కవిమిత్రులారా,
స్వాతంత్ర్య దినోత్సవ శుభాకాంక్షలు!
ఈరోజు పూరింపవలసిన సమస్య ఇది...
"స్వాతంత్ర్యము వచ్చి యేడ్వసాగిరి నేతల్"
(లేదా...)
"వచ్చె స్వతంత్రమంచుఁ గడు వంతను బొందిరి నేత లెల్లరున్"
స్వాతంత్ర్య దినోత్సవ శుభాకాంక్షలు!
ఈరోజు పూరింపవలసిన సమస్య ఇది...
"స్వాతంత్ర్యము వచ్చి యేడ్వసాగిరి నేతల్"
(లేదా...)
"వచ్చె స్వతంత్రమంచుఁ గడు వంతను బొందిరి నేత లెల్లరున్"
రిప్లయితొలగించండి"శ్రీ రాముని దయ చేతను..."
నడిరేయి సరదా పూరణ:
చిచ్చులు బెట్టి కాల్చి భళి చిందులు త్రొక్కుచు వాడవాడలన్
నచ్చిన చోటులందు కడు నందము నొందుచు నల్ల విత్తమున్
పిచ్చిగ కూడ బెట్టనిక వీలును గాకయె మోడిరాజ్యమున్
వచ్చె స్వతంత్రమంచుఁ గడు వంతను బొందిరి నేత లెల్లరున్
మీ సరదా పూరణ బాగున్నది. అభినందనలు.
తొలగించండి🙏
తొలగించండిఈ కామెంట్‌ను రచయిత తీసివేశారు.
రిప్లయితొలగించండి
రిప్లయితొలగించండిఆటవిడుపు సరదా పూరణ:
(జిలేబి గారికి అంకితం)
రొచ్చుచు రోజుచున్ తనరి రోడ్డుల మధ్యను కేకలేయుచున్
పిచ్చిగ దూషణమ్ములిడి పీల్చుచు రక్తము మోడివర్యుదిన్
రచ్చను జేయు దీది కడు రంకెలు వేయగ వంగభూమినిన్
వచ్చె స్వతంత్రమంచుఁ గడు వంతను బొందిరి నేత లెల్లరున్
మీ ఆటవిడుపు పూరణ బాగున్నది. అభినందనలు.
తొలగించండి🙏
తొలగించండిమచ్చలు లేని మాత భరతాంబకు వందనమిచ్చి కొందరున్
రిప్లయితొలగించండిచొచ్చెను రాజకీయమున సొమ్ములు భక్షణజేయదల్చుచున్
పుచ్చులనేరివేయుటనమోఘమునేలెను మోడి గావునన్
వచ్చె స్వతంత్రమంచు గడు వంతను బొందిరి నేతలెల్లరున్
మీ పూరణ బాగున్నది. అభినందనలు.
తొలగించండిమొదటి పాదంలో యతి తప్పింది. చొచ్చిరి.. అనండి.
మచ్చలు లేని మా భరతమాతకు వందనమిచ్చి... అనవచ్చు.
తొలగించండినేతాజీ, బాపూజీ..
రిప్లయితొలగించండిపాత తరంబేగ, నేడు భారత భువినిన్
యాతత ధనదాహముతో
స్వాతంత్ర్యము వచ్చి యేడ్వసాగిరి నేతల్"
మీ పూరణ బాగున్నది. అభినందనలు.
తొలగించండిభువినిన్ + ఆతత... అన్నపుడు యడాగమం రాదు. భువిలో నాతత... అనండి.
ఆగస్టు 15 న ముహూర్తములు రద్దయిన సందర్భంగా ఆంధ్ర నేతల మనోభావములు
రిప్లయితొలగించండిఇచ్చెద మిండ్లకాగితము లీసును బొందగ చంద్రబాబదే
గ్రుచ్చెద క్రొత్తకాపిటలు గూల్చిపురాతన
రాజధానినిన్
తుచ్ఛపు న్యాయవాదులిట దూరము సేయగ మంచియూహలన్
వచ్చె స్వతంత్రమంచు గడువంతల నొందిరి నేతలెల్లరున్
మీ పూరణ బాగున్నది. అభినందనలు.
