ఖాతరు చేయుచున్ ప్రజల కమ్మని నిద్రకు భంగమొందకే ప్రాతపు కాలమున్ విడిచి భండన మందున కైపదమ్ముతో పాతది కాలమున్ తిరిగి ఫక్కున నవ్వుచు మాకు రాగ నీ రాతిరియందు భాస్కరుఁడు ప్రాగ్గిరిపైఁ బొడసూపెఁ జూడఁగన్
మీ పూరణ బాగున్నది. అభినందనలు. కాకతాళీయం... ఇప్పుడే మీ పూరణ చదువుతుండగా కోడికూత వినిపించింది. (కోడికూత కంటె మా ఆశ్రమప్రాంతంలో నెమళ్ళ కూతలు ఎక్కువగా వినిపిస్తాయి..)
సందర్భము: యాగ సంరక్షణకై రామ లక్ష్మణులను తీసుకు వెళ్ళిన విశ్వామిత్రుడు సరయూ నదీ దక్షిణ తీరాన వారికి ఆకలి దప్పులను జయించే బల అతిబల మంత్రా లుపదేశించినాడు. రాత్రి అయింది. దశరథ నృప సూను సత్తమాభ్యాం తృణ శయనేఽనుచితే సహోషితాభ్యాం కుశిక సుత వచోఽనులాలితాభ్యాం సుఖ మివ సా విబభౌ విభావరీ చ రామ లక్ష్మణు లలవాటు లేని గడ్డి పాన్పుపై శయనించినారు. విశ్వామిత్రుని లాలింపు మాటలతో ఆ రాత్రి హాయిగా నిద్రించినారు. రాజకుమారులు. ఒంటరిగా.. కాలి నడకన వెళ్ళటం తెలియదు. మెత్తని పట్టు పరుపులమీదనే తప్ప నేలమీద గడ్డిమీద పడుకోవటం ఎఱుగరు. కాని విశ్వామిత్రుని వెంట కాలి నడకన నడచి వెళ్ళారు. గడ్డిమీద పడుకున్నారు. హాయిగా నిద్రించారు కూడ. గురువు ననుసరించే వారు గురువు చెప్పినట్టే చేయాలి. శరీర సుఖాల కోరరాదు. ఇవి శిష్యుల లక్షణాలు. త్యాగమయమైన దైవ కార్యాలవల్లనే చేతము పల్లవిస్తుంది. పారమార్థిక లాభం చేకూరుతుంది. కుటుంబ పోషణతోడి స్వార్థ జీవితాలు మామూలువే! విశేషం లేనివే! దైవ కార్యము = 1.పొద్దున్నే చేసే సంధ్యా వందనం. దేవ సంబంధ కార్యం. 2. దేవతల కిచ్చిన మాట ప్రకారం రాక్షస సంహార కార్యం మేలుకాంచవలె= 1.మేల్కొనవలె.. 2.మేలు (శుభం)పొందవలె సూర్యోదయ వేళ విశ్వామిత్రుడు రామలక్ష్మణులను మేల్కొల్పుతూ అంటున్న మాటలు పద్యంలో వున్నవి. ~~~~~~~~~~~~~~~~~~~~~~~ చేతము పల్లవింపగను జేయవలెన్ గద దైవకార్య సం ఘాతము!.. మేలు కాంచవలె గా రఘు రామ! ప్రభాత మాయెగా! ప్రీతిగ గడ్డి పాన్పుపయి వేడుకగా నిదురించినారులే రాతిరియందు! భాస్కరుఁడు ప్రాగ్గిరిపైఁ బొడసూపెఁ జూడఁగన్
✍️~డా.వెలుదండ సత్యనారాయణ పరమార్థ కవి 26.11.19 -----------------------------------------------------------
రిప్లయితొలగించండినడి రేయి సరదా పూరణ:
ఖాతరు చేయుచున్ ప్రజల కమ్మని నిద్రకు భంగమొందకే
ప్రాతపు కాలమున్ విడిచి భండన మందున కైపదమ్ముతో
పాతది కాలమున్ తిరిగి ఫక్కున నవ్వుచు మాకు రాగ నీ
రాతిరియందు భాస్కరుఁడు ప్రాగ్గిరిపైఁ బొడసూపెఁ జూడఁగన్
భాస్కరుడు = ప్రభాకరుడు
తొలగించండిప్రాతము = వేకువ జాము (ఈ క్రొత్త మంచి పదమును మన నిఘంటువులందున చేర్చుకొనవలెనని మనవి)
తొలగించండి(లేనిచో)
ప్రాఁత = పూర్వము (శబ్దరత్నాకరము)
అర్ధరాత్రి ప్రభాకరోదయం! మీ పూరణ సరదా పూరణ బాగున్నది. అభినందనలు.
