కవిమిత్రులారా,
ఈరోజు పూరింపవలసిన సమస్య ఇది...
"రాఁడు పెండ్లాడ భద్రాద్రి రామవిభుఁడు"
(లేదా...)
"రాముఁడు పెండ్లియాడుటకు రాఁడట
భద్రగిరిస్థ వేదికిన్"
(ఈ సమస్యను పంపిన వజ్జల రంగాచార్య గారికి ధన్యవాదాలు)
(లేదా...)
"రాముఁడు పెండ్లియాడుటకు రాఁడట
భద్రగిరిస్థ వేదికిన్"
(ఈ సమస్యను పంపిన వజ్జల రంగాచార్య గారికి ధన్యవాదాలు)
రిప్లయితొలగించండినడిరేయి సరదా పూరణ:
సోముని తోడుతన్ తనరి సుంతయు జాలిని చూపకుండగా
భీముడు మోడివర్యుడిట బింకము మీర నిరాకరించగా
కామము క్రోధమున్ విడిచి కమ్మని శ్రాంతిని నందమొందుచున్
రాముఁడు పెండ్లియాడుటకు రాఁడట
భద్రగిరిస్థ వేదికిన్
మీ సరదా పూరణ బాగున్నది. అభినందనలు.
తొలగించండి__/\__
తొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
తామసులైన కాంగియుల దారుణ రీతిని దుమ్ముకొట్టుచున్
సోముడు పుత్రవీరునకు శోభమ మెచ్చగ పట్టమీయగన్
గోముగ హైద్రబాదునను గొప్పగ దీపిలి కల్వకుంటడౌ
రాముఁడు పెండ్లియాడుటకు రాఁడట భద్రగిరిస్థ వేదికిన్
తొలగించండి* కల్వకుంట్లడౌ
మీ ఆటవిడుపు పూరణ బాగున్నది. అభినందనలు.
తొలగించండి
తొలగించండి__/\__
రిప్లయితొలగించండిఈ మహినన్ కరోన క్రిమి హెచ్చు వధించగ మర్త్య జాతినిన్!
క్షేమము కాదొ! యేమొ! యని చింతిలి మిక్కిలి భీతిజెందెనో!
భామిని సీత గూడి కడు బావనమూర్తి విరాజితుండు శ్రీ
రాముడు పెండ్లియాడుటకు రాఁడట
భద్రగిరిస్థ వేదికిన్
మీ పూరణ బాగున్నది. అభినందనలు.
తొలగించండి"మహినిన్" అనండి.
(కరోనాసురి సంహారానంతరమే కల్యాణవేదిక వద్దకు
రిప్లయితొలగించండివస్తానంటున్న వీరరాముడు)
ఆ మునిరాజశిష్యుడును ;
నాయతబాహుడు ;భానుతేజుడున్ ;
శ్యామలవర్ణసుందరుడు ;
సన్నుతధర్మపరుండు ;మంగళా
రాముడు ;కారొనాసురి -క
రాగ్రశరాగ్రమహార్చి మాడ్చకే
రాముడు పెండ్లియాడుటకు
రాడట భద్రగిరిస్థవేదికిన్!!
(మునిరాజశిష్యుడు -విశ్వామిత్రుని శిష్యుడు ;కరాగ్రశరాగ్రమహార్చి -చేతిలోని బాణముల అగ్నిజ్వాలామాలికతో
కారొనాసురి-కరోనా రాక్షసి)
మీ పూరణ మనోహరంగా, ప్రశస్తంగా ఉన్నది. అభినందనలు.
తొలగించండిధన్యవాదాలండీ !
తొలగించండి
రిప్లయితొలగించండివీడు వాడెవడయ్యరొ విదుర రాడు
రాఁడు, పెండ్లాడ భద్రాద్రి రామవిభుఁడు?
మానసంబున తలచు సుమా మనుజుడు
మీదు రాముని కల్యాణ మిపుడె యనుచు!
జిలేబి
మీ పూరణ బాగున్నది. అభినందనలు.
