నది. అభినందనలు.
దుగ్ధము గోవున గైకొనుస్నిగ్ధపు వ్యాపార విధిగ నెరపిన మేలౌదుగ్ధన బడి సిరుల కొరకువాగ్దేవినిఁ గొలుచువాఁడు వ్యర్థుఁడు జగతిన్(విద్యను నేర్పుట వాగ్దేవి పూజయేనని భావించి...)
రాకుమార గారూ,మీ పూరణ బాగున్నది. అభినందనలు.
డా.పిట్టా సత్యనారాయణవాగ్దయనిచ్చిన ఫలమే?(సోక్॥దయ)సోగ్దయ గానంగ జాలు సోమరికైనన్వాగ్దత్తుడు ధనిభజనకువాగ్దేవిని గొలుచువాడు వ్యర్థుడు జగతిన్
డా.పిట్టా సత్యనారాయణవాగ్దేవిన్ గని జాషువా మిడుకడే వర్గంపు ద్వేషంబునన్వాగ్దానమ్ముల వమ్ము జేసి ప్రభువుల్ వడ్డించిరే తోషమున్(తృఠప్తిని)?దిగ్దేశంబుల నెప్పుడెక్కడను నీ దీనత్వమే జ్ఞానికిన్వాగ్దేవిన్ గడు భక్తి గొల్చు నరుడే వ్యర్థుండు పో యిద్ధరిన్
డా. పిట్టా వారూ,మీ రెండు పూరణలు బాగున్నవి. అభినందనలు.'సోగ్దయ' ?
శుక్రవారం నాటి సమస్యకు నా పూరణ శనివారం నాడు పోస్ట్ చేశాను గురువు గారు.స్వర్గ లోకము చేరిన ఇంద్ర తనయుగాంచి ఆహ్వానము పలికిన ఇన సుతుని చూసి అగ్రజుడని ఎరిగి ముదము పొందుఅర్జుననకాప్త మిత్రుడౌ నంగరాజు
కృష్ణారెడ్డి గారూ,మీ ప్రయత్నం ప్రశంసనీయం.మూడు పాదాలలో యతి తప్పింది. మూడవ పాదంలో గణదోషం. నా సవరణ....స్వర్గలోకము జేరిన పాండుతనయుగాంచి యాహ్వానము పలుకగ నినసుతునిచూచి యగ్రజుగ నెఱింగి చొక్కునట్టియర్జునున కాప్తమిత్రుడౌ నంగరాజు.
ఇది నా మొదటి ప్రయత్నం. ఈసారి తప్పులు దొర్లకుండా జాగ్రత్త పడతాను.
డా.పిట్టా సత్యనారాయణకష్టుడు "దైవము సుమ!"యన,దుష్టుడు,"నా దైవమొకడు దూకుడు జూపున్"భ్రష్టున కందెను మొదలేదుష్టులకే దైవ మెపుడు దోడ్పడుచుండున్
డా.పిట్టా సత్యనారాయణస్పష్టమె దైవ లీలలెటు సాగునొ నెంచ తరంబె మేదినిన్నిష్టము గానివాని నిటనే పరికించియు దుష్టుడే యనన్గష్టము లోన గ్రుంగినను కావడదేమని గుందుటేలకోదుష్టులకే పరాత్పరుడు దోడ్పడుచుండును ధర్మ రక్షకై
డా. పిట్టా వారూ,మీ రెండు పూరణలు బాగున్నవి. అభినందనలు.
దగ్ధంబౌ విజ్ఞతనుచు"వాగ్దేవినిఁ గొలుచువాఁడు వ్యర్థుఁడు జగతిన్"ముగ్ధత దూరంబౌననివాగ్దేవిని నమ్మి గొల్వ వశమౌ యశమే
బాగ్దాదున పుట్టి పెరిగి
రిప్లయితొలగించండిదుగ్దలతో తెలుగు నేర్చి దుష్టపు బుద్ధిన్
వాగ్దానము చెల్లించగ
వాగ్దేవినిఁ గొలుచువాఁడు వ్యర్థుఁడు జగతిన్
* నాలాగా :)
తొలగించండిశాస్త్రి గారూ,
తొలగించండిమీ పూరణ బాగున్నది. అభినందనలు.
ఇంతకీ ఆ 'వాగ్దానం' ఏమిటి?
