సదస్యులకు శుభాభినందనలు. మీ మీ పూరణలు బహు చక్కగ నున్నవి. _____________________________________ 01) దైవ శక్తి కతన - ద్వారక జేరెను బావ మాట నంప - పార్థు డంత భక్తి పూజ సేయ - బలరాము జెల్లెలు కాంతఁ జూచి మౌని కన్ను గొట్టె. ______________________________________
గన్నవరపు నరసింహ మూర్తి గారూ, బాగుంది మీ పూరణ. సమస్య పాదాన్ని పద్యం మధ్య రెండు పాదాలలో సర్దిన విధానం వినూత్నంగా ఉంది. అభినందనలు.
ఊకదంపుడు గారూ, మీ పూరణ బాగుంది. అభినందనలు. ఒకటవ పాదంలో "అహర్నిశుల" కంటె "అహర్నిశము" అంటే బాగుంటుంది. మూడవ పాదంలో "హళ్ళి జేయు" ప్రయోగం విలక్షణంగా ఉంది.
హరి గారూ, మీ పూరణ ఉత్తమంగా ఉంది. అభినందనలు.
టేకుమళ్ళ వెంకటప్పయ్య గారూ, మీ రెండు పూరణలూ చాలా బాగున్నాయి. అభినందనలు. రెండవ పద్యం మొదటి పాదంలో "ఇహ" శబ్దం గ్రామ్యమే. "నాకున్+అనుకొని" అన్నప్పుడు యడగమం రాదు. దానిని " ఇంద్రపదవి బోవు నిక నాకు ననుకొని"
వసంత్ కిశోర్ గారూ, మీ మూడు పూరణలును గడుంగడు ప్రశంసార్హంబులై యొప్పుచున్నవి. మీకు మూడు వీరతాళ్ళు!
మిస్సన్న గారూ, సమస్య పాదాన్ని మధ్యకు జొప్పించి పూరించిన విధానం బాగుంది. అభినందనలు.
లక్కాకుల వెంకట రాజారావు గారూ, చమత్కారంగా చెప్పారు. నిజమే! వృద్ధులమైన మనకు ఆ కథలు గతస్మృతులే. గుర్తుకు తెచ్చుకొని సంబర పడడం తప్పు కాదు కదా? అయినా పూరణలు చేసే వారిలో నవ యువకులు, వసంత్ కిశోర్ లాంటి "శిశువులు" ఉన్నారు కదా. వారికోసం ... మంచి పూరణ .... అభినందనలు.
మంద పీతాంబర్ గారూ, మీ పూరణ బాగుంది. అభినందనలు.
రాజేశ్వరి నేదునూరి గారూ, చాలా బాగుంది మీ పూరణ. "తబిసి" శబ్దప్రయోగం బాగుంది. అభినందనలు.
కోడీహళ్ళి మురళీ మోహన్ గారూ, మీ పూరణ అన్ని విధాలా బాగుంది. అభినందనలు.
ఏమి చెప్ప నగును ఈ కలి మహిమలు పరమ దైవ భక్తి, పరువు, కీర్తి అన్ని విడిచి నిత్య ఆనందమున దేలి కాంతఁ జూచి మౌని కన్ను గొట్టె
కోడీహళ్ళి మురళీ మోహన్ గారూ, ఆయన కలిసి ఉంటే కలదు సుఖమంటుంటే , మీరు విడగొడితే ఎలా ? "అన్నివిడచి నిత్యానందమందు దేలి" అంటే మందు కూడా జేరి ఆనందం రెట్టింపౌతుంది :)
మాష్టారూ, రాత్రేదో పగలెదో తెలియకుండా అనటానికి అహర్నిశుల మరచి అన్నాను, మీరు చెప్పిన సూచన బావుంది. ధన్యవాదములు
కాంత తోడ జనియె కాశి నీశుని జూడ
రిప్లయితొలగించండికదియు దొంగ గనుచు కాంతఁ జూచి
మౌని కన్ను గొట్టె మగనాలు నో పెట్టు
గట్టి పెట్ట దొంగ పట్టువడియె
ఆకలి దప్పికల, నహర్నిశులమరిచి,
రిప్లయితొలగించండిఊపిరాపి కంటిపాప నిలిపి
జేయు తపముఁ హళ్లిజేయ దిగిన ఐంద్ర
కాంతఁ జూచి మౌని కన్ను గొట్టె.
మాష్టారూ , ఒకటి మూడూ పాదాలలో ఏమైనా తప్పులుంటే జెప్పరూ
భవదీయుడు
ఊకదంపుడు
జడలు ముడియ గట్టి జపమాల చేబట్టి
రిప్లయితొలగించండిదొంగ స్వామి నగరి దూరి నంత
చేరె చక్రధరుని చెల్లియే తనచెంత
కాంతఁ జూచి మౌని కన్ను గొట్టె.
