18, ఫిబ్రవరి 2020, మంగళవారం

సమస్య - 3284 (యోగులలోన వేమన...)

కవిమిత్రులారా,

images of vemana కోసం చిత్ర ఫలితం

నేడు యోగి వేమన జయంతి!
ఈరోజు పూరింపవలసిన సమస్య ఇది...
"యోగులలో వేమనయె యయోగ్యుఁడు స్తుతికిన్"
(లేదా...)
"యోగులలోన వేమన యయోగ్యుఁడు ప్రస్తుతినందఁగన్ భువిన్"

100 కామెంట్‌లు:


  1. నడిరేయి సరదా పూరణ:

    దాగుడు మూతలాడుచును త్రాగుచు భంగును తల్పు చాటునన్
    వాగుచు మంచి మాటలను వక్రపు చేష్టల ప్రీతినొల్లుచున్
    భోగము లన్నియున్ బడసి పొందుగ జైలున చేరుచుండెడిన్
    యోగులలోన వేమన యయోగ్యుఁడు ప్రస్తుతినందఁగన్ భువిన్

    రిప్లయితొలగించు
    రిప్లయిలు
    1. మీ సరదా పూరణ బాగున్నది. అభినందనలు.
      ఇంతకూ ఇక్కడ యోగులు, వేమన ఎవరికి సంకేతం?

      తొలగించు

    2. "...Last year in the month of September, the Parishad had released the first list of fake Babas in which 14 names were released. The 14 names in the first list were Asaram Bapu, Radhe Maa, Sachchidanad Giri, Gurmeet Ram Rahim, Nirmal Baba, Itchadhari Bhimanand, Asimanand and Narayan Sai, Rampal, Acharya Kushmuni, Brahaspati Giri and Malkhan Singh..."

      https://www.google.co.in/amp/s/www.news18.com/amp/news/india/all-india-akhada-parishad-releases-fourth-list-of-fake-babas-1705899.html

      తొలగించు
  2. భోగము లందు మునిగెనిల
    రాగద్వే షములను వీడి రారాజు వలెన్
    త్రాగుచు రమణుల పొందున
    యోగులలో వేమనయె యయోగ్యుఁడు స్తుతికిన్

    రిప్లయితొలగించు
    రిప్లయిలు
    1. అక్కయ్యా,
      పద్యం బాగుంది.
      మీరు 'భోగి వేమన' గురించి చెప్పారు. సమస్య 'యోగి వేమన' గురించి.

      తొలగించు
    2. అక్కగారి అభిప్రాయమదేనేమో!కొందఱు వేమనను మెచ్చుకొనరు.యోగివేమన అనే మాటే వాడరు.అక్క గారే వివరించాలి.

      తొలగించు

  3. ఆటవిడుపు సరదా పూరణ:
    (జిలేబి గారికి అంకితం)

    బాగుగ లేదు శంకరయ! వ్రాయగ నిట్టిది కైపదమ్మునున్:
    "యోగులలోన వేమన యయోగ్యుఁడు ప్రస్తుతినందఁగన్ భువిన్"
    తూగుచు టైపు దోషమును తుంటరి రీతిని నేను దిద్దెదన్:
    "యోగులలోన వేమనయె యోగ్యుఁడు ప్రస్తుతినందఁగన్ భువిన్"

    రిప్లయితొలగించు
    రిప్లయిలు
    1. మీ ఆటవిడుపు పూరణ. ప్రశస్తంగా ఉన్నది. అభినందనలు.
      'తూగుచు...' ఈ హాంగోవర్ ఎక్కడిది? నడిరేయి నిదురమత్తు కాబోలు!

