బాగ్దాదు దొంగ కొరకైప్రాగ్దిగ్గ్రావమునఁ గ్రుంకె రవి యుదయమునన్దుగ్దయు తీరగ నతనికి ప్రాగ్దిగ్గ్రావమునఁ మరల రవి యుదయించెన్జిలేబి
జిలేబి గారూ,మీ పూరణ బాగున్నది. అభినందనలు. 'దుగ్ధయు' టైపాటు. (స్వర్గజ ప్రాస... పరవాలేదు).
మైలవరపు వారి పూరణ దిగ్దంతుల్ బెదరంగ బల్కుచును వందేమాతరధ్వానమున్త్వగ్దేహమ్ముల రక్షనెంచకయె సీతారామరాజల్లదేప్రాగ్దిగ్భారతభానుడై ఖలులచే ప్రాణమ్ములన్ కోల్పడన్ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్"మైలవరపు మురళీకృష్ణ వెంకటగిరి.
మైలవరపు వారి పూరణ అద్భుతంగా ఉన్నది.
😊😀దృగ్దారిద్ర్యము గల్గ నాకు జనితిన్ దృష్ట్యంశనిష్ణాతభై...షగ్దైవమ్మితడంచు నమ్ముచు., పరీక్షన్ జేసి యద్దమ్ములన్దృగ్దోషమ్ము తొలంగనిచ్చెనతడంతే! దాల్ప., గన్పట్టెడిన్ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్.!మైలవరపు మురళీకృష్ణ వెంకటగిరి
ఆ దృగ్వైద్యవిద్వన్మణి ఈ పద్యమును దృగ్దోషణాపరిహారార్థపరీక్షాకార్యార్థమై వెంటనే కుడ్యమున ప్తతిష్టాపించు కొనునని జిలేబి ఆశ :)జిలేబి
ప్రాతః కాలపు సరదా పూరణ:ప్రాగ్దిగ్నందున జూచి దండ మిడుచున్ వైనమ్ముగా మ్రొక్కి నేన్ ప్రాగ్దిగ్నందున దర్పణమ్ము నిడుచున్ పర్కించగా బింబమున్ ప్రాగ్దిగ్గ్రావమునందుఁ గ్రుంకె రవియున్;...బ్రత్యూషకాలమ్మునన్వాగ్దేవిన్ భళి గొల్చి కష్ట పడుచున్ వాకాటి సాయమ్మునన్ 😊వాకాడు = మా నెల్లూరు జిల్లా గ్రామము
మైలవరపు వారి దయ: ప్రాతః కాలపు సరదా పూరణ:ప్రాగ్దిగ్భాగము జూచి దండ మిడుచున్ వైనమ్ముగా మ్రొక్కి నేన్ ప్రాగ్దిగ్భానుని దర్పణమ్మున గనన్ భాసించెనీరీతిగన్ ప్రాగ్దిగ్గ్రావమునందుఁ గ్రుంకె రవియున్;...బ్రత్యూషకాలమ్మునన్వాగ్దేవిన్ భళి గొల్చి కష్ట పడితిన్ వాకాటి సాయమ్మునన్ వాకాడు = మా నెల్లూరు జిల్లా గ్రామము
కంది సార్ సవరణ: ప్రాతః కాలపు సరదా పూరణ:ప్రాగ్దిగ్భాగము జూచి దండ మిడుచున్ వైనమ్ముగా మ్రొక్కి నేన్ ప్రాగ్దిక్కున్ గన దర్పణమ్ము నిడుచున్ భావింపగా బింబమున్ ప్రాగ్దిగ్గ్రావమునందుఁ గ్రుంకె రవియున్;...బ్రత్యూషకాలమ్మునన్వాగ్దేవిన్ భళి గొల్చి కష్ట పడుచున్ వాకాటి సాయమ్మునన్ 😊వాకాడు = మా నెల్లూరు జిల్లా గ్రామము
🙏🙏🙏🙏🙏🙏🙏
ఈ కామెంట్‌ను రచయిత తీసివేశారు.
ప్రభాకర శాస్త్రి గారూ,మీ సరదా పూరణ బాగున్నది. అభినందనలు.నా సవరణ కంటే మైలవరపు వారి సవరణ ప్రశస్తంగా ఉన్నది.
ఇస్త్రీ సుంతయు నలుగనివస్త్రంబుల దాల్చి సభకు వచ్చెను కవితామేస్త్రి సరదా ప్రభాకరశాస్త్రియె మొన్న కలిగించె సంతస మెంతో! (కవితా మేస్త్రి... దుష్టసమాసమే సుమా!)
ఇస్త్రీ సుంతయు నలుగనివస్త్రంబుల దాల్చి సభకు వచ్చెను సరదామేస్త్రి కవితా ప్రభాకరశాస్త్రియె మొన్న కలిగించె సంతస మెంతో!ఇలా బాగుంటుందేమో.. దుష్టసమాసప్రయోగపరిహారోऽస్తు! 🙏
మైలవరపు వారు 👆
పొద్దునె సమస్య పూరుతుయద్దరి నే పాలు గాచి కాఫీ వెతకన్ఇద్దరి పాలే పొంగెనుప్రాద్దిగ్గ్రావమున గ్రుంకె రవి యుదయమునన్
రామ్ గారూ,మీ ప్రయత్నం ప్రశంసనీయం. కాని ప్రాస? అది 'ప్రాగ్దిగ్గ్రావము'.
పూరుచు
ఔను కదా! టైపాటు తిప్పలు
సమస్య :-"ప్రాగ్దిగ్గ్రావమునఁ గ్రుంకె రవి యుదయమునన్"*కందం**వాగ్దానముజేసిపలికెప్రాగ్దిశ యరుణుడుదయించె పశ్చిమ క్రుంగెన్వాగ్దేవి కరుణ లేకన్ప్రాగ్దిగ్గ్రావమునఁ గ్రుంకె రవి యుదయమునన్ .................✍చక్రి
చక్రపాణి గారూ,మీ పూరణ బాగున్నది. అభినందనలు. "ప్రాగ్దిశ నరుణు డుదయించె బడమట గ్రుంకెన్... కరుణ లేకయె" అనండి.
అలాగే సర్ధన్యవాదాలు
ప్రాగ్దిగ్రావమునందుఁ బొద్దుబొడుచున్ బ్రాభాతతేజస్సులన్ప్రాగ్దిగ్దేశములందుఁ జల్లుచును ప్రారంభించఁ కృత్యమ్ము నర్వాగ్దేశమ్ములు మున్గు సాంద్రనికరధ్వాంతమ్ములో, నెట్లహో ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్?కంజర్ల రామాచార్యవనస్థలిపురము.