తొలగించండిఅన్నయ్యకు జాతీయ రాజకీయాలు... చెల్లెమ్మకు రాష్ట్ర రాజకీయాలు... బాగుంది.
ధన్యవాదములు గురుదేవా! నమస్సులు! 😊😊🙏🙏🙏
తొలగించండిక్రొవ్విడి వెంకట రాజారావు:
రిప్లయితొలగించండికౌతుక మొందిరి పౌరులు
స్వాతంత్ ర్యము వచ్చి; యేడ్వసాగిరి నేతల్
జాతికి ఘాతము లొనర్చి
నీతినివిడి పొందినట్టి నిధులు వెలార్చన్.
మీ పూరణ బాగున్నది. అభినందనలు.
తొలగించండిమూడవ పాదం మూడవ గణం జగణమయింది. జాతికి ఘాత మొనర్చియు... అనండి.
క్రొవ్విడి వెంకట రాజారావు:
రిప్లయితొలగించండిఅచ్చును గూడు చందమున యందముగా జనులుల్లసిల్లెగా
వచ్చె స్వతంత్రమంచు; గడువంతల నొందిరి నేతలెల్లరున్
ఎచ్చుగ తాము మోసములనెంచి గడించిన సొత్తులన్నిటిన్
రెచ్చెడి తీరు నీప్రభుత లెస్సదనమ్మున రచ్చసేయగన్.
మీ పూరణ బాగున్నది. అభినందనలు.
తొలగించండిచందమున నందముగా జను లుల్లసిల్లగా... అనండి.
గురువు గారికి నమస్కారములు.
తొలగించండి
రిప్లయితొలగించండిఖాతరు చేయని జనులకు
నేతృత్వమెలాగు చేయ నేర్తుమటంచున్
మోతాదుకు మించి యరరె
స్వాతంత్ర్యము వచ్చి యేడ్వసాగిరి నేతల్
జిలేబి
మీ పూరణ బాగున్నది. అభినందనలు.
తొలగించండి
రిప్లయితొలగించండిఅరె భారతమాతయె బా
గరి! వచ్చె స్వతంత్రమంచుఁ గడు వంతను బొం
దిరి నేత లెల్లరున్ చి
ప్ప రిక్క వెట్టుకొని‌చూడ భండారమ్మే!
జిలేబి
మీ పూరణ బాగున్నది. అభినందనలు.
తొలగించండివచ్చె విముక్తి జాతికన పండుగ జేతురు సంతసంబునన్
రిప్లయితొలగించండియెచ్చటనైన త్యాగధను లీ వనికై తమ సర్వమిచ్చి జే
ల్జొచ్చిన గాథ తల్తుర ? నిజోత్సవమన్న యిదా ? యిటెందుకై
వచ్చె ? స్వతంత్రమంచు గడు వంతను బొందిరి నేత లెల్లరున్ !
పిచ్చి పొగడ్తలున్ బొగడ వేదికలున్, సమయాను వర్తనమున్,
తొలగించండిమెచ్చుటకన్చు మాలలును, మెత్తని మాటలు వట్టి చేతలున్,
తెచ్చిన తీపి మ్రింగ దగ తీరికతో నిట కేగెనా ? యనన్
వచ్చె స్వతంత్రమంచు గడు వంతను బొందిరి నేత లెల్లరున్
మీ రెండు పూరణలు బాగున్నవి. అభినందనలు.
తొలగించండిమొదటి పూరణలో ... సంతసంబునన్ + ఎచ్చట.. అన్నపుడు యడాగమం రాదు. సంతసంబుతో నెచ్చట... అనండి. నిజోత్సవమన్న నిదా... అని ఉండాలి.
రెండవ పూరణ మొదటి పాదంలో గణభంగం. సవరించండి.
🙏
తొలగించండి( ఇన్ని సంవత్సరాల స్వాతంత్ర్యం దేనికి
రిప్లయితొలగించండిసంకేతం ? ఏ మార్పు కోసం ? )
" కచ్చెలు రేపుచున్ మెడల
ఖండన జేసెడి నేర్పుకోసమా ?
చిచ్చుల బెట్టుచున్ మనల
జీల్చెడి దుష్టుల తీర్పుకోసమా ?
మచ్చల దెచ్చుచున్ భరత
మాతకు శోకపు గూర్పుకోసమా ?