తొలగించండి
రిప్లయితొలగించండిశ్యామల రాయడాతడయె జానకి తోడయె శోభగూర్చగా
నీమము తప్పకన్ జనుల నిండుగ చూడగ వచ్చువేళ నే
నేమని చెప్ప నమ్మ నరుడే సృజి యించె కరోన! మైథిలీ
రాముఁడు పెండ్లియాడుటకు రాఁడట భద్రగిరిస్థ వేదికిన్!
జిలేబి
తొలగించండిఅహా!
మీ పూరణ బాగున్నది. అభినందనలు.
తొలగించండిలోకమంత భయపడు కరోన రోగ
రిప్లయితొలగించండితీవ్రత నెదుర్కొనంగ నీదినము రామ
నవమి యైననుకూడ జనత యెదుటకు
రాఁడు పెండ్లాడ భద్రాద్రి రామవిభుఁడు
మీ పూరణ బాగున్నది. అభినందనలు.
తొలగించండి
రిప్లయితొలగించండిఅర్చకులు బిలిచిరి రామ రాయటంచు
"రాఁడు పెండ్లాడ భద్రాద్రి రామవిభుఁడు
పొండి " పోలీసులు తరిమి పొంక పడిరి
పో కరోన మహిమ నాట బోవ కపురు!
జిలేబి
మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండి"నా మనుజుల్ కరోన వ్యథ నల్గుచునుండ ప్రపంచమందు., నా..
కేమిది వేడుకా?" యనుచు నెత్తె శరమ్ము దురంతదుష్టసాం...
క్రామికరోగరూపదశకంఠవధార్థము., గాన నేడు మా...
రాముఁడు పెండ్లియాడుటకు రాఁడట
భద్రగిరిస్థ వేదికిన్!!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది. అభినందనలు.
తొలగించండిభూమిపయిన్ "గరోన"యను భూతము చేరెను గాన మానవ
రిప్లయితొలగించండిక్షేమము గోరి లోపలనె చేయుదు రర్చకు లొక్కరిద్దరే
స్వామికి బెండ్లియన్న నొకబాలకు డింటను దెల్పె "నిత్తరిన్
రాముఁడు పెండ్లియాడుటకు రాఁడట భద్రగిరిస్థ వేదికిన్"
మీ పూరణ ప్రశస్తంగా ఉన్నది. అభినందనలు.
తొలగించండిగురుదేవులకు మరియు కవిమిత్రులకందరకూ శ్రీరామనవమి పర్వదిన శుభాకాంక్షలు.
రిప్లయితొలగించండితేటగీతి
తలలుఁ దనువంత నిండిన దానవుండు
'కోవిద'ను పేర లోకమ్ముఁ గ్రుంగఁ జేయఁ
బంక్తి కంఠునిఁ గూల్చిన భంగి చెలఁగ
రాఁడు పెండ్లాడ భద్రాద్రి రామవిభుఁడు!
మీ పూరణ బాగున్నది. అభినందనలు.
తొలగించండిఉత్పలమాల
రిప్లయితొలగించండిధూము కరోన తొండముల దూయఁగ లోక భయంకరమ్ముగన్
కాముకుడైన రావణుని కంఠములన్ దెగఁ ద్రుంచినట్లుగన్
హోమమనెండు యుద్ధమున హూనముఁ జేసెడు కార్యదర్శియై
రాముఁడు పెండ్లియాడుటకు రాఁడట భద్రగిరిస్థ వేదికిన్!
మీ పూరణ బాగున్నది. అభినందనలు.
తొలగించండిసవరించిన పూరణ:
తొలగించండిఉత్పలమాల
ధూము కరోన తొండముల దూయఁగ లోక భయంకరమ్ముగన్
కాముకుడైన రావణుని కంఠములన్ దెగఁ ద్రుంచినట్లుగన్
హోమమనెండు యుద్ధమున హూనముఁ జేసెడు యోధుఁడౌచుఁ దా
రాముఁడు పెండ్లియాడుటకు రాఁడట భద్రగిరిస్థ వేదికిన్!
ఎడు, గెడి గాగమ పదముల నరసున్న లేమి కారణమున హోమ మనెండు రూప మసాధు వండి. హోమ మనెడు సాధువు.
తొలగించండిహూనముఁ జేసెడు వ్యావహారికము.