మా రంగారావు బావగారిచ్చిన chalenge తీర్చుటకు...వారికి ఒక శతకం అంకితమిస్తానని ఐదేళ్ళ క్రితం. ఆ శతకం పేరు:
తొలగించండి"రంగరాయ వాస్తవ శతకం"
ప్రచురణలో లేదు. ఇదు కాపీలు మాత్రమే ఉన్నాయి secret గా
తొలగించండిపీడీయెఫ్ గా ప్రచురించండి కినెగె లో
రంగరాయ శతకాన్ని :)
జిలేబి
కంది వారు ఉవాచ:👇
తొలగించండి"దీని ప్రతిని నాకు ఇవ్వను" అని మీరనడం అన్యాయం.... 😥"
బాగ్డా దున కవి గ వెలుగు
రిప్లయితొలగించండివాగ్దేవి ని గొలుచు వాడు ;;వ్యర్ఠు డు జగతి న్
వాగ్దేవి ని బూజిం ప క
వాగ్డా న ము మరచు వాడు పర హితుడగు నా !
రాజేశ్వర రావు గారూ,
తొలగించండివిరుపుతో మీ పూరణ బాగున్నది. అభినందనలు.
"బాగ్దాదున తెలుగు కవియె" అంటే బాగుంటుందేమో? ఉద్యోగార్థం వెళ్ళిన తెలుగు కవి...
మైలవరపు వారి పూరణ
రిప్లయితొలగించండిశ్రీ భారత్యై నమః 🙏
వసంతపంచమీ శుభాకాంక్షలు 💐💐
ద్రాగ్దివ్యామలభావపూర్ణరసపద్యశ్రేణి నిర్మించి , త
ద్వాగ్దామంబు త్వదీయపాదముల చెంతన్ జేర్చ నాకిమ్ము స్వ....
ర్వాగ్దానంబని గోర యుక్తము., స్వలాభాపేక్షతో గోరుచున్
వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్ !!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండివాగ్దానమ్ముల గుప్పుచు
రిప్లయితొలగించండిముగ్దలనే మాయజేసి మూర్ఖత్వముతో
దిగ్దంతుల సమమైనను
వాగ్దేవినిఁ గొలుచువాఁడు వ్యర్థుఁడు జగతిన్
జనార్దన రావు గారూ,
తొలగించండిమీ పూరణ బాగున్నది. అభినందనలు.
( కళాహృదయుడు - నిష్కళాహృదయుడు )
రిప్లయితొలగించండిస్నిగ్ధంబైన మహాయశంబు గొని సు
శ్రీమంతుడే యౌనులే
వాగ్దేవిన్ గడుభక్తి గొల్చు నరుడే ;
వ్యర్థుండుపో యిద్ధరన్
దుగ్ధల్లేక విరక్తుడై కళలకే
దూరుండునై శారదా
దుగ్ధంబుల్ గడుపార గ్రోలని జటా
ధూర్తుండు నెక్కాలమున్ .
జంధ్యాల వారూ,
తొలగించండివిరుపుతో మీ పూరణ అద్భుతంగా ఉన్నది. అభినందనలు.
ధన్యవాదాలండీ!
తొలగించండిశంకరాభరణము నేటి సమస్య
రిప్లయితొలగించండివాగ్దేవినిఁ గొలుచువాఁడు వ్యర్థుఁడు జగతిన్
ఇచ్చిన పాదము కందము నా పూరణము సీసములో
అంచతత్తడిచెలియ, చదువుతొయ్యలి నుడువులననబోడి నుడుగులచెలి
పూత్కారి,పావకి,పొత్తువు,భారతి, చదువులజవరాలు, శాబ్ది ,వాణి
చదువల మాతగా జగతిలో తెలుసు కొనుము, సతము శుభము నొందు నెపుడు
నెమ్మితో వాగ్దేవినిఁ గొలుచు వాఁడు, వ్యర్థుఁడు జగతిన్ శంకరు సుతుడైన
గణపతిని తొలుత కొలువక పనులన్ని
మొదలు బెట్టు వాడెప్పుడు, మోదకములు
బెట్టి భక్తితో పూజించ యెట్టి విఘ్న
ములును పనులలోన సతము కలుగబోవు
పూసపాటి వారూ,
తొలగించండిమీ పూరణ బాగున్నది. అభినందనలు.
'పూజించ నెట్టి' అనండి.