వచ్చె స్వతంత్ర " మంచు గడు
వంతను బొందిరి నేత లెల్లరున్ .
మీ పూరణ అద్భుతంగా ఉన్నది. అభినందనలు.
తొలగించండిస్వాతంత్ర్యదినోత్సవమును
రిప్లయితొలగించండినాతతనిష్టనుజరిపెడునవకాశంబే
రీతిని కాననితరుణము
స్వాతంత్ర్యము వచ్చి యేడ్వసాగిరి నేతల్
మీ పూరణ బాగున్నది. అభినందనలు.
తొలగించండినిష్ఠను... టైపాటు.
స్వాత౦త్ర్యము తెచ్చితిమిక
రిప్లయితొలగించండిభూత౦బులు శా౦తి సౌఖ్య భోగులన౦గా
వ౦తల గూరుట చూచియు
స్వాతంత్ర్యము వచ్చి యేడ్వసాగిరి నేతల్
మీ పూరణ బాగున్నది. అభినందనలు.
తొలగించండి
రిప్లయితొలగించండిఖచ్చితమైన గాంధి యనుకాంక్షయె పెక్కుటిలంగ ధీరులై
తెచ్చిరి యొత్తిడిన్ జనులు తేకువ తోడు! బ్రిటీషువారలో
యిచ్చిరి రెండు ముక్కలు సయింపక! దేశమ సవ్యమై కదా
వచ్చె స్వతంత్రమంచుఁ గడు వంతను బొందిరి నేత లెల్లరున్!
జిలేబి
మీ పూరణ బాగున్నది. అభినందనలు.
తొలగించండిపెక్కుటిలంగ...? పిక్కటిలంగ..టైపాటా?
మాతంత్రము మాదె యనుచు
రిప్లయితొలగించండినే తంత్రము తోడ నైన నెగ్గుట కొఱకై
ధీ తంత్రము దెలియక నీ
స్వాతంత్ర్యము వఛ్చి యే డ్వ సాగిరి నేతల్
మీ పూరణ బాగున్నది. అభినందనలు.
తొలగించండితాతల కాలము నుండియు
రిప్లయితొలగించండిభీతిల్లిన నిమ్నజాతి, పేదల మరియున్
జాతిని జాగృత పరచెడు
స్వాతంత్ర్యము వచ్చి యేడ్వసాగిరి నేతల్
మీ పూరణ బాగున్నది. అభినందనలు.
తొలగించండిమైలవరపు వారి పూరణ
రిప్లయితొలగించండిసామాజికమాధ్యమప్రభావం🙏
చెచ్చెర వార్తలన్ చదివిచెప్పెడి ధోరణి వింతవింతగా
పెచ్చరిలంగ.,స్పర్ధ గొని., ప్రేక్షకసంఖ్యను పెంచ., పెద్దలన్
చచ్చుగ నూహజేయుచు
ప్రచారము జేయగ మృత్యువార్తలన్
వచ్చె స్వతంత్రమంచుఁ గడు వంతను బొందిరి నేత లెల్లరున్!!
మైలవరపు మురళీకృష్ణ వెంకటగిరి
మైలవరపు వారి పూరణ అద్భుతంగా ఉన్నది.
తొలగించండివచ్చెను వచ్చెనంచు తెగవాగెద వెక్కడవచ్చెస్వేచ్ఛయే
రిప్లయితొలగించండిమొచ్చెనునేరికిన్సుఖమునేరికిదక్కెనుభోగభాగ్యముల్
బిచ్చెమునెత్తువారలకుపేదలుసాదలునొచ్చునట్లుగా
*వచ్చె స్వతంత్రమంచుఁగడువంతను బొందిరి నేతలెల్లరున్*
కుచ్చితులైన నాయకలు కోట్లకు కోట్లు ధనమ్ముదోచుచున్
రిప్లయితొలగించండిపచ్చని పైర్లతోవెలుగు పంట పొలమ్ముల కొల్లగొట్టగా
చెచ్చెర నోట్లతో ప్రజలు చేయ పరాభవమిప్డు పేదకున్
వచ్చె స్వతంత్రమంచుఁ గడు వంతను బొందిరి నేత లెల్లరున్
పెచ్చరిలంగమద్యమునుప్రీతినిగ్రోలిరిరోగగ్రస్తులై
రిప్లయితొలగించండిచచ్చిరితెల్లవాడొకడెసంపదదోచెనునాడునేడుని
క్కచ్చిగనెల్లవారలకఖండజనాళికిదోచుకొమ్మనన్
*వచ్చె స్వతంత్రమంచుఁగడువంతను బొందిరి నేతలెల్లరున్*
15.08.2020
రిప్లయితొలగించండిఅందరికీ నమస్సులు 🙏మరియు స్వాతంత్ర దినోత్సవ శుభాకాంక్షలు🇮🇳💐🌻💐
నా పూరణ యత్నం..
