జిలేబీ గారూ, మీ పూరణ బాగున్నది. అభినందనలు. మొదటి పాదంలో యతి తప్పింది. "వేదన వలదు మనకు సుభిక్ష మిదియె" అనండి. వేద - మిది.. ప్రాసయతిలో ప్రాసకు ముందున్న అక్షరాల లఘు గురు సామ్యం ఉండాలి.
మీ దరఖాస్తు లెల్లను సమీక్షకు పంపితి నేను పోరగన్ కాదని చెప్పు వారు సయి ఖాతరు చేసెదరయ్య! నమ్ముడీ వేదన లేల! తెచ్చెద సుభిక్షము రాష్ట్రము కొత్త దయ్యె, నే లేదన లేదు లేదనఁగ లీలగఁ గల్గును భోగ భాగ్యముల్
జిలేబీ గారూ, మీ పూరణ బాగున్నది. అభినందనలు. 'కాదు + ఎద్దియు = కా దెద్దియు' అవుతుంది. నుగాగమం రాదు. 'కా దదెద్ధియు' అనండి. 'గుండు' ప్రస్తావన అర్థం కాలేదు.
రమేశ్ గారూ, భావం బాగుంది. సమయం అనుకూలిస్తే దీనికి పద్యరూపం ఇస్తాను. క్రమం తప్పకుండా సమస్యలపై స్పందిస్తున్నారు. సంతోషం. పద్యాలు వ్రాసే ప్రయత్నం మొదలు పెట్టవచ్చు కదా!
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య-2716 *లేదన లేదు లేదనఁగ లీలగఁ గల్గును భోగభాగ్యముల్.* అడిగినవానికి లేదు లేదు లేదు అని చెబుతూ ఉంటే భోగభాగ్యాలు కలుగుతాయి అని చెప్పడం ఈ సమస్యలో ఉన్న విరుద్ధమైన అర్థం. సందర్భం :: దానకర్ణుడుగా పేరుపొందిన అంగరాజు చదువుకొనే రోజులలో *లే దు* అనే రెండు అక్షరాలను నేర్చుకోలేదు అని చెబుతూ ఉంటారు. *లా కేత్వ మివ్వ లేడట, దా కును కొమ్మివ్వ డట్టి దాతయు కలడే?* అనే పద్య పాదాన్ని మనం వినియున్నాం కదండీ. నా దగ్గఱ లోభ గుణం లేదు. అసత్య మనే మాట లేదు. యుద్ధంలో వెన్ను చూపడ మనే మాట లేదు. ఇతర స్త్రీలు కోరినా సరే కౌగిలి ఇచ్చేది లేదు. ద్రోహబుద్ధి అనే మాట లేనే లేదు అని అంటూ సాటి లేని దాన ధర్మములు చేస్తూ మేటి కీర్తిని పొందిన కర్ణుని వలె లేదు లేదు లేదు అని అంటూ ఉంటే భోగ భాగ్యాలు కలుగుతాయి అని చమత్కారంగా తెలియజెప్పే సందర్భం.
శ్రీ గురుభ్యో నమః నేటి సమస్యాపూరణ పద్యభావమునకు ప్రేరణను కూర్చిన పూర్వ కవి కృత పద్యం. *తిమ్మ జగపతి - ఇవ్వడు* ఇవ్వడు ఇవ్వడంచు జను లెప్పుడు తప్పక చెప్పుచుందు రే మివ్వడు ? అన్య కాంత కుర మివ్వడు! సంగర రంగ మందు వె న్నివ్వడు! శత్రులన్ ప్రబల నివ్వడు! బెబ్బులి నైన పట్టి పో నివ్వ! డసత్య వాక్య మెపు డివ్వడు! తిమ్మజగత్పతీంద్రుడే. సేకరణ :: శ్రీ రామకవచం వేంకటేశ్వర్లు. (పుస్తకం పేరు : తీయని తెలుగు పద్యం).
బీదల సాదలన్ గనుచు ప్రేమను జూపిన మెచ్చు నీశుడే నీదయ కొంతజూపి సరి నీకడనున్నది దాచకుండగన్ వాదన జేయబోక మరి వచ్చిన వారిని నెట్టు బుద్ధియే లేదన లేదు లేదనఁగ లీలగఁ గల్గును భోగ భాగ్యముల్
లేదని చెప్పు! నీశు డస లేలనకో యని ప్రశ్న వేయుమా లేదు విధాత భాగ్యమసలెక్కడ యంచు సవాలు చేయు మా లేదను నేను లేక భువి లేదని చెప్పుము ధైర్య శాలిగా లేదన లేదు లేదనఁగ లీలగఁ గల్గును భోగ భాగ్యముల్!
చౌదరి యింట గుబ్బతిలె సాధన పత్రిక చిత్ర మివ్వగా నాదరణల్ సినీజగతు నాట్య మయూరి గణేశు జామిగా కాదన లేదు కోరగ సుగంధము లొప్ప సహాయముల్ భళీ లేదన లేదు, లేదనఁగ ! లీలగఁ గల్గును భోగ భాగ్యముల్, మీద పడంగ గంధవతి మింకిరి జేసె మహానటిన్ గదా!