తొలగించండి"ఎవరూ పుట్టించకుండా మాటలెలా పుడతాయి?" ఘటోత్కచ ఉవాచ! వేసుకోండి వీరతాడు.
తొలగించండి🙏🙏🙏
నీతిని గాంచగ కోరుచు
రిప్లయితొలగించండిరాతిరి భాస్కరుఁడు వొడమె ప్రాక్శైలముపై
మతిపోవగ గతి లేకను
అతివేగము వెడలె నంట హరి దిక్కునకై
అక్కయ్యా,
తొలగించండిమూడవ, నాల్గవ పాదాలు హ్రస్వాలతో ప్రారంభమయ్యాయి. సవరించండి.
నీతిని గాంచగ కోరుచు
తొలగించండిరాతిరి భాస్కరుఁడు వొడమె ప్రాక్శైలముపై
నేతగ మతిపోయిన రవి
రాతలు మారవ టంచు రయమున వెడలెన్
అక్కయ్యా,
తొలగించండిమీ పూరణ బాగున్నది. అభినందనలు.
చివరి పాదంలో గణదోషం. "మారవని చెప్పి రయమున..." అనండి.
రిప్లయితొలగించండితాతకు మిత్రుడు కైపద
మాతరుణమున ప్రచురింప మదిమది సరదా
కైతల పూరణ చేయన్
రాతిరి భాస్కరుఁడు వొడమె ప్రాక్శైలముపై!
భాస్కరుడు- మా జీపీయెస్ అయ్యవారు :)
జిలేబి
మీ పూరణ బాగున్నది. అభినందనలు.
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
జాతక రీతులన్ తెలియ జాలరు మానవ మాత్రులయ్యరో
వ్రాతలు మార్చుటన్ మనకు రాదుగ నీజగమందు శంకరా!
ఘాతుక చర్యలన్ గఱచి గండర గండుడు; రామరావుకున్
రాతిరియందు; భాస్కరుఁడు ప్రాగ్గిరిపైఁ బొడసూపెఁ జూడఁగన్
రామ రావు = (అమెరికాలో నుండిన) నందమూరి తారక రామా రావు
భాస్కరుడు = 😊😊😊
మీ ఆటవిడుపు పూరణ బాగున్నది. అభినందనలు.
తొలగించండి
తొలగించండి🙏
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరించ నున్నవి !
తాతతో తెల్లవార్లూ జాతరలో :
________________________
తాతను తోడ్కొని పోతీ
జాతర దిరిగెను తనివిని ! - చరణాయుధమే
కూతల్కూయగ, గడచెను
రాతిరి ! భాస్కరుఁడు వొడమె - ప్రాక్శైలముపై
________________________
చరణాయుధము = కోడి
వసంత కిశోర్ (కవులూరు రమేష్)
మీ పూరణ బాగున్నది. అభినందనలు.
తొలగించండి"పోతీ" అన్నది మనుమరాలు అనే అర్థంలో అన్యదేశ్యమా? "తాతయు దౌహిత్రి కలిసి... దిరిగిరి..." అంటే ఎలా ఉంటుంది?
శంకరార్యా ధన్యవాదములు !
తొలగించండిసవరణతో :
తాతతో తెల్లవార్లూ జాతరలో :
________________________
తాతయు దౌహిత్రి కలిసి
జాతర దిరిగిరి తనివిని ! - చరణాయుధమే
కూతల్కూయగ, గడచెను
రాతిరి ! భాస్కరుఁడు వొడమె - ప్రాక్శైలముపై
________________________
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరించ నున్నవి !
తాతతో తెల్లవార్లూ జాతరలో :
________________________
జాతర బాలయోగిదది - చల్లని రాతిరి జూడ బోయెనే
తాతను తమ్మునిన్ గొనుచు - తామరకంటియె మోదమందగన్ !
కూతల కూయగన్ దొడగె - కుక్కుట మూకలు, పాఱిపోవగా
రాతిరి ; యందు భాస్కరుఁడు - ప్రాగ్గిరిపైఁ బొడసూపెఁ జూడఁగన్ !
