10-7-2021 (శనివారం) కవిమిత్రులారా, ఈరోజు పూరింపవలసిన సమస్య ఇది... "మీకు మీకును మీకును మీకు మీకు" (లేదా...) "మీకును మీకు మీకు మఱి మీకును మీకును మీకు మీకునున్"
నాకిట నక్షరమ్ములను జ్ఞాన సుభిక్ష నొసంగి సంఘమున్ వేకువ కాంతి పుంజముల విస్తృత భావ ప్రభావ హేలలన్ మైకొన జేసినట్టి పలు మేలిమి యొజ్జలకున్ నమస్కృతుల్ మీకును మీకు మీకు మఱి మీకును మీకును మీకు మీకునున్!
మీకొక మంచి వార్త యిది మిక్కిలి మేలొనరించు మీకునున్ చీకటి దొల్గిపోవు నతి శీఘ్రమె దక్కను మంత్రి హోదలున్ మీకును మీకు మీకు మరి మీకు ను మీకును మీకు మీకునున్ మీ కలలన్ని పండునిక మీదగు సంపద హెచ్చు మెండుగా.
ఏకును మేకునై యెదిగి యెంతయొ సంపద దోచ నాయకుల్, మాకలలన్నియున్ సెదరె మాటలు దండిగ నమ్మబల్కుచున్ జీకటి రాష్ట్రమై నిలువ, సేసిన యప్పుల పాపమెంచగా మీకును మీకు మీకు మరి మీకును మీకును మీకుమీకునున్.
నా కనులన్వెలుంగు బహు నవ్యసుభూషల రేబవళ్ళలో లోకములన్సృజించి యిట రూఢిగ మానవ జన్మ తోడుతన్ మాకులు జీవజాలములు మౌక్తిక వజ్ర విలాస సంపదల్ చేకురజేసె నా విభుడు జీవజలమ్మిడు నిమ్నగాదులన్- మీకును మీకు మీకు మఱి మీకును మీకును మీకు మీకునున్!
ఓటు విలువైన ఆయుధం ఉత్తములకు వేసి గెలిపించి నపుడు మీ విలువ పెరుగు చెడుకు తావివ్వ వలదంటు చెప్పుతున్న మీకు మీకును మీకును మీకు మీకు ...........చిదిరాల సుధాకర్
పూరణ ః-- " మీకును మీకు మీకు , మరి మీకును మీకును , మీకు మీకునున్ !! " టోకున గొంటి సూపరుగ , డూపరుగా పసి జామకాయలన్; ఆకులతోడ లేతవివి ; యందరి కిచ్చెద రండి రండహో; చౌకగ నమ్మెదన్; రుచికి చక్కని కాయలు ; మంచి బేరమే, మీకును మీకు మీకు , మరి మీకును మీకును , మీకు మీకునున్ !!
తేటగీతి: బాల మీ పాలబడ! తలపేలచెడుగ? చాకిరికిరికి కిరికిరి చీకు బతుకు ! ముప్పు తప్పదుప్పునగప్పి పూడ్చు శిక్ష మీకు మీకును మీకును మీకు మీకు!! -కటకం వేంకటరామశర్మ
ముప్పుతప్పదుచూడగమురిపెమునుగ
రిప్లయితొలగించండిరోగమన్నదిరక్కసిరోతఁబుట్టు
శ్రద్ధలేకనుమసలినసద్దుఁజేయు
మీకుమీకునుమీకునుమీకుమీకు
మీ పూరణ బాగున్నది. అభినందనలు.
తొలగించండి'మురిపెముగను' టైపాటు.
పాడు పుర్వులు వచ్చెను పరుగు పరుగు
రిప్లయితొలగించండిమూతి కవచమును తొడుగు ముఖ్యమదియె
చేతులను కలపగ వద్దు, చెప్పుచుంటి
మీకు మీకును మీకును మీకు మీకు"
...భారతీనాథ్ చెన్నంశెట్టి...
