రాముని రాఘవున్ బొగడ, రాదనిలాత్మజ, భక్తితో నిటన్, క్షేమము కానిదేదియును! క్లేశము నోర్చెడు శక్తి చేర్చు నా నామము చేయ గాను భజనల్ మది నిండుగ రామ రామ శ్రీ రామ! గుణాభిరామ ! రఘురామ! మహోన్నత రాఘవాయనన్!
సీతాదేవి గారూ, మీ రెండు పూరణలు బాగున్నవి. అభినందనలు. మొదటి పూరణలో "భేషజమునన్' అనే ఉండాలి.ఒక నకార మెక్కువయింది. అక్కడ "భేషజ మొప్పన్" అనవచ్చు. రెండవ పూరణలో '...ఇంద్రముల్ + ఏమని' అన్నపుడు యడాగమం రాదు. "దిక్కరుల్ సదా । యేమని..." అనండి. అవి రావణవాక్కులుగా అన్నారు కనుక క్షమార్పణలు అవసరం లేదు.
[అశోకవనవిధ్వంసియైన హనుమంతుడిని మేఘనాదుడు బ్రహ్మాస్త్రమున బంధించి, తన తండ్రి రావణుని యెదుట ప్రవేశపెట్టగా, రామనామ జపం చేస్తున్న ఆ ఆంజనేయుని ఉద్దేశించి రావణుడు పలికిన పలుకులు]
"రాముని బంటు నే ననుచు, రామ మహీపతి శౌర్యవీర్యయు ఙ్నామ మహత్త్వ మీ యెడను నా కిటఁ దెల్పెదె? వెఱ్ఱివాఁడనే? వేమఱు నాదు మ్రోలఁ దగఁ బెంపు వహింపఁగ నీదు స్వామియౌ రాముని రాఘవున్ బొగడరా దనిలాత్మజ భక్తితో నిటన్!"
Dr.Pitta Satyanarayana రాము ని మా డ్కి గ న్ పడి నరా లి ని మో సము జే య దూ ర మై రా ము ని గా దు నే న ను ను రం డి యి దే యొక మాయ జూ డ నా రా మము ద బ్బ రౌ; ఏ రుక రా వ లె మో క్షము బొంద నన్న నా రా ము ని రా ఘవున్ బొగడ రా ద ని లా త్మ జ భ క్తి తో ని టం
DrPitta Satyanarayana రా ము నె గాదు పా ల కుల రట్టు ను దే ల్చు సమస్య దొ క్క టా సీమల దాట వే లు గను సేకరణoబొనరించ రో జు నీ కామిత మే మొ సంకటపు చాలు నే దు ర్కొన, లేవ జో దువై క్షేమము నందగా వలెను ఖిన్నుల మమ్మి ట గూర్చ శంకరా!
ఏమని కొలిచెద రాఘవు
రిప్లయితొలగించండినీమము పాటించ లేని నిర్భాగ్యు నిగా
భామిని సీతను విడిచిన
రాముని రాఘవునిఁ బొగడ రాదనిల సుతా
అక్కయ్యా,
తొలగించండిమీ పూరణ బాగున్నది. అభినందనలు.
ప్రాతః కాలపు సరదా పూరణ:
రిప్లయితొలగించండికామము క్రోధమున్ విడుచు కార్యపు సిద్ధికి పూనుకొంచు భల్
నీమము తప్పకుండగను నీతిని రీతిని నాదరించుచున్
గోముగ తీర్చకుండనిట గుంభన తోడుత రామకార్యముల్
రాముని రాఘవున్ బొగడరా దనిలాత్మజ భక్తితో నిటన్
ప్రభాకర శాస్త్రి గారూ,
తొలగించండిమీ సరదా పూరణ బాగున్నది. అభినందనలు.
🙏
తొలగించండిసోముని కాంతిరే కలను సోయగ మందున వెల్గులీ నుచున్
రిప్లయితొలగించండిభామిని సీతనే మురిసి భార్యగ తాళిని గట్టెమో హమున్
నీమము వీడగా సతిని నేరము లెంచక కానలం దునన్
రాముని రాఘవున్ బొగడ రాదని లాత్మజ భక్తితో నిటన్
అక్కయ్యా,
తొలగించండిమీ పూరణ బాగున్నది. అభినందనలు.
