తే.గీ:కూతురా!బావ నచ్చెనా?జాతకమ్ము నద్భుతము,హస్తరేఖలు నద్భుతములె మోద మొసగెడు సంఖ్య లో నీదు చిత్త హరుఁడు శంఖచక్రములతో నలరుచుండె” (హస్తసాముద్రికం లో చేతుల్లో శంఖచక్రా లుంటాయి.నీకు మేన బావ నచ్చాడు కదా! అతని జాతకం,హస్తసాముద్రికం గొప్పవి.అతని చేతిలో శంఖచక్రాలు ఎన్ని ఉంటే అదృష్టమో అన్ని ఉన్నాయి అని తండ్రి అన్నట్టు.)
(1)తే.గీ:కూతురా!బావ నచ్చెనా?జాతకమ్ము నద్భుతము,హస్తరేఖలు నద్భుతములె మోద మొసగెడు సంఖ్య లో నీదు చిత్త హరుఁడు శంఖచక్రములతో నలరుచుండె” (హస్తసాముద్రికం లో చేతుల్లో శంఖచక్రా లుంటాయి.నీకు మేన బావ నచ్చాడు కదా! అతని జాతకం,హస్తసాముద్రికం గొప్పవి.అతని చేతిలో శంఖచక్రాలు ఎన్ని ఉంటే అదృష్టమో అన్ని ఉన్నాయి అని తండ్రి అన్నట్టు.)
(2) చం :"హరి యని పేరు బెట్టు డన నా హర నామము నెంచి రెట్టి సం బర మిది మీకు !"నన్న సతి మాటకు భర్త వచించె నిట్టులన్ "మరచితివేమొ మ్రొక్కు!కనుమా! హరి నామము బెట్టకున్న నీ హర కరయుగ్మమందు నలరారుచునుండెను శంఖచక్రముల్” (హరి అనే పేరు పెడదా మని భార్య అంటే భర్త మ్రొక్కు వలన హరుని పేరు పెట్టాడు.హరి పేరు పెట్టక పోయినా పిల్లవాడి చేతిలో శంఖచక్రా లున్నాయి ,సంతోషించు అని చమత్కారం.)
(3)చం:హరిహరనాథు సృష్టిని మహాకవి తిక్కన జేసె,దాని చి త్తరువును గీయ నా కిరు విధమ్ముల వచ్చెను సుందరమ్ము లై హరి శిరమందు వెల్గుచు శశాంకుడు ,గంగయు నుండ చక్కగా హర కరయుగ్మమందు నలరారుచునుండెను శంఖచక్రముల్ (తిక్కన గారు హరిహరనాథుణ్ని సృష్టించారు.దాన్ని బొమ్మగా వేద్దా మంటే ఆ భావ చిత్రాలు పై రెండు రకాలు గా వచ్చాయి.)
భక్తజనుల పొగడికల పలుకులన్ని
రిప్లయితొలగించండివినుచు , వైకుంఠమందున బెళుకు చుండి
మచ్చెకంటి లక్ష్మీదేవి మనికి యంశ
హరుఁడు శంఖచక్రములతో నలరుచుండె
మీ పూరణ బాగున్నది. అభినందనలు.
తొలగించండితేటగీతి
రిప్లయితొలగించండిఏడుకొండల పైనుండి యెరుక తోడ
భక్తులెల్లరు సేమంబు బడయునటుల
వేడ్కఁ జేసెడు శ్రీరమావిభుడు పాప
హరుఁడు శంఖచక్రములతో నలరుచుండె
చంపకమాల
వరదుఁడు నేడుకొండల నివాసుఁడు భక్తశుభంకరుండు శ్రీ
ధరుఁడు భవాంబుధిన్ మునుగు దాసులఁ దేల్చెడు ముక్తిధాముడున్
దురిత నివారకుండనఁగ తోషము నింపెడు శ్రీరమా మనో
హర కరయుగ్మమందు నలరారుచునుండెను శంఖచక్రముల్
మీ పూరణలు ప్రశస్తంగా ఉన్నవి. అభినందనలు.
