కవిమిత్రులకు నమస్కృతులు. ఈసారి నా నాలుగు రోజుల ప్రయాణం ఆహ్లాద విషాదాల సమ్మేళన మయింది. 27-5-2019 నాడు వరంగల్ ప్రయాణమయ్యాను కదా! అవధాని శ్రీ మద్దూరి రామమూర్తి గారు ఉప్పల్ దగ్గరికి వస్తే వారి కారులో తీసుకువెళ్తానన్నారు. నేను నాలుగు రోజులకు సరిపడా బట్టలు, పవర్ బ్యాంక్, సెల్ చార్జర్ వంటి ఇతర అవసర సామగ్రి ఒక బ్యాగులో సర్దుకొని ముందుగా చిటితోటి విజయకుమార్ గారిని కలిసి వారితో ఆటోలో ఉప్పల్ చేరుకున్నాను. తొందరలో నా బ్యాగును ఆటోలో మరిచిపోయాను. కట్టుబట్టలతో మిగిలాను. ఇదొక విషాదం!.... రామమూర్తి గారి కారులో వరంగల్ చేరుకున్నాక విజయకుమార్ గారు నాకు ఒక జత కుర్తా పైజామా (శతావధానానికి సంప్రదాయ దుస్తుల్లో రమ్మన్నారు), రెండు బనియన్లు,రెండు డ్రాయర్లు తదితర అవసర సామగ్రి ఇప్పించారు. మూడు రోజులు శతావధానం ఆహ్లాదకరంగా సాగింది. ఎందరో కవిమిత్రులు కలిసారు. ఆనందంగా గడిచింది.... నిన్న అవధానం తర్వాత నేను మా అక్కయ్య ఇంటికి బయలుదేరాను. ఒక బ్యాగులో పుస్తకాలు, మరొక క్యారీబ్యాగులో బట్టలు ఉన్నాయి. బస్ స్టాండులో కూర్చున్నాను. బస్ రాగానే సీటు దొరుకుతుందో లేదో అనే తొందరలో బట్టలున్న బ్యాగును మరిచిపోయి బస్సెక్కాను. 20 కిమీ. వెళ్ళాకు గుర్తుకు వచ్చింది. అంటే మళ్ళీ కట్టుబట్టలతో మిగిలినాను. ఇది మరో విషాద ఘట్టం. ఈరోజు తిరిగి వస్తూ మద్దూరి రామమూర్తి గారి అష్టావధానం ఉందని తెలిసి భువనగిరిలో దిగాను. నన్ను వాళ్ళు న్యస్తాక్షరి పృచ్ఛకుడిగా వేదిక నెక్కించారు. అదొ మరొక ఆహ్లాదకరమైన సంఘటన. ఇక్కడా వీరా గుడిపెల్లి వంటి మిత్రులు కొందరు కలిసారు. రామమూర్తి గారు శతావధానాన్ని, ఆ మరుసటి రోజే అష్టావధానాన్ని సమర్థంగా నిర్వహించి అందరి ప్రశంసలందుకున్నాను. వారి అవధానాలలో పృచ్ఛకస్థానాన్ని పొందడం ఎంతో ఆనందంగా ఉంది. ఆ ఆనందం ముందు పోగొట్టుకున్నవి చాలా అల్పమనిపించింది. అయినా మనసులో ఏ మూలో కొంత విచారం... ఇంతకుముందే నెలవు చేరుకున్నాను. అలసి ఉన్న కారణంగా ఈరోజు నన్ను మన్నించండి. రేపు ఉదయం నుండి మీ పూరణలను సమీక్షిస్తాను. ధన్యవాదాలు!