రిప్లయితొలగించండివేదన పడకండి సుభిక్షమిదియె మనకు
రాధనమును తెచ్చు జనులారా వినండి !
రాదనగ వచ్చె తెలగాణ రాష్ట్రమున్ను
లేదనఁగఁ గల్గు భోగభాగ్యోదయమ్ము
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
మొదటి పాదంలో యతి తప్పింది. "వేదన వలదు మనకు సుభిక్ష మిదియె" అనండి.
వేద - మిది.. ప్రాసయతిలో ప్రాసకు ముందున్న అక్షరాల లఘు గురు సామ్యం ఉండాలి.
"ఏషోస్య పరమా గతిః ఏషోస్య పరమా సంపత్"
రిప్లయితొలగించండికామ క్రోధమ్ములను వీడి నామమెరిగి
ధ్యాన ధారణలను గూర్చి మౌనమునను
రామకృష్ణుల కీర్తించి రమ్యముగను
పాద పద్మమ్ములనుజేరి పచ్చి "నేను"
లేదనఁగఁ గల్గు భోగభాగ్యోదయమ్ము
:)
ప్రభాకర శాస్త్రి గారూ,
తొలగించండిఅహంభావాన్ని వీడాలంటూ ఆధ్యాత్మిక పరంగా వ్రాసిన మీ పూరణ బాగున్నది. అభినందనలు.
🙏🙏🙏
తొలగించండిబాధ తప్పదు జనులకు వగచు టేల
రిప్లయితొలగించండిఎవడు రాజైన మనకేమి నెనరు గలదు
దొంగ లందరు నూళ్ళను దోచు కొనగ
లేదనఁగఁ గల్గు భోగభాగ్యో దయమ్ము
అక్కయ్యా,
తొలగించండిమీ పూరణ బాగున్నది. అభినందనలు.
డా.పిట్టాసత్యనారాయణ
రిప్లయితొలగించండిఏవి యలనాటి సూత్రము లేర్పడంగ?
వృద్ధి రేటని ధనము స్థిరీకరించ
రాదు, వ్యాధిని బిగబట్ట రాదు దాచ,
లేదనగ గల్గు భోగ భాగ్యోదయమ్ము
డా. పిట్టా వారూ,
తొలగించండిమీ పూరణ బాగున్నది. అభినందనలు.
రిప్లయితొలగించండినారా వారి మాట గా
మీ దరఖాస్తు లెల్లను సమీక్షకు పంపితి నేను పోరగన్
కాదని చెప్పు వారు సయి ఖాతరు చేసెదరయ్య! నమ్ముడీ
వేదన లేల! తెచ్చెద సుభిక్షము రాష్ట్రము కొత్త దయ్యె, నే
లేదన లేదు లేదనఁగ లీలగఁ గల్గును భోగ భాగ్యముల్
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
డా.పిట్టాసత్యనారాయణ
రిప్లయితొలగించండికాదన ,వచ్చు భాగ్యములు గవ్వల గూర్చిన నొక్క సంఖ్యకున్
నాదిది యింత యంచనడనాదిగ మానవు డెల్లవేళలన్
ప్రోదిని బొక్కనీయకనె బుద్ధిగ మెల్గుట మేలు నమ్రతన్
లేదన లేదు లేదనగ లీలగ గల్గును భోగ భాగ్యముల్
డా. పిట్టా వారూ,
తొలగించండిమీ పూరణ మిక్కిలి బాగున్నది. అభినందనలు.
గురుదేవులకు ప్రణామములు. తేటగీతి సమస్యాపాదమున యతి భంగము?
రిప్లయితొలగించండిప్రాస యతి:
తొలగించండి"లేద"... "యోద"
మైలవరపు వారి పూరణ
రిప్లయితొలగించండిసూర్యుడు... తన సుతుడైన దాన వీర శూర కర్ణునితో... ఇలా.. 👇
ఆదరణీయుడైన అమరాధిపుడే చెయి సాచి విప్రుడై
నీ దరిఁ జేరునా కపటి , నీ తనురక్షను కుండలమ్ములన్
మోదము దీర గోరు దన పుత్రునికై ! సుత ! తప్పు కాదులే!
లేదన ., లేదు లేదనఁగ లీలగఁ గల్గును భోగ భాగ్యముల్ "!!
మైలవరపు మురళీకృష్ణ వెంకటగిరి
*అంతా లేదనుకొనుటలోనే ఉంది*... చక్కని సమస్యనిడిన శ్రీ పోచిరాజు కామేశ్వరరావు గారికి నమోవాకములు.. ధన్యవాదాలు 💐🙏
తొలగించండి...మైలవరపు మురళీకృష్ణ
మైలవరపు వారి పూరణ అద్భుతంగా ఉన్నది. అవధాను లనిపించుకున్నారు. వారికి అభినందనలు.
