సందర్భము: ఋష్యశృంగుడు దశరథునిచేత పుత్రకామేష్టి నారంభింపజేశాడు. దేవతలు తమ తమ హవిర్భాగాలను స్వీకరించడానికి విచ్చేశారు. బ్రహ్మతో దేవతలు రావణునివల్ల తమకు కలిగిన బాధలను చెప్పుకున్నారు. "దేవతలు మున్నగు వా రందరిచేత చావు లేకుండా రావణుడు వరాలు కోరితే ఇచ్చాను. మానవులవల్ల మాత్రం అత డడుగలేదు. అది ఒక చిన్నచూపు." అన్నాడు బ్రహ్మ. ఈలోగా శంఖ చక్ర గదా ఖడ్గ పాణియై విష్ణుమూర్తి అక్కడికి వచ్చాడు. దేవతలంతా "మానుషీం తను మాస్థాయ రావణం జహి సంయుగే" (బా.కాం. 16 స.3 శ్లో) "దశరథుని పుత్రునిగా మానవునిగా అవతరించి యుద్ధంలో రావణుని బరిమార్చు" మని ప్రార్థించగా అత డభయ మిచ్చినాడు. ఆ సందర్భంలో దేవత లొకరితో ఒక రిలా అనుకున్నారు. "అదుగో చూశారా! శ్రీ హరి వచ్చాడు. అదుగో! ఆతని చేతిలో మెరుస్తూ వున్నది సుదర్శన చక్రం. ఆతడే వర గర్వితులైన ఎందరో రాక్షసుల ప్రాణాలను (ఆ చక్రంతోనే) హరించాడు. భవిష్యత్తులో దశరథ మహారాజుకు రామభద్రుడై జన్మించబోయే వా డాతడే! సుర విద్వేషులైన లోక కంటకులైన రావణాదులను సంహరించబోయేవా డాతడే!" ~~~~~~~~~~~~~~~~~~~~~~~ హరి యదిగో దశరథు న
ధ్వరమున కేతెంచె! రామభద్రు డతండే!..
వర గర్విత ప్రాణ నికర
హరుని కరమునందు చక్ర మలరారుఁ గదా!
✍️~డా.వెలుదండ సత్యనారాయణ పరమార్థ కవి 7.11.19 -----------------------------------------------------------
రిప్లయితొలగించండిప్రాతః కాలపు సరదా పూరణ:
జరుపుచు యజ్ఞ యాగములు జాప్యము చేయక మాటిమాటికిన్
కరువుల నాపి వర్షములు కమ్మగ తెచ్చుచు వాడవాడలన్
వరమగు హైద్రబాదునహ వాసిగ నేలెడి చంద్రశేఖరౌ
హరుని కరంబులందు నలరారుచునుండును శంఖచక్రముల్
మీ సరదా పూరణ బాగున్నది. అభినందనలు.
తొలగించండి
తొలగించండి🙏
వరదుడు భక్తవత్సలుడు వందిత సర్వ సురేశుడున్ పరా
రిప్లయితొలగించండిత్పరుడు జగమ్ములన్ నిలిపి పాలన చేసెడి చక్రవర్తి యా
కరి పరితాప నాశనుడు గౌరికి సోదరు డైన మా మనో
హరుని కరంబులందు నలరారుచునుండును శంఖచక్రముల్.
మీ పూరణ మనోహరంగా, అద్భుతంగా ఉన్నది. అభినందనలు.
తొలగించండి'మా మనోహరుడు'తో శ్లేషను సాధించారు.
అవును గురువు గారు. మా యొక్క మనోహరుడు, లక్ష్మీ మనోహరుడు. నమస్సులు.
తొలగించండిఅరవిందాక్షుడు కేశుడు
రిప్లయితొలగించండిశరణాగత వత్సలుండు జల శయనుండౌ
పురుహూతి లక్ష్మి మానస
హరుని కరమునందు చక్ర మలరారుఁ గదా
మీ పూరణ బాగున్నది. అభినందనలు.
తొలగించండిబరిచి నలరారు సతతము
రిప్లయితొలగించండిహరుని కరము నందు, చక్రమ లరారు గదా
హరికరమున,కుసుమమ్ములు
సిరికర భూషణ ములుగద శిఖలు పొసగుచున్
బరిచి = శూలము లేదా ఈటె
శిఖ. = వెలుగు
మీ పూరణ బాగున్నది. అభినందనలు.