కొన్ని ఆనందాలముందు కొన్ని అనుభవాలు దిగదుడుపే . అలాంటప్పుడే ధైర్యం గా ఉండాలి. పోయిన వస్తువులు మళ్ళీ కొనుక్కోవచ్చు.అదొక చేదు ఘడియ. ఆరోగ్యం జాగ్రత్త . అసలే ఎండలు. కొంచం స్తిమిత పడ్డాక మాపద్యాలను సమీక్షించ వచ్చును . విశ్రాంతి అవుసరం. గురువులకు నమస్సులతో దీవించి అక్క
సత్ఫలము పొంద గోరిన
రిప్లయితొలగించండినుత్పాదము లెదు రైన న్యూనత వీడన్
తత్ఫలితము దక్కు ననుకొని
ఉత్పల గంధిక యిప్పు డూహూ యనకే
ప్రాతః కాలపు సరదా పూరణ:
రిప్లయితొలగించండిచెమటల్ పోసెను నాకిటన్ సుఖముగా శీఘ్రమ్ముగా పల్కవే
"కమలం" చిహ్నము వాడిపోయెగదనే కంగారునన్ భారతీ!
సమరంబందున పారిపోయితివి నీ సల్లాపమే లేదుగా...
ఉమరో! యుత్పలగంధిరో!యిపుడు నీ వూహూ యనం బాడియే!
మైలవరపు వారి పూరణ
రిప్లయితొలగించండిసుబ్బిశెట్టి...
సకలార్థమ్ములు ధారవోసితిని నీ సాంగత్యమున్ కోరుచున్ ,
వికలంబయ్యె మనంబు , చిత్తజుడు నన్ వేధించుచుండంగ ., వా...
చికముల్ చాలునులే , రమించెదమికన్ చింతామణీ ! నీవునే...
నొకటై , ఉత్పలగంధిరో యిపుడు నీ వూహూ యనం బాడియే !
మైలవరపు మురళీకృష్ణ వెంకటగిరి
ఉత్పలగంధి.... ఒక గాయని.. అని భావించండి
తొలగించండిఎన్నోనాళ్లకె ముందు కోరితిమి నిన్నీ యూరి కార్యక్రమం...
బెన్నన్ ముఖ్యమటంచు , చేసితిమిగా యేర్పాట్లు , నీ పాటకై
యెన్నో యాశలతో మహామహులు తామెంతో ముదంబార రా...
నున్నారుత్పలగంధిరో ! యిపుడు నీ వూహూ యనం బాడియే !
మైలవరపు మురళీకృష్ణ
వెంకటగిరి.
కాయజుఁ శరములు త్రాకగ
రిప్లయితొలగించండినీ యామిని సెగలు గురిసె నే తాళగ లే
నే, యెందుల కీ పంత
మ్మో యుత్పలగంధి యిప్పు డూహూ యనకే.
రిప్లయితొలగించండిసాయుజ్యము దైవముతో
డై యోగము మార్గమై జడత్వము బోవన్
మాయా లోకము మరువకు
రోయుత్పలగంధి యిప్పు డూహూ యనకే!
జిలేబి
మత్తేభవిక్రీడితము:
రిప్లయితొలగించండికలలన్ కంటిరిపెద్దగా ఫలితమే కానంగ నిర్ఘాంతమే
పలకన్ చౌక ప్రగల్భముల్ కసురుగా వాదమ్ముతో వీగరే
తలలన్ బ్రద్దలు కొట్టుకొన్న గలదే దైవమ్ము రక్షించ! దా
వులలోఉత్పలగంధిరో యిపుడు నీ వూహూ యనంబాడియే !!
రిప్లయితొలగించండికొత్తాటన్ మొదలెట్టు వేళ దరిరాన్ కోపమ్మదేలా ! సఖీ!
మత్తున్ తూగితి నేను నమ్ము మిక భామారా! విశాలాక్షి గ
మ్మత్తై నామది బిల్వ రావె రమణీ ! మావన్ గదా!నీకు నే
కొత్తా? ఉత్పలగంధిరో యిపుడు నీ వూహూ యనం బాడియే?
జిలేబి
పాయని భక్తిని గల్గియు
రిప్లయితొలగించండిచేయుచు పూజలను శంభు చిన్మయ రూపున్
ధ్యేయము మరచి తి వా యో
హో యుత్ప ల గంధి యిప్పుడూ హూ యనకే !
మిత్రులందఱకు నమస్సులు!
