వలచితి నంచు వెంట పడి వంకర మాటల నాడి నిత్యమున్ విలువలు వీడి గర్వమున వెంబర చేష్టల చేయు చుండగా మెలఁతల మానసమ్ములవి మిక్కిలి క్రోధముతో జ్వలింపగన్ కలువలు కత్తులయ్యెడిని కార్ముకముల్ విరిదండలయ్యెడిన్
గురువర్యులకునమస్సులు. పొరబాటుగా సవరించని పూరణ ను బ్లాగ్ లో పోస్ట్ చేశాను, సరి చేసినదానిని (ఈ రోజు ఆకాశవాణిలో చదివినదానిని)ఇప్పుడు ఇక్కడ ప్రకటిస్తున్నాను పరిశీలించప్రార్థన. ధన్యవాదములు. చం. చెలువము లెన్ని యేనియును చెన్నుగ తోచవు, మిత్ర వాక్యముల్
..............🌻శంకరాభరణం🌻............... ..................🤷🏻♂సమస్య 🤷♀.................... కలువ కత్తి దండ కార్ముకమ్ము
సందర్భము: తం శోచమానం కాకుత్థ్సం నిత్యం శోకపరాయణం తుల్య దుఃఖోఽబ్రవీ ద్భ్రాతా లక్ష్మణోఽనునయన్ వచః (కి.కాం.. 27 స 33 శ్లో.) రోజూ విలపించే అన్నను చూచి తానూ దుఃఖిస్తూ లక్ష్మణు డోదార్చినాడు. ఇది ఒక అవతార పురుషుని ఆవేదన.. సీతా వియోగంతో కన్నీరు మున్నీరుగా విలపించే రామచంద్రుడు లక్ష్మణునితో ఇలా అన్నాడు.. "తమ్ముడా! నాకు చివరకు మిగిలినవి.. పూవూ పూబోడీ కాదు.. కత్తులూ కటార్లే!.. చంపుడూ చచ్చుడే!.. ఇక జీవితాంతం వీటితోనే గడుపాల్సి వుం దేమో! ఒకనాడు స్వయంవరంలో మీ వదిన ఒక పూలదండ వేసింది నా మెడలో.. అది యిప్పుడు కనిపించదు. అదే స్థానభ్రంశం చెంది నా భుజంమీదకు జారి రూపు చెడి కార్ముకమై పోయిందేమో!.. మందిని చంపడాని కదే కదా ఎక్కువగా నాకు పనికివచ్చేది!! ఒకనాడు నా ప్రేమకు గుర్తుగా ఒక విరిసిన కలువపూవు నందించాను మీ వదిన చేతికి.. అది ఇప్పుడు కనిపించదు. అదే స్థానం కోల్పోయి నా నడుము నంటిపెట్టుకుని రూపుచెడి వేలాడే కరవాల మైపోయిందేమో!.. నన్ను నేను చంపుకోవటాని కదే కదా చక్కగా నాకు పనికివచ్చేది!!.." ~~~~~~~~~~~~~~~~~~~~~~~ "మెడను దండ నిడెను మీ వదిన.. భుజాన
పడి ధనువుగ రూపు చెడెను.. నేను
వలపు మీర నిడితిఁ గలువ.. కత్తిగ మారె..
కలువ కత్తి.. దండ కార్ముకమ్ము.."
✍️~డా.వెలుదండ సత్యనారాయణ పరమార్థ కవి 2.11.19 -----------------------------------------------------------
మీ రెండు పూరణలు బాగున్నవి. అభినందనలు. మొదటి పూరణలో 'కాలికి నుండెడి' అని ఉండాలి. 'తులువ + అని' అన్నపుడు యడాగమం వస్తుంది. 'దూరము ద్రోయగ' అని ఉండాలి. రెండవ పూరణలో 'గెలుతురు + ఎవ్వరైన = గెలుతు రెవ్వరైన' అవుతుంది. నుగాగమం రాదు. 'తలపని కాలమే' అనండి. 'అవ్వురా' అన్న ప్రయోగం సాధువు కాదు.
మైలవరపు వారి పూరణ:
రిప్లయితొలగించండిఅల నరకున్ వధించు సమయమ్మున సత్య రణాంగణమ్మునన్
విలయవిజృంభితాంతకవివృద్ధమహాకృతియై రహింపగా
నలకలు కాలనాగులయె, హాసము వహ్నియనంగ , కన్నులన్
గలువలు కత్తులయ్యెడిని కార్ముకముల్ విరిదండలయ్యెడిన్ !