*కం*
కోతలు కోయుచు చక్కగ
చేతలలో శూన్యమైన సేవలు గని మా
రాతలు మార్చండను నా
*"స్వాతంత్ర్యము వచ్చి, యేడ్వసాగిరి నేతల్"*
*కళ్యాణ్ చక్రవర్తి, ముంబాయి*
🙏✍️
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండిఈ కామెంట్‌ను రచయిత తీసివేశారు.
తొలగించండిమిత్రులారా ఇది పద్యములకు సంభందించిన బ్లాగు ఒకసారి పరిశీలన చేసి దాని ప్రకారము మీ భావమలు పద్యము లోకి మార్చి పంపగలరు
తొలగించండిఈ కామెంట్‌ను రచయిత తీసివేశారు.
తొలగించండినేటి శంకరా భరణము వారి సమస్య
రిప్లయితొలగించండిస్వాతంత్ర్యము వచ్చి యేడ్వ సాగిరి నేతల్
ఇచ్చిన పాదము కందము నా పూఱణము మహాక్కరలో
భారత దేశము స్వాతంత్ర్యము వచ్చిన తర్వాత చాలా మంది సంస్ధానాధీసులు తమ రాజ్యములను భారత దేశములో విలీనము చేయుటకు చాలా కాలము తిరుగు బాటు
చేసి చివరకు గత్యంతరము లేక సర్దార్ పటేల్ శాసించగా తప్పక తమ రాజ్యములను
విలినము అయిష్టము గా చేశారు. కాని మనసులో చాలా కాలము స్వాతంత్ర్యము వచ్కినది భారత భూమికి మా స్వేచ్చ కొల్పోయినాము కదా అని యేడ్చారు ఇది నిజ
సంఘటన.
రచ్చలన్ చేయుచు భరత దేశపు రాజులు సర్కారు సూచనలన్
మెచ్చక తిరుగుబాటు తనముతోడ మిడిసిబడ, పటేలు శాశించగా
నిచ్చ లేక సంస్ధానముల్ కలిపెగా నెదురు తెల్పక, నట స్వాతంత్ర్యము
వచ్చి యేడ్వసాగిరి నేత లెల్లరు వారి స్వేచ్చ నశించెగా ననుచున్
పూసపాటి
వత్సముడెబ్బదిమూడయె
రిప్లయితొలగించండిస్వాతంత్ర్యమువచ్చి,యేడ్వసాగిరినేతల్
కోతలపాలనలేకను
చేతలరాజ్యమ్మురాగసీమాంధ్రమునన్
నిచ్చలు రచ్చజేయుచును నేర చరిత్రులు పెచ్చుమీరుచున్
రిప్లయితొలగించండినచ్చిన రీతి దోచెడు వినాయకులందరి చేష్టలాపగన్
మెచ్చగ సజ్జనావళి, శ్రమించు పటుత్వ విధానమున్ గనన్
వచ్చె స్వతంత్రమంచు గడు వంతలబొందిరి నేతలందరున్.
హెచ్చెను రాజకీయములు నేర్పడె హక్కులు శాసనమ్ములున్
రిప్లయితొలగించండిమెచ్చిన పాలనమ్ము లవి మిక్కిలి యయ్యెను దేశమందు సం
దిచ్చునె! పూర్వమందనుసరించు విధమ్ముల? యిట్టి మార్పుతో
వచ్చె స్వతంత్రమంచుఁ గడు వంతను బొందిరి నేత లెల్లరున్
గోతులు తీసెడువారల
రిప్లయితొలగించండినేతంత్రము నాచరించి నేమార్చంగ
న్నేతీరుంగానకయే
స్వాతంత్ర్యము వచ్చి యేడ్వసాగిరి నేతల్!!