రిప్లయితొలగించండి[తనపై అలిగి తల్లిగారింటికి పోవడానికి సిద్ధపడిన భార్యతో మగడు పలికిన మాటలు]
"న్యాయమ్మే నను లెక్కసేయ కిటు కిన్కన్ దల్లిగారింటికిన్
ధ్యేయమ్ముం గొని వోవఁగాను దలఁతే? యేమాయెనే నీ కిటన్?
నా యుల్లమ్మిటు తల్లడిల్లి యొఱలన్, నా చెంతకున్ రాక యుం
దోయీ యుత్పలగంధిరో? యిపుడు నీ ’వూహూఁ’ యనం బాడియే?"
మాయమ నింటికి దెత్తును
రిప్లయితొలగించండిఛీయనకు,ముసలితనమ్ము జీవితమందు
న్నేయమకైనను దప్పద
హో!యుత్పలగంధీ!యిప్పుడూహూ యనకే!
*యుత్పలగంధి!
తొలగించండికం. నాయుడు పరుగులు పెట్టగ
రిప్లయితొలగించండిసాయమ్ము కొరకు నిటునటు సర్వము బోయెన్
ఖాయము చేసిరి చూడం
డో యుత్పలగంధి యిప్పు డూహూ యనకే.
ఉత్పాతము జేసెదవే !
రిప్లయితొలగించండిసత్పథమున జనెడి నాకు సమ్మోహనమే
యుత్పత్తి జేసియు మరల
ఉత్పలగంధి ! యిప్పు డూహూ యనకే
(భార్య శశిరేఖతో భర్త భానుమూర్తి)
రిప్లయితొలగించండిశశియే వచ్చెను;పౌర్ణమిన్ గనుము;నా
సర్వస్వభాగ్యోదయా!
శిశిరం బెంతయు చేరువై యకట!కా
శింబెట్టుచుండెన్ సఖీ!
వశమున్ దెప్పెను నాదు మానసమహో!
వయ్యారి!రారమ్ము!రా
వొ శశీ!ఉత్పలగంధిరో!యిపుడు నీ
వూహూ యనం బాడియే?
(శిశిరము-చలికాలము;కాశింబెట్టుట-బాధపెట్టుట)
నీ సాంగత్యముఁ గోరి చేరితిగదా నీలాంబరీ యెప్పుడున్
రిప్లయితొలగించండినా సాన్నిధ్యము వీడబోకుమని నిన్నర్థింతునే నిత్యమున్
నే సంద్రమ్మును దాటి వచ్చితినిటన్ నీకోసమై ప్రేమతో
నోసీ యుత్పల గంధిరో యిపుడు నీవూహూ యనంబాడియే.
నీవుప్రహేళికవుగా
రిప్లయితొలగించండినావూహలసందడింపనగుబాటౌగా
ఈవయసులోననన్నిటు
లోఉత్పలగంధి యిప్పు డూహూ యనకే
సాయుజ్యము నొందగ నా
రిప్లయితొలగించండిరాయణ వ్రతము జేయ రమ్మంటిని గా !
నా యత్నము భగ్నంబగు
నోయుత్పలగంధి యిప్పు డూహూ యనకే
ఈ కామెంట్‌ను రచయిత తీసివేశారు.
రిప్లయితొలగించండితీయని పల్లవమ్ముల యధేచ్ఛగ మెక్కుచు జింత లేక దా
తొలగించండిహాయిగ కొమ్మ కొమ్మల విహారమొనర్చుచు నాలపించు ఆ
కోయిల వోలె నీవిటుల గూరిమి నుత్పల గంధి యిప్పు డూ
హూ యనకే చెలీ శుభ ముహూర్తము నేడిటు చెంత జేరుమా
ఈ కామెంట్‌ను రచయిత తీసివేశారు.
రిప్లయితొలగించండినర్తన శాలలో మేలిముసుగుతో కూర్చుని కీచకుని సరసాలకు మోముజూపక నుండ వలలుడు, సైరంధ్రిగా భావించి కీచకుడు....