(విరిదండలు కార్ముకములయ్యెనని అన్వయం)
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది.
తొలగించండి
రిప్లయితొలగించండిప్రాతః కాలపు సరదా పూరణ:
తెలివియె లేని బాపడట తెల్లని కల్వల దాచిపెట్టుచున్
తెలివిగ కార్ముకమ్ములను తీయుచు గొయ్యిని పాతిపెట్టగా
నలువురు చోరులాదటను నవ్వుచు బాపని మోసగించగా
కలువలు కత్తులయ్యెడిని కార్ముకముల్ విరిదండలయ్యెడిన్
ప్రభాకర శాస్త్రి గారూ,
తొలగించండిమీ సరదా పూరణ బాగున్నది. అభినందనలు.
🙏
తొలగించండివిరహమందు కాగు పురుషున కగుగదా
రిప్లయితొలగించండికలువ కత్తి, దండ కార్ముకమ్ము
ముగ్ద చెంతజేరి ముద్దులాడెడి వేళ
మండు భాను డైన మంచు వేల్పు.
విరించి
రిప్లయితొలగించండివలదని చెప్పినన్ వినక పావను డైన హరిన్ స్మరింపగా
నలకను బూనినట్టి దనుజాధము డెంతటి శిక్షవేసినన్
ఫలితము శూన్యమయ్యె, భగవంతుని లీలలనంతమే కదా
కలువలు కత్తులయ్యెడిని కార్ముకముల్ విరి దండలయ్యెడిన్.
విరించి గారూ,
తొలగించండిమీ రెండు పూరణలు బాగున్నవి. అభినందనలు.
( మహిళారాజ్య మహారాణి ప్రమీల యుద్ధసన్నద్ధురాలై అర్జునునితో )
రిప్లయితొలగించండిఅలుకను బూనినాము పురు
షాధములందరి మీద నర్జునా !
అలికులవేణులందర న
గాధములోనికి నెట్టినారలే ?
మెలకువనందినార ; మిక
మిన్నక నుండుట కల్ల ; చూడు ; మా
కలువలు కత్తులయ్యెడిని ;
కార్ముకముల్ విరిదండలయ్యెడిన్ .
జంధ్యాల వారూ,
తొలగించండిమీ పూరణ అద్భుతంగా ఉన్నది. అభినందనలు.
రిప్లయితొలగించండిపూరించుడీ అంటే పూరించుడీ అని తిరిగి అంటే యెట్లా :)
భార తార్థ మందు భవ్యపు పూరణ
చేయుడి కవులార శ్రేష్ట మైన
పద్యమలర! దత్తపది వరుసగనుడు
కలువ, కత్తి, దండ, కార్ముకమ్ము!
జిలేబి
జిలేబీ గారూ,
తొలగించండిఅద్భుతమైన పూరణ. అభినందనలు.
...... సరే! ఏదీ ఆ దత్తపదాలను ప్రయోగిస్తూ భారతార్థంలో ఒక పద్యం చెప్పండి.
రిప్లయితొలగించండిమొలకల చెర్వు వూరుని సమున్నతి యెన్ జివొ డ్వాక్ర స్కీముతో
నెలతుక లెల్ల శ్రేష్టముగ నేర్వగ నల్లిక తట్ట బుట్టలన్
కలపనసేయ నార్థికత గాంచిరి పెక్కువ మీర! చూడగా
కలువలు కత్తులయ్యెడిని కార్ముకముల్ విరిదండలయ్యెడిన్!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
'వూరు' తెలుగులో వు,వూ,వొ,వో లతో మొదలయ్యే పదాలు లేదు. "మొలకలచెర్వు గ్రామము సమున్నతి.." అనండి.
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
చెలువపు శైశవమ్మునను చెన్నుగ నొల్లుచు ప్రీతి భావనన్
కలువల దండలూనితిని కత్తుల రోసితి కార్ముకాలనున్
తెలియగ భేషజమ్మునను తెల్లవి నల్లవి శుక్ర నీతినిన్
కలువలు కత్తులయ్యెడిని కార్ముకముల్ విరిదండలయ్యెడిన్
ప్రభాకర శాస్త్రి గారూ,
తొలగించండిమీ ఆటవిడుపు పూరణ బాగున్నది. అభినందనలు.