      తొలగించు
    2. 🙏

      లేదు సార్! ప్రాసావేదన మాత్రమే 😊

      తొలగించు


    3. ప్రాసావేదనయెంతయో సుఖమయా ప్రాభాతకాలమ్ములో :)


      తొలగించు
  4. ( భవనం విడిచి భువనంలోకి ప్రవేశించి
    ఊరూరా జ్ఞానధనాన్ని పంచాడు వేమన -
    మన వేమన )
    భోగపు కాంతనే వదలె ;
    బుజ్జిది గోచిని మేన దాల్చె ; వే
    వేగమె సంచరించె ; జన
    వేదన బాపగ జ్ఞానశంఖమే
    మ్రోగగజేసె గుండెలను ;
    ముచ్చట గూర్చెను హృద్యపద్యముల్ ;
    యోగులలోన వేమనయ
    యోగ్యుడు ప్రస్తుతి నందగన్ భువిన్ .
    (వేమనయ - వేమన మాత్రమే )

    రిప్లయితొలగించు
  5. అందరికీ అర్థమయ్యే భాష వేమన గారి ప్రత్యేకత

    భోగమునందు జనపదుల
    జాగృతి పరచ కఠిన పదజాలము తోడన్
    సాగెడి ప్రవచనలిచ్చిన
    యోగులలో వేమనయె యయోగ్యుఁడు స్తుతికిన్

    భోగము = దేశము ( ఆం.భా )

    రిప్లయితొలగించు


  6. భోగాతీతుండెవడో?
    భోగములన్ దేలు నరుడు? పువుబోడి జిలే
    బీ గారి కందపు వహియొ?
    యోగులలో వేమనయె; యయోగ్యుఁడు; స్తుతికిన్


    సెల్ఫుడబ్బా :)
    జిలేబి

    రిప్లయితొలగించు
    రిప్లయిలు
    1. ముమ్మాటికి కాదూ కాదూ కాకూడదూ...
      మీ కందాలు...
      అరవిందాలు...
      మకరందాలు...

      తొలగించు
    2. మీ క్రమాలంకార పూరణ బాగున్నది. అభినందనలు.

      తొలగించు
  7. ఔగద! సకలజన ప్రియుడు
    యోగులలో వేమనయె! యయోగ్యుడు స్తుతికిం
    గాగలడెట్లు బ్రజాకవి?
    బాగుండదటులని కింౘ పరుప మహితునిన్!

    రిప్లయితొలగించు
  8. వాగమృతమ్ము బంచుచును వాస్తవ మెల్లజగంబునందునన్
    రాగమయాత్ముడై తెలిపె రమ్యతరమ్ముగ పద్యమందు స
    ద్యోగము నన్ జరించుచు మహోన్నత భావము తోడ గావునన్
    యోగులలోన వేమనయ, యోగ్యుఁడు ప్రస్తుతినందఁగన్ భువిన్

    రిప్లయితొలగించు


  9. భోగపు లేమి లేదు! పసి పోరి నిమీలన మయ్యె చేరగా
    రోగము; చింత చేరె మది రోసెను; ధ్యానము వృద్ధి నొందగా
    సాగెను చిత్తవాజి వడి చక్కటి పద్యములెల్ల సోదరా,
    యోగులలోన వేమనయ, యోగ్యుఁడు ప్రస్తుతినందఁగన్ భువిన్!


    జిలేబి

    రిప్లయితొలగించు
  10. భోగముల నీసడించెను
    యోగుల లో వేమన యె :య యోగ్యుడు స్తుతి కిన్
    రాగ ద్వేషముగలిగియు
    భోగము ల న్ మునుగు వాడు భువి లో గదరా !

    రిప్లయితొలగించు
  11. రిప్లయిలు
    1. దూతలు నలువురి కర్తవ్యము.

      ప్రణయాధిక్యదశానివేదనపరబ్రహ్మజ్ఞసద్వేత్తకున్ ,
      గణనీయాంబువు నిచ్చు మేఘునకు,శ్రీకార్యాశయవ్యగ్రరా
      వణలంకాదహనార్థికిన్, హరికి,సాఫల్యాప్తదౌత్యాబ్ధితా
      రణసంకల్పము కంటె లేదు పరమార్థం బెన్నగన్ దూతకున్.

      తొలగించు
    2. మీ పూరణ అద్భుతంగా ఉన్నది. అభినందనలు.

      తొలగించు
  12. భోగమున పేరు పొందిన
    యోగులలో వేమనయె, యయోగ్యుఁడు స్తుతికిన్
    యోగిగ నిత్యానందుడు
    భోగములను వీడనట్టి మూర్ఖుండతడే.