తొలగించండి'బరిచి యలరారు' అనండి.
సురుచిరమైనరీతి నట శోభిలుచుండును కౌస్తుభంబు తా
రిప్లయితొలగించండినురమున, ఫాలభాగమున నొప్పును కస్తురి, నాసికాగ్రమం
దరయగ మౌక్తికం, బొడలినంతట చందన మట్లె కంససం
హరుని కరంబులందు నలరారుచునుండును శంఖచక్రముల్"
మీ పూరణ మనోహరంగా, అద్భుతంగా ఉన్నది. అభినందనలు.
తొలగించండి
రిప్లయితొలగించండిహరోంహర !
వరలెడు త్రిశూలమలరగ
హరుని కరమునందు చక్ర మలరారుఁ గదా
హరిహస్తమందు! శిక్షిం
చు రావడి సలుపు కఱటుల చువ్వన నెపుడున్!
జిలేబి
విరుపుతో మీ పూరణ బాగున్నది. అభినందనలు.
తొలగించండి'త్రిశూల మలరును' అనండి.
హరినే తెగడుతు ఛేదీ
రిప్లయితొలగించండిపురపతి హద్దులను మీరి మోదము చెందన్
శిరమును ద్రుంచగ నా ముర
హరుని కరమునందు చక్ర మలరారుఁ గదా
మీ పూరణ బాగున్నది. అభినందనలు.
తొలగించండి'తెగడుచు' అనండి. 'చేది' ఇకారాంత పులింగ శబ్దం అనుకుంటాను. 'చేదిపురము' అనే ఉంటుంది.
మైలవరపు వారి పూరణ
రిప్లయితొలగించండిహరుని కరంబులందు నలరారుచునుండును శంఖచక్రముల్"
ధరణినధర్మవర్తనులు దైత్యులు పెచ్చరిలంగ , క్షీరసా...
గరశయనుండు లోకహితకాంక్ష దశాకృతులన్ ధరించి, ము...
ష్కరులను జంపెనా నిగమసన్నుతుడౌ హరి శ్రీరమామనో...
హరుని కరంబులందు నలరారుచునుండును శంఖచక్రముల్"
మైలవరపు మురళీకృష్ణ వెంకటగిరి.
మైలవరపు వారి పూరణ మనోహరంగా, అద్భుతంగా ఉంది.
తొలగించండివిరివిగ వరములు పొందియు
రిప్లయితొలగించండిపరపీడకులై చెలంగు పతితులనెల్లన్
హరియించు వాడు సంకట
*"హరుని కరమునందు చక్ర మలరారుఁ గదా"*
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిపరమేశుని లీలలుగన
రిప్లయితొలగించండిపరికింపగ విశద మౌను పలురీతు లటన్
హరిహరు లిరువురు లొకటట
హరుని కరమునందు చక్ర మలరారుఁ గదా
అక్కయ్యా,
తొలగించండిమీ పూరణ బాగున్నది. అభినందనలు.
రిప్లయితొలగించండి"హరిహరులందు భేదము మహాశయ లేదు సుమీ" హితుండనన్
వరలెడు కైపదమ్మును సవాలుగ వేయుచు నేర్పు తోడుతన్
"సరె! హితుడా!సమస్యయిదె! చక్కగ నింపుము" శంకరుండనెన్
"హరుని కరంబులందు నలరారుచునుండును శంఖచక్రముల్"
జిలేబి
బాగుంది మీ పూరణ. అభినందనలు.
తొలగించండి(పాలసంద్రంలో పద్మనయనుడు )
రిప్లయితొలగించండిస్మరుడు విరించియున్ గొలువ
జక్కగ నొప్పెడివాడు ; లక్ష్మియున్
ధరణియు రెండుప్రక్కలను
దక్కక నిల్వ హసించువాడు ; నా
గరుడుని శేషు నారదుని
గారవమొప్పగ గాంచు దుష్టసం
హరుని కరంబులందు నల
రారుచునుండును శంఖచక్రముల్ .
మీ పూరణ ప్రశస్తంగా ఉన్నది. అభినందనలు.
