గురువు గారికి నమస్కారములు. వొక చిన్న సందేహము " మ " వర్గ యతి " మ-య-ర-ల-వ-శ-ష-స-హ = లు చెల్లును " అని చదివాను అది ఎలా ? ఇవన్ని ఒక అక్షరానికి మరొక అక్షరం సరిపోతుందా ? లేక " మకి - య ,రకి = ల ,అలా చూడాలా ? లేక " అ " ..కారమునకు " అ " కారము గనుక అన్ని దేనికైనా మరొకటి సరి పోతుందా ? తెలుప గలరు
గన్నవరపు నరసింహ మూర్తి గారూ, మీ హీటింగ్ బిల్లుల "వడదెబ్బ" అదిరింది. మంచి పూరణ. అభినందనలు.
మంద పీతాంబర్ గారూ, నిజమే. పదవు లూడిన వారికి, పదవు లాశించి పొందలేని వారికి ఈ చలికాలంలో "వడదెబ్బే". బాగుంది. అభినందనలు.
నేదునూరి రాజేశ్వరి గారూ, విరహ తాపాన్ని వడదెబ్బతో పోల్చారు. బాగుంది. కాని మొదటి పాదంలో గణదోషం, రెండవ పాదంలో యతిదోషం ఉన్నాయి. "తిలకించ తరుణి లాస్యము పులకించెను తనువు మనము మోహము గలిగెన్" అంటే సరిపోతుంది.
చంద్రశేఖర్ గారూ, మంచి భావంతో పద్యం చెప్పారు. బాగుంది. "పోరన్ దలవకు" కంటే "పోరన్ దలపకు" బాగుంటుంది. "తొ" ప్రయోగం చాలామంది పద్యరచనలో చేస్తుంటారు. ఇది తప్పు. అది "తో". దానిని హ్రస్వం చేయరాదు. "తరుణితో" అనే తృతీయార్థంలో "తరుణిని" అని ద్వితీయాన్ని ప్రయోగింపవచ్చు. "నానాయధముల్" అనేది టైపాటా? అది "నానాయుధముల్" కదా?
నేదునూరి రాజేశ్వరి గారూ, మీ రెక్కడ చదివారో గాని అది పూర్తిగా తప్పు. "మ"వర్గ యతి అనేది లేదు. "మ"కు "మ" తోనే యతి చెల్లుతుంది. "పు ఫు బు భు" లకు "ము" తో యతి చెల్లడం పోలిక యతి. దీనినే "మువిభక్తి యతి" అంటారు. దీని ప్రకారం ము-మూ-మొ-మో లకు పు-పూ-పొ-పో-ఫు-ఫూ-ఫొ-ఫో-బు-బూ-బొ-బో-భు-భూ-భొ-భో లకు యతి చెల్లుతుంది. అనుస్వారంతో కూడిన ప-ఫ-బ-భ లకు అంటే ంప-ంఫ-ంబ-ంభ లకు "మ"తో యతి చెల్లడం "బిందు యతి". "ర"కు "ఱ" తోను, "ల"కు "ళ"తోను యతి చెల్లుతుంది. ఇది అభేద యతి. ప-ఫ-బ-భ లకు "వ"తో యతి చెల్లడం కూడ అభేద యతి. అ- య లకు, చ-ఛ-జ-ఝ లకు శ-ష-స లకు యతి చెల్లడం సరస యతి.
శ్రీ శంకరయ్య గారు,నమస్కారం. యతుల గురించి మీరు వివరించిన విషయాలు మాకు ఎంతో ఉపయుక్తంగా ఉన్నాయి.అలాగే రేఫముతో గూడిన అక్షరాలు ఎప్పుడు లఘువులుగా ఉంటాయి,ఎప్పుడుగురువులౌతాయి వాటి పూర్వ హ్రస్వాలు ఏ సందర్భములోగురువులుగా మారుతాయి.వివరిస్తే నాకూ తరచుగా వచ్చే సందేహాలు తొలుగుతాయి.
తిలకించితి 'నీనాడు' ను
రిప్లయితొలగించండిబులిపించెను నాదు జిహ్వ పొందుట కొఱకై
పలురకముల వడలన్! కదె
చలికాలమున వడదెబ్బ చప్పునఁ దగిలెన్.
