శంకరాభరణం: సమస్య - 3268 (మంచివారల కెంచి...)

1, ఫిబ్రవరి 2020, శనివారం

సమస్య - 3268 (మంచివారల కెంచి...)

కవిమిత్రులారా,

ఈరోజు పూరింపవలసిన సమస్య ఇది...

"మంచివారికి రాదులే మంచిరోజు"

(లేదా...)

"మంచివారల కెంచి చూడఁగ మంచిరోజులు రావులే"

(ఈరోజు పూరణలు ప్రసారం కానున్న ఆకాశవాణి సమస్య)

99 కామెంట్‌లు:

G P Sastry (gps1943@yahoo.com)శనివారం, ఫిబ్రవరి 01, 2020 12:00:00 AM

నడిరేయి సరదా పూరణ:

మంచి వాడగు డింపులన్నయె మమ్మి గూడుచు దిల్లినిన్
మంచి రోజును నెంచి చూచుచు మంచి జందెము నూనగా
దంచి కొట్టెను మోడియే భళి దారుణమ్మగు రీతినిన్...
మంచివారల కెంచి చూడఁగ మంచిరోజులు రావులే!
రిప్లయితొలగించండి
రిప్లయిలు
రాజేశ్వరి నేదునూరిశనివారం, ఫిబ్రవరి 01, 2020 12:00:00 AM
కొంచమై ననుమాన వత్వము కోరి జాలము జేయకన్
కంచికే గనికబ్బ మంటిది కానలం బడు కౌముదౌ
వంచనే మరిగాన కుండగ భార మైనను ప్రేమిడన్
మంచివా రలకెంచి చూడగ మంచి రోజులు రావులే
రిప్లయితొలగించండి
రిప్లయిలు
G P Sastry (gps1943@yahoo.com)శనివారం, ఫిబ్రవరి 01, 2020 12:00:00 AM

ఆటవిడుపు సరదా పూరణ:
(జిలేబి గారికి అంకితం)

మంచి వాడుర రామ భక్తుడు మంచి జేయగ పూనుచున్
మంచి బాబ్రిని నేలగూల్చుచు మంత్రియై మనుచుండగా
దంచి కొట్టెను మోడియే భళి దారుణమ్మగు రీతినిన్...
మంచివారల కెంచి చూడఁగ మంచిరోజులు రావులే!
రిప్లయితొలగించండి
రిప్లయిలు
krkrశనివారం, ఫిబ్రవరి 01, 2020 12:10:00 AM

ఎంచిచూడక హెచ్చుతగ్గుల ఎల్లలన్నియుదాటుచున్
మంచిబెంచుచు సాయమిచ్చుచు మానవత్వముజాటగన్,
సంచితంబగు నన్నిరోజులు సత్యసాధన మార్గమై
మంచివారల కెంచి చూడగ మంచిరోజులు రావులే
కొరుప్రోలు రాధాకృష్ణా రావు‌,మీర్ పేట్ ,రంగారెడ్డి

రిప్లయితొలగించండి
రిప్లయిలు
vsnmhariశనివారం, ఫిబ్రవరి 01, 2020 12:50:00 AM
మించు శక్తిని గొప్పవారయి మేదినిన్ వెలుగొందినన్
బంచుచుండిన ప్రేమభావము పావనత్వము నందినన్
సంచితంబగు పూర్వపాపము ఛాయయై విడకుండినన్
మంచివారల కెంచిచూడగ మంచిరోజులు రావులే

రిప్లయితొలగించండి
రిప్లయిలు
గుండా వేంకట సుబ్బ సహదేవుడుశనివారం, ఫిబ్రవరి 01, 2020 1:57:00 AM
తేటగీతి
నేను నాదను తపనల నిజము మరచి
పరులకపకార మొనరించు మురిపెమేల
మదిని తలపోయ నెంచక నెదుటి వారి
మంచి, వారికి రాదులే మంచిరోజు

