మీ పూరణ ప్రశస్తంగా ఉన్నది. అభినందనలు. ఇక్కడ 'రాక్షసు' డంటే క్రూరుడని భావమా? 'దేవుఁ డటంచు మానవులు తేపకు రామునిఁ గొల్చు టెందుకో" నాకొక సమస్య సిద్ధమయింది.
గురుదేవులకు ధన్యవాదములు. మనకు మనం నమ్మిన వాళ్లకు హాని చేసిన వాళ్లను కోపంతో వాడు రాక్షసుడని అంటాముకదా! అలా ఆరాక్షసాధముడు రావణుని మీది అభిమానంతో శ్రీరామచంద్రుని రాక్షసుడని సంబోధించాడు.
సందర్భము: క్షిప్రం భవతి ధర్మాత్మా శశ్వచ్ఛాంతిం నిగచ్ఛతి కౌంతేయ ప్రతిజానీహి న మే భక్తః ప్రణష్యతి (నా భక్తుడు శీఘ్రంగా ధర్మాత్ము డౌతున్నాడు. శాశ్వత శాంతిని పొందుతున్నాడు. నా భక్తుడు నశింపడు..అన్నాడు గీతలో..) వాలి ధర్మాత్ముడు కాడు. కాబట్టి భక్తు డయ్యే అర్హత లేనివాడు. సుగ్రీవుడు మిత్రుడైనాడు. భక్తుడైనాడు రామునికి. అతనికి శత్రువైనాడు వాలి. కాబట్టి చంపదగినవాడైనాడు. భక్త లక్షణం భగవంతుని ముఖ్య కర్తవ్యం. అందుకే రాముడు వాలిని సంహరించినాడు. త్వయా విజ్ఞాత పూర్వశ్చ వాలీ వానర పుంగవః రామేణ నిహతః సంఖ్యే శరేణైకేన వానరః (వాలి ఎవరో నీకు ముందే తెలుసు. వాలిని రాముడు యుద్ధంలో ఒక్క బాణంతో చంపినాడు. సుం.కాం.51-11)అని హనుమంతు డన్నాడు రావణునితో లంకలో సభలో. కిష్కింధలో వాలి వధ జరిగినప్పుడు క్షణాలమీద ఆ వార్త రాజ్య మంతటా పాకిపోయింది. ఎందుకు.. ఎలా.. ఎవరు.. అనే ప్రశ్నలకు సమాధానాలు ఎవరికి తోచినట్టు వారు ఊహించుకున్నారు. ఒక బావా మరదళ్ళ సంభాషణ మీ పూరణం. "వాలి జిత రావణుడు. అంటే రావణునే జయించినవాడు. ఆ వాలిని ఒక రాక్షసుడు కాబోలు చంపినాడు" అని మరద లంటే.. "కాడు. వా డొక నరుడేనే పిచ్చి మొగమా!" అని బావ పలికినాడు రాముని గురించి... రావణుడే ఒక పెద్ద రాక్షసుడు. వాలిని చంపినవా డింకా పెద్ద రాక్షసుడు కావచ్చు... అని ఆమె అభిప్రాయం. అందుకే అలా అడిగింది. ~~~~~~~~~~~~~~~~~~~~~~~
రిప్లయితొలగించండినడిరేయి సరదా పూరణ:
రాహుల్ గాంధీ చీదఱ:
రావలె భాజపా యనుచు రాజ్యము చేయగ భారతావనిన్
కోవెలలందు మ్రొక్కుచును కోరిక తీర్చగ రామభద్రునిన్...
దీవెనలంద గోరుచును దిల్లిని నాడెడి రామలీలలో
రావణునిన్ దురాత్ముఁడగు రాక్షసుఁ డొక్కఁడు సంపె నల్కమై...
మీ పూరణ ప్రశస్తంగా ఉన్నది. అభినందనలు
తొలగించండి🙏
తొలగించండిభావంబున హరిని నిలిపి
రిప్లయితొలగించండిపావన జీవనముఁ గడుపు వరమౌనిన్ సం
భావింపకయె తృణీకృత
రావణునిన్ సంహరించె రాక్షసుఁ డలుకన్.