తొలగించండి
తొలగించండి*ఏమి చేతురా లింగ* !!
నే దరిఁ జేర నెంగిలి యనెన్ భ్రమరమ్ములు పూలు గోయ ., గం...
గోదకమున్ గ్రహింప నిది యొల్లదనెన్ ఝషమొండు , నీకు నే..
నీదగు వస్తువేది యిల ? నేమిక జేసెద లింగ ! నా కడన్
లేదన లేదులేదనగ లీలగ గల్గును భోగభాగ్యముల్ !!
మైలవరపు మురళీకృష్ణ వెంకటగిరి
ఈ కామెంట్‌ను రచయిత తీసివేశారు.
తొలగించండిమురళీకృష్ణ గారికి ధన్యవాదములు నమస్సులు. శుక్రనీతిని జానపద నీతిని ప్రకటించుచు మీ జేసిన పూరణము లద్భుతములు.
తొలగించండిశ్రీ కామేశ్వరరాయ ! ధన్యుడ త్వదాశీరాశిసంపన్నతన్!! 🙏🙏
తొలగించండి...మైలవరపు మురళీకృష్ణ
హరిహరుల భేద మెంచక ననవ రతము
రిప్లయితొలగించండిభక్తితోడను కొలుచుచున్ వాసిగాను
దయను కలిగి స్వార్థానికి స్థానమికను
లేదనఁగఁ గల్గు భోగ భాగ్యోదయమ్ము
విరించి గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిగుండు అది.
గుండు యిది
గుండు లోనుండు గుండు
గుండు లోనుండి గుండు
గుండు గుండే గుండౌ
వేదన లేల కర్వరిని ! వెంగలివిత్తుగ మారు టేలనో !
నాదిది కాదు నెద్దియు! సనాతన మైనది దేహభుక్కు!నా
దేదియు లేదు భూమిని విదేహము చెంద జిలేబియెచ్చటన్ ?
లేదన లేదు లేదనఁగ లీలగఁ గల్గును భోగ భాగ్యముల్
నేతి నేతి జిలేబి
పతంజలి వారి "అవు నెయ్యి"
తొలగించండిజిలేబీ గారూ,
తొలగించండిమీ పూరణ బాగున్నది. అభినందనలు.
'కాదు + ఎద్దియు = కా దెద్దియు' అవుతుంది. నుగాగమం రాదు. 'కా దదెద్ధియు' అనండి.
'గుండు' ప్రస్తావన అర్థం కాలేదు.
"పూర్ణమిదః"
తొలగించండికాదనలేదు కాదనగ మనసున తొలగును
రిప్లయితొలగించండిమోహావేశముల్
చేదనలేదు చేదనగ తీపిని విడుచును రక్తపు
బంధముల్
పోదనలేదు పోదనగ తన తనువును తొలచును
వ్యామోహముల్
కాదనలేదు కాదనగ లీలగ గల్గును భోగ
భాగ్యముల్
రమేశ్ గారూ,
తొలగించండిభావం బాగుంది. సమయం అనుకూలిస్తే దీనికి పద్యరూపం ఇస్తాను.
క్రమం తప్పకుండా సమస్యలపై స్పందిస్తున్నారు. సంతోషం. పద్యాలు వ్రాసే ప్రయత్నం మొదలు పెట్టవచ్చు కదా!
శుక్రాచార్యుడు బలిచక్రవర్తితో
రిప్లయితొలగించండిబాలకుడని భావించకు మాలకించు
వలదునీయ మూడడుగుల తలము నీవు
తలచగాను నీతడగును దానవారి
లేదనగ గల్గు భోగభాగ్యోదయమ్ము
సీతాదేవి గారూ,
తొలగించండిమీ పూరణ బాగున్నది. అభినందనలు.
'వలదు + ఈయ = వలదీయ' అవుతుంది. నుగాగమం రాదు. "వల దొసంగ మూడడుగుల" ఆనండి.
ధన్యవాదములు గురుదేవా! సవరిస్తాను!🙏🙏🙏
తొలగించండి
రిప్లయితొలగించండిరమేశు గారి భావనకు
కాదన లేదు కాదనగ కామము మోహము వీడు చిత్తునే
చేదన లేదు చేదనగ చెక్కర తీపిని వీడు బంధముల్
పోదన లేదు పోదనగ పోవు శరీరము కాల్చు వేదనల్
లేదన లేదు లేదనఁగ లీలగఁ గల్గును భోగ భాగ్యముల్!
జిలేబి
మనోహరం. __/\__
తొలగించండిఫలిత మాశిoచు పూజలు పనికి రావు
రిప్లయితొలగించండికలిమి నిమ్మoచు ప్రార్థించు కాంక్ష వదలి
నిర్మల oబు గ కొలిచె ద నిన్ను కోర్కె
లేద నగ గల్గు భోగ భాగ్యో ద య మ్ము
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య-2716
*లేదన లేదు లేదనఁగ లీలగఁ గల్గును భోగభాగ్యముల్.*
అడిగినవానికి లేదు లేదు లేదు అని చెబుతూ ఉంటే భోగభాగ్యాలు కలుగుతాయి అని చెప్పడం ఈ సమస్యలో ఉన్న విరుద్ధమైన అర్థం.