మత్తకోకిల
త్రుంచ వాలినిఁ ద్రేతయందునఁ గ్రుంగఁ జేసెను ద్వాపరన్!
సంచితమ్మగు పాపకర్మలు శాస్తిచేయక మానునే?
యెంచి చూడఁ బురాణ పూరుషులే భరించిరె! వీడినన్
మంచి, వారలకెంచి చూడఁగ మంచిరోజులు రావులే!
రిప్లయితొలగించండి
రిప్లయిలు
Zilebiశనివారం, ఫిబ్రవరి 01, 2020 2:27:00 AM

సోమరులగుచు కూర్చున్న, చురుకుదనము
లేక నీరసించినను జిలేబి పుడమి
యందు రాదురాదిక సహాయమ్ము, పైన
మంచివారికి రాదులే మంచిరోజు

జిలేబి
రిప్లయితొలగించండి
రిప్లయిలు
Sitharamayya Solasaశనివారం, ఫిబ్రవరి 01, 2020 2:31:00 AM
ప్రజను మోసగించి గెలుచు ప్రభుత జేయు
పొచ్చెముకు నిరసన దెలుపు సమయమున
కూడని కరణముల జేయకుండ నుండు
మంచివారికి రాదులే మంచిరోజు
రిప్లయితొలగించండి
రిప్లయిలు
Zilebiశనివారం, ఫిబ్రవరి 01, 2020 2:33:00 AM

ఆకాశవాణికి పంపినది

ఇంచుకైనను మానవుండిల యీప్సితమ్మును చూపకన్
కొంచెమైనను యత్నమున్నిక కూర్మితోడుగ చేయకన్
మంచివారల కెంచి చూడగ మంచిరోజులు రావులే
పంచుమయ్యరొ దేశమందున భాజనమ్మగు బుద్ధులే!

జిలేబి
రిప్లయితొలగించండి
రిప్లయిలు
గుండా వేంకట సుబ్బ సహదేవుడుశనివారం, ఫిబ్రవరి 01, 2020 2:43:00 AM
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయిలు
గుండా వేంకట సుబ్బ సహదేవుడుశనివారం, ఫిబ్రవరి 01, 2020 2:51:00 AM
భక్త రామదాసు వ్యధ...

తేటగీతి
కానలందునన్ బూజలన్ గానవనుచు
గుడినిఁ గోదండ రామ! నిన్ గొలువుఁ జేయ
దుర్భరమ్మైన ఖైదున ద్రోసినావె!
మంచి వారికి రాదులే మంచిరోజు!!
రిప్లయితొలగించండి
రిప్లయిలు
గుండా వేంకట సుబ్బ సహదేవుడుశనివారం, ఫిబ్రవరి 01, 2020 3:26:00 AM
మత్తకోకిల
కాంచ లేకయె నీడలేనిది కానలందున రాఘవా!
యంచితమ్ముగ కోవెలందున నర్చనాదులఁ దీర్చితే
పంచినావయ! నిర్భరమ్మగు బాధలెన్నియొ ఖైదునన్
మంచి వారలకెంచి చూడఁగ మంచిరోజులు రావులే!
రిప్లయితొలగించండి
రిప్లయిలు
విరించిశనివారం, ఫిబ్రవరి 01, 2020 5:02:00 AM
విరించి.

లంచగొండులు రాజ్యమేలెడు రాజ్యమందున గాంచగన్

మంచియన్నది రూపు మాసెను మానవత్వమె మృగ్యమై

వంచకుండ్రును స్వార్థచిత్తులు వాసి మన్నన నందగా

మంచివారల కెంచిచూడగ మంచిరోజులు రావులే.