మీ పూరణ బాగున్నది. అభినందనలు.
తొలగించండిధన్యవాదములడీ
తొలగించండిక్రొవ్విడి వెంకట రాజారావు:
రిప్లయితొలగించండిపేదను నను చేరగదీసి పెద్ద మదిని
విద్దె లన్నియు నేర్పించి దిద్ది నట్టి
మీకు మీకును మీకును మీకు మీకు
చేయు చుంటిని ప్రణతులు శ్రేష్ఠులార!
మీ పూరణ బాగున్నది. అభినందనలు.
తొలగించండిసమస్య :
రిప్లయితొలగించండిమీకును మీకు మీకు మరి
మీకును మీకును మీకు మీకునున్
( హిమాలయం నుండి గిరికన్యక వచ్చి సప్తర్షుల సతీమణులను తనయింటికి పేరంటానికి రమ్మని ఆహ్వానిస్తున్నది . )
చేకొని నాదు విన్నపము
చేరగ రావలె బేరటాండ్రుగా ;
రాకయె మంచుకొండ కొక
రమ్యత గూర్చును సాధ్విరత్నముల్ !
వాకొన భాగ్యశాలినిని ;
వందన మందుడు ; సేయుచుంటి నే ;
మీకును మీకు మీకు మరి
మీకును మీకును మీకు మీకునున్ .
మీ పూరణ అద్భుతంగా ఉన్నది. అభినందనలు.
తొలగించండిదేశ భక్తిని గల్గియు దీక్ష బూని
రిప్లయితొలగించండిప్రగతి కొఱకును శ్రమియించు వారలైన
మీకు మీకును మీకును మీకుమీకు
భరత భాగ్య దాతల కిప్డు వంద నములు
మీ పూరణ బాగున్నది. అభినందనలు.
తొలగించండిపెళ్ళి విందుకు పరుగిడి వెళ్ళిరనిన
రిప్లయితొలగించండివండి పెట్టినవన్నియు వహ్వ యనుచు
ఆరగించిన యవియును యరగ కుండు
మీకుమీకునుమీకునుమీకుమీకు
మీ పూరణ బాగున్నది. అభినందనలు.
తొలగించండి'ఆరగించిన నవియెల్ల నరగకుండు' అనండి.
ఈ కామెంట్‌ను రచయిత తీసివేశారు.
రిప్లయితొలగించండి
తొలగించండినాకిట నక్షరమ్ములను
జ్ఞాన సుభిక్ష నొసంగి సంఘమున్
వేకువ కాంతి పుంజముల
విస్తృత భావ ప్రభావ హేలలన్
మైకొన జేసినట్టి పలు
మేలిమి యొజ్జలకున్ నమస్కృతుల్
మీకును మీకు మీకు మఱి
మీకును మీకును మీకు మీకునున్!
అద్భుతమైన పూరణ. అభినందనలు.
తొలగించండికోకిలవోలెచాటుగనుకోమ్మకుకోమ్మకుఁజేరికూసెనే
రిప్లయితొలగించండికాకులగోలనాపెనుగఖాతరుఁజేయకజాడదెల్పియున్
చేకోనియప్పరావుకవిఛేదనఁజేసెనుమూర్ఖతత్వమున్
మీకునుమీకుమీకుమఱిమీకునుమీకునుమీకుమీకునున్
మీ పూరణ బాగున్నది. అభినందనలు.
తొలగించండిమాకును మాకు మాకు మరి మాకును మాకును మాకు మాకునున్
రిప్లయితొలగించండిలోకపు తీరు నేర్పిరి ప్రలోభము కాంచని పండితేశ్వరుల్
నాకపు రాజు సాక్షిగను నాయెద సాక్షిగ మొక్కు చుంటి నే
మీకును మీకు మీకు మఱి మీకును మీకును మీకు మీకునున్
...భారతీనాథ్ చెన్నంశెట్టి...
శ్రీ గురుభ్యో నమః 🙏🏻🙏🏻
తొలగించండిప్రశస్తమైన పూరణ. అభినందనలు.