🙏
తొలగించండిచం.
రిప్లయితొలగించండివిలువలు లేని లోకమున విస్మయమందగ వెర్రి చేష్టలన్
పలుకగ నోచు మానవులు పబ్బముగడ్పగ నిచ్ఛ రీతినిన్
కలుగున బూడ్చరే బలిమి కాసుల వేటన మార్చ రూపులున్
కలువలు కత్తు లయ్యెడిని కార్ముకముల్ విరి దండ లయ్యెడిన్
వై. చంద్రశేఖర్
చంద్రశేఖర్ గారూ,
తొలగించండిమీ పూరణ బాగున్నది. అభినందనలు.
'వేటను' అనండి.
రిప్లయితొలగించండిఆకాశవాణికి పంపినది
వలపులు మీర పెన్మిటియె వర్షపు వేళని రమ్మటంచు కో
మలి హృదయమ్ము విచ్చుకొన మానస వీణను మీటి జానుగా
నలకలకొల్కి యన్నువకు నచ్చెడు రీతిని వల్లభుండవన్
కలువలు కత్తులయ్యెడిని కార్ముకముల్ విరిదండలయ్యెడిన్!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
మాయ జాల విద్య మహిమ ను జూపించి
రిప్లయితొలగించండిమంత్ర దండ ము న ను మార్చు చుండ
విస్మ యంబు నొంద వింతగా మారెను
కలువ కత్తి దండ కార్ము క మ్ము
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
విలసిత శౌర్య ధైర్య పటు విక్రమ సంభృత 'సత్య ' పోరిలో
రిప్లయితొలగించండికలుషితు,దైత్యునిన్, 'నరకు'గాంచి ,రథంబున నిల్చి,సాయకం
బులు పలు వేయుచుండ-నిటు పొల్పుగ పల్కఁదగున్ మహోన్నతిన్
కలువలు కత్తులయ్యెడిని,కార్ముకముల్ విరిదండ లయ్యెడిన్.
ప్రసాద రావు గారూ,
తొలగించండిమనోహరమైన పూరణ. అభినందనలు.
ధన్యవాదములు
తొలగించండినరకాసురవధ ఘట్టములో ఏక కాలములో సత్యభామ నరకాసురునకు శ్రీకృష్ణపరమాత్మ కు కనిపించిన విధము...
రిప్లయితొలగించండిచంపకమాల
విలయముఁ గాంచె రాక్షసుడు, వేడుకలా హరి కొప్పెఁ, గళ్ళలోన్
గలువలు కత్తులయ్యెడిని, కార్ముకముల్ విరిదండలయ్యెడిన్
దళుకిడె ధూమకేతువుగఁ, దామరతూపరి టెక్కమో యనన్
బొలసెను, సత్యభామ కొస భూసుతు దృష్టికిఁ గృష్ణమూర్తికిన్
కొస = చీరకొంగు
భూసుతుడు = నరకాసురుడు
సహదేవుడు గారూ,
తొలగించండిఅద్భుతమైన పూరణ. అభినందనలు.
🙏ధన్యోస్మి గురుదేవా🙏
తొలగించండివలచితి నంచు వెంట పడి వంకర మాటల నాడి నిత్యమున్
రిప్లయితొలగించండివిలువలు వీడి గర్వమున వెంబర చేష్టల చేయు చుండగా
మెలఁతల మానసమ్ములవి మిక్కిలి క్రోధముతో జ్వలింపగన్
కలువలు కత్తులయ్యెడిని కార్ముకముల్ విరిదండలయ్యెడిన్
అన్నపరెడ్డి వారూ,
తొలగించండిమీ పూరణ ప్రశస్తంగా ఉన్నది. అభినందనలు.
చెలువు మీరునటుల జేయగ యుద్ధము
రిప్లయితొలగించండిఆటవిడుపుగాను నార్యుగూడి
కులుకులొలుకు లలన పలుకులు ములుకులు
కలువ కత్తి దండ కార్ముకమ్ము
సీతాదేవి గారూ,
తొలగించండిమీ పూరణ బాగున్నది. అభినందనలు.