ఆర్యా!ధన్యవాదములు.సవరించిన పూరణ:
తొలగించండిఉత్పలమాల
ధూము కరోన తొండముల దూయఁగ లోక భయంకరమ్ముగన్
కాముకుడైన రావణుని కంఠములన్ దెగఁ ద్రుంచినట్లుగన్
హోమమనంగ యుద్ధమున నుక్కడగించెడుయోధుఁడౌచుఁ దా
రాముఁడు పెండ్లియాడుటకు రాఁడట భద్రగిరిస్థ వేదికిన్!
గురువు గారికి నమస్సులు.
రిప్లయితొలగించండితోడు పెండ్లి కొడుకు లేక తోచకుండె
జోడు కుదరదు వియ్యపు జోరులోన
పాడు మహమారి వైరసు పడగ ,నేడు
రాడు పెండ్లాడ భద్రాద్రి రామ విభుడు.
ప్రజ కరోనాకు భీతిలి వగచియుంట
రిప్లయితొలగించండిచేర రారయ్యె భద్రాద్రి చెంతకనుచు
పరమ కరుణాంతరంగ విభ్రాజితుండు
రాడు పెండ్లాడ భద్రాద్రిరామ విభుడు
కామినియగు పౌలస్తియె కాంచి విశ్వ
రిప్లయితొలగించండిమోహనుండగు రాముని, మోహమంది
మనువు నాడగ రమ్మంచు మగువ పిలువ
రాఁడు పెండ్లాడ భద్రాద్రి రామవిభుఁడు
పాడు బ్రతుకని ప్రజలెల్ల బాధనుండ
రిప్లయితొలగించండివేడుకగ పెండ్లి చేయంగ వీలుపడదు
నాడెముగ ముందు నణచ మనుచు
"రాఁడు పెండ్లాడ భద్రాద్రి రామవిభుఁడు"
"పాడు బ్రతుకని ప్రజలెల్ల బాధనుండ
రిప్లయితొలగించండివేడుకగ పెండ్లి చేయంగ వీలుపడదు
నాడెముగ ముందు విపత్తు నణచ మనుచు
"రాఁడు పెండ్లాడ భద్రాద్రి రామవిభుఁడు"
భక్తు లందరు గృహముల బంది గాగ
రిప్లయితొలగించండివాద్య బృందాలు లేవంచు వంత చెంది
రాడు పెండ్లాడ భద్రాద్రి రామ విభుడు
విసిరె గద కరోనా పంజా విశ్వ మం త
చివరి పాదం లో పంజ అని సవరణ చేయడమైనది
తొలగించండిరాజ్య లక్ష్మి ని కాపాడు రాజు తాను,
రిప్లయితొలగించండిధర్మ పత్నిని విడనాడ ధర్మ ప్రభువు,
నేడు విశ్వంబు కాపాడు నీమ మంద
రాఁడు పెండ్లాడ భద్రాద్రి రామవిభుడు
కొరుప్రోలు రాధాకృష్ణారావు
భూమిజనమ్ము నందరిని భూతకరోన హరించ, మారుతిన్
రిప్లయితొలగించండినీమముతోడఁ దూర్ణముగఁ దెమ్మమృతమ్మని బూన్చి వేగ స్వ
ర్ధామముఁ జేరఁ, దల్లయకరాస్రముఁ గోరి తపోనిమగ్నుడై
రాముఁడు పెండ్లియాడుటకు రాఁడట
భద్రగిరిస్థ వేదికిన్
కంజర్ల రామాచార్య
వనస్థలిపురము.
