ప్రసాద రావు గారూ, మీ పూరణ బాగున్నది. అభినందనలు. 'గణేశ' మంటే సిందూరం కాదు. గణేశునకు భూషణమైనది సిందూరము. అందుకే 'గణేశభూషణము' అన్నారు. ఇక్కడ గణేశ శబ్దం స్వార్థంలోనే ఉన్నట్టు.
గురువర్యులు శ్రీ కంది శంకరయ్య గారి శంకరాభరణం నేటి అంశం :: దత్తపది {హర-గణేశ-కుమార-నంది) విషయం :: పై పదాలను అన్యార్థంలో ఉపయోగిస్తూ విష్ణుస్తుతి చేయాలి (నచ్చిన ఛందస్సులో). సందర్భం :: పదునాలుగు భువనాలకు అధిపతియైన శ్రీమన్నారాయణుని పదునాలుగు నామాలతో ఒక భక్తుడు స్తుతిస్తున్న సందర్భం.
హరసఖ! శ్రీ మనో(హర)! జనార్దన!కేశవ! హే త్రివిక్రమా! స్థిర ఘన మోక్షదాయక! హృషీక(గణేశ)! ఉపేంద్ర! అచ్యుతా! వర సు(కుమార)దేహ! నిజ భక్తజనావన! నందనందనా! గరుడ విహార! మమ్ములను గావుము సన్నుతి (నంది) శ్రీహరీ! *కోట రాజశేఖర్ పడుగుపాడు నెల్లూరు.* (23-6-2018)
ఘోర రాక్షస సంహరణారత! హరి!
రిప్లయితొలగించండిసురగణేశ సంస్తుత పాద! పరమపురుష!
పుష్ప సుకుమార సుందర పూత దేహ!
నీ కరుణ నంది తరియింప నిలిచినాఁడ.
🙏🙏
తొలగించండి
రిప్లయితొలగించండిహృదయకుహరవాసా! దే
వదేవ ! దైనందినమున వర్ధిల్లగ మ
మ్ము దయగను! మాకు, మా రమ
ణదేవుడ గణేశభూషణముగా నిలువన్!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'గణేశ' శబ్దాన్ని ఏ అర్థంలో ప్రయోగించారు?
తొలగించండిసింధూరము
డా.పిట్టాసత్యనారాయణ
రిప్లయితొలగించండిభవహర!భూతగణేశా!
సవితా శశి నేత్ర దివ్య శాంతి ప్రదాతా!
కవితానందిత మముగను
ప్రవిమల వటపత్ర శయన బాల, కుమారా!!
డా.పిట్టానుండి
తొలగించండిఆర్యా,"దివ్య శాంతికి నిలయా" గా స్వీకరించ గలరు.
డా. పిట్టా వారూ,
తొలగించండిమీ పూరణ బాగున్నది. అభినందనలు.
'సవితృ శశి నేత్ర' అనడం సాధువు.
పాపహర శ్రీహరి దురితదూర గణేశపిత నుతవె
రిప్లయితొలగించండిలక్ష్మీరమణ
శేషశయన శ్రీపతి పద్మనయన కరుణాభరణ
పావనచరణ
దేవకి సుతుడవు నందకుమార మోదము నందితిని
నినుకొలిచి
సంకటమోచన సరసిజలోచన వేడితి నిన్నే ప్రేమగ
పిలిచి
బాగుంది. కాని 'గణేశ' శబ్దాన్ని స్వార్థంలో ప్రయోగించారు.
తొలగించండిమోహ రవళిని బాపగ మ్రొక్కులిడుదు
రిప్లయితొలగించండికేశవాచ్యుత!శ్రీశ!గణేశ భూష!
వేగ నందింతు వందన మో గవీశ!
రాకుమార!మహాత్మ!విభ్రాజ దేహ!
గణేశ=సిందూరము,చందురము
గవీశ=ఆల మందల ఱేడు
ప్రసాద రావు గారూ,
తొలగించండిమీ పూరణ బాగున్నది. అభినందనలు.
'గణేశ' మంటే సిందూరం కాదు. గణేశునకు భూషణమైనది సిందూరము. అందుకే 'గణేశభూషణము' అన్నారు. ఇక్కడ గణేశ శబ్దం స్వార్థంలోనే ఉన్నట్టు.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండినేటి అంశం :: దత్తపది {హర-గణేశ-కుమార-నంది)
విషయం :: పై పదాలను అన్యార్థంలో ఉపయోగిస్తూ విష్ణుస్తుతి చేయాలి (నచ్చిన ఛందస్సులో).
సందర్భం ::
పదునాలుగు భువనాలకు అధిపతియైన శ్రీమన్నారాయణుని
పదునాలుగు నామాలతో ఒక భక్తుడు స్తుతిస్తున్న సందర్భం.