(ఈరోజు ఈనాడు పత్రికలో పలురకాల వడలు పరిచయం చేయడం జరిగింది. ఆ అంశాన్ని తీసుకుని పూరించాను. అలా అని అపార్థం చేసు కొనేరు. నేను శాకాహారిని మాత్రమే నండోయ్.)
పులియైనను పిల్లైనను
రిప్లయితొలగించండిచలియనుచూ వణకి చచ్చు, సమిధలు గాల్చన్
నెలసరికి ఎచ్చు వెచ్చము
చలికాలమున వడదెబ్బ చప్పునఁ దగులున్
మాకు చలికాలములో హీటింగు బిల్లులు అదురుతుంటాయి.
ఈ దినములలో సమిధ ఎలెక్ట్రిసిటీ, కాకపోతే గాస్ కదండీ !
రిప్లయితొలగించండికలికాలముగద చూడగ ,
రిప్లయితొలగించండిపలువింతల గానగలము పగలునురేయిన్,
కలచెదిరెను,పదవూడెను,
చలికాలమున వడదెబ్బ చప్పునరగిలెన్!
(కిరణ్ కూర్పులో పదవులూడిన మంత్రుల స్థితి, పూరణకు వస్తువు)
కలువకనుల జవరాలా!
రిప్లయితొలగించండిపలుకగ జాల! చవులూరు వడల సురుచులన్.
చెలియరొ! నీచేతి చలవ!
చలికాలమున వడదెబ్బ చప్పునఁ దగిలెన్.
తిలకించగ తరుణుల లాస్యము
రిప్లయితొలగించండిపులకించెను తనువు మనము పరవశమొందన్ !
వలపులు విరియగ మనసున
చలి కాలమున వడదెబ్బ చప్పునఁదగిలెన్ !
గురువు గారికి నమస్కారములు.
రిప్లయితొలగించండివొక చిన్న సందేహము " మ " వర్గ యతి " మ-య-ర-ల-వ-శ-ష-స-హ = లు చెల్లును " అని చదివాను అది ఎలా ?
ఇవన్ని ఒక అక్షరానికి మరొక అక్షరం సరిపోతుందా ? లేక " మకి - య ,రకి = ల ,అలా చూడాలా ? లేక " అ " ..కారమునకు " అ " కారము గనుక అన్ని దేనికైనా మరొకటి సరి పోతుందా ? తెలుప గలరు
కలలో నైనను పోరన్
రిప్లయితొలగించండిదలవకు ముద్దుల తరుణితొ,తగ వాడెదరో
చెలగి న్నానాయధముల్
చలికాలమున ‘వడ’దెబ్బ చప్పునఁ దగిలెన్.
మనవి: చలికాలంలో మీ ఆవిడ వడ వేస్తానంటే మాత్రం ఈ పద్యం తలచుకోండి, నవ్వు నటిస్తూ (స్వానుభవం).
మిస్సన్న గారూ,
రిప్లయితొలగించండిపూరణ బాగుంది. అభినందనలు.
గన్నవరపు నరసింహ మూర్తి గారూ,
మీ హీటింగ్ బిల్లుల "వడదెబ్బ" అదిరింది. మంచి పూరణ. అభినందనలు.
మంద పీతాంబర్ గారూ,
నిజమే. పదవు లూడిన వారికి, పదవు లాశించి పొందలేని వారికి ఈ చలికాలంలో "వడదెబ్బే". బాగుంది. అభినందనలు.
నేదునూరి రాజేశ్వరి గారూ,
విరహ తాపాన్ని వడదెబ్బతో పోల్చారు. బాగుంది.
కాని మొదటి పాదంలో గణదోషం, రెండవ పాదంలో యతిదోషం ఉన్నాయి.
"తిలకించ తరుణి లాస్యము
పులకించెను తనువు మనము మోహము గలిగెన్" అంటే సరిపోతుంది.
చంద్రశేఖర్ గారూ,
మంచి భావంతో పద్యం చెప్పారు. బాగుంది.
"పోరన్ దలవకు" కంటే "పోరన్ దలపకు" బాగుంటుంది. "తొ" ప్రయోగం చాలామంది పద్యరచనలో చేస్తుంటారు. ఇది తప్పు. అది "తో". దానిని హ్రస్వం చేయరాదు. "తరుణితో" అనే తృతీయార్థంలో "తరుణిని" అని ద్వితీయాన్ని ప్రయోగింపవచ్చు. "నానాయధముల్" అనేది టైపాటా? అది "నానాయుధముల్" కదా?