    రిప్లయితొలగించు
  13. నిన్నటి మరో పూరణ

    రణరంగంబె యవశ్యమైన, మృదుసారళ్యోక్తిసామంబవా
    రణమైనం, బటుభేదకృత్యములె ధార్యంబైన, సంపద్వికీ
    రణమైనన్, సఫలంబునైన పటుకార్యంబేదియేన్, లక్ష్యధా
    రణసంకల్పము కంటె లేదు పరమార్థం బెన్నగన్ దూతకున్.

    సామదానభేదదండోపాయాలు ప్రయోగించి యైన లక్ష్యమే ధారణమై యుండాలి.

    సంపద్ వికీరణము ధనాన్ని వెదజల్లుట.

    కంజర్ల రామాచార్య
    కోరుట్ల.

    రిప్లయితొలగించు
  14. .... శంకరాభరణం....
    18/02/2020 ,మంగళవారం

    సమస్య.
    *******
    యోగులలోన వేమన యయోగ్యుఁడు ప్రస్తుతినందఁగన్ భువిన్

    నా పూరణ. ఉ.మా.
    ** *** *****

    భోగములన్ త్యజించి..పరిపూర్ణ యతీశ్వరుడౌచు..తుంటికిన్

    పోగు ధరించి... సాగుచును ముందుకు... సూక్తిసుధారసమ్ములన్

    బాగుగ దా ప్రజాతతికి బద్యము లల్లుచు బంచె..గావునన్

    యోగులలోన వేమనయ యోగ్యుఁడు ప్రస్తుతినందఁగన్ భువిన్


    🌱 ఆకుల శాంతి భూషణ్ 🌱
    🌷 వనపర్తి 🌷

    రిప్లయితొలగించు
  15. మైలవరపు వారి పూరణ

    ఈ గతి లోకరీతి రచియింపగ సాధ్యమె? తేటతెల్గులో
    నాగమశాస్త్రమర్మముల నాటవెలందుల రంగరించి స...
    ద్యోగమనంగ జూపిన మహోదయుడౌ మనవాడె మేటియౌ!
    యోగులలోన వేమనయ యోగ్యుఁడు ప్రస్తుతినందఁగన్ భువిన్ !!

    మైలవరపు మురళీకృష్ణ వెంకటగిరి

    రిప్లయితొలగించు
  16. ..............🌻శంకరాభరణం🌻...............
    ..................🤷🏻‍♂సమస్య 🤷‍♀....................
    "యోగులలో వేమనయె యయోగ్యుఁడు స్తుతికిన్"

    సందర్భము: "వేమన ఒక రకంగా యోగ్యుడు, మరో రకంగా అయోగ్యుడు.. ఎలా నీ దృష్టిలో.." అని ప్రశ్నించిన ఉపాధ్యాయునికి ఒకానొక విద్యార్థి సూటిగా చెప్పిన సమాధానం చూడండి.
    "భోగా లన్నీ రామునిలాగా త్యాగం చేసినాడు కాబట్టి యోగులలో వేమన యోగ్యుడు. ఎప్పుడూ దిగంబరంగా కూర్చొని కిందికే చూచుకుంటూ వుంటాడు కాబట్టి స్తుతించడానికి అయోగ్యుడు."
    (వాడి కది నచ్చలేదు మరి..)
    ~~~~~~~~~~~~~~~~~~~~~~~

    *నచ్చని అంశము*

    భోగములను రాముని వలె
    త్యాగముఁ జేయుట.. నెపుడు దిగంబరిగా చూ
    పాగక నిలుపుట.. యోగ్యుడు
    యోగులలో వేమనయె యయోగ్యుఁడు స్తుతికిన్

    ✍️~డా.వెలుదండ సత్యనారాయణ
    పరమార్థ కవి
    18.02.20
    -----------------------------------------------------------

    రిప్లయితొలగించు
  17. 🐒ఒక మర్కటశంక!🐒

    "యోగులలోన వేమన యయోగ్యుఁడు ప్రస్తుతినందఁగన్ భువిన్"
    బాగు! భలే సమస్య యిది భావములోఁ బెను దోసమున్నదే!!
    యోగి యటంచుఁ జెప్పుచు నయోగ్యత నెట్టులఁ జూపగాఁదగున్
    యోగులయోగ్యులన్న నిక యోగి పదమ్మునకర్థమేమిటో!?