హరసఖ! శ్రీ మనో(హర)! జనార్దన!కేశవ! హే త్రివిక్రమా!
స్థిర ఘన మోక్షదాయక! హృషీక(గణేశ)! ఉపేంద్ర! అచ్యుతా!
వర సు(కుమార)దేహ! నిజ భక్తజనావన! నందనందనా!
గరుడ విహార! మమ్ములను గావుము సన్నుతి (నంది) శ్రీహరీ!
*కోట రాజశేఖర్ పడుగుపాడు నెల్లూరు.* (23-6-2018)
రాజశేఖర్ గారూ,
తొలగించండిమీ పూరణ అద్భుతంగా ఉన్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండివందనమిదె నందుకొనుమ
తొలగించండిమందస్మిత! గోగణేశ! మాధవ! శౌరీ!
కందర్పజనక! భవహర!
నందకుమారా! వరముల నందించవయా!
యందుకొనుమ•
తొలగించండికలికల్మషహర! శ్రీహరి!
తొలగించండినళినేక్షణ! సురగణేశ! నందిత స్తోత్రా!!
మలయప్పా! సుకుమారా!
కులదైవమ! కరుణజూపు గోవిందాఖ్యా!
సీతాదేవి గారూ,
తొలగించండిమీ రెండు పూరణలు బాగున్నవి. అభినందనలు.
ధన్యవాదములు గురిదేవా! నమస్సులు! 🙏🙏🙏🙏
తొలగించండిశనివారం , ఏకాదశి నాడు విష్ణుస్తుతి చేసే భాగ్యం ప్రసాదించారు!!
గురుదేవా!••
తొలగించండిమేము హిరణ్యకశిపుని భక్తులం. విష్ణుస్తుతి చేయము...
తొలగించండివైరభక్తి!! 😊😊
తొలగించండి
రిప్లయితొలగించండిఆకాశ వాణి వచ్చే వారం సమస్య -
ధనమే చిత్త వికాస సంపదకు ప్రాధాన్యంబు నై నిల్వగన్ !
జిలేబి
రిప్లయితొలగించండిఅనువై ముక్తికి మార్గమై నిలుచు తానాధారమై వెల్గు, నీ
తనువున్ హృత్తును బ్రహ్మపాదము కెడన్ ధన్యంబుగా చేర్చుచున్,
మనసా మాలిని పూజ జేయ రమణీ మత్తేభమై నిల్చు నా
ధనమే చిత్త వికాస సంపదకు ప్రాధాన్యంబు నై నిల్వగన్ !
జిలేబి
సీసము
రిప్లయితొలగించండిముంజకేశా!హరి! ముగ్ధ మనో(హర)రూప!శతానంద! మాపతి!బలి
బంధనా! నందకి!పదునారు వేలగోపికలు(కు మార) !కపిలుడ!భరిమ!
(నంది)నీ జనయిత! నారాయణా!భూరి!తరిదాల్పు!మధుజిత్తు!దానవారి
సుర(గణేశ) నుత!అశోక!మధూహన! జడనిధి తల్పుడా !చక్ర పాణి!
గట్టు దాలుపు!తరిదాల్పు!గరుడి రవుతు!
విశ్వరూప !లక్ష్మీపతి!వేద గర్భ!
సచ్చిదానందా!శ్రీహరీ, సంతతమ్ము
నీదు కీర్తనలం జేతు నీరజాక్ష
తొలగించండిమా సంతకమ్ము సీసపు
పూసలు నెద్దానినైన పూరింప సుమీ !:)
జిలేబి
కృష్ణ సూర్యకుమార్ గారూ,
తొలగించండిమీ సీసపద్య పూరణ బాగున్నది. అభినందనలు.
'గోపికలకు మార... సచ్చిదానంద' అనండి.
సిరి మనోహర వైకుంఠ పుర నివాస
రిప్లయితొలగించండిసుర గణేశ వంద్య మురారి పరమ పురుష
బెట్టు సేయకు మా రమా విభుడ దేవ
హరి వరము లనందించి మ మ్మా ద రించు
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండిసింధుకన్యామనో(హర!) శేషశాయి!
నిత్యనమసితదేవ(గణేశ!) శౌరి!
మద హరిత కాళియ పృదా(కు! మార) జనక!
సతతభక్తజనాభి(నంది)త! నమోఽస్తు!
రెండో పాదంలో చిన్న మార్పుతో...
తొలగించండిసింధుకన్యామనో(హర!) శేషశాయి!
కేశ!నమసితదేవ(గణేశ!) శౌరి!
మద హరిత కాళియ పృదా(కు! మార) జనక!
సతతభక్తజనాభి(నంది)త! నమోఽస్తు!