.
రిప్లయితొలగించండి
రిప్లయిలు
G P Sastry (gps1943@yahoo.com)శనివారం, ఫిబ్రవరి 01, 2020 5:12:00 AM

మైలవరపు వారి పూరణ

పొంచియున్నది మృత్యుదేవత! పూని మంచినొనర్చగా
నెంచుమిప్పుడె! రేపుమాపననెట్టులుండునొ ? ఏమిటో!
మంచిజేయగ నన్నినాళ్లు సమానమే యని యెంచుమా!
మంచివారల *కెంచిచూడఁగ* మంచిరోజులు రావులే"

మైలవరపు మురళీకృష్ణ వెంకటగిరి
రిప్లయితొలగించండి
రిప్లయిలు
డా. జంధ్యాల జయకృష్ణ బాపూజీ ఎం.ఏ., పి హెచ్.డి.శనివారం, ఫిబ్రవరి 01, 2020 5:12:00 AM
(శకుంతలను సతిగా నిరాకరిస్తున్న దుష్యంతునితో ఆమె వెంట వచ్చిన కణ్వముని శిష్యుడు శారద్వతుడు )
వంచనన్ మునివాటిలోనికి
వచ్చినావుగ భూపతీ !
కొంచెమైనను మాయలీలలు
కోమలాంగన నేర్వదే !
చంచలంబగు ప్రేమలో బడి
చక్కగా మనసిచ్చెనే !
మంచివారల కెంచి చూడగ
మంచిరోజులు రావులే !
రిప్లయితొలగించండి
రిప్లయిలు
కంది శంకరయ్యశనివారం, ఫిబ్రవరి 01, 2020 5:14:00 AM
సంచితంబగు పుణ్యమే నరజన్మలో శుభమిచ్చులే
వంచనల్ పరపీడనంబులు పాపమూలములే కదా
కొంచెమైనఁ గృపాకటాక్షముఁ గోరకున్నఁ బరాత్పరున్
మంచివారల కెంచి చూడగ మంచిరోజులు రావులే!
రిప్లయితొలగించండి
రిప్లయిలు
chandrashekhar yelisettyశనివారం, ఫిబ్రవరి 01, 2020 5:25:00 AM
మత్త కోకిల:

అంచనాలకు మించి వంచన లంచ గొండులు జోరుగా
పంచజేరిన దుష్ట మూకలు కొంచెమైనను జంకకా
పంచు రూకలు వోటువోటున దించ మందురు వారికే
మంచి వారల కెంచి చూడగ మంచి రోజులు రావులే

వై. చంద్రశేఖర్
రిప్లయితొలగించండి
రిప్లయిలు
ఆదూరి ఫణీంద్రరావుశనివారం, ఫిబ్రవరి 01, 2020 5:39:00 AM
సంచితంబగుమంచికర్మలు చల్లగా నినుఁగాచులే
వంచనల్ తలబెట్టుధూర్తులపంచకెన్నడుబోకుమా
మంచివారలకెంచి చూడగ మంచిరోజులు రావులే
యంచుబల్కెడుమాటలెప్పుడనర్థహేతువులేసుమా
రిప్లయితొలగించండి
రిప్లయిలు
విరించిశనివారం, ఫిబ్రవరి 01, 2020 5:46:00 AM
మానవత్వమె మృగ్యమై మహిని నరుడు
ధనము నార్జింప బట్ట నధర్మ పథము
దుర్మతులకెల్ల పదవులు దొరికనపుడు
మంచి వారికి రాదులే మంచిరోజు.
రిప్లయితొలగించండి
రిప్లయిలు
BULUSU V S MURTYశనివారం, ఫిబ్రవరి 01, 2020 5:56:00 AM
లంచము మెక్కెడు వారలు
వంచకులును పెరిగినట్టి భారత వనిలో
కొంచెమయిన మంచి యగుటయ?
మంచి దలచిన రాధులే తమ మదిని లేకన్
రిప్లయితొలగించండి
రిప్లయిలు
Sitharamayya Solasaశనివారం, ఫిబ్రవరి 01, 2020 6:11:00 AM
సవరణతో