వాగ్దండమదేల జగతి
రిప్లయితొలగించండివాగ్దత్తముగాదె కవుల పదముల్ పదవుల్
వాగ్దలమొప్పునె యిటులన
వాగ్దేవిని గొలుచువాడు వ్యర్థుడుజగతిన్?
దుగ్దలతోవాగ్ధనులను
దగ్దయశోధనులుఘనులు దయలేకనరే
వాగ్దత్తగంధమరయక
వాగ్దేవిని గొలుచువాడు వ్యర్థుడు జగతిన్
వాగ్దత్తంబీకావ్యము
వాగ్దానమొనర్చువాణివరలన్వ్రాయన్
వాగ్దేవివిభుండీయక
*"వాగ్దేవినిఁ గొలుచువాఁడు వ్యర్థుఁడు జగతిన్"*
వాగ్దేవిన్బూజింపగ
వాగ్దానముజేసిరేమొ వరకవిమిత్రుల్
వాగ్దత్తులిటు వచింతురె
*"వాగ్దేవినిఁ గొలుచువాఁడు వ్యర్థుఁడు జగతిన్"*
శంకర్ గారూ,
తొలగించండిమీ మూడు పూరణలు బాగున్నవి. అభినందనలు.
సూచనలేమైనా ఉంటే వాట్సప్ సమూహంలో చూడండి.
కందం
రిప్లయితొలగించండిస్నిగ్ధ వినిర్మల చిత్తము
దుగ్దను వీడుచు కవితల తోషించఁగ సం
దిగ్దపు భావపరంపర
వాగ్దేవినిఁ గొలుచువాఁడు వ్యర్థుఁడు జగతిన్
సహదేవుడు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండివాగ్ధారామృతనామపానమున దివ్యానందమున్బొందిశ్రీ
వాగ్దేవిన్భజియించిగీర్తిధనమున్ వాల్లభ్యమున్ బొందనా
*"వాగ్దేవిన్ గడు భక్తిఁ గొల్చు నరుఁడే ;వ్యర్థుండు పో యిద్ధరన్"*
వాగ్దత్తంబువినావృషంబగు భజింపన్మేలగున్వాణినిన్
దగ్దోద్విగ్నులు పూర్ణభావుకులు విద్వాంసుండ్రునౌ హంసలా
దుగ్ధాపంబులవేరొనర్చ హితమున్దోపించివర్ణించు శ్రీ
*"వాగ్దేవిన్ గడు భక్తిఁ గొల్చు నరుఁడే ;వ్యర్థుండు పో యిద్ధరన్"*
వాగ్దేవీయభయంబుదీవెనవినా, బ్రహ్మార్థమున్బొందునే
వాగ్దేవీగృపగ్రోలియాదికవిగావాల్మీకిగాబోయడే
వాగ్దేవీదయ కాళిదాసు ఘనుడై వర్ధిల్లె వాగ్ధారలా
వాగ్దేవీశుభశోభనాంశలగుభావాకాశమున్జూడకే
*"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్"*
శంకర్ గారూ,
తొలగించండిమీ మూడు పూరణలు బాగున్నవి. అభినందనలు.
సూచన లేమైనా ఉంటే వాట్సప్ సమూహంలో చూడండి.
వాగ్ధేవియు నాశీశ్శులె
రిప్లయితొలగించండిముగ్ధులగావించుకవిత ముసరగజేయున్
దుగ్ధమనోభావనచే
వాగ్ధేవిని గొలుచువాడు వ్యర్థుడుజగతిన్
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
'వాగ్దేవి శుభాశీస్సులె' అనండి.
దుగ్ధంబుల్ సకలకళా
రిప్లయితొలగించండిదోగ్ధాళికి చెన్నుమీర తుష్టినిగూర్చన్
వాగ్దేవీ వీక్షణ లెటు
వాగ్దేవిని గొల్చువాడు వ్యర్ధుడు జగతిన్ ?
రెండవ పాదములో
తొలగించండిదోగ్ధాళికి పుష్టినిచ్చి తుష్టిని గూర్చన్ గా చదువ ప్రార్ధన!
సీతాదేవి గారూ,
తొలగించండిమీ పూరణ బాగున్నది. అభినందనలు.
ధన్యవాదములు గురుదేవా,నమస్సులు!
తొలగించండిమిత్రులందఱకు వసంత పంచమి పర్వదిన శుభాకాంక్షలు!