రిప్లయితొలగించండిమత్తేభవిక్రీడితము
పలుకన్ నేరిచి చాటుమాటనుచు నా ప్రాణంబు మెల్ద్రిప్పుచున్
వలపుల్ నర్తనశాల యందు గురియన్ వాంఛించి రమ్మంటివే
కలయే నేటికి రూపమున్ దొడిగి సంకల్పమ్ము సిద్ధించగన్
బొలతీ! యుత్పలగంధిరో! యిపుడు నీ వూహూ యనన్ బాడియే
ఆయమలక్ష్మీదేవికి
రిప్లయితొలగించండిసాయంత్రముబూజజేయజనుదముసరియా?
కాయలుబూవులుతెత్తును
నోయుత్పలగ్రంధి!యిప్పుడూహుయనకే
ఆయాసమ్మున కలయక
రిప్లయితొలగించండివేయం బత్రికల నెల్లఁ బెండ్లి కకట నీ
వే యప్పు డౌనని మఱి య
హో యుత్పలగంధి యిప్పు డూహూ యనకే
వివశుల్ గారె కనంగ సుందర తనుల్ భీతాక్షులన్ మౌనులే
యవలోకించుచు మత్స్యగంధి నటఁ గామావేశ చిత్తుండునై
సవనజ్ఞాని ధరామరుం డనె నిటుల్ శక్త్యాత్మజుం డేలనో
యువిదా యుత్పలగంధిరో యిపుడు నీ వూహూ యనం బాడియే
ఖాయముజేయ వివాహము న్యాయమె వలదనుచుచెప్పి ననుబాధింపన్ ధ్యేయము నీతో పెండిలి యోయుత్పల గంధి యిప్పుడూహూ యనకే
రిప్లయితొలగించండికామవాంఛతో యయాతి శర్మిష్ఠను పొందుగోరు సందర్భము- ఈ పూరణము.
రిప్లయితొలగించండిఓయనె శర్మిష్ఠ దరిని
పాయక మధుసఖుడు దన్నుఁ పదటనమున రా
రాయనె యయాతి పడుచును
యో యుత్పలగంధి! ఇప్పు డూహూ యనకే.
మధుసఖుడు-మన్మథుడు;
పదటనము-తొందర;
ఉత్పలగంధి-మగువ
ఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
ఇల్లరికం అల్లుడు:
చవుకన్ గొన్టిని గార్దభమ్ము ననుచున్ సంతోషమై బాదగా
నవమానమ్మును సైచలేకనిక నే నత్తయ్యకున్ జెప్పకే
కవరున్ దోపుచు త్యాగపత్రమును నే కర్నూలుకున్ పారగా
యువతీ! ఉత్పలగంధిరో! యిపుడు నీ వూహూ యనం బాడియే!
వేసారెన్ తనువంతయున్ శ్రమమునన్, విశ్రాంతిఁ గాంక్షించితిన్,
రిప్లయితొలగించండిఓసారిత్తరి చేరు పాదయగళం బొత్తన్ సుఖింతున్ సఖీ!,
నీ సంవాహనమందు తృప్తిఁ గొనెదన్, నీవేల రానంటివే!
ఓసీ ఉత్పలగంధిరో! యిపుడు నీ వూహూ యనం బాడియే!
కంజర్ల రామాచార్య.
కలువల్ విచ్చెను వెన్నెలల్ విరిసె నీకాంతారమందున్ సఖీ!
రిప్లయితొలగించండివలపుల్ నాయెద బల్లవించె దగునా బాలామణీ కాదనన్ ?
దలపుల్ మూగెను రాసకేళికయి ముగ్ధా!చెంతకుంరాగదే!
చెలిరో!యుత్పలగంధిరో!యిపుడు నీవూహూ యనంబాడియే?
మూడవ నాల్గవ పాదాలలో సవరణ
తొలగించండిచెంతకుం రావొకో?
ఉలుకా?యయుత్పలగంధిరో!
*య టైపాటు!
తొలగించండిచెంతకున్ రావొకో.రా,స్థిరము కనుక బిందువు రాదు.
తొలగించండిలోప సంశ్లేషలే విభాష నగును.