కలువల రేని వెన్నెలల కాంతులు చిందు సరోవరమ్మునన్
రిప్లయితొలగించండికలువల కన్నులన్ వలపు కాకలు రేపెడి కన్నెలన్ గనన్
కలవరమౌను మానసము కంతుని శస్త్రములంచు దోచునా
కలువలు కత్తులయ్యెడిని కార్ముకముల్ విరిదండలయ్యెడిన్
సూర్య గారూ,
తొలగించండిమీ పూరణ మనోహరంగా ఉన్నది. అభినందనలు.
ఈరోజు ఆకాశవాణిలో ప్రసారమైన నా పూరణ:
రిప్లయితొలగించండికులుకు మిటారి వాల్కనులు కోలుమసంగుకఠారి ధారయై
పొలుపుగనుండనీవు మది పోరుచునుండునదేమి చిత్రమో
చిలుకపటాణిరౌతువిలుచేగొనిపూలశరాలనేయగన్
కలువలు కత్తులయ్యెడిని కార్ముకముల్ విరిదండలయ్యెడిన్
మీ పూరణ బాగున్నది. అభినందనలు.
తొలగించండితలపున నిర్మలత్వమును దన్మయ మెల్లసుకర్మలందునన్
రిప్లయితొలగించండిబలుకులలోన మార్దవము పావనవర్తన మన్నిజీవులం
దలఘుదయాస్వభావ మిట నంది చరించుచునున్నవారికిన్
గలువలు కత్తులయ్యెడిని కార్ముకముల్ విరిదండలయ్యెడిన్"
మీ పూరణ ప్రశస్తంగా ఉన్నది. అభినందనలు.
తొలగించండి
రిప్లయితొలగించండి(no subject)
R
Radhakrishna Rao
to radhakrishnarao
2 minutes agoDetails
పలువురు తత్త్వవేత్తలటుపద్దతి జూపిరి బాలకేంద్రమై
విలువలవిద్య నేర్పుటకు విత్తులు నాటిరి మూలమంత్రమై,
కలువలుబాలబాలికలు కల్లలు సేయక సాగుచుండగా
కలువలు కత్తులయ్యెడిని కార్ముకముల్విరిదండలయ్యెడిన్
కొరుప్రోలు రాధాకృష్ణారావు,మీర్ పేట్ ,రంగారెడ్డి
మీ పూరణ బాగున్నది. అభినందనలు.
తొలగించండి"కలువ కత్తి , దండ కార్ముకమ్ము"గమారు
రిప్లయితొలగించండిననుచు మంత్రగత్తె యనగ , వింత
గొల్పె మాకు గాని కూర్చ గలిగె నామె
ఏమి చోద్య మిదయ యెరుక రాదె
మీ పూరణ బాగున్నది. అభినందనలు.
తొలగించండిదుష్ట శిక్షణ జేసి దునిమేటి విష్ణుండు
రిప్లయితొలగించండిఈయరాని వరము లిచ్చిన భర్గుని
చింత వదలు మనుచు చిత్రము జేయగా
కలువ కత్తి దండ కార్ముకమ్ము
మీ పూరణ బాగున్నది. అభినందనలు.
తొలగించండితునిమేటి... అనడం వ్యావహారికం. "...దునిమెడి" అనండి. 'విష్ణుండు + ఈయరాని' అన్నచోట సంధి నిత్యం. విసంధిగా వ్రాయరాదు. "శ్రీహరి యీయరాని..." అనండి. రెండవ పాదంలో గణభంగం. 'భర్గుని' బదులు "హరు" అనండి.
ములుకుల వోలె గుచ్చినవి ముద్దియ మాటలు కృష్ణదేవునిన్
రిప్లయితొలగించండిపలుకుల దీయగా బలుక పాదపు తాడనమే పొసంగగన్
విలువయు లేని సత్యయును వీగెను రోషపు ద్రాచనంగనన్
కలువలు కత్తులయ్యెడిని కార్ముకముల్ విరిదండలయ్యెడిన్
చిలుకల గొల్కి యందకను జిత్తము దోచి వరాల నియ్యకన్
పలుకులు తేనె జిందగను పాటవ మొప్పుచు దాను జేరకన్
మెలుకువలోన మోదమును మెచ్చని గోరిక వేదనయ్యెడిన్
కలువలు కత్తులయ్యెడిని కార్ముకముల్ విరిదండలయ్యెడిన్
(ఆకాశవాణి వారు చదివిన పూరణ)
మీ రెండు పూరణలు బాగున్నవి. అభినందనలు.