కొంత అన్వయదోషమున్నది.
రావణుడు హనుమతో.........
రిప్లయితొలగించండిఏమా కావరమది నీ
క్షేమంబొల్లని మనుజుని కీర్తించితివే
సామాన్యుండగు దశరథ
రాముని రాఘవునిఁ బొగడరాదనిలసుతా!.
విరించి గారూ,
తొలగించండిమీ పూరణ బాగున్నది. అభినందనలు.
(రావణాసురుడు హనుమంతునితో)
రిప్లయితొలగించండిఆ మునులందరున్ బనుల
నన్నిటి వీడుచు వందిమాగధుల్
సోమరిపోతు లట్టులను
జోద్యముగా వినుతించినారలా
రాముని గీర్తనల్ సలిపి;
రాక్షసలోకవిభుండ;నా కడన్
రాముని;రాఘవున్;బొగడ
రా దనిలాత్మజ!భక్తితో నిటన్.
జంధ్యాల వారూ,
తొలగించండిమీ పూరణ ప్రశస్తంగా ఉన్నది. అభినందనలు.
ధన్యవాదాలండీ !
తొలగించండినాస్తికుని ఉపదేశం
రిప్లయితొలగించండికాముడె దైవమౌ మనకు, కారణ జన్ముని, కార్య సిద్ధికిన్
భామల ప్రేమపొందగను భక్తిగ మొక్కుము కోర్కెతీరగా
క్షామమె యుండదెన్నడును కాంతల సౌఖ్యము పొంద దృప్తిగా
రాముని రాఘవున్ బొగడరా దనిలాత్మజ భక్తితో నిటన్!
శంకర ప్రసాద్ గారూ,
తొలగించండిమీ పూరణ బాగున్నది. అభినందనలు.
నీమది తలచున దెవరిని? ;
రిప్లయితొలగించండినీమము తప్పక కొలుతువు నిరతమ్మేరిన్? ;
కాముకునెన్నడు జగతిని ;
రాముని ; రాఘవునిఁ ; బొగడరా దనిలసుతా!
**)()(**
(క్రమాలంకారము -ఆంజనేయుడితో యెవరో అన్నారు)
జనార్దన రావు గారూ,
తొలగించండిమీ పూరణ బాగున్నది. అభినందనలు.
మైలవరపు వారి పూరణ:
రిప్లయితొలగించండి🙏రామభక్తహనుమాన్ కీ జై🙏💐
రాముని రాఘవున్ బొగడరాదనిలాత్మజ ! భక్తితో నిటన్
ప్రేమగ రావణాసురు స్మరింపుమటన్న భటున్ ఫెటీలనన్
వామకరమ్ముతో చరచి , వానిని ముద్దగఁ జేసి , త్రిప్పి , యెం...
తో ముదమార నాడుకొనితో ! భజరంగబలీ ! ప్రణామముల్ !!
మైలవరపు మురళీకృష్ణ, వెంకటగిరి
మైలవరపు వారి పూరణ ప్రశస్తంగా ఉన్నది. అభినందనలు.
తొలగించండినామది గెలువంగ నిలువు
రిప్లయితొలగించండినామమ్ముల్ దిద్దరాదు నమ్మగ నీశున్
నీమము లెరంగ వలయున్
రాముని రాఘవునిఁ బొగడరా దనిలసుతా!"
శంకర ప్రసాద్ గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండినీ మానస మందున నా
రాముని రాఘవునిఁ బొగడ, రాదనిలసుతా
క్షేమము కానిదదేదియు
నీముంగట, పొగుడు మయ్య నిండుగ హృదిలో!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
ఏమనుచుంటివి నీవిక
రిప్లయితొలగించండిరాముని రాఘవునిఁ బొగడరా దనిలసుతా!
ఏమయెనీరాజునకు
న్నామహితాత్మజనుబంపెనడవులకేలా!!
-------యెనిశెట్టి గంగా ప్రసాద్.
**యాగాశ్వమును విడువుమని రాముని బొగడిన హనుమతో లవ,కుశులాడినమాటల సందర్భము...
గంగాప్రసాద్ గారూ,
తొలగించండిమీ పూరణ బాగున్నది. అభినందనలు.