సందర్భం :: దానకర్ణుడుగా పేరుపొందిన అంగరాజు చదువుకొనే రోజులలో *లే దు* అనే రెండు అక్షరాలను నేర్చుకోలేదు అని చెబుతూ ఉంటారు. *లా కేత్వ మివ్వ లేడట, దా కును కొమ్మివ్వ డట్టి దాతయు కలడే?* అనే పద్య పాదాన్ని మనం వినియున్నాం కదండీ.
నా దగ్గఱ లోభ గుణం లేదు. అసత్య మనే మాట లేదు. యుద్ధంలో వెన్ను చూపడ మనే మాట లేదు. ఇతర స్త్రీలు కోరినా సరే కౌగిలి ఇచ్చేది లేదు. ద్రోహబుద్ధి అనే మాట లేనే లేదు అని అంటూ సాటి లేని దాన ధర్మములు చేస్తూ మేటి కీర్తిని పొందిన కర్ణుని వలె లేదు లేదు లేదు అని అంటూ ఉంటే భోగ భాగ్యాలు కలుగుతాయి అని చమత్కారంగా తెలియజెప్పే సందర్భం.
లేదను లోభ మెన్నడును, లే దనృత మ్మను, వెన్ను జూపుటే
లేదను యుద్ధరంగమున, లేదను కౌగిలి యన్యభామకున్,
లేదని ద్రోహబుద్ధి తుల లేక వెలింగెడి కర్ణు పోలికన్
*లేదన లేదు లేదనఁగ లీలగఁ గల్గును భోగభాగ్యముల్.*
*కోట రాజశేఖర్ పడుగుపాడు నెల్లూరు.* (25-6-2018)
అద్భుతమైన పూరణ అవధానిగారూ!! నమఃపూర్వక అభినందనలు!!🙏🙏🙏
తొలగించండిరాజశేఖర్ గారూ,
తొలగించండిఉత్తమునకు ఉండకూడనివి వివరిస్తూ కర్ణుని ప్రస్తావనతో మీ పూరణ అద్భుతంగా ఉన్నది. అభినందనలు.
శ్రీమతి సీతాదేవి గారూ! ప్రణామాలండీ.
తొలగించండిశ్రీ గురుభ్యో నమః
తొలగించండినేటి సమస్యాపూరణ పద్యభావమునకు ప్రేరణను కూర్చిన పూర్వ కవి కృత పద్యం.
*తిమ్మ జగపతి - ఇవ్వడు*
ఇవ్వడు ఇవ్వడంచు జను లెప్పుడు తప్పక చెప్పుచుందు రే
మివ్వడు ? అన్య కాంత కుర మివ్వడు! సంగర రంగ మందు వె
న్నివ్వడు! శత్రులన్ ప్రబల నివ్వడు! బెబ్బులి నైన పట్టి పో
నివ్వ! డసత్య వాక్య మెపు డివ్వడు! తిమ్మజగత్పతీంద్రుడే.
సేకరణ :: శ్రీ రామకవచం వేంకటేశ్వర్లు. (పుస్తకం పేరు : తీయని తెలుగు పద్యం).
రాజ శేఖర్ గారు మూడు “లేదు”లకు మఱో యేను “లేదు”లు చేర్చిన మీ పూరణము మనోహరము! నమస్సులు.
తొలగించండివాదముఁ జేయు టేల నిలఁ బ్రార్ధనఁ జేయుచు నిర్గుణాత్మునిన్
రిప్లయితొలగించండివేదన లిచ్చు కర్మలను వీడుచు నెప్పుడు దానబుద్ధితో
మేదిని లోనఁ జూచినను మేధనుఁ గల్గియు మాకు లోభమే
*"లేదన లేదు లేదనఁగ లీలగఁ గల్గును భోగ భాగ్యముల్ "*
విట్టుబాబు గారూ,
తొలగించండిమీ పూరణ బాగున్నది. అభినందనలు.
వాదన జేయుటేల యిల... అనండి.
🙏🏻
తొలగించండితాతయొకడుండెభీమన్నతాతయనగ
రిప్లయితొలగించండినేదియడిగినముందుగాలేదనుచును
దెచ్చియిచ్చునుదరువాతతీరికగను
లేదనగగల్గుభోగభాగ్యోదయమ్ము
సుబ్బారావు గారూ,
తొలగించండిమీ పూరణ బాగున్నది. అభినందనలు.