🙏👌
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
ముప్పాళ రంగనాయకమ్మ మనోగతము:
చావన భీతినొందుచును చక్కగ మార్చుచు పార్టినిన్ భళా
చేవయె లేక సోదరుని చెంతను వీడుచు యుద్ధభూమినిన్
పోవుచు రామునిన్ కడకు మోదము నొందుచు గూఢచారిగా
రావణునిన్ దురాత్ముఁడగు రాక్షసుఁ డొక్కఁడు సంపె నల్కమై...
మీ ఆటవిడుపు పూరణ బాగున్నది. అభినందనలు.
తొలగించండిఅందరికీ నమస్సులు 🙏
రిప్లయితొలగించండివిభీషణుడు రాముడికి రహస్యం చెప్పిన సందర్భం లో ..
*నా పూరణ ప్రయత్నం*
*కం||*
బ్రోవగ రాముని యాతడు
లేవుగ మార్గములు మనకు లేవిక యనుచున్
నీవిల్లిక నాభికనుచు
*"రావణునిన్ సంహరించె రాక్షసుఁ డలుకన్"*
*కళ్యాణ్ చక్రవర్తి, ముంబాయి*
🙏🌸🙏🌸🙏
మీ ప్రయత్నం ప్రశంసనీయం. అన్వయలోపమున్నది.
తొలగించండిధన్యోస్మి ఆర్యా .. నాకు కూడా అలాగే తోచినది.. మరల ప్రయత్నించెదను ..🙏🙏🙏
తొలగించండినావలె జ్ఞానసంపదకు నట్టగువా డొకడుండునా భువిన్
రిప్లయితొలగించండిధీవిభవంబునం దెరుగ దెల్పెద నేను శకారవంశ్యుడన్
చేవలు గల్గువాడనని చెప్పె నొకండు సభాంతరమ్మునన్
రావణునిన్ దురాత్ముఁడగు రాక్షసుఁ డొక్కఁడు సంపె నల్కమై"
నట్టు=స్థానము
మీ పూరణ ప్రశస్తంగా ఉన్నది. అభినందనలు.
తొలగించండిభావా తీతమనో హారిన్
రిప్లయితొలగించండిసేవించుట భాగ్య మన్న చేవయె లేకన్
తావర గర్వమున మునుగు
రావణునిన్ సంహరించె రాక్షసుఁ డలుకన్
అక్కయ్యా,
తొలగించండిమొదటి పాదంలో గణభంగం. రావణుని చంపిన రాక్షసుడెవరు? స్పష్టత లేదు.
( రామాయణ, భాగవత, భారతాల నుండి
రిప్లయితొలగించండిగురువు ప్రశ్నలు-శిష్యుల సమాధానాలు )
“రావడి బాపగన్ బ్రజకు
రాముడు గూల్చిన దెవ్వరిన్ సుధా ?
కేవలుడైన బాలు పయి
కెత్తుకపోయిన దెవ్వరో మధూ ?
వావిని విస్మరించుచును
వాగిన చైద్యుని కృష్ణు డేమనెన్ ? "
" రావణునిన్ " " దురాత్ముడగు
రాక్షసు డొక్కడు " " సంపె నల్కమై "
( రావడి -ఉపద్రవం; కేవలుడు -భగవంతుడు; చైద్యుడు -శిశుపాలుడు )
మీ క్రమాలంకార పూరణ ప్రశస్తంగా ఉన్నది. అభినందనలు.
తొలగించండిదైవమగు రాముడు దునిమె
రిప్లయితొలగించండిరావణునిన్ ; సంహరించె రాక్షసుఁ డలుకన్
కావరమున పలు జనులన్
యే విధమున జూడ జావె యేకము నేడున్
మీ పూరణబాగున్నది. అభినందనలు.
తొలగించండి'జనులన్+ఏ' అన్నపుడు యడాగమం రాదు. "కావరమున పలువురు జనుల । నే విధమున..." అనండి.