తొలగించండిధన్యవాదములండీ
తొలగించండిసమస్య:
రిప్లయితొలగించండి*మీకును మీకు మీకు మఱి మీకును మీకును మీకు మీకునున్*
ప్రయత్నం:
లోకులు వెక్కిరించినను రూకలొకించుక రాక వోయినన్
మీకవితానురక్తి యొక మేరను దగ్గక ముందుకేగుచున్
మాకిటు నేర్ప, జేసెదను మాన్యుల కెల్లను వందనమ్ములన్
మీకును మీకు మీకు మఱి మీకును మీకును మీకు మీకునున్.
ప్రశస్తమైన పూరణ. అభినందనలు.
తొలగించండి
రిప్లయితొలగించండిపాండవులతోడ కయ్యమ్ము పనికిరాదు
సమరమునువీడి పట్టినన్ శాంతి పథము
క్షేమమదియె గూర్చు ననుచు చెప్పుచుంటి
మీకు మీకును మీకును మీకు మీకు.
దూకలి సైసిరంచు గద దుష్ట చతుష్టయు లైన మీరలే
యేకులటంచు పాండవుల నెంచితిరే! సమ రాంగనమ్ములో
భీకర రూపులై చెలగు వీరులు వారలటంచు చెప్పెదన్
మీకును మీకు మీకు మఱి మీకును మీకును మీకు మీకునున్.
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిపూరణంబును త్వరితన పూర్తిజేసి
రిప్లయితొలగించండిపండితోత్తముల్ గబగబ పంపుచుండె
మీకుమీకునుమీకునుమీకుమీకు
వందలర్పించు చుంటిని వందనములు
మీ పూరణ బాగున్నది. అభినందనలు.
తొలగించండి'పంపుచుండ్రి' అనండి.
తేటగీతి
రిప్లయితొలగించండిజీవి పుట్టుట గిట్టుటల్ దైవవశమ
నంగఁ గోవిడు మృత్యువై క్రుంగఁ దీయ
బాటఁ జూప మ్రొక్కమె దైవకోటిలోన
మీకు మీకును మీకును మీకు మీకు
ఉత్పలమాల
రాకడ పోకడల్ గనిన ప్రాణము జీవుల చేతలేదనన్
బ్రాకట సత్యమే తెలిసె రాక్షస కోవిడు వీరధాటికిన్
శ్రీకరమొంద మ్రొక్కెదము సేమము గూర్చఁగ దైవకోటిలో
మీకును మీకు మీకు మఱి మీకును మీకును మీకు మీకునున్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా🙏
తొలగించండినాకు నాకును నాకును నాకు నాకు
రిప్లయితొలగించండిమీకు మీకును మీకును మీకు మీకు
నంచు వంచక నేతలు పంచుకొనగ
దేశ సంపద సర్వము నాశమౌను
వైవిధ్యమైన చక్కని పూరణ. అభినందనలు.
తొలగించండి🙏
తొలగించండిఈ కామెంట్‌ను రచయిత తీసివేశారు.
రిప్లయితొలగించండిపైకము లేని హేతువున వాసిగ విద్యలు నేర్వలేని నన్
తొలగించండిచేకొని చక్కనైన విధి చేతన నందగ జేసినట్టియౌ
మీకును మీకు మీకు మఱి మీకును మీకును మీకు మీకునున్
వీకనుగూడు డెందమున పెచ్చుగ జేతుల నెత్తి మ్రొక్కెదన్.
ప్రశస్తమైన పూరణ. అభినందనలు.
తొలగించండిమీకొక మంచి వార్త యిది మిక్కిలి
రిప్లయితొలగించండిమేలొనరించు మీకునున్
చీకటి దొల్గిపోవు నతి శీఘ్రమె
దక్కను మంత్రి హోదలున్
మీకును మీకు మీకు మరి మీకు
ను మీకును మీకు మీకునున్
మీ కలలన్ని పండునిక మీదగు
సంపద హెచ్చు మెండుగా.