1. యోగి యనుచు దలచి యోగము నేర్వగ;
రిప్లయితొలగించండిముదితలంతజేరి మునిని గొల్వ
రంజితెంతొ నచ్చి రమ్మనె లోనికి
కాంత జూచి మౌని కన్ను గొట్టె.
2. ఇంద్ర పదవి బోవు ఇహనాకు యనుకొని
రంభ నంపె తపము రట్టు జేయ
దీక్ష విడక మౌని దివ్య వరములంది
కాంత జూచి మౌని కన్ను గొట్టె.
సదస్యులకు శుభాభినందనలు.
రిప్లయితొలగించండిమీ మీ పూరణలు బహు చక్కగ నున్నవి.
_____________________________________
01)
దైవ శక్తి కతన - ద్వారక జేరెను
బావ మాట నంప - పార్థు డంత
భక్తి పూజ సేయ - బలరాము జెల్లెలు
కాంతఁ జూచి మౌని కన్ను గొట్టె.
______________________________________
ఎంత వార లైన కాంత దాసులె కదా
రిప్లయితొలగించండికాంతఁ జూచి మౌని కన్ను గొట్టె-
డునని పంత మూని చనుదెంచె నా రంభ
శృంగి లొంగ డాయె భంగ పడెను.
కాంత జూచి మౌని కన్ను గొట్టు కథలు
రిప్లయితొలగించండికాంత మౌని జూచి కన్ను గొట్టు
వ్యధలు కవుల కేల వార్ధక్యమున వలదు
కంది శంకరయ్య గారు ! మనకు
-వెంకట రాజా రావు . లక్కాకుల
బ్లాగు : స్రుజన-సృజన
హింస పెరిగె పరమ హంసలు కఱువైరి
రిప్లయితొలగించండినీతి దప్పి కామ ప్రీతు లైరి,
సత్య మైన పథము సాధువు జూపగా
కాంత జూచి మౌని కన్ను గొట్టె!
సదస్యులకు శుభాభినందనలు.
రిప్లయితొలగించండిమీ మీ పూరణలు బహు చక్కగ నున్నవి.
_______________________________
వధువు పేరు కాంత - వరుడేమొ , మౌనియు
పెండ్లి జరుగు చుండె - ప్రేపు నందు!
సందు జూచి , కొంత - సల్లాప మొనరింప,
కాంతఁ జూచి మౌని కన్ను గొట్టె.
________________________________
ప్రేపు = ఉషఃకాలము
_________________________________
ఈ కామెంట్‌ను రచయిత తీసివేశారు.
రిప్లయితొలగించండిఅర్థ రాత్రి వేళ - అమవస నిశి యందు
రిప్లయితొలగించండితరుణి తోడ , దొంగ - తనము సేయ
గుడిని జేరి నాడు - కపట మౌని యొకడు
పాప భీతి లేని - పాపి యతడు
సద్దు వినిన యంత - సరగున లేచిన
ప్రజలు పరుగు లిడిరి -వారి బట్ట
ఫలము లేక దొంగ - పార నుంకించుచు
కాంతఁ జూచి మౌని కన్ను గొట్టె.
ఎంత వారలైన కాంత దాసులనుట
రిప్లయితొలగించండివింత కాదు మనకు పంత మేల ?
తనదు పాద మంటి తబిసియౌ మ్రొక్కంగ
కాంతఁజూచి మౌని కన్ను గొట్టె !
తబిసియౌ = మునియై ఉంటాడని నా ఉద్దేశ్యము
ఏమి చెప్ప నగును ఈ కలి మహిమలు
రిప్లయితొలగించండిపరమ దైవ భక్తి, పరువు, కీర్తి
అన్ని విడిచి నిత్య ఆనందమున దేలి
కాంతఁ జూచి మౌని కన్ను గొట్టె
గన్నవరపు నరసింహ మూర్తి గారూ,
రిప్లయితొలగించండిబాగుంది మీ పూరణ. సమస్య పాదాన్ని పద్యం మధ్య రెండు పాదాలలో సర్దిన విధానం వినూత్నంగా ఉంది. అభినందనలు.
ఊకదంపుడు గారూ,
మీ పూరణ బాగుంది. అభినందనలు.
ఒకటవ పాదంలో "అహర్నిశుల" కంటె "అహర్నిశము" అంటే బాగుంటుంది.
మూడవ పాదంలో "హళ్ళి జేయు" ప్రయోగం విలక్షణంగా ఉంది.
హరి గారూ,
మీ పూరణ ఉత్తమంగా ఉంది. అభినందనలు.