రిప్లయితొలగించండి"వాగ్దేవి జ్ఞాన మొసఁగును;
వాగ్దేవి కవిత్వ తత్త్వ ప్రాభవ మొసఁగున్;
వాగ్దేవి సర్వ! మెటులగు
వాగ్దేవినిఁ గొలుచువాఁడు వ్యర్థుఁడు జగతిన్?"
మధుసూదన్ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
ధన్యవాదాలండీ శంకరయ్య గారూ!
తొలగించండి
రిప్లయితొలగించండిదిగ్దంతియగు జిలేబీ
వాగ్దేవినిఁ గొలుచువాఁడు, వ్యర్థుఁడు జగతిన్
దుగ్దను నొందును గొల్వక
వాగ్దేవతను, వినుమా నివారణ గనుమా !
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
'
వాగ్దేవి కృపను సృష్టియు
రిప్లయితొలగించండివాగ్దేవి కృపను స్థితి లయ వర్తిల్లును నా
వాగ్దేవి విభవమెరుగక
వాగ్దేవినిఁ గొలుచువాఁడు వ్యర్థుఁడు జగతిన్
బాలకృష్ణ గారూ,
తొలగించండిమీ పూరణ బాగున్నది. అభినందనలు.
దిగ్దంతపు సములేయగు
రిప్లయితొలగించండివాగ్దేవినిగొలుచు వాడు, వ్యర్ధుడు జగతిన్
వాగ్దేవికరుణరహితుడు
వాగ్దేవియెయిచ్చుమనకు పరమపదంబున్
సుబ్బారావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండివాగ్దానంబిదియే జిలేబి వినుమా వాగఱ్ఱ నాడించుచున్
దిగ్దంతిన్ తలపించు రీతి పదముల్ ధీమంతుడై వేయునా
వాగ్దేవిన్ గడు భక్తిఁ గొల్చు నరుఁడే, వ్యర్థుండు పో యిద్ధరన్
దుగ్దన్గాను సరస్వతిన్ తలవకన్ ధూర్తుండుగా బోవగా!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
వాగ్దోష నరులకుం గ్రతు
రిప్లయితొలగించండిభుగ్దయ లేల కలుగును విపుల నెన్నఁడు స
మ్యగ్దృష్టి వహించక యే
వాగ్దేవినిఁ గొలుచువాఁడు వ్యర్థుఁడు జగతిన్
రుగ్దీనత్వము వొందు సంతతము నారోగ్యక్షయా తప్తుఁడై
దృగ్దోషాత్త విచార మానసుఁడు సందేహమ్ము లే దేరికిం
బ్రాగ్దిగ్ద్వేష కవిత్వ సంపదకు శాపధ్యేయ చిత్తుండునై
వాగ్దేవిం గడు భక్తిఁ గొల్చు నరుఁడే వ్యర్థుండు పో యిద్ధరన్
కామేశ్వర రావు గారూ,
తొలగించండిమీ రెండు పూరణలు ఉత్తమంగా ఉన్నవి. అభినందనలు.
పూజ్యులు శంకరయ్య గారికి ధన్యవా దాభివందనములు.
తొలగించండివసంత పంచమి సందర్భంగా శారదా మాతకు మరియు మీకును నమస్సులు.
రిప్లయితొలగించండివాగ్ధానంబుల కొరకున్
వాగ్దేవిని గొలుచు వాడు వ్యర్థుడు జగతిన్
స్నిగ్ధాoబర వీధిన నను
వాగ్దేవి కరుణ నొసగెను వరములు నీయన్.
వెంకట నారాయణ రావు గారూ,
తొలగించండిమీ పూరణ బాగున్నది. అభినందనలు.
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
దుగ్దల్ మీరగ రాజకీయ యువకుల్ దుర్భాగ్యులై పోరుచున్
వాగ్దానమ్ములు నమ్మి నేతలవి భల్ వాచారులై వాగుచున్
దగ్దగ్ మంచును ప్రింటుజేయ తెలుగున్ తప్పొప్పు ఫ్లెక్సీలనున్...
దిగ్దంతిన్ భళివోలు శంకరులుహా! తిట్టుల్ను లంకించిరే:👇
"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్!"
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
🙏
తొలగించండివాగ్ధారనంద నెంచుచు
రిప్లయితొలగించండివాగ్దేవినిఁ గొలుచువాఁడు, వ్యర్థుఁడు జగతిన్"*
ముగ్ధలవంచన జేయుచు
దగ్ధంబొనరింపనెంచు త్రాష్టుండెపుడున్.