రామాచార్య గారూ,మనోహరమూ, ప్రశస్తమూ అయిన పూరణ మీది. అభినందనలు. 'అర్వాగ్దేశమ్ములు' అర్థం కాలేదు.
అర్వాక్ అంటే అంతకు ముందున్న అని అర్థం కదా
అవును. ధన్యవాదాలు.
దిగ్దంత్యాభులు సత్కవీంద్రగణముల్ ధీశాలినౌ నాకిటన్వాగ్దర్పంబున సాటిరారనుచు గర్వంబున్ ప్రదర్శించు విష్వగ్దంభుం డొక డన్యదేశగతుడై పల్కెన్ దిశల్ పోల్చకన్ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్.
సత్యనారాయణ మూర్తి గారూ,మీ పూరణ ప్రశస్తంగా ఉన్నది. అభినందనలు. 'పోల్చక' కళ. "పోల్చకే" అనండి.
... శంకరాభరణం... 09/10/19 .బుధవారంసమస్య:ప్రాగ్దిగ్గ్రావమునఁ గ్రుంకె రవి యుదయమునన్"నా పూరణ***** ****వాగ్దేవి!యేమని జెపెదవాగ్దానము మరుచు వాడు వాగెనిటుల మాబాగ్దాద్ నగరంబున గనబ్రాగ్దిగ్గ్రావమునఁ గ్రుంకె రవి యుదయమునన్ ( ఏదో మమ అనిపించా....😂😂😂) 🌱🌱 ఆకుల శాంతి భూషణ్ 🌱🌱 🌷🌷 వనపర్తి 🌷🌷
శాంతిభూషణ్ గారూ,మీ పూరణ బాగున్నది. అభినందనలు.నా సవరణను సమూహంలో చూడండి.
భుగ్దివ్యామృత పానచిత్తుడయి సంపూజ్యంపు వంశంబులోదిగ్దేవస్తుత వర్తనుండగుచు పృధ్వీ మండబంబందునన్దృగ్దావానల భాసమాను డొకడున్ తీవ్రంబుగాఁగీల్పడన్ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్
మీ పూరణ బాగున్నది. అభినందనలు.'మండపంబందునన్' టైపాటు.
ధన్యవాదములు
గురువు గారికి నమస్సులు.ముగ్ధయు కాంచెన్ కలలోబాగ్దాదు నగరమునన్ ప్రభాతంబు శుద్ధాదిగ్దేవి శపింప యంతటప్రాగ్దిగ్రావమున గ్రుంకె రవి యుదయమునన్ .
మీ పూరణ బాగున్నది. అభినందనలు.'శుద్ధా దిగ్దేవి'?
శుభా అనిన సరి పోవునా గురువు గారు తెలుపగలరు.
ఈరోజు పాలు పొంగాల్సిందే దుగ్ధన్ వేగము తోడన్దోగ్ధిని మరిగించు కార్య ధోరణి యందున్ముగ్ధత నతిశయమవగాప్రాగ్దిగ్గ్రావమున గ్రుంకె రవి యుదయమునన్ముగ్ధత .. alertlessness, stupidity, innocence
మీ పూరణ బాగున్నది. అభినందనలు.
ప్రాగ్దిగ్గ్రావము పైన ధీరుడగు సైరా రెడ్డి కాలూనుచున్దిగ్దంతుల్ బెదురంగ దేశమునకై త్రిప్పంగ కత్తుల్ దమిన్ప్రాగ్దిగ్రాయలసీమ సింగమునరే రాకింప నాంగ్లేయులేప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్!జై సై రా!జిలేబి
మీ పూరణ బాగున్నది. అభినందనలు.'బెదరంగ' టైపాటు.
బాగ్దాదుపట్టణంబునప్రాగ్దిగ్గ్రావమునగ్రుంకెరవియుదయమునన్ బ్రాగ్దిశకవివరుడగునాహెగ్దేవాయట్టులనియెయినుడున్ లేమిన్
మీ పూరణ బాగున్నది. అభినందనలు.'...అనియె నినుడున్..'
(ఉదయమే జరిగిన ఇందిరమ్మ హత్యకు తల్లడిల్లిన సూర్యుడు ముందుకు సాగలేక వెనుకకు మరలినాడు )వాగ్దానమ్ముల నిల్పి నిల్చె ప్రజకున్ వందారుమందారమై ;దిగ్దంతుల్ గొనియాడ " పాకు " సలిపెన్ దేశద్వయమ్మట్టులన్ ;దగ్ధంబాయెగ నిందిరాహృదయమే తద్భృత్య రౌద్రాగ్నికిన్ ;బ్రాగ్దిగ్రావము నందు గ్రుంకె రవియున్ బ్రత్యూషకాలమ్మునన్ .(వందారుమందారమై - నమస్కరింపదగిన కల్పవృక్షమై ;దేశద్వయమ్ము - రెండుదేశాలు పాకిస్థాన్ , బంగ్లాదేశ్ )
ప్రశస్తమైన పూరణ. అభినందనలు.
బాగ్దానామకపట్టణంబునగనన్బ్రాభాతవేళంబునన్బ్రాగ్దిగ్గ్రావమునందుగ్రుంకెరవియున్బ్రత్యూషకాలంబునన్బ్రాగ్దిగ్గ్రావపుకోనలందునదగన్భానుండుగన్పించలేకుండుటన్హెగ్దేవాయనెనిట్లుభాస్కరుడుదాబ్రాగ్దిక్కునన్ గ్రుంకెనో
బాగుంది. కాని మూడవ పాదంలో గణదోషం. సవరించండి.
భానుండులేకుండుట
దుగ్ధద కడ నేనొకపరిముగ్ధుడనై కొట్టమందు దుగ్ధము పితుకన్దుగ్ధను బోవగ తంతేప్రాగ్దిగ్గ్రావమున గ్రుంకె రవి యుదయమునన్దుగ్ధద .. పాడియావుదుగ్ధము .. పాలుదుగ్ధ .. బాధ , ఆవేశం
బాగుంది. 'తంతే' అనడం వ్యావహారికం. "తన్నిన" అనండి.
