11-2-2024 (ఆదివారం)
కవిమిత్రులారా,
ఈరోజు పూరింపవలసిన సమస్య ఇది...
“శంకరుఁ డేతెంచెఁ గనఁగ సంపల్లక్ష్మిన్”
(లేదా...)
“వచ్చెన్ శంకరుఁ డంబతోఁ గనఁగ సంపల్లక్ష్మినిన్ వేడుకన్”
(కళ్యాణ్ చక్రవర్తి గారు మాకు కొల్హాపూర్ మహాలక్ష్మి దర్శనం చేయిస్తూ ఇచ్చిన సమస్య. వారికి ధన్యవాదాలతో...)
పంకజవదనముగలిగిన
రిప్లయితొలగించండిశంకరుపత్నినిశుభకరసన్నుతగాత్రిన్
జంకకగొలువగసుదతులు
శంకరుడేతెంచెగనగసన్నుతగాత్రిన్
సదమలభక్తిన్
తొలగించండిమీ పూరణ బాగున్నది. అభినందనలు.
తొలగించండిమచ్చన్కంఠమునందునుంచితమితోమౌనంపుదైవంబునై
రిప్లయితొలగించండిమెచ్తన్లోకముశంభుడైతనరెనామీనాక్షిసాయంబుతో
మచ్చంగంటిలనోములోమెఱయతామాఘమ్ముమాసంబులో
వచ్చెన్శంకరుఁడంబతోఁగనగ సంపల్లక్ష్మినిన్వేడుకన్
మీ పూరణ బాగున్నది. అభినందనలు.
తొలగించండి'మచ్చంగంటిల'?
పచ్చన్బూసిననోములో
తొలగించండిశంక విడుముమ హరికనుజ
రిప్లయితొలగించండిసంకీర్తన చేయు లక్ష్మి శంకరు చెల్లే
యింకను నచ్చెరువెందుకు
శంకరుఁ డేతెంచెఁ గనఁగ సంపల్లక్ష్మిన్
మీ పూరణ బాగున్నది. అభినందనలు.
తొలగించండి'శంకను విడుము' అనండి. 'చెల్లి + ఏ' అన్నపుడు సంధి లేదు, యడాగమం వస్తుంది.
🙏
తొలగించండి
రిప్లయితొలగించండిపంకజ నాభుని భృగుఋషి
యంకమ్మున తన్నె ననుచు నలుగగ నా తా
టంకిని యోదార్చ దలచి
శంకరుఁ డేతెంచెఁ గనఁగ సంపల్లక్ష్మిన్.
నిచ్చంబా హరిభుక్కు భూషణముగా నీకంఠమున్ దాల్చగా
బొచ్చెన్ బట్టుకు తిర్గువాడవని యామోదింపలే దమ్మయే
యిచ్చున్ గోరిన సంపదల్ రమయటంచిల్లాలు పోరాడగా
వచ్చెన్ శంకరుఁ డంబతోఁ గనఁగ సంపల్లక్ష్మినిన్ వేడుకన్.
మీ రెండు పూరణలు ప్రశస్తంగా ఉన్నవి. అభినందనలు.
తొలగించండికందం
రిప్లయితొలగించండిఅంకితమై గురుఁ గొల్చెడు
వంకను కళ్యాణచక్రవర్తియె నమరన్
కింకరునిగ కంది కులపు
శంకరుఁ డేతెంచెఁ గనఁగ సంపల్లక్ష్మిన్
శార్దూలవిక్రీడితము
శార్దూలవిక్రీడితము
సచ్ఛీలంబున శిష్యకోటిగురువై సాహిత్య దిగ్దర్శనం
బచ్చంబీయఁగ, చక్రవర్తియను కొల్హాపూరు శిష్యుండుఁ దా
స్వచ్ఛంబౌ గురుభక్తి సేవలిడ నిచ్ఛన్, కంది వంశాత్ముఁడై
వచ్చెన్ శంకరుఁ డంబతోఁ గనఁగ సంపల్లక్ష్మినిన్ వేడుకన్
మీ రెండు పూరణలు అద్భుతంగా ఉన్నవి. అభినందనలు.
తొలగించండి🙏 ధన్యోస్మి గురుదేవా!🙏
తొలగించండి👌
తొలగించండిపంకజ లోచన ద న సతి
రిప్లయితొలగించండిశంకను విడనాడి కోరె శంకరు నాపై
పొంకపు భక్తిగ న య్యె డ
శంకరు డేతె o చె గనగ సంపల్ల క్ష్మి న్
మీ పూరణ బాగున్నది. అభినందనలు.