----యెనిశెట్టి గంగా ప్రసాద్.
తాతలతండ్రువకలలే
రిప్లయితొలగించండితేతలలేనివియగుటగఁజేసిరినీచుల్
నీతియుకోతిగమారగ
స్వాతంత్య్రమువచ్చియేడ్వసైగిరినేతల్
తాతలతండ్రులకలలే
తొలగించండిచేతలలేనివియగుటగఁజేసిరినీచుల్
నీతియుకోతిగమారగ
స్వాతంత్య్రమువచ్చియేడ్వసాగిరినేతల్
ఘాతుకమన గాడ్సే మన
రిప్లయితొలగించండిజాతి పితను కూల్చెనకట, జాలియె లేకన్
కోతయి హృదయము పగులగ
"స్వాతంత్ర్యము వచ్చి యేడ్వసాగిరి నేతల్"
పిచ్చిగ గంతులేయకుడి పేరుకు వచ్చిన దీ స్వతంత్ర్యమే?
రిప్లయితొలగించండిచెచ్చెర కంటితో గనుచు చేయకు గొప్పగ సంబరాలు, పో
జచ్చిరి తెల్లవార్లు,మరి, చచ్చెన దాస్యపు బుద్ధి నీ మదిన్??
*వచ్చె స్వతంత్రమంచుఁగడువంతను బొందిరి నేతలెల్లరున్*
రామ్ కిడాంబి
ఈ కామెంట్‌ను రచయిత తీసివేశారు.
రిప్లయితొలగించండిఇచ్చనుసంతసిల్లెబ్రజయిక్కటులన్నియుదీర్చగావెసన్
తొలగించండివచ్చెనుస్వతంత్రమనుచు,గడువంతనుబొందిరినేతలెల్లరున్
నీచ్చటదాపురించెనికనెట్లుగవీడుటయీతనిన్ నహో
ఖచ్చితమీతనిన్దలపగాకలుదీరిననేతయేసుమా
యాతత హర్షము సెల్గఁగ
రిప్లయితొలగించండినా తరిఁ బట్టంగ లేక యాశ్చర్యముగం
జేత లుడుగంగ బోరున
స్వాతంత్ర్యము వచ్చి యేడ్వఁ జాగిరి నేతల్
మెచ్చిరి పౌరు లెల్లరును మించెను మిన్నున వాద్య ఘోషయే
నచ్చిన రీతి నాట్యములు నారుల తోడుతఁ జేసి రింపుగా
నచ్చపుఁ గేతు రాజముల నారసి వీనిని నిల్పు టెట్లు నా
వచ్చె స్వతంత్రమంచుఁ గడు వంతను బొందిరి నేత లెల్లరున్
[అప్పటి నేత లెల్లరు ధర్మాత్ములే]
బూతులె నీతులు కాగా
రిప్లయితొలగించండికోతుల వలె నేతలు దిగఁ కొట్లాటలకున్,
వాతలు బెట్టిరి జనులిక
స్వాతంత్ర్యము వచ్చి, యేడ్వసాగిరి నేతల్
.............శంకరాభరణం.........
రిప్లయితొలగించండి15/08/2020...శనివారం
సమస్య
*** **
వచ్చె స్వతంత్రమంచు గడు వంతను బొందిరి నేత లెల్లరున్
నా పూరణ. ఉ.మా.