కం.ప్రాగ్దిశ నుదయించ నినుడుముగ్ధత వెలుగుల నొసఁగుచు ముచ్చట గొల్పన్దుగ్ధన మేఘుడు గ్రమ్మగ ప్రాగ్ధిగ్రావమున గ్రుంకె రవి యుదయమునన్వై. చంద్రశేఖర్
బాగున్నది. అభినందనలు.
జీపీయెస్ వారికి అంకితము :) హమారీ మొరం మొరం దీది :)ప్రాగ్దిక్కున దీది యరరె బాగ్దోగ్రా నగరమున సభన్ జరుపంగన్వాగ్దాన తుంపరలతోప్రాగ్దిగ్గ్రావమునఁ గ్రుంకె రవి యుదయమునన్!జిలేబి
👏👏👏శంకరాభరణం సమస్య - 1318"అక్కకు సాటి యొక్కొ యెవరైనను రూప విలాస సంపదన్"ముక్కుకు సూటిగా చనుచు మ్రొక్కెడి వారికి దేవదేవిగాగ్రక్కున దీవెనల్ నిడుచు గాభర లేకయె మోడిఁ దిట్టుచున్చక్కగ "దీది దీది" యన జానెడి మూతిని నవ్వుచుండు వం గక్కకు సాటి యొక్కొ యెవరైనను రూప విలాస సంపదన్?(కంది శంకరయ్య గారి సౌజన్యంతో)
జిలేబి గారూ,బాగున్నది.****ప్రభాకర శాస్త్రి గారూ,బాగున్నది. 'దీవెనల్ + ఇడుచు = దీవెన లిడుచు' అవుతుంది. అక్కడ "చక్కగ నిచ్చి దీవెనల గాభర..." అనండి.
🙏
వాగ్దానము దప్పని యా వాగ్దేవీ వర ప్రసాది వసతిని వీడెన్దిగ్దేశం బేగె నహా ప్రాగ్దిగ్గ్రావమునఁ గ్రుంకె రవి యుదయమునన్వాగ్దానము దప్పెను యా వాగ్దేవీ వర ప్రసాది వ్యర్ధుండంచున్ వాగ్దండము లేల నహా ప్రాగ్దిగ్గ్రావమునఁ గ్రుంకె రవి యుదయమునన్వాగ్దండము సైపని యావాగ్దేవీ వర ప్రసాది వ్యగ్రత యందున్వాగ్దానము దప్పె నహా ప్రాగ్దిగ్గ్రావమునఁ గ్రుంకె రవి యుదయమునన్
మూడు పూరణలు బాగున్నవి. 2వ పూరణలో '..దప్పెను + ఆ' అన్నపుడు యడాగమం రాదు. "వాగ్దానమ్మును దప్పెను । వాగ్దేవీ..." అందామా?
🙏 తప్పకుండావాగ్దానమ్మును దప్పెనువాగ్దేవీ వర ప్రసాది వ్యర్ధుండంచున్వాగ్దండము లేల నహాప్రాగ్దిగ్గ్రావమునఁ గ్రుంకె రవి యుదయమునన్
వైద్యుఁడు మిత్రుఁడు రవి మరణమును దెలుపు సందర్భము: వాగ్దీధితి సుజన సఖుఁడు రుగ్దమనుఁడు, చెప్పుటకుఁ బలుకులు తడఁబడన్ దుగ్ద చెలగంగఁ బల్కెను బ్రాగ్దిగ్గ్రావమునఁ గ్రుంకె రవి యుదయమునన్ దృగ్దైన్యం బను కొంటి రేమొ యకటా దివ్యంబు నా దృష్టియే దుగ్దం జెందఁగ నేల నెల్లరును దాఁ దొల్లింటి యట్లే చుమీ వాగ్దోషం బనరాదు సాయముననే, భాసిల్లి దివ్యంబుగాఁ బ్రాగ్దిగ్గ్రావమునందుఁ, గ్రుంకె రవియున్, బ్రత్యూషకాలమ్మునన్
సెప్టెంబర్ 01, 2018 నాటి సదృశ సమస్యా పూరణములు:విశేష ప్రాస వికల్ప ప్రాస లక్ష్యముగా: మగ్నుండై పని యందు నభగ్నపు రీతి నిరతమ్ముఁ బన్నుగఁ దా ప్రత్యఙ్నగము సేరి కదలుచుఁబ్రాఙ్నగ శృంగమ్మున నదె భానుఁడు గ్రుంకెన్రుఙ్నయ నారవింద సఖ రోష విలుప్త ముఖుండు నా పయోముఙ్నిచయచ్యుతానన విముక్త నిదాఘ సువిగ్రహుండు ఋత్విఙ్నర నిత్యపూజితుఁడు వేగఁ జలించి రయోద్ధృతిన్ మహాప్రాఙ్నగ శృంగభాగమున భానుఁడు గ్రుంకె నదేమి చిత్రమో
అద్భుతమైన పూరణలు.
పూజ్యులు శంకరయ్య గారికి నమఃపూర్వక ధన్యవాదములు. మీకు జ్వరము తగ్గి స్వస్థత చేకూరినట్లు తలఁచెదను.
దిగ్దంతమౌ నగాసునఁ ప్రాగ్దిగ్గ్రావమునఁ గ్రుంకె రవి, యుదయమునన్వాగ్దేవినిన్ స్తుతించుచుప్రాగ్దిశనున్న దినకరుని ప్రతిమ ముగించెన్౹౹
బాగుంది. 'నగాసున'?
గురువుగారు, నగాసు అంటే చిత్రం అనే అర్థంలో వాడాను.
దిగ్ద o తి యొకటి క ల లో బాగ్దాదు న గాంచె వింత బహు విధ భంగి న్ వాగ్దేవి తోడు మరియును ప్రాగ్ది గ్రావ ము న గ్రుంకె రవి యుద య ము న న్
బాగుంది.
ఇదే భావనలో గతంలో ఇచ్చిన సమస్యకు అప్పటి నా పూరణ.దిఙ్నగబౌద్ధజైనమతదీవ్యదవైదికులన్ జయించగన్,ధిఙ్నుతకీర్తులై తలలు దించిరి వారలు, నట్లు జేసి యా వాఙ్నిధిశంకరుండు జిరు బ్రాయమునన్ దివికేగె, నక్కటా! ప్రాఙ్నగమందుఁ జూడఁగ విభాకరుఁడౌ రవి యస్తమించెరా
ప్రశస్తంగా ఉన్నది.