తొలగించండికలువలుకత్తులయ్యెడివికార్ముకముల్ విరిదండలయ్యెడిన్
రిప్లయితొలగించండికలియుగమాయలాయనగకానివియాయెనునబ్బురంబుగా
గలువలుగత్తులౌటనిలగాంచితె?యోరమ!నీవజెప్పుమా
కలువలుజూడయుండునటగాంతులుజిమ్ముచుజూడముచ్చటన్
మీ పూరణ బాగున్నది. అభినందనలు.
తొలగించండిపదాల మధ్య వ్యవధానం ఉంచండి.
చం. చెలువము లెన్ని యేనియును చెన్నుగ దోచవు, మిత్ర వాక్యముల్
రిప్లయితొలగించండిచిలుకగ లేవు మూఢజన చిత్తము లెందును! యేక పక్షమై
పలుకగ జూచు వారలెడ పచ్చి నిజమ్మె యబద్ధమై జనున్!
కలువలు కత్తులయ్యెడిని కార్ముకముల్ విరిదండ లయ్యెడిన్!
మీ పూరణ బాగున్నది. అభినందనలు.
తొలగించండి'ఎందును + ఏకపక్ష' మన్నపుడు యడాగమం రాదు.
గురువర్యులకునమస్సులు. పొరబాటుగా సవరించని పూరణ ను బ్లాగ్ లో పోస్ట్ చేశాను, సరి చేసినదానిని (ఈ రోజు ఆకాశవాణిలో చదివినదానిని)ఇప్పుడు ఇక్కడ ప్రకటిస్తున్నాను పరిశీలించప్రార్థన.
తొలగించండిధన్యవాదములు.
చం. చెలువము లెన్ని యేనియును చెన్నుగ తోచవు, మిత్ర వాక్యముల్
చిలుకగ లేవు మూఢజన చిత్తము లిచ్ఛగ నేక పక్షమై
పలుకుచు నుండ వారియెడ పచ్చి నిజమ్మె యబద్ధమై జనున్!
‘కలువలు కత్తులయ్యెడిని కార్ముకముల్ విరిదండ లయ్యెడిన్!’
రిప్లయితొలగించండిఈ వారము ఆకాశవాణి విశేషములేమిటి తెలుపగలరు !
కంది వారి కోరిక మేరకు దత్తపది ప్రయత్నము ద్రౌపదీ స్వయంవరము :)
కలువ కత్తి దండ కార్ముకమ్ము దత్తపది భారతార్థములో :)
చెలికత్తియలమర సరస
న లలిత సుకుమారి కలువ నగుమోము వయా
రి,లిలిక్షయు పూదండని
వలచె నరుని కార్ముకమ్ము వంచగ చేపన్ !
__/\__
తొలగించండివచ్చే వారానికి ఆకాశవాణి వారి సమస్య....
తొలగించండి"చలికాలమున వడదెబ్బ చప్పునఁ దగిలెన్" (గతంలో శంకరాభారణంలో ఇచ్చినదే)
తొలగించండిజిలేబి గారి పూరణ యథావిధిగా చదువబడినది 😊
తొలగించండినెనరుల్స్ ! పంపితిమి :)
జిలేబి
కిరాతార్జునీయము
రిప్లయితొలగించండితలపడెఁ సవ్యసాచియగు ధన్వి, దయాళు కిరాతు తోడుతన్
వలసిన వాడె వచ్చెనని పార్థుడెరుంగమి, యుగ్ర నేత్రముల్
కలువలు కత్తులయ్యెడిని; కార్ముకముల్ విరిదండలయ్యెడిన్
జ్వలికి,లలాటనేత్రునకు,శంభుకు,
సాంబకు సాంఖ్య ముఖ్యుకున్
(నేడాకాశవాణి నందు చదివినది)
మీ పూరణ బాగున్నది. అభినందనలు.
తొలగించండిశంభునకు, సాంబునకున్, ముఖ్యునకున్... అనవలసి ఉంటుంది.