గుండు మధుసూదన్ గారూ,
తొలగించండిమీ పూరణ ప్రశస్తంగా ఉన్నది. అభినందనలు.
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,, ,,,,,,,,,,,,,,
ప్రమథ గణేశ వందిత | భవచ్ఛరణద్వయ మందెదన్ , మదీ
య మనము నం దిరంబుగ | దయానిలయా | శరణంటి రా నినున్ |
అమల చరిత్ర | పాప హరణా | హరి | శ్రీ హృద యాబ్జ చంచరీ
క | మ మిక బ్రోవు | మార జనకా | భువ నాధిప | రాక్షసాంతకా
-----------------------------------------------------------------------------------------------------------------;
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
'కుమార' శబ్దం కనిపించడం లేదు?
మైలవరపు వారి పూరణ
రిప్లయితొలగించండిదత్తపది..
హర ... గణేశ... కుమార... నంది
విష్ణుస్తుతి... స్వేచ్ఛాఛందస్సు..
శ్రీ మనోహర ! క్షీరాబ్ధి శేషశయన !
సురగణేశవందితపాద ! శుద్ధవేష !
మంజుదరహాస ! సుకుమార మారతాత !
నన్ను బ్రోవుము మాధవా ! నతులనంది !!
మైలవరపు మురళీకృష్ణ వెంకటగిరి
శౌరి!సుమనోహర!రమేశ!నారసింహ!
రిప్లయితొలగించండిముంజకేశ!మాధవ!దేవ!మునిగణేశ!
శార్ఞ్గి!సుకుమార సుహృదయ!చక్రపాణి!
సేవయే కానుకగ నంది కావుమయ్య!
జనార్దన రావు గారూ,
తొలగించండిమీ పూరణ బాగున్నది. అభినందనలు.
ఈధరఁ గావుమా! సుర *గణేశ!* ప్రణామము *నంది* సర్వదా!
రిప్లయితొలగించండిశ్రీధర! చిద్విలాస! కరి సేవిత! శంకర! పద్మనాభ! శ్రీ
నాథ! ఉపేంద్ర! నందకి! జనార్థన! శ్రీకర! నారదప్రియా!
మాధవ! శేషశాయి! సు *కుమార!* మనో *హర!* సుందరా నమః!
విట్టుబాబు గారూ,
తొలగించండిమీ పూరణ బాగున్నది. అభినందనలు.
'శ్రీధర' తరువాత అరసున్న ఎందుకు?
ధన్యవాదాలు. అది ఆశ్చర్యార్థకం గురువుగారూ.
తొలగించండి🙏🏻
మీ ఉద్దేశ్యం...ఈధర నాండీ..
తొలగించండిదుష్టసంహరణ!మురారి!దురితదూర!
రిప్లయితొలగించండియఖిలసురగణేశ!ముకుంద!యాదిదేవ!
నందునికుమార!వేంకటనామకుండ!
కావుమమ్ములనిరతముగరుణనంది
సుబ్బారావు గారూ,
తొలగించండిమీ పూరణ బాగున్నది. అభినందనలు.
గణేశభూషణము నో కాబట్టి మార్చినది :)
రిప్లయితొలగించండిసుకుమార యెట్లు యెస్ ?
హృదయకుహరవాసా! దే
వదేవ ! దైనందినమున వర్ధిల్లగ మ
మ్ము దయగను! మాకు, మా రమ
ణదేవ, హరి,సురగణేశ, నాణ్యత గూర్చన్
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'సుకుమార' గురించి మీ సందేహం?
తొలగించండిసుకుమారుడు - మంచి కుమారుడు ?
జిలేబి
సుకుమారుడు = కోమలమైన శరీరము గలవాడు
తొలగించండి
తొలగించండిఒ ఓ
జిలేబి
కమలా మనోహ రానిమి
రిప్లయితొలగించండిష మణి గణేశ సుకుమార సత్కర నలినా
ర్చ్య మహానందిత మానస
విమల మునీంద్ర నుత దేవు విష్ణునిఁ దలఁతున్
ఈ కామెంట్‌ను రచయిత తీసివేశారు.
రిప్లయితొలగించండిఅహరహమున్ స్మరింతు నిను నచ్యుత! కేశవ! చక్రి! కైటభా
రిప్లయితొలగించండిరి! హరసురేశవందిత! హరీ! నిజభక్తగణేశ! మాధవా!
యిహపర సౌఖ్యముల్ బడయ నెంచను చేయకు మారదాసుగా
స్పృహ నిడు పాపవర్తనుల జేర్చకు సాగరనందినీప్రియా!
తే: భవహరా! హరి శ్రీనాథ! పద్మ గర్భ!