హిరణ్యాక్షుడి చేతిలో భూమి చుట్టబడగా దిక్కులకు పట్టిన గతి.దిగ్దంతులు తల్లడిలగదుగ్ద గలిగి ధరణియేడ్వ దుర్మార్గు చెఱన్దుగ్దుగ దోచెను జనులకుప్రాగ్దిగ్గ్రావమునఁ గ్రుంకె రవి యుదయమునన్దుగ్ద-ఆందోళన; దుగ్దు-రూపము చెడిన
ప్రాగ్దిశ యందును భానుడుదిగ్దంతములకు సతతము దీప్తుల పంచన్వాగ్ధారతోడ కవియనెప్రాగ్దిగ్రావనము గ్రుంకె రవి యుదయమునన్
ప్రాగ్దిగ్గ్రావమునందుఁ సూర్యు డుదయించున్ సాజమౌ జూడగా ప్రాగ్దిగ్గ్రావమునన్ బ్రభాతముననే భానుండగు న్నిత్యమున్ప్రాగ్దిగ్గ్రావము సుప్రభాతమును మిత్రాధారమై యుండ నేప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్?
ముగ్ధ మనోహరి సుందరిస్నిగ్ధ వదనము గనినంత స్త్రీలోలుడు సం దిగ్దముతో పలికె నిటులప్రాగ్దిగ్గ్రావమునఁ గ్రుంకె రవి యుదయమునన్.
బాగ్దాదందున పూజలందుకొనియెన్ వాగ్దేవి, యచ్చోటనే ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్ దుగ్దంబన్నను తాటికల్లనుచు, సంతోషమ్మనన్ బాధ, సందిగ్దంబన్నను ముదమ్మటంచు పలికెన్ దిమ్మయ్య మూర్ఖంబుతో.
వాగ్దోషము కారణమోదృగ్దోషము కారణమ్మొ తెలియగ లేమాముగ్ధాగ్రేసరు డనె నిటుప్రాగ్దిగ్రావమున గ్రుంకె రవి యుదయమునన్
ముగ్ధత తోడన వెలసెనుప్రాగ్దిగ్గ్రావమునఁ ; గ్రుంకె రవి యుదయమునన్స్నిగ్ధపు మేఘము చాటున,దుగ్ధపడిరి మనుజులెల్ల తొంగలి లేకన్తొంగలి = కాంతి
ఈ నాటి శంకరాభరణము బ్లాగు వారి సమస్య ప్రాగ్దిగ్గ్రావమునఁ గ్రుంకె రవి యుదయమునన్" ఇచ్చిన పాదము కందము నా పూరణ సీసములో పుష్య మాసం బొచ్చె,పొద్దు తక్కువ గదా పగటి పూట, పొలము పనులు కడకు వచ్చె, పెరటి లోన పుచ్చి కొక్కొరకో యని యరుచు చూనుండె , నిదుర లేచి వాకిళ్ళలో చల్ల వలయు కళ్ళాపిని, ముగ్గు లేయ వలయు ముదముగ, పతముండు ప్రాగ్దిగ్గ్రావమునఁ గ్రుంకె , రవి యుదయమునన్"నగముల నడుమకు జేరివెలుగు రేఖలు భువిపైన వెచ్చ దనము నిచ్చు చుండెగా, యిటులైన మెచ్చ బోరు మనల ననుచు నవ వధువు తనదు పతి కరమును వీడి నిదుర లేచె రయము గాను చలి కాలము ఎవరైనా త్వరగా నిదుర లేవరు కొత్త దంపతుల విషయము ఇక చెప్ప లేము నిదుర లేస్తున్న భార్యను భర్త చేయి పట్టి లాగి పడుకోమని గొడవ చేస్తుంటే ఒక ఇల్లాలు తన భర్తతో పలుకుట (చలికాలములో చంద్రుడు కొన్ని రోజులు తూర్పున కుంగుట సహజము )
అవధానులు శ్రీ నరాల రామారెడ్డి గారిని ఒక అప్రస్తుత ప్రసంగ పృచ్ఛకుడడిగిన ప్రశ్న మరియు వారల జవాబు నన్వయిస్తూ... శార్దూలవిక్రీడితముముగ్ధుండై భగినిన్ బతిన్ జెరనిడెన్ బుట్టంగ సంతానమున్దుగ్ధన్ జంపెనె! యేల జంట మునుపే దూరమ్ము నుంచండు? సందిగ్ధమ్మంచును బృచ్ఛకుండడుగఁ దా నీయంత క్రూరుండె? నీదృగ్దోషంపు మహత్యమేమొ మరి నేతిన్నంగ నేడున్ గనన్బ్రాగ్దిగ్రావము నందుఁ గ్రుంకె రవియున్ బ్రత్యూషకాలమ్మునన్(ముగ్ధుండై= మూర్ఖుడై)
కందం దృగ్దోషముఁ గలుఁగుచు సందిగ్ధమ్ముగ నాది లోనె దించుచు పనులన్దుగ్ధన్ జీవించు ప్రజకుప్రాగ్దిగ్గ్రావమునఁ గ్రుంకె రవి యుదయమునన్
రిప్లయితొలగించండిబాగ్దాదు దొంగ కొరకై
ప్రాగ్దిగ్గ్రావమునఁ గ్రుంకె రవి యుదయమునన్
దుగ్దయు తీరగ నతనికి
ప్రాగ్దిగ్గ్రావమునఁ మరల రవి యుదయించెన్
జిలేబి
జిలేబి గారూ,
తొలగించండిమీ పూరణ బాగున్నది. అభినందనలు.
'దుగ్ధయు' టైపాటు. (స్వర్గజ ప్రాస... పరవాలేదు).
మైలవరపు వారి పూరణ
రిప్లయితొలగించండిదిగ్దంతుల్ బెదరంగ బల్కుచును వందేమాతరధ్వానమున్
త్వగ్దేహమ్ముల రక్షనెంచకయె సీతారామరాజల్లదే
ప్రాగ్దిగ్భారతభానుడై ఖలులచే ప్రాణమ్ములన్ కోల్పడన్
ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్"
మైలవరపు మురళీకృష్ణ వెంకటగిరి.
మైలవరపు వారి పూరణ అద్భుతంగా ఉన్నది.
తొలగించండి😊😀
తొలగించండిదృగ్దారిద్ర్యము గల్గ నాకు జనితిన్ దృష్ట్యంశనిష్ణాతభై...