బల్లవించె మాట లేదు.
తొలగించండిపల్లవించె మాట కలదు.
ధన్యవాదములార్యా!సవరించ ప్రయత్నంచెదను!
తొలగించండికలువల్ విచ్చెను వెన్నెలల్ విరిసె నీకాంతారమందున్ సఖీ!
తొలగించండివలపుల్ నాయెద పల్లవించె దగునా బాలామణీ కాదనన్ ?
తలపుల్ మూగెను రాసకేళికయి ముగ్ధా!చెంతకుంజేరవే?
ఉలుకా? యుత్పలగంధిరో!యిపుడు నీవూహూయనం బాడియే?
నా యెదఁ బల్లవించె అని నా యుద్దేశ్య మండి
తొలగించండినా కీబోర్డులో అరసున్న లేదండీ!క్షమించాలి!
తొలగించండిఓ యమ్మరో నను గనుమ !!
రిప్లయితొలగించండినే యాతనలు బడ గనవ నీ తలపులతోన్ ?!
నా యలజడి మదిని గనుమ
యో యుత్పలగంధి యిప్పు డూహూ యనకే !!
రిప్లయితొలగించండిఈవెన్నెలసమయమ్మున
రావేనాచెంత కిపుడు రమణీమణిరో
యీవిరహమోపలేనిక
యోవుత్పలగంధి యిప్పుడూహూ యనకే
సహచర్యపు కోరికయే
రిప్లయితొలగించండితహతహ లాడించె మదిని తాపము నందున్
అహమంత వేచితిన్, యిపు
డొహొ యుత్పలగంధి యిప్పు డూహూ యనకే ౹౹
కవిమిత్రులకు నమస్కృతులు. ఈసారి నా నాలుగు రోజుల ప్రయాణం ఆహ్లాద విషాదాల సమ్మేళన మయింది. 27-5-2019 నాడు వరంగల్ ప్రయాణమయ్యాను కదా! అవధాని శ్రీ మద్దూరి రామమూర్తి గారు ఉప్పల్ దగ్గరికి వస్తే వారి కారులో తీసుకువెళ్తానన్నారు. నేను నాలుగు రోజులకు సరిపడా బట్టలు, పవర్ బ్యాంక్, సెల్ చార్జర్ వంటి ఇతర అవసర సామగ్రి ఒక బ్యాగులో సర్దుకొని ముందుగా చిటితోటి విజయకుమార్ గారిని కలిసి వారితో ఆటోలో ఉప్పల్ చేరుకున్నాను. తొందరలో నా బ్యాగును ఆటోలో మరిచిపోయాను. కట్టుబట్టలతో మిగిలాను. ఇదొక విషాదం!.... రామమూర్తి గారి కారులో వరంగల్ చేరుకున్నాక విజయకుమార్ గారు నాకు ఒక జత కుర్తా పైజామా (శతావధానానికి సంప్రదాయ దుస్తుల్లో రమ్మన్నారు), రెండు బనియన్లు,రెండు డ్రాయర్లు తదితర అవసర సామగ్రి ఇప్పించారు. మూడు రోజులు శతావధానం ఆహ్లాదకరంగా సాగింది. ఎందరో కవిమిత్రులు కలిసారు. ఆనందంగా గడిచింది.... నిన్న అవధానం తర్వాత నేను మా అక్కయ్య ఇంటికి బయలుదేరాను. ఒక బ్యాగులో పుస్తకాలు, మరొక క్యారీబ్యాగులో బట్టలు ఉన్నాయి. బస్ స్టాండులో కూర్చున్నాను. బస్ రాగానే సీటు దొరుకుతుందో లేదో అనే తొందరలో బట్టలున్న బ్యాగును మరిచిపోయి బస్సెక్కాను. 