శ్రీగురుభ్యోనమః🙏
రిప్లయితొలగించండిలవకుశులు హనుమతో "భార్యను నిర్దాక్షిణ్యముగా అడవులకు బంపిన రాముడిని స్తుతించ రాద"ను సందర్భముగా నాకు దోచిన పూరణము.
ఈ మెడదన జేర్చి సతి
క్షేమము వీడి రఘుసుతుడు క్షితిపతి యగునే?
ఆ మాణవకులు బల్కిరి
రాముని రాఘవుని బొగడ రాదనిల సుతా!
మెడద-అడవి;
మాణవకులు-16 ఏళ్లలోపు బాలురు(కుశలవులు)
యజ్ఞేశ్ గారూ,
తొలగించండిమీ పూరణ బాగున్నది. అభినందనలు.
'...జేర్చి సతిని...' అనండి. లేకుంటే గణదోషం.
ఈ కామెంట్‌ను రచయిత తీసివేశారు.
తొలగించండిసరి జేసికొందును. సతి- క్షేమ అన్నప్పుడు ముందు పూర్వక్షరం గురువు అగునని భావించి తప్పు వ్రాసాను.
తొలగించండిధన్యవాదములు🙏
రిప్లయితొలగించండిహనుమంతుడు భీముని తో
రాముని రాఘవున్ బొగడ, రాదనిలాత్మజ, భక్తితో నిటన్,
క్షేమము కానిదేదియును! క్లేశము నోర్చెడు శక్తి చేర్చు నా
నామము చేయ గాను భజనల్ మది నిండుగ రామ రామ శ్రీ
రామ! గుణాభిరామ ! రఘురామ! మహోన్నత రాఘవాయనన్!
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
నీమముగా దన వెనుకనె
రిప్లయితొలగించండిప్రేమగ దోడై నిలచిన ప్రియ సతి యైనన్
ఆమెను కానల కంపెను
రాముని రాఘవునిఁ బొగడరా దనిలసుతా!
సూర్య గారూ,
తొలగించండిమీ పూరణ బాగున్నది. అభినందనలు.
ఏమది కండకావరము హీనగుణాత్ముడు మానవాధమున్
రిప్లయితొలగించండిసోముడు భీముడంచు నిట స్తోత్రము జేయుచు నుంటి వేమిరా!
క్షేమము గాదు నీకనుచు చెప్పుచు నుంటిని నాదు శత్రువౌ
రాముని, రాఘవున్ బొగడ రాదనిలాత్మజ భక్తితో నిటన్.
విరించి గారూ,
తొలగించండిమీ పూరణ బాగున్నది. అభినందనలు.
రాముడ? హ! నరుడు! వానర!
రిప్లయితొలగించండిమేమా! సురసేవితులము, మేమధికులమే!
మాముందా గంతులు? ధిక్!
*"రాముని రాఘవునిఁ బొగడరా దనిలసుతా!"*
ఎస్వీయార్ రావణుడైతే 'ధిక్కారము' లేకపోతే ఎలా!?
😃🙏🏻
విట్టుబాబు గారూ,
తొలగించండిమీ పూరణ బాగున్నది. అభినందనలు.
గురువు గారికి నమస్సులు.
రిప్లయితొలగించండిగురువుకు వందనాలు
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండినమస్సులు
రిప్లయితొలగించండినీమము మరచిన రాముని
రిప్లయితొలగించండినామము బలుకఁకు మనసున జాకలి నమ్మెన్
భూమిజ చూలియు గానని
రాముని రాఘవునిఁ బొగడరా దనిలసుతా!
వరలక్ష్మి గారూ,
తొలగించండిమీ పూరణ బాగున్నది. అభినందనలు.
రామునిబొగడగ నేర్వను
రిప్లయితొలగించండిరామునిమదిదలచిసేతురామునిభజనల్
రామునినిటులనన్యాయమె?
రామునిరాఘవునిబొగడరాదనిలసుతా!
సుబ్బారావు గారూ,
తొలగించండిమీ పూరణ బాగున్నది. అభినందనలు.
క్షేమమ జేకూరునుగద
రిప్లయితొలగించండిరాముని రాఘవుని బొగడ,రాదనిలసుతా!