________________________
వసంత కిశోర్ (కవులూరు రమేష్)
మీ పూరణ బాగున్నది. అభినందనలు.
తొలగించండికాకతాళీయం... ఇప్పుడే మీ పూరణ చదువుతుండగా కోడికూత వినిపించింది.
(కోడికూత కంటె మా ఆశ్రమప్రాంతంలో నెమళ్ళ కూతలు ఎక్కువగా వినిపిస్తాయి..)
శంకరార్యా ధన్యవాదములు !
తొలగించండిపాతరలోననే యికను ,పాలననంతటి ,పాతిపెట్టగా
రిప్లయితొలగించండిచేతములెమ్మనన్ పనులు,చేసెడుతీరులు జాగుసేయగన్
ఖాతరుచేయగాదగదు, కార్యకలాపము జేయనెంచుచున్
రాతిరియందు భాస్కరుడు,ప్రాగ్గిరిపైబొదసూపెజూడగన్.
మీ పూరణ బాగున్నది. అభినందనలు.
తొలగించండిచేతలె శూన్యమ్మైనను
రిప్లయితొలగించండినేతల మాటలను విన్న నింగినెగరు గో
మాతలు దున్నలె యీనున్
రాతిరి భాస్కరుఁడు వొడమె ప్రాక్శైలముపై
నేతల మాటలనేకము
కోతలతో గాలిలోన కోటలె వెలయున్
భూతలమే స్వర్గమగును
రాతిరి భాస్కరుఁడు వొడమె ప్రాక్శైలముపై
మీ రెండు పూరణలు బాగున్నవి. అభినందనలు.
తొలగించండినేతలుమూగ్గురైననిక , నెగ్గిరి రాష్ట్రపు పాలనమ్ముకై
రిప్లయితొలగించండికోతులకన్నమిన్నగుచు,కోవిదులందరు రాత్రిరాత్రికే
చేతలుమార్చివేయుచును చేసెదమంచును, మాటమార్చగా
రాతిరియందుభాస్కరుడు,ప్రాగ్గిరిపైపొడసూపెజూడగన్
మీ పూరణ బాగున్నది. అభినందనలు.
తొలగించండి'ముగ్గురైన' టైపాటు. 'మిన్న + అగుచు' అన్నపుడు సంధి లేదు. "కోతులకన్న మిన్నగను" అనండి.
జాతర లో పౌరాణిక
రిప్లయితొలగించండిప్రీతి క ర పు నాటక ము న వీనుల విందౌ
రీతి గ రాగా ల గడిచె
రాతిరి :: భాస్కరు డు వొడమె ప్రాక్ శైల ము పై
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండికోతికి కలిగెను శునకము,
రిప్లయితొలగించండిరాతిరి భాస్కరుఁడు వొడమె ప్రాక్శైలముపై
చేతన లేదా? నీవీ
రీతిగ వినుతించ దాస రీ దోషంబే
మీ పూరణ బాగున్నది. అభినందనలు.
తొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరించ నున్నవి !
02)
కోతల పోటి :
________________________
కోతల పోటి యందునను - కోతలరాయులు యెందరెందరో
కోతలు కోసినారు మరి - కోరిక హెచ్చ బరాత మందగన్
పోతన యొక్కడే గెలిచె - మొత్తము విత్తము నిట్లు చెప్పగన్
"రాతిరి యందు భాస్కరుఁడు - ప్రాగ్గిరిపైఁ బొడసూపెఁ జూడఁగన్ " !
________________________
బరాతము = బహుమానము
వసంత కిశోర్ (కవులూరు రమేష్)
మీ పూరణ బాగున్నది. అభినందనలు.
తొలగించండి'రాయులు + ఎందరు' అన్నపుడు సంధి నిత్యం. "కోతలరాయులె యెందరెందరో" అనండి.
శంకరార్యా ధన్యవాదములు !
తొలగించండితాతలునేయిదాగిరని,తవ్వెడు పాత్రన పాతకాలమున్
రిప్లయితొలగించండినేతలుయంతమూగిరిక, నేతినివాసనజూడగోరుచున్
చేతలులేనిపాలనము,చేయగ తప్పునుదిద్దనెంచుచున్
రాతిరియందు భాస్కరుడు,ప్రాగ్గిరిపై పొడసూపెజూడగన్
మీ పూరణ బాగున్నది. అభినందనలు.