సోముని దాల్చియుండు పురుషోత్తమునిన్ శివ రాత్రి నాడు విం
రిప్లయితొలగించండిద్యామర వీచి మర్త్యులు వియచ్చరులున్ యతి కోటి సిద్ధులున్
గోమున వారణాసి జని గొప్పగ పూజల మున్గియుండుటన్
రాముఁడు పెండ్లియాడుటకు రాఁడట భద్రగిరిస్థ వేదికిన్
ఖలు కరోనాయె వ్యాపింప కల్పమందు
రిప్లయితొలగించండిప్రజలు గుమిగూడ వలదంచు ప్రభుత తెలుప
నిల్లు వీడరు జనులింక నిటకు నొకడు
రాడు, పెండ్లాడ భద్రాద్రి రామవిభుడు
మేము ప్రధానమంత్రి నుడి మీరము యింటనె యుండెదమ్ము, మా
రిప్లయితొలగించండిరాముఁడు పెండ్లియాడుటకు రాఁడట భద్రగిరిస్థ వేదికిన్
ప్రేమగ సీతతోడ తన పెండ్లిని మా గృహమందునన్ పరం
ధాముడు చేకొనున్, గొనును తాఁ వడపప్పును పానకమ్ములన్౹౹
రిప్లయితొలగించండితేటగీతి పాద గర్భిత ఆటవెలది. ప్రత్యక్ష ప్రసారం వుందట
వీధియందు రాఁడు పెండ్లాడ భద్రాద్రి
రామవిభుఁడు గుడిని రాజిలునట
చూచెదమిక టీవి చూపగ ప్రత్యక్ష
ముగ జిలేబి కనుల ముందరేను!
జిలేబి
మిత్రులందఱకు శ్రీరామనవమి పర్వదిన శుభాకాంక్షలు!
రిప్లయితొలగించండి"ఏమె కరోన! నీ విలను నెందఱనో హతమార్చఁగాను, మా
యీ మనుజుల్ భయంబు మెయి నిండ్లను వీడక యుండ్రి! నీవు నీ
నీమము వీడి పోవఁగదె! నీ విట నుండినఁ, గిన్కఁబూని, శ్రీ
రాముఁడు పెండ్లియాడుటకు రాఁడఁట భద్రగిరిస్థ వేదికిన్!"
నేమము తప్పకుండగను నెమ్మిని బూనుచు వచ్చు స్వామి యున్
రిప్లయితొలగించండిసీమలయందుకీటకము స్వేచ్చగ వ్యాప్తిని చెంద గాంచుచున్
ధామము వీడిరాకుడని దాప్రజ కున్ దెలుపంగనెంచుచా
రాముడు పెండ్లియాడుటకురాడట భద్రగిరిస్థ వేదికిన్
వసుధ జనులంత నెఱనమ్మి భక్తి చేత
రిప్లయితొలగించండితాము గృహమందు నాసీత రాము లకును
పానకమ్మును వడపప్పు వారుబెట్ట
భక్తుల శుఖశాంతులెతాను భద్రమంచు
రాఁడు పెండ్లాడ భద్రాద్రి రామవిభుఁడు.
టీవిలోనె చూచెదమిప్పటికిఁ దరింప,
రిప్లయితొలగించండిజనములు గుమిగూడగఁ బ్రశస్తంబు గాద
ని మది నెంచి భక్తుడెవడు నేడు చూడ
రాఁడు, పెండ్లాడ భద్రాద్రి రామవిభుఁడు!
శంకరాభరణం ...02/04/2020
రిప్లయితొలగించండిగురువారం
సమస్య
**** ***
రాముడు పెండ్లియాడుటకు రాఁడట
భద్రగిరిస్థ వేదికిన్
నా పూరణ.
**** *****
ఉత్పలమాల:
నీమము, భక్తి వీడకను నిత్యము బూజలొనర్చు మర్త్యులన్
సేమము దృంచి నాశనము జేసెను కీటకమౌ కరోనయే!
భూమి జనాళి బీడించెడు భూతమునున్ గడతేర్చుదాక శ్రీ
రాముడు పెండ్లియాడుటకు రాడట
భద్రగిరిస్థ వేదికిన్
🌱 ఆకుల శాంతి భూషణ్ 🌱
🌷 వనపర్తి 🌷
బీడించెడు బదులు పీడ యగు..అని మార్చినాను గమనించిగలరు...