బీదల సాదలన్ గనుచు ప్రేమను జూపిన మెచ్చు నీశుడే
రిప్లయితొలగించండినీదయ కొంతజూపి సరి నీకడనున్నది దాచకుండగన్
వాదన జేయబోక మరి వచ్చిన వారిని నెట్టు బుద్ధియే
లేదన లేదు లేదనఁగ లీలగఁ గల్గును భోగ భాగ్యముల్
హనుమచ్ఛాస్త్రి గారూ,
తొలగించండిమీ పూరణ ప్రశస్తంగా ఉన్నది. అభినందనలు.
రిప్లయితొలగించండిపోదురు మీదు డాబుసరి! పూర్తిగ తప్పు శుభమ్ము లివ్వవే!
వేదము చెప్పదిట్లు పరివేష్టిత శోభలు జేర్చవే కవీ
శా!దెసదిక్కు లేదనగ చక్కగ నొప్పునకో?మరెట్లయా
లేదన లేదు లేదనఁగ లీలగఁ గల్గును భోగ భాగ్యముల్?
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
వాదనజేయకుండగనుభామలతోడనునెల్లవేళలన్
రిప్లయితొలగించండిగాదనకుండగాదొడరికామితవస్తువులెల్లదీర్చుచో
లేదనలేదులేదనగలీలగగల్గునుభోగభాగ్యములు
ల్లాదరణంబుతోనెపుడుహర్షమునొందగనిత్తురేగదా
సుబ్బారావు గారూ,
తొలగించండిమీ పూరణ బాగున్నది. అభినందనలు.
'భాగ్యముల్ + ఆదరణంబు = భాగ్యము లాదరణంబు' అవుతుంది. ద్విత్వ లకారం రాదు.
లేదను మాట వద్దనిరి లేమినిఁ బెంచును లోకమందనిన్
రిప్లయితొలగించండిలేదన దానమీయకను లెస్సగు మాటది నిత్యసత్యమే!
లేదన లోభ బుద్ధియును లేదన మత్సర మింక స్వార్థమున్
*"లేదన లేదు లేదనఁగ లీలగఁ గల్గును భోగ భాగ్యముల్ "*
విట్టుబాబు గారూ,
తొలగించండిమీ పూరణ బాగున్నది. అభినందనలు.
'అందనిన్' అన్న ప్రయోగం సాధువు కాదు. "లోకమంతటన్" అనండి.
🙏🏻
తొలగించండికాదనకుండ చేయవలె కల్మియె కల్గిన వారు దానముల్
రిప్లయితొలగించండిమోదము తోడ చెప్పవలె మోక్షము నందెడి మార్గమే గురుల్
భేదము లేక ధర్మమది వెల్గగ,లేదను మాట లేదనిన్
*లేదన లేదు లేదనఁగ లీలగఁ గల్గును భోగ భాగ్యముల్ *
తిరుక్కోవళ్ళూరు శ్రీహర్ష
శ్రీహర్ష గారూ,
తొలగించండిమీ పూరణ బాగున్నది. అభినందనలు.
'లేదనిన్' అన్న ప్రయోగం సాధువు కాదు. "మాట వీడుచున్" అందామా?
రిప్లయితొలగించండిలేదని చెప్పు! నీశు డస లేలనకో యని ప్రశ్న వేయుమా
లేదు విధాత భాగ్యమసలెక్కడ యంచు సవాలు చేయు మా
లేదను నేను లేక భువి లేదని చెప్పుము ధైర్య శాలిగా
లేదన లేదు లేదనఁగ లీలగఁ గల్గును భోగ భాగ్యముల్!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'ఏలనకో'...?
స్వార్థ మును వీడ కలుగును సంతసమ్మె
రిప్లయితొలగించండియంతె ఱుగని యాశ లిడునె సుంత సుఖము?
భువి విరాగమునకు మించి పొందనేది
"లేదనఁగఁ గల్గు భోగభాగ్యోదయమ్ము"
జనార్దన రావు గారూ,
తొలగించండిమీ పూరణ బాగున్నది. అభినందనలు.
[25/06, 05:32] +91 75698 22984: 25, జూన్ 2018, సోమవారం
రిప్లయితొలగించండిసమస్య - *2716*
కవిమిత్రులారా,
ఈరోజు పూరింపవలసిన సమస్య ఇది...
*"లేదనఁగఁ గల్గు భోగభాగ్యోదయమ్ము"*
(లేదా...)
*"లేదన లేదు లేదనఁగ లీలగఁ గల్గును భోగ భాగ్యముల్ "*
http://kandishankaraiah.blogspot.in
[25/06, 09:37] Nvn Chary: డా.ఎన్.వి.ఎన్.చారి
శ్రీకరప్రకాశిత! నిఖిల శ్రేయ నిలయ!
నీది కాదె యీ భూభవ నిధి సకలము
నేనసత్యము సత్యము నీవె "నాది
లేదనగ" గల్గు భోగభాగ్యోదయమ్ము
చారి గారూ,
తొలగించండిమీ పూరణ బాగున్నది. అభినందనలు.
మీరు కేవలం పద్యాన్ని పోస్ట్ చేస్తే చాలు. సమస్యలను పోస్ట్ చేయడం ఎందుకు?