    రిప్లయితొలగించు
  18. బాగుగ నీతుల జాటెను
    యోగులలో వేమనయె;యయోగ్యుడు స్తుతికిన్
    యోగము పేరిట చాటుగ
    భోగములం దేలుచుండు మోసపు యతియే!

    రిప్లయితొలగించు
    రిప్లయిలు
    1. సాగుచు భోగిగామొదలు సంయమియాయెను రోసిలోకమున్
      వ్రీగగ కామమోహములు వీడెను వస్త్రము దేహభావమున్
      దాగిన తత్త్వమంతయును ధాటిగ చాటెను పద్యరూపమున్
      యోగులలోన వేమనయ యోగ్యుడు ప్రస్తుతినందగన్ భువిన్

      తొలగించు
    2. మీ రెండు పూరణలు బాగున్నవి. అభినందనలు.

      తొలగించు
  19. ఈ కామెంట్‌ను రచయిత తీసివేశారు.

    రిప్లయితొలగించు
  20. బాగుగ సూక్తుల నుడివెను
    యోగులలో వేమనయె : యయోగ్యుఁడు స్తుతికిన్
    భోగసక్తుడు కనగా
    బాగోగుల లెక్క గొనక వర్తిలు చుండన్.

    రిప్లయితొలగించు
  21. భోగము లన్నియు విడెనట,
    వేగమె వస్త్రముల వదలి వెర్రినివోలెన్.
    వోగులవారిటు దల్తురు
    *యోగులలో వేమనయె యయోగ్యుఁడు స్తుతికిన్*

    ఓగులవాడు-నీచుడు
    (తెలుగు పర్యాయపద నిఘంటువు-జి యన్ రెడ్డి) 1990

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.
      వో తో మెదలయ్యే తెలుగు పదాలు లేవు.

      తొలగించు
  22. భోగిగ గురువై వెల్గెను
    యోగులలో వేమన; యయోగ్యుడు భువిలో
    వేగుచు సంగము లందున
    రోగములో జిక్కువాడు రుగ్మేశ్వరుడై.

    రిప్లయితొలగించు
  23. బాగుగ సూక్తుల నుడివెను
    యోగులలో వేమనయె : యయోగ్యుఁడు స్తుతికిన్
    భోగాసక్తుడు కనగా
    బాగోగుల లెక్క గొనక వర్తిలు చుండన్.

    రిప్లయితొలగించు

  24. భోగము తెగనాడె మహా
    యోగులలో వేమనయె; యయోగ్యుడు స్తుతికిన్
    భోగంబున నిరత సుఖా
    భోగము నందునచరించు బొప్పండెపుడున్!

    బొప్పడు=మూఢుడు

    రిప్లయితొలగించు
  25. అందరికీ నమస్సులు 🙏🙏

    *యోగులలో వేమనయె యయోగ్యుఁడు స్తుతికిన్"*

    *కం||*

    త్యాగములెన్నియొ జేయుచు
    బాగుగ మంచిని పలుకుచు ప్రజల కొరకు తా
    భోగము లన్నియు నొదిలిన
    *యోగులలో, వేమనయె యయోగ్యుఁడు స్తుతికిన్"*

    *కళ్యాణ్ చక్రవర్తి, ముంబాయి*
    🙏💐🙏💐🙏

    రిప్లయితొలగించు
  26. ఉత్పలమాల
    రాగముఁ జూపి విశ్వద విరాగిగ మార్చఁగ భోగలాలసున్
    ధీ గుణశాలి యాటవెలదిన్ దగు నీటెగఁ జేసి కూటమిన్
    మూగిన ఛాందసమ్ముల సమూలముగా పెకిలించ జూడఁగన్
    యోగులలోన వేమనయ యోగ్యుఁడు ప్రస్తుతినందఁగన్ భువిన్

    రిప్లయితొలగించు
  27. మిత్రులందఱకు నమస్సులు!