సామము పనిచేయునపుడు
భీముడ నేననుచుబల్క భేషజముననన్
హనుమంతునితో రావణుడు
తొలగించండిసోముని భానునిన్దిశల శూరుల గెల్చిన రాక్షసేంద్రుడ
న్నేమరుపాటు లేకనను నేర్పునగొల్చును దిగ్గజేంద్రముల్
యేమని పోల్చగాదగును హీనపుమానవు రాజ్యహీనునిన్
రాముని? రాఘవున్ బొగడరా దనిలాత్మజ భక్తితోనిటన్
రామచంద్రునికి క్షమార్పణలతో
సీతాదేవి గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణలో "భేషజమునన్' అనే ఉండాలి.ఒక నకార మెక్కువయింది. అక్కడ "భేషజ మొప్పన్" అనవచ్చు.
రెండవ పూరణలో '...ఇంద్రముల్ + ఏమని' అన్నపుడు యడాగమం రాదు. "దిక్కరుల్ సదా । యేమని..." అనండి.
అవి రావణవాక్కులుగా అన్నారు కనుక క్షమార్పణలు అవసరం లేదు.
ధన్యవాదములు గురుదేవా,సవరించెదను!
తొలగించండిఆ మేఘశ్యాము జన
రిప్లయితొలగించండిక్షేమంకరు మైథిలీశు శేషాహికి నా
సోమకళాధర విధులకు
రాముని రాఘవునిఁ బొగడరా దనిలసుతా!
రామ నృపాలు ప్రాభవము రక్కసుఁ డిట్లనియెం బ్రహస్తుఁడే
తా మది నేరకుండ ఘన దర్పుఁడు దుస్సహ భీమ సంగ రో
ద్దాముఁడు బంధి తేంద్ర సుర దైత్యుఁడు రావణ సమ్ముఖమ్మునన్
రాముని రాఘవున్ బొగడరా దనిలాత్మజ భక్తితో నిటన్
కామేశ్వర రావు గారూ,
తొలగించండిమీ రెండు పూరణలు అద్భుతంగా ఉన్నవి. అభినందనలు.
పూజ్యులు శంకరయ్య గారికి నమఃపూర్వక ధన్యవాదములు.
తొలగించండికామముతో నేత్రంబులు
రిప్లయితొలగించండిదా మూసుకొనంగ, నింక దారుణ రీతిన్
నా మూర్ఖుఁడు వాలిపలికె
రాముని రాఘవునిఁ బొగడరా దనిలసుతా
బాలకృష్ణ గారూ,
తొలగించండిమీ పూరణ బాగున్నది. అభినందనలు.
గోమువ నతిగొప్పగ భృగు
రిప్లయితొలగించండిరాముని , రాఘవునిఁ బొగడరా దనిలసుతా !
యేమన , జనకుని యానతి
కేమిషయో తెలియకుండ నేర్పరచిరిగా
సీతారామయ్య గారూ,
తొలగించండిమీ పూరణ బాగున్నది. అభినందనలు.
'గోమువ'?
'గోమున' అంట్ గర్వముతో యనే భావముతో
తొలగించండిఆటవిడుపు సరదా పూరణ:
రిప్లయితొలగించండి(జిలేబి గారికి అంకితం)
గోముగ "సాగరమ్ము" నిట గొప్పగు రీతిని శుద్ధిజేయకే
రూమున హాయిగా వెలిసి రోడ్డు రిపేరులు చేయకుండనే
నీమము లన్నియున్ విడిచి నిద్దుర పోవగ కల్వకుంటడౌ
రాముని రాఘవున్ బొగడరా దనిలాత్మజ భక్తితో నిటన్
తొలగించండికల్వకుంటను తలవనిదే నిద్దుర రాదు శాస్త్రి గారికి :)
జిలేబి
ప్రభాకర శాస్త్రి గారూ,
తొలగించండిమీ ఆటవిడుపు పూరణ బాగున్నది. అభినందనలు.
(హనుమతో వాల్మీకి పలికిన రీతిగా..)
రిప్లయితొలగించండిస్వామిని,నీలవర్ణఘనశ్యాముని,నార్తజనావన వ్రతో
ద్దాముని,సుప్రతీత గుణధాముని,భక్తజనాళి సంస్తుతా
రాముని,పైన సందియము రాక,మెలుంగగఁబుత్రులిద్దరున్
రాముని రాఘవున్ బొగడరాద?(అ)నిలాత్మజ భక్తితో నిటన్!