తొలగించండిపంకజ నాభుని భృగువే
రిప్లయితొలగించండిబింకముతోతన్నగ సిరి విష్ణుని వీడెన్
వేంకటపతి దర్శనమని
శంకరుఁ డేతెంచెఁ గనఁగ సంపల్లక్ష్మిన్
మీ పూరణ బాగున్నది. అభినందనలు.
తొలగించండిపంకజలోచన అవనిజ
రిప్లయితొలగించండిసంకటములు బాపఁ నరితి సందిట జేర్చన్
లంకారాజ్యాధిప నా
శంకరుఁ డేతెంచెఁ గనఁగ సంపల్లక్ష్మిన్
మీ పూరణ బాగున్నది. అభినందనలు.
తొలగించండిపంకజనాభుని సతియగు
రిప్లయితొలగించండిసంకటహారిణి జలధిజ సవురును విని తా
గొంకక కొల్హాపూరుకు
శంకరుఁ డేతెంచెఁ గనఁగ సంపల్లక్ష్మిన్
మీ పూరణ బాగున్నది. అభినందనలు.
తొలగించండిమెచ్చన్ సింధుజ వైభవంబు దివిజుల్ మేలంచు కొల్హాపురిన్
రిప్లయితొలగించండియిచ్చన్ జూడగ నెంచి యీశ్వరునితో నీశాని రారమ్మనెన్
సొచ్చెంబౌ కుతుకంబు ముప్పిరిగొనన్ జూడంగ కొల్హాపురిన్,
వచ్చెన్ శంకరుఁ డంబతోఁ గనఁగ సంపల్లక్ష్మినిన్ వేడుకన్
మీ పూరణ ప్రశస్తంగా ఉన్నది. అభినందనలు.
తొలగించండికం॥ పొంకముగఁ దీర్థ యాత్రలు
రిప్లయితొలగించండిబింకము తోడ నొనరించ విధిగా భక్తిన్
సంకట హరణమనిఁ దలచి
శంకరుఁ డేతెంచెఁ గనఁగ సంపల్లక్షిన్
శా॥ ఇచ్చన్ బూనుచుఁ గంది శంకరుఁడు తానెంచెన్ మనశ్శాంతికై
వెచ్చమ్మున్ దలదాల్చి చేరి సఖులన్ బ్రేమమ్ముతో నత్తరిన్
ముచ్చట్లన్ గని తీర్థయాత్రలను సమ్మోహమ్మునే కాంచుచున్
వచ్చెన్ శంకరుఁడంబతోఁ గనఁగ సంపల్లక్ష్మినిన్ వేడుకన్
అంకము నిడ కొల్హాపుర
రిప్లయితొలగించండిశంకరుఁ డేతెంచెఁ గనఁగ
సంపల్లక్ష్మిన్
వంకలుబెట్టక పూజలు
కుంకుమతోఁజేయరండి గోపికలారా!
ఇచ్చంగొల్వగ నెల్లవేళలనునే యేకాగ్ర చిత్తంబుతో
రిప్లయితొలగించండివచ్చెన్ శంకరుఁ డంబతోఁ గనఁగ సంపల్లక్ష్మినిన్ వేడుకన్
మెచ్చెన్ డెందము రెండు రెట్లుగ నికన్ మీనాక్షి యున్ రాకతో
స్వచ్ఛంబౌమది నిల్పిచేయుదునుబూజాకార్యముల్ శ్రద్ధతోన్
పంకజ నయనను లక్ష్మినిఁ
రిప్లయితొలగించండిగొంకక సంపన్ను రాలిఁ గొనినన్ సతిగా
నంకిలి లేక తన సఖుఁడు
శంకరుఁ డేతెంచెఁ గనఁగ సంపల్లక్ష్మిన్
తెచ్చెన్ భాగ్యము విష్ణు శంకరులు సందేహింప కింతైననున్
విచ్చేయంగను భూతలమ్మునకు సంప్రీతిన్ విశేషంబుగా
వచ్చెన్ శ్రీసతి వెంట రాగ వడి నా వైకుంఠుఁడే యద్రికిన్
వచ్చెన్ శంకరుఁ డంబతోఁ గనఁగ సంపల్లక్ష్మినిన్ వేడుకన్