వాగ్దానములను చేయుచు
వాగ్దేవి నితోడు బెట్టి వసుమతి యందున్
వాగ్దానముభంగపరచి
వాగ్దేవిని గొలుచు వాడు వ్యర్థుడు జగతిన్.
ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
"వాగ్ధార నంద నెంచును" అనండి.
గురుదేవులకు మరియు కవిమిత్రులకందరకూ వసంతపంచమి పర్వదిన శుభాకాంక్షలు .
రిప్లయితొలగించండిశార్దూలవిక్రీడితము
దుగ్దమ్ముల్ మదిఁ దల్లి తండ్రి గొనుచున్ తోషమ్ము సంతందెడున్
ముగ్ధత్వమ్మున పట్టణంబు బనుపన్ మోదాన విద్యార్జనా
స్నిగ్ధత్వమ్మున నిష్టవీడి చదువున్ నిర్లక్ష్యమే జేయుచున్
వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్
సహదేవుడు గారూ,
తొలగించండిమీ పూరణ బాగున్నది. అభినందనలు.
స్నిగ్ధమగు రూపము కలిగి
రిప్లయితొలగించండిదగ్ధము చేయునవివేక తమస్సునున్ ఆ
ముగ్ధ అనుభక్తి లేకయె
వాగ్ధేవిని గొలుచువాడు వ్యర్ధుడు జగతిన్
అఙాన, అవివేక చీకటిని దగ్ధం చేసే దైవం అన్న భక్తి లేకుండా యాంత్రికంగా సరస్వతీ దేవిని కొలిచేవాడు వేస్ట్ ఫెలో
నిన్న చేసిన గణ దోషం ఇక్కడ కూడా జరిగింది రెండవ పాదంలో నాలుగవ గణం జగణం అయింది.
తొలగించండికృష్ణారెడ్డి గారూ,
తొలగించండిమీ పూరణ బాగున్నది. అభినందనలు.
రెండవ పాదాన్ని "దగ్ధము చేయు నవివేక తమమున బడి యా..." అనండి.
ధన్యోస్మి.
తొలగించండిముగ్ధను గనుగొని మదిలో
రిప్లయితొలగించండిదగ్ధమగుచు ననవరతము, తరుణిన్ గొన సం
దిగ్ధ మగు కోర్కె కొరకై
వాగ్దేవినిఁ గొలుచువాఁడు వ్యర్థుఁడు జగతిన్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
వాగ్దుగ్ధంబిడె నుగ్గుపాలనగ భావాకాశరంగస్థలిన్
రిప్లయితొలగించండివాగ్దానంబిడెప్రాణకోటికిని భవ్యాభ్యున్నతీభాగ్యమున్
దోగ్ధాధ్యాత్మిక ధూంక్ష్ణశంఖువగు
విధ్యుక్తోక్తినర్చింప,నే
*"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్"*
దగ్దంబౌ జడచేతనాస్ఫురణ మేథాశక్తి సచ్ఛక్తియై
రిప్లయితొలగించండివాగ్దేవీగృప జ్ఞానప్రాణతను సత్త్వార్థక్రియాశక్తులున్
దుగ్దన్ ద్రెంచ విచక్షణాక్షి యవధూతుండాతడౌ,భిన్నమై
*"వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్"*
శంకర్ గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
దుగ్ధంబిచ్చుచు తల్లి నేర్ప కరమౌతోషమ్ముతో విద్య సం
రిప్లయితొలగించండిదిగ్ధమ్ముల్ జనియించవెప్డు మదిలో గీర్దేవి నెయ్యమ్ముతో
వాగ్దానమ్ముల చేయుచున్ సతతమున్ పైకమ్ముకై, ధూర్తుడై
వాగ్దేవిన్ గడు భక్తిఁ గొల్చు నరుఁడే వ్యర్థుండు పో యిద్ధరన్
అన్నపరెడ్డి వారూ,
తొలగించండిమీ పూరణ ప్రశస్తంగా ఉన్నది. అభినందనలు.
వాగ్దేవికిష్టుడౌగద
రిప్లయితొలగించండి"వాగ్దేవినిఁ గొలుచువాఁడు, వ్యర్థుఁడు జగతిన్"
వాగ్దేవికి దూరమయిన
వాగ్దానము దీర్చలేక వగచునుసుమ్మీ!!