చంటిపాప దన్న సంతసింత్రు జనులు
రిప్లయితొలగించండికాని వారు నవ్వ మేను కాలు
నిష్ట మించు కేని నష్టమైన నగును
గలువ కత్తి దండ కార్ముకమ్ము
జలచర జంతు జంతు నర సత్య వరాల్ప మనుష్య సుంద రా
మల తర రూప సంపదల మానుగఁ గన్పడి నిగ్ర హానుకం
పల హరి సూచె నేని సిరిభర్తయె దుర్జన శిష్ట కోటికిం
గలువలు కత్తులయ్యెడిని కార్ముకముల్ విరిదండలయ్యెడిన్
మీ రెండు పూరణలు అద్భుతంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమః పూర్వక ధన్యవాదములు.
తొలగించండి..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
కలువ కత్తి దండ కార్ముకమ్ము
సందర్భము:
తం శోచమానం కాకుత్థ్సం
నిత్యం శోకపరాయణం
తుల్య దుఃఖోఽబ్రవీ ద్భ్రాతా
లక్ష్మణోఽనునయన్ వచః
(కి.కాం.. 27 స 33 శ్లో.)
రోజూ విలపించే అన్నను చూచి తానూ దుఃఖిస్తూ లక్ష్మణు డోదార్చినాడు.
ఇది ఒక అవతార పురుషుని ఆవేదన..
సీతా వియోగంతో కన్నీరు మున్నీరుగా విలపించే రామచంద్రుడు లక్ష్మణునితో ఇలా అన్నాడు..
"తమ్ముడా! నాకు చివరకు మిగిలినవి..
పూవూ పూబోడీ కాదు..
కత్తులూ కటార్లే!..
చంపుడూ చచ్చుడే!..
ఇక జీవితాంతం వీటితోనే గడుపాల్సి వుం దేమో!
ఒకనాడు స్వయంవరంలో మీ వదిన ఒక పూలదండ వేసింది నా మెడలో..
అది యిప్పుడు కనిపించదు.
అదే స్థానభ్రంశం చెంది నా భుజంమీదకు జారి రూపు చెడి కార్ముకమై పోయిందేమో!..
మందిని చంపడాని కదే కదా ఎక్కువగా నాకు పనికివచ్చేది!!
ఒకనాడు నా ప్రేమకు గుర్తుగా ఒక విరిసిన కలువపూవు నందించాను మీ వదిన చేతికి..
అది ఇప్పుడు కనిపించదు.
అదే స్థానం కోల్పోయి నా నడుము నంటిపెట్టుకుని రూపుచెడి వేలాడే కరవాల మైపోయిందేమో!..
నన్ను నేను చంపుకోవటాని కదే కదా చక్కగా నాకు పనికివచ్చేది!!.."
~~~~~~~~~~~~~~~~~~~~~~~
"మెడను దండ నిడెను మీ వదిన.. భుజాన
పడి ధనువుగ రూపు చెడెను.. నేను
వలపు మీర నిడితిఁ గలువ.. కత్తిగ మారె..
కలువ కత్తి.. దండ కార్ముకమ్ము.."
✍️~డా.వెలుదండ సత్యనారాయణ
పరమార్థ కవి
2.11.19
-----------------------------------------------------------
మీ పూరణ ప్రశస్తంగా ఉన్నది. అభినందనలు.
తొలగించండివలిమలచూలినిన్ హరుని వాసిగ నొక్కటి జేయుయత్నమున్
రిప్లయితొలగించండివలపులు బూయగా నగజ పార్వతి వంకను జూచువేళలో
వలపులవింటివాడు తగు బాణము లేయగ నీశుచిత్తమున్
కలువలు కత్తులయ్యెడిని కార్ముకముల్ విరిదండలయ్యెడిన్!!!
మీ పూరణ బాగున్నది. అభినందనలు.
తొలగించండిఆకాశవాణి ,హైదరాబాద్ కేంద్రంలో..
రిప్లయితొలగించండిసమస్యాపూరణ కార్యక్రమంలో...
02/10/2019 శనివారం ప్రసారమైన కాబోతున్న సమస్య...
కలువలు కత్తులయ్యెడిని కార్ముకముల్ విరిదండలయ్యెడిన్
నా పూరణ. చం.మా.
