క్రమాలాంకారం లో --- కపులు లంకను జేరంగ గట్టి రే ది? జూదమున నోడి వెడలియు మోద ముడిగి గడిపి రె వ్వరు వనవాస కఠి న దీక్ష? వారధి ని గట్టి నారట :: పాండు సుతులు
తే.గీ:రాయబారిగ గృష్ణుడే రాగ శకుని పలికె రారాజు తో నిట్లు"పలికి నాడు బీరముల నెన్నొ నీ మేలు కోరి స్నేహ వారధినిఁ గట్టినారఁట పాండుసుతులు” (జూదం సందర్భం లో ఈ పాండవులు పెద్ద ప్రతిజ్ఞలు చేసారు కదా!ఇప్పు డేదో నీ మంచి కోసం స్నేహవారధి కట్టారటోయ్! అని శకుని దుర్యోధనుడి తో వేళాకోళం గా అన్నట్టు.)
ఉ:శూరుడు క్రీడి వాయుసుతు జూచి పతాకము పైన నిట్లనెన్ "వీరుడు భీము డెన్నడును ప్రేమ వహించెడు తమ్ము డౌట నీ వారలు పంచపాండవులు ,వారధిఁ గట్టిరి లంకఁ జేరఁగన్ శూరులు నీదు బందుగులు ,చూపుము నీ దయ నేటి యాజి లోన్. (హనుమా!భీముడు నీ తమ్ముడు కనుక పాండవులు నీ వాళ్లే.ఆనాడు లంకకి వారధి కట్టింది నీ బంధువులే.ఈ నాటి యుద్ధం లో సాయ పడు అని అర్జునుడు జెండా పై కపిరాజుని ప్రార్థించాడు.)
17 కామెంట్లు:
రామబంటులు రాముడు లంకఁ జేర
వారధినిఁ గట్టినారఁట, పాండుసుతులు
సంతసమునొంద మయుఁడొక వింతగొలుపు
సభను నిర్మించి యిచ్చెను రభసముగను
విరించిగురువారం, ఆగస్టు 21, 2025 9:48:00 PM
వానరులు లంక జేరగ వార్ధిపైన
కట్టిరేమి? శత్రువులన కౌరవులకు
నెవరని యడిగితి తెలుపు మింపుగ నన
వారధినిఁ గట్టినారఁట , పాండుసుతులు.
వారిజ నేత్రి ద్రోవది వివాహమునాడిన వీరు లెవ్వరో?
శ్రీ రఘు రామ కార్యమని చివ్వను గోరుచు శీఘ్రమందునన్
వారిధి దాటనెంచుచును వానరు లచ్చట జేసిరేమనన్?
వారలు పంచపాండవులు , వారధిఁ గట్టిరి లంకఁ జేరఁగన్.
భారత యుద్ధరంగమున భైరవ
మొప్పగ బోరి గెల్చి ర
వ్వారలు పంచపాండవులు, వారధి
గట్టిరి లంక జేరగన్
ధీరులు రామసేన కపి తేజులు
మిక్కిలి సహసంబుతో
క్రూరుడు రావణాసురుని గూల్చియు
సీతను దేనయోద్యకున్
ఉ.
తారలు విస్తుపోవు గతి తామర బంధువు వృద్ధి చెంద నే
భారతరామగాథలను స్వప్నమునందు విరుద్ధ రీతిలో
సారెకు గంటి, కౌరవుల జంపెను రాముడు, కృష్ణు చుట్టలౌ
వారలు పంచపాండవులు వారధిఁ గట్టిరి లంకఁ జేరగన్ !
వారలమేయ విక్రములు వారు గుణాఢ్యులు వర్తనమ్మునన్
వారలు పంచపాండవులు, వారధిఁ గట్టిరి లంకఁ జేరఁగన్
వారలు వానరుల్ పరమభక్తులు శ్రీరఘురామమూర్తికిన్
బోరన రామునాజ్ఞఁ గొని పోరును సల్పఁగ రాక్షసాళితో
వనిత కుజను తెచ్చుటకయి వానరముల
దండు యచ్చటి కడలిని దాటనెంచి
వారధినిఁ గట్టినారఁట ; పాండుసుతులు
కలిసి కృష్ణకు సూత్రము కట్టినటుల
తేటగీతి
హ నుమ నలనీల జాంబవుఁడంగదుండు
ముఖ్యులేవురు శ్రమియించి పొందువడగ
ననుటె రాఘవపాండవీయార్థ భ్రమను
"వారధినిఁ గట్టినారఁట పాండుసుతులు"
ఉత్పలమాల
తీరుగ నర్థమున్ దెలియు దృష్టిని రాఘవపాండవీయమున్
నేరిచి పల్కినంత నలనీల సుసేణులు హన్మ జాంబవుల్
గూరిన ముఖ్యులేవురని గొప్పగజెప్పుట, తాఱుమాఱునన్
"వారలు పంచపాండవులు వారధిఁ గట్టిరి లంకఁ జేరఁగన్"
దాశరథి కండదండగా తాము నిల్చి
వానరుల్ పట్టువీడక పరువుపైన
వారధినిఁ గట్టినారఁట; పాండుసుతులు
పట్టు బిగియించి గెల్చిరి భారతమున
భారత రామ కావ్యముల బల్లిదులే గనవచ్చు చుంద్రుగా
కోరుచు రాజ్యసౌభగము ఘోరవిదారము సల్పినారుగా
వారలు పంచపాండవులు; వారధిఁ గట్టిరి లంకఁ జేరఁగన్
వారలు వానరుల్ తరలి వచ్చిరి రాముని కండదండగా
క్రమాలాంకారం లో ---
కపులు లంకను జేరంగ గట్టి రే ది?