ప్రశస్తమైన పూరణ. అభినందనలు.
తొలగించండికేంద్ర రాష్ట్ర ప్రభుత్వాలు అందరికీ ఇండ్లు కట్టి ఇస్తామని ఆశ జూపడంగా నా ప్రయత్నము. ఇది విమర్శ కాదు. లోకం పోకడ మాత్రమే నని గ్రహింప ప్రార్థన:
రిప్లయితొలగించండిఉ:
ఏకము జేసి నెల్లరకు నింటిని గూర్తు మటంచు దెల్పగన్
లోకులు నాశగా నెగిరి లొట్టలు వేయుచు నేత చేరగా
సాకులు జెప్ప సాగెనట సత్వరమై యొనగూర్చ పొందికన్
మీకును మీకు మీకు మఱి మీకును మీకును మీకు మీకనన్
వై. చంద్రశేఖర్
"జేసి నెల్లరకు" బదులుగా "జేసి యెల్లరకు" గా చదువ ప్రార్థన.
తొలగించండిమీ పూరణ బాగున్నది. అభినందనలు.
తొలగించండిధన్యవాదములు
తొలగించండిఈ కామెంట్‌ను రచయిత తీసివేశారు.
రిప్లయితొలగించండిగుంపులుగ తిరుగ కరోన కొంప ముంచు
తొలగించండినీకు నాకును ప్రాకును నిక్క ముగను
మాస్కు లేకుండ తిరిగిన మరలి వచ్చు
మీకు మీకును మీకును మీకు మీకు
మీ పూరణ బాగున్నది. అభినందనలు.
తొలగించండినాకమునందు నుండు సురనాథుల ,కాదరమొప్పగా నిలన్
రిప్లయితొలగించండిసాకెడు దల్లిదండ్రులకు, సన్మతి బుద్ధినొసంగు నొజ్జకున్
మ్రాకుల, పంచభూతముల, ప్రాణమునిల్పెడు వైద్యకోటికై
యేకరు వుంచగా భువిని నెందరొ మాన్యులు! ధన్యవాదముల్
మీకును మీకు మీకు మరి మీకును మీకును మీకుమీకునన్
ప్రశస్తమైన పూరణ. అభినందనలు.
తొలగించండిధన్యవాదములాచార్యా!నమస్సులు!🙏🙏🙏
తొలగించండివాకిట నిల్చియున్న బుధ పంక్తిని, సప్తగిరీశులందఱిన్
రిప్లయితొలగించండివీక దయాంబురాశి యయి వేల్పుగ దీవెన లిచ్చి సత్కృపన్
మీకిదె మోక్షమిత్తునని మేలుగ పల్కెను వేంకటేశుడున్-
మీకును మీకు మీకు మఱి మీకును మీకును మీకు మీకునున్.
మీకు పదము 7 సార్లు వచ్చింది అందుకని సప్త గిరులు ఆ ఏడుగురు.
ప్రశస్తమైన పూరణ. అభినందనలు.
తొలగించండిచక్కని ఊహండీ! అభినందనలు!💐💐💐
తొలగించండిధన్యవాదములు
తొలగించండిసీతాదేవి గారూ కృతజ్ఞతలు
తొలగించండిఅమ్మ నాన్నకు గురువుకు నాప్తులకును
రిప్లయితొలగించండిమేలుచేసినవారికి మిత్రులకును
ప్రణతులర్పింతు కేల్మోడ్చి భక్తి మీర
మీకు మీకును మీకును మీకుమీకు
మంచి పూరణ. అభినందనలు.
తొలగించండిఏకును మేకునై యెదిగి యెంతయొ సంపద దోచ నాయకుల్,
రిప్లయితొలగించండిమాకలలన్నియున్ సెదరె మాటలు దండిగ నమ్మబల్కుచున్
జీకటి రాష్ట్రమై నిలువ, సేసిన యప్పుల పాపమెంచగా
మీకును మీకు మీకు మరి మీకును మీకును మీకుమీకునున్.