ప్రజను మోసగించి గెలుచు ప్రభుత జేయు
పొచ్చెమునకు ధిక్క్రియ దెలుపు సమయమున
కూడని కరణముల జేయకుండ నుండు
మంచివారికి రాదులే మంచిరోజు
రిప్లయితొలగించండి
రిప్లయిలు
A.Satyanarayana Reddyశనివారం, ఫిబ్రవరి 01, 2020 6:42:00 AM
మంచిచేయగ పేదవారికి మానసమ్ముఁ దలంపగా
నెంచుచుండిరి తంపి పెట్టగ నెంచిదుష్టపు మార్గమున్
కాంచసాధ్యమె సంతసమ్మును కష్టజీవుల మోములన్
మంచివారల కెంచిచూడగ మంచిరోజులు రావులే
రిప్లయితొలగించండి
రిప్లయిలు
ఆదూరి ఫణీంద్రరావుశనివారం, ఫిబ్రవరి 01, 2020 7:47:00 AM
నేడు ఆకాశవాణిలో ప్రసారం:
॰
మంచిగూర్చుటయెల్లవారికి మానవత్వముసోదరా!
మంచిచేసిన మంచినీకగు మాన్యతన్ గమనించరా!
మంచివారలకెంచి చూడగ మంచిరోజులు రావులే
యంచుభావనచేయబూనకుఁ మన్నివేళలయందునన్.
రిప్లయితొలగించండి
రిప్లయిలు
కళ్యాణ్ చక్రవర్తిశనివారం, ఫిబ్రవరి 01, 2020 8:03:00 AM
వచ్చే వారానికి ఆకాశవాణి సమస్య....
*అన్నను పెండ్లియాడెను మహామహితాత్ములు మెచ్చగా భువిన్*
మీ పూరణలను గురువారం సాయంత్రంలోగా క్రింది చిరునామాకు మెయిల్ చేయండి.
padyamairhyd@gmail.com
రిప్లయితొలగించండి
రిప్లయిలు
sailajaశనివారం, ఫిబ్రవరి 01, 2020 8:04:00 AM
ఎంచి చూడగ లోకమందున యేమి భాగ్యమొ శంకరా
వంచనమ్ములు చేయువారికె వైభవమ్ములు దక్కుగా
కంచె చేనును మేయు చుండెను గాంచగా కలికాలమున్
మంచివారల కెంచి చూడగ మంచిరోజులు రావులే!!!
రిప్లయితొలగించండి
రిప్లయిలు
Suryaశనివారం, ఫిబ్రవరి 01, 2020 8:26:00 AM
మంచికై దమ భూములన్నియు మాట నమ్మిటులీయగా
పంచుకొంచును సంపదంతయు పాలకుల్ జెలరేగిరే
వంచకాధములెక్కువై భువి పాపభారము హెచ్చెనే
మంచివారల కెంచి చూడగ మంచిరోజులు రావులే

(ఆకాశవాణికి పంపినది)
రిప్లయితొలగించండి
రిప్లయిలు
యెనిశెట్టి గంగా ప్రసాద్శనివారం, ఫిబ్రవరి 01, 2020 8:39:00 AM
మంచిపూరణలెన్నిజేసిన మంచిగామరి నచ్చినన్
యెంచి పద్దెము పాడినప్పుడె యెంతొ సంతస మౌనులే!
కొంచెమైనను కోరకుండగ కూరదెప్పుడు కూర్మియౌ
మంచివారల కెంచి చూడఁగ మంచిరోజులు రావులే!!
రిప్లయితొలగించండి
రిప్లయిలు
మిస్సన్నశనివారం, ఫిబ్రవరి 01, 2020 9:10:00 AM
ముంచ జూచును పుట్టినిం దను ముందు దాటిన చోటనే
వంచనం బరిమార్చ జూచును బంధు వైనను డబ్బుకై
కంచి కేగవు వీరి గాధలు కాల మెల్లను కాదులే
మంచి వారల కెంచి చూడఁగ మంచిరోజులు రావులే.
రిప్లయితొలగించండి
రిప్లయిలు
వెలుదండ సత్యనారాయణ రావుశనివారం, ఫిబ్రవరి 01, 2020 9:15:00 AM
..............🌻శంకరాభరణం🌻...............
..................🤷🏻‍♂సమస్య 🤷‍♀....................
"మంచివారికి రాదులే మంచిరోజు"

