తే.గీ:ఇభము తన శక్తి జూపించు నెన్నికలను భాజపా కిత్తు మింక పరాజయమని బహుజనదళము భావించ,నహము పోవ తమ్మివిరి దాఁకి కూలె దంతావళమ్ము” (బహుజనవాద పార్టీ గుర్తు ఏనుగు.బి జె పి ది కమలం గుర్తు.కమలం గెలిచి ఏనుగు ఓడిపోయింది.)
ఉ:ఏలెను కొన్ని రాష్ట్రముల నేనుగు చిహ్నము హస్తచిహ్నమే యేలగ కేంద్ర మందున, నరేంద్రుడు కేంద్రము నందు రాగ నా కాలము మారె నేనుగుకు కష్టము పద్మదళమ్ము తెచ్చెగా ! కూలెను మత్తవారణము గొట్టఁగ నొక్కఁడు తమ్మిపూవుతోన్” (కేంద్రం లో కాంగ్రెస్ ఉండగా కొన్ని రాష్ట్రాలలో బి యస్ పి అధికారం లో ఉంది కానీ కేంద్రం లో నరేంద్ర మోడీ వచ్చాక బి యస్ పి బాగా దెబ్బ తిన్నది.)
27 కామెంట్లు:
తేటగీతి
అరయ సైరంధ్రి లోకులకల్పురాలు
బుద్ధికర్మానుసారిణి పుడమి నందు
మరులు గొని చచ్చె నామెకై మత్స్యరాజు
తమ్మివిరి దాఁకి కూలె దంతావళమ్ము!
ఉత్పలమాల
బేలగ నెంచి మాలినిని బ్రీతిని బొందఁగఁ గీచకుండహో!
గాలము వైచి సోదరిని క్రమ్మగ నెంచఁగ కాముకుండునై
యాలిని గావఁగా వలలుఁడల్లగ వ్యూహము నాట్యశాలలోఁ
గూలెను మత్తవారణము గొట్టఁగ నొక్కఁడు తమ్మిపూవుతోన్!
చిని చిని గజము బొమ్మల జేర్చి రచట ..
సోయగము నిడబోవగ సుమము మలున్న
సజ్జను తికమకగొని చే జార్చి నంత
తమ్మివిరి దాఁకి కూలె దంతావళమ్ము
పంట చేలను ద్రొ క్కుచు పాడు సేయు
కరుల నదుపు సేయు ట కు నై కర్షకుండు
యోచ నను సల్పి యుంచె ను యుక్తి విషపు
తమ్మి విరి తాకి కూలె దంతా వళ మ్ము
పంటపొలము ప్రక్కననుండె కుంటనొకటి
పురుగుమందును పిచికారి పఱచ రైతు
కొలను నందున రాలగ, జలము త్రాగి
తమ్మివిరి దాఁకి కూలె దంతావళమ్ము
మన్మధ బాణము తాకటంతో రావణుని నాశనము మొదలైనది:-
ఏలెను సర్వలోకముల నీశ్వరు మెప్పును బొందినప్పుడన్
కాలమె మారి పాపములు గాల్చెను సీతనుఁ దెచ్చినంతటన్
రాలెను కంఠముల్ పదియు రక్కసి చిక్కెను మన్మధాంబుకున్
కూలెను మత్తవారణము గొట్టఁగ నొక్కఁడు తమ్మి! పూవుతోన్!!
*మన్మథాంబుకున్
మేలు తపంబొనర్చెనని మెచ్చి శివుండు వరంబునీయ దు
శ్శీలుడు బూది చేతునని చేతులు జాప గ్రహించి చక్రి దా
జాలపు చానయై చిలిపి సైగ దహింపగ జేసె రక్కసున్
కూలెను మత్తవారణము గొట్టఁగ నొక్కఁడు తమ్మిపూవుతోన్
బొమ్మలకొలువే పెట్టిన ముద్దుగుమ్మ
బొమ్మలన్ బేర్చు సమయాన బొమ్మయొకటి
చేయి జారి వేరొకబొమ్మ చిద్రమయ్యె
తమ్మివిరి దాఁకి కూలె దంతావళమ్ము
చాలని చెప్పినన్ వినక సారసలోచన కల్యమీయగా
తూలుచు మత్తులో మునిగి తొంగలి రెప్పలు నిద్రపుచ్చగా
కూలెను మత్తవారణము; గొట్టఁగ నొక్కఁడు తమ్మిపూవుతోన్
వీలగునా జవాబొసగ వేకువ జామున మేలుకొల్పగా
ముడుపుఁగట్టిన చాలును ముఱియునొకడు
సాటి లేడనిఁబొగడగ సాగునొకడు
మోదమొందునుభక్తికిబూదితాల్పు
తమ్మివిరి దాఁకి కూలె దంతావళమ్ము
కొరుప్రోలు రాధాకృష్ణ రావు
తమ్మిపూవును బోలిన తరుణి కనులు
మరుఁడు విడచిన పదునగు మార్గణములు
వాలు గన్నుల వింటితో బాణమేయ
తమ్మివిరి దాఁకి కూలె దంతావళమ్ము
తే.గీ:ఇభము తన శక్తి జూపించు నెన్నికలను
భాజపా కిత్తు మింక పరాజయమని
బహుజనదళము భావించ,నహము పోవ
తమ్మివిరి దాఁకి కూలె దంతావళమ్ము”
(బహుజనవాద పార్టీ గుర్తు ఏనుగు.బి జె పి ది కమలం గుర్తు.కమలం గెలిచి ఏనుగు ఓడిపోయింది.)