మురికి మానసులకు నుప యోగ పడక
రిప్లయితొలగించండిసిరి యుదారుల చెంతను చేరుచుండు
ప్రజల సేవలలోన విరామమసలు
లేదనఁగఁ గల్గు భోగభాగ్యోదయమ్ము
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
మొదటి పాదంలో యతి తప్పింది. సవరణను వాట్సప్‍లో సూచించాను.
..............🌻శంకరాభరణం🌻...............
రిప్లయితొలగించండి.. .. .. .. .. .. 🤷🏻♂సమస్య🤷♀.. .. .. .. .. .. ..
లేదన లేదు లేదనఁగ
లీలగఁ గల్గును భోగ భాగ్యముల్
సందర్భము: సులభము
~ ~ ~ ~ ~ ~ ~ ~ ~~ ~ ~ ~ ~ ~ ~ ~
"వాదము లేల? యెందులకు
వత్తురు మీరలు.. మా గృహంబునన్
లే దనకుండగాఁ దినవ
లెన్ గడుపారగఁ.. దృప్తి మా కదే
యాదరణీయులార! యిసు
మంతయు మా కడ లోభ మన్నదే
లే" దన "లేదు, లే" దనఁగ
లీలగఁ గల్గును భోగ భాగ్యముల్
🖋~డా.వెలుదండ సత్యనారాయణ
25.6.18
డా. వెలుదండ వారూ,
తొలగించండిమీ పూరణ ప్రశస్తంగా ఉన్నది. అభినందనలు.
రిప్లయితొలగించండిమహా నటి సావిత్రి
చౌదరి యింట గుబ్బతిలె సాధన పత్రిక చిత్ర మివ్వగా
నాదరణల్ సినీజగతు నాట్య మయూరి గణేశు జామిగా
కాదన లేదు కోరగ సుగంధము లొప్ప సహాయముల్ భళీ
లేదన లేదు, లేదనఁగ ! లీలగఁ గల్గును భోగ భాగ్యముల్,
మీద పడంగ గంధవతి మింకిరి జేసె మహానటిన్ గదా!
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'సినీజగతి' అనండి.
విద్య నొసఁగినఁ బెరుగును విజ్ఞత మఱి
రిప్లయితొలగించండితపము నొనరించ ఘనముగ దక్కుఁ బరము
దాన మర్థుల కిచ్చిన యేని, కాదు
లేదనఁగఁ, గల్గు భోగభాగ్యోదయమ్ము
పోదురె మూటఁ గట్టు కొని పుత్తడి విత్తులఁ బుణ్య లోకముల్
కాదన కిత్తు నున్నెడలఁ గాసులు సంతత మర్థు లెల్లరన్
వాదన లేల సాదరము పంపుదు దృప్తిగ నెవ్వ రేని, నే
లే దన, లేదు లేదనఁగ లీలగఁ గల్గును భోగ భాగ్యముల్ !
కామేశ్వర రావు గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
'ఎవ్వరేని నేలే దన..' ఇక్కడ భావం బోధపడలేదు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండిఎవ్వరేని లేదు లేదనఁగ, నే లేదన (ను) అని నాభావమండి.
మోదముతోడ చేరుసిరి, మ్రుచ్చుల చెంతను నిల్వ దెప్పుడున్
రిప్లయితొలగించండిస్వేదము చిందజేసి కడుఁ జెన్నుగ కార్యము లన్ని చేయుచున్
వేదన నొందునట్టి నిరు పేదల సేవల లోవిరామమే
లేదన, లేదు లేదనఁగ, లీలగఁ గల్గును భోగ భాగ్యముల్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
రాదగు నాదు కౌగిలికి రంజుగ నీ వన వారకాంతయే
రిప్లయితొలగించండికాదిది లంచ మెన్న పనికై బహుమానము తీసికొండనన్
మోదముతోడ త్రాగు డిది మున్నె సురల్ రుచిజూచినా రనన్
లేదన లేదు లేదనఁగ లీలగఁ గల్గును భోగ భాగ్యముల్.
మిస్సన్న గారూ,
తొలగించండిమీ పూరణ ప్రశస్తంగా ఉన్నది. అభినందనలు.
ఉన్నయంతలోన సతతంబుర్వి యందు
రిప్లయితొలగించండిదాన ధర్మములను చేయ ధన్యత గను
నెప్పుడునునోటినుండియు నేది నాది
లేదనగ గల్గు భోగ భాగ్యోదయమ్ము!
కామమును మరి క్రోధమున్ కడకు ద్రోసి
సతత హరిచింతనాసక్తి జగతియందు
తిరుగుచాపన్నులడిగిన దెల్ల నొసగి
నేను నాదన్నదీభువి నేది లేదు
లేదనగ గల్గు భోగ భాగ్యోదయమ్ము!