టేకుమళ్ళ వెంకటప్పయ్య గారూ,
మీ రెండు పూరణలూ చాలా బాగున్నాయి. అభినందనలు.
రెండవ పద్యం మొదటి పాదంలో "ఇహ" శబ్దం గ్రామ్యమే. "నాకున్+అనుకొని" అన్నప్పుడు యడగమం రాదు. దానిని " ఇంద్రపదవి బోవు నిక నాకు ననుకొని"
వసంత్ కిశోర్ గారూ,
మీ మూడు పూరణలును గడుంగడు ప్రశంసార్హంబులై యొప్పుచున్నవి. మీకు మూడు వీరతాళ్ళు!
మిస్సన్న గారూ,
సమస్య పాదాన్ని మధ్యకు జొప్పించి పూరించిన విధానం బాగుంది. అభినందనలు.
లక్కాకుల వెంకట రాజారావు గారూ,
చమత్కారంగా చెప్పారు. నిజమే! వృద్ధులమైన మనకు ఆ కథలు గతస్మృతులే. గుర్తుకు తెచ్చుకొని సంబర పడడం తప్పు కాదు కదా? అయినా పూరణలు చేసే వారిలో నవ యువకులు, వసంత్ కిశోర్ లాంటి "శిశువులు" ఉన్నారు కదా. వారికోసం ...
మంచి పూరణ .... అభినందనలు.
మంద పీతాంబర్ గారూ,
మీ పూరణ బాగుంది. అభినందనలు.
రాజేశ్వరి నేదునూరి గారూ,
చాలా బాగుంది మీ పూరణ. "తబిసి" శబ్దప్రయోగం బాగుంది. అభినందనలు.
కోడీహళ్ళి మురళీ మోహన్ గారూ,
మీ పూరణ అన్ని విధాలా బాగుంది. అభినందనలు.
శంకరార్యా!
రిప్లయితొలగించండిమహా ప్రసాదం.
మూడు వీరతాళ్ళు
మెడను వేసుకుంటే
మనసు వివశమై
మహానంద పరవశయై
సమ్మోదము నొందు చున్నది.
మీకు కృతఙ్ఞతాభి వందనములు.
ఏమి చెప్ప నగును ఈ కలి మహిమలు
రిప్లయితొలగించండిపరమ దైవ భక్తి, పరువు, కీర్తి
అన్ని విడిచి నిత్య ఆనందమున దేలి
కాంతఁ జూచి మౌని కన్ను గొట్టె
కోడీహళ్ళి మురళీ మోహన్ గారూ,
ఆయన కలిసి ఉంటే కలదు సుఖమంటుంటే , మీరు విడగొడితే ఎలా ?
"అన్నివిడచి నిత్యానందమందు దేలి" అంటే మందు కూడా జేరి ఆనందం రెట్టింపౌతుంది :)
మాష్టారూ,
రాత్రేదో పగలెదో తెలియకుండా అనటానికి అహర్నిశుల మరచి అన్నాను, మీరు చెప్పిన సూచన బావుంది. ధన్యవాదములు
____________________________________
రిప్లయితొలగించండిముదమున, మీ దయ గాదొకొ
సదమున సమరము , సతతము - సలుపన్ ! హృదిలో
పదములు వదలను నిరతము
హృదయంగమ మాయె నేడు ! - హృషితపు హృదయా !
_____________________________________
ఈ కామెంట్‌ను రచయిత తీసివేశారు.
రిప్లయితొలగించండిశంకరార్యా!
రిప్లయితొలగించండినా విన్నపము(స.పూ-182)
నొకపరి తిలకించుడు.
ఒంటి కన్ను యున్న నొక్క ము నిని జూడ
రిప్లయితొలగించండిపండు చేత బట్టి వచ్చి నిలువ !
మౌన వ్రతము గాన మంచిగా చేయెత్తి
కాంతఁ జూచి మౌని కన్ను గొట్టె !!
గోలి హనుమచ్ఛాస్త్రి గారూ,
రిప్లయితొలగించండిబాగుంది మీ పూరణ. అభినందనలు.
‘కన్ను + ఉన్న‘ అన్నప్పుడు యడాగమం రాదు. ‘కన్ను గలుగు’ అందాం. ‘మౌనవ్రతము’ అన్నచోట ‘న’ గురువవుతుంది. ‘మౌనదీక్ష’ అంటే సరి!
శంకరార్యా ! ధన్యవాదములు. మీ సూచన తో చిన్న సవరణ ...
రిప్లయితొలగించండిఒంటి కంటి వాని నొక్క మునిని జూడ
పండు చేత బట్టి వచ్చి నిలువ,
మౌన దీక్ష గాన మంచిగా చేయెత్తి
కాంతఁ జూచి మౌని కన్ను గొట్టె .