మీ పూరణలు ప్రశస్తంగా ఉన్నవి. అభినందనలు.
మీ పూరణ బాగున్నది. అభినందనలు.
మీ పూరణ బాగున్నది. అభినందనలు.
మీ పూరణ బాగున్నది. అభినందనలు.
*కుంట యొకటి*
మీ పూరణ ప్రశస్తంగా ఉన్నది. అభినందనలు.
మీ పూరణ ప్రశస్తంగా ఉన్నది. అభినందనలు.
మీ పూరణలు ప్రశస్తంగా ఉన్నవి. అభినందనలు.
మీ పూరణ బాగున్నది. అభినందనలు.
మీ పూరణ బాగున్నది. అభినందనలు.
మీ పూరణ బాగున్నది. అభినందనలు.
మత్త మాతంగ మిభముల మందఁ గూడి
యేఁగు చుండంగ రేఁగిన యెలమి తోడఁ
గామ సాగరమం దభంగం బనంగు
తమ్మివిరి దాఁకి కూలె దంతావళమ్ము
తేలదు త్రాసు వస్తువుల దేవి సమర్పణ మెంత సేసినన్
మేలిమి స్వర్ణ భూషల నమేయము వేసిన రిత్త లయ్యెనే
వ్రాలిన భక్తితోఁ దులసి పత్రము వేయఁగఁ దూఁచెఁ గృష్ణునిం
గూలెను మత్తవారణము గొట్టఁగ నొక్కఁడు తమ్మిపూవుతోన్
ఉ:ఏలెను కొన్ని రాష్ట్రముల నేనుగు చిహ్నము హస్తచిహ్నమే
యేలగ కేంద్ర మందున, నరేంద్రుడు కేంద్రము నందు రాగ నా
కాలము మారె నేనుగుకు కష్టము పద్మదళమ్ము తెచ్చెగా !
కూలెను మత్తవారణము గొట్టఁగ నొక్కఁడు తమ్మిపూవుతోన్”
(కేంద్రం లో కాంగ్రెస్ ఉండగా కొన్ని రాష్ట్రాలలో బి యస్ పి అధికారం లో ఉంది కానీ కేంద్రం లో నరేంద్ర మోడీ వచ్చాక బి యస్ పి బాగా దెబ్బ తిన్నది.)
ధన్యవాదాలు గురూజీ 🙏
చిన్న నీటి పురుగు చేరి చెరువులోని
తమ్మి విరి దాకి కూలె దంతావళమ్ము
గనుచు మనమున భీతిల్లె కరముతోడ
తాక తన్నేమి చేయునో తమ్మి యనుచు
ఏలిక యెక్కగన్ మదము హెచ్చగ పర్గులు తీసినంతనే
కోలనుచేతబట్టుచునుకోడెవయస్సునకోపగించుచున్
*కూలెను మత్తవారణము గొట్టగ నొక్కడు, తమ్మి పూవుతోన్*.
చేలము బట్టుచున్ దిగెను శీఘ్రమె యేలిక మెచ్చుచాతనిన్
🙏 ధన్యోస్మి గురుదేవా!🙏
కోలుమసంగి మన్మథుఁడు కోమలి నారడిపెట్టుచుండగన్
వాలుజడన్ వయారముగ బట్టుకు త్రిప్పుచు ప్రాణనాథునిన్
కేళిగ జూచినంత ఝషకేతుఁడు సంధిలె పూల చాపమున్
కూలెను మత్తవారణము గొట్టఁగ నొక్కఁడు తమ్మిపూవుతోన్
కామెంట్ను పోస్ట్ చేయండి