నేదునూరి రాజేశ్వరి గారూ,
రిప్లయితొలగించండిమీ రెక్కడ చదివారో గాని అది పూర్తిగా తప్పు.
"మ"వర్గ యతి అనేది లేదు.
"మ"కు "మ" తోనే యతి చెల్లుతుంది.
"పు ఫు బు భు" లకు "ము" తో యతి చెల్లడం పోలిక యతి. దీనినే "మువిభక్తి యతి" అంటారు. దీని ప్రకారం ము-మూ-మొ-మో లకు పు-పూ-పొ-పో-ఫు-ఫూ-ఫొ-ఫో-బు-బూ-బొ-బో-భు-భూ-భొ-భో లకు యతి చెల్లుతుంది.
అనుస్వారంతో కూడిన ప-ఫ-బ-భ లకు అంటే ంప-ంఫ-ంబ-ంభ లకు "మ"తో యతి చెల్లడం "బిందు యతి".
"ర"కు "ఱ" తోను, "ల"కు "ళ"తోను యతి చెల్లుతుంది. ఇది అభేద యతి.
ప-ఫ-బ-భ లకు "వ"తో యతి చెల్లడం కూడ అభేద యతి.
అ- య లకు, చ-ఛ-జ-ఝ లకు శ-ష-స లకు యతి చెల్లడం సరస యతి.
ధన్యవాదాలండీ, మాష్టారు గారు. క్రొత్త పాఠం నేర్చుకొన్నాను.
రిప్లయితొలగించండినా పూరణ .......
రిప్లయితొలగించండికలికాలం బియ్యది వె
న్నెల వేడిగఁ దోచు; కాల నియమము దప్పెన్
గలఁచెను తీవ్రాతప మది
చలికాలమున వడదెబ్బ చప్పునఁ దగిలెన్.
గురువుగారూ యీ దినము పాఠము మా అందఱికీ చాలా ఉపయోగకరమైనది. మీ పూరణలు కూడా మాకు లాభకరమైనవి. మీకు సదా ధన్యవాదములు.
రిప్లయితొలగించండిశ్రీ శంకరయ్య గారు,నమస్కారం.
రిప్లయితొలగించండియతుల గురించి మీరు వివరించిన విషయాలు
మాకు ఎంతో ఉపయుక్తంగా ఉన్నాయి.అలాగే
రేఫముతో గూడిన అక్షరాలు ఎప్పుడు లఘువులుగా
ఉంటాయి,ఎప్పుడుగురువులౌతాయి వాటి పూర్వ హ్రస్వాలు
ఏ సందర్భములోగురువులుగా మారుతాయి.వివరిస్తే నాకూ
తరచుగా వచ్చే సందేహాలు తొలుగుతాయి.
గురువు గారికి నమస్కారములు. సందేహాలను చక్కగా వివరించి చెప్పినందుకు ధన్య వాదములు.
రిప్లయితొలగించండిచలి దెబ్బ మూలద్రోసెను
రిప్లయితొలగించండిచలికాలమున; వడదెబ్బ చప్పునఁ దగిలెన్
మలి యెండాకాలమ్మున
కలికాలపు వొంటి తీరు కష్టమె నాకున్!
కం.చెలి వండిన గారెలనే
రిప్లయితొలగించండిచులకన జేసెను మగండు చోద్యమ్మనుచున్
అలిగిన సతి వడ విసరగ
చలికాలమున వడదెబ్బ చప్పున దగిలెన్.
జనార్దన రావు గారూ,
తొలగించండిమీ పూరణ చాలా బాగున్నది. అభినందనలు.
ఆర్యా !ధన్య వాదాలు.
తొలగించండివలపులతో తిరుపతి వడ
రిప్లయితొలగించండిచెలి ఫ్రిజిలో నిడగ నేను చెకచెక తినగన్
విలవిల వణికించెడి యా
చలికాలమున వడదెబ్బ చప్పునఁ దగిలెన్
శాస్త్రి గారూ,
తొలగించండిమీ 'వడ'దెబ్బ పూరణ బాగున్నది. అభినందనలు.
కలుగగ పుట్టెడు బుద్ధులు
రిప్లయితొలగించండిబలుపుగ తెలగాణనందు భండన జేయన్
సలుపగ తల నాయుడికిట
చలికాలమున వడదెబ్బ చప్పునఁ దగిలెన్