రావణుడగు రఘురాముడు
రిప్లయితొలగించండిరావణునిన్ సంహరించె, రాక్షసుఁ డలుకన్
పావనిజానకిమాతను
భావింపకపరసతియనిబంధించుటచే
[రు+ణిచ్+ల్యుట్, రావయతి భీషయతి శత్రూన్] శత్రువులను భయపెట్టువాడు.(ఆంధ్రభారతి నిఘంటువు)
తొలగించండిమీ పూరణబాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిరావణ సుతుండు, ఘోరా
తొలగించండిరావమొనర్చి చని వనచరగణము నెల్లన్,
ఠేవన నుపమించుచునా
రావణునిన్, సంహరించె రాక్షసుఁ డలుకన్
మీ పూరణబాగున్నది. అభినందనలు.
తొలగించండిఆవహము నేమి జేసెను
రిప్లయితొలగించండిపావను బాణం,బెవరట ప్రహ్లాదుండున్,
దేవుడు శపించు నేలన్,
రావణునిన్ సంహరించె,రాక్షసు,డలుకన్
మీ క్రమాలంకార పూరణ బాగున్నది. అభినందనలు.
తొలగించండిమిత్రులందఱకు నమస్సులు!
రిప్లయితొలగించండి[రావణుని వీడి, శ్రీరామునిఁ జేరిన విభీషణు నధిక్షేపించుచు, మేఘనాదుఁడు రావణునితో "నీ తమ్ముఁడు విభీషణుఁ డా రామునిఁ జేరి, బ్రతికియుండఁగనే నిన్నుఁ జచ్చినవానిగఁ జేసె!" నని పలికిన సందర్భము]
"చేవయె చచ్చి, యన్నవును శ్రేష్ఠుఁడవౌ నిను వీడి, యా నరున్,
దైవమటంచు నెంచియు, సతమ్ము భజింప విభీషణుండు తాఁ
గావరమెక్కి, చేరెఁ గద! గణ్యుఁడవై యిట మన్కియుండఁగా,
రావణు! నిన్! దురాత్ముఁడగు రాక్షసుఁ డొక్కఁడు సంపె నల్కమై!"
మఱియొక పూరణము:
తొలగించండి[రామరావణ సంగ్రామమున నొక రక్కసుఁడు, బలహీనుఁడైన యొక వానరునిఁ జంపిన వైనము]
చేవయె లేక బక్కనయి, చేతను నాయుధమేమి లేక, తా
నావహమందు రక్కసుల నంతముఁ జేసెదనంచుఁ బూనియున్
బోవుచునున్నయట్టి యొక మోరమెకమ్మునుఁ జూచి, యెంచుచున్
రావణునిన్, దురాత్ముఁడగు రాక్షసుఁ డొక్కఁడు సంపె నల్కమై!
అత్యద్భుతమైన పూరణ
తొలగించండిఅత్యద్భుతమైనపూరణ
తొలగించండిధన్యవాదాలండీ గాదిరాజువారూ!
తొలగించండిమధుసూదన్ గారూ,
తొలగించండిమీ రెండు పూరణలు ప్రశస్తంగా ఉన్నవి. అభినందనలు.
ధన్యవాదాలండీ శంకరయ్యగారూ!
తొలగించండిపావని సీతను దుర్మతి
రిప్లయితొలగించండికావరమున దెచ్చుట నపకారమె యనుచున్
భావించి ముప్పు తొలగగ
రావణునిన్ సంహరించె రాక్షసుఁ డలుకన్
పద్యం బాగుంది. కాని సమస్యకు పరిష్కారం? రాక్షసుడు రావణుని చంపడం?
తొలగించండిమైలవరపు వారి పూరణ
రిప్లయితొలగించండిలంకలోని గజముల కాపరి...
(ఆ పేరుబలం అలాంటిది మరి..) 😊
రావగభీరతన్ గజము రంజిల దానికి పేరు బెట్టితిన్
రావణుడంచు., బుద్ధి సెడె., రౌద్రము హెచ్చెను గర్వమయ్యె., నన్
మావటిగా దలంపదు., ప్రమాదము జాతికటంచు నెంచుచున్
రావణునిన్ దురాత్ముఁడగు రాక్షసుఁ డొక్కఁడు సంపె నల్కమై"!!
మైలవరపు మురళీకృష్ణ వెంకటగిరి
మరో పూరణ
తొలగించండిఆ వనితాలలామను ధరాత్మజ బూతను సీతఁ దెచ్చి., యెం...