తొలగించండి🙏ధన్యోస్మి గురుదేవా!🙏
తొలగించండిగురుదేవుల సవరణనుసరించి...
తొలగించండిచంపకమాల
వరదుఁడు సప్తశైల సునివాసుఁడు భక్తశుభంకరుండు శ్రీ
ధరుఁడు భవాంబుధిన్ మునుగు దాసులఁ దేల్చెడు ముక్తిధాముడున్
దురిత నివారకుండనఁగ తోషము నింపెడు శ్రీరమా మనో
హర కరయుగ్మమందు నలరారుచునుండెను శంఖచక్రముల్
అంబుజోధరుడు విధి పీతాంబరుండు
రిప్లయితొలగించండివిశ్వరూపుడు కేశుడు విష్ణుమూర్తి
పాలసంద్రపు ముద్దులపట్టి చిత్త
హరుఁడు శంఖచక్రములతో నలరుచుండె
పురుషవరుండు శ్రీకరుడు పుష్కరనాభుడు విశ్వరూపుడున్
తొలగించండిహరి మధుసూధనుండు విధి హంసుడు సంగుడు శ్రీనివాసుడున్
వరదుడు శేషశాయి యతి బబ్రువు జిష్ణువు మాధవీ మనో
హర కరయుగ్మమందు నలరారుచునుండెను శంఖచక్రముల్
మీ పూరణలు ప్రశస్తంగా ఉన్నవి. అభినందనలు.
తొలగించండిధన్యవాదాలు గురూజీ 🙏
తొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిధర్మమున్ నిలుపగ నెంచి ధరణి యందు
మానవునిగ జన్మించిన దానవారి
మరునియంబ కలిమిచెలి మానసాప
హరుఁడు శంఖచక్రములతో నలరుచుండె.
విరజుడు పద్మనాభుడు త్రివిక్రము డంబుజనాభుడే గదా
స్మరగురువంచు కొల్చు వనమాలి వరాంగుడు వేదగర్భుడా
సరసిజనాభు డగ్నిజుడు జహ్నువనంతుడు దుష్ట దైత్యసం
హర కరయుగ్మమందు నలరారుచునుండెను శంఖచక్రముల్
మీ పూరణలు ప్రశస్తంగా ఉన్నవి. అభినందనలు.
తొలగించండిపరుగులు వెట్టి పారెదవు పాపను వీడక దొంగిలించుచున్
రిప్లయితొలగించండిస్థిరముగ నిల్వునిల్వనెడి తెంపరి తుంటరి దంతవక్త్రుడే
శిరమది రాలి నూకలిక చెల్లెడి వేళకుఁ జూడ రుక్మిణీ
హర కరయుగ్మమందు నలరారుచునుండెను శంఖచక్రముల్!!
మీ పూరణ ప్రశస్తంగా ఉన్నది. అభినందనలు.
తొలగించండిధర్మ సంస్థా ప నార్థ మై ధాత్రి యందు
రిప్లయితొలగించండినవ త రించెడు వాడునై యచ్యు తుండు
కరుణ తోడుత శిష్టు ల గావగ ముర
హరుడు శంఖ చక్రముల తో నలరు చుండె
మీ పూరణ బాగున్నది. అభినందనలు.
తొలగించండిపాలకడలిలో శేషతల్పమ్ము పైన
రిప్లయితొలగించండివిశ్వపాలనమొనరించి వేసరమున
నిదురబోయెడు శ్రీహరి, నేత్రి చిత్త
హరుఁడు శంఖచక్రములతో నలరుచుండె
మీ పూరణ బాగున్నది. అభినందనలు.
తొలగించండికరివరదుండు కేశవుడు కైటభహారి రమాసమేతుడై
రిప్లయితొలగించండిచరణము లొత్తుచుండ సిరి శయ్యగనొప్పఁగ నాదిశేషుడే
సరవిని పాలసంద్రమున శ్రాంతమునొందగ శ్రీరమామనో
హర కరయుగ్మమందు నలరారుచునుండెను శంఖచక్రముల్
మీ పూరణ ప్రశస్తంగా ఉన్నది. అభినందనలు.