షగ్దైవమ్మితడంచు నమ్ముచు., పరీక్షన్ జేసి యద్దమ్ములన్
దృగ్దోషమ్ము తొలంగనిచ్చెనతడంతే! దాల్ప., గన్పట్టెడిన్
ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్.!
మైలవరపు మురళీకృష్ణ వెంకటగిరి
తొలగించండిఆ దృగ్వైద్యవిద్వన్మణి ఈ పద్యమును దృగ్దోషణాపరిహారార్థపరీక్షాకార్యార్థమై వెంటనే కుడ్యమున ప్తతిష్టాపించు కొనునని జిలేబి ఆశ :)
జిలేబి
రిప్లయితొలగించండిప్రాతః కాలపు సరదా పూరణ:
ప్రాగ్దిగ్నందున జూచి దండ మిడుచున్ వైనమ్ముగా మ్రొక్కి నేన్
ప్రాగ్దిగ్నందున దర్పణమ్ము నిడుచున్ పర్కించగా బింబమున్
ప్రాగ్దిగ్గ్రావమునందుఁ గ్రుంకె రవియున్;...బ్రత్యూషకాలమ్మునన్
వాగ్దేవిన్ భళి గొల్చి కష్ట పడుచున్ వాకాటి సాయమ్మునన్ 😊
వాకాడు = మా నెల్లూరు జిల్లా గ్రామము
తొలగించండిమైలవరపు వారి దయ:
ప్రాతః కాలపు సరదా పూరణ:
ప్రాగ్దిగ్భాగము జూచి దండ మిడుచున్ వైనమ్ముగా మ్రొక్కి నేన్
ప్రాగ్దిగ్భానుని దర్పణమ్మున గనన్ భాసించెనీరీతిగన్
ప్రాగ్దిగ్గ్రావమునందుఁ గ్రుంకె రవియున్;...బ్రత్యూషకాలమ్మునన్
వాగ్దేవిన్ భళి గొల్చి కష్ట పడితిన్ వాకాటి సాయమ్మునన్
వాకాడు = మా నెల్లూరు జిల్లా గ్రామము
కంది సార్ సవరణ:
తొలగించండిప్రాతః కాలపు సరదా పూరణ:
ప్రాగ్దిగ్భాగము జూచి దండ మిడుచున్ వైనమ్ముగా మ్రొక్కి నేన్
ప్రాగ్దిక్కున్ గన దర్పణమ్ము నిడుచున్ భావింపగా బింబమున్
ప్రాగ్దిగ్గ్రావమునందుఁ గ్రుంకె రవియున్;...బ్రత్యూషకాలమ్మునన్
వాగ్దేవిన్ భళి గొల్చి కష్ట పడుచున్ వాకాటి సాయమ్మునన్ 😊
వాకాడు = మా నెల్లూరు జిల్లా గ్రామము
తొలగించండి🙏🙏🙏🙏🙏🙏🙏
ఈ కామెంట్‌ను రచయిత తీసివేశారు.
తొలగించండిప్రభాకర శాస్త్రి గారూ,
తొలగించండిమీ సరదా పూరణ బాగున్నది. అభినందనలు.
నా సవరణ కంటే మైలవరపు వారి సవరణ ప్రశస్తంగా ఉన్నది.
ఇస్త్రీ సుంతయు నలుగని
తొలగించండివస్త్రంబుల దాల్చి సభకు వచ్చెను కవితా
మేస్త్రి సరదా ప్రభాకర
శాస్త్రియె మొన్న కలిగించె సంతస మెంతో!
(కవితా మేస్త్రి... దుష్టసమాసమే సుమా!)
ఇస్త్రీ సుంతయు నలుగని
తొలగించండివస్త్రంబుల దాల్చి సభకు వచ్చెను సరదా
మేస్త్రి కవితా ప్రభాకర
శాస్త్రియె మొన్న కలిగించె సంతస మెంతో!
ఇలా బాగుంటుందేమో.. దుష్టసమాసప్రయోగపరిహారోऽస్తు! 🙏
మైలవరపు వారు 👆
తొలగించండిఈ కామెంట్‌ను రచయిత తీసివేశారు.
రిప్లయితొలగించండిపొద్దునె సమస్య పూరుతు
తొలగించండియద్దరి నే పాలు గాచి కాఫీ వెతకన్
ఇద్దరి పాలే పొంగెను
ప్రాద్దిగ్గ్రావమున గ్రుంకె రవి యుదయమునన్
రామ్ గారూ,
తొలగించండిమీ ప్రయత్నం ప్రశంసనీయం. కాని ప్రాస? అది 'ప్రాగ్దిగ్గ్రావము'.
పూరుచు
తొలగించండిఔను కదా! టైపాటు తిప్పలు
తొలగించండిసమస్య :-
రిప్లయితొలగించండి"ప్రాగ్దిగ్గ్రావమునఁ గ్రుంకె రవి యుదయమునన్"
*కందం**
వాగ్దానముజేసిపలికె
ప్రాగ్దిశ యరుణుడుదయించె పశ్చిమ క్రుంగెన్
వాగ్దేవి కరుణ లేకన్
ప్రాగ్దిగ్గ్రావమునఁ గ్రుంకె రవి యుదయమునన్
.................✍చక్రి
చక్రపాణి గారూ,
తొలగించండిమీ పూరణ బాగున్నది. అభినందనలు.
"ప్రాగ్దిశ నరుణు డుదయించె బడమట గ్రుంకెన్... కరుణ లేకయె" అనండి.
అలాగే సర్
తొలగించండిధన్యవాదాలు
ప్రాగ్దిగ్రావమునందుఁ బొద్దుబొడుచున్ బ్రాభాతతేజస్సులన్
రిప్లయితొలగించండిప్రాగ్దిగ్దేశములందుఁ జల్లుచును ప్రారంభించఁ కృత్యమ్ము న
ర్వాగ్దేశమ్ములు మున్గు సాంద్రనికరధ్వాంతమ్ములో, నెట్లహో
ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్?
కంజర్ల రామాచార్య
వనస్థలిపురము.
రామాచార్య గారూ,
తొలగించండిమనోహరమూ, ప్రశస్తమూ అయిన పూరణ మీది. అభినందనలు.
'అర్వాగ్దేశమ్ములు' అర్థం కాలేదు.
అర్వాక్ అంటే అంతకు ముందున్న అని అర్థం కదా
తొలగించండిఅవును. ధన్యవాదాలు.
