గంగా జలమును గ్రోలిన మంగళ కరమగు నటంచు మహిమా న్వితమౌ లింగా నీ కరుణ వలన గంగా నది తెలుగు నాట గలగల పాఱున్ ========================================== గంగను దెచ్చితి పూజకు నెంగిలి వల దంది చేప నేమని జెప్పన్ లింగని శిరమున దిరిగెడి గంగా నది తెలుగు నాట గలగల పాఱున్
గతంలో మంగళంపల్లి బాలమురళీ కృష్ణ గారు మదరాసు నగరంలో ఉండేవారు. ఆయన భాగ్యనగరానికి వస్తున్నాడని, వెంగళరావు నగర్ హాలులో ఆయన సంగీత కచేరీ జరుగుతుందని తెలిసి , సంగీత ప్రియు లంతా యిలా సంబర పడ్డారు (ట) :
శ్రీ శంకరయ్య గురుదేవులకు,శ్రీ నేమానిగురుదేవులకు పాదాభి వందనములతో .....
శ్రీ శబరి గిరివాసుని దర్శించి ఈ ఉదయమే బెంగుళూరుకు జేరుకుంటిమి. మార్గమధ్యమమున శ్రీ మదేశ్వర బెట్ట దర్శించితిమి ఆడవుల మధ్యన ఆలయము బహు సుందరముగానున్నది. అక్కడ పాడిన కీర్తనలు విని వాటిని తెనుగున బాడిన తెలుగు నేల పై రసగంగ పారుననుచు.. ===========*============= గంగాధరుని గన జనులు శృంగార రసమును ద్రాగి,సింగారమునన్ పొంగుచు బాడగనే రస గంగా నది తెలుగునాట గలగల పారున్.
స్వాములు పొగ ద్రాగుచు నున్నారు అది ==========*============== శృంగారముగను బట్టిరి శృంగము కరమున ఖలులగు సింగారులు నా భంగిమ తో నడువగ, పొగ గంగా నది తెలుగునాట గలగల పారున్. (శృంగము= సిగరెట్టు)
శ్రీ నేమాని గురుదేవులు యాత్రను నానందించుచు మమ్ము తమ పద్యములతో,సవరణలతో ఆనందింపజేయుచున్నారు.మీ యాత్ర శుభయాత్రగా సాగిపోవాలని భగవంతుని ప్రార్థిస్తూ.......
తెలుగు ప్రజల మధ్య విషము జిమ్మినారు,అది ద్రాగిన వారి మధ్య విషము తుంగ వలె బెరుగగ స్నేహగంగా పారునా? ============*============= జంగమ వలె బట్టిరి కడు జంగూలము తెలుగు వారు జక్కగ నిలలో తుంగ వలె బెరుగగ నెటుల గంగా నది తెలుగునాట గలగల పారున్ ? జంగూలము =విషము
భక్తి లేని వారు భక్తి ముసుగులో శబరిమలకు వచ్చు చున్నారు. ==========*=========== ఇంగిత మించుక గలిగిన కొంగలు భక్తియనురక్తి కొంగున గట్టన్ నంగడి లో కొని,యెట్టుల గంగా నది తెలుగునాట గలగల పాఱున్ ?
పండిత నేమాని వారూ, దూరదేశంలో ఉండి కూడా మిత్రుల పద్యాల గుణదోష విచారణ చేస్తున్నందుకు ధన్యవాదాలు. మీ తాజా రెండు పూరణలు మనోజ్ఞంగా ఉన్నవి. అభినందనలు. * వరప్రసాద్ గారూ, మీ ఐదు పూరణలూ బాగున్నవి. అభినందనలు. ‘కట్టన్ +అంగడి’ అన్నప్పుడు ‘కట్ట న్నంగడి’ అనండి. ఇటువంటి పూర్వకవుల ప్రయోగాలు కొన్ని ఉన్నాయి. అంతేకాని ‘కట్టన్ నంగడి’ అని వ్రాయకండి. * మిస్సన్న గారూ, ఇంపెసగంగ జేసే గౌతమిని గురించిన మీ పూరణ బాగుంది. అభినందనలు. * సహదేవుడు గారూ, సమస్యను ప్రశ్నగా మార్చి చేసిన మీ పూరణ బాగుంది. అభినందనలు. * సంపత్ కుమార్ శాస్త్రి గారూ, మీ పూరణ బాగుంది. అభినందనలు. * గండూరి లక్ష్మీనారాయణ గారూ, మీ పూరణ బాగుంది. అభినందనలు.