తొలగించండి'పాత్రను' అనండి. 'నేతలు + అంత' అన్నపుడు సంధి నిత్యం. "నేతలె యంత..." అనండి.
ఉత్పలమాల
రిప్లయితొలగించండిభూతలమేలు నా భరత పుత్రుడు, రాముని కానకంపుమన్
ఘాతకి కైక కోర్కెవిని క్రాలెను పంక్తి రథుండు భీతుఁడై
రాతిరి యందు, భాస్కరుఁడు ప్రాగ్గిరిపైఁ బొడసూపెఁ జూడఁగన్
వ్రాతలు మారి పోవ వనవాసము నేగు నయోధ్యరామునిన్
మీ పూరణ బాగున్నది. అభినందనలు.
తొలగించండి
రిప్లయితొలగించండికోతల కోసి బువ్వగొని గుప్పెడు పాన్పుని పవ్వళింపగా
జోతల చేసి నిద్దురని జోగొని కొంతయె వేళ దాటెనా
రాతిరియందు, భాస్కరుఁడు ప్రాగ్గిరిపైఁ బొడసూపెఁ జూడఁగన్
స్తోత్రపు సర్వమూషకము చువ్వన వచ్చెను లెమ్ము మిత్రుడా!
జిలేబి
మైలవరపు వారి పూరణ
రిప్లయితొలగించండిచేతనతాప్రతీక విరచించి దినమ్మును శ్రాంతి గ్రుంకగా ,
ప్రీతికరుండు చిత్తముల ప్రేమజనింపగజేయనల్లదే
శీతమయూఖసంపదలచే తిమిరమ్మును పారద్రోలగా
*రాతిరియందుభాస్కరుడు* ప్రాగ్గిరిపైఁ బొడసూపెఁ జూడఁగన్
మైలవరపు మురళీకృష్ణ వెంకటగిరి
ప్రీతిగ జానకిన్ వెదుక ద్రిమ్మరుచుండగ చెట్లకొమ్మలన్
తొలగించండివాతతనూజునా యరుణవర్ణితవక్త్రుని , కాంతిమంతునిన్
రాతిరివేళలో నగరరక్షకరాక్షసి గాంచి యిట్లనెన్
రాతిరియందు భాస్కరుఁడు ప్రాగ్గిరిపైఁ బొడసూపెఁ జూడఁగన్.!!
మైలవరపు మురళీకృష్ణ వెంకటగిరి
మైలవరపు వారి రెండు పూరణలు ప్రశస్తంగా ఉన్నవి. అభినందనలు.
తొలగించండిచూతమురారె యందరును చోద్యమ టంచును దెల్పుచుండె నా
రిప్లయితొలగించండినాతి కుటుంబమంతకును "నమ్ముడు మాంత్రికు డొక్కరుండటన్
జేతను మంత్రదండమును జేయని పల్కుచు నూపినంతనే
రాతిరియందు భాస్కరుఁడు ప్రాగ్గిరిపైఁ బొడసూపెఁ జూడఁగన్"
ప్రశస్తమైన పూరణ. అభినందనలు.
తొలగించండి
రిప్లయితొలగించండినారదా!
కాతరు లేదా గృహమన?
వేతన మెచ్చట గలదిక వెచ్చము సేయం
గా తెమ్మ తల తినగ సతి
రాతిరి, భాస్కరుఁడు వొడమె ప్రాక్శైలముపై
జిలేబి
మీ పూరణ బాగున్నది. అభినందనలు.
తొలగించండిఆతఁడు పుట్టెను రాతిరి
రిప్లయితొలగించండినా తూరుపు కనుమలందు నఱకను పురమున్
'రాతిరి' యను వంశమునన్
"రాతిరి భాస్కరుఁడు" వొడమె ప్రాక్శైలముపై
మీ పూరణ బాగున్నది. అభినందనలు.
తొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
అలరించ నున్నవి !
03)
భూతలమందు :
________________________
భూతలమందునన్ సగము - ప్రోలున మాత్రమె రాత్రి యుండెడిన్
జ్యోతియె వెల్గులన్ మిగులు - చోటుల క్రమ్మును మెల్ల మెల్లగన్
చేతన గల్గినన్ దెలియు - చిత్రము గాదది యభ్దిమేఖలన్
"రాతిరి యందు భాస్కరుఁడు - ప్రాగ్గిరిపైఁ బొడసూపెఁ జూడఁగన్ " !