తొలగించండిదిగ్దంత్యాభులు సత్కవీంద్రగణముల్ ధీశాలినౌ నాకిటన్
రిప్లయితొలగించండివాగ్దర్పంబున సాటిరారనుచు గర్వంబున్ ప్రదర్శించు వి
ష్వగ్దంభుం డొక డన్యదేశగతుడై పల్కెన్ దిశల్ పోల్చకన్
ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్.
సత్యనారాయణ మూర్తి గారూ,
తొలగించండిమీ పూరణ ప్రశస్తంగా ఉన్నది. అభినందనలు.
'పోల్చక' కళ. "పోల్చకే" అనండి.
రిప్లయితొలగించండి... శంకరాభరణం...
09/10/19 .బుధవారం
సమస్య:
ప్రాగ్దిగ్గ్రావమునఁ గ్రుంకె రవి యుదయమునన్"
నా పూరణ
***** ****
వాగ్దేవి!యేమని జెపెద
వాగ్దానము మరుచు వాడు వాగెనిటుల మా
బాగ్దాద్ నగరంబున గన
బ్రాగ్దిగ్గ్రావమునఁ గ్రుంకె రవి యుదయమునన్
( ఏదో మమ అనిపించా....😂😂😂)
🌱🌱 ఆకుల శాంతి భూషణ్ 🌱🌱
🌷🌷 వనపర్తి 🌷🌷
శాంతిభూషణ్ గారూ,
తొలగించండిమీ పూరణ బాగున్నది. అభినందనలు.
నా సవరణను సమూహంలో చూడండి.
భుగ్దివ్యామృత పానచిత్తుడయి సంపూజ్యంపు వంశంబులో
రిప్లయితొలగించండిదిగ్దేవస్తుత వర్తనుండగుచు పృధ్వీ మండబంబందునన్
దృగ్దావానల భాసమాను డొకడున్ తీవ్రంబుగాఁగీల్పడన్
ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్
మీ పూరణ బాగున్నది. అభినందనలు.
తొలగించండి'మండపంబందునన్' టైపాటు.
ధన్యవాదములు
తొలగించండిగురువు గారికి నమస్సులు.
రిప్లయితొలగించండిముగ్ధయు కాంచెన్ కలలో
బాగ్దాదు నగరమునన్ ప్రభాతంబు శుద్ధా
దిగ్దేవి శపింప యంతట
ప్రాగ్దిగ్రావమున గ్రుంకె రవి యుదయమునన్ .
మీ పూరణ బాగున్నది. అభినందనలు.
తొలగించండి'శుద్ధా దిగ్దేవి'?
శుభా అనిన సరి పోవునా గురువు గారు తెలుపగలరు.
తొలగించండిఈరోజు పాలు పొంగాల్సిందే
రిప్లయితొలగించండిదుగ్ధన్ వేగము తోడన్
దోగ్ధిని మరిగించు కార్య ధోరణి యందున్
ముగ్ధత నతిశయమవగా
ప్రాగ్దిగ్గ్రావమున గ్రుంకె రవి యుదయమునన్
ముగ్ధత .. alertlessness, stupidity, innocence
మీ పూరణ బాగున్నది. అభినందనలు.
తొలగించండి
రిప్లయితొలగించండిప్రాగ్దిగ్గ్రావము పైన ధీరుడగు సైరా రెడ్డి కాలూనుచున్
దిగ్దంతుల్ బెదురంగ దేశమునకై త్రిప్పంగ కత్తుల్ దమిన్
ప్రాగ్దిగ్రాయలసీమ సింగమునరే రాకింప నాంగ్లేయులే
ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్!
జై సై రా!
జిలేబి
మీ పూరణ బాగున్నది. అభినందనలు.
తొలగించండి'బెదరంగ' టైపాటు.
బాగ్దాదుపట్టణంబున
రిప్లయితొలగించండిప్రాగ్దిగ్గ్రావమునగ్రుంకెరవియుదయమునన్
బ్రాగ్దిశకవివరుడగునా
హెగ్దేవాయట్టులనియెయినుడున్ లేమిన్
మీ పూరణ బాగున్నది. అభినందనలు.
తొలగించండి'...అనియె నినుడున్..'
(ఉదయమే జరిగిన ఇందిరమ్మ హత్యకు తల్లడిల్లిన
రిప్లయితొలగించండిసూర్యుడు ముందుకు సాగలేక వెనుకకు మరలినాడు )
వాగ్దానమ్ముల నిల్పి నిల్చె ప్రజకున్
వందారుమందారమై ;
దిగ్దంతుల్ గొనియాడ " పాకు " సలిపెన్
దేశద్వయమ్మట్టులన్ ;
దగ్ధంబాయెగ నిందిరాహృదయమే
తద్భృత్య రౌద్రాగ్నికిన్ ;
బ్రాగ్దిగ్రావము నందు గ్రుంకె రవియున్
బ్రత్యూషకాలమ్మునన్ .
(వందారుమందారమై - నమస్కరింపదగిన కల్పవృక్షమై ;
దేశద్వయమ్ము - రెండుదేశాలు పాకిస్థాన్ , బంగ్లాదేశ్ )
ప్రశస్తమైన పూరణ. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిబాగ్దానామకపట్టణంబునగనన్బ్రాభాతవేళంబునన్
రిప్లయితొలగించండిబ్రాగ్దిగ్గ్రావమునందుగ్రుంకెరవియున్బ్రత్యూషకాలంబునన్
బ్రాగ్దిగ్గ్రావపుకోనలందునదగన్భానుండుగన్పించలేకుండుట
న్హెగ్దేవాయనెనిట్లుభాస్కరుడుదాబ్రాగ్దిక్కునన్ గ్రుంకెనో
బాగుంది. కాని మూడవ పాదంలో గణదోషం. సవరించండి.
తొలగించండిఈ కామెంట్‌ను రచయిత తీసివేశారు.
తొలగించండిభానుండులేకుండుట
తొలగించండిదుగ్ధద కడ నేనొకపరి
రిప్లయితొలగించండిముగ్ధుడనై కొట్టమందు దుగ్ధము పితుకన్
దుగ్ధను బోవగ తంతే
ప్రాగ్దిగ్గ్రావమున గ్రుంకె రవి యుదయమునన్
దుగ్ధద .. పాడియావు
దుగ్ధము .. పాలు
దుగ్ధ .. బాధ , ఆవేశం
బాగుంది. 'తంతే' అనడం వ్యావహారికం. "తన్నిన" అనండి.