**** *** ***
లలనల నేడు గాంచగను రాతి మనమ్మును గల్గి ప్రాణ నా
థులకును సంకటమ్ము లిడి తోరగ హింసలపాలు జేయ వా
రల నెదురించకన్ బతులు మ్రాన్పడిపోయిరయో!యిదెట్లన్నన్
కలువలు కత్తులయ్యెడిని కార్ముకముల్ విరిదండలయ్యెడిన్
-- ఆకుల శాంతి భూషణ్
వనపర్తి
మీ పూరణ బాగున్నది. అభినందనలు.
తొలగించండిఎదురించక అన్నది కళ. ద్రుతాంతం కాదు.
కలువ దండ కత్తి కార్ముకములనుట
రిప్లయితొలగించండిబదులుబలికెనిట్లు భరణి!వినుము
కలువ కత్తి దండ కార్ముకములనుచు
దికమకగను దెలిసిదెలియకమ్మ!
మీ పూరణ బాగున్నది. అభినందనలు.
తొలగించండి
రిప్లయితొలగించండికలనము నందు పుత్రుడటు గాసిలినంత సుభద్ర లేచుచున్
బలమును చూప నెంచుచట వాడిగ మాటలనాడు చుండగా
ఛలమది హెచ్చవేగముగ జాణతనంబును చూప కన్నులన్
గలువలు కత్తులయ్యెడిని కార్ముకముల్ విరిదండలయ్యెడిన్
మీ పూరణ ప్రశస్తంగా ఉన్నది. అభినందనలు.
తొలగించండిశీఘ్ర గతిని వత్తు సినిమా కెళదమని
రిప్లయితొలగించండియాశ పెట్టిన పతి బాస మరచి
తప్ప తాగి రాగ దార కసి కనుల
కలువ కత్తి దండ కార్ముకమ్ము
మీ పూరణ బాగున్నది. అభినందనలు.
తొలగించండి'ఎళదము' అనడం గ్రామ్యం. "వత్తు సినిమాకు పోదమం । చాసపెట్టిన..." అనండి.
ఆటవెలది
రిప్లయితొలగించండివీర వరులె కాదు వీరాంగనలఁ గల్గు
వారసత్వమొదవె భారతమున
ఝాన్సి వెంట సాగు చానల కళ్లలో
కలువ కత్తి! దండ కార్ముకమ్ము!!
మీ పూరణ బాగున్నది. అభినందనలు.
తొలగించండి"చానల కనులలో" అనండి.
గురుదేవులకు ధన్యవాదములు. సవరించుకుంటాను.
తొలగించండిఆటవెలది
వీర వరులె కాదు వీరాంగనలఁ గల్గు
వారసత్వమొదవె భారతమున
ఝాన్సి వెంట సాగు చానల కనులలో
కలువ కత్తి! దండ కార్ముకమ్ము! !
1) చ. కులుకులమేను, చూడగనె,కూర్చొనలేక విమానయానమున్,
రిప్లయితొలగించండిచెలిమినిమీరి, చెంగుమని,చేతికిచిక్కిన చెంగులాగగన్,
కలువనుబోలు, నోచెలువ, కాలికియుండెడి,చెప్పుతీసి,ఛీ
తులవని, చెంపవాయగను,దూరముదోయగ,మెచ్చిబల్కెరే,
కలువలు కత్తులయ్యెడిని కార్ముకముల్ విరిదండలయ్యెడిన్.
2) చ. బలమునగెల్తునందరని,బాహువుజూపినకొంతకాలమే,
గెలుతురునెవ్వరైన, విధిగీతనుమీరుటసాధ్యమాయిలన్,
గెలవనిరోజుకూలబడ,గేలినిసేతురు,లోకమెల్లయున్,
తలవనికాలమేతగల,తాడనుకున్నది పామెయవ్వురా,
కలువలు కత్తులయ్యెడిని కార్ముకముల్ విరిదండలయ్యెడిన్.
మీ రెండు పూరణలు బాగున్నవి. అభినందనలు.
తొలగించండిమొదటి పూరణలో 'కాలికి నుండెడి' అని ఉండాలి. 'తులువ + అని' అన్నపుడు యడాగమం వస్తుంది. 'దూరము ద్రోయగ' అని ఉండాలి.
రెండవ పూరణలో 'గెలుతురు + ఎవ్వరైన = గెలుతు రెవ్వరైన' అవుతుంది. నుగాగమం రాదు. 'తలపని కాలమే' అనండి. 'అవ్వురా' అన్న ప్రయోగం సాధువు కాదు.