గంగాప్రసాద్ గారూ,
తొలగించండిమీ పూరణ బాగున్నది. అభినందనలు.
దుగ్ధము గోవున గైకొను
రిప్లయితొలగించండిస్నిగ్ధపు వ్యాపార విధిగ నెరపిన మేలౌ
దుగ్ధన బడి సిరుల కొరకు
వాగ్దేవినిఁ గొలుచువాఁడు వ్యర్థుఁడు జగతిన్
(విద్యను నేర్పుట వాగ్దేవి పూజయేనని భావించి...)
రాకుమార గారూ,
రిప్లయితొలగించండిమీ పూరణ బాగున్నది. అభినందనలు.
డా.పిట్టా సత్యనారాయణ
రిప్లయితొలగించండివాగ్దయనిచ్చిన ఫలమే?
(సోక్॥దయ)సోగ్దయ గానంగ జాలు సోమరికైనన్
వాగ్దత్తుడు ధనిభజనకు
వాగ్దేవిని గొలుచువాడు వ్యర్థుడు జగతిన్
డా.పిట్టా సత్యనారాయణ
రిప్లయితొలగించండివాగ్దేవిన్ గని జాషువా మిడుకడే వర్గంపు ద్వేషంబునన్
వాగ్దానమ్ముల వమ్ము జేసి ప్రభువుల్ వడ్డించిరే తోషమున్(తృఠప్తిని)?
దిగ్దేశంబుల నెప్పుడెక్కడను నీ దీనత్వమే జ్ఞానికిన్
వాగ్దేవిన్ గడు భక్తి గొల్చు నరుడే వ్యర్థుండు పో యిద్ధరిన్
డా. పిట్టా వారూ,
తొలగించండిమీ రెండు పూరణలు బాగున్నవి. అభినందనలు.
'సోగ్దయ' ?
శుక్రవారం నాటి సమస్యకు నా పూరణ శనివారం నాడు పోస్ట్ చేశాను గురువు గారు.
రిప్లయితొలగించండిస్వర్గ లోకము చేరిన ఇంద్ర తనయు
గాంచి ఆహ్వానము పలికిన ఇన సుతుని
చూసి అగ్రజుడని ఎరిగి ముదము పొందు
అర్జుననకాప్త మిత్రుడౌ నంగరాజు
కృష్ణారెడ్డి గారూ,
తొలగించండిమీ ప్రయత్నం ప్రశంసనీయం.
మూడు పాదాలలో యతి తప్పింది. మూడవ పాదంలో గణదోషం. నా సవరణ....
స్వర్గలోకము జేరిన పాండుతనయు
గాంచి యాహ్వానము పలుకగ నినసుతుని
చూచి యగ్రజుగ నెఱింగి చొక్కునట్టి
యర్జునున కాప్తమిత్రుడౌ నంగరాజు.
ఇది నా మొదటి ప్రయత్నం. ఈసారి తప్పులు దొర్లకుండా జాగ్రత్త పడతాను.
తొలగించండిడా.పిట్టా సత్యనారాయణ
రిప్లయితొలగించండికష్టుడు "దైవము సుమ!"యన,
దుష్టుడు,"నా దైవమొకడు దూకుడు జూపున్"
భ్రష్టున కందెను మొదలే
దుష్టులకే దైవ మెపుడు దోడ్పడుచుండున్
డా.పిట్టా సత్యనారాయణ
రిప్లయితొలగించండిస్పష్టమె దైవ లీలలెటు సాగునొ నెంచ తరంబె మేదిని
న్నిష్టము గానివాని నిటనే పరికించియు దుష్టుడే యనన్
గష్టము లోన గ్రుంగినను కావడదేమని గుందుటేలకో
దుష్టులకే పరాత్పరుడు దోడ్పడుచుండును ధర్మ రక్షకై
డా. పిట్టా వారూ,
తొలగించండిమీ రెండు పూరణలు బాగున్నవి. అభినందనలు.
దగ్ధంబౌ విజ్ఞతనుచు
రిప్లయితొలగించండి"వాగ్దేవినిఁ గొలుచువాఁడు వ్యర్థుఁడు జగతిన్"
ముగ్ధత దూరంబౌనని
వాగ్దేవిని నమ్మి గొల్వ వశమౌ యశమే