తొలగించండిమురహరి నమ్మిన వారల
రిప్లయితొలగించండిసరగున బ్రోచును ప్రియముగ స్వామియె ధరలోన్ |
వరముల నొసగెడి భవభయ
"హరుని కరమునందు చక్ర మలరారుఁ గదా"
మీ పూరణ బాగున్నది. అభినందనలు.
తొలగించండిఅరెరే సూలమె ముద్దుగ
రిప్లయితొలగించండిహరుని కరమునందు, చక్ర మలరారుఁ గదా
హరికి కరము నందు, తలచ
హరి హరులిరువురు తమ సుర పక్షమునకదా
🙏🙏
మీ పూరణ బాగున్నది. అభినందనలు.
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
నరకుచునుగ్రవాదులను నాశము చేయుచు భీతచిత్తులన్
కరచుచు కాంగ్రెసాదులను కాటులు వేయుచు కమ్యునిష్టులన్
వరమగు కాశ్మిరమ్మునహ భారత మాతకొసంగు పాకు సం
హరుని కరంబులందు నలరారుచునుండును శంఖచక్రముల్
పాకు సంహరుడు (శంఖచక్రములు కలవాడు) = (నరేంద్ర) దామోదర్ (మోడి)
మీ ఆటవిడుపు పూరణ ప్రశస్తంగా ఉన్నది. అభినందనలు.
తొలగించండి
తొలగించండి__/\__
శ్రీ గురుభ్యోన్నమః🙏
రిప్లయితొలగించండిసవరణానంతరము.
హరినే దెగడుచు చేదీ
శ్వరుడిక హద్దులు మఱచుచు చడమడ దిట్టన్
శిరమున్ వేయగ నా ముర
హరుని కరమునందు చక్ర మలరారుఁ గదా
బాగుంది.
తొలగించండినా పూరణ. చం.మా.
రిప్లయితొలగించండి** *** *** **
ఉరమున కౌస్తుభమ్మతి మహోన్నతమౌ గుణ భూషణుండు శ్రీ
కరుడు సుభక్త రక్షకుడు ఖ్యాతి పలాశుల నాశకుండు నా
సుర మునులాది వందితుడు శోక హరుండును నీరజా మనో
హరుని కరంబులందు నలరారుచునుండును శంఖచక్రముల్
�� ఆకుల శాంతి భూషణ్ ��
�� వనపర్తి ��
మీ పూరణ మనోహరంగా ఉన్నది. అభినందనలు.
తొలగించండిసరదా పూరణము
రిప్లయితొలగించండిపరువుగ సైకిల్ షాపున
విరివిగ పంక్చరు కొరకును విహరింపఁగనేన్
సరియగు సమయము నా నర
హరుని కరమునందు చక్ర మలరారుఁ గదా
🙏🙏
మీ పూరణ బాగున్నది. అభినందనలు.
తొలగించండిఅరయఁగ నొప్పును శూలము
రిప్లయితొలగించండిహరుని కరము నందు : చక్ర మల రారు గదా
హరి కరము న దీపించు చు
దురహంకా రు ల దునుమ గ దోహద పడుచు న్
మీ పూరణ బాగున్నది. అభినందనలు.
తొలగించండికం.
రిప్లయితొలగించండికరువున త్రాగిన గరళము
హరుని కరమునందు, చక్ర మలరారుఁ గదా !
విరజుని హస్తద్వయమున్
పరిశోభను గాంచ జన్మ పరిపక్వంబౌ !!
మీ పూరణ బాగున్నది. అభినందనలు.
తొలగించండిఈ పద్యానికి సవరణలను వాట్సప్‌లో చేసినట్టున్నాను.
కరిమొరలిడ పాహియనుచు,
రిప్లయితొలగించండిదురమున నేతెంచి భువికి,తొలగగనహమే
కరుణను గాచిన కుంభీ
హరుని కరమందున చక్రమలరారు గదా!
కుంభి=మకరము(ఆం.భా.)
మీ పూరణ బాగున్నది. అభినందనలు.
తొలగించండిహరి హరులకభేదము గని
రిప్లయితొలగించండినిరతము పోతన జపించె నేర్పరి తనమున్
హరిహర నాథుని; యా హరి
హరుని కరమునందు చక్ర మలరారుఁ గదా !
మీ పూరణ బాగున్నది. అభినందనలు.