**** *****
పెచ్చుగ బేదలైరి నిరు పేదలు బీదలు రోజురోజుకున్
హెచ్చగ భాగ్యవంతులయిరీ భువి శ్రీలులు నంతకంతకున్
మెచ్చెడు రీతి మార్పులవి మేలుగ లేవని పల్కి..,యిందుకా
వచ్చె స్వతంత్రమంచు గడు వంతను బొందిరి నేత లెల్లరున్
-- 🌱 ఆకుల శాంతి భూషణ్ 🌱
🌷 వనపర్తి🌷
ఉ:
రిప్లయితొలగించండితొచ్చెము లెంచుచున్ బ్రిటిషు దోపిడి దారులె సక్రమంబనన్
రెచ్చిన శక్తికోర్చి కడు లెక్కకు మిక్కిలి కూడబెట్టుచున్
హెచ్చులు బల్కరే తుదకు హేళన భావము గుమ్మరించుచున్
వచ్చె స్వతంత్ర్య మంచు గడు వంతను బొందిరి నేతలెల్లరున్
వై. చంద్రశేఖర్
పెచ్చు చరిత్ర గాథలను పిల్లల కోసము సిద్ధపర్చిరే
రిప్లయితొలగించండికుచ్చితు లైన తెల్లదొర కూటమినెల్లను ప్రారద్రోలగా
వచ్చె స్వతంత్రమంచు, కడు వంతన బొందిరి నేతలెల్లరున్
మ్రుచ్చిల వచ్చినట్టి ఖలు మూర్ఖుల పాలన యందు నాడిటన్.
నీతికి తిలోదకములిడి
రిప్లయితొలగించండిజాతిని దోచుకొన జూడ చైతన్యముతో
నీ తరపు ప్రజ లెదుర వా
క్స్వాతంత్ర్యము వచ్చి యేడ్వసాగిరి నేతల్ !
ఏతంబెత్తిన బడుగులు
రిప్లయితొలగించండిస్వాతంత్య్రమువచ్చిఏడ్వ సాగిరి, నేతల్
పాతంబగు నీతివిలువ
శాతంబును బెంచ సాగు చర్యలు గనుడీ.(1)
____________________________
ఘాతంబే రాజులదీ
గోతంబులు నింపుకుజను గొడవే, యిపుడున్
భాతిందగునెన్నికలై
స్వాతంత్య్రమువచ్చిఏడ్వ సాగిరి నేతల్.( 2)🙏
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండియాతనగా పాతనృపులు
రిప్లయితొలగించండిస్వాతంత్య్రమువచ్చిఏడ్వ సాగిరి, నేతల్
కోతలునేర్చిరి జనతా
నీతికినోటేసి పదవి నిచ్చునుగనుకన్. (3)
అచ్చెరువొందజేయుమదియారడిబెట్టుకరోన ఘోరముల్
రిప్లయితొలగించండినిచ్చలునప్రమత్తతయు నీడను నమ్మని రోజులొచ్చెనిం
కిచ్చటనుత్సవంబులకునేవిధి వీలు దొడంగు నిప్పుడే
వచ్చె స్వతంత్రమంచుఁ గడు వంతను బొందిరి నేత లెల్లరున్
విచ్చె ముదమ్ము జాతి కిక వేదనలన్నియు దూరమౌ నహా
రిప్లయితొలగించండివచ్చె స్వతంత్రమంచుఁ; గడు వంతను బొందిరి నేత లెల్లరున్
రెచ్చిన పౌరుషాగ్ని నవలేశము బ్రాణము లెక్క సేయకన్
మెచ్చగ దేశమంతయును మ్లేఛ్ఛుల బోరిన వారిఁ దల్చుచున్
గురుదేవులకు మరియు కవిమిత్రులకందరకూ స్వాతంత్య్ర పర్వదిన శుభాకాంక్షలు
రిప్లయితొలగించండికందం
రోతగ విలువలు మార్చఁగ
జాతి కొఱకు త్యాగులైన స్వర్గస్తులుగా
ఘాతకులమేలు కొరకని
స్వాతంత్య్రము, వచ్చి యేడ్వసాగిరి నేతల్
ఉత్పలమాల
పిచ్చిగ దేశ భక్తి గొని వేదన లోర్చుచు త్యాగచింతనన్
దెచ్చితిమయ్య! స్వేచ్ఛ యని దివ్యపదమ్మున జాలిఁ జూచుచున్
హెచ్చిన ఘాతుకమ్ముల ప్రహేలిక లల్లెడు రాక్షసాలికై
వచ్చె స్వతంత్రమంచుఁ గడు వంతను బొందిరి నేత లెల్లరున్
కం: పాతకముగ దుష్కృతుల!
రిప్లయితొలగించండిస్వాతంత్ర్యము నడ్డుకొనరి స్వార్థము కొఱకున్!
ఏతంత్రము వాడకనే!
స్వాతంత్య్రము వచ్చి యేడ్వ సాగిరి నేతల్!!