________________________
వసంత కిశోర్ (కవులూరు రమేష్)
మీ పూరణ బాగున్నది. అభినందనలు.
తొలగించండిశంకరార్యా ధన్యవాదములు !
తొలగించండికోతులు చింతన్ గడిపిరి
రిప్లయితొలగించండిరాతిరి;భాస్కరుడు వొడమె ప్రాక్శైలముపై-
సేతువు దాటగ హనుమను
ప్రీతిగ నుతియించె కపులు విలసన్ముఖులై.
మీ పూరణ బాగున్నది. అభినందనలు.
తొలగించండిచివరి పాదంలో వచనదోష మున్నది. "ప్రీతి నుతించిరట కపులు..." అనండి.
ధన్యవాదములు
తొలగించండి( రాత్రిని పగటిగా మార్చిన ఐంద్రజాలికుడు )
రిప్లయితొలగించండిచేతల భ్రాంతిమంతులుగ
జేసెడి మాయలమారి యొక్కడే
యాతురపాటుతోడ జను
లందరు కన్నుల జూచుచుండగా
జేతుల నూపి చేరువకు
జేర్చుచు జేసెను నింద్రజాలమే
రాతిరియందు భాస్కరుడు
ప్రాగ్గిరిపై బొడసూపె జూడగన్ .
మీ పూరణ బాగున్నది. అభినందనలు.
తొలగించండి"...జేయగ నింద్రజలమే" అంటే బాగుంటుందేమో?
అలాగేనండీ ! ధన్యవాదాలు .
తొలగించండి
రిప్లయితొలగించండినా పూరణ. ఉ.మా
** *** ***
( ప్రపంచంలో దాదాపు అన్ని దేశాలలో
అర్ధరాత్రి అవుతుండగా ఒక్క నార్వె దేశములో ఉదయమయి సూర్యుడు ఉదయిస్తాడు...అందుకే
నార్వె దేశమును "అర్ధరాత్రి సూర్యుడు దయించు దేశము "అని అంటారు...)
ఉ.మా.
రాతిరి సర్వ దేశముల రాజరుదెంచుచు వెల్గుచుండగన్
ఆ తరుణంబునం దరయ నర్కుడు "నార్వె" ప్రదేశమందునన్
ద్యోతితమయ్యె మిక్కిలిని దూరుపు దిక్కుని గాంచ ;" నార్వె "లో
రాతిరియందు భాస్కరుఁడు ప్రాగ్గిరిపైఁ బొడసూపెఁ జూడఁగన్"
🌱 ఆకుల శాంతి భూషణ్ 🌱
🌷 వనపర్తి 🌷
మీ పూరణ బాగున్నది. అభినందనలు.
తొలగించండి"వెల్గుచుండగా । నా తరుణంబునం...దిక్కున గాంచ వింతగా..." అనండి. 'నార్వె' పునరుక్తమయింది.
చేతములుల్లసిల్లగను క్షేమము లోకమునందు గూర్చగన్
రిప్లయితొలగించండిభీతిని బారద్రోలగను, విస్తృతదీప్తిని బంచగోరుచున్
భూతలనాకమైన మనభూమికి జేరగ పర్వుదీయుచున్
రాతిరియందు, భాస్కరుఁడు ప్రాగ్గిరిపైఁ బొడసూపెఁ జూడఁగన్"
ప్రశస్తమైన పూరణ. అభినందనలు.
తొలగించండిశ్రీ గురుభ్యో నమః 🙏🏻🙏🏻
రిప్లయితొలగించండికౌతుకమునఁ జరవాణిం
జూతును నే సంభ్రమించి క్షోణీతలమున్ ;
ఈ తరుణము , మా చీకటి
రాతిరి , భాస్కరుఁడు వొడమె ప్రాక్శైలముపై
మీ పూరణ బాగున్నది. అభినందనలు.
తొలగించండి"క్షోణితలముపై । నీ తరుణము..." అనండి.
నేతల తీరీ రీతిగ
రిప్లయితొలగించండిమేతయె ప్రాధాన్యమగుచు మేరలు మీరన్
నీతిని గల నేతల గన
రాతిరి భాస్కరుఁడు వొడమె ప్రాక్శైలముపై
మీ పూరణ బాగున్నది. అభినందనలు.
తొలగించండిచేతనమిచ్చెడు కాంతుల
రిప్లయితొలగించండిజాతుల మేల్కొల్ప నేకచక్రధరుండై
శీతాంశుతోడ వీడ్కొని
రాతిరి,భాస్కరుడు వొడమె ప్రాక్మైలముపై
మీ పూరణ బాగున్నది. అభినందనలు.