పెన్ గంగ లోయర్ ఇరిగేషన్ ప్రాజెక్టు నిధులు లేక ఆగిపోయింది. ఒకవేళ అది పూర్తి ఐతే మహారాష్ట్రలోని చంద్రాపూర్, యవత్మాల్, నాందేడ్ లతో పాటు ఆదిలాబాదులోని తాంసి, జైనథ్, బేల మండలాలు కూడ సస్యశ్యామల మౌతాయి.
బంగారము పండును పెన్ గంగా ప్రాజెక్టు వలన కర్షకు లెసగన్ చెంగున దూకుచు నా పెన్ గంగా నది తెలుగు నాట గలగల పారున్.
గంగా జలమును గ్రోలిన
రిప్లయితొలగించుమంగళ కరమగు నటంచు మహిమా న్వితమౌ
లింగా నీ కరుణ వలన
గంగా నది తెలుగు నాట గలగల పాఱున్
==========================================
గంగను దెచ్చితి పూజకు
నెంగిలి వల దంది చేప నేమని జెప్పన్
లింగని శిరమున దిరిగెడి
గంగా నది తెలుగు నాట గలగల పాఱున్
మంగళ కరమగు గంగను
రిప్లయితొలగించుజంగమ దేవర శిరనిడి జగతికి నీయన్
ఎంగిలి యంటని పావన
గంగా నది తెలు నాట గలగల పాఱున్
రంగారు తోయముల కడు-
రిప్లయితొలగించుగంగా భద్రాద్రి రామ కంజ పదములన్
పొంగును గౌతమి దక్షిణ-
గంగా నది తెలుగు నాట గలగల పాఱున్
ఈ కామెంట్‌ను రచయిత తీసివేశారు.
రిప్లయితొలగించుసంగమ తావులయందున
రిప్లయితొలగించుగంగా తానమును జేయ గలుగును పుణ్యమ్
మంగళకరముగ దక్షిణ
గంగా నది తెలుగు నాట గలగల పాఱున్
రంగున తెలుపై మెరయును
రిప్లయితొలగించుసింగారిగ రాము చెంత శ్రీ గోదారే
హంగుగనెండకు నల వెలు
గంగా నది తెలుగు నాట గలగల పాఱున్
పొంగెడి కృష్ణ జలమ్ముల
రిప్లయితొలగించుసింగారపు కాలువలను చెన్నపురముకై
హంగుగ జేర్చుటకు తెలుగు
గంగానది తెలుఁగునాఁట గలగల పాఱున్
కంగును తినిరఖిల జనులు
రిప్లయితొలగించుచెంగున గెల్వగ, తెలుగుకు చేసెను మేలున్;
హంగుగ చెన్నని పురికిన్
గంగా నది తెలుగు నాట గలగల పాఱున్
భావం: రాయకపోతే అర్ధం కాదేమోనని రాస్తున్నా.
ఎన్.టీ.రామారావు తెలుగు గంగ గురించే సుమా!
పండిత నేమాని గారికి పూజ్యగురుదేవులు
రిప్లయితొలగించుశ౦కరయ్యగారికి వందనములు
పొంగెను హృదయము నడు మూ
గంగా నది తెనుగు నాట గలగల పారెన్
బంగరు పంటలు పండెను
సంగీతము వెల్లివిరిసె సౌఖ్యము లొదవెన్
సంగీతపు పోటీ లను
రిప్లయితొలగించురంగమ్మున నలరుచుండ రహి చిన్నారుల్
సంగీతాద్భుత రసమయ
గంగానది తెలుగు నాట గలగల పారున్
భంగము లొక వరు వరుసను
రిప్లయితొలగించుగంగా నది తెలుగు నాట గలగల పాఱు న్
భంగములు సాల గలిగిన
లింగోద్భ వు డొసగ దయను లేములు దొలగెన్
మిత్రులారా! శుభాశీస్సులు.
రిప్లయితొలగించుఈనాఋఇ పూరణలన్నియు నలరారుచున్నవి. అందరికీ అభీందనలు.
కొన్ని సూచనలు:
శ్రీమతి రాజేశ్వరి గారు:
మీ 2వ పద్యము 2వ పాదమును ఇలాగ మార్చుదాం:
నెంగిలి వలదనెను చేప యేమని చెప్పన్
శ్రీమతి శైలజ గారు:
మీ 1వ పద్యములో శిరనిడికి బదులుగా తలనిడి అందాము.
2వ పద్యమును ఇలాగ మార్చుదాము:
గంగా సీమల....
గంగా స్నానమున నొదవు కద పుణ్యంబుల్
.........
..........
స్వస్తి
శ్రీ నేమాని గురువుగారికి ప్రణామములు,..