తొలగించండిఏకపత్నీ వ్రతుడటంచనేక జనులు
రిప్లయితొలగించండిచేత ప్రస్తుతింప బడిన శ్రీరఘుపతి
వాసిగవినుము వేరొక వనిత కొరకు
*"రాఁడు పెండ్లాడ భద్రాద్రి రామవిభుఁడు"*
తుంటరి కరోన భయమున నింటనుండి |
రిప్లయితొలగించండిరామ కళ్యాణము కనగ లేమనుచును|
కుంద జనులు, రాముడు వెత జెందినాడు |
"రాఁడు పెండ్లాడ భద్రాద్రి రామవిభుఁడు"
AIR వారి సమస్యను తెలుపగలరు
రిప్లయితొలగించండి
తొలగించండిచాలా సమస్యలున్నాయి :)
😀😀😀
తొలగించండిసమస్య :-
రిప్లయితొలగించండిరాఁడు పెండ్లాడ భద్రాద్రి రామవిభుఁడు
*తే.గీ**
పల్లె పల్లెకూ తాళము పడిన వేళ
బయట తిరిగినంత కరోన పట్టు వేళ
కాపలాగ లాఠీలన్ని కాయువేళ
ఎవడు తన్నులు తినవచ్చు? నెవడు రాడు
రాఁడు, పెండ్లాడ భద్రాద్రి రామవిభుఁడు
.................✍చక్రి
నా పూరణ ప్రయత్నం 🙏🙏
రిప్లయితొలగించండి*తే గీ*
రావణ వధను జేసెను రమ్యముగను
ఒక్క బాణము చాలు నొడుపుగనిపుడు
కరొన నంతము జేయక కదిలిచటకు
*"రాఁడు పెండ్లాడ భద్రాద్రి రామవిభుఁడు"*
కళ్యాణ్ చక్రవర్తి, ముంబాయి..
🙏💐🙏💐🙏
భూమిజ విగ్రహమ్మదియె పుత్తడి తోడ తయారు జేసితిన్
రిప్లయితొలగించండినేమము తోడ, వేడుకగ నీరజ పత్రదళాయ తాక్షుడౌ
రాముడు పెండ్లియాడుటకు, రాడట భద్రగిరిస్థ విదికిన్
క్షేమము గోరి యొక్కడును కీటక మైనక రోన భీతిచే.
తే.గీ
రిప్లయితొలగించండిజాతి యిక్కట్లు పడుచుండ జాలిపడెను
నష్ట పరచుటిష్టములేక నవమి పేర
భక్త జన కూటమి కడు నపాయమనుచు
రాడు పెండ్లాడ భద్రాద్రి రామ విభుడు
తే.గీ:
జడిసి పోతుంటెజనులెల్ల జగతినిండ
కాచి కాపాడవలసిన కాలమందు
రాడు పెండ్లాడ భద్రాద్రి రామవిభుడు
ప్రజల సేమమే తనకును ప్రథమమనుచు.
ఉ:
రిప్లయితొలగించండిరాముడు గూడ మానవుడె రాష్ట్రము నేలెడి గడ్డు కాలమున్
తాముగ జూచెనా నిటుల తథ్యము వాకిలి వీడకుండగన్
మోముకు గుడ్డ కట్టుకొని మూరెడు దూరము నాచరించుటై
రాముడు పెండ్లియాడుటకు రాడట భద్రగిరిస్త వేదికన్
వై. చంద్రశేఖర్
భద్రగిరిస్త/ భద్రగిరిస్థ గా చదువగలరని ప్రార్థన
తొలగించండిరాముని మార్గదర్శకము రాజ్యము నందున స్ఫూర్తి నింపగా
రిప్లయితొలగించండిరాముడె తా కరోన యను రక్కసి నడ్డుచు మానవాళికిన్
బ్రేమము బంచ వచ్చె! తన బెండ్లియె నింటను సల్ప బోవఁగా
రాముఁడు పెండ్లియాడుటకు రాఁడట భద్రగిరిస్థ వేదికిన్
రాడుపెండ్లాడభద్రాద్రిరామవిభుడు
రిప్లయితొలగించండిననెడుభ్రమలోన నుంటిరియార్య!మీరు
రామురాకతోడనెపెండ్లిలక్షణముగ
బరగుచుండెనుజూడుడుభక్తిటీవి