సందర్భము:
హితులకైవడి నీ మ్రోల నిచ్చకములు
గఱపుదురు గాని కీడు మే లెఱిగి భయము
మాని మోమోట దక్కి సేమంబు గలుగు
నట్టి తెఱగు బోధింపలే రయ్య వీరు
(గోపీనాథ రామాయణం యు.కాం. 174)
"ఇక్కడ నీకు సలహాలు చెప్పేవాళ్ళంతా ఇలాంటి వాళ్ళే!
కచ్చితంగా హితం చెప్పా లనుకుంటే కింది లక్షణా లుండరాదు..
ఇచ్చకాలు (నచ్చే మాటలు మాత్రమే) చెప్పడం, కీడు మే లెరుగకపోవడం, భయ ముండడం, మొహమాట ముండడం..
ఇవి పనికిరావు.. కాని వీళ్ళంతా ఇలాంటి బాబతు వాళ్ళే..అంటే పైకి మాత్రం హితులలాగా కనిపిస్తారు. జాగ్రత్త."
అన్నాడు విభీషణుడు రావణునితో..
విభీషణుని అనుయాయులు ఇది గమనించి "మంచి మాట విన్న రోజే మంచి రోజు. ఎన్ని రోజులు విభీషణుడు అన్న దగ్గర వుంటే ఏం లాభం? ఈయన చెప్పక మానడు. ఆయన తిరస్కరించక మానడు. మంచి వాడు మంచి మాట వినే వారి దగ్గరే.. అంటే మంచివారి దగ్గరే వుండాలి. లేకపోతే వృథా శ్రమయే కదా!" అనుకున్నారు.
~~~~~~~~~~~~~~~~~~~~~~~

*భలే మంచి రోజు*

మంచిమాట వినిన రోజె మంచిరోజు..

ఉన్న నే మా విభీషణు డన్న యొద్ద?

మంచిమాట విననివారి పంచనున్న

మంచివారికి రాదులే మంచిరోజు!

✍️~డా.వెలుదండ సత్యనారాయణ
పరమార్థ కవి
1.02.20
-----------------------------------------------------------
రిప్లయితొలగించండి
రిప్లయిలు
pks kumarశనివారం, ఫిబ్రవరి 01, 2020 9:19:00 AM
నేటి శంకరాభరణము వారి సమస్య

మంచి వారికి రాదులే మంచి రోజు

నా పూరణము సీసం,లొ

అశ్వధ్ధామ యుధ్ధము ఆఖరి రోజు రాత్రి పూట ఉపపాండవులను చంపి వేస్తాడు ద్రౌపది రోదనము చూసి
ద్రౌపది తోను ధర్మరాజుతోను సహదేవుడు పలుకు సందర్భము

నిండు సదము నందు నీ వలువల నూడ
దీసిన దినము దీటు గాదు,

మోసము తో జూదమున గెల్చి నడవుల
కు ననిపిన దినము ననువు కాదు,

విరటు కొలువు లోన విసవరి వేధించు
దినము మనకు మంచి దెపుడు కాదు,

నేడతి క్రూరుడు నీచ మనస్కుడీ
విప్ర సుతుడు జంపె బెడుసు తోడ,

పంచ సుతుల కుతుకలు ఛేదించె నగ్ర
జా! విరించి మన నుదుట సౌభగమును
చరుము లేదని తలచితి, తరచి చూడ
మంచి వారికి రాదులే మంచి రోజు

విసవరి = దుర్మార్గుడు బెడుసు = దారుణము

చరుము = వ్రాయు

రిప్లయితొలగించండి
రిప్లయిలు
మధురకవి గుండు మధుసూదన్శనివారం, ఫిబ్రవరి 01, 2020 9:28:00 AM
మిత్రులందఱకు నమస్సులు!

[హరిశ్చంద్రునకుం గలిగిన కష్టములనుఁ జూచిన నక్షత్రకుఁడు తనలోఁ దాను వితర్కించుకొను సందర్భము]

"సంచితాంచిత పుణ్యగణ్య విశాల శీలున కిప్పు డే
మెంచి దైవము కష్టముల్ దగ నిచ్చి, దాసునిఁ జేసెనో?