రిప్లయితొలగించుమీరు వ్రాసిన పద్యం అద్బుతంగా వుంది...
పండిత నేమాని గారికి పూజ్యగురుదేవులు
రిప్లయితొలగించుశ౦కరయ్యగారికి వందనములు
భాగవతుల కృష్ణారావుగారి పూరణ
పొంగిన ఘనగోదావరి
సంగీత స్వరఝరులను సవ్వడి సేయన్
బంగారపు పంటకు వే
గంగా నది తెనుగునాట గలగలపారెన్
గతంలో మంగళంపల్లి బాలమురళీ కృష్ణ గారు మదరాసు నగరంలో ఉండేవారు. ఆయన భాగ్యనగరానికి వస్తున్నాడని, వెంగళరావు నగర్ హాలులో ఆయన సంగీత కచేరీ జరుగుతుందని తెలిసి , సంగీత ప్రియు లంతా యిలా సంబర పడ్డారు (ట) :
రిప్లయితొలగించుమంగళముపల్లి నేడే
వెంగళరావు నగరునకు విచ్చేయు నహో !
పొంగు నిక గానమున స్వర
గంగా నది, తెలుగునాట గలగల పారున్.
రాజేశ్వరి అక్కయ్యా,
రిప్లయితొలగించుమీ రెండు పూరణలూ బాగున్నవి. అభినందనలు.
నేమాని వారి సవరణను గమనించండి.
*
శైలజ గారూ,
మీ రెండు పూరణలు బాగున్నవి. అభినందనలు.
గురువుగారి సూచనలను గమనించారు కదా!
*
మిస్సన్న గారూ,
దక్షిణ గంగన ప్రస్తావించిన మీ పూరణ బాగుంది. అభినందనలు.
*
గోలి హనుమచ్ఛాస్త్రి గారూ,
గంగను వెలుగంగజేశారు. బాగుంది మీ పూరణ. అభినందనలు.
*
లక్ష్మీదేవి గారూ,
తెలుగుగంగను ప్రస్తావించిన మీ పూరణ బాగుంది. అభినందనలు.
‘కృష్ణజలమ్ముల..’ అన్నదానిని ‘కృష్ణాజలముల’ అనండి.
*
టేకుమళ్ళ వెంకటప్పయ్య గారూ,
మీ పూరణ బాగుంది. అభినందనలు.
*
కెంబాయి తిమ్మాజీ రావు గారూ,
నడుమూగంగ జేసిన మీ పూరణ బాగుంది. అభినందనలు.
*
పండిత నేమాని వారూ,
సంగీత రసగంగలో ముంచిన మీ పూరణ చాలా బాగుంది. అభినందనలు.
*
సుబ్బారావు గారూ,
బాగుంది మీ పూరణ. అభినందనలు.
*
భాగవతుల కృష్ణారావు గారూ,
వేగంగా నదిని పారించిన మీ పూరణ బాగుంది. అభినందనలు.
*
నాగరాజు రవీందర్ గారూ,
మీ పూరణ వైవిధ్యంగాను, చక్కగాను ఉన్నది. అభినందనలు.
బంగరు భావములు పలు తె
రిప్లయితొలగించురంగుల మన శంకరాభరణమున కవితల్
పొంగగ నవరస భాస్వత్
గంగా నది తెలుగు నాట గల గల పారున్
అమ్మా లక్ష్మీదేవి గారూ! శుభాశీస్సులు.
రిప్లయితొలగించుమీ పద్యము బాగుగ నున్నది. అభినందనలు.
చెన్నపురముకై అన్నారు కదా. (చెన్నపురమునకై అనుట సాధుప్రయోగము.) చెన్నై పురికై అందామా.
అయ్యా! వేంకటప్పయ్య గారూ!
మీ పద్యము బాగుగనున్నది. అభినందనలు.
చెంగున గెల్వ తెలుగుకున్ అన్నారు. (తెలుగునకు అనుట సాధు ప్రయోగము.) చెంగున గెలువ తెలుగునకు అందామా.
స్వస్తి.
శ్రీ శంకరయ్య గురుదేవులకు,శ్రీ నేమానిగురుదేవులకు పాదాభి వందనములతో .....
రిప్లయితొలగించుశ్రీ శబరి గిరివాసుని దర్శించి ఈ ఉదయమే బెంగుళూరుకు జేరుకుంటిమి.
మార్గమధ్యమమున శ్రీ మదేశ్వర బెట్ట దర్శించితిమి ఆడవుల మధ్యన ఆలయము బహు సుందరముగానున్నది.