నీమము దప్పకన్ దనను నిర్మల భక్తిని గొల్చువారినిన్
రిప్లయితొలగించండిప్రేమము మీర గాచు యరవింద దళాక్షుడు ధర్మ మూర్తి శ్రీ
రాముఁడు పెండ్లియాడుటకు రాఁడట భద్రగిరిస్థ వేదికిన్
సేమము గోరి దానె దయసేయును భక్తుల మానసమ్ములన్
ఆ మహనీయఘట్టమును హాయిగ గాంచుచు నాత్మ సాక్షిగా
నేమరుపాటు లేక జనులెల్లరునుండ కరోన మాపునే
అన్నదమ్ముల పెండ్లిండ్లు కన్ను లదర
రిప్లయితొలగించండిమేళ తాళధ్వనులు మించ మిథిల జరుగ
గ్రీవదశకుండు వీరుండు రావణుండు
రాఁడు, పెండ్లాడ భద్రాద్రి రామవిభుఁడు
రాముని సీతనున్ నిలిపి రంజిల భక్తి మనమ్ము లందు నీ
భూమి జనుల్ నుతించఁ గడు పుణ్యము వెండిళు లేల నిత్యమున్
గోముగ సీతతో మిథిల గోత్ర సనామ వివాహ మేర్పడన్
రాముఁడు పెండ్లియాడుటకు రాఁడట భద్రగిరిస్థ వేదికిన్
జనులు గృహముఁ గల్యాణము జరుపు చుండ
రిప్లయితొలగించండిజానకిని కూడి రాముడు చనుచునుండె
వారి యిండ్లకు కరమగు గౌరవమున
రాఁడు పెండ్లాడ భద్రాద్రి రామవిభుఁడు
ఉత్పలమాల
రిప్లయితొలగించండిగీముల వీడ కండనుచు క్రిక్కిరియంగ 'కరోన' సోకనన్
పామర పండితాళి మది బంగరు కోవెలలన్ ప్రతిష్టలన్
నీమము తోడ నుద్వహము నిర్మల భక్తిని జేయ బంధియై
రాముఁడు పెండ్లియాడుటకు రాఁడట భద్రగిరిస్థ వేదికిన్!
రాముడుపెండ్లియాడుటకురాడటభద్రగిరిస్ధవేదికిన్
రిప్లయితొలగించండినేమనిబల్కుచుంటిరయయీశుడురాడటపెండ్లివేదికిన్
రాముడువచ్చెజూడుడటరాజిలుమోమునవెల్గుచుండుచున్
భూమిజనంబులెల్లరునుభూరిముదంబునజేలుగొట్టగా
రామకళ్యాణఘట్టము రమ్యమిలను
రిప్లయితొలగించండిచూచితరియింపభక్తులు వేచియుండ
రాఁడు పెండ్లాడ భద్రాద్రి రామవిభుఁడు
జనులముందుకువైరసు జడుపువలన
ఏమనివిన్నవించెదనుయెక్కడచూచిన 'లాకుడౌను' లే
రిప్లయితొలగించండిసేమముకాదుజీవితము చిక్కులపాలగు గుంపు గూడగన్
క్షేమముగాజనావళినిజేయుతలంపున గుంపు మధ్యకున్
రాముఁడు పెండ్లియాడుటకు రాఁడట భద్రగిరిస్థ వేదికిన్
గీముల లోననర్చనపు కృత్యములన్ గడు భక్తి చేయుచున్
రిప్లయితొలగించండిరాముని మెప్పు పొందఁ బ్రజ, రాగముతోడుత పోయి యిండ్లకున్
భూమిజతోడదాశరథి పూజల గాంచుచునుండె తృప్తిగా
రాముఁడు పెండ్లియాడుటకు రాఁడట భద్రగిరిస్థ వేదికిన్
రాముని రాక తప్పదని ,రాక్షస వైరసు పొంచియుండగా
రిప్లయితొలగించండిరామకృపావలంబమున,రక్షణజేయునురాజ్యమంతయున్
రామ!కరోనదేహముల, రాపిడివద్దనిమౌనిజెప్పగా
రాముడుపెండ్లియాడుటకు, రాడట భద్రగిరిస్థవేదికిన్
++++++++++++++=======
రావెలపురుషోత్తమరావు