తో విసిగించుచుంటివిది యుక్తమె ?! రాక్షసజన్మచేత త్వ..
త్సేవకవృత్తి యడ్డుపడె ఛీ! యని చింతిలి స్వప్నసీమలో
రావణునిన్ దురాత్ముఁడగు రాక్షసుఁ డొక్కఁడు సంపె నల్కమై !!
మైలవరపు మురళీకృష్ణ వెంకటగిరి
మైలవరపు వారి రెండు పూరణలు ప్రశస్తంగా ఉన్నవి.
తొలగించండికావఁగ సుజనుల రాముడు
రిప్లయితొలగించండిరావణుని న్ సంహరించె : రాక్షసు డ లుకన్
చేవను జూపియు పోరున
చావును వరియించె తాను సాహస యుతుడై
విరుపుతో మీ పూరణబాగున్నది. అభినందనలు.
తొలగించండికావరమున బల్కెనొకడు
రిప్లయితొలగించండిరావణునిన్ సంహరించె రాక్షసు డలుకన్
ఆ వనజాక్షుడు రాముడు
రావణునిన్ సంహరించె రాజసమొప్పన్
పాఠాంతరం
తొలగించండికావరమున బల్కెనొకడు
రావణునిన్ సంహరించె రాక్షసు డలుకన్
దేవత లానందింపగ
రావణునిన్ సంహరించె రాముం డలుకన్
మీ పూరణబాగున్నది. అభినందనలు.
తొలగించండిధన్యవాదములు గురువర్యా,నమస్సులు!!
తొలగించండికావగ రాఘవులన్, మై
రిప్లయితొలగించండిరావణునిన్ సం హరించె;'రాక్షసు 'డలుకన్
ఠేవను హనుమను దూరెను
భావిత సంగ్రామ జనిత భయ విహ్వలుడై.
రాక్షసుడు=దశకంఠ రావణుడు.
మీ పూరణబాగున్నది. అభినందనలు.
తొలగించండిthank you sir
తొలగించండిభూవరుడా శ్రీరాముడు
రిప్లయితొలగించండిరావణునిన్ సంహరించె; రాక్షసుఁ డలుకన్
ఆ వనితామణి సీతను
కావరమున చెరను బెట్ట కామాంధతతో
మీ పూరణబాగున్నది. అభినందనలు.
తొలగించండి"కామాంధుండై" అంటే బాగుంటుందేమో?
పావనమగు రామకృతిని
రిప్లయితొలగించండిభావుకముగ నచ్చువేయ పద్యము నందు
న్నీవిధి పడినది తప్పుగ
రావణునిన్ సంహరించె రాక్షసు డలుకన్!!!
మీ పూరణ బాగున్నది. అభినందనలు.
తొలగించండిరావణు మరణరహస్య
రిప్లయితొలగించండిమ్మావహమందున విభీష ణాఖ్యుం డా సీ
తావల్లభునకు తెలుపుచు
రావణునిన్ సంహరించె రాక్షసుఁ డలుకన్
మీ పూరణ బాగున్నది. అభినందనలు.
తొలగించండిఆవనజాక్షుడు రాముడు
రిప్లయితొలగించండిరావణునిన్ సంహరించె ; రాక్షసుఁ డలుకన్
గావరమేపారంగా
దేవత యగు సీత బట్టి తీసుకు పోవన్.
మీ పూరణ బాగున్నది. అభినందనలు.
తొలగించండిచేవ దనరంగ నిశ్చిత
రిప్లయితొలగించండిభావ నిమగ్నాంతరంగ బల దర్పితులై
యా వానరము లెదిర్చిన
రావణునిన్, సంహరించె రాక్షసుఁ డలుకన్
దండకారణ్య మందలి మునులు రాముని తో మొఱపెట్టుకొను సందర్భము:
భూ వలయంబు దైత్య జన పూరిత తర్జిత మయ్యె నక్కటా
కావఁగ నీవ దిక్కు సుమి కంజనిభాంబక! దండకాటవీ
పావన దేశ వాస తను భాసిత విప్రుని ఘోర భీతి వి
ద్రావణునిన్ దురాత్ముఁడగు రాక్షసుఁ డొక్కఁడు సంపె నల్కమై
[భీతి విద్రావణుఁడు = భీతిని తఱుము వాఁడు; (రక్కసుఁడు చంపునన్న భయము)]
మీ రెండు పూరణలు అద్భుతంగా ఉన్నవి. అభినందనలు.