తొలగించండి"..నేకచక్రరథుండై" అనండి.
ధన్యవాదములు గురుదేవా,సవరిస్తాను!
తొలగించండిమద్యము మత్తులో అనే ఉద్దేద్యం తో సరదా పూరణము
రిప్లయితొలగించండిసేతిరి మత్తున విందా
రాతిరి, భాస్కరుఁడు వొడమె ప్రాక్శైలముపై
చూతిరి వీనుల విందుగ
పోతిరి సెల్ఫీలనుచును పోజులు పెట్టన్
🙏🙏
(2)
తొలగించండిపోతిరి తిరుగగ వారల్
రాతిరి, భాస్కరుఁడు వొడమె ప్రాక్శైలముపై
కూతలు కోడివి వినగా
చేతిరి పయనము పరుగున చేరగ నింటిన్
సేతిరి, చూతిరి, పోతిరి, చేతిరి' శబ్దాలు సాధువులు కావు.
తొలగించండి🙏🙏😥
తొలగించండిభాతి నిడుచుండె చంద్రుడు
రిప్లయితొలగించండిరాతిరి ; భాస్కరుఁడు వొడమె ప్రాక్శైలముపై
నీతముగ వెలుగు నీయగ ,
నీతీరున ధరనుగాయు నిద్దరు దేవుల్
మీ పూరణ బాగున్నది. అభినందనలు.
తొలగించండిచింతల చీకటి దాస్యపు
రిప్లయితొలగించండివంతల మ్రగ్గెడి ప్రజలకు వరమన గాంధీ |
కాంతుల నిడెగద భళిరే |
"రాతిరి భాస్కరుఁడు వొడమె ప్రాక్శైలముపై"
మొదటి మూడు పాదాలలో ప్రాస తప్పింది. సమస్యాపాదంలో అనుస్వారం లేని తకారం ఉంది.
తొలగించండిప్రీతిగ చుక్కలన్ని శశి బింబము దోడుగ మింట వెల్గెనా
రిప్లయితొలగించండిరాతిరియందు; భాస్కరుఁడు ప్రాగ్గిరిపైఁ బొడసూపెఁ జూడఁగన్
శీతకరుండు జారుకొనె, చీకటి దుప్పటముల్ దొలంగగా
భూతలమంత చిందె రవి పొంకపు బంగరు కాంతి పుంజముల్
మనోహరమైన పూరణ. అభినందనలు.
తొలగించండి..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
రాతిరియందు భాస్కరుఁడు
ప్రాగ్గిరిపైఁ బొడసూపెఁ జూడఁగన్
సందర్భము: యాగ సంరక్షణకై రామ లక్ష్మణులను తీసుకు వెళ్ళిన విశ్వామిత్రుడు సరయూ నదీ దక్షిణ తీరాన వారికి ఆకలి దప్పులను జయించే బల అతిబల మంత్రా లుపదేశించినాడు. రాత్రి అయింది.
దశరథ నృప సూను సత్తమాభ్యాం
తృణ శయనేఽనుచితే సహోషితాభ్యాం
కుశిక సుత వచోఽనులాలితాభ్యాం
సుఖ మివ సా విబభౌ విభావరీ చ
రామ లక్ష్మణు లలవాటు లేని గడ్డి పాన్పుపై శయనించినారు. విశ్వామిత్రుని లాలింపు మాటలతో ఆ రాత్రి హాయిగా నిద్రించినారు.
రాజకుమారులు. ఒంటరిగా.. కాలి నడకన వెళ్ళటం తెలియదు. మెత్తని పట్టు పరుపులమీదనే తప్ప నేలమీద గడ్డిమీద పడుకోవటం ఎఱుగరు.
కాని విశ్వామిత్రుని వెంట కాలి నడకన నడచి వెళ్ళారు. గడ్డిమీద పడుకున్నారు. హాయిగా నిద్రించారు కూడ.
గురువు ననుసరించే వారు గురువు చెప్పినట్టే చేయాలి. శరీర సుఖాల కోరరాదు. ఇవి శిష్యుల లక్షణాలు.
త్యాగమయమైన దైవ కార్యాలవల్లనే చేతము పల్లవిస్తుంది. పారమార్థిక లాభం చేకూరుతుంది. కుటుంబ పోషణతోడి స్వార్థ జీవితాలు మామూలువే! విశేషం లేనివే!