రాకుమార గారూ,
తొలగించండిమీ పూరణ బాగున్నది. అభినందనలు.
'ఘనశ్యాముని' అన్నపుడు 'న' గురువై గణదోషం.
'రాద?' అని ప్రశ్నార్థకంగా ఉన్నపుడు సంధి ఉండదు. 'రాద యనిలాత్మజ' అని యడాగమం వస్తుంది.
తొలగించండిస్వామీ!నీవొక్కనివే
తొలగించండిధీమంతుండా రఘుపతి తీరును దెలుప
న్నీమహి నెవరికి నీవలె
రాముని రాఘవునిఁ బొగడరా దనిలసుతా!
రిప్లయితొలగించండిపూవుల్ చల్లిన వేదికన్ శుభములే పుష్పింప, పూబోడియున్
తావుల్దాటుచు ప్రాణనాథుని విధాతై గొల్వ మాంగళ్యమున్
భావార్థంబుగ చూచి కన్బొమని శ్రీభాగ్యంబుగా నద్దె,తా
మావుల్ స్వారి సుదీర్ఘ జీవితములో మర్యాద బ్రోవుల్ గనన్!
బాగుంది.
తొలగించండిరాముడుమానవమాత్రుడు
రిప్లయితొలగించండిరాముడుతాఁసాటియగునెరావణుతోడన్
క్షేమముగాపోదలచిన
రాముని రాఘవునిఁ బొగడరా దనిలసుతా!
ఫణీంద్ర గారూ,
తొలగించండిమీ పూరణ బాగున్నది. అభినందనలు.
పామరు మాటలు విని యును
రిప్లయితొలగించండిభామ ను కానల బం పె వర గుణు డకటా
వేమరు దలచు చు నా పో
రాముని రాఘవుని బొగడ రాదని ల సు తా
రాజేశ్వర రావు గారూ,
తొలగించండిమీ పూరణ బాగున్నది. అభినందనలు.
'కానలకు బంపె' అనండి. లేకుంటే గణదోషం.
రాముని యయాతి గొలుచుచు
రిప్లయితొలగించండినేమరి పాటున నకృత్యమే సలిపెనుబో
తామసుడయి జంప దలచు
రాముని రాఘవునిఁ బొగడరా దనిలసుతా!
కృష్ణారావు గారూ,
తొలగించండిమీ పూరణ బాగున్నది. అభినందనలు.
ధామమునుండి నెట్టెగద దారను , తుచ్ఛుని మాటనమ్ముచున్
రిప్లయితొలగించండినీమము తప్పినట్టి యధినేత యతండని నీవెరుంగవే
యేమనుకొంటి వీవిపుడు , యేమరు పాటున నుండి జానకీ
రాముని రాఘవున్ బొగడరా దనిలాత్మజ భక్తితో నిటన్
సీతారామయ్య గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండి[అశోకవనవిధ్వంసియైన హనుమంతుడిని మేఘనాదుడు బ్రహ్మాస్త్రమున బంధించి, తన తండ్రి రావణుని యెదుట ప్రవేశపెట్టగా, రామనామ జపం చేస్తున్న ఆ ఆంజనేయుని ఉద్దేశించి రావణుడు పలికిన పలుకులు]
"రాముని బంటు నే ననుచు, రామ మహీపతి శౌర్యవీర్యయు
ఙ్నామ మహత్త్వ మీ యెడను నా కిటఁ దెల్పెదె? వెఱ్ఱివాఁడనే?
వేమఱు నాదు మ్రోలఁ దగఁ బెంపు వహింపఁగ నీదు స్వామియౌ
రాముని రాఘవున్ బొగడరా దనిలాత్మజ భక్తితో నిటన్!"
మధుసూదన్ గారూ,
తొలగించండిమీ పూరణ అద్భుతంగా ఉన్నది. అభినందనలు.
ధన్యవాదాలండీ శంకరయ్యగారూ!