డా. ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
వాదనమాని తృప్తిగను వైరములెవ్వరియందులేక స
రిప్లయితొలగించండిమ్మోదమునింపు కోర్కెలన?మోసముచెంతనజేరినట్లె!యు
న్మాదపు యూహలుంచకను"నాదనువాదముమానసంబునన్
లేదనలేదు లేదనగ"లీలగగల్గును భోగభాగ్యముల్
ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
ఆటవిడుపు సరదా పూరణ:
రిప్లయితొలగించండి("ఆపదామపహర్తారం దాతారం సర్వసంపదాం")
"లేదుర రాజధానికిక లెమ్ముర తెచ్చితి జమ్నమన్నునున్
లేదుగ నాంధ్రకున్ స్పెషలు లెమ్ముర తెచ్చితి మల్లెమాలనున్
లేదన బోకు నా చెలిమి లెమ్ముర చూడు జగన్నుమోహనున్
లేదన లేదు లేదనఁగ లీలగఁ గల్గును భోగ భాగ్యముల్"
జమ్న = యమున (హిందూస్తానీ)
https://m.youtube.com/watch?v=6dMRxZhmhR4
తొలగించండిఆబ కందం
లేదనక జమున మట్టిని
లేదనకన్ మల్లె పూవు లెస్సగ చెవిలో
కాదనక పెట్టితి! జగను
సోదరుని చిరునగవు గను శోకించకుమా !
జిలేబి
ప్రభాకర శాస్త్రి గారూ,
తొలగించండిమీ ఆటవిడుపు పూరణ బాగున్నది. అభినందనలు.
ఆదర పూర్వక oబుగ స హాయ మొన ర్చు ను దార బుద్ది తో
రిప్లయితొలగించండిపేదల నాదు కో దల చి పేర్మిమన స్సు న దాన ధర్మ ము ల్
కాదన బో క నిచ్చు చు ను గర్వమొ కిం చుక చూప కుండ తా
లేద న లేదు లేద నగ లీలగ గల్గు ను భోగ భాగ్యము ల్
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
వాదము లేలనయ్య నిల వాసిగ మూటలు గట్టి ద్రవ్యమున్
రిప్లయితొలగించండిగాదెల యందు దాచినను గైకొని పోవడు చావు వెంటరాన్
ఖేదము లేక నిప్పు డిట కీర్తిని పొందగ నెంచి యర్థులన్
లేదన లేదు లేదనఁగ లీలగఁ గల్గును భోగ భాగ్యముల్ "*
డా. ఉమాదేవి గారూ,
తొలగించండిమీ పూరణ బాగున్నది. అభినందనలు.
వాట్సప్ సమూహంలో సవరణ సూచించాను.
వలయు పనినిపూరించ నావల్లకాద
రిప్లయితొలగించండిని నడుమనె వీడకుండగ నేర్పు తోడ
తగినరీతి కష్టపడుట తప్ప వేరు
లేదనగ గల్గు భోగభాగ్యోదయమ్ము
సీతారామయ్య గారూ,
తొలగించండిమీ పూరణ బాగున్నది. అభినందనలు.
తేటగీతి
రిప్లయితొలగించండిదైవకృపతోడ నెన్నడుఁ దరగ నట్టి
సిరులు సమకూర జీవించు సరళిఁ దెలిసి
లోకుల వెతలుఁ దీర్చఁగ లోభమెపుడు
లేదనఁగఁ గల్గు భోగభాగ్యోదయమ్ము
సహదేవుడు గారూ,
తొలగించండిమీ పూరణ బాగున్నది. అభినందనలు.
నక్షత్రకుడు హరిశ్చంద్రునితో......
రిప్లయితొలగించండినీదగు సత్యదీక్ష గద నిన్నును నన్నును బాధపెట్టుచున్
పేదగ మార్చినీదయిన భీరువునే యెడ బాపె గాదె, నన్
వేదన పెట్టుచుంటివిక విడ్వుడు సత్యవ్రతమ్ము నో నృపా
లేదన లేదు లేదనఁగ లీలగ గల్గు భోగభాగ్యముల్
బలితో శుక్రాచార్యుడు......,
రిప్లయితొలగించండినీదరి జేరినట్టి ధరణీసుర బాలకుఁ నమ్మ బోకుమా
కాదనెఱంగుమా వడుగు కల్పము బ్రోచెడు దీక్షతో యిటన్
వేదన ద్రుంచగన్ సురలు వేడగ వచ్చిన విష్ణువాతడే
మోదము తోడతానడుగు మూడడుగుల్ భువిగాదే దానినిన్
లేదన లేదులేనఁగ లీలగ గల్గును భోగభాగ్యముల్.
నక్షత్రకుడు హరిశ్చంద్రునితో....
రిప్లయితొలగించండిభాగ్యముల్ వీడి యడవుల పాల బడిన
నృపుడ నామాట వినవయ్య నిన్ను గాతు
సత్య దీక్షను విడనాడి చక్క గాను
లేదనఁగఁ గల్గు భోగ భాగ్యోదయమ్ము
విరించి గారూ,
తొలగించండిమీ మూడు పూరణలు బాగున్నవి. అభినందనలు.