దైవ కార్యము = 1.పొద్దున్నే చేసే సంధ్యా వందనం. దేవ సంబంధ కార్యం.
2. దేవతల కిచ్చిన మాట ప్రకారం రాక్షస సంహార కార్యం
మేలుకాంచవలె= 1.మేల్కొనవలె..
2.మేలు (శుభం)పొందవలె
సూర్యోదయ వేళ విశ్వామిత్రుడు రామలక్ష్మణులను మేల్కొల్పుతూ అంటున్న మాటలు పద్యంలో వున్నవి.
~~~~~~~~~~~~~~~~~~~~~~~
చేతము పల్లవింపగను
జేయవలెన్ గద దైవకార్య సం
ఘాతము!.. మేలు కాంచవలె
గా రఘు రామ! ప్రభాత మాయెగా!
ప్రీతిగ గడ్డి పాన్పుపయి
వేడుకగా నిదురించినారులే
రాతిరియందు! భాస్కరుఁడు
ప్రాగ్గిరిపైఁ బొడసూపెఁ జూడఁగన్
✍️~డా.వెలుదండ సత్యనారాయణ
పరమార్థ కవి
26.11.19
-----------------------------------------------------------
మీ పూరణ ప్రశస్తంగా ఉన్నది. అభినందనలు.
తొలగించండిభూతల మమెరిక యందున
రిప్లయితొలగించండిరాతిరియటమారుకతన ప్రాతమువోలెన్
రాతిరె పగలుగ గానగ
రాతిరిభాస్కరుడువొడమెప్రాక్శైలముపై
రిప్లయితొలగించండిజాతమగు కలువ శశిగని
రాతిరి, భాస్కరుడు వొడమె ప్రాక్శైలముపై
జోతలనిడుచుంద్రు ప్రజ ప్ర
భాతసమయమందు భక్తి భావము తోడన్
చేతన కోలుపోయి తగు స్వీయ విస్రంభము లేనివారలౌ
రిప్లయితొలగించండిజాతినిఁ దేశభక్తియను జ్వాల రగుల్చి ప్రపంచమందునన్
ఖ్యాతియు పేర్మిఁ బెంచిన సుకర్ముడు మోదియె తోచె నేడిటుల్
రాతిరియందు భాస్కరుఁడు ప్రాగ్గిరిపైఁ బొడసూపెఁ జూడఁగన్౹౹
భాతి వెలుంగుచుఁ దారా
రిప్లయితొలగించండివ్రాతము గగనమున దీప్తివంతము కా సం
ప్రీతి నొసఁగ భూజనులకు
రాతిరి భాస్కరుఁడు వొడమె ప్రాక్శైలముపై
[రాతిరి భాస్కరుఁడు = రాత్రిఁ గనిపించు సూర్యుఁడు, చంద్రుఁడు]
వేతన మెంచఁ బోకు మవివేకిగ జన్మము సార్థకం బగున్
భూత గణాధినేత సుర పుంగ సమర్చిత పార్వతీ ధవుం
జూతము చంద్రశేఖరునిఁ జోద్యము మీఱఁగ నిల్చి వెల్గుచున్,
రా, తిరి యందు భాస్కరుఁడు ప్రాగ్గిరిపైఁ బొడసూపెఁ జూడఁగన్
[తిరి =జట]
ఓ తరుణీలలామ! విభుఁ డొంటిగ నిన్ విడి కార్యమగ్నుఁడై
రిప్లయితొలగించండిచేతము దల్లడిల్లఁ గడచెం గడు దూరము, వాని రాకకై
నీ తనువెల్లఁ గన్నులుగ నిల్చి ప్రతీక్ష నొనర్చుచుంటివా
రాతిరియందు; భాస్కరుఁడు ప్రాగ్గిరిపైఁ బొడసూపెఁ జూడఁగన్.
తొలగించండిలే! తయినాతియై భళి లెస్సగ చెంపను గొట్ట వేచితిన్
రాతిరియందు; భాస్కరుఁడు ప్రాగ్గిరిపైఁ బొడసూపెఁ జూడఁగన్.