రిప్లయితొలగించండిసురగణేశ! తామర కంటి! గరుడ వాహ్య(గమన)
శౌరి!సుకుమార! భూజాని! చక్రధరుడ!
సతతమానంది! నను కావు! శంఖపాణి!
ఈ కామెంట్‌ను రచయిత తీసివేశారు.
రిప్లయితొలగించండిహరకుని గొలుతురుభక్తిగ. (కృష్ణుడు)
రిప్లయితొలగించండినరలకు మారకునితండ్రి నాయకుడనగా?
వరములనందించుటచే
గురుకారమునన్ గణేశుడనిదలంతున్
ఈ కామెంట్‌ను రచయిత తీసివేశారు.
రిప్లయితొలగించండినేటి దత్తపదాలు హర,గణేశ, కుమార, నంది పదాలను శ్లోకంలో పూరించాను
రిప్లయితొలగించండివ్యా "హర" న్ యో హరే ర్నామ
నిత్యముక్త "గణేశ"! తం
సు"కుమార"పవిత్రాంగ!
"నంది"తో న భవేత్కథమ్?.
నేటి దత్తపదాలు హర,గణేశ, కుమార, నంది పదాలను శ్లోకంలో పూరించాను
రిప్లయితొలగించండివ్యా "హర" న్ యో భవన్నామ
నిత్యముక్త "గణేశ"! తం
సు"కుమార"పవిత్రాంగ!
"నంది"తో న భవేత్కథమ్?.
సరసిజనాభ! మనోహర!
రిప్లయితొలగించండికరివరదా! సురగణేశ! కామిత ఫలదా!
వర సుకుమార! రమాపతి!
గరుడవిహార! నుతినంది కావవె వరదా!
కావగరావే••
రిప్లయితొలగించండిశర్మ చెరుకూరి:
రిప్లయితొలగించండిఎందుకు మారవేల పది యిండ్లకు పాలకు వెన్నకేగి ,మి
న్నందిన కీర్తి గూల్చెదవు?హా!నిను దిట్టగలేను ,కృష్ణయా!
యందము జిందు నీనగవునందు మనోహరమాయ యున్న దే
మందు?యశోద పిచ్చిదని యందరు బల్కెర!గోగణేశుడా!
శీఘ్రమె నృసింహ రధమునుచేద దాని
రిప్లయితొలగించండిగంట గణగణే శరణుగ కన్పడెగద
లచ్చిమి మగడా! నాకు మారదు నియమము
నీదు సేవనందిమ్ముగ నిలిచియుండ
కందం
రిప్లయితొలగించండిసిరి ప్రియమనోహర! వరద!
పరమపద గణేశ! శౌరి! పన్నగ శయనా!
హరి! సుకుమార! పరాత్పర!
నిరతము నీ పదమునంది నిల్చెద ధరణిన్!
..............🌻శంకరాభరణం🌻...............
రిప్లయితొలగించండి.. .. .. .. .. .. 🤷🏻♂దత్తపది🤷♀.. .. .. .. .. .. ..
హర గణేశ కుమార నంది అన్యార్థంలో..
విష్ణుస్తుతి.. నచ్చిన ఛందస్సు..
సందర్భము: దైత్య గణ.. ఈశు డంటే రావణుడు. ఆతని తనూజులు అంటే ఇంద్రజిత్తు అక్షయుడు.. వారిని వరుసగా...
యుద్ధంలో లక్ష్మణుడు...
లంకాదహన సందర్భంలోనే ఆంజనేయుడు సంహరించినారు.
దేవతలు తిలకించి సంతోషించినారు. రాముని చూచి వారికి.. అనగా..
లక్ష్మణునికి సోదరుడు సుమా! యని..
ఆంజనేయునికి సోదర సమానుడు సుమా! యని..
ఆ యా సందర్భాలలో వినుతిస్తూ వుండగా రాముడు మురిసిపోయేవాడు. అటువంటి ఓ రఘు రామా! నన్ను కరుణ గనుమా!
~ ~ ~ ~ ~ ~ ~ ~ ~~ ~ ~ ~ ~ ~ ~ ~
వసుధ దైత్య (గణేశ) రావణ తనూజ
సం(హర)ణ శీలురైన లక్ష్మణుని, పవన
సుతుని గనుచుఁ ముదము(నంది)
సురలు మెచ్చి..
సోదరుడు, సోదర సముండు
సుమ యనంగ..
మురియు సు(కుమార!) రఘు రామ!
కరుణ గనుమ!...
🖋~డా.వెలుదండ సత్యనారాయణ
23.6.18
రిప్లయితొలగించండిమురళీధరమురహర శ్రీ
నరసింహా సురగణేశ నగధరశౌరీ
పరమానందిత శ్రీశా
సరుగున నిడు మాకుమారజనకా జయముల్