అక్కడ పాడిన కీర్తనలు విని వాటిని తెనుగున బాడిన తెలుగు నేల పై రసగంగ పారుననుచు..
===========*=============
గంగాధరుని గన జనులు
శృంగార రసమును ద్రాగి,సింగారమునన్
పొంగుచు బాడగనే రస
గంగా నది తెలుగునాట గలగల పారున్.
స్వాములు పొగ ద్రాగుచు నున్నారు అది
రిప్లయితొలగించు==========*==============
శృంగారముగను బట్టిరి
శృంగము కరమున ఖలులగు సింగారులు నా
భంగిమ తో నడువగ, పొగ
గంగా నది తెలుగునాట గలగల పారున్.
(శృంగము= సిగరెట్టు)
మంగళ కర తోయము లిడు
రిప్లయితొలగించుబంగరు పంటలను, రైతు బాంధవి! యెదలు-
ప్పొంగగ గౌతమి, యింపెస-
గంగా నది తెలుగునాట గలగల పాఱున్
బంగారు భవిత శూన్యము!
రిప్లయితొలగించురంగములన్నింట జూడ లాభము కలదా?
క్రుంగమె? విభజనతో నే
గంగా నది తెలుగు నాట గలగల పాఱున్?
గురువుగారికి ప్రణామములు.
రిప్లయితొలగించుమన శంకరాభరణం అనే తెలుగునాట..............
మంగళకరభావంబుల
భంగములై పండితాళి పాదంబులతోన్
శృంగార నూత్న కవితల
గంగా నది తెలుగునాట గలగల పారున్.
శ్రీ నేమాని గురుదేవులు యాత్రను నానందించుచు మమ్ము తమ పద్యములతో,సవరణలతో ఆనందింపజేయుచున్నారు.మీ యాత్ర శుభయాత్రగా సాగిపోవాలని భగవంతుని ప్రార్థిస్తూ.......
రిప్లయితొలగించుతెలుగు ప్రజల మధ్య విషము జిమ్మినారు,అది ద్రాగిన వారి మధ్య విషము తుంగ వలె బెరుగగ స్నేహగంగా పారునా?
============*=============
జంగమ వలె బట్టిరి కడు
జంగూలము తెలుగు వారు జక్కగ నిలలో
తుంగ వలె బెరుగగ నెటుల
గంగా నది తెలుగునాట గలగల పారున్ ?
జంగూలము =విషము
భక్తి లేని వారు భక్తి ముసుగులో శబరిమలకు వచ్చు చున్నారు.
రిప్లయితొలగించు==========*===========
ఇంగిత మించుక గలిగిన
కొంగలు భక్తియనురక్తి కొంగున గట్టన్
నంగడి లో కొని,యెట్టుల
గంగా నది తెలుగునాట గలగల పాఱున్ ?
ఈ కామెంట్‌ను రచయిత తీసివేశారు.
రిప్లయితొలగించుశృంగార కవులు బట్టగ
రిప్లయితొలగించుశృంగము కరమునను కడు విచిత్రపు భంగిన్
పొంగెను సుమధుర పద్యపు
గంగా నది తెలుగునాట గలగల పాఱున్!
తెలుగునాడు = శంకరాభరణం
మరియొక ప్రయత్నము:
రిప్లయితొలగించుబంగారపు తెలుగే యెస
గంగా మన దేశ భాషగా భరతభువిన్
హంగులతో బొంగులతో
గంగానది తెలుగు నాట గల గల పారున్
మంగళమయి త్ర్యంబక గిరి
రిప్లయితొలగించుశృంగముపై నుండి జారి శ్రీ గౌతమి తా
పొంగుచు వచ్చిన దక్షిణ
గంగా నది, తెలుగు నాట గలగల పాఱున్
పండిత నేమాని వారూ,
రిప్లయితొలగించుదూరదేశంలో ఉండి కూడా మిత్రుల పద్యాల గుణదోష విచారణ చేస్తున్నందుకు ధన్యవాదాలు.
మీ తాజా రెండు పూరణలు మనోజ్ఞంగా ఉన్నవి. అభినందనలు.
*
వరప్రసాద్ గారూ,
మీ ఐదు పూరణలూ బాగున్నవి. అభినందనలు.
‘కట్టన్ +అంగడి’ అన్నప్పుడు ‘కట్ట న్నంగడి’ అనండి. ఇటువంటి పూర్వకవుల ప్రయోగాలు కొన్ని ఉన్నాయి. అంతేకాని ‘కట్టన్ నంగడి’ అని వ్రాయకండి.
*
మిస్సన్న గారూ,
ఇంపెసగంగ జేసే గౌతమిని గురించిన మీ పూరణ బాగుంది. అభినందనలు.