    భోగములన్ని వీడి, తగ భూజను లందఱు నీతిమంతులై
    వేగముగాను మాఱఁగను వేడుచుఁ, బద్యము లల్లి, యోగియై,
    త్యాగము సేసి జీవితము, వ్యాపనఁ జేసెఁ బవిత్ర దీధితుల్!

    యోగులలోన వేమనయ "యోగ్యుఁడు" ప్రస్తుతి నందఁగన్ భువిన్!

    రిప్లయితొలగించు
  28. కందం
    రాగమున మార్చ విశ్వద
    ధీగుణుమున యాటవెలదిఁ దీర్చుచు గడగన్
    బోగొనఁ గన మూర్ఖత నే
    యోగులలో వేమనయె యయోగ్యుఁడు స్తుతికిన్?

    రిప్లయితొలగించు
    రిప్లయిలు
    1. మీ పూరణ బాగున్నది. అభినందనలు.

      'ధీగుణమున నాటవెలది..' అనండి.

      తొలగించు
    2. గురుదేవులకు ధన్యవాదములు.సవరించిన పూరణ :

      కందం
      రాగమున మార్చ విశ్వద
      ధీ గుణమున నాటవెలదిఁ దీర్చుచు గడగన్
      బోగొనఁ గన మూర్ఖత నే
      యోగులలో వేమనయె యయోగ్యుఁడు స్తుతికిన్?

      తొలగించు
  29. రాగము ద్వేషముల విడక
    భోగములను మునుగుటె గద పురుషార్థమనున్
    ఆ గుణ హీనుడు బలికెను
    యోగులలో వేమనయె యయోగ్యుఁడు స్తుతికిన్

    రిప్లయితొలగించు
  30. గూగులు వెదుకగ దెలిసెను
    రాగముతోనుండియయెవి రాగిగననుచున్
    భోగములొల్లక పిదపను
    యోగులలోవేమనయెయయోగ్యుడుస్తుతికిన్

    రిప్లయితొలగించు
  31. రిప్లయిలు
    1. యోగవితర్కతర్కవివిధోక్తివివాదవినోదయోగులన్
      బ్రోగుల కొద్ది కాంచఁ బరిపూరకతాత్త్వికశూన్యులైరి త
      ద్యోగులు, వ్యూహకల్పవదయోమయకారకులైరి వార, లా
      యోగులలోన వేమన యయోగ్యుఁడు ప్రస్తుతినందఁగన్ భువిన్

      కంజర్ల రామాచార్య

      తొలగించు
    2. మీ పూరణ ప్రశస్తంగా ఉన్నది. అభినందనలు.

      తొలగించు
  32. సమస్య..
    యోగులలోన వేమన యయోగ్యుఁడు ప్రస్తుతినందఁగన్ భువిన్

    ఉత్పలమాల

    యోగులఁప్రస్తుతింపఁఘనయోగులెగావలెరావలెన్ వృథా

    బ్లాగులముఖ్యయోగులనిపట్టికలిత్తురుధ్యానరాజస

    ద్యోగులువీరలేయనియయోగ్యులయోగ్యులయోగులంచు నా
    యోగులలోన వేమన యయోగ్యుఁడు ప్రస్తుతినందఁగన్ భువిన్

    గాదిరాజు మధుసూదన రాజు

    రిప్లయితొలగించు
  33. త్యాగమయంబునైనెనరిధాత్రినినెంచగబూర్వకాలపుం
    యోగులలోనవేమనయయోగ్యుడుప్రస్తుతినందగన్ భువిన్
    యోగముజేయుచున్మనసునూరటపర్చెడువేమనేగదా
    రాగమునొందకుండగవిరాగియువోలెనునుండునెప్పుడున్

    రిప్లయితొలగించు
  34. ఏ గారడి సేయఁ డెపుడు
    క్రాగి యెదను దాను మారెఁ గాషాయంపుం
    బాగను గట్టఁడు మఱి యే
    యోగులలో వేమనయె యయోగ్యుఁడు స్తుతికిన్


    చాగును గాదె యివ్విధి నజామిళు గాథయె భారతావనిన్
    బాగరు లందుఁ జిక్కు కొని పామరు రీతినిఁ గాముకుండునై
    యాగతి నిల్చినం బరువ మం దవభాసము వొందఁ బాపులన్,
    యోగులలోన వేమన, యయోగ్యుఁడు ప్రస్తుతినందఁగన్ భువిన్