తొలగించండికం.
రిప్లయితొలగించండిప్రాగ్దిశ నుదయించ నినుడు
ముగ్ధత వెలుగుల నొసఁగుచు ముచ్చట గొల్పన్
దుగ్ధన మేఘుడు గ్రమ్మగ
ప్రాగ్ధిగ్రావమున గ్రుంకె రవి యుదయమునన్
వై. చంద్రశేఖర్
బాగున్నది. అభినందనలు.
తొలగించండి
రిప్లయితొలగించండిజీపీయెస్ వారికి అంకితము :) హమారీ మొరం మొరం దీది :)
ప్రాగ్దిక్కున దీది యరరె
బాగ్దోగ్రా నగరమున సభన్ జరుపంగన్
వాగ్దాన తుంపరలతో
ప్రాగ్దిగ్గ్రావమునఁ గ్రుంకె రవి యుదయమునన్!
జిలేబి
👏👏👏
తొలగించండిశంకరాభరణం సమస్య - 1318
"అక్కకు సాటి యొక్కొ యెవరైనను రూప విలాస సంపదన్"
ముక్కుకు సూటిగా చనుచు మ్రొక్కెడి వారికి దేవదేవిగా
గ్రక్కున దీవెనల్ నిడుచు గాభర లేకయె మోడిఁ దిట్టుచున్
చక్కగ "దీది దీది" యన జానెడి మూతిని నవ్వుచుండు వం
గక్కకు సాటి యొక్కొ యెవరైనను రూప విలాస సంపదన్?
(కంది శంకరయ్య గారి సౌజన్యంతో)
జిలేబి గారూ,
తొలగించండిబాగున్నది.
****
ప్రభాకర శాస్త్రి గారూ,
బాగున్నది. 'దీవెనల్ + ఇడుచు = దీవెన లిడుచు' అవుతుంది. అక్కడ "చక్కగ నిచ్చి దీవెనల గాభర..." అనండి.
🙏
తొలగించండివాగ్దానము దప్పని యా
రిప్లయితొలగించండివాగ్దేవీ వర ప్రసాది వసతిని వీడెన్
దిగ్దేశం బేగె నహా
ప్రాగ్దిగ్గ్రావమునఁ గ్రుంకె రవి యుదయమునన్
వాగ్దానము దప్పెను యా
వాగ్దేవీ వర ప్రసాది వ్యర్ధుండంచున్
వాగ్దండము లేల నహా
ప్రాగ్దిగ్గ్రావమునఁ గ్రుంకె రవి యుదయమునన్
వాగ్దండము సైపని యా
వాగ్దేవీ వర ప్రసాది వ్యగ్రత యందున్
వాగ్దానము దప్పె నహా
ప్రాగ్దిగ్గ్రావమునఁ గ్రుంకె రవి యుదయమునన్
మూడు పూరణలు బాగున్నవి.
తొలగించండి2వ పూరణలో '..దప్పెను + ఆ' అన్నపుడు యడాగమం రాదు. "వాగ్దానమ్మును దప్పెను । వాగ్దేవీ..." అందామా?
🙏 తప్పకుండా
తొలగించండివాగ్దానమ్మును దప్పెను
వాగ్దేవీ వర ప్రసాది వ్యర్ధుండంచున్
వాగ్దండము లేల నహా
ప్రాగ్దిగ్గ్రావమునఁ గ్రుంకె రవి యుదయమునన్
వైద్యుఁడు మిత్రుఁడు రవి మరణమును దెలుపు సందర్భము:
రిప్లయితొలగించండివాగ్దీధితి సుజన సఖుఁడు
రుగ్దమనుఁడు, చెప్పుటకుఁ బలుకులు తడఁబడన్
దుగ్ద చెలగంగఁ బల్కెను
బ్రాగ్దిగ్గ్రావమునఁ గ్రుంకె రవి యుదయమునన్
దృగ్దైన్యం బను కొంటి రేమొ యకటా దివ్యంబు నా దృష్టియే
దుగ్దం జెందఁగ నేల నెల్లరును దాఁ దొల్లింటి యట్లే చుమీ
వాగ్దోషం బనరాదు సాయముననే, భాసిల్లి దివ్యంబుగాఁ
బ్రాగ్దిగ్గ్రావమునందుఁ, గ్రుంకె రవియున్, బ్రత్యూషకాలమ్మునన్
సెప్టెంబర్ 01, 2018 నాటి సదృశ సమస్యా పూరణములు:
తొలగించండివిశేష ప్రాస వికల్ప ప్రాస లక్ష్యముగా:
మగ్నుండై పని యందు న
భగ్నపు రీతి నిరతమ్ముఁ బన్నుగఁ దా ప్ర
త్యఙ్నగము సేరి కదలుచుఁ
బ్రాఙ్నగ శృంగమ్మున నదె భానుఁడు గ్రుంకెన్
రుఙ్నయ నారవింద సఖ రోష విలుప్త ముఖుండు నా పయో
ముఙ్నిచయచ్యుతానన విముక్త నిదాఘ సువిగ్రహుండు ఋ
త్విఙ్నర నిత్యపూజితుఁడు వేగఁ జలించి రయోద్ధృతిన్ మహా
ప్రాఙ్నగ శృంగభాగమున భానుఁడు గ్రుంకె నదేమి చిత్రమో
అద్భుతమైన పూరణలు.
తొలగించండిపూజ్యులు శంకరయ్య గారికి నమఃపూర్వక ధన్యవాదములు.
తొలగించండిమీకు జ్వరము తగ్గి స్వస్థత చేకూరినట్లు తలఁచెదను.
దిగ్దంతమౌ నగాసునఁ
రిప్లయితొలగించండిప్రాగ్దిగ్గ్రావమునఁ గ్రుంకె రవి, యుదయమునన్
వాగ్దేవినిన్ స్తుతించుచు
ప్రాగ్దిశనున్న దినకరుని ప్రతిమ ముగించెన్౹౹
బాగుంది.
తొలగించండి'నగాసున'?
గురువుగారు, నగాసు అంటే చిత్రం అనే అర్థంలో వాడాను.
తొలగించండిదిగ్ద o తి యొకటి క ల లో
రిప్లయితొలగించండిబాగ్దాదు న గాంచె వింత బహు విధ భంగి న్
వాగ్దేవి తోడు మరియును
ప్రాగ్ది గ్రావ ము న గ్రుంకె రవి యుద య ము న న్
బాగుంది.