తొలగించండిపూజ్యులు శంకరయ్య గారికి నమఃపూర్వక ధన్యవాదములు.
తొలగించండిఆవేశముతోవచ్చిన
రిప్లయితొలగించండినోవానరము నెదిరించి యాహవమందున్
భావించుచు మెప్పించగ
రావణునిన్, సంహరించి రాక్షసుడలుకన్
మీ పూరణ బాగున్నది. అభినందనలు.
తొలగించండి'నా వానరము' టైపాటు.
స్వర్ణలంకాధీశుని వీరాభిమాని, రావణబ్రహ్మ వధానంతరము శ్రీరాముని నిందిస్తూ....
రిప్లయితొలగించండిఉత్పలమాల
సేవకు రాండ్రనిచ్చి కుజ చిత్తము మారెడు దాక నోపికన్
గేవలముంచి తోటఁ దన కేలను దాకని యుత్తముండు మా
రావణునిన్ దురాత్ముఁడగు రాక్షసుఁ డొక్కఁడు సంపె నల్కమై
దేవుఁడటంచు మానవులు దిత్యుని రామునిఁ గొల్చు టెందుకో?
మీ పూరణ ప్రశస్తంగా ఉన్నది. అభినందనలు.
తొలగించండిఇక్కడ 'రాక్షసు' డంటే క్రూరుడని భావమా?
'దేవుఁ డటంచు మానవులు తేపకు రామునిఁ గొల్చు టెందుకో" నాకొక సమస్య సిద్ధమయింది.
గురుదేవులకు ధన్యవాదములు. మనకు మనం నమ్మిన వాళ్లకు హాని చేసిన వాళ్లను కోపంతో వాడు రాక్షసుడని అంటాముకదా! అలా ఆరాక్షసాధముడు రావణుని మీది అభిమానంతో శ్రీరామచంద్రుని రాక్షసుడని సంబోధించాడు.
తొలగించండిఆవహమందునరాముడు
రిప్లయితొలగించండిరావణునిన్ సంహరించె,రాక్షసుడలుకన్
బావనియగుసీతమ్మను
గావరముననొడిసిపట్టె గామముతోడన్
మీ పూరణ బాగున్నది. అభినందనలు.
తొలగించండినా విద్యార్థికిఁ జెప్పితి
రిప్లయితొలగించండి"రావణునిన్ సంహరించె రాముం డలుకన్"
తా విని యిట్టుల వ్రాసెను
"రావణునిన్ సంహరించె రాక్షసుఁ డలుకన్"
ఈ నాటి శంకారా భరణము వారి సమస్య
రిప్లయితొలగించండిరావణునిన్ సంహరించె రాక్షసుఁ డలుకన్
ఇచ్చిన పాదము కందము నా పూఱణము సీసములో
ఒక ఉపాధ్యాయుడు రామాయణమును ప్రశ్నల రూపములో సీసములో సంధిస్తె అతని శిష్యులు
దీటుగా తేట గీతిలో సమాధానము యిచ్చుట
(పం)క్తి మొత్తంబునన్ (పా)పములు పెరిగె
(న)ని దెల్పె నెవరికి (నా)కసదులు,
(చె)ప్పుము రయముగ (శ్రీ) రామునకు నా ద
(శర)ధున కున్నటి (వరు)స యేది,
(పొల)ముదున్నుచు నుండ (హల)ము మాటున పుట్టి
(న)ట్టి వహంతము (నా)మమేది,
(తా)రా పధములోన (తా)టకి కనిపించ
(రాము)డు రయముగ (నేమి) జేసె,
(ము)క్కు జెవులు పోయె,(మో)హనాంగిని బట్ట
(మని) శూర్ప ణఖ నెవ(రిన)డి గెనుగ
(చె)ట్టు మాటునదాగి (చిం)కిలీ కంబును
(రాము)డు ఘనముగ (నేమి) జేసె,
(పంపు)ము దూతను, (చంప) రాదనెను వి