తొలగించండి'నేర్పరి యగుచున్... నాథుని నా హరి...' అనండి.
కరుణాంతరంగు డగుచును
రిప్లయితొలగించండిసురవరులకు సేమమిచ్చు శుభకర వరదుం
డరి భంజకుండు నౌ శ్రీ
హరుని కరము నందు చక్ర మలరారు గదా
మీ పూరణ బాగున్నది. అభినందనలు.
తొలగించండి'శ్రీహరుని'?
"మురహరుని" అంటే సరి!
తొలగించండిధన్యవాదములు
తొలగించండిఈ కామెంట్‌ను రచయిత తీసివేశారు.
రిప్లయితొలగించండిశ్రీ వినాయక
తొలగించండిఈ నాటి శంకరా భరణము సమస్య
(హరుని కరము నందు, చక్రమలరారుఁ గదా)
ఇచ్చిన పాదము కందము నా పూరణము సీసములో
ఆగమము లలరు వాగీశు కరమున, వీనియ పట్టును విద్దె లమ్మ,
పద్మిని కరమున పద్మము భాసిల్లు,వజ్రాయుధము దాల్చు వాసవుండు,
గదను కలిగి యుండు ఘనముగ సతతము గాడ్పు సుతుడు తన కరము నందు,
హలమును బట్టును బలరాముడు కరాన, ఖడ్గము చేబట్టు కాయకంటి,
గాండీవమును పట్టు కపి కేతువు,యముడు పాశమును ధరించు పాణి లోన ,
గండ్ర గొడ్డలి బట్టు ఖండ పరుశువు, కుంతము నలరారును తరచి చూడ
నా (హరుని కరము నందు, చక్రమ లరారుఁ గదా) హరి కరమున్, నగజ సతము
పట్టు చక్రము,శూలము, పాశము, గద,
గండ్ర గొడ్డలి ఖడ్గము, కార్ముకమ్ము
శంఖము, కఠారి,మున్నగు శస్త్రములను
కాళి రూపమున నధిక కరము లందు
మీ సీసపద్య పూరణ బాగున్నది. అభినందనలు.
తొలగించండికరి మకరంబుతోడ నుదగాహము జేయ యుగాంశకంబులున్
రిప్లయితొలగించండికరిబలమంతఁ దగ్గగ సుఖంబుల నిచ్చును దేవు డంచు దా
మొరలిడివేడె నాహరిని,ముఖ్యుడటంచు సదా రమామనో
హరుని కరంబులందు నలరారుచు నుండును శంఖచక్రముల్
ఉదగాహము-నీటి పోరాటం,
యుగాంశకములు- ఏండ్లు
మీ పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండిహరి! విష్ణువు! శ్రీపతి! అ
క్షరుడు!అనంతుడు!కపిలుడు!కమలాక్షుడు! పు
ష్కరనాభుడు!భరిమ!మనో
హరుని కరము నందు చక్ర మలరారు గదా
జిలేబి
జీళేబీ గారు వందనము నాకు పోటి ???
తొలగించండిమీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిహరి యెవ్వడు హరు డెవ్వడు
రిప్లయితొలగించండితరతమములనె0చ తరమె తప్పగు కానీ
ఇరువురు నొక్కటి యగుతను
హరుని కరమున0దు చక్ర మలరారుగదా!
? గారూ,
తొలగించండిమీ పూరణ బాగున్నది. అభినందనలు.
'...యగుటను' టైపాటు.
చంపకమాల
రిప్లయితొలగించండిమురహరి! బంధువుల్ గురులు పోరున నిల్వఁగ యుద్ధమెట్టుల
న్నెఱువుదు నన్న నర్జునుని నిల్పుచు నద్దరి విశ్వరూపమున్
మెరయఁగ గీత మాధురుల మేటిగ బంచిన చిత్త మోహపున్
హరుని కరంబులందు నలరారుచునుండును శంఖచక్రముల్
కందం
రిప్లయితొలగించండిమురళీధరుని శతాధిక
పరివాదముల నుతియించ వైరపు భక్తిన్
ధర చేది రాజు, పాతక
హరుని కరమునందు చక్ర మలరారుఁ గదా
మీ రెండు పూరణలు బాగున్నవి. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిహరుని కృపావిలాసమున హస్తము తాకిన వారు భస్మమౌ
రిప్లయితొలగించండివరమును బొంది గర్వమున భర్గుని వెంబడి సాగు ధూర్తునిన్
మురిపెములాడి లాస్యమున మోహిని రూపున లీలజేయు సం
హరుని కరంబులందు నలరారుచునుండును శంఖచక్రముల్
మనోహరంగా ఉంది మీ పూరణ. అభినందనలు.