తొలగించండిధీమతుడు సుందరుడనుచు
రిప్లయితొలగించండిరాముని రాఘవునిఁ బొగడరా దనిలసుతా!"*
వేమరు సభలో నీవని
తామసమతి తోడ పలికె దశకంఠుడటన్
ఉమాదేవి గారూ,
తొలగించండిమీ పూరణ బాగున్నది. అభినందనలు.
క్షేమముగా నిను విడిచెద
రిప్లయితొలగించండిసామిగ నన్నున్ దలంచి సాగిల పడినన్
భీమబలుండగు నాకడ
రాముని రాఘవునిఁ బొగడరా దనిలసుతా!
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
భూమిజ జాడకై వెదకి మూర్ఖుడవై యిట లంకలోని యా
రిప్లయితొలగించండిరామము పాడుజేసితివి రావణు శౌర్యము నెంచ లేక యో
పామర! ప్రాణభిక్ష గొన ప్రార్థన జేయుము నాకు మ్రొక్కుచున్
రాముని రాఘవున్ బొగడరా దనిలాత్మజ భక్తితో నిటన్
అన్నపరెడ్డి వారూ,
తొలగించండిమీ రెండవ పూరణ బాగున్నది. అభినందనలు.
సవరించిన పూరణ
రిప్లయితొలగించండిసోముని కాంతిరే కలను సోయగ మందున వెల్గులీ నుచున్
భామిని సీతనే మురిసి భార్యగ తాళిని గట్టెమో హమున్
నీమము వీడగా సతిని నేరము జూపుచు కానలం పగన్
రాముని రాఘవున్ బొగడ రాదని లాత్మజ భక్తితో నిటన్
అక్కయ్యా,
తొలగించండిమీ పూరణ బాగున్నది. అభినందనలు.
వేసారెన్ తనువంతయున్ శ్రమమునన్, విశ్రాంతిఁ గాంక్షించితిన్,
రిప్లయితొలగించండిఓసారిత్తరి చేరు పాదయగళం బొత్తన్ సుఖింతున్ సఖీ!,
నీ సంవాహనమందు తృప్తిఁ గొనెదన్, నీవేల రానంటివే!
ఓసీ ఉత్పలగంధిరో! యిపుడు నీ వూహూ యనం బాడియే!
నిన్నటి పూరణ
రామాచార్య గారూ,
తొలగించండిమీ పూరణ బాగున్నది. అభినందనలు.
Dr.Pitta Satyanarayana
రిప్లయితొలగించండిగోముగ గణ తం త్ర మ్ము న
స్వా మి యు బంటులును లే రు సౌ జన్యమున
న్నేమి టొ నీ వలె నడ తురు
రా ము ని రా ఘ వు ని బొ గడ రా ద ని లసు తా!
Dr.Pitta Satyanarayana
రిప్లయితొలగించండిరాము ని మా డ్కి గ న్ పడి నరా లి ని మో సము జే య దూ ర మై రా ము ని గా దు నే న ను ను రం డి యి దే యొక మాయ జూ డ నా
రా మము ద బ్బ రౌ; ఏ రుక రా వ లె మో క్షము బొంద నన్న నా
రా ము ని రా ఘవున్ బొగడ రా ద ని లా త్మ జ భ క్తి తో ని టం
DrPitta Satyanarayana
రిప్లయితొలగించండిరా ము నె గాదు పా ల కుల రట్టు ను దే ల్చు సమస్య దొ క్క టా
సీమల దాట వే లు గను సేకరణoబొనరించ రో జు నీ
కామిత మే మొ సంకటపు చాలు నే దు ర్కొన, లేవ జో దువై
క్షేమము నందగా వలెను ఖిన్నుల మమ్మి ట గూర్చ శంకరా!
కందం
రిప్లయితొలగించండినామము భజియించుచు నా
రాముని రాఘవునిఁ బొగడరా దనిలసుతా!
సేమమరయ లంకననగ
భూమిని సేమమొసఁగునదె పూజించు మనెన్
ఉత్పలమాల
రాముని రాఘవున్ బొగడరా దనిలాత్మజ భక్తితో నిటన్
సేమము గాదు లంకనన జిక్కగ బట్టుచు రాక్షసాళినిన్
మీమది రాక్షసత్వమున మేలునెరుంగదు నాశమెంచురా
రాముని వేడి సీతనిడ రావణు తోడుగ శ్రేయమంచనెన్