(భీ)షణుండు,నెవరా వి(భీ)ష ణుండు,
(వ)లదని వదలుచు , (వా)లము కాల్చగా
(చేసె) నేమి పని కీ(నాశ)మపుడు
(జల)ధి దాట దలచి (శిల)లు దెచ్చిన వాన
(రులు) జేసె నేమిటో (సులు)వు గాను
(ల)క్ష్మణుండు రణ స్ధ(ల)ము లోన మూర్చచెం
(ద)గ కాచె నెవడు ము(దం)బు తోడ
(ప)తి కనుమానము (ప)డదన్నుదలచి నా
(సీ)తమ్మ తల్లేమి (జే)సె నపుడు
(వ)నవాసము ముగించి (వ)చ్చిన రఘురాము
(ని)కి తన రాజ్యంబు (నె)వరు నొసగె
హరికి , తనయుడు, సీతమ్మ, శరము తోడ
ద్రుంచె ,రావణునిన్ , సంహరించె, రాక్ష
సుఁ ,డలుకన్ గాల్చె లంకను, నడవ కట్టె,
పవన సుతు,డగ్నిలోదూకె ,భరతు డపుడు
పంక్తి = భూమి,నాకసదులు=దేవతలు
వహంతము= బిడ్డ,
చింకిలీకము,కీనాశము = కోతి,
పడదన్ను = పోగొట్టు
నడవ =వారధి
గురువు గారు సందేహము ఈ
తొలగించండిప్రకారము సమస్యను పూరించవచ్చా
చేయవచ్చు. బాగుంది.
తొలగించండిఆవహరంగమందుననమానుషరీతినిభీకరంబుగా
రిప్లయితొలగించండిరావణుజంపెగాదెయటరాముడుబాహుబలంబుతోడుతన్
రావణునిన్ దురాత్ముడగురాక్షసుడొక్కడుసంపెనల్కమై
యీవిధమైనవాక్యమునునేవురుహేళనజేయవ్రాసిరే!
మీ పూరణ బాగున్నది. అభినందనలు.
తొలగించండిస్వర్ణలంకాధీశుని వీరాభిమాని, రావణబ్రహ్మ వధానంతరము శ్రీరాముని నిందిస్తూ....
రిప్లయితొలగించండికందం
సేవకురాండ్రఁ గుజ కొసఁగి
గేవలమొక తోటనుంచి కేలన్ దాకన్
లేవని దేవుఁడనక మా
రావణునిన్ సంహరించె రాక్షసుఁ (రాముం) డలుకన్
మీ పూరణ బాగున్నది. అభినందనలు.
తొలగించండిభావిత రావణాసురుని వంశమువాడొక లంకవాసి యా
రిప్లయితొలగించండిపావన రామచంద్రునికి బంటగు వానరు నావహంబునన్
చేవను జూపగాదలచి చేగొని ఖడ్గము,సంస్తుతించుచున్
రావణునిన్ ,దురాత్ముడగు రాక్షసుడొక్కడు చంపెనల్కమై
మీ పూరణ ప్రశస్తంగా ఉన్నది. అభినందనలు.
తొలగించండిధన్యోస్మి గురుదేవా,నమస్సులు!!
తొలగించండిభావము పరదారలపై
రిప్లయితొలగించండిసేవింపగ దృష్టిలేదు ,సేమము గనమే
నీవిక భారము యనుచున్
రావణునిన్ సం హరించె, రాక్షసుడలుకన్.
చావును గోరి తెచ్చుకునె సాధ్విని కాముకుడై, మదిన్ సదా
రిప్లయితొలగించండికోవెలజేసి శంకరుని కొల్చెడు భక్తుడె యైన నెచ్చలీ
నీవిది యాలకింపు నిశి నేనొక స్వప్నము గంటి నందులో
రావణునిన్ దురాత్ముఁడగు రాక్షసుఁ డొక్కఁడు సంపె నల్కమై
రామ రావణ యుద్ధానంతరం మండోదరి ఇలా విలపిస్తోంది....
