జంగలమందు చరించు కు రంగమును పొడవడగించి ప్రాల్మాలికచే చెంగట శయనింపగ నా సింగము, కాల్ నక్క గఱచెఁ జిత్రముగ నహో,
జంగల మందునన్ జెలగు సర్వ మృగమ్ముల రాజు నంచు తా నెంగిలి మాంసమున్ దినెడి హీనుడ కానని పల్కి తాను సా రంగము నూచమట్టుగొని లంపట మంది శయించు వేళ నా సింగము, కాలు నక్క గఱచెన్ గడుఁ జిత్రముగాఁ గనుండదే.
( రెండు పద్యాలలోనూ నక్క సింహము నిదురించు వేళ జింక కాలును కరిచినదనే భావము)
అంగడిన విక్రయించగ
రిప్లయితొలగించండికంగారుగ కట్టెలకయి కాననమేగన్
జంగలమందున మన నర
సింగము కాల్ నక్క గఱచెఁ జిత్రముగ నహో
రిప్లయితొలగించండిజంగలమందు చరించు కు
రంగమును పొడవడగించి ప్రాల్మాలికచే
చెంగట శయనింపగ నా
సింగము, కాల్ నక్క గఱచెఁ జిత్రముగ నహో,
జంగల మందునన్ జెలగు సర్వ మృగమ్ముల రాజు నంచు తా
నెంగిలి మాంసమున్ దినెడి హీనుడ కానని పల్కి తాను సా
రంగము నూచమట్టుగొని లంపట మంది శయించు వేళ నా
సింగము, కాలు నక్క గఱచెన్ గడుఁ జిత్రముగాఁ గనుండదే.
( రెండు పద్యాలలోనూ నక్క సింహము నిదురించు వేళ జింక కాలును కరిచినదనే భావము)
జంగలమున రారాజగు
రిప్లయితొలగించండిసింగము వృద్ధాప్యమందు జీవచ్ఛవమై
క్రుంగగ నిస్సత్తువతో
సింగము కాల్ నక్క గఱచెఁ జిత్రముగ నహో
అంగదమధికంబై నీ
రిప్లయితొలగించండిలంగువు చింతించెనకట రాత్రిందివమున్
చెంగట గల మృతినొందిన
సింగము కాల్ నక్క గఱచెఁ జిత్రముగ నహో
అంగడి నందు కట్టియల నమ్మగ నెంచితి , వాటి కోసమై
రిప్లయితొలగించండిసంగడినందు నెక్కొనిన సానువు బోవగ నేను జూచితిన్
జంగలమందు వేటకరి సాయము వేయగ చచ్చినట్టి యా
సింగము కాలు నక్క గఱచెన్ గడుఁ జిత్రముగాఁ గనుండదే
జంగలమందు జంతుతతి సాగ్రము దుఃఖ సముద్ర మందునన్
రిప్లయితొలగించండిక్రుంగెను పెద్దదిక్కయిన కూరిమి సింగము కన్ను మూయగన్
బెంగ దొరంగ జంతువులు పెల్లగు శోచనమందు నుండగా
సింగము కాలు నక్క గఱచెన్ గడుఁ జిత్రముగాఁ గనుండదే
వంగడము లొక్క టైనను
రిప్లయితొలగించండిబొంగిన పంతమ్ముచేతఁ బోరుచు నంతం
ద్రుంగంగ నక్కటా నూ
ర్సింగము కాల్ నక్క గఱచెఁ జిత్రముగ నహో
[ఊర్సింగము = ఊరు సింగము,కుక్క]
బంగరు మాతృభూమిని నపార పరాక్రమ మొప్ప నిత్యమున్
భంగ మొనర్ప కెన్నఁడును బన్నుగఁ గాచుచు నుండ నొక్కెడన్
వంగిన సూడు నక్క పగ పట్టుచు సైన్యము నందు బంటు పె
న్సింగము కాలు నక్క గఱచెన్ గడుఁ జిత్రముగాఁ గనుం డదే
[సూడు నక్క = పగవాఁ డను నక్క; బంటు పెన్సింగము = భట మహా సింహుఁడు]
పొంగెడు నుత్సా హముతో
రిప్లయితొలగించండిసంగడి గాండ్రతొ కలసియు సరదా పడుచున్
జంగల పు వేట లో నర
సింగము కాల్ నక్క క ఱ చె చిత్రముగనహో!
సింగము చచ్చినదను కొని
రిప్లయితొలగించండిసింగము కాల్ నక్క గఱచెఁ జిత్రముగ నహో
యంగన! వింటివె చిత్రము
జంగలమున జరుగు చుండు సహజం బిదియే
భంగముజేయగగురువును
రిప్లయితొలగించండిరంగమునందునతలపడిరాజిలెదుష్టుం
డంగనద్రౌపదియన్నయ
సింగముకాల్నక్కగఱచెచిత్రముగనహో
సింగము గాలుఁజేరెనని జెప్పగ సంతస మొంది వెంటనే
రిప్లయితొలగించండిసింగము కాలు నక్క గఱచెన్ గడుఁ జిత్రముగాఁ గనుండదే
యంగన! కల్గసంతసము నాయత రీతిని గాలు గఱ్చెనే
జంగల మందు సాజమది జంతువు లందున చిత్ర మందువా?
కందం
రిప్లయితొలగించండిఅంగనలఁ గావ నల పో
రంగ విజయుఁడోడె కద కిరాతుల చేతన్
భంగపడుటె గాండీవికి
సింగము కాల్ నక్క గఱచెఁ జిత్రముగ నహో!
ఉత్పలమాల
సంగరయోధుడై చెలఁగి సద్విజయంబున సవ్యసాచియే
యంగనలందరిన్ గొనియు హస్తినకేగ కిరాతులడ్డినన్
భంగ పడెన్ జనార్ధనుని బాసటలేకయె కానికాలమై
సింగము కాలు నక్క గఱచెన్ గడుఁ జిత్రముగాఁ గనుండదే!