కవిమిత్రులారా,
ఈరోజు పూరించవలసిన సమస్య ఇది......
భక్తి లేనివాఁఢు పరమ భక్తుఁఢు గద!
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
ఈరోజు పూరించవలసిన సమస్య ఇది......
భక్తి లేనివాఁఢు పరమ భక్తుఁఢు గద!
ఈ సమస్యను పంపిన పోచిరాజు సుబ్బారావు గారికి ధన్యవాదాలు.
సంతత మనన్య భక్తితో స్వాంతమందు
రిప్లయితొలగించండినిష్ట దైవమున్ లెస్స సేవించుచుండి
తన్మయత్వమ్ము నొందుచు దాంభికమగు
భక్తి లేని వాడు పరమభక్తుడు కద
పరుల మెప్పును పొందగ విరులు దెచ్చి
రిప్లయితొలగించండిరజత పాత్రల నిండుగ నంజు లుంచి
దొంగ పూజలు జేసెడి దొరల కంటె
భక్తి లేనివాఁ డు పరమ భక్తుఁ డుగద
మిగుల దుర్మార్గు డ నబడు మేదిని మఱి
రిప్లయితొలగించండిభక్తి లేనివాడు , పరమ భక్తుడు గద
ధరను బ్రహ్లాదు డ నువాడు!ధార్మి కుడును
రాక్షస కుల భూ షణుడు ను, రమ్య దేహి .
రాక్ష సాధము లెల్లరు రణము చేసి
రిప్లయితొలగించండిహరిని యోడించ యత్నించి హరుని జేరె!
వారు నిత్యము జపియించె వాని పేరె!
భక్తి లేని వాడు పరమభక్తుడు కద
పండిత నేమాని వారూ,
రిప్లయితొలగించండిదాంభికభక్తిని గురించిన మీ పూరణ బాగుంది. అభినందనలు.
*
రాజేశ్వరి అక్కయ్యా,
మీ పూరణ బాగుంది. అభినందనలు.
రెండవ పాదంలో యతి తప్పింది. ‘రజతపాత్రలలోఁ బదార్థములనుంచి’ అందామా?
*
నాగరాజు రవీందర్ గారూ,
మీ పూరణ బాగుంది. అభినందనలు.
*
సుబ్బారావు గారూ,
బాగుంది మీ పూరణ. అభినందనలు.
*
టేకుమళ్ల వెంకటప్పయ్య గారూ,
బహుకాల దర్శనం. సంతోషం.
మీ పూరణ బాగుంది. అభినందనలు.
కొద్దిగా అస్వయలోపం ఉన్నట్టుంది. మీ పద్యాన్ని ఇలా సవరిస్తే బాగుంటుందేమో...
రాక్ష సాధము లెల్లరు రణము చేసి
హరిని నోడించ యత్నించి హరుని జేరు
కొనుచు నిత్యము శూలిని కొలిచిరి, హరి
భక్తి లేని వాడు పరమభక్తుడు కద.
టేకుమళ్ల వెంకటప్పయ్య గారి పూరణ స్ఫూర్తితో....
రిప్లయితొలగించండిశైవ వైష్ణవ భేదముల్ స్పర్థఁ బెంచు
కాలమున నున్నదఁట నమ్మకమ్ము విష్ణు
భక్తి లేనివాఁడు పరమభక్తుఁడు గద
పరమశివునకు శూలికి ప్రమథపతికి.
అమల హృదయాంతరంగుడై యనుదినంబు
రిప్లయితొలగించండిచిత్త శుద్ధితో హరిని పూజించు వాడు
సద్గుణో పేతుడగువాడు చంచలమగు
భక్తి లేనివాఁ డు పరమ భక్తుఁ డుగద.
పండిత నేమాని గారికి పూజ్యగురుదేవులు
రిప్లయితొలగించండిశ౦కరయ్యగారికి వందనములు
మూడడుగుల నేలను దానముగను గొనుచు
భూమి నింగిని గొలిచిన వామనునకు
శిరము వంచెను గద బలి సిరుల పైన
భక్తి లేని వాడు పరమ భక్తుడు గద
గండూరి లక్ష్మినారాయణ గారూ,
రిప్లయితొలగించండిచంచలభక్తిని గురించిన మీ పూరణ బాగుంది. అభినందనలు.
*
కెంబాయి తిమ్మాజీ రావు గారూ,
సిరులపైన భక్తిని గురించిన మీ పూరణ బాగుంది. అభినందనలు.
పండిత నేమాని గారికి పూజ్యగురుదేవులు
రిప్లయితొలగించండిశ౦కరయ్యగారికి వందనములు
భాగవతుల కృష్ణా రావు గారి పూరణ
భుక్తికై గాక వెచ్చించె ముక్తి గోరి
రామ మందిరమునకని రాజధనము
భక్త గోపన్న.యైహిక వా౦ఛ లందు
భక్తిలేనివాడు.పరమ భక్తుడు గద
భాగవతుల కృష్ణారావు గారూ,
రిప్లయితొలగించండిరామదాసు విషయంగా మీ పూరణ బాగున్నది. అభినందనలు.
చిత్రసీమల నటియించు చేరి నటులు
రిప్లయితొలగించండిచదువు లేనట్టి వ్యక్తియాచార్యుడగును
సొమ్ములున్నట్టి మనిషి భిక్షమ్మునెత్తు
భక్తిలేని వాడు పరమ భక్తుడు గద.
గోలి హనుమచ్ఛాస్త్రి గారూ,
రిప్లయితొలగించండిమంచి పూరణ చెప్పారు. అభినందనలు.
‘నటియింత్రు’ అనండి.
మాస్టరుగారూ ! ధన్యవాదములు..మీరు చూపిన సవరణతో...
రిప్లయితొలగించండిచిత్రసీమల నటియింత్రు చేరి నటులు
చదువు లేనట్టి వ్యక్తియాచార్యుడగును
సొమ్ములున్నట్టి మనిషి భిక్షమ్మునెత్తు
భక్తిలేని వాడు పరమ భక్తుడు గద.
శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో.....
రిప్లయితొలగించండి=============*=================
ముక్తినొందక జగతిని మూల్గు చుండు
భక్తి లేని వాడు,పరమభక్తుడు కద
వరము లొంది జగతి వీడు వడివడిగను
పరమ సుఖము నొందుగ బ్రహ్మ పట్నమందు!