    [అవభాసము = జ్ఞానము; అయోగ్యుఁడు = కూడఁదగని వాఁడు; యోగము =కూడిక, యోగ్యము = కూడఁదగినది]

    రిప్లయితొలగించు
  35. భోగమువీడినదెవ్వరు?
    యోగులలో వేమనయె, యయోగ్యుఁడు స్తుతికిన్?
    భోగియె! కపటముగభువిని
    యోగిగదిరుగుచుజనులనయోమయబరుచున్

    రిప్లయితొలగించు
  36. భోగమునందుమున్గుచును భూతలమందునఁ దానె పూజ్యుడౌ
    యోగిగ ప్రస్తుతింపబడు యూరునకొక్కొకముచ్చులైన బై
    రాగులురెచ్చిపోయిరియరాచకపోకడపెచ్చరిల్లగన్
    యోగులలోన వేమనయ యోగ్యుఁడు ప్రస్తుతినందఁగన్ భువిన్

    రిప్లయితొలగించు
    రిప్లయిలు
    1. మీ రెండు పూరణలు బాగున్నవి. అభినందనలు.
      "...ప్రస్తుతింపబడు నూరున..." అనండి.

      తొలగించు
    2. ధన్యవాదములు గురువుగారూ! మార్చుకుంటాను

      తొలగించు
  37. వీగె భవాబ్ధినా వెలది ప్రేమపయోనిధిలో మునింగి సం
    యోగమె భాగ్యమయ్యె పదయోగ విధాన విలక్షణుండహో
    *యోగులలోన వేమనయ!యోగ్యుఁడు! ప్రస్తుతినందఁగన్ భువిన్*
    మ్రోగు శతమ్మువానిదయ* మోక్షపథమ్మును కోరువీనులన్

    రిప్లయితొలగించు
  38. త్యాగుల మేమటంచు పరమాత్ముని సన్నిధి గోరునట్టి బై
    రాగులమంచు చెప్పి ధన రాశుల బోటుల పొందగోరెడా
    యాగడి కాండ్రె సైకితుకులంచును నమ్ముచు పోల్చిచూడగా
    యోగులలోన వేమన యయోగ్యుఁడు ప్రస్తుతినందఁగన్ భువిన్

    రిప్లయితొలగించు
  39. కం:

    యోగము బొందుట నెఱుఁగడు
    యోగిగ మనుగడ గడపడు యోగ మదేమో
    యోగిన పేరును గాంచెను
    యోగులలో వేమనయె యయోగ్యుడు స్తుతికిన్

    వై. చంద్రశేఖర్

    రిప్లయితొలగించు
  40. భోగము లందు మున్గినను, భూజనులెల్లరు మెచ్చురీతిగన్
    యోగిగమారి, సూక్ష్మముల నొప్పుగ తాకగ నిత్యసత్యముల్
    తీగలు సాగు భావములె తీయని పద్యములైసుమించగన్
    యోగులలోన వేమనయ, యోగ్యుడు ప్రస్తుతినందఁగన్ భువిన్!!!

    రిప్లయితొలగించు
  41. త్యాగము జేయువారమని,తామిక సానులచెంతజేరు యీ
    భోగులుజూడనేమిటికి?బోలుగనుండునువీరి భావమీ
    రోగులకన్నహీనులుగ ,రోదనబెట్టెడు వారిజూడనీ
    యోగులలోనవేమనయ, యోగ్యుడు,ప్రస్తుతినందగాభువిన్

    రిప్లయితొలగించు
  42. భోగపులాలసుండుగను,భోజుడుగావెలుగొందె వేమనే
    రాగము ద్వేషముల్ గలిగి,రాజసమొప్పగనుండెనాతడే
    యోగిగమారెగాకడకు,యోగ్యుడుగా నిల కీర్తిమంతుడౌ
    యోగులలోన వేమనయ,యోగ్యుఁడు ప్రస్తుతినందఁగన్ భువిన్

    రిప్లయితొలగించు