ఉ:"కో" యని జాగృతిన్ బ్రజలకున్ గలిగించగ గూసి నాడ, "ని స్కో" యన వారి గెల్పు కయి క్రోధము జూపితి సాటి వారి పై, కోయుచు నుండి రింక నను గూడను జూడు డటంచు స్వప్రజన్ "కోయని" కూసి మేల్కొలిపెఁ గుక్కుట మా మలిసంజ వేళలో (మనుషులని మేల్కొలపటానికి కూసాను.ఆ మనుషుల గెలుపు కోసం సాటి కోళ్ల మీద నిష్కారణ క్రోధము తెచ్చుకొని కూసాను.ఇప్పుడు వీళ్లు నన్నే కోస్తున్నారు.నిజం చూడండి అని ఆ కోడి మరణించే ముందు తన జాతిని మేల్కొలిపింది.ఇస్కో అనే పదాన్ని పందెం లో ఉసి గొలపటానికి వాడతారు. )
"కుక్కుటము మలిసంజలోఁ గోసెనహహ"
రిప్లయితొలగించండియనుచు నచ్చెరువొందగ నర్థమేమి ?
ఏ శరీరి కైనను గొంతు నిడ సహజమె .
తోచినపుడెల్ల కూయును తోషమొంది
తేటగీతి
రిప్లయితొలగించండిరాత్రి వేళల విధులకు రమ్మనంగ
పగలు నింద్రించు నలవాటు పాదుకొనియె
మేలుకొలుపంగ చరవాణి మీద కృతక
కుక్కుటము మలిసంజలోఁ గూసెనహహ!
ఉత్పలమాల
హాయియె లేని రాత్రివిధులందున గూర్చగఁ గొల్వు పెద్దలన్
రోయక నిద్రనే పగలు లోకవిరుద్ధమునైనఁ బోవఁగన్
బాయక మేలుకొల్పు చరవాణిని గూర్చఁగఁ గృత్రిమంబుగన్
గోయని కూసి మేల్కొలిపెఁ గుక్కుట మా మలిసంజ వేళలో!
ఓయి నరోత్తముండ గనుమోయి
రిప్లయితొలగించండియదే తొలి దిక్కనందునన్
తోయజ బాంధవుండదిగొ
ద్యోతము బంపెను జూడుమంతటన్
చేయకు కాలయాపనము శీఘ్రమె
లెమ్మని యింటిలోపలన్
కోయని కూసి మేల్కొలిపె కుక్కుట
మా మలిసంజ వేళలో.
దాయగ వచ్చు పెట్టలకు దారినిఁ దెల్పగ పుంజు కూసెనో!
రిప్లయితొలగించండిజాయను గోర సంతునకు, సంబరమై సరసంబుఁ జూపెనో!
పాయకఁ గల్గు శబ్దములు భాసము కారణమేమొ! యెందుకో
కోయని కూసి మేల్కొలిపెఁ గుక్కుట మా మలిసంజ వేళలో!!
ఆయువు నొందినంత వడి యాశ్రయ మిచ్చెడి వానివీడకనే
రిప్లయితొలగించండిపీయుడు నింగిపైకెగసి వేగకముందరె కూయు చుండగా
నాయడు గాసినొంది తన నైజము వీడఃచు స్వాపమొందగన్
కోయని కూసి మేల్కొలిపెఁ గుక్కుట మా మలిసంజ వేళలో
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిప్రాశ్చ దేశము వారితో బయలుదేరి
రిప్లయితొలగించండిభరతవర్ష ప్రాంతమునకు వచ్చి యుండి
ఉదయ సంజన శయనమై,నిదుర లేచి
కుక్కుటము మలిసంజలో గోసెనహహ
నిక్కమిది మంచి రకమని నేతయొకడు
రిప్లయితొలగించండిమిక్కుటంబుగ సేవించి మేదకమును
కుక్కుటముతోడ శయనించె నొక్కనాదు
కుక్కుటము మలిసంజలోఁ గూసె నహహ
నాయకుడొక్కరుండు చనె నాడొక చోటుకు శాంతికోరి సా
రాయముఁ ద్రావి తానచట రాత్రిపరుండెను కోడిపుంజుతో
హాయిగ నిద్రవోయి కడు హాయిగ లేచిన వెన్క కొక్కొరో
కో యని కూసి మేల్కొలిపెఁ గుక్కుట మా మలిసంజ వేళలో
రేయి బవల్ గడించుటయె రీతిగ యవ్వన కాలమంతయున్
రిప్లయితొలగించండినా యని నా కుటుంబమని నమ్మి చరించిన గాని నేటికిన్
మాయ తొలంగె మాధవుడె మానసమందున గొల్వు దీరగా
కోయని కూసి మేల్కొలిపెఁ గుక్కుట మా మలిసంజ వేళలో
ఆధునిక మైన చరవాణి హస్త మందు
రిప్లయితొలగించండికలిగి యున్నట్టి వారిని వలసి నపుడు
మహిని మే ల్కొ ల్ప కృత్రిమ మైన రీతి
కుక్కుటము మలి సంజ లో గూ సె నహ హ
భక్తితో శివ రాతిరి భవుని మ్రోల
రిప్లయితొలగించండిజాగరణ మొనరించెను జ్ఞాని కూడ
నిదుర లేమిచేఁ బగలంత నిదురవోయి
కుక్కుటము మలిసంజలోఁ గూసెనహహ
(జ్ఞాని=కోడి)
పాయక నెల్లవారల నవశ్యముగా తొలిసంజ వేళలో