మించి, సూనునిఁ జంపి, జాయను మేటి మ్రుచ్చుగ మార్చెనో?
మంచివారల కెంచి చూడఁగ మంచిరోజులు రావులే!"
రిప్లయితొలగించండి
రిప్లయిలు
Zilebiశనివారం, ఫిబ్రవరి 01, 2020 9:45:00 AM

ఆకాశవాణి విశేషములు తెలుపగలరు
రిప్లయితొలగించండి
రిప్లయిలు
subbaraoశనివారం, ఫిబ్రవరి 01, 2020 9:59:00 AM
లంచమిచ్చుచులబ్ధినొందెడువంచకుండులెయుండుచో
మంచివారలకెంచిచూడగమంచిరోజులురావులే
లంచకుండులవంచనాలకుమంచివారలెయెప్పుడున్
గొంచెమైననుగించనొందకమంచిచేయుదురిద్ధరన్
రిప్లయితొలగించండి
రిప్లయిలు
seethadevi gurramశనివారం, ఫిబ్రవరి 01, 2020 10:04:00 AM
ఎంచిచూడగ విత్తమార్జన మేకలక్ష్యము లోకమున్
లంచగొండులె లక్షలాదిగ రాక్షసాంశను బుట్టగా
ముంచువారలె నేడుజూడగ పుణ్యపూరుషు లవ్వగా
మంచివారల కెంచిచూడగ మంచిరోజులు రావులే!
రిప్లయితొలగించండి
రిప్లయిలు
కళ్యాణ్ చక్రవర్తిశనివారం, ఫిబ్రవరి 01, 2020 10:06:00 AM
అందరికీ నమస్సులు 🙏🙏
రథసప్తమి శుభాకంక్షలతో ..

నా చిరుప్రయత్నం..
*మొదటి ప్రయత్నం* ..😞😊

మంచి రోజుల కోసమేగద మంచివారిలలో భళా
మంచు వంటియు నమ్మకమ్ములు మరల్ మాయము గాకనే
ఎంచి జూచుకొనన్ ముదమ్మున నెన్నొ యోటులు వేసిరే
మంచివారల కెంచి చూడఁగ మంచిరోజులు రావులే

కళ్యాణ్ చక్రవర్తి, ముంబాయి
🙏🌸🙏🌸🙏
రిప్లయితొలగించండి
రిప్లయిలు
subbaraoశనివారం, ఫిబ్రవరి 01, 2020 10:31:00 AM
మంచివారికిరాదులేమంచిరోజు
నెంచిచూడగసత్యమే యిప్పుడమిని
చెడ్డవారలుబొంకుచు నడ్డముగను
రాజ్యమేలుదురప్పటిరావణునిగ
రిప్లయితొలగించండి
రిప్లయిలు
కరణం రాజే శ్వర రావుశనివారం, ఫిబ్రవరి 01, 2020 10:34:00 AM
సమయ సందర్భ మెరిఁగియు చక్కనైన
మధుర మైనట్టి మాటలన్ మనుజ తతిని
మోసగించె డు వారినే పుడమి మెచ్చుఁ
మంచి వారికి రాదులే మంచి రోజు
రిప్లయితొలగించండి
రిప్లయిలు
Akula shanthi bhushanశనివారం, ఫిబ్రవరి 01, 2020 10:39:00 AM
ఆకాశవాణి ,హైదరాబాద్ కేంద్రంలో..
సమస్యాపూరణ కార్యక్రమంలో...
01/02/2020 శనివారం ప్రసారమైన నా పూరణ

సమస్య. :. మత్తకోకిల
**** ****

మంచివారల కెంచి చూడగ మంచిరోజులు రావులే

నా పూరణ.
**** *** ***

వంచనల్ చెలరేగె భూరి ప్రపంచమందున గాంచగా

కొంచమైనను నీతిలేకయె ఘోరముల్ కడు జేయగా

మంచి జెప్పగ బాధబెట్టిరి మార్పుజెందక నీచులే

మంచివారల కెంచి చూడగ మంచిరోజులు రావులే

-- ఆకుల శాంతి భూషణ్

వనపర్తి
రిప్లయితొలగించండి
రిప్లయిలు
యనమండ్ర అశ్వత్థ నారాయణ మూర్తిశనివారం, ఫిబ్రవరి 01, 2020 10:45:00 AM
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయిలు
Sreedhara Rao Machavoluశనివారం, ఫిబ్రవరి 01, 2020 11:28:00 AM
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయిలు
కామేశ్వర రావు పోచిరాజుశనివారం, ఫిబ్రవరి 01, 2020 11:36:00 AM
ఈ కామెంట్‌ను రచయిత తీసివేశారు.
రిప్లయితొలగించండి
రిప్లయిలు
Sreedhara Rao Machavoluశనివారం, ఫిబ్రవరి 01, 2020 11:37:00 AM
మంచి" కే జయమన్న మాటల మాన్యతన్ గొను మిత్రమా!
'మంచి వారల కెంచి చూడగ మంచి రోజులు రావులే'
యంచు నిస్పృహతో జరించక హాయి గొల్ప జనాళికిన్
బంచి పెట్టగ బ్రేమ సంపద, పల్లవించును సౌఖ్యముల్!
రిప్లయితొలగించండి
రిప్లయిలు
purushothamarao ravelaశనివారం, ఫిబ్రవరి 01, 2020 4:02:00 PM
మంచియన్నది పెంచగల్గిన మానవత్వమునిల్చులే
వంచనల్ ప్రజముంచువారికి,వావివర్సలు మృగ్యమే
త్రుంచనెంచగ రాజధానిని,తూలిమాటలుపేలులే
మంచివారలకెంచిచూడగ, మంచిరోజులురావులే
------------------------------------------------
రిప్లయితొలగించండి
రిప్లయిలు
purushothamarao ravelaశనివారం, ఫిబ్రవరి 01, 2020 4:10:00 PM
సంచినింపెడునేతలందరు సంఘసేవనుజేతురా?
మంచిబాగులగోరకుండనె మానవత్వముగెల్చునా?
కుంచితమ్ముగ కోర్కెలుండిన,కొండగుట్టలు దాటునా?
మంచివారల నెంచిచూడగ,మంచిరోజులు రావులే!!
రిప్లయితొలగించండి
రిప్లయిలు
purushothamarao ravelaశనివారం, ఫిబ్రవరి 01, 2020 4:12:00 PM
పంచ జూడగ పాపమంతయు , పావనమ్మది యందుమా?
మించభానుడితాపమంతట,మిన్నునేలకు రాలునా?
వంచనాళికి వావివర్సలు,వాస్తవమ్ముగ యుండునా?
మంచివారల నెంచిచూడగ,మంచిరోజులు రావులే!!
రిప్లయితొలగించండి
రిప్లయిలు
క్షత్రియ సాహిత్యము గాదిరాజు వారి బ్లాగుశనివారం, ఫిబ్రవరి 01, 2020 4:59:00 PM

మంచిచేయగ నేత జూడగ
మానవాళి సుఖింపగన్
లంచగొండులు పొంచియుండగ
రాచకార్యపుదార్లలో
నెంచి జాగ్రత మాయగెల్వగ
నించుకైన తలంపరే
మంచివారల కెంచి చూడఁగ మంచిరోజులు రావులే

మంచివారల కెంచి చూడఁగ మంచిరోజులు రావులే
రిప్లయితొలగించండి
రిప్లయిలు
డా.బల్లూరి ఉమాదేవి.శనివారం, ఫిబ్రవరి 01, 2020 8:01:00 PM

పనులు చేసెడి వారికే బాధ లిలను
తప్పదనుటయు నెప్పుడూ తథ్యమౌన
టంచు పెద్ద లాడెడి మాట లవని నిజము
మంచి వారికి రాదులే మంచి రోజు.
మరొక పూరణ

వంచనలు చేయువారికి వసుధయందు
పేరు వచ్చుచుండెగనుడు విస్తృతముగ
స్వార్థ పరులకెపుడు మేలు జరుగుచుండ
మంచి వారికి రాదులే మంచి రోజు.
రిప్లయితొలగించండి
రిప్లయిలు

కామెంట్‌ను జోడించండి

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)