*
సహదేవుడు గారూ,
సమస్యను ప్రశ్నగా మార్చి చేసిన మీ పూరణ బాగుంది. అభినందనలు.
*
సంపత్ కుమార్ శాస్త్రి గారూ,
మీ పూరణ బాగుంది. అభినందనలు.
*
గండూరి లక్ష్మీనారాయణ గారూ,
మీ పూరణ బాగుంది. అభినందనలు.
శ్రీ శంకరయ్య గురుదేవులకు సవరణకు ధన్యవాదములతో...
రిప్లయితొలగించు=============*=============
ఇంగిత మించుక గలిగిన
కొంగలు భక్తియనురక్తి కొంగున కట్ట
న్నంగడి లో కొని,యెట్టుల
గంగా నది తెలుగునాట గలగల పాఱున్ ?
పెన్ గంగ లోయర్ ఇరిగేషన్ ప్రాజెక్టు నిధులు లేక ఆగిపోయింది. ఒకవేళ అది పూర్తి ఐతే మహారాష్ట్రలోని చంద్రాపూర్, యవత్మాల్, నాందేడ్ లతో పాటు ఆదిలాబాదులోని తాంసి, జైనథ్, బేల మండలాలు కూడ సస్యశ్యామల మౌతాయి.
రిప్లయితొలగించుబంగారము పండును పెన్
గంగా ప్రాజెక్టు వలన కర్షకు లెసగన్
చెంగున దూకుచు నా పెన్
గంగా నది తెలుగు నాట గలగల పారున్.
రిప్లయితొలగించుపొంగుచు గోదావరియె య
భంగతరంగముల తోడ బావనమై యెం
చంగను దక్షిణ దిశలో
గంగానది తెలుగునాట గలగల పారున్.
ఈ కామెంట్‌ను రచయిత తీసివేశారు.
రిప్లయితొలగించునాగరాజు రవీందర్ గారూ,
రిప్లయితొలగించు‘పెన్’గంగతో చక్కని పూరణ చెప్పారు. అభినందనలు.
*
కమనీయం గారూ,
దక్షిణగంగను గురించిన మీ పూరణ బాగుంది. అభినందనలు.
పండిత నేమాని గారికి పూజ్యగురుదేవులు
రిప్లయితొలగించుశ౦కరయ్యగారికి వందనములు
గంగను యార్యావర్తము కే
కంగా సరి పుచ్చ సబబు గాదనగా నా
లింగడు యిచ్చెను దక్షిణ
గంగానది .తెనుగునాట గలగల పారెన్
శ్రీ తిమ్మాజీ రావు గారూ! శుభాశీస్సులు.
రిప్లయితొలగించుమీ పద్యము బాగుగ నున్నది. కొన్ని వ్యాకరణ దోషములను సవరించవలెను.
గంగను + ఆర్యావర్తము = గంగను నార్యావర్తము అగును
ఆర్యావర్తముకే అనరాదు : ఆర్యావర్తమునకే అనవలెను.
ఏకంగా : ఏకముగా అనుట సాధు ప్రయోగము.
లింగడు + ఇచ్చెను అనుచోట సంధి జరిగి లింగడిచ్చెను అగును.
స్వస్తి.
పండిత నేమాని గారికీ మీసూచనలకు
రిప్లయితొలగించుధన్యవాదములు. సవరణలతో
పద్యమునుపరిశీలించండి
గంగను నుత్తరభారత
కంగన సరి పుచ్చ సబబు గాదనగా నా
లింగ౦డిచ్చెను దక్షిణ
గంగానది .తెనుగునాట గలగల పారెన్
శ్రీ శంకరయ్య గురుదేవులకు, శ్రీ నేమాని గురుదేవులకు వినమ్రవందనములతో.....
రిప్లయితొలగించుదోషములను సూచించి సవరించ మనవి.....
నింగిని దాటిన గంగా
పొంగుతు పరవశమునొంది పొర్లుతు పృథ్విన్
సంగాతించిన దక్షిణ
గంగా నది, తెలుగు నాట గలగల పాఱున్
హంగులతో తెలగాణన
రిప్లయితొలగించుబంగరు పథకమున మిషను భాగీరథగా
పొంగుచు త్రుళ్ళుచు పరుగిడు
గంగానది తెలుఁగునాఁట గలగల పాఱున్
బంగారు భాగ్య నగరిని
రిప్లయితొలగించుశృంగారపు వీధులందు చిడిముడి తోడన్
కంగారున వాన కురియ
గంగానది తెలుఁగునాఁట గలగల పాఱున్