తొలగించండిహరిహరుల నేకమైనటు దరిశనంబు
రిప్లయితొలగించండినిర్గుణస్వరూపముగ మునీంద్ర జూడ
దలచి, తపము జేయంగ, ప్రత్యక్ష మయ్యె
కరుణ జూపంగ మెరయుచు కనుల ముందు
హరుఁడు శంఖచక్రములతో నలరుచుండె
మీ పూరణ బాగున్నది. అభినందనలు.
తొలగించండితే.గీ:కూతురా!బావ నచ్చెనా?జాతకమ్ము
రిప్లయితొలగించండినద్భుతము,హస్తరేఖలు నద్భుతములె
మోద మొసగెడు సంఖ్య లో నీదు చిత్త
హరుఁడు శంఖచక్రములతో నలరుచుండె”
(హస్తసాముద్రికం లో చేతుల్లో శంఖచక్రా లుంటాయి.నీకు మేన బావ నచ్చాడు కదా! అతని జాతకం,హస్తసాముద్రికం గొప్పవి.అతని చేతిలో శంఖచక్రాలు ఎన్ని ఉంటే అదృష్టమో అన్ని ఉన్నాయి అని తండ్రి అన్నట్టు.)
ఈ కామెంట్‌ను రచయిత తీసివేశారు.
రిప్లయితొలగించండి(1)తే.గీ:కూతురా!బావ నచ్చెనా?జాతకమ్ము
రిప్లయితొలగించండినద్భుతము,హస్తరేఖలు నద్భుతములె
మోద మొసగెడు సంఖ్య లో నీదు చిత్త
హరుఁడు శంఖచక్రములతో నలరుచుండె”
(హస్తసాముద్రికం లో చేతుల్లో శంఖచక్రా లుంటాయి.నీకు మేన బావ నచ్చాడు కదా! అతని జాతకం,హస్తసాముద్రికం గొప్పవి.అతని చేతిలో శంఖచక్రాలు ఎన్ని ఉంటే అదృష్టమో అన్ని ఉన్నాయి అని తండ్రి అన్నట్టు.)
(2) చం :"హరి యని పేరు బెట్టు డన నా హర నామము నెంచి రెట్టి సం
బర మిది మీకు !"నన్న సతి మాటకు భర్త వచించె నిట్టులన్
"మరచితివేమొ మ్రొక్కు!కనుమా! హరి నామము బెట్టకున్న నీ
హర కరయుగ్మమందు నలరారుచునుండెను శంఖచక్రముల్”
(హరి అనే పేరు పెడదా మని భార్య అంటే భర్త మ్రొక్కు వలన హరుని పేరు పెట్టాడు.హరి పేరు పెట్టక పోయినా పిల్లవాడి చేతిలో శంఖచక్రా లున్నాయి ,సంతోషించు అని చమత్కారం.)
(3)చం:హరిహరనాథు సృష్టిని మహాకవి తిక్కన జేసె,దాని చి
రిప్లయితొలగించండిత్తరువును గీయ నా కిరు విధమ్ముల వచ్చెను సుందరమ్ము లై
హరి శిరమందు వెల్గుచు శశాంకుడు ,గంగయు నుండ చక్కగా
హర కరయుగ్మమందు నలరారుచునుండెను శంఖచక్రముల్
(తిక్కన గారు హరిహరనాథుణ్ని సృష్టించారు.దాన్ని బొమ్మగా వేద్దా మంటే ఆ భావ చిత్రాలు పై రెండు రకాలు గా వచ్చాయి.)