20 కిమీ. వెళ్ళాకు గుర్తుకు వచ్చింది. అంటే మళ్ళీ కట్టుబట్టలతో మిగిలినాను. ఇది మరో విషాద ఘట్టం. ఈరోజు తిరిగి వస్తూ మద్దూరి రామమూర్తి గారి అష్టావధానం ఉందని తెలిసి భువనగిరిలో దిగాను. నన్ను వాళ్ళు న్యస్తాక్షరి పృచ్ఛకుడిగా వేదిక నెక్కించారు. అదొ మరొక ఆహ్లాదకరమైన సంఘటన. ఇక్కడా వీరా గుడిపెల్లి వంటి మిత్రులు కొందరు కలిసారు. రామమూర్తి గారు శతావధానాన్ని, ఆ మరుసటి రోజే అష్టావధానాన్ని సమర్థంగా నిర్వహించి అందరి ప్రశంసలందుకున్నాను. వారి అవధానాలలో పృచ్ఛకస్థానాన్ని పొందడం ఎంతో ఆనందంగా ఉంది. ఆ ఆనందం ముందు పోగొట్టుకున్నవి చాలా అల్పమనిపించింది. అయినా మనసులో ఏ మూలో కొంత విచారం... ఇంతకుముందే నెలవు చేరుకున్నాను. అలసి ఉన్న కారణంగా ఈరోజు నన్ను మన్నించండి. రేపు ఉదయం నుండి మీ పూరణలను సమీక్షిస్తాను. ధన్యవాదాలు!
రిప్లయితొలగించండిఅయ్యో .. ఎందుకిలా జరిగింది.. దొరికిన వారైనా తెలుసుకుని ఇచ్చివుంటే బాగుండేది...ధర్మం కుంటుంతోంది అన్నయ్య...సారీ చదవడానికి బాధగా ఉంది..
తొలగించండిఈ కామెంట్‌ను రచయిత తీసివేశారు.
తొలగించండిపూజ్యులు శంకరయ్య గారికి నమస్సులు.
రిప్లయితొలగించండిమఱపు మానవుల కతి సాధారణమైన లక్షణము విశేషించి వృద్ధాప్యమున. దానిని గణించక తదవాప్తమైన బాధను మఱచి పోవుటయే శ్రేయస్కరము. అంతా మన మంచికే యని తలఁచి మున్ముందు జాగ్రత్త వహించఁ బ్రార్థ నండి.
కొన్ని ఆనందాలముందు కొన్ని అనుభవాలు దిగదుడుపే . అలాంటప్పుడే ధైర్యం గా ఉండాలి. పోయిన వస్తువులు మళ్ళీ కొనుక్కోవచ్చు.అదొక చేదు ఘడియ. ఆరోగ్యం జాగ్రత్త . అసలే ఎండలు. కొంచం స్తిమిత పడ్డాక మాపద్యాలను సమీక్షించ వచ్చును . విశ్రాంతి అవుసరం. గురువులకు నమస్సులతో దీవించి అక్క
రిప్లయితొలగించండిఅనువుగ నున్న సమయమిది
రిప్లయితొలగించండికనుగొన కవికాలమెయిది కావ్యరచనకై
మనమున నీతలపులెయవి
యొనరుత్పలగంధి యిప్పు డూహూ యనకే!!
కందం
రిప్లయితొలగించండిసుకుమార సుమ మధువులన్
రకరకముల గ్రోలి నట్టి రసిక నరవరా!
వికసిత నూర్వశి వలపుల
కొక నుత్పలగంధి, యిప్పు డూహూ యనకేఁ!
ఆయువు తీరిన అమ్మకు
రిప్లయితొలగించండిచేయంగ క్రతువులు, పత్ని! చేరగ రావే
గాయముల తోడ నెంచకు
మో యుత్పలగంధి! యిప్పుడుహూ యనకే!
(రావణాసురుడు హనుమంతునితో)
రిప్లయితొలగించండిఆ మునులందరున్ పనుల
నన్నిటి వీడుచు వందిమాగధుల్
సోమరిపోతులట్టులను
జోద్యముగా వినుతించినారలా
రాముని గీర్తనల్ సలిపి;
రాక్షసలోకవిభుండ;నాకడన్
రాముని;రాఘవున్;బొగడ
రా దనిలాత్మజ!భక్తితో నిటన్.