ప్రశస్తమైన పూరణ. అభినందనలు.
తొలగించండినా రెండవ పూరణము:
రిప్లయితొలగించండినా కనులన్వెలుంగు బహు
నవ్యసుభూషల రేబవళ్ళలో
లోకములన్సృజించి యిట
రూఢిగ మానవ జన్మ తోడుతన్
మాకులు జీవజాలములు
మౌక్తిక వజ్ర విలాస సంపదల్
చేకురజేసె నా విభుడు
జీవజలమ్మిడు నిమ్నగాదులన్-
మీకును మీకు మీకు మఱి
మీకును మీకును మీకు మీకునున్!
భావకవిత్వపు చాయలో మీ పూరణ మనోజ్ఞంగా ఉన్నది. అభినందనలు.
తొలగించండిప్రజల గాపాడ కోవిడు బారినుండి
రిప్లయితొలగించండిప్రాణములనైన నొడ్డిరే పణముగాను
వందనంబిదె గొనుడయ్య వైద్యులార
మీకు మీకును మీకును మీకు మీకు
మీ పూరణ బాగున్నది. అభినందనలు.
తొలగించండిఈతడె జనులనుగలిసి యెనికలందు
రిప్లయితొలగించండిమీకు మీకును మీకును మీకు మీకు
నుచితముగ కొంత పైకము నొసగెదనని
మాటనిచ్చియు మరచిన మానవుండు
మీ పూరణ బాగున్నది. అభినందనలు.
తొలగించండి"యెన్నుకొనగ" అనండి.
🙏🏽
తొలగించండిలోకమునందు పెక్కులుగ రోగము బారిన మగ్గుచుండగన్
రిప్లయితొలగించండికాకుల వోలెనే జనులు కాలగ దారుణ కోవిడుంగనన్
వేకువ తోడుతన్ సతము ప్రీతిగ సేవలనందజేయుచున్
తేకువ మీర వైద్యమును దీటుగ జేయగ వందనమ్మిదే
మీకును మీకు మీకు మఱి మీకును మీకును మీకు మీకునున్
మీ పూరణ బాగున్నది. అభినందనలు.
తొలగించండిమీ పూరణ బాగున్నది. అభినందనలు.
రిప్లయితొలగించండిశ్రీకర మొప్పగా నచట శ్రీశుభకార్యము జేయనెంచుచున్
రిప్లయితొలగించండిబ్రాకట సభ్యులం దరను పాటిగ బిల్చిరి దీక్షగైకొనన్
గాకలుదీరుయోధులకుఁగార్యపుభారముఁ
గట్టబెట్టుచున్
మీకును మీకు మీకు మఱి మీకును మీకును మీకు మీకునున్
కొరుప్రోలు రాధాకృష్ణ రావు
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిలంచగొండు లైదుగురట లజ్జ విడచి
రిప్లయితొలగించండిపైకమడిగిరి తమ వంతు పనిని చేయ
పంచి నాడట విధిలేక పౌరుడొకడు
మీకు మీకునుమీకును మీకు మీకు
ద్వారకానాథ్
మీ పూరణ బాగున్నది. అభినందనలు.
తొలగించండియుద్ధంలో విజయం తర్వాత వానరులతో శ్రీరాముడు
రిప్లయితొలగించండిమ్రాకులపైన బ్రాకుచును మాగినబండ్ల భుజించువారలై
ప్రాకటమైనరీతి ఘనవారధి గట్టిరి లంకజేరగా
శ్రీకర సంప్రసిద్ధినిట జేకుర జేసిరి గొప్పవీరులై
స్వీకరణమ్ము జేయుమిక స్వీయ శుభాంజలి ధన్యవాదముల్
మీకును మీకు మీకు మరి మీకును మీకును మీకుమీకునన్
తాకకు తాకబోకుమను తాతలకాలపు సంప్రదాయమే
తొలగించండివాకిటి గుమ్మమున్ జరుపు పాదపు పాణుల క్షాళనమ్ములే
ప్రాకటమైన రీతినిట పాడుకరోనను నిగ్రహించగా
చేకురు లాభముల్నెరిగి జీవనమార్గము మార్చ ప్రార్ధనల్
మీకును మీకు మీకు మరి మీకును మీకును మీకుమీకునన్
మీ రెండు పూరణలు ప్రశస్తంగా ఉన్నవి. అభినందనలు.