రిప్లయితొలగించండికోయని కూసి మేల్కొలుపు కుక్కుటమా శివరాత్రమందునన్
రేయిని మేల్కొనంగ మరి లేవక నిద్ర యుషోదయమ్మునన్
కోయని కూసి మేల్కొలిపెఁ గుక్కుట మా మలిసంజ వేళలో
తే.గీ:కుక్కుటము తొలి సంజ లో కూసె నింటి
రిప్లయితొలగించండివారి మేల్గొల్ప,
ప్రొద్దెక్క పందెమునకు
గూసె,వారలే పీకను గోయుచుండ
కుక్కుటము మలిసంజలోఁ గూసె నహహ”
ఉ:"కో" యని జాగృతిన్ బ్రజలకున్ గలిగించగ గూసి నాడ, "ని
రిప్లయితొలగించండిస్కో" యన వారి గెల్పు కయి క్రోధము జూపితి సాటి వారి పై,
కోయుచు నుండి రింక నను గూడను జూడు డటంచు స్వప్రజన్
"కోయని" కూసి మేల్కొలిపెఁ గుక్కుట మా మలిసంజ వేళలో
(మనుషులని మేల్కొలపటానికి కూసాను.ఆ మనుషుల గెలుపు కోసం సాటి కోళ్ల మీద నిష్కారణ క్రోధము తెచ్చుకొని కూసాను.ఇప్పుడు వీళ్లు నన్నే కోస్తున్నారు.నిజం చూడండి అని ఆ కోడి మరణించే ముందు తన జాతిని మేల్కొలిపింది.ఇస్కో అనే పదాన్ని పందెం లో ఉసి గొలపటానికి వాడతారు. )
డా బల్లూరి ఉమాదేవి
రిప్లయితొలగించండిపాయకనిత్యమున్జనులవాసిగలేపుచునుండునెల్లెడన్
సాయపడంగనెంచుచునుచక్కగ కొక్కొరొకోయటంచుతా
*కోయనికూసిమేల్కొలిపి కుక్కుట మా మలిసంజవేళలో*
మేయుచునున్నగోవులటమేటిగ నిండ్లను చేరెహాయిగా
పగలు నిదురించి మేల్కని బద్దకమున
రిప్లయితొలగించండిలెండు లెండంచు వేగంబ రం డనుచును
బాలుఁ డొక్కండు వింతైన బద్దకంపుఁ
గుక్కుటము మలిసంజలోఁ గూసె నహహ
తీయగ నెల్లవారలను దిట్టతనమ్మున రేఁగి కొక్కురో
కో యని కూసి మేల్కొలిపెఁ గుక్కుట మా తొలుసంజ వేళలోఁ
దీయగఁ దోడి వారలను దివ్వెలు నా కయి మూరి వెల్గె నొ
క్కో యని కూసి మేల్కొలిపెఁ గుక్కుట మా మలిసంజ వేళలో
[కుక్కుటము = 1. కోఁడి 2. మిణుఁగుఱుపుర్వు]
కుక్కుటము మలిసంజలోఁ గూసె నహహ
రిప్లయితొలగించండిచక్కజెప్పితి రనుచుంటి నొక్క మాట
కుక్కుటము తొలి సంజలోఁగూసె యనిన
నిక్కు వంబుగ నుండును నిర్మలాత్మ!
కాయము నీరసంబడగఁగామపిశాచిని కారణంబునన్
రిప్లయితొలగించండిదీయని రాత్రులుంగడుపు తేతల సారధి మత్తుగల్గగా
ఱేయిని నిద్రలో మునిగి ఱేపులు మాపులు వెళ్ళఁబుచ్చ గాఁ
గోయని కూసి మేల్కొలిపెఁ గుక్కుట మా మలిసంజ వేళలో
రిప్లయితొలగించండిఉత్పలమాల:
కోయిల పిల్ల గొంతు విన కోపము పెంపక మాపు కాకియే
మాయల లోకమే నరుడ మారెను పధ్ధతి సర్వజీవులన్
రేయిపవళ్ల వృష్టి ముసిరే కరిమబ్బుల గాంచి యాత్రమున్
కో! యని కూసి మేల్కొలిపెఁ గుక్కుట మా మలిసంజ వేళలో
తే॥ మారఁగ జనుల పద్ధతి మతులు దప్పి
రిప్లయితొలగించండిరాత్రి పూట మేల్కొనుచుండి రమ్ముఁ ద్రావి
పగటి పూట నిద్రించఁగఁ మగత వీడఁ
గుక్కుటము మలి సంజలో గూసెనహహ
ఉ॥ పాయక రాత్రి పూటలను ప్లబ్బులు క్లబులటంచు మేల్కొనన్
దాయము లాడి త్రావుచును దప్పఁగ నేమము పట్టణమ్ములన్
సాయముఁ జేయనెంచఁగనొ సమ్మతిఁ గాంచుచుఁ దాను మారెనో
కోయని కూసి మేల్కొలిపెఁ గుక్కుట మా మలిసంజె వేళలో
ఇది నడుస్తున్నదే కదండి.
ఈ కామెంట్‌ను రచయిత తీసివేశారు.
రిప్లయితొలగించండిజాయను చూడవచ్చి సరసంబుల నాడగ బోవ నాత్రమున్
రిప్లయితొలగించండిఓయని బిల్వ నాతడును మోజుగ మాటున ప్రొద్దువాలులో
నేయము జూపు బావఁగని నెచ్చరికంబుగ కూసె కొక్కరో
కో యని కూసి మేల్కొలిపెఁ , గుక్కుట “మా”మలిసంజ వేళలో”