మీ పూరణ బాగున్నది. అభినందనలు
తొలగించండినీతిని గల్గియుండు కతనే వసుదేవుడు దుఃఖమందుచున్
రిప్లయితొలగించండిభీతిని గొల్పురీతి తన బిడ్డల జంపగ చూచి యేడ్చి యా
రాతిని జంపువానిగ వరాంగుడు బుట్టగ వల్కెమోదమున్
రాతిరియందు భాస్కరుఁడు ప్రాగ్గిరిపైఁ బొడసూపెఁ జూడఁగన్
రాతిని జంపువానిగ వరాంగుడు బుట్టగ వల్కెశాంతుడై
తొలగించండిరాతిరి వెన్నెల కనబడు
రిప్లయితొలగించండిరాతిరి చీకటి యగుపడు రాజులకైనన్
రాతిరి యననిది నిక యే
రాతిరి భాస్కరుఁడు వొడమె ప్రాక్శైలముపై??
🙏🙏
గోతిరొ! మేలుకొమ్ము తొలి కోడియె కూసెను గాదె లెమ్మికన్
రిప్లయితొలగించండిగూతురు పెండ్లిజేసితిమి క్రొత్తగ కాపుర మంప నెంచుచున్
బ్రీతిగఁ గట్నకానుకల బెట్టెద మంచు దలంచి నాముగా
రాతిరి యందు, భాస్కరుఁడు ప్రాగ్గిరిపైఁ బొడసూపెఁ జూడఁగన్
ప్రాతమునందుగన్పడుచుభాలువుడొయ్యన మాయమౌగదా
రిప్లయితొలగించండిరాతిరియందు,భాస్కరుడుప్రాగ్గిరిపైబొడసూపెజూడగన్
జేతనరూపుడైమిగుల చిత్రవిచిత్రపు కాంతిపుంజమున్
భూతలమంతటన్విసరి భూప్రజకెల్లనుమోదమీయగా
రాతిరి భూతలమందున
రిప్లయితొలగించండినాతతముగ వాన కుండపోతగ కురియన్
భీతిలిరెల్లరు, గడచెను
రాతిరి, భాస్కరుఁడు వొడమె ప్రాక్శైలముపై.
శీత సమీరము కౌగిట
రిప్లయితొలగించండిభూతల హరితము తుషార భూషణములతో
ప్రీతింగాన్పడి గడువగ
రాతిరి; భాస్కరుడు వొడమె ప్రాక్శైలముపై!
నాతిసమూహ మధ్యమున నాట్యముజేసిన వేణుధారియే
రిప్లయితొలగించండిరాతిరియందు భాస్కరుడు;ప్రాగ్గిరిపై బొడసూపె,జూడగన్
చేతనసారమైన రవి,చేడియలెల్లరు చల్లచిల్కుచున్
జోతలజేయగా నగెడి చోద్యపు వెన్నలదొంగ కృష్ణునిన్
ఈ కామెంట్‌ను రచయిత తీసివేశారు.
రిప్లయితొలగించండినీతిగ ధర్మమునిలుపను
రిప్లయితొలగించండిజాతికినొకహితవుజెప్ప జగతిననిలిచెన్
ఖ్యాతిన్ న్యాయము దెలుపగ
రాతిరిభాస్కరుడుపొడిచె ప్రాగ్శైలమునన్.
కం.
రిప్లయితొలగించండిచేతడి తప్పదు వలెనన
వ్రాతన కీడును దెలుపగ రక్షక భటునిన్
భీతిలి పనిగా వించగ
రాతిరి భాస్కరుడు వొడమె ప్రాక్శైలము పై
వై. చంద్రశేఖర్
రిప్లయితొలగించండిరాతిరికి ముందు భాస్కరు
డేతా వాతా పడమట డేరా దిగుచుం
డే! తెల వారి, కనుమరుగ
రాతిరి, భాస్కరుఁడు వొడమె ప్రాక్శైలముపై!
జిలేబి
మూతిన కూరుచు తుడిచన్
రిప్లయితొలగించండిరాత్రే మెట్లుక్కె బాలల భవితననుచున్
చేతినిపట్టుచు పోటిన
రాతిరి భాస్కరుఁ డువొడమె ప్రాక్శై లముపై
చేతలు లేనియీప్రభుత , చేసెడుకార్యములన్ని శూన్యమై
రిప్లయితొలగించండిపూతనకన్నమిన్నయగు,పుట్టువు రాక్షసియాయె రాష్ట్రమే
మాతలరాతమార్చుటది ?,మన్ననగాదని తేల్చరైతులే
రాతిరియందుభాస్కరుడు,ప్రాగ్గిరిపై పొడసూపెజూడగన్.