వాట్సప్ సమూహంలో వ్యాఖ్యను గమనించండి.
డా.పిట్టాసత్యనారాయణ
రిప్లయితొలగించండికాదన ,వచ్చు భాగ్యములు గవ్వల గూర్చిన నొక్క సంఖ్యకున్
నాదిది యింత యంచనడనాదిగ మానవు డెల్లవేళలన్
ప్రోదిని బొక్కనీయకనె బుద్ధిగ మెల్గుట మేలు నమ్రతన్
లేదన లేదు లేదనగ లీలగ గల్గును భోగ భాగ్యముల్
డా. పిట్టా వారూ,
తొలగించండిమీ పూరణ బాగున్నది. అభినందనలు.
రావణాసురునకు మండోదరి హితబోధ :
రిప్లయితొలగించండిఉత్పలమాల
కాదన నేల? సమ్మతము కాదన నంగదు రాయబారమున్
మేదిని వంశనాశనము మేలను కొంటిరొ? రాముఁ జేరుచున్
వేదన బాపి సీతనిడి వేడుచు మోహము నాకు నమ్మపై
లేదన లేదు లేదనఁగ లీలగఁ గల్గును భోగ భాగ్యముల్
సహదేవుడు గారూ,
తొలగించండిమీ పూరణ ప్రశస్తంగా ఉన్నది. అభినందనలు.
🙏ధన్యోస్మి గురుదేవా🙏
తొలగించండికాయకష్టంబు సేయుచు కలసిమెలసి
రిప్లయితొలగించండిఒకరికినొకరుగ నెపుడు యొద్దికగను
అన్నదమ్ములిర్వురు నాదియను తలంపు
లేదనగ గల్గు భోగ భాగ్యోదయమ్ము.
..............🌻శంకరాభరణం🌻...............
రిప్లయితొలగించండి.. .. .. .. .. .. 🤷🏻♂సమస్య🤷♀.. .. .. .. .. .. ..
లేదన లేదు లేదనఁగ
లీలగఁ గల్గును భోగ భాగ్యముల్
సందర్భము: అతిథి దేవో భవ.. అన్నారు. ఊరకే కాదు.. అతిథిగా వచ్చినవాడు దేవు డని భావించి భోజనం పెట్టవలె. కడుపార భుజించిన అతిథి దేవతలు
"అన్నదాతా సుఖీభవ.." అని మనసారా దీవిస్తారు. "లోభ మనేది వీళ్ళ దగ్గర లేదు.. లేదు.." అంటూ వుంటే గృహస్థులు సంపాదించిన ధనానికి సార్థకత కలుగుతుంది.
"దానము భోగము నాశము.. పూనికగా మూడు దశలు భువి ధనమునకున్.." అన్నారు. అదాన దోషం వల్ల దారిద్ర్యం సంభవిస్తుం దని ప్రాజ్ఞుల వచనం. దానం చేసే వానికి భోగభాగ్యాలు కలుగుతా యని పెద్దల మాట. ఐతే యిదంతా ఐహికమే!
దానంవలన ఐహిక మిలా ఫలిస్తే జ్ఞానంవలన ఆముష్మికం సఫల మౌతుంది. జ్ఞానాదేవ తు కైవల్యం.. అని కదా! ఏ జ్ఞాన మంటే "సర్వం ఖల్విదం బ్రహ్మ.." (అంతా పరబ్రహ్మమే!.. నే ననేది లేదు..) అనేది.
"సర్వము న్నతని దివ్య కళామయ మంచు" నెఱిగి.. ఆ ఎఱుకను అనుభవంలోకి తెచ్చుకోవాలి. అప్పుడు మానవుడు జీవించి వున్నప్పుడే ముక్తు (జీవన్ముక్తు) డౌతాడు.
~ ~ ~ ~ ~ ~ ~ ~ ~~ ~ ~ ~ ~ ~ ~ ~
మోదము నందగా నతిథి
ముఖ్యులు దీవన లీయ.. "లోభమే
లే" దన.. "లేదు, లే" దనఁగ
లీలగఁ గల్గును భోగ భాగ్యముల్
"వాదము లేదు.. సర్వమును
బ్రహ్మమె!.. బ్రహ్మమె!.. నాది యేదియున్
లే" దన.. "లేదు లే".. దనగ
లీలగ మోక్షము.. నన్ వరింపదే!
🖋~డా.వెలుదండ సత్యనారాయణ
25.6.18
పేదరికమ్మునన్ సరము పేరిమి నిచ్చిన ధర్మపత్నికిన్
రిప్లయితొలగించండిలేదన; లేదు లేదనఁగ; లీలగఁ గల్గును భోగ భాగ్యముల్
వాదన మానుచున్ వడిగ వడ్లను దంచిన నట్కుమూటనున్
నీదు భుజమ్మునన్ తొడిగి నేరుగ బోవగ ద్వారకాపురిన్