హరిహర రూపునిన్ గొలువ నాపదలేవియు చేరజాల వా
రిప్లయితొలగించండిహరుని స్తుతించుచున్న హరుడై కనుపించును, చిత్తమందు శ్రీ
హరిని భజించఁ గన్పడును హంసుడు, నిత్యము గోపికా మనో
హర, కరయుగ్మమందు నలరారుచుండెను శంఖచక్రముల్
రండు కొలువుండు వేంచేసె నండ నొసఁగ
రిప్లయితొలగించండినాక లోకాదిగ నఖిల లోక రక్ష
కుండు నభవుండు మోక్షప్రదుండు పాప
హరుఁడు శంఖచక్రములతో నలరు చుండె
హరి నిజ భక్త దీన నిచ యావన కార్య నిమగ్న చిత్తుఁడే
కరి పర మార్తి సంహరణ కార్య నిజాంస నితాంత ధారి ని
ర్జర గణ రక్ష ణాతురుఁడు శార్ఙ ధరుండు నరద్విషౌఘ సం
హర కర యుగ్మ మందు నలరారుచు నుండెను శంఖచక్రముల్
చంపకమాల.
రిప్లయితొలగించండిచరణము మోపి పృథ్విని వసంతమునింపి, ధనుస్సునెక్కిడన్
ధరణిజ చేయి పట్టగను దండ్రి యనుజ్ఞను గానకేగగా,
శరముల వైరిఁగూల్చిన ప్రసన్నమనస్కుడు, జానకీమనో
హర కరయుగ్మమందు నలరారుచునుండెను శంఖచక్రముల్
సమస్య: (ఉత్పలమాల(లు))
రిప్లయితొలగించండిహర కరయుగ్మమందు నలరారుచునుండెను శంఖ చక్రముల్!!
నిరతము శాంతమూర్తిగను నిల్చెను వేడుక నేడుకొండలన్
హరణము చేయు సంచితము హర్షము తోడుత వెన్ను దన్నుగా
స్మరణము జేసినంత కడు సౌఖ్యములీయగ వేచు నా మనో
హర కరయుగ్మమందునలరారుచునుండెను శంఖ చక్రముల్!!
మరి హరి యొక్కడే జనక ! మార్గముఁజూపును మ్రొక్క వేడుకన్
సురవర పూజితుండు మధుసూదన భక్త వశుండు గాడొకో
అరయకహంబునన్,పరుడు నాతఁడనెంచియె గాంచవే మనో
హర కరయుగ్మమందునలరారుచునుండెను శంఖ చక్రముల్!!
పాల సాగరమందున పవ్వళించి
రిప్లయితొలగించండిజగతినెల్లయు నడిపించు చక్రధారి
తోయజనయనుండాహరి దుష్ట దనుజ
హరుడు,శంఖ చక్రములతో నలరు చుండె
సరసిజనాభుడౌహరినిసన్నుతిచేయుచుదేవతల్వడిన్
మొరలిడ రాగ గాంచనట మోడ్చుచు హస్తములన్ పరాత్పరా
మురహర!కావుమయ్యవడిముప్పునుబాపమనంగ నామనో
హరకరయుగ్మమందునల రారుచునుండెను శంఖచక్రముల్
కరిమొర నాలకించుచును కంబుగళుండటచెప్పకుండగన్
త్వరితముగాబయల్వెడలపద్మజవెంబడివచ్చుచుండగా
గరుడునితోడుగానచట క్రమ్మరవచ్చినయంత శ్రీమనో
హర కర యుగ్మమందునలరారుచునుండెను శంఖచక్రముల్
డా బల్లూరి ఉమాదేవి
రిప్లయితొలగించండిశిరముపై గంగయు శశియు చిందు లేయ
సతికి సగముమేనొసగుచుసంతసించ
హరుడు,,శంఖ చక్రములతో నలరు చుండె
క్షీరవారిధి యందున సిరిని గూడి
రిప్లయితొలగించండిపిన్నక నాగేశ్వరరావు.
హైదరాబాద్.
చంద్ర వంకను శిరముఁ దాల్చంగ, మేని
యర్థ భాగాన సతి తోడ నలరినాడు
హరుడు; శంఖ చక్రములతో నలరుచుండె
పాల సంద్రాన లక్ష్మితో పాప హరుడు.