తొలగించండిగురువుగారూ నమస్సులు. ధన్యవాదములు 🙏
తొలగించండివరగుణ శోభితుడా కరి
రిప్లయితొలగించండివరదుండా నిఖిల లోక వంద్యుండౌ భా
సుర సుర పూజిత సుమనో
హరుని కరమునందు చక్ర మలరారుఁ గదా
మనోహరంగా ఉంది మీ పూరణ. అభినందనలు.
తొలగించండిసిరిగల హరికే జెల్లును
రిప్లయితొలగించండిధరియించగ చక్ర శంఖు తరియింపఁగనే
సరికాదుగ నిటుల యనుట
హరుని కరమునందు చక్ర మలరారుఁ గదా
🙏🙏
మీ పూరణ బాగున్నది. అభినందనలు.
తొలగించండి'చక్ర శంఖువులు' అని కదా ఉండాలి? "సరికా దిట్టుల పలుకగ" అనండి.
శిరమున గంగ చంద్రులఁ, విశేషముగా మెడఁ నాగుబాము లా
రిప్లయితొలగించండిభరణములై ధరించె మయిఁ భస్మఁ, ద్రిశూలము ఝర్ఝరమ్ములే
హరుని కరంబులందు నలరారుచునుండును, శంఖచక్రముల్
హరికి గదాయుధమ్ము కమలార్తవమున్ కరమందు శోభిలెన్౹౹
విరుపుతో మీ పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండిపర దేశపు వస్త్రములను
పరిత్యజించగ సొయముగ వడకిన నూలున్
ధరియించు విదేశ పెనుపు
హరుని కరమునందు చక్ర మలరారుఁ గదా
మీ పూరణ వైవిధ్యంగా ఉన్నది. అభినందనలు.
తొలగించండి'విదేశ పెనుపు' దుష్టసమాసం.
హరుని కరములఁ ద్రిశూల డ
రిప్లయితొలగించండిమరుకము లుండఁగఁ బ్రకాశమానమ్ములుగా
వర గోపికా గణ మనో
హరుని కరమునందు చక్ర మలరారుఁ గదా
విరివిగ వెల్గు నా నెమలి పింఛము శీర్షము నందు గాంతు మా
యురమునఁ కౌస్తుభమ్ము సత తోజ్వల కాంతి రమా యుతమ్ముగా
స్థిరముగఁ గేళి లీల దధి ధేను సుధా నవనీత సంత తా
హరుని కరంబులందు నలరారుచు నుండును శంఖచక్రముల్
మీ రెండు పూరణలు మనోహరంగా, ప్రశస్తంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండిసురులకు నాధుడు హరి, భవ
రిప్లయితొలగించండిహరుని కరమునందు చక్ర మలరారు గదా
హరు డగు గణముల కధిపతి
హరిహరు లిరువురు యొకటని అర్చన చేయుమ్
రామమోహన్ గారూ, ఆహా! మీ రాక మాకు సంతోషదాయకం.
తొలగించండిమీ పూరణ బాగున్నది. అభినందనలు.
"సురలకు...లిరువురు నొకటని యర్చింపదగున్" అనండి.
నిరతము నీ ధ్యానమునే
రిప్లయితొలగించండిపరిపరి విధములగ మేము భవహరమగునే
వరములు కోరుచు మానస
హరునికరము నందు, చక్రమలరారుఁ గదా
మీ పూరణ బాగున్నది. అభినందనలు.
తొలగించండి"విధములుగ జేయ... తామసహరుని..." అనండి.
శరణనెడి భక్తగణమున్
రిప్లయితొలగించండిదరియింపగజేయు స్వామి ధర్మము నిలుపన్
గరివరదుండైన మకర
హరుని కరమునందు చక్రమలరారు గదా!
మీ పూరణ బాగున్నది. అభినందనలు.