తొలగించండిఇదే భావనలో గతంలో ఇచ్చిన సమస్యకు అప్పటి నా పూరణ.
రిప్లయితొలగించండిదిఙ్నగబౌద్ధజైనమతదీవ్యదవైదికులన్ జయించగన్,
ధిఙ్నుతకీర్తులై తలలు దించిరి వారలు, నట్లు జేసి యా
వాఙ్నిధిశంకరుండు జిరు బ్రాయమునన్ దివికేగె, నక్కటా!
ప్రాఙ్నగమందుఁ జూడఁగ విభాకరుఁడౌ రవి యస్తమించెరా
ప్రశస్తంగా ఉన్నది.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిహిరణ్యాక్షుడి చేతిలో భూమి చుట్టబడగా దిక్కులకు పట్టిన గతి.
రిప్లయితొలగించండిదిగ్దంతులు తల్లడిలగ
దుగ్ద గలిగి ధరణియేడ్వ దుర్మార్గు చెఱన్
దుగ్దుగ దోచెను జనులకు
ప్రాగ్దిగ్గ్రావమునఁ గ్రుంకె రవి యుదయమునన్
దుగ్ద-ఆందోళన; దుగ్దు-రూపము చెడిన
ప్రాగ్దిశ యందును భానుడు
రిప్లయితొలగించండిదిగ్దంతములకు సతతము దీప్తుల పంచన్
వాగ్ధారతోడ కవియనె
ప్రాగ్దిగ్రావనము గ్రుంకె రవి యుదయమునన్
ప్రాగ్దిగ్గ్రావమునందుఁ సూర్యు డుదయించున్ సాజమౌ జూడగా
రిప్లయితొలగించండిప్రాగ్దిగ్గ్రావమునన్ బ్రభాతముననే భానుండగు న్నిత్యమున్
ప్రాగ్దిగ్గ్రావము సుప్రభాతమును మిత్రాధారమై యుండ నే
ప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్?
ముగ్ధ మనోహరి సుందరి
రిప్లయితొలగించండిస్నిగ్ధ వదనము గనినంత స్త్రీలోలుడు సం
దిగ్దముతో పలికె నిటుల
ప్రాగ్దిగ్గ్రావమునఁ గ్రుంకె రవి యుదయమునన్.
బాగ్దాదందున పూజలందుకొనియెన్ వాగ్దేవి, యచ్చోటనే
రిప్లయితొలగించండిప్రాగ్దిగ్గ్రావమునందుఁ గ్రుంకె రవియున్ బ్రత్యూషకాలమ్మునన్
దుగ్దంబన్నను తాటికల్లనుచు, సంతోషమ్మనన్ బాధ, సం
దిగ్దంబన్నను ముదమ్మటంచు పలికెన్ దిమ్మయ్య మూర్ఖంబుతో.
వాగ్దోషము కారణమో
రిప్లయితొలగించండిదృగ్దోషము కారణమ్మొ తెలియగ లేమా
ముగ్ధాగ్రేసరు డనె నిటు
ప్రాగ్దిగ్రావమున గ్రుంకె రవి యుదయమునన్
ముగ్ధత తోడన వెలసెను
రిప్లయితొలగించండిప్రాగ్దిగ్గ్రావమునఁ ; గ్రుంకె రవి యుదయమునన్
స్నిగ్ధపు మేఘము చాటున,
దుగ్ధపడిరి మనుజులెల్ల తొంగలి లేకన్
తొంగలి = కాంతి
ఈ నాటి శంకరాభరణము బ్లాగు వారి సమస్య
రిప్లయితొలగించండిప్రాగ్దిగ్గ్రావమునఁ గ్రుంకె రవి యుదయమునన్"
ఇచ్చిన పాదము కందము నా పూరణ సీసములో
పుష్య మాసం బొచ్చె,పొద్దు తక్కువ గదా పగటి పూట, పొలము పనులు కడకు
వచ్చె, పెరటి లోన పుచ్చి కొక్కొరకో యని యరుచు చూనుండె , నిదుర లేచి
వాకిళ్ళలో చల్ల వలయు కళ్ళాపిని, ముగ్గు లేయ వలయు ముదముగ, పత
ముండు ప్రాగ్దిగ్గ్రావమునఁ గ్రుంకె , రవి యుదయమునన్"నగముల నడుమకు జేరి
వెలుగు రేఖలు భువిపైన వెచ్చ దనము
నిచ్చు చుండెగా, యిటులైన మెచ్చ బోరు
మనల ననుచు నవ వధువు తనదు పతి క
రమును వీడి నిదుర లేచె రయము గాను
చలి కాలము ఎవరైనా త్వరగా నిదుర లేవరు కొత్త దంపతుల విషయము ఇక చెప్ప లేము నిదుర లేస్తున్న భార్యను భర్త చేయి పట్టి లాగి పడుకోమని గొడవ చేస్తుంటే ఒక ఇల్లాలు తన భర్తతో పలుకుట (చలికాలములో చంద్రుడు కొన్ని రోజులు తూర్పున కుంగుట సహజము )
అవధానులు శ్రీ నరాల రామారెడ్డి గారిని ఒక అప్రస్తుత ప్రసంగ పృచ్ఛకుడడిగిన ప్రశ్న మరియు వారల జవాబు నన్వయిస్తూ...
రిప్లయితొలగించండిశార్దూలవిక్రీడితము
ముగ్ధుండై భగినిన్ బతిన్ జెరనిడెన్ బుట్టంగ సంతానమున్
దుగ్ధన్ జంపెనె! యేల జంట మునుపే దూరమ్ము నుంచండు? సం
దిగ్ధమ్మంచును బృచ్ఛకుండడుగఁ దా నీయంత క్రూరుండె? నీ
దృగ్దోషంపు మహత్యమేమొ మరి నేతిన్నంగ నేడున్ గనన్
బ్రాగ్దిగ్రావము నందుఁ గ్రుంకె రవియున్ బ్రత్యూషకాలమ్మునన్
(ముగ్ధుండై= మూర్ఖుడై)
కందం
రిప్లయితొలగించండిదృగ్దోషముఁ గలుఁగుచు సం
దిగ్ధమ్ముగ నాది లోనె దించుచు పనులన్
దుగ్ధన్ జీవించు ప్రజకు
ప్రాగ్దిగ్గ్రావమునఁ గ్రుంకె రవి యుదయమునన్