తొలగించండిధన్యాస్మి గురుదేవా! నమోనమః!🙏🙏🙏
తొలగించండితమ్ముని బిడ్డలన్ ధర్మము గానేలి
రిప్లయితొలగించండినట్టి నృపతికి వినయపు వంద
నములు, భీకర ప్రతినమునొన రించిన
గాంగేయున కివియె ఘనత నొప్పు
వెన్నెలకోలులు,విద్యలు నేర్పిన
ద్రోణ కృపులకు మాదు నమసములు,
పిన తండ్రి యౌ విదురునకు ప్రణామముల్,
జననిగాంథారికిన్ చాగిలింత,
కుంతి మాతకు చేమొ గుపు,సభ లోని పూ
జ్య జనావళికి కడు సంతములని
పాండవులు తెలిపెను గదా పరవశముగ
మీకు, మీకును, మీకును, మీకు, మీకు,
ననుచు రాయభారము కోరి నడుగు బెట్టి
నట్టి కృష్ణుడు పలికె వి నయము తోడ
మీ పూరణ ప్రశస్తంగా ఉన్నది. అభినందనలు.
తొలగించండివాట్సప్ సమూహంలో రెండు సవరణలు సూచించినాను.
చేకుర సంపదల్ ప్రజల చింతల గానని నేతలార! మా
రిప్లయితొలగించండిచాకిరికిన్ ఫలమ్మడుగ సాకులు చెప్పెడి యాజమాన్యమా
మీకును జోత, బ్రోవ మము! మెండుగ సొమ్ముల దోచు వైద్యుడా
మీకును మీకు మీకు మఱి మీకును మీకును మీకు మీకునున్
మీ పూరణ ప్రశస్తంగా ఉన్నది. అభినందనలు.
తొలగించండిగురువర్యులకు నమస్సులు, ధన్యవాదములు.
తొలగించండిముక్కు నోరును నిరతము మూయకుండ
రిప్లయితొలగించండిదేశ సంచారమయ్యది తీవ్రమైన
ప్రాణ హానిని గలిగించు భవ్యులార!
మీకుమీకును మీకును మీకుమీకు
మీ పూరణ బాగున్నది. అభినందనలు.
తొలగించండిసోకులు మానుచున్ యువత సౌఖ్యము తోడను నుండగోరుచో
రిప్లయితొలగించండిదేకువగల్గి వారలిక ధైర్యము తోడను మెల్గుచుండినన్
శ్రీకర సంపదల్ దరికి జేరును శంకరు సత్కృపన్ సుమా
మీకును మీకుమీకుమఱి మీకును మీకును మీకుమీకునున్
మీ పూరణ బాగున్నది. అభినందనలు.
తొలగించండిచేకురె నెమ్మి గ్రామమున చెన్నగు కన్నియతోడ, పెద్దలున్
రిప్లయితొలగించండిబ్రాకటమౌ ముహూర్తము వివాహము చేయ తలంచ ప్రీతితో
నాకును నామెకున్, కొనుడు నాదు వివాహపు పెండ్లిపత్రికల్
మీకును మీకు మీకు మఱి మీకును మీకును మీకు మీకునున్
మీ పూరణ బాగున్నది. అభినందనలు.