జూదమున నోడి వెడలియు మోద ముడిగి
గడిపి రె వ్వరు వనవాస కఠి న దీక్ష?
వారధి ని గట్టి నారట :: పాండు సుతులు
కపట కౌరవ వ్యూహాల కడలిదాట
కృష్ణ భగవానుడందించు కృపనుచేత
నిష్ఠ నిలుపుచు జయముకై గట్టి ధర్మ
వారధినిఁ గట్టినారఁట పాండుసుతులు
తే.గీ:రాయబారిగ గృష్ణుడే రాగ శకుని
పలికె రారాజు తో నిట్లు"పలికి నాడు
బీరముల నెన్నొ నీ మేలు కోరి స్నేహ
వారధినిఁ గట్టినారఁట పాండుసుతులు”
(జూదం సందర్భం లో ఈ పాండవులు పెద్ద ప్రతిజ్ఞలు చేసారు కదా!ఇప్పు డేదో నీ మంచి కోసం స్నేహవారధి కట్టారటోయ్! అని శకుని దుర్యోధనుడి తో వేళాకోళం గా అన్నట్టు.)
ఉ:శూరుడు క్రీడి వాయుసుతు జూచి పతాకము పైన నిట్లనెన్
"వీరుడు భీము డెన్నడును ప్రేమ వహించెడు తమ్ము డౌట నీ
వారలు పంచపాండవులు ,వారధిఁ గట్టిరి లంకఁ జేరఁగన్
శూరులు నీదు బందుగులు ,చూపుము నీ దయ నేటి యాజి లోన్.
(హనుమా!భీముడు నీ తమ్ముడు కనుక పాండవులు నీ వాళ్లే.ఆనాడు లంకకి వారధి కట్టింది నీ బంధువులే.ఈ నాటి యుద్ధం లో సాయ పడు అని అర్జునుడు జెండా పై కపిరాజుని ప్రార్థించాడు.)
తే॥ ఎన్నఁగను సమాధానము నిచ్చిరిటుల
వారధినిఁ గట్టినారఁట వానరులట
వారధినిఁ గట్టె రాముఁడు తీరుగాను
వారధినిఁ గట్టినారఁట పాండు సుతులు
అట అక్కడ
ఉ॥ తీరుగ నిచ్చినారిటులఁ దెల్పఁగ నెన్ని జవాబుఁ బ్రశ్నకున్
వారధిఁ గట్టి చేరిరఁట వానరు లెల్లరు లంకఁ ధీరులై
వారధి లేకనే చనిరి వానరు లెల్లరు లంక దూకుచున్
వారలు పంచపాండవులు వారధిఁ గట్టిరి లంకఁ జేరఁగన్
ముందుగా చాలామంది క్రమాలంకారములో వ్రాసియుంటారని పరీక్షలలో సామాన్యంగా ఇచ్చే Multiple choice తీసుకున్నానండి
క్రమాలంకార పూరణ
ఉ॥ ధీరులు శూరులై ధరను దీనత నొందిరి సైఁచి కష్టముల్
క్రూరులు కౌరవాధములు కూర్చఁగ నెప్పుడు వారలెవ్వరో
తీరుగ నేమి చేసిరఁట తెల్పుమ వానరు లెల్ల కూడుచున్
వారలు పంచ పాండవులు వారధిఁ గట్టిరి లంకఁ జేరఁగన్
దుర్జయులు సంగరమ్మున దుస్తరంపుఁ
గౌరవ మహావరూధినీ కంధి పైన
సరళ ధారా విరాజిత శస్త్ర నిచయ
వారధినిఁ గట్టినారఁట పాండుసుతులు
నేరఁగఁ బూర్వ కాల వన నిర్గత రాడ్వరు సచ్చరిత్ర దు
ర్వార బలప్రదర్శనము వర్ధిలు చుండఁగఁ జూపి శౌర్య వి
స్తారము నెవ్వ రెవ్వ రిడఁ జక్కని సాయము, నాఁగ నడ్గుడున్
వారలు పంచపాండవులు, వారధిఁ గట్టిరి లంకఁ జేరఁగన్
నవీన రీతిలో మీ సేసిన యెన్నిక ప్రశంసార్హమే నండి.
పిన్నక నాగేశ్వరరావు.
హైదరాబాద్.
రాము నాజ్ఞతో కపిసేన లంక జేర
వారధిని కట్టినారట; పాండు సుతులు
కదన మందున నోడించి కౌరవులను
రాజ్యమును పొందిరి మరల రాజసముగ.
కామెంట్ను పోస్ట్ చేయండి