తొలగించండిహరునకు హరికిని భేదము
రిప్లయితొలగించండిలరయగ ధరియించునట్టి యాయుధమేగా
హరునకుశూలంబును శ్రీ
హరుని కరమునందు చక్ర మలరారుఁ గదా
మీ పూరణ బాగున్నది. అభినందనలు.
తొలగించండి"మురహరుని కరమునందు..." అనండి.
హరునకు హరికిని భేదము
తొలగించండిలరయగ ధరియించునట్టి యాయుధమేగా
హరునకుశూలంబును ముర
హరుని కరమునందు చక్ర మలరారుఁ గదా
హరిహరులందుభేదమననారయవారలయాయుధమ్ములే
రిప్లయితొలగించండిహరుడు ధరించు నాయుధము హస్తమునందుననుండుశూలమే
కరివరదుండు భక్తులనుగాచెడి వేలుపు శేషశాయి శ్రీ
హరుని కరంబులందు నలరారుచునుండును శంఖచక్రముల్
మీ పూరణ బాగున్నది. అభినందనలు.
తొలగించండి'శ్రీహరుడు' అంటే మీ అభిప్రాయం?
తప్పు వ్రాశాను గురువుగారూ.'శేషసాయి శ్రీ' బదులు 'శ్రీరమా మనో'(హరుని)అంటే సరిపోతుందాండి?
తొలగించండిసరసిజ నాభ కావుమని సామజ మొక్కటి వేడినంతనే
రిప్లయితొలగించండికరుణను జూపి వేగ జని కాచిన ధృత్యుడు దానవారియా
పురుష వరుండు భావనుడు పుష్కర నాభుడె యౌ రమామనో
హరుని కరంబులందు నలరారుచునుండును శంఖచక్రముల్
మీ పూరణ ప్రశస్తంగా ఉన్నది. అభినందనలు.
తొలగించండికందం
రిప్లయితొలగించండిగిరిఁజేయుచు నీ భద్రునిఁ
గరమందున శంఖ చక్ర కాంతుల వెలయన్
వరమడుగ సంకుతో నఘ
హరుని కరమునందు చక్ర మలరారుఁ గదా
మీ పూరణ ప్రశస్తంగా ఉన్నది. అభినందనలు.
తొలగించండి🙏ధన్యోస్మి గురుదేవా🙏
తొలగించండిఈ కామెంట్‌ను రచయిత తీసివేశారు.
రిప్లయితొలగించండికరిమొర వినివేగము గా
రిప్లయితొలగించండిసిరికిని చెప్పక పరుగున శ్రీహరి రాగా
మురహరుడౌ యా దానవ
హరుని కరమునందు చక్రమలరారు గదా.
శిరమునశశి,డమరుకమది
హరుని కరమునందు, చక్రమలరారు గదా.
కరివరదుండగు నా శ్రీ
హరికరముల కంబుతోడ ననవరతంబున్
నిరతం బుండును శూలము
హరుని కరమునందు, చక్రమలరారు గదా.
సురలను మునులను కావగ
కరిరాజ వరదుని దివ్య కరముల యందున్.
కరుణాకర కావుమనుచు
కరిమొరలిడనాలకించి కారుణ్య ముతో
పరుగున వచ్చిన దానవ
హరుని కరమునందు చక్రమలరారు గదా.
కరుణను చూపగ రారా
మురారి యనుచును మొరలిడు పుడమీ సురులన్
సరుగున గాచిన రక్కస
హరుని కరమునందు చక్రమలరారు గదా.
అరదము నెక్కి సాగుచును యామిని యందు
నవేణువూదుచున్
మరులను గొల్పి మానినుల మానసముల్ హరియించు చున్నటన్
నిరతము పాండు పుత్రులకు నెమ్మిని కూర్చిన
శ్రీరమా మనో
హరుని కరంబులందు నలరారుచునుండును శంఖచక్రముల్"*
మీ ఆరు పూరణలు బాగున్నవి. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిహరిశరణుకోరి కరుణకుఁ
రిప్లయితొలగించండిపరిపరివిధముల సిరిగలవానిని, పిలువగ
కరివరదుడుననుచు, అసుర
హరుని కరమునందు చక్ర మలరారుఁ గదా
కంద పద్యం.
మీ పూరణ బాగున్నది. అభినందనలు.