రిప్లయితొలగించండిరావణ!బ్రహ్మవై ధరను రంజిలినావయ కోవిదుండవై
పావని నేల దెచ్చితివొ!పాపము పండెనొ!యావహించెనో
రావణు,నిన్ దురాత్ముఁడగు రాక్షసుఁ డొక్కఁడు! సంపె నల్కమై
భూవరుడైన రాముడల భూమిజ కోసము నిన్ను ప్రాణమా!
తిరుక్కోవళ్ళూరు శ్రీహర్ష
👌
తొలగించండిచిరు ప్రయత్నం ..🙏
రిప్లయితొలగించండిచావుని దెచ్చుకు వచ్చితి
నీవిక నెఱుఁగుము యనుచునె నిజమును దెలిపెన్
బ్రోవగ, సీతను విడువక
*"రావణు, నిన్, సంహరించె, రాక్షసుఁ, డలుకన్"*
🙏🙏
పావని యెదిర్చ సభలో
రిప్లయితొలగించండిరావణునిన్,సంహరించె రాక్షసుడలుకన్
కావరముతోడ నొకవృ
ద్ధవానరంబును రణమున తలవక జాలిన్
..............🌻శంకరాభరణం🌻...............
రిప్లయితొలగించండి..................🤷🏻♂సమస్య 🤷♀....................
"రావణునిన్ సంహరించె రాక్షసుఁ డలుకన్"
సందర్భము:
క్షిప్రం భవతి ధర్మాత్మా శశ్వచ్ఛాంతిం నిగచ్ఛతి
కౌంతేయ ప్రతిజానీహి న మే భక్తః ప్రణష్యతి
(నా భక్తుడు శీఘ్రంగా ధర్మాత్ము డౌతున్నాడు. శాశ్వత శాంతిని పొందుతున్నాడు. నా భక్తుడు నశింపడు..అన్నాడు గీతలో..)
వాలి ధర్మాత్ముడు కాడు. కాబట్టి భక్తు డయ్యే అర్హత లేనివాడు. సుగ్రీవుడు మిత్రుడైనాడు. భక్తుడైనాడు రామునికి. అతనికి శత్రువైనాడు వాలి. కాబట్టి చంపదగినవాడైనాడు.
భక్త లక్షణం భగవంతుని ముఖ్య కర్తవ్యం. అందుకే రాముడు వాలిని సంహరించినాడు.
త్వయా విజ్ఞాత పూర్వశ్చ వాలీ వానర పుంగవః
రామేణ నిహతః సంఖ్యే శరేణైకేన వానరః
(వాలి ఎవరో నీకు ముందే తెలుసు. వాలిని రాముడు యుద్ధంలో ఒక్క బాణంతో చంపినాడు. సుం.కాం.51-11)అని హనుమంతు డన్నాడు రావణునితో లంకలో సభలో.
కిష్కింధలో వాలి వధ జరిగినప్పుడు క్షణాలమీద ఆ వార్త రాజ్య మంతటా పాకిపోయింది. ఎందుకు.. ఎలా.. ఎవరు.. అనే ప్రశ్నలకు సమాధానాలు ఎవరికి తోచినట్టు వారు ఊహించుకున్నారు.
ఒక బావా మరదళ్ళ సంభాషణ మీ పూరణం.
"వాలి జిత రావణుడు. అంటే రావణునే జయించినవాడు. ఆ వాలిని ఒక రాక్షసుడు కాబోలు చంపినాడు" అని మరద లంటే..
"కాడు. వా డొక నరుడేనే పిచ్చి మొగమా!" అని బావ పలికినాడు రాముని గురించి...
రావణుడే ఒక పెద్ద రాక్షసుడు. వాలిని చంపినవా డింకా పెద్ద రాక్షసుడు కావచ్చు... అని ఆమె అభిప్రాయం. అందుకే అలా అడిగింది.
~~~~~~~~~~~~~~~~~~~~~~~
*నరుడే!*
"పోవే! వా డొక నరుడే
నే! వనితా!" యనియె బావ..
యిటు మరద లనన్
"బావా! ఆ వాలిని, జిత
రావణునిన్ సంహరించె రాక్షసుఁ డలుకన్"
✍️~డా.వెలుదండ సత్యనారాయణ
పరమార్థ కవి
9.02.20
-----------------------------------------------------------