తొలగించండిసంతసమ్మునఁ గ్రమముగఁ జక్క నిత్తుఁ
రిప్లయితొలగించండిబరమ పంచ మిత్రులకుఁ బద్మరాగ
వజ్ర మౌక్తిక నీల ప్రవాళము లివి
మీకు మీకును మీకును మీకు మీకు
సద్దు సేయకుండ వలయు మిద్దె లోన
గుట్టు రట్టౌను లేకున్న నొట్టు తల్ల
డిల్లి వచియించు చుంటి నే నెల్లరకును
మీకు మీకును మీకును మీకు మీకు
ప్రాకట దేశ సత్సమితి రాడ్వరుఁ డప్పుడు పల్కె నివ్విధిన్
వీఁకఁ జెలంగ నేతలు సుభీకరు లేడ్వురుఁ బ్రీతి మీఱ నే
కైకము సప్త సాగరము లిత్తును గొండు వివాద మే లొకో
మీకును మీకు మీకు మఱి మీకును మీకును మీకు మీకునున్
మీ మూడు పూరణలు ప్రశస్తంగా ఉన్నవి. అభినందనలు.
తొలగించండిఓటు విలువైన ఆయుధం ఉత్తములకు
రిప్లయితొలగించండివేసి గెలిపించి నపుడు మీ విలువ పెరుగు
చెడుకు తావివ్వ వలదంటు చెప్పుతున్న
మీకు మీకును మీకును మీకు మీకు
...........చిదిరాల సుధాకర్
మీ పూరణ బాగున్నది. అభినందనలు.
తొలగించండివాట్సప్ లో సవరణలు చూడండి.
పూరణ ః-- " మీకును మీకు మీకు , మరి మీకును మీకును , మీకు మీకునున్ !! "
రిప్లయితొలగించండిటోకున గొంటి సూపరుగ , డూపరుగా పసి జామకాయలన్;
ఆకులతోడ లేతవివి ; యందరి కిచ్చెద రండి రండహో;
చౌకగ నమ్మెదన్; రుచికి చక్కని కాయలు ; మంచి బేరమే,
మీకును మీకు మీకు , మరి మీకును మీకును , మీకు మీకునున్ !!
మీ పూరణ బాగున్నది. అభినందనలు.
తొలగించండిఉత్పలమాల:
రిప్లయితొలగించండిఆకులు మేయుడంచు బలుసాకులు మాకుచితమ్మటంచు బల్
సాకులుజెప్పి దేశమును చట్టపు దొంగల పాలు జేస్తిరే
మేకులు దింపురోజొకటి మేల్కొన వచ్చు జనాళి, కాచుకో
మీకును మీకు మీకు మఱి మీకును మీకును మీకు మీకునున్!
-కటకం వేంకటరామశర్మ.
ఈ కామెంట్‌ను రచయిత తీసివేశారు.
రిప్లయితొలగించండితేటగీతి:
రిప్లయితొలగించండిబాల మీ పాలబడ! తలపేలచెడుగ?
చాకిరికిరికి కిరికిరి చీకు బతుకు !
ముప్పు తప్పదుప్పునగప్పి పూడ్చు శిక్ష
మీకు మీకును మీకును మీకు మీకు!!
-కటకం వేంకటరామశర్మ
రిప్లయితొలగించండిపాండవులతోడ కయ్యమ్ము పనికిరాదు
సమరమునువీడి పట్టినన్ శాంతి పథము
క్షేమమదియె గూర్చు ననుచు చెప్పుచుంటి
మీకు మీకును మీకును మీకు మీకు.
దూకలి సైసిరంచు గద దుష్ట చతుష్టయ మైన మీరలే
యేకులటంచు పాండవుల నెంచితిరే! సమ రాంగణమ్ములో
భీకర రూపులై చెలగు వీరులు వారలటంచు చెప్పెదన్
మీకును మీకు మీకు మఱి మీకును మీకును మీకు మీకునున్.
కొత్త రోగమదికరోన కూర్మి వీడి
రిప్లయితొలగించండిప్రాణములను తీయుచు నుండ వసుధయందు
వందన శతము లిడుదును వైద్యు లార
*మీకు మీకును మీకును మీకు మీకు*