తొలగించండి"...కోరి భక్తిని..... వానిని పిలువన్... కరివరదుం డగుచు నసురహరుని..." అనండి.
కంది శంకరయ్య గారికి హృదయపూర్వక నమస్సుమాంజలులు
తొలగించండిహరిశరణుకోరి భక్తిని
పరిపరివిధముల సిరిగలవానిని,పిలువన్
కరి వరదుండగుచు, నసుర
హరుని కరమునందు చక్ర మలరారుఁ గదా!
ధరణిని ధర్మమున్ నిలిపి దానవ మూకల ద్రుంచనెంచగన్
రిప్లయితొలగించండినరపతి గాను పుట్టియు వనమ్ముల కేగిన రామచంద్రుడే
సరసిజ నాభుడాతడె వృషాకపి, శ్రీపతి వాని, దుష్ట సం
హరుని కరంబులందు నలరారుచునుండును శంఖచక్రముల్
మీ పూరణ ప్రశస్తంగా ఉన్నది. అభినందనలు.
తొలగించండిహరి హరు లొకటే యనగా
రిప్లయితొలగించండిహరికిం పని యుండ వచ్చు ఆయుధ మొసగన్
బిరబిర వచ్చె నదేమో
హరుని కరమునందు చక్ర మలరారుఁ గదా!
ఈ కామెంట్‌ను రచయిత తీసివేశారు.
రిప్లయితొలగించండికందపద్యం
రిప్లయితొలగించండిహరి ,మురహరి, శుభకరముగ
ధరణిన్ దశరూపములను దాల్చెన్ హరియై
సురరక్షణ చేసిన మనొ
హరుని కరమునందు చక్ర మలరారుఁ గదా!
కంద పద్యం
రిప్లయితొలగించండిహరిని , భవభయ హరుని , కరి
వరదుడని , దశావతారుడైనమురహరిన్
సురరక్షకుడైన మనో
హరుని కరమునందుచక్ర మలరారుఁ గదా
..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
హరుని కరమునందు చక్ర మలరారుఁ గదా
సందర్భము:
ఋష్యశృంగుడు దశరథునిచేత పుత్రకామేష్టి నారంభింపజేశాడు. దేవతలు తమ తమ హవిర్భాగాలను స్వీకరించడానికి విచ్చేశారు. బ్రహ్మతో దేవతలు రావణునివల్ల తమకు కలిగిన బాధలను చెప్పుకున్నారు.
"దేవతలు మున్నగు వా రందరిచేత చావు లేకుండా రావణుడు వరాలు కోరితే ఇచ్చాను. మానవులవల్ల మాత్రం అత డడుగలేదు. అది ఒక చిన్నచూపు." అన్నాడు బ్రహ్మ.
ఈలోగా శంఖ చక్ర గదా ఖడ్గ పాణియై విష్ణుమూర్తి అక్కడికి వచ్చాడు. దేవతలంతా
"మానుషీం తను మాస్థాయ
రావణం జహి సంయుగే"
(బా.కాం. 16 స.3 శ్లో)
"దశరథుని పుత్రునిగా మానవునిగా అవతరించి యుద్ధంలో రావణుని బరిమార్చు" మని ప్రార్థించగా అత డభయ మిచ్చినాడు.
ఆ సందర్భంలో దేవత లొకరితో ఒక రిలా అనుకున్నారు.
"అదుగో చూశారా! శ్రీ హరి వచ్చాడు. అదుగో! ఆతని చేతిలో మెరుస్తూ వున్నది సుదర్శన చక్రం. ఆతడే వర గర్వితులైన ఎందరో రాక్షసుల ప్రాణాలను (ఆ చక్రంతోనే)
హరించాడు.
భవిష్యత్తులో దశరథ మహారాజుకు రామభద్రుడై జన్మించబోయే వా డాతడే!
సుర విద్వేషులైన లోక కంటకులైన రావణాదులను సంహరించబోయేవా డాతడే!"
~~~~~~~~~~~~~~~~~~~~~~~
హరి యదిగో దశరథు న
ధ్వరమున కేతెంచె! రామభద్రు డతండే!..
వర గర్విత ప్రాణ నికర
హరుని కరమునందు చక్ర మలరారుఁ గదా!
✍️~డా.వెలుదండ సత్యనారాయణ
పరమార్